TV
హరారే: జింబాబ్వేతో ముగిసిన రెండో టెస్టులో పాకిస్తాన్‌ ఇన్నింగ్స్, 147 పరుగుల తేడాతో ఘన విజయం సాధించింది. తద్వారా రెండు టెస్టుల సిరీస్‌ను 2–0తో సొంతం చేసుకుంది. ఓవర్‌నైట్‌ స్కోరు 220/9తో ఆట కొనసాగించిన జింబాబ్వే ఐదు ఓవర్లు ఆడి తమ చివరి వికెట్‌కు కోల్పోయింది. ల్యూక్‌ జాంగ్వే (37)ను అవుట్‌ చేసిన షాహిన్‌ అఫ్రిది (5/52) కెరీర్‌లో అత్యుత్తమ బౌలింగ్‌ గణాంకాలు నమోదు చేయగా, హసన్‌ అలీ (5/86) కూడా పాక్‌ విజయంలో కీలక పాత్ర పోషించాడు.
ఇక డబుల్‌ సెంచరీ చేసిన ఆబిద్‌ అలీ ‘ప్లేయర్‌ ఆఫ్‌ ద మ్యాచ్‌’ గా నిలవగా... 14 వికెట్లు పడగొట్టిన హసన్‌ అలీ ‘ప్లేయర్‌ ఆఫ్‌ ద సిరీస్‌’ గా నిలిచాడు. కాగా మూడు టీ20, రెండు టెస్టు మ్యాచ్‌ల సిరీస్‌ నిమిత్తం పాకిస్తాన్‌, జింబాబ్వే పర్యటనకు వెళ్లిన విషయం తెలిసిందే. టీ20 సిరీస్‌ను 2-1, టెస్టు సిరీస్‌ను 2-0 తేడాతో పాక్‌ కైవసం చేసుకుంది.
Comments
Please login to add a commentAdd a comment