టీనేజర్ల వ్యాక్సిన్‌లో హన్మకొండ టాప్‌ 

సాక్షి, హైదరాబాద్‌: టీనేజర్లకు వ్యాక్సినేషన్‌లో హన్మకొండ రికార్డు సృష్టించింది. మంగళవారం నాటికి జిల్లాలో 15–17 ఏళ్లవారికి వ్యాక్సిన్ల పంపిణీ 100 శాతం పూర్తయింది. రాష్ట్రంలో ఈ కేటగిరీలో 100 శాతం పూర్తి చేసుకున్న తొలి జిల్లాగా నిలిచింది. జిల్లాలో 55,694 మంది టీనేజర్లకు టీకాలు అవసరమని లక్ష్యంగా నిర్ధారించగా... అంతకుమించి 101 శాతం మందికి వేశారు.

ఇప్పటివరకు 56,299 డోసులు పంపిణీ చేశారు. ఈ సందర్భంగా వైద్యారోగ్యశాఖ మంత్రి హరీశ్‌రావు హర్షం వ్యక్తం చేశారు. హన్మకొండ జిల్లా అధికారులను, సిబ్బందిని ప్రత్యేకంగా అభినందించారు. ఇతర జిల్లాలకు ఆదర్శంగా నిలిచారని ప్రశంసించారు. రాష్ట్రంలోని అన్ని జిల్లాలు ఇదే స్ఫూర్తితో వంద శాతం లక్ష్యాన్ని పూర్తి చేయాలని పిలుపునిచ్చారు.