ఆస్ట్రేలియా జట్టుకు ఎంపికైన భారత సంతతి కుర్రాడు

భారత సంతతికి చెందిన విశ్వ రామ్‌కుమార్‌ అనే కుర్రాడు ఆస్ట్రేలియా అండర్‌ 19 క్రికెట్‌ జట్టుకు ఎంపికయ్యాడు. త్వరలో (సెప్టెంబర్‌) భారత్‌లో పర్యటించనున్న ఆస్ట్రేలియా జట్టుకు రామ్‌కుమార్‌ను ఎంపిక చేశారు ఆ దేశ సెలెక్టర్లు. భారత్‌ పర్యటనలో ఆసీస్‌ మూడు 50 ఓవర్ల మ్యాచ్‌లు, రెండు నాలుగు రోజుల మ్యాచ్‌లు ఆడనుంది. 

లెగ్‌ స్పిన్‌ బౌలర్‌ అయిన రామ్‌కుమార్‌ దేశవాలీ సీజన్‌లో చెప్పుకోదగ్గ ప్రదర్శనలు చేసి ఆసీస్‌ సెలెక్టర్ల దృష్టిని ఆకర్శించాడు. ఈ ఏడాది ఫిబ్రవరిలో జరిగిన అండర్‌ 19 వరల్డ్‌కప్‌లో భారత సంతతికి చెందిన మరో ఇద్దరు(హర్జస్‌ సింగ్‌, హర్కీరత్‌ బజ్వా) ఆసీస్‌ జట్టుకు ఎంపికయ్యారు. భారత్‌లో జరిగిన వరల్డ్‌కప్‌లో ఆస్ట్రేలియా విజయం సాధించింది. ఫైనల్లో భారత్‌పై 79 పరుగుల తేడాతో గెలుపొంది టైటిల్‌ ఎగరేసుకుపోయింది.

భారత పర్యటనకు ఆస్ట్రేలియా అండర్‌-19 జట్టు..
థామస్‌ బ్రౌన్‌, సైమన్‌ బడ్జ్‌, జాక్‌ కర్టన్‌, రిలే కింగ్సెల్‌, అలెక్స్‌ లీ యంగ్‌, స్టీవెన్‌ హోగన్‌, లింకన్‌ హాబ్స్‌, హ్యారీ హోయెక్స్‌ట్రా, క్రిస్టియన్‌ హోవ్‌, ఎయిడెన్‌ ఓ కానర్‌, ఓలీ ప్యాటర్సన్‌, ఓలీ పీక్‌, విశ్వ రామ్‌కుమార్‌, లాచ్లన్‌ రనాల్డో, హేడెన్‌ స్కిల్లర్‌, అడిసన్‌ షెరిఫ్‌