సాక్షి, వరంగల్: దుష్టపాలన అంతమొందించి ఏడాది పాలన సందర్భంగా విజయోత్సవ సభ నిర్వహిస్తున్నామని మంత్రి కొండా సురేఖ అన్నారు. హన్మకొండ ఆర్ట్స్‌ కళాశాల మైదానంలో సభ ఏర్పాట్లను పరిశీలించిన అనంతరం మంత్రులు కొండా సురేఖ, సీతక్క మీడియాతో మాట్లాడారు.ఇందిరాగాంధీ జయంతి సందర్భంగా లక్ష మంది మహిళలతో విజయోత్సవ సభ నిర్వహిస్తున్నామని కొండా సురేఖ తెలిపారు. వరంగల్‌ను తెలంగాణకు రెండో రాజధాని కోసం అడుగులు పడుతున్నాయని ఆమె తెలిపారు. సీఎం రేవంత్ రెడ్డి వరంగల్ అభివృద్ధిపై దృష్టి సారించారు. గత ప్రభుత్వం రాష్ట్రాన్ని అప్పులపాలు చేసింది. గతంలో ఇక్కడ నిర్వహించిన రాహుల్ గాంధీ సభ విజయవంతమైంది. ఈ సభ కూడా విజయవంతం చేయాలి’’ అని కొండా సురేఖ పిలుపునిచ్చారు.బీఆర్ఎస్ పార్టీకే ఆ చరిత్ర ఉంది: మంత్రి సీతక్కబీఆర్ఎస్, బీజేపీకి రాజకీయ లబ్ధి తప్ప వేరే ఆలోచన లేదని.. అందుకే అధికారులపై దాడులు చేస్తున్నారని మంత్రి సీతక్క మండిపడ్డారు. మేము మంచి పనులు చేస్తే బీఆర్ఎస్ అడ్డుకుంటోంది. హైడ్రాకు అడ్డుపడుతున్నారు. మీరు చేసిన సకల జనుల సర్వే ఏమైంది?. లిమ్కా బుక్ రికార్డు కోసమే బీఆర్ఎస్ సకల జనుల సర్వే చేసింది. కానీ మేము చేసే కులగణన ప్రభుత్వ పథకాలు సక్రమంగా అందించడానికే. బీఆర్ఎస్ పార్టీకే మూటలు ఇచ్చిన చరిత్ర ఉంది. దేశంలో అత్యధికంగా దోచుకున్న పార్టీ బీఆర్ఎస్. మాకు మూటలు మోసే అలవాటు లేదు. వాళ్లు అధికారంలో ఉన్నప్పుడు పోలీసులను మెచ్చుకున్నారు.. ఇప్పుడు తిడుతున్నారు..కొన్ని యూట్యూబ్ ఛానెల్స్‌ పెట్టి తప్పుడు ప్రచారం చేస్తున్నారు. ప్రజలకు వాస్తవాలు తెలియజేసేందుకే వరంగల్ సభ నిర్వహిస్తున్నాం. ఉక్కు మహిళ ఇందిరా గాంధీ జయంతి సందర్భంగా ప్రగతి సభ నిర్వహిస్తున్నాం. మహిళలకు సంబంధించిన ప్రగతి నివేదిక వివరిస్తాం. ఆర్టీసీ బస్సులు కూడా మహిళలే నిర్వహించేలా సీఎం చర్యలు చేపడుతున్నారు. మహిళలను కోటీశ్వరులు చేయడమే మా లక్ష్యం. ఆరు గ్యారంటీల్లో... ఉచిత బస్సు, 200 యూనిట్ల ఉచిత విద్యుత్, రైతు రుణమాఫీ, ఆరోగ్యశ్రీ పెంపు అమలు చేశాం’’ అని సీతక్క తెలిపారు.

సాక్షి, హన్మకొండ: బీసీ డిక్లరేషన్‌ హామీలు ఏమయ్యాయి?ఎటు పోయాయి? అంటూ కాంగ్రెస్‌ సర్కార్‌ను మాజీ మంత్రి, బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ నిలదీశారు. ఆదివారం ఆయన హన్మకొండలో మాట్లాడుతూ.. ఏడాది కింద ఇదే రోజు కాంగ్రెస్‌ బీసీ డిక్లరేషన్‌ ప్రకటించింది. బీసీ డిక్లరేషన్‌ పేరిట చాలా వాగ్ధానాలు ఇచ్చారు. కొత్తవి అమలు చేయడం దేవుడెరుగు ఉన్న పథకాలు తీసేసింది.’’ అని మండిపడ్డారు.‘‘కాంగ్రెస్‌ పార్టీ బీసీలకు వెన్నుపోటు పొడిచింది. బీసీ బంధుకు రేవంత్‌రెడ్డి ప్రభుత్వం పాతర వేసింది. కుల గణన కోసం ఇళ్లకు వెళ్తున్న అధికారులను ప్రజలు నిలదీస్తున్నారు. ఆరు గ్యారెంటీలు ఏమయ్యాయని అడుగుతుంటే అధికారులు నీళ్లు నములుతున్నారు. అడ్డమైనా హామీలతో కాంగ్రెస్‌ అధికారంలోకి వచ్చింది. బీసీలకు ఇచ్చిన హామీలు నెరవేర్చిన తర్వాతే పంచాయతీ ఎన్నికలు పెట్టాలి’’ అని కేటీఆర్‌ డిమాండ్‌ చేశారు.‘‘కాంగ్రెస్ ప్రభుత్వం అధికారంలోకి వచ్చిన నాటి నుంచి పేదలను ఇబ్బందులకు గురిచేస్తోంది. బీసీ ఓట్ల కోసం.. కులగణనతో కాంగ్రెస్ కొత్త నాటకానికి తెరతీసింది. ప్రజలకు ఇచ్చిన ఒక్క హామీ కూడా కాంగ్రెస్ నెరవేర్చలేదు. బీసీ డిక్లరేషన్‌తో కాంగ్రెస్ వెన్నుపోటు పొడుస్తుంది. మహారాష్ట్రలో సీఎం రేవంత్ తెలంగాణకు 500 బోనస్ ఇచ్చామంటూ బోగస్ మాటలు మాట్లాడారు. ప్రజలకు ఇచ్చిన హామీలు నెరవేర్చే వరకు పోరాడదాం’’ అని కేటీఆర్‌ చెప్పారు.ఇదీ చదవండి: ఈ గందరగోళమేంటి ‘సర్వే’శా!

సాక్షి, హన్మకొండ: కడియం శ్రీహరి బీఆర్‌ఎస్‌ నుంచి వెళ్లిపోయాక పార్టీలో జోష్‌ పెరిగిందని, ఆయనకు గుణపాఠం చెప్పాలనే కసి కార్యకర్తల్లో కనిపిస్తోందని మాజీ మంత్రి హరీశ్‌ రావు అన్నారు. బీఆర్ఎస్ వ‌రంగ‌ల్ పార్ల‌మెంట్ విస్తృత స్థాయి స‌మావేశంలో హరీశ్‌ రావు కడియంపై మండిపడ్డారు.  ‘కడియంకు డిప్యూటీ సీఎంగా అవకాశం ఇచ్చింది బీఆర్‌ఎస్‌. కడియంపార్టీ ఎందుకు మారారో చెప్పాలి. కాంగ్రెస్‌లో కడియం ఇంకో గ్రూప్‌ పెడతారా?. ఎన్టీఆర్‌, చంద్రబాబు, కేసీఆర్‌కు వెన్నుపోటు పొడిచిన వ్యక్తి కడియం శ్రీహరి’ హరీశ్‌ రావు నిప్పులు చెరిగారు. తనకు కుమార్తెకు ఎంపీ టికెట్‌ అడిగి.. చివరి నిమిషంలో బీఆర్‌ఎస్‌కు ద్రోహం చేశారు. బీఆర్‌ఎస్‌ పార్టీ ద్వారా వచ్చిన ఎమ్మెల్యే పదవికి రాజీనామా  చేయాలని హరీష్‌ కోరారు. జనగాం ఎమ్మెల్యే పల్లా రాజేశ్వర్‌రెడ్డి మాట్లాడుతూ.. ‘కావ్య  మా నాన్న(కడియం) బ్రాండ్‌ అంటోంది.. వెన్నుపోటు పొడవ​టంలోనా బ్రాండా? ఎన్టీఆర్‌, చంద్రబాబు, కేసీఆర్‌కు వెన్నుపోటు పొడిచిన వ్యక్తి కడియం. ఆరూరి​ రమేష్‌, పసునూరి దయాకర్‌ను వెళ్లగొట్టిందే కడియం. కడియం లాంటి ద్రోహులను ప్రజలు క్షమించరు. కడియం ఎమ్మెల్యే పదవికి రాజీనామా చేయాలి’అని పల్లా మండిపడ్డారు.

సాక్షి, హనుమకొండ: కాజీపేట్‌ రైల్వేస్టేషన్ యార్డులో అగ్నిప్రమాదం చోటుచేసుకుంది. రిపేర్ కోసం నిలిపిన రైల్ బోగీ నుండి ఒక్కసారిగా  మంటలు చెలరేగాయి. అధికారులు, సిబ్బంది భయాందోళనకు గురయ్యారు. ఫైర్ సిబ్బంది ఘటనా స్థలానికి చేరుకొని వెంటనే మంటలు అదుపు చేశారు. ఎటువంటి ప్రాణాపాయం లేకపోవడంతో అధికారులు ఊపిరి పీల్చుకున్నారు. ప్రమాదంపై విచారణ చేస్తున్నమని పోలీసులు తెలిపారు.

సాక్షి, హసన్‌పర్తి: హన్మకొండ జిల్లాలోని ఎస్‌ఆర్‌ యూనివర్సిటీలో విద్యార్థిని ఆత్మహత్య చేసుకోవడం తీవ్ర కలకలం సృష్టించింది. బీఎస్సీ అగ్రికల్చర్‌ విద్యార్థిని దీప్తి హాస్టల్‌ రూమ్‌లో సూసైడ్‌ చేసుకుంది. ఇక, ఆమె ఆత్మహత్యకు ప్రేమ, పరీక్షల ఫలితాలే కారణమని తెలుస్తోంది.  వివరాల ప్రకారం.. హన్మకొండలోని ఎస్‌ఆర్‌ యూనివర్సిటీలో బీఎస్సీ అగ్రికల్చర్‌ చదువుతున్న దీప్తి ఆత్మహత్య చేసుకుంది. అయితే, దీప్తి తన క్లాస్‌మేట్‌ వ్యక్తిని ప్రేమిస్తున్నట్టు తోటీ విద్యార్థులు చెబుతున్నారు. కాగా, ఇటీవలే వీరి మధ్య గొడవలు కావడం, ఇటీవల వచ్చిన పరీక్ష ఫలితాల్లో ఒక్క సబ్జెక్ట్‌లోనే పాస్‌ అవడంతో తీవ్ర మనస్థాపానికి గురైనట్టు తెలుస్తోంది. ఈ క్రమంలో దీప్తి ఆత్మహత్య చేసుకున్నట్టు పోలీసులు భావిస్తున్నారు. ఇక, ఆమె ఆత్మహత్య యూనివర్సిటీలలో కలకలం సృష్టించింది. ఘటనా స్థలానికి చేరుకున్న పోలీసులు కేసు నమోదు చేసి దర్యాప్తు చేపట్టినట్టు తెలిపారు.

హనుమకొండ, సాక్షి: జిల్లా రహదారి నెత్తురోడింది. శుక్రవారం తెల్లవారుజామున ఎల్కతుర్తి మండలం పెంచికల్ పేట శివారులో ఘోర ప్రమాదం జరిగింది. ఇసుక లారీ ఎదురుగా వస్తున్న కారును ఢీకొట్టడంతో నలుగురు మృతి చెందారు. గాయపడిన వాళ్లను వరంగల్‌ ఎంజీఎం తరలించి చికిత్స అందిస్తున్నారు.  వీళ్లంతా ఏటూరునాగారంకు చెందిన ఒకే కుటుంబంగా నిర్ధారణ అయ్యింది. దైవదర్శనం కోసం శంకర్‌ తన కుటుంబ సభ్యులతో కలిసి వేములవాడకు వెళ్తుండగా ఈ దుర్ఘటన జరిగింది. మృతదేహాల్ని ఎంజీఎం మార్చురీకి తరలించి పోలీసులు ఘటనపై దర్యాప్తు చేపట్టారు.  మృతులు మంతెన కాంతయ్య(72) మంతెన శంకర్(60) మంతెన భారత్(29) మంతెన చందన(16) చికిత్స పొందుతున్నవాళ్లు మంతెన రేణుక(60) మంతెన భార్గవ్(30) మంతెన శ్రీదేవి(50)  

సాక్షి, హన్మకొండ: అతి వేగంగా ప్రమాదకరమని పోలీసులు హెచ్చరిస్తున్నా కొందరు మాత్రం వినిపించుకోవడం లేదు. హైస్పీడ్‌తో వాహనాలను నడుపుతూ అమాయకుల ప్రాణాలను తీస్తున్నారు. తాజాగా, ఓ సీఐ కొడుకు ర్యాష్‌ డ్రైవింగ్‌ కారణంగా నడిరోడ్డుపై ఓ మహిళ మృతిచెందింది. అయితే, ఉన్నతాధికారి కొడుకు నిందితుడు కావడంతో పోలీసులు అతడిని కాపాడే ప్రయత్నం చేస్తున్నట్టు బాధితుడు ఆవేదన వ్యక్తం చేస్తున్నాడు.  వివరాల ప్రకారం.. హన్మకొండ జిల్లాలోని కాజీపేట కేంద్రంలో సెయింట్‌ గ్యాబ్రియల్‌ స్కూల్‌ వద్ద కవిత బైక్‌ ఎక్కబోతుండగా ఓ కారు హైస్పీడ్‌లో వచ్చి ఆమెను ఢీకొట్టింది. ఎక్సైజ్‌ సీఐ శరత్‌ కొడుకు వంశీ TS03 FA9881 నెంబర్‌ కారును అధిక వేగంతో డ్రైవ్‌ చేసి రాంగ్‌ సైడ్‌లో బైక్‌ను ఓవర్‌టేక్‌ చేయబోయాడు. ఈ క్రమంలో రోడ్డు పక్కనే మాట్లాడున్న కవితను కారు బలంగా ఢీకొట్టడంతో ఆమె అక్కడికక్కడే మృతిచెందింది.  #JustIn Kazipet road accident!@HiWarangal @TriCityWarangal pic.twitter.com/hY54Ts8LNj — Fasi Adeeb🇮🇳 (@fasi_adeeb) December 1, 2023 అయితే, ఈ ప్రమాదంలో నిందితుడి వంశీపై చర్యలు తీసుకోవాలని కవిత కుటుంబ సభ్యులు పోలీసు స్టేషన్‌ చుట్టూ తిరుగుతున్నా పోలీసులు పట్టించుకోవడంలేదని ఆవేదన వ్యక్తం చేశాడు. అంతేకాకుండా వంశీని ఈ కేసు నుంచి కాపాడేందుకు పోలీసులు ప్రయత్నిస్తున్నారని అన్నాడు. దీంతో, నిన్నటి నుండి పోలీస్ స్టేషన్ చుట్టూ తిరుగుతున్నా తమకు న్యాయం చేయడం లేదని మృతురాలి బంధువుల ఆందోళనకు దిగారు. తమకు న్యాయం చేయాలని ఫాతిమా నగర్ జంక్షన్‌లో ధర్నా చేశారు. దీంతో, రోడ్డుపై భారీగా ట్రాఫిక్ జామ్ అయ్యింది. ఇక, కవితకు వివాహం కాగా, ఇద్దరు కుమార్తెలు ఉన్నట్టు సమాచారం.  

సాక్షి, వరంగల్‌: కొంతకాలంగా గుండె సమస్యతో బాధపడుతూ ఆస్పత్రిలో చికిత్స పొందుతున్న సీనియర్‌ నటుడు చంద్రమోహన్‌ శనివారం కన్నుమూశారు. అందరికీ ఆత్మీయుడైన చంద్రమోహన్‌కు ఉమ్మడి వరంగల్‌ జిల్లాతో విడదీయలేని అనుబంధం ఉంది. రంగస్థల కళాకారుడు, డిప్యూటీ డీఈఓ బూర విద్యాసాగర్‌గౌడ్‌ అధ్యక్షతన 1993లో వరంగల్‌ నటరాజ ఆర్ట్స్‌ థియేటర్‌ ఆధ్వర్యంలో కాకతీయ మెడికల్‌ కాలేజీ ఆడిటోరియంలో నిర్వహించిన సాంస్కృతిక కార్యక్రమానికి చంద్రమోహన్‌ హాజరయ్యారు. ఈ సందర్భంగా నిర్వహించిన ఓ నాటిక ప్రదర్శనలో ప్రధాన పాత్ర పోషించారు. ఆయనతో పాటు నటులు రాళ్లపల్లి, పీజేశర్మ, సాయికుమార్‌, నటి కిన్నెర, వందేమాతరం శ్రీనివాస్‌ నటించారు. చంద్రమోహన్‌తో కలిసి భోజనం చేస్తున్న మైక్రో ఆర్టిస్ట్‌ అజయ్‌కుమార్‌ (ఫైల్‌) ఈ మేరకు రంగస్థల కళాకారుడు బూరవిద్యాసాగర్‌ గౌడ్‌, మైక్రోఆర్టిస్ట్‌ మట్టెవాడ అజయ్‌కుమార్‌, ఓరుగల్లు శారదానాట్యమండలి నిర్వాహకుడు జేఎన్‌ శర్మ, పద్యనాటక కళాకారుడు జూలూరు నాగరాజు, ఫ్రెండ్స్‌ కల్చరల్‌ సొసైటీ నిర్వాహకుడు బిటవరం శ్రీధరస్వామి, జేబీ కల్చరల్‌ సొసైటీ జడల శివ తదితరులు చంద్రమోహన్‌ మృతి పట్ల సంతాపం తెలిపారు. కాగా, ఏ పాత్రనైనా అవలీలగా పోషించగల నటుడు చంద్రమోహన్‌ అడుగు ఎత్తుంటే సినీ ఇండస్ట్రీని ఏలే వారని మహానటుడు ఎన్టీఆర్‌తో పాటు పలువురు సీనియర్‌ నటులు ప్రశంసించారని, చంద్రమోహన్‌కు నాటకాలంటే ప్రాణమని వరంగల్‌కు చెందిన కళాకారులు గుర్తు చేసుకున్నారు.

సాక్షి, హనుమకొండ/మంచిర్యాల: ఆర్థిక లావాదేవీల వ్యవహారంతో ఓ పోలీస్‌ కానిస్టేబుల్‌ తన అత్తను రివాల్వర్‌తో కాల్చి చంపిన ఘటన హనుమకొండలో కలకలం రేపింది. అయితే.. ఈ కేసు దర్యాప్తులో ఇప్పుడు కీలక విషయం వెలుగు చూసింది. సివిల్‌ కానిస్టేబుల్‌గా పని చేస్తున్న ప్రసాద్‌..  ఎస్సై రివాల్వర్‌ను కాజేసి మరీ ఘాతుకానికి పాల్పడినట్లు పోలీసులు నిర్ధారించారు.  హనుమకొండ జిల్లా గుండ్లసింగారం ఇందిరమ్మ కాలనీలో కమలమ్మ కుటుంబం నివాసం ఉంటోంది. ఆమె కూతురు రమాదేవిని  ప్రసాద్‌కు ఇచ్చి వివాహం చేశారు. ప్రసాద్‌-రమాదేవికి ఇద్దరు కూతుళ్లు. రామగుండం పోలీస్  కమీషనరేట్ పరిధిలో కానిస్టేబుల్‌గా ప్రసాద్‌ విధులు నిర్వహిస్తున్నాడు. అయితే.. గురువారం ఉదయం మంచిర్యాల నుంచి హనుమకొండలోని అత్తింటికి వచ్చిన ప్రసాద్‌.. కమలమ్మపై ఉన్నట్లుండి కాల్పులకు దిగాడు. ఒక రౌండ్‌ కాల్పులు జరగ్గా.. ఆమె అక్కడిక్కడే మృతి చెందింది. ఆపై భార్యాకూతురిపైనా దాడికి యత్నించిన ప్రసాద్‌ను స్థానికులు అడ్డుకుని చితకబాదారు. గాయపడిన ప్రసాద్‌ను చికిత్స కోసం ఎంజీఎంకు తరలించారు. అతని పరిస్థితి నిలకడగానే ఉందని వైద్యులు చెబుతున్నారు.  డబ్బుల విషయంలో గొడవ పెద్దదై.. కుటుంబ కలహాలతో పాటు.. ఆర్థిక లావాదేవీలు ఈ నేరానికి కారణమని తెలుస్తోంది. ప్రసాద్‌ కమలమ్మకు రూ.4 లక్షల రూపాయలు అప్పుగా ఇచ్చాడు. ఆ డబ్బు విషయంలోనే ప్రధానంగా ఇద్దరి మధ్య వాగ్వాదం జరిగినట్లు తెలుస్తోంది. ఈ క్రమంలోనే అప్పటికే తన వెంట తెచ్చుకున్న తుపాకీతో కమలమ్మపై ప్రసాద్‌ కాల్పులు జరిపాడని సెంట్రల్ జోన్ డీసీపీ ఎంఏ బారీ చెబుతున్నారు. నా భర్తను చంపేయండి భర్త ప్రసాద్‌ నిత్యం తాగొచ్చి గొడవ పడడంతో.. తాను పుట్టింటికి వచ్చేశానని రమాదేవి చెబుతోంది. వారం కిందట భర్తపై పోలీసులకు ఫిర్యాదు చేసినా.. ఉన్నతాధికారులు ఎలాంటి చర్యలు తీసుకోలేదని ఆరోపిస్తోంది. ఉదయం పదిన్నర గంటలకు ఇంటికి వచ్చిన ప్రసాద్‌.. తన కళ్ల ముందే తల్లిని కాల్చి చంపినట్లు రమాదేవి చెప్పింది. అది చూసిన తనపై, తన కూతురిపైనా ప్రసాద్‌ దాడికి యత్నించాడని తెలిపిందామె. అయితే.. ప్రసాద్‌ బతకడానికి అర్హుడు కాడని.. అతన్ని చంపేయాలని రమాదేవి కన్నీటి పర్యంతం అయ్యింది. ‘‘నా భర్త పచ్చి తాగుబోతు. నిత్యం తాగొచ్చి వేధిస్తున్నాడనే పుట్టింటికి వచ్చేశా. ఇవాళ ఇంటికి వచ్చి నా తల్లిని పంచాడు. టవల్‌తో ఉరేసి చంపాలనుకున్నానని.. కానీ, స్థానికులు నన్ను అడ్డుకున్నారు. సివిల్‌ కానిస్టేబుల్‌ అయిన ప్రసాద్‌కు సర్వీస్‌ రివాల్వర్‌ ఎక్కడి నుంచి వచ్చింది?.. ఈ ఘటనలో అధికారుల నిర్లక్ష్యమూ ఉన్నట్లు స్పష్టమవుతోంది’’ అని ప్రసాద్‌ భార్య రమాదేవి అంటోంది.   ఉన్నతాధికారుల సీరియస్‌ కానిస్టేబుల్ ప్రసాద్ కాల్పుల ఘటనపై విచారణ జరుగుతోంది. సంఘటన స్థలాన్ని సెంట్రల్ జోన్ డీసీపీ ఎంఏ బారీ సందర్శించారు. అయితే పేలిన తూటా గొట్టం కోసం క్లూస్ టీం ఇంకా గాలింపు జరుపుతోంది. మరోవైపు సివిల్స్ కానిస్టేబుల్ ప్రసాద్కు సర్వీస్‌ రివాల్వర్ ఎలా వచ్చిందనే విషయంపై జరిపిన విచారణలో కీలక విషయం బయటపడింది.  కోటపల్లి స్టేషన్ లో ‌ఎస్సై  సురేష్  రివాల్వర్  కానిస్టేబుల్ ప్రసాద్‌ దొంగతనం చేసినట్లు తేలింది. గత రాత్రి తుపాకీని దొంగిలించి.. తన వెంట హనుమకొండకు తీసుకెళ్లాడు ప్రసాద్‌. ఆ రివాల్వర్‌తోనే కమలను కాల్చి చంపాడు.  దీంతో రివాల్వర్‌ చోరీ ఘటనపై ఉన్నతాధికారులు సీరియస్‌ అయ్యారు. పోలీస్‌ స్టేషన్‌లోనే ఈ చోరీ ఘటనపై విచారణ చేపట్టినట్లు తెలుస్తోంది. ఈ ఘటనపై చట్టప్రకారం చర్యలు తీసుకుంటామని ఉన్నతాధికారులు అంటున్నారు.

హన్మకొండ: వరంగల్‌ పశ్చిమ ఎమ్మెల్యే క్యాంపు కార్యాలయ ముట్టడి ఉద్రిక్తత పరిస్థితులకు దారితీసింది. బీఆర్‌ఎస్, బీజేపీ నాయకులు కర్రలు, రాళ్లతో పరస్పర దాడులు చేసుకోవడంతో బీజేపీ కార్యకర్తలతోపాటు, పోలీసులకు గాయాలయ్యా­యి. పేదలకు డబుల్‌ బెడ్రూం ఇళ్లు ఇవ్వాలని డిమాండ్‌ చేస్తూ బీజేపీ గురువారం హనుమకొండ బాలసముద్రంలోని వరంగల్‌ పశ్చిమ ఎమ్మెల్యే, రాష్ట్ర ప్రభుత్వ చీఫ్‌విప్‌ దాస్యం వినయ్‌భాస్కర్‌ క్యాంపు కార్యాలయ ముట్టడికి పిలుపునిచ్చిది. దీంతో పోలీసులు క్యాంపు కార్యాలయానికి వెళ్లే రోడ్లు ముళ్ల కంచెతో మూసివేశారు. బీజేపీ రాష్ట్ర అధికార ప్రతినిధి ఏనుగుల రాకేష్ రెడ్డి నేతృత్వంలో పార్టీనేతలు, కార్యకర్తలు క్యాంపు కార్యాలయ సమీపానికి చేరుకున్నారు. అయితే అప్పటికే బీఆర్‌ఎస్‌ కార్యకర్తలు క్యాంపు కార్యాలయానికి వచ్చారు. బీజేపీ నాయకులు, కార్యకర్తలు ముళ్లకంచె వరకు చేరుకుని నినాదాలు చేస్తుండగా బీఆర్‌ఎస్‌ కార్యకర్తలు కర్రలతో దాడికి దిగడంతో, బీజేపీ కార్యకర్తలు ఆ కర్రలను లాక్కొని ప్రతి దాడికి దిగారు. దీంతో బీఆర్‌ఎస్‌ కార్యకర్తలు రాళ్ల దాడికి పూనుకోగా బీజేపీ కార్యకర్తలు సైతం రాళ్లతో దాడి చేయడం మొదలు పెట్టారు. ఈ క్రమంలో పోలీసులతో పాటు, బీజేపీ కార్యకర్తలకు గాయాలయ్యాయి. అ­నం­తరం పోలీసులు ఇరువర్గాలను చెదరగొట్టారు. బీజేపీ నాయకులు, కార్యకర్తలను ఆరెస్టు చేశారు.  బీజేపీ జిల్లా అధ్యక్షురాలు రావు పద్మకి గాయాలు   అంతకు ముందు హనుమకొండ హంటర్‌ రోడ్డులోని బీజేపీ జిల్లా అధ్యక్షురాలు రావు పద్మ క్యాంపు కార్యాలయం ఎదుట ఉద్రిక్త పరిస్థితులు నెలకొన్నాయి. చీఫ్‌విప్‌ క్యాంపు కార్యాలయ ముట్టడికి వస్తున్న పద్మను పోలీసులు అడ్డుకున్న క్రమంలో జరిగిన తోపులాటలో ఆమె స్పృహ తప్పి పడిపోయారు. పోలీసులు పద్మను జుట్టు పట్టి లాగడంతో మెడకు, చేతికి గాయమైంది. అనంతరం పద్మతో పాటు నాయకులు, కార్యకర్తలను ధర్మాసాగర్‌ పోలీస్‌స్టేషన్‌కు తరలించారు.

జిల్లాల పునఃర్విభజనతో ఏర్పడిన హనుమకొండ జిల్లా కేంద్రంగా ఉన్న వరంగల్ పశ్చిమ నియోజకవర్గంలో బిన్నరాజకీయ పరిస్థితులు నెలకొన్నాయి. అధికార పార్టీకి ధీటుగా ప్రధాన ప్రతిపక్ష పార్టీలైన బీజేపీ, కాంగ్రెస్ పార్టీలు మారుతున్నాయి. బీజేపీ, కాంగ్రెస్ జిల్లా అధ్యక్షులే పశ్చిమ నియోజకవర్గం నుంచి వచ్చే ఎన్నికల్లో అదృష్ట్యాన్ని పరీక్షించుకునే పనిలో నిమగ్నమయ్యారు. ఎన్నికలను ప్రభావితం చేసే కీలక అంశాలు : వరంగల్ పశ్చిమ నియోజకవర్గం నగరంలోని హన్మకొండ కాజీపేట ప్రాంతాలను కలుపుకుని ఉంది. కాకతీయుల నాటి చెరువులు కుంటలు కబ్జాకు గురికావడంతో వర్షం వస్తే వణుకుపుట్టించేలా వరదలు ముంచెత్తడం.. సరైన డ్రైనేజీ వ్యవస్థ లేకపోవడం, స్మార్ట్ సిటిగా పేరొందినప్పటికి మాస్టర్ ప్లాన్ అమలు కాకపోవడం, నిలువనీడలేని నిరుపేదలకు డబుల్ బెడ్‌రూం ఇళ్ళు అందకపోవడం.. కాజీపేట కోచ్ ఫ్యాక్టరీ హామీ అమలుకు నోచుకోకపోవడం వంటి అనేక సమస్యలు నగర ప్రజలను పట్టిపీడిస్తున్నాయి. విద్యావంతులు మేధావులు, రాజకీయ నేతలకు నిలయంగా ఉన్న హన్మకొండ రాజకీయం ప్రత్యేకతను చాటుకుంటుంది. ఉమ్మడి జిల్లాలో ఏ నియోజకవర్గానికి ప్రాతినిధ్యం వహించే నేతలైనా, అధికారులైనా వారి నివాసాలు వరంగల్ పశ్చిమ నియోజకవర్గ కేంద్రమైన హన్మకొండలోనే ఉన్నాయి. కానీ సమస్యలకు పుట్టినిల్లుగా అనేక సమస్యలతో నియోజకవర్గ ప్రజలు ఇబ్బంది పడుతున్నారు. ప్రధాన పార్టీల అభ్యర్థులు : బీఆర్‌ఎస్‌  దాస్యం వినయ్ భాస్కర్ (సిట్టింగ్‌ ఎమ్మెల్యే) కాంగ్రెస్‌ నాయిని రాజేందర్‌రెడ్డి  జంగా రాఘవరెడ్డి బీజేపీ రావు పద్మ ఏనుగుల రాకేష్‌ ధర్మారావు వృత్తిపరంగా ఓటర్లు  వరంగల్ పశ్చిమ నియోజకవర్గం పూర్తిగా నగర ప్రాంతం కావడంతో ఉద్యోగులు వ్యాపారులు ఎక్కువగా ఉంటారు. శివారు కాలనీల్లోరైతులు ఉన్నప్పటికి వారిప్రభావం పెద్దగా ఉండదు.  మతం/కులం పరంగా ఓటర్లు హిందువులు ఎక్కువగా ఉంటారు. బిసి జనాబా ఎక్కువగా ఉంది. 30 వేల మంది రెడ్డి ఓటర్లు ఉంటారు. ఎన్నికల్లో రెడ్డి ఓట్లు కీలకంగా మారుతాయి. నియోజకవర్గం గురించిన ఆసక్తికర అంశాలు : గ్రేటర్ వరంగల్ పరిధిలోని పశ్చిమ నియోజకవర్గం అధికార పార్టీ బిఆర్ఎస్కు కలిసొచ్చే స్థానంగా చెప్పుకోవాలి. పశ్చిమ నుంచి అసెంబ్లీకి ప్రాతినిధ్యం వహిస్తున్న దాస్యం వినయ్ భాస్కర్ ఇప్పటికే నాలుగుసార్లు గెలిచి ఐదోసారి తన అదృష్టాన్ని పరీక్షించుకోబోతున్నారు. పశ్చిమలో మూడు ప్రధాన పార్టీలు బీఆర్ఎస్, కాంగ్రెస్, బీజేపీ మధ్య పోటీ ఉన్నప్పటికీ బీఆర్ఎస్ హవానే కొనసాగే పరిస్థితులు ఉన్నాయి. 2009 నుంచి టీఆర్ఎస్‌కు పశ్చిమలో వినయ్ భాస్కర్ తప్ప మరో వ్యక్తి లేడనే చెప్పాలి. బీఆర్ఎస్‌ నుంచి వినయ్‌ భాస్కర్‌కు టికెట్‌ దక్కింది. ప్రస్తుతం ప్రభుత్వ చీప్ విప్‌గా హన్మకొండ జిల్లా బీఆర్ఎస్ అధ్యక్షులుగా కొనసాగుతున్నారు. పదవులకు తోడు కాంగ్రెస్, బిజేపిలోని గ్రూప్ రాజకీయాలు వినయ్ భాస్కర్‌కు అనుకూలంగా మారుతున్నాయి. హంగు ఆర్బాటం లేకుండా అందరితో కలివిడిగా ఉండే వినయ్ భాస్కర్‌కు ప్లస్ పాయింట్‌గా మారుతుంది. ప్రత్యర్థి పార్టీలోని గ్రూప్ రాజకీయాలు ఆయనకు కొండంత అండగా నిలువనున్నాయి. అయితే వచ్చే ఎన్నికలు వినయ్ భాస్కర్కి అంత ఈజీగా ఉండవన్న చర్చ ప్రజల్లో సాగుతుంది. అభివృద్ది సంక్షేమం విషయంలో నియోజకవర్గంలో వేలాది కోట్ల రూపాయల పనులు నగరంలో జరిగినప్పటికి ఇంకా కొన్ని పనులు పెండింగ్లోనే ఉన్నాయి. అభివృద్ది సంక్షేమ ఫలాలు కొందరికే పరిమితం కావడంతో వినయ్ భాస్కర్కు మైనస్‌గాగా మారుతుంది. బాల సముద్రంలో డబుల్ బెడ్‌రూం ఇళ్ళ నిర్మాణం పూర్తై రెండేళ్ళు కావస్తున్న ఇంకా లబ్దిదారులకు అప్పగించకపోవడతో గృహ ప్రవేశం కాక ముందే ఆ ఇళ్లు శిథిలావస్థకు చేరుకుంటున్నాయి. లబ్దిదారులకు అప్పగించకపోవడానికి ప్రధాన కారణం నిర్మించిన ఇళ్ళు 596 అయితే లబ్దిదారులు ఐదు వేలకుపైగా ఉండడంతో లబ్దిపొందేవారికంటే ఇళ్ళ కెటాయింపు జరిగితే శత్రువులుగా మారే వారే ఎక్కువగా ఉన్నారు. దీంతో లబ్దిదారుల ఎంపికలో ఆలస్యం అవుతుంది. 31వ డివిజన్ శాయంపేటలో మరికొన్ని డబుల్ బెడ్రూమ్ ఇళ్ళు నిర్మాణ దశలోనే ఉన్నాయి. ఆలస్యం అమృతం విషం అన్నట్లుగా డబుల్ బెడ్రూమ్ ఇళ్ళ నిర్మాణం.. అప్పగింతలో ఆలస్యం అవడంతో కమ్యూనిష్టులతోపాటు కాంగ్రెస్ పార్టీ ఆందోళన బాట పట్టింది. కమ్యూనిష్టులు ఏకంగా నగర శివారులోని ప్రభుత్వ భూముల్లో పేదలతో గుడిసెలు వేయించారు. నగరంలో నిలువ నీడ లేని నిరుపేదలకు ఇళ్ళ స్థలాలు కెటాయించి డబుల్ బెడ్రూమ్ ఇళ్ళ నిర్మాణానికి నిధులు మంజూరు చేయాలని డిమాండ్ చేస్తున్నారు. మరో వైపు కాజీపేట కోచ్ ప్యాక్టరీ హామీ నెరవేరకపోవడం, కాజీపేట రైల్వే ఓవర్ బ్రిడ్జి పనులు, పోతన కళాక్షేత్రం పనులు, చారిత్రాత్మకమైన వేయి స్థంబాల గుడి కళ్యాణమండపం పనులు మూడు అడుగులు మందుకు ఆరు అడుగులు వెనక్కి అన్న చందంగా ఏళ్ళ తరబడి కొనసాగుతూనే ఉండడం అందరిని ఆందోళనకు గురిచేస్తుంది. భద్రకాళి అమ్మవారి ఆశిస్సులతో భద్రకాళి బండ్ పనులు పూర్తై ప్రజల వినియోగంలోకి రాగ ఆలయ మాడవీదుల పనులకు ఇటీవల శ్రీకారం చుట్టారు.  చేపట్టిన పనులు సకాలంలో పూర్తై డబుల్ బెడ్రూమ్ ఇళ్ళు అర్హులైన వారందరికి అందితే ఇక వినయ్ భాస్కర్ విజయానికి తిరుగేఉండదనే అభిప్రాయం వ్యక్తమవుతుంది.  రాజకీయానికి సంబంధించి ఇతర ఏవైనా అంశాలు : వరంగల్ పశ్చిమ నియోజకవర్గంలో మూడు ప్రధాన పార్టీల మధ్యనే పోటీ నెలకొని ఉంటుంది. బీఆర్ఎస్ సిట్టింగ్‌ల ఎమ్మెల్యే దాస్యం వినయ్‌ భాస్కర్‌కు టికెట్‌ వరించడంతో ఎన్నికలు మరింత ఆసక్తిగా మారాయి. ఇక కాంగ్రెస్, బీజేపీలోని గ్రూప్ రాజకీయాలు అంతర్గత విబేధాలతో పోటీపడే వారు ఎక్కువ మంది ఉండడంతో వారిలోని పోటీ తత్వం గ్రూప్ రాజకీయాలు ఆ పార్టీల కొంపముంచే అవకాశాలున్నాయని ఓరుగల్లు ప్రజలు భావిస్తున్నారు. ఆయా పార్టీల నుంచి టిక్కెట్ ఆశిస్తున్నవారు చివరిక్షణంలో టిక్కెట్ దక్కకుంటే పార్టీ మారే అవకాశాలు సైతం లేకపోలేదని ప్రచారం సాగుతుంది. కాంగ్రెస్, బిజేపి లోని అనైక్యత బిఆర్ఎస్ కు కలిసొచ్చే అవకాశాలు మెండుకా ఉన్నాయి. అదే జరిగితే వరంగల్ పశ్చిమలో కారుజోరు బ్రేక్‌లులు ఉండవని రాజకీయ విశ్లేషకులు భావిస్తున్నారు.  నియోజకవర్గంలో భౌగోళిక పరిస్థితులు..  వరంగల్ పశ్చిమ నియోజకవర్గంలో కొండలు అడవులులేవు ఆలయాలు మాత్రం కాకతీయులు నిర్మించిన వేయిస్థంభాల గుడి, భద్రకాళి అమ్మవారు ఆలయం ఉంది. పర్యాటకులను ఆకర్శించేలా వేయిస్థంభాల గుడి ఉంది. భద్రకాళి బండ్ ఏర్పాటు చేశారు. 

ఆడుతూ పాడుతూ అల్లరి చేయాల్సిన ఆ చిన్నారిని మృత్యువు వీధి కుక్కల రూపంలో వెంటాడింది. ఆపై గాయాలతో ఆస్పత్రిలో చేరాడు. తనకు ఏం జరుగుతుందో అర్థం కాక.. అక్కడా అయినవాళ్ల నడుమ ఆడుకుంటూ కనిపించాడు. కానీ, విధి మరొకటి తలిచింది. ఆస్పత్రిలో చికిత్స పొందుతూ చిన్నారి కన్నుమూశాడు. ఆ తల్లిదండ్రులు గుండెలు అవిసెలా రోదించారు. హన్మకొండ జిల్లా పరిధిలో జరిగిన విషాదం.. స్థానికుల చేత కంటతడి పెట్టిస్తోంది.  వీధి కుక్కలు మరో చిన్నారిని బలిగొన్నాయి. కిందటి నెలలో కుక్కల దాడిలో గాయపడి.. వరంగల్‌ ఎంజీఎం ఆస్పత్రిలో చికిత్స పొందుతున్న చిన్నారి రాజు(18 నెలలు) కన్నుమూశాడు. దీంతో కాజీపేట రాజీవ్‌ గృహకల్ప కాలనీలో విషాద ఛాయలు అలుముకున్నాయి.  రాజీవ్ గృహకల్ప కాలనీలో రాజు కుటుంబం ఉంటోంది. గత నెల(జూన్‌) 17వ తేదీన ఆడుకుంటున్న పిల్లలపై వీధి కుక్కలు దాడి చేశాయి. ఇద్దరికి స్వల్ప గాయాలు కాగా, 18 నెలల రాజుకి తీవ్ర గాయాలయ్యాయి. మొహంపై గాయాలతో పాటు చెంప కొంత వరకు తెగిపోయింది. పిల్లల అరుపులు విన్న స్థానికులు.. ఇళ్లలోంచి వచ్చి కుక్కలను తరిమి కొట్టారు. ఆపై పిల్లలను ఎంజీఎం ఆస్పత్రికి తరలించారు.  ఎంజీఎంలో చిన్నారి రాజు ఫస్ట్‌ ఎయిడ్‌ తర్వాత ఆడుకుంటున్న దృశ్యాలను మొబైల్‌లో బంధించారు. ఆపై చికిత్స కోసం అతన్ని ఆస్పత్రిలో చేర్పించారు. అయితే..  క్రమక్రమంగా రాజు పరిస్థితి క్షీణిస్తూ వచ్చింది. 25 రోజులపాటు మృత్యువుతో పోరాడి బుధవారం ఆ చిన్నారి మృతి చెందినట్లు తెలుస్తోంది.

సాక్షి,కాజీపేట: మానసిక స్థితి సరిగ్గా లేని ఓ తండ్రి.. కుమారుడిని పాఠశాలలో దించివస్తానని వెళ్లి వడ్డెపల్లి ట్యాంక్‌బండ్‌ రిజర్వాయర్‌లో కొడుకుతో సహా దూకి ఆత్మహత్యకు పాల్పడ్డాడు. ఈ ఘటన హనుమకొండ జిల్లా కాజీపేటలో శనివారం వెలుగులోకి వచ్చింది. వరంగల్‌ నగరంలోని కనకదుర్గ కాలనీకి చెందిన శిలమంతుల రవీందర్‌ (35) రెండేళ్లుగా మానసిక వ్యాధితో బాధపడుతున్నాడు. కుటుంబ సభ్యుల సహకారంతో చికిత్స తీసుకుంటున్నాడు. శుక్రవారం ఉదయం కుమారుడు శ్రీచరణ్‌ (7)ను పాఠశాలలో దించి వస్తానంటూ ఇంట్లో చెప్పి వెళ్లిన రవీందర్‌ తిరిగి రాలేదు. కుటుంబసభ్యులు బంధుమిత్రుల ఇళ్లలో వెతికినా ఆచూకీ తెలియలేదు. దీంతో భార్య దివ్య భర్త, కుమారుడు కనిపించట్లేదంటూ సుబేదారి పోలీసులకు ఫిర్యాదు చేశారు. శనివారం ఉదయం వడ్డెపల్లి ట్యాంక్‌బండ్‌లో రెండు మృతదేహాలు తేలినట్లు అందిన సమాచారంతో పోలీసులు ఘటనాస్థలానికి చేరుకొని దివ్యను పిలిపించగా అవి భర్త, కుమారుడివేనని ఆమె గుర్తించారు. చదవండి: కరెంట్‌ కట్‌ చేశాడని.. లైన్‌మన్‌పై పెట్రోల్‌ పోశాడు

మెగాస్టార్‌ చిరంజీవి నటించిన సూపర్‌ హిట్‌ మూవీ వాల్తేరు వీరయ్య విజయ విహారం వరంగల్‌లోని హన్మకొండలో నిర్వహించారు. ఈ సక్సెస్‌మీట్‌లో పాల్గొన్న రామ్‌చరణ్‌ వేదికపై మాట్లాడుతూ ఆసక్తికర వ్యాఖ్యలు చేశారు. 'చిరంజీవిగారిని ఏమైనా అనగలిగితే కుటుంబ సభ్యులు, అభిమానులు మాత్రమే అనగలరు. నాన్న సౌమ్యుడని అందరూ చెబుతారు. ఆయన సైలెంట్‌గా ఉంటేనే ఇన్ని వేల మందిమి వచ్చాం. కొంచెం గట్టిగా మాట్లాడితే ఏమవుద్దో ఇతరులకు తెలీదు. ఆయన సైలెంట్‌గా ఉంటారేమోకాని మేం ఉండం.మేం క్వైట్‌గా ఉండం. అందరూ గుర్తుపెట్టుకోండి' అంటూ రామ్‌చరణ్‌ హెచ్చరించాడు. అయితే ఆయన ఎవరిని ఉద్దేశించి ఈ వ్యాఖ్యలు చేశారన్నది ఇప్పడు ఇండస్ట్రీలో హాట్‌టాపిక్‌గా మరింది.  ఈ సందర్భంగా కొందరు నిర్మాతలకు సైతం చరణ్‌ చురకలించారు. మైత్రీ మూవీ మేకర్స్‌ బ్యానర్‌లో పనిచేసిన హీరోలందరికి హిట్లు ఇచ్చారని, కొందరు నిర్మాతలు, ముఖ్యంగా ఇద్దరు ముగ్గురు నిర్మాతలు వీరిని చూసి చాలా నేర్చుకోవాలని, సినిమా ఎలా తీయాలి, ఎలా చూసుకోవాలనేది అంటూ చరణ్‌ మాట్లాడిన వ్యాఖ్యలు ఆసక్తికరంగా మారాయి.   

క్రైమ్‌: లేడీస్‌ హాస్టల్స్‌ను టార్గెట్‌ చేసుకుని చోరీలకు పాల్పడుతున్న వ్యక్తి.. అనూహ్యంగా పోలీసులకు చిక్కాడు. హనుమకొండ జిల్లా హసన్‌పర్తి మండలంలోని ఎస్‌ఆర్‌ ఇంజినీరింగ్‌ కాలేజీ గర్ల్స్‌ హాస్టల్‌లో సెల్‌ఫోన్లు, ల్యాప్‌ట్యాప్‌ల చోరీ కలకలం రేగింది. ఏకంగా హాస్టల్‌లో ఓ బాత్రూం డోర్‌ బద్దలు కొట్టి మరీ చోరీలు చేశాడు ఆగంతకుడు. దీంతో.. బెంబేలెత్తిన విద్యార్థులు కాలేజీ ఎదుట ఆందోళన సైతం చేపట్టారు. అయినా ప్రయోజనం లేకుండా పోయింది. అయితే.. అందరినీ హడలెత్తించిన దొంగ ఊహించని విధంగా దొరికాడు. సెల్ ఫోన్‌లు, ల్యాప్‌టాప్‌ను దొంగలించి రాత్రి పొలాల గుండా పారిపోతుండగా.. చీకట్లో ఓ వ్యవసాయ బావిలో పడిపోయాడు. ఉదయం కేకలతో అతన్ని గమనించిన స్థానికులు పోలీసులకు సమాచారం ఇవ్వగా.. తాడు సాయంతో బయటకు తీసి అదుపులోకి తీసుకున్నారు. 

హన్మకొండ: ఇంటి యజమానులు విద్యుత్‌ కనెక్షన్‌ తీసుకున్న సమయంలో తక్కువ లోడ్‌తో కనెక్షన్‌ తీసుకుంటారని, ఆనంతరం అవసరాలు పెరగడంతో లోడ్‌ పెరుగుతుందని, పెరిగిన లోడ్‌పై రెండు నెలల డిపాజిట్‌ను ఏసీడీ (అదనపు వినియోగ డిపాజిట్‌) రూపంలో విధిస్తున్నట్లు టీఎస్‌ఎన్పీడీసీఎల్‌ చైర్మన్, మేనేజింగ్‌ డైరెక్టర్‌ అన్నమనేని గోపాల్‌ రావు సోమవారం ఒక ప్రకటనలో తెలిపారు. ఈ డిపాజిట్‌కు విద్యుత్‌ సంస్థ ఏడాదికి ఒకసారి వడ్డీ చెల్లిస్తుందన్నారు. డిపాజిట్‌ రూపంలో ఉంటున్నందున, దీనిని కిరాయిదారుడు కాకుండా ఇంటి యాజమాని చెల్లించడం సబబుగా ఉంటుందన్నారు. ఇంటి యజమానికి విద్యుత్‌ అవసరం తీరి కనెక్షన్‌ తొలగించుకునే సమయంలో సెక్యూరిటీ డిపాజిట్‌ మొత్తాన్ని తిరిగి చెల్లించనున్నట్లు తెలిపారు. చాలామంది వినియోగదారులు ఏసీడీని కిరాయిదారుడు చెల్లించాలా? లేదా ఇంటి యజమాని చెల్లించాలా? అని సందేహం వ్యక్తం చేస్తున్న నేపథ్యంలో ఈమేరకు స్పష్టంచేశారు. వినియోగదారులకు ఇంకా సందేహాలుంటే విద్యుత్‌ రెవెన్యూ కార్యాలయం, బిల్లులు చెల్లించే కౌంటర్‌ వద్ద నివృత్తి చేసుకోవచ్చని సూచించారు. 

సాక్షి, హన్మకొండ: జిల్లా కేంద్రంలోని ప్రభుత్వ ప్రసూతి ఆస్పత్రిలో మహిళా సిబ్బంది వ్యవహరించిన తీరుపై తీవ్ర విమర్శలు వెల్లువెత్తుతున్నాయి. మందు పార్టీతో హల్ చల్ చేశారు వాళ్లు. ఏకంగా స్టాఫ్ రూమ్‌లో బీర్లు తాగుతూ చిలిపి చేష్టల విజువల్ ఇప్పుడు సోషల్ మీడియా వైరల్ గా మారాయి. వారం రోజుల క్రితం ఈ ఘటన చోటు చేసుకోగా.. వైరల్‌ వీడియో ద్వారా ఆలస్యంగా వెలుగులోకి వచ్చింది.  ఆరోగ్య శ్రీ ఉద్యోగి, ఒక స్టాప్ నర్స్ మరొక జీఎన్‌ఎం కలిసి మందు పార్టీ చేసుకున్నారు. ఆ సమయంలో వాళ్లు వెకిలి చేష్టలకు పాల్పడుతుండగా.. ఎవరో వీడియో తీశారో. కానీ వీడియో సోషల్ మీడియాలో వైరల్ కావడంతో వైద్యాధికారులు అప్రమత్తమయ్యారు.  విచారణకు ఆదేశించారు. ఆసుపత్రిలో వైద్య సేవలు అందించాల్సిన సిబ్బంది మందు పార్టీతో ఇలా వ్యవహరించడం పట్ల స్థానికులు ఆగ్రహం వ్యక్తం చేస్తున్నారు. హాస్పిటల్ను బార్ గా మార్చిన సిబ్బంది పై చర్యలు తీసుకోవాలని డిమాండ్ చేస్తున్నారు.  హనుమకొండ ప్రసూతి ఆస్పత్రిలో మందు పార్టీపై స్పందించిన ఆసుపత్రి సూపరింటెండెంట్ డాక్టర్ విజయలక్ష్మి. ‘వారం రోజుల క్రితం జరిగిన ఘటన తమ దృష్టికి రాగానే పిలిచి మందలించాను.  స్టాప్ రూమ్ లో అలా చేయడం తప్పేనని సారీ చెప్పారంటున్న సూపరింటెండెంట్. మొదటి తప్పుగా భావించి మందలించి వదిలేశాము.ఇంకోసారి ఇలా జరిగితే సీరియస్ యాక్షన్ తీసుకుంటానని హెచ్చరించాను. బర్త్డే పార్టీ సందర్భంగా ఫ్రెండ్స్ తో పార్టీ చేసుకున్నామని వివరణ ఇచ్చారు’ అని తెలిపారు సూపరింటెండెంట్.

సాక్షి ప్రతినిధి, వరంగల్‌: ముఖ్యమంత్రి కేసీఆర్‌ శనివారం వరంగల్, హనుమకొండ జిల్లాల్లో పర్యటించనున్నారు. హైదరాబాద్‌ నుంచి రోడ్డు మార్గాన ఉదయం 11 గంటలకు హనుమకొండ జిల్లా దామెరకు చేరుకోనున్నారు. దామెర క్రాస్‌ వద్ద నిర్మించిన ప్రతిమ రిలీఫ్‌ ఇన్‌స్టిట్యూట్‌ ఆఫ్‌ మెడికల్‌ కాలేజీ హాస్పిటల్, ప్రతిమ క్యాన్సర్‌ ఇన్‌స్టిట్యూట్‌లను కేసీఆర్‌ ప్రారంభిస్తారు. స్థానికంగా ఏర్పాటు చేసిన కార్యక్రమాల్లో పాల్గొంటారు. వరంగల్‌ నుంచి మధ్యాహ్నం 2 గంటలకు హైదరాబాద్‌కు బయలుదేరుతారు. సీఎం పర్యటన ఏర్పాట్లను శుక్రవారం మంత్రి ఎర్రబెల్లి దయాకర్‌రావు, పరకాల ఎమ్మెల్యే చల్లా ధర్మారెడ్డి, హనుమకొండ, వరంగల్‌ జిల్లాల కలెక్టర్లు రాజీవ్‌గాంధీ హన్మంతు, గోపి, జీడబ్ల్యూఎంసీ కమిషనర్‌ ప్రావీణ్య, పోలీస్‌ కమిషనర్‌ తరుణ్‌జోషిలతో కలిసి పరిశీలించారు.    

రంగురంగుల పూలతో.. అందంగా పేర్చిన బతుకమ్మలతో నేలంతా పూలవనాన్ని తలపించింది. రాష్ట్రవ్యాప్తంగా మహిళలు ఆదివారం వేడుకలను భక్తిశ్రద్ధలతో జరుపుకున్నారు. ఇళ్ల వద్ద బతుకమ్మలకు పూజలు చేసి.. సాయంత్రం ఆలయాల వద్ద ఆడిపాడి సందడి చేశారు. అనంతరం ఘనంగా నిమజ్జనం చేశారు. 

హన్మకొండ: హనుమకొండకు చెందిన యువ ఫార్మాస్యూటికల్‌ శాస్త్రవేత్త డాక్టర్‌ సురేష్‌ బండారి కోవిడ్‌ అనంతర సమస్యలతో అమెరికాలోని మిసిసిపి రాష్ట్రంలో మృతి చెందారు. 2017 మే నెలలో అమెరికాలోని మిసిసిపి యూనివర్సిటీలో పోస్ట్‌ డాక్టరల్‌ ఫెలోషిప్‌ను విజయవంతంగా పూర్తి చేసి అదే యూనివర్సిటీలో సీనియర్‌ సైంటిస్ట్‌ హోదా పొందారు. యూనివర్సిటీ యాజమాన్యం అయన ప్రతిభను గుర్తించి ఒక విభాగానికి అధిపతిగా నియమించింది. అతి తక్కువ సమయంలో అధిపతిగా నియమితులైన పిన్నవయస్కుడిగా డాక్టర్‌ సురేష్‌ బండారి పేరుగాంచారు.  మొత్తం 110 పబ్లికేషన్స్, 2865 సైటేషన్స్‌ (అనులేఖనాలు) రూపొందించడంతో పలు పేటెంట్‌ హక్కులు పొందారు. అంతకుముందు హనుమకొండ విద్యా నగర్‌లోని సెయింట్‌ పీటర్స్‌ ఫార్మసీ కాలేజీలో ప్రిన్సిపాల్‌గా పనిచేశారు. ఈ ఏడాది మార్చిలో మొదటిసారి కోవిడ్‌కు గురై త్వరగానే కోలుకున్నారు. కోవిడ్‌ అనంతరం మళ్లీ అస్వస్థతకు గురై అస్పత్రిలో చికిత్స పొందుతూ భారత కాలమానం ప్రకారం సోమవారం రాత్రి 10.30 గంటలకు మిసిసిపిలో మృతి చెందారు. ఆయనకు భార్య, ఇద్దరు కుమా రులు ఉన్నారు. సురేష్‌ బండారి తండ్రి మొగిలయ్య యోగా గురువుగా హనుమకొండ నగర ప్రజలకు సుపరిచితుడు. (చదవండి: ప్రాణం తీసిన ‘ప్రేమ’ పంచాయితీ)

సాక్షి, హన్మకొండ: అమెరికా అమ్మాయి, తెలంగాణ అబ్బాయి ఒక్కటయ్యారు. మూడుముళ్ళ బంధంతో ఏడడుగులు నడిచి ఆలుమగలయ్యారు.‌ హిందూ సాంప్రదాయం పద్దతిలో ఓరుగల్లు వేదికగా ఖండాంతరం వివాహం చేసుకున్నారు. ఆదర్శ వివాహానికి మంత్రి ఎర్రబెల్లి దయాకర్‌రావుతో పాటు బంధుమిత్రులు హాజరై నవ దంపతులను అభినందించి ఆశీర్వదించారు. చదవండి: పెట్స్‌.. అదో స్టేటస్‌!  అమెరికా కు చెందిన యువతి డాక్టర్ జెన్నా బ్లెమర్‌ను హనుమకొండకు చెందిన పుట్ట అరవింద్ రెడ్డి వివాహం చేసుకున్నారు.‌ హనుమకొండలోని ఓ ఫంక్షన్‌ హాల్‌లో హిందూ సాంప్రదాయ పద్దతిలో ఇరు కుటుంబ సభ్యులు వివాహ వేడుక నిర్వహించారు. హన్మకొండకు చెందిన అనిత మోహన్‌రెడ్డి దంపతుల కుమారుడు అరవింద్ రెడ్డి ఉన్నత చదువుల కోసం అమెరికాకు వెళ్లగా అక్కడ డాక్టర్ జెన్నా బ్లెమర్‌తో ఏర్పడ్డ పరిచయం ప్రేమగా మారింది. పెళ్లి చేసుకోవాలని నిర్ణయించుకుని తల్లిదండ్రులకు తెలుపగా ఇరువురి పేరెంట్స్ ఓకే చెప్పారు. ఇంకేముంది ముహుర్తం ఖరారు చేసుకుని హిందు సాంప్రదాయ పద్దతిలో హన్మకొండలో వివాహం జరిపించారు. అచ్చం తెలుగింటి ఆడపడుచులా చీరకట్టులో అమెరికా అమ్మాయి, వారి పేరెంట్స్ ముస్తాబై ముచ్చటపడ్డారు. కన్యాదానం, మాంగళ్య ధారణ, ముత్యాల తలంబ్రాలు హిందూ వివాహ సాంప్రదాయాలను చూసి ఆశ్చర్యం వ్యక్తం చేశారు. ఇండియా, హిందుసాంప్రదాయాలు చాలా బాగున్నాయని నవవదువు జెన్న బ్లెమర్ తెలిపారు. ప్రేమించుకుని పెద్దలను ఒప్పించి పెళ్ళి చేసుకున్నామని వరుడు అరవింద్ చెప్పారు. అమెరికాకు చెందిన వధువు పేరెంట్స్ అచ్చం తెలుగువారిలా పంచే, చీరకట్టులో అందరి దృష్టిని ఆకర్షించారు. హిందూ సంప్రదాయాలు పెళ్ళితంతు నచ్చిందని అమ్మాయి పేరెంట్స్ తెలిపారు. అబ్బాయికి నచ్చిన అమ్మాయితో వివాహం జరిపించడం సంతోషంగా ఉందని వరుడి పేరెంట్స్ తెలిపారు.

ఒక ఆలయం... ముగ్గురు దేవుళ్లుసాధారణంగా దేవాలయంలో ఒక్కరే ప్రధాన దేవుడు ఉంటాడు. కానీ కొన్ని దేవాలయాల్లో ముగ్గురు దేవుళ్లు మూడు వేరు వేరు గర్భగృహాల్లో ఉంటారు. ఇటువంటి ఆలయాలను త్రికూటాలయాలు అని వ్యవహరిస్తారు. అయితే ఇవి చాలా తక్కువ సంఖ్యలో నిర్మితమయ్యాయి. హన్మకొండలోని వేయి స్తంభాల గుడి త్రికూటాలయమే. పానగల్లు ఛాయా సోమేశ్వరాలయం, మంథనిలోని గౌతమేశ్వరాలయం, సంగారెడ్డికి సమీపంలోని కల్పగూరు కాశీ విశ్వేశ్వరాలయాలు ఇలాంటివే. హన్మకొండ వేయిస్తంభాల ఆలయం కాకతీయ శిల్ప కళారీతికి అద్దంపట్టే అద్భుతమైన ఆలయం. క్రీ.శ. 1163లో రుద్రదేవ మహారాజు కట్టించిన ఆలయమిది. ఆయన పేరుతోనే ఈ ఆలయాన్ని రుద్రేశ్వరాలయం అనీ, దీనిలోని లింగాన్ని రుద్రేశ్వర లింగం అనీ వ్యవహరిస్తారు. నక్షత్రాకారంలో నిర్మించిన ఈ త్రికూటాలయంలో శివుడు, విష్ణువు, సూర్య దేవుళ్లకు గర్భాలయాలు ఉన్నాయి. స్తంభాలు ఒకదాని తరువాత ఒకటి వరుసలు దీరినట్లు చెక్కబడి కనిపిస్తాయి. మంథనిలోని గౌతమేశ్వరాలయం కూడా త్రికూటాలయమే. దీనిని కూడా 1000 స్తంభాల ఆలయం అని వ్యవహరిస్తారు. ఈ ఆలయం హన్మకొండ ఆలయం కన్నా ముందుగానే నిర్మించారని భావిస్తున్నారు. ఇక్కడి శివలింగం అచ్చంగా హన్మకొండలోని వేయి స్తంభాల ఆలయంలోని శివలింగం లాగే ఉంటుంది. ఆదిగురువు శంకరాచార్యులు కూడా ఈ ఆలయాన్ని సందర్శించారట. అయితే, దీన్ని రాష్ట్ర కూటులు నిర్మించారా, లేదా చాళుక్యులా అనే విషయంలో స్పష్టత లేదు. అయితే, కాకతీయులు ఈ ఆలయాన్ని పునర్నిర్మించారని చెబుతారు. మరో త్రికూటాలయం పానగల్లులో ఉన్న ఛాయా సోమేశ్వరాలయం. నల్లగొండ జిల్లా కేంద్రానికి నాలుగు కిలోమీటర్ల దూరంలో ఉంది. కుందూరు చోళులు నిర్మించిన ఈ దేవాలయానికి రెండు ప్రత్యేక తలు ఉన్నాయి. ముఖ్యమైంది ఈ దేవాలయం గర్భ గుడిలో గోడపై ఎప్పటికీ కదలకుండా ఒకే స్థానంలో ఉన్నట్లుగా కనపడే నీడ. రెండోది అక్కడికి దగ్గరలోని చెరువులో నీరుంటే గర్భగుడిలోకి అది ఉబికిరావడం. 11వ శతాబ్దంలో చాళుక్య శైలిలో నిర్మిచిన ఈ త్రికూటాలయంలోని ఒక దాంట్లో శ్రీదత్తాత్రేయుడు కొలువై ఉండగా, మరొకటి ఖాళీగా కనిపిస్తోంది. తూర్పు ముఖంగా లోతుగా ఉన్న మూడో గర్భాలయంలో మూలవిరాట్టు శ్రీసోమేశ్వర స్వామి దర్శన మిస్తారు. గర్భగుడి ముఖద్వారం ముందు రెండు స్తంభాలున్నా అన్నివేళలా ఒకే నీడ పడుతుంది. అది వెలుతురు ఉన్నంత సేపు కదలకుండా ఒకే స్థానంలో ఉంటుంది. సూర్యుని గమనంలో మార్పు ఆ నీడను మార్చదు. ఆ నీడ ఎలా పడుతుంది, ఎందుకు అది వెలుతురులో ఉన్నంతవరకూ తన స్థానాన్ని మార్చు కోదు అనేది ఆశ్చర్యపరుస్తుంది. భౌతిక శాస్త్రంలోని పరిక్షేపణ కాంతి ఆధారంగా ఈ త్రికూట ఆలయాన్ని నిర్మించారు. సంగారెడ్డి జిల్లా కేంద్రానికి సమీపంలో కల్పగూరు గ్రామంలో కాశీ విశ్వేశ్వర ఆలయం ఉంది. హన్మకొండ వేయిస్తంభాల ఆలయ నిర్మాణశైలిలోనే ఇదీ ఉంది. ఈ ఆలయంలో దక్షిణాన కాశీ విశ్వేశ్వరుడు, ఉత్తరాన వేణుగోపాల స్వామి, పశ్చిమాన అనంత  పద్మనాభ స్వామి గర్భాలయాలు ఉన్నాయి. (క్లిక్‌: స్ఫూర్తినిచ్చే ‘కాకతీయ వైభవం’) కాకతీయ ఆలయాలు నిర్మాణ శైలి, శిల్ప సౌందర్యాలకు ప్రసిద్ధి చెందినా... నాటి ఇంజినీర్లు వాడిన సాంకేతిక విజ్ఞానం కొంత వివాదాస్పదంగా మారింది. భూకంపాల వంటి ప్రకృతి విపత్తులను తట్టుకోవడానికి పునాదుల్లో ఇసుకను వాడటం నాటి ఆలయాల నిర్మాణంలో కనిపించే సాధారణ దృశ్యం. అయితే అదే ఈ ఆలయాల మనుగడకు శాపంగా మారింది. కాలక్రమంలో పునాదులు కుంగి ఆలయాలు కూలిపోవడానికి కారణమయింది. హన్మకొండ ఆలయంలోని కొంత భాగం ఇందువల్లనే దెబ్బతిన్నదని అంటున్నారు. - కన్నెకంటి వెంకటరమణ  సంయుక్త సంచాలకులు, ఐ అండ్‌ పీఆర్, హైదరాబాద్‌ (‘కాకతీయ వైభవ సప్తాహం’ జూలై 7–13 వరకు)

హన్మకొండ చౌరస్తా: ఇంటర్మీడియట్‌ ఫలితాల్లో ఎస్‌ఆర్‌ కళాశాలల విద్యార్థులు మెరు గైన ప్రతిభ కనబర్చారు. హనుమకొండ కాకాజీ కాలనీలోని కళాశాల ఆవరణలో ఎస్‌ఆర్‌ విద్యాసంస్థల చైర్మన్‌ వరదారెడ్డి మీడియాతో మాట్లాడారు. ఇంటర్‌ మొదటి సంవ త్సరంలో ఎంపీసీ విభాగంలో 36 మంది విద్యార్థులు 467 మార్కులు సాధించారని, బైపీసీలో 9 మంది 437 మార్కులతో ప్రతిభ కనబరిచారని తెలిపారు. సీఈసీలో ఒకరు 491 మార్కులు, ఎంఈసీలో ఇద్దరు 492 మార్కులు, ద్వితీయ సంవత్సరంలో బైపీసీలో ఒకరు 992, ఇద్దరు 990, ఎంపీసీలో ఆరుగురు విద్యా ర్థులు 991 మార్కులు సాధించారని చెప్పారు. ఎంఈసీలో ఒకరు 983 మార్కులు, సీఈసీలో ఒకరు 979 మార్కులు సాధించారని తెలిపారు.   

సాక్షి, వరంగల్‌: ఆంధ్రప్రదేశ్‌లో కొత్తగా ఏర్పాటు చేసిన కోనసీమ జిల్లాకు డాక్టర్‌ బీఆర్‌ అంబేడ్కర్‌ పేరు పెట్టేందుకు నిర్ణయం తీసుకున్న ఏపీ సీఎం జగన్‌మోహన్‌రెడ్డి గొప్ప వ్యక్తి అని కేంద్ర సామాజిక న్యాయం, సాధికారత మంత్రి రాందాస్‌ అథవాలే కొనియాడారు. రిపబ్లికన్‌ పార్టీ ఆఫ్‌ ఇండియా ఆధ్వర్యంలో హనుమకొండలోని ప్రభుత్వ కాకతీయ డిగ్రీ కళాశాల మైదానంలో శుక్రవారం జరిగిన ‘దళిత బహుజన రాజ్యాధికార చైతన్య బహిరంగ సభ’లో ఆయన మాట్లాడారు. కొందరు దళిత, బహుజన వ్యతిరేకులు అంబేడ్కర్‌ పేరు వద్దని ఆందోళనలు చేయడం బాధాకరమని వ్యాఖ్యానించారు. ఈ రోజు బాబాసాహెబ్‌ అంబేడ్కర్‌ మన మధ్యలో ఉంటే భారత ప్రధాని అయ్యేవారన్నారు. ప్రధాని నరేంద్ర మోదీ నేతృత్వంలో దేశం పురోగతి సాధిస్తోందని, దేశంలో అన్ని వర్గాల ప్రజలకు సమన్యాయం దక్కుతుందని అథవాలే తెలిపారు. సంక్షేమం కోసం సీఎం కేసీఆర్‌ ఇచ్చిన ఏ ఒక్క హామీని నెరవేర్చకుండా మోసం చేశారని మండిపడ్డారు.  

సాక్షి, హన్మకొండ: ఇటీవల భర్తలపై భార్యల దాడులు పెరిగిపోతున్నాయి. ఇటీవల జరిగిన ‘పుష్ఫ’ ఘటన మరవకముందే తెలంగాణలో మరో షాకింగ్‌ ఘటన చోటుచేసుకుంది. వివాహమై నెల రోజులైనా కాకముందే దారుణం జరిగింది.  హన్మకొండ జిల్లాలోని దామెర మండలం పసరగొండ గ్రామంలో భార్య అర్చన.. భర్త రాజు గొంతు కోసింది. అయితే, వీరికి మార్చి 25వ తేదీన వివాహం జరగడం విశేషం. ఇటీవల కుటుంబ కలహాలతో భార్యభర్తలిద్దరూ గొడవపడ్డారు. ఇంతలో ఆమె ఈ దారుణానికి ఒడిగట్టింది. ఈ ప్రమాదంలో రాజుకు స్వల్ప గాయమవడంతో ఎంజీఎం ఆసుపత్రికి తరలించారు. గాయానికి చికిత్స చేయించుకోని రాజు తిరిగి ఇంటికి వెళ్లినట్టు తెలుస్తోంది.  ఇదిలా ఉండగా.. పెళ్లి అయినప్పటి నుంచి అర్చన విచిత్రంగా ప్రవర్తిసోందని కుటుంబ సభ్యులు తెలిపారు. మరోవైపు.. ఇటీవలే విశాఖపట‍్నంలో పుష్ప అనే యువతి.. సర్‌ప్రైజ్‌ అంటూ తనకు కాబోయే భర్తను కళ్లుమూసుకోమని కత్తితో గొంతుకోసిన విషయం తెలిసిందే. ఈ ఘటన అతడికి తృటిలో ప్రాణాపాయం తప్పింది.  ఇది చదవండి: సర్‌ప్రైజ్‌ అంటూ కళ్లు మూసుకోమని కాబోయే భర్త గొంతు కోసి..

హన్మకొండ చౌరస్తా: ప్రధాని నరేంద్ర మోదీని టార్గెట్‌ చేస్తూ హోదా మరిచి చిల్లర వ్యాఖ్యలు చేస్తున్న ముఖ్యమంత్రి కె. చంద్రశేఖర్‌రావు పులిబిడ్డ కాదు.. పిల్లి బిడ్డ అని బీజేపీ జాతీయ ఉపాధ్యక్షురాలు డీకే అరుణ ఎద్దేవా చేశారు. భారత రాజ్యాంగాన్ని అవమానించేలా మాట్లాడిన కేసీఆర్‌పై రాజద్రోహం కేసు నమోదు చేయాలని ఆమె డిమాండ్‌ చేశారు. హనుమకొండ కాకాజీ కాలనీలోని మాజీ ఎంపీ జంగారెడ్డి ఇంటికి ఆదివారం వచ్చిన అరుణ.. ఆయన చిత్రపటానికి పూలమాల వేసి నివాళులర్పించారు. జంగారెడ్డి కుటుంబ సభ్యులను పరామర్శించారు. ఆ తర్వాత బీజేపీ పార్టీ కార్యాలయానికి వెళ్లి అక్కడ విలేకరులతో మాట్లాడారు. కొద్ది రోజులుగా ప్రధాని మోదీని ఉద్దేశించి కేసీఆర్‌ చేస్తున్న వ్యాఖ్యలు క్షమించరానివని, వెంటనే కేసీఆర్‌ ప్రధానికి బహిరంగ క్షమాపణ చెప్పాలని డిమాండ్‌ చేశారు. వచ్చే ఎన్నికల్లో పదవి ఊడుతుందనే తీవ్ర మానసిక ఒత్తిడిలో ఏం మాట్లాడుతున్నారో కేసీఆర్‌కు అర్థం కావడంలేదని ఎద్దేవా చేశారు.

సాక్షి, హన్మకొండ: మొదటి కాన్సు.. కవలలు జన్మించారు.. ఈ విషయం సంతోషాన్ని కల్గించినా.. పుట్టిన బిడ్డలిద్దరికీ అవయవాలు పెరగడంలేదనే విషయం తెలిసి ఆ తల్లిదండ్రుల ఆనందరం ఆవిరైంది. ఆ కవలలు సాధారణ స్థితికి చేరాలంటే రూ.10లక్షల వరకు ఖర్చు అవుతుందని వైద్యులు చెప్పడంతో తల్లిదండ్రులు దిక్కుతోచని స్థితిలో పడ్డారు. పెద్దపల్లి జిల్లా,కాల్వశ్రీరాంపూర్‌ మండలంలోని లక్ష్మీపురం గ్రామానికి చెందిన బండ రాజు, అనూషలకు గత ఏడాది వివాహం జరిగింది. ఈక్రమంలో అనూషకు జనవరి 31న పురిటినొప్పులు వస్తుండడంతో హనుమకొండలోని ఓ ప్రైవేటు ఆస్పత్రికి తీసుకొచ్చారు. వైద్య పరీక్షలు నిర్వహించిన డాక్టర్లు అదే రోజు రాత్రి ఆపరేషన్‌ ద్వారా ప్రసవం చేశారు. ఇద్దరు కవలలు(మగ) జన్మించడంతో ఆ తల్లిదండ్రులు ఎంతో సంతోషించారు. నెలలు నిండకముందే (ఎనిమిది నెలల మూడు రోజులకే) అనూష ప్రసవించడంతో శిశువులు ఒకరు 1.2, 1.7 కేజీల బరువు మాత్రమే ఉన్నారు. అంతేకాకుండా రోజులు గడుస్తున్నా వారిలోని ఊపిరితిత్తులు, గుండె, ఇతర ప్రధాన అవయవాల ఎదగడంలేదని గుర్తించిన వైద్యులు మెరుగైన చికిత్స అవసరమని, అందుకు రూ.10లక్షలు అవసరం అని చెప్పారు. ఇప్పటికే రోజుకు రూ.40వేల చొప్పున ఖర్చు అవుతుందని, పూర్థిస్థాయిలో వైద్యానికి అయ్యే ఖర్చు భరించే స్థోమత తమకు లేని చిన్నారుల తండ్రి రాజు కన్నీటి పర్యంతమవుతూ వివరించాడు.దాతలు ఆర్థిక సాయమందించి ఆదుకోవాలని వేడుకున్నాడు. 88977 47685, 94283 32336, 95505 99202 ఫోన్‌  నంబర్ల ద్వారా సంప్రదించి ఆదుకోవాలని కోరారు.  దాతలు సాయం అందించాల్సిన వివరాలు: పేరు: బండ రాజు అకౌంట్‌ నంబర్‌: 62251616556 ఐఎఫ్‌ఎస్‌సీ: ఎస్‌బీఐఎన్‌  0020388, బ్రాంచ్‌: కాల్వశ్రీరాంపూర్‌ 

సాక్షి, హైదరాబాద్‌: టీనేజర్లకు వ్యాక్సినేషన్‌లో హన్మకొండ రికార్డు సృష్టించింది. మంగళవారం నాటికి జిల్లాలో 15–17 ఏళ్లవారికి వ్యాక్సిన్ల పంపిణీ 100 శాతం పూర్తయింది. రాష్ట్రంలో ఈ కేటగిరీలో 100 శాతం పూర్తి చేసుకున్న తొలి జిల్లాగా నిలిచింది. జిల్లాలో 55,694 మంది టీనేజర్లకు టీకాలు అవసరమని లక్ష్యంగా నిర్ధారించగా... అంతకుమించి 101 శాతం మందికి వేశారు. ఇప్పటివరకు 56,299 డోసులు పంపిణీ చేశారు. ఈ సందర్భంగా వైద్యారోగ్యశాఖ మంత్రి హరీశ్‌రావు హర్షం వ్యక్తం చేశారు. హన్మకొండ జిల్లా అధికారులను, సిబ్బందిని ప్రత్యేకంగా అభినందించారు. ఇతర జిల్లాలకు ఆదర్శంగా నిలిచారని ప్రశంసించారు. రాష్ట్రంలోని అన్ని జిల్లాలు ఇదే స్ఫూర్తితో వంద శాతం లక్ష్యాన్ని పూర్తి చేయాలని పిలుపునిచ్చారు.   

సాక్షి, వరంగల్‌: హన్మకొండలో నర్సింగ్ స్టూడెంట్ రవళి ఆత్మహత్యాయత్నం కలకలం సృష్టించింది. రోహిణి నర్సింగ్ కళాశాల హాస్టల్‌లో బీఎస్పీ నర్సింగ్ సెకండియర్ చదువుతున్న కుందారపు రవళి ఉరివేసుకుని ఆత్మహత్యకు యత్నించింది.‌ ఆత్మహత్యకు ముందు భీమదేవరపల్లి మండలం ములకనూరులో నివాసముండే తల్లికి వీడియో కాల్ చేసి ఆత్మహత్య చేసుకుంటున్నట్లు తెలిపింది. కంగారుపడ్డ తల్లి వారించే లోగానే రవళి ప్యాన్‌కు ఉరి వేసుకుంది. వెంటనే హాస్టల్లో ఉండే తోటి విద్యార్థులు, హాస్టల్ నిర్వాహకులు అప్రమత్తమై రవళిని రోహిణి ఆసుపత్రికి తరలించారు. ఆసుపత్రిలో చికిత్స పొందుతున్న రవళిని చూసేందుకు కుటుంబ సభ్యులను అనుమతించకపోవడంతో బంధువులు ఆందోళనకు దిగారు. ఆత్మహత్యాయత్నానికి గల కారణాలు స్పష్టంగా తెలియకపోయినప్పటికీ విద్యార్థులు, బంధువులు పలు అనుమానాలు వ్యక్తం చేస్తూ ఆందోళనకు దిగారు. ఆత్మహత్యాయత్నానికి నర్సింగ్ కాలేజీ యాజమాన్యమే కారణమంటూ ఆస్పత్రి ముందు బైఠాయించారు.‌ చదవండి: (వివాహేతర సంబంధం: ఆమె ఫోటో, నంబర్‌ సంపాదించి..)

సాక్షి,హన్మకొండ: అమెరికా అమ్మాయి, హనుమకొండ అబ్బాయి ఇరువురు వివాహం చేసుకున్నారు. హనుమకొండ సుబేదారిలోని అసుంత భవన్‌లో హిందు సంప్రదాయం ప్రకారం శుక్రవారం వైభవంగా వారి వివాహం జరిగింది. హనుమకొండ సూదుల సువర్ణ – సమ్మిరెడ్డి దంపతుల కుమారుడు బస్వంత్‌రెడ్డి అమెరికాలో సాఫ్ట్‌వేర్‌ ఇంజనీర్‌గా ఉద్యోగం చేస్తున్నాడు. అదే కంపెనీలో పని చేస్తున్న అమెరికాకు చెందిన హంఫ్రే బిల్‌రావు – వెరోనిక కుమార్తె ఎలీషాతో పరిచయం ఏర్పడింది. ఆ పరిచయం కాస్త ప్రేమగా మారగా, ఇరువురు వివాహం చేసుకున్నారు. మరో ఘటనలో.. వినియోగదారులకు ‘రక్షణ’ చట్టం  హసన్‌పర్తి: వినియోగదారులకు రక్షణ చట్టం.. రక్షణగా నిలుస్తోందని జిల్లా వినియోగదారుల ఫోరం అధ్యక్షుడు రతన్‌సింగ్‌ అన్నారు. హసన్‌పర్తి మండల కేంద్రంలో సోమవారం కరపత్రాన్ని ఆవిష్కరించారు. ఈ సందర్భంగా ఆయన మాట్లాడుతూ వ్యక్తిగతంగా, ఆస్తులకు ఎలాంటి నష్టం జరగకుండా రక్షించబడే హక్కును ఈ రక్షణ చట్టం ద్వారా బాధితుడు పొందగలుగుతాడని వివరించారు. వినియోగదారులు తమ ఫిర్యాదులను జాతీయ వినియోగదారుల వ్యవహారాల విభాగం టోల్‌ఫ్రీ నంబర్‌ 1800 1114000, రాష్ట్ర వినియోగదారుల వ్యవహారాల విభాగం టోల్‌ఫ్రీ నంబర్లు 1800 42500333, 1800 42501967 ద్వారా నమోదు చేసుకుని సమస్యలకు పరిష్కారం పొందాలన్నారు. కార్యక్రమంలో వినియోగదారుల సమాచార కేంద్రం హసన్‌పర్తి చైర్మన్‌ అనుమాండ్ల విద్యాసాగర్, జిల్లా విజిలెన్స్‌ కమిటీ సభ్యులు బండా కాళిదాస్, రిటైర్డ్‌ సబ్‌ ఇన్‌స్పెక్టర్‌ విజయ్‌రాం పాల్గొన్నారు. చదవండి: కేపీహెచ్‌బీలో విషాదం.. సెల్లార్‌ గుంతలో పడి ముగ్గురు బాలికలు మృతి

సాక్షి, హన్మకొండ: ఎన్‌పీడీసీఎల్‌లో ఊరు, పేరు లేకుండా ఫిర్యాదు అందుతుం ది. ఆపై ఉన్నతాధికారులు స్పందిస్తారు. విచారణ చేపడతారు. దీంతో ఉద్యోగులు బెం బేలెత్తిపోతున్నారు. అలాంటి ఫిర్యాదులను పరిశీలనకు, విచారణకు స్వీకరించాల్సిన అవసరం లేదని సెంట్రల్‌ విజిలెన్స్, స్టేట్‌ విజిలెన్స్‌ ఆదేశాలున్నా యి. అయినా కొందరు అధికారులు అత్యుత్సాహంతో విచారిస్తున్నారు.  అవసరం లేకున్నా విచారణకు పిలుస్తున్నారు. ఖమ్మం జిల్లాలో టీఎస్‌ఎన్‌పీడీసీఎల్‌ పరిధిలో రెండేళ్లలో 120 తప్పుడు ఫిర్యాదులు అందాయి. చదవండి: (అడగండి అది మన హక్కు..పెట్రోల్‌ బంకుల్లో ఈ ఆరు సేవలు ఉచితం)   ఉద్యోగినులకు సంబంధాలు అంటగడుతూ..  టీఎస్‌ఎన్‌పీడీసీఎల్‌ పరిధిలోని 16 జిల్లాల్లో తప్పుడు లేఖలు ఉద్యోగుల జీవితాలతో ఆటలాడుకుంటున్నాయి. చివరికి మహిళా ఉద్యోగులకు వివాహేతర సంబంధాలు అంటగట్టే స్థాయికి దిగజారారు. ప్రస్తుతం ఆకాశరామన్న ఉత్తరాలు టీఎస్‌ ఎన్‌పీడీసీఎల్‌ ఉద్యోగులు, అధికారుల్లో గుబులు పుట్టిస్తున్నాయి. ప్రధానంగా టీఎస్‌ ఎన్‌పీడీసీఎల్‌లోని యాంటీ పవర్‌ థెఫ్ట్‌ స్టేషన్‌ (ఏపీటీఎస్‌) అండ్‌ విజిలెన్స్‌ విభాగం అధికారులు తప్పుడు ఫిర్యాదులను అత్యుత్సాహంగా విచారిస్తుండటంతో ఉద్యోగులు బెంబేలెత్తుతున్నారు.   కాసుల కోసమేనా?  ఖమ్మం జిల్లా (సర్కిల్‌)లో డిప్యుటేషన్‌పై పోలీస్‌ శాఖ నుంచి వచ్చి ఇటీవల బదిలీ అయిన ఓ ఉన్నతాధికారి తప్పుడు ఫిర్యాదులను ఆసరాగా తీసుకొని బాధితులపై విచారణ చేపట్టినట్లు ఉద్యోగులు చెబుతున్నారు. వారిని బెదిరించి అక్రమార్జనకు పాల్పడ్డారని విద్యుత్‌ ఉద్యోగుల నుంచి ఆరోపణలున్నాయి. ఖమ్మం జిల్లాలో విద్యుత్‌ ఉద్యోగులు గ్రూపులుగా విడిపోయి ఆకాశరామన్న ఉత్తరాల పేరుతో ఫిర్యాదు చేసుకోవడం పరిపాటైందని ఉద్యోగులు వాపోతున్నారు.  ఫిర్యాదులపై పట్టించుకోవద్దని ఆదేశాలున్నా..  ఇలాంటి ఫిర్యాదులను పట్టించుకోవద్దని సెంట్రల్‌ విజిలెన్స్‌ ఆదేశించింది. కోర్టు తీర్పులనూ ఉదహరించింది.  అయినప్పటికీ కొందరు అధికారులు అత్యుత్సాహం చూపుతూ అక్రమార్జనకు పాల్పడుతున్నట్లు వాపోతున్నారు.   

చలిగాలి వీచినా.. ఎండ పొడ తాకినా.. తట్టుకోలేని వయసది. అమ్మ ఒడిలో ఒదిగిపోయే ప్రాయమది. రంగుల ప్రపంచాన్ని చూడాలని ఆరాటపడే చిన్ని మనస్తత్వమది. ‘అమ్మా.. నాన్న’ ఈ రెండు పదాలు తప్ప వేరే ప్రపంచమే తెలియని చిన్ని లోకమది. ఆ లోకాన్నే ‘మా లోకం’ అని బతుకుతున్నారు తల్లిదండ్రులు. ఆ బుజ్జాయి జ్ఞాపకాల్ని కడుపులో దాచుకున్న అమ్మ.. ఆ బుజ్జి పలికిన పదాలు మనసులో మననం చేసుకున్న నాన్న. ఆ చిన్నారి షైనీ రాకతో జీవితం ‘షైన్‌’ అయిందనుకున్నారు. ఆ చిన్నారి స్నానానికి పెట్టిన వేడినీళ్లు.. జీవితాంతం కన్నీళ్లను మిగుల్చుతాయని అస్సలు అనుకోలేదు. హసన్‌పర్తి: మండలంలోని సీతంపేటకు చెందిన బండారి అశోక్, సుజాత దంపతుల కూతురు షైనీ(3) వేడి నీళ్లలో పడి చికిత్స పొందుతూ శనివారం మృతి చెందింది. నవంబర్‌ 27న షైనీ స్నానం కోసమని తల్లి సుజాత ఇంటి ఆవరణలో హీటర్‌ పెట్టింది. నీళ్లు బాగా వేడి అయ్యాయని హీటర్‌ ఆఫ్‌ చేసింది. ఆ తర్వాత సుజాత వంట పనుల్లో నిమగ్నమైంది. ఈ క్రమంలో షైనీ ఆడుకుంటూ బకెట్‌ను సమీపించింది. తప్పటడుగులేసుకుంటూ బకెట్‌ను తాకింది. ఒక్కసారిగా వేడి నీళ్లు పడడంతో గట్టిగా ఏడ్చింది. తల్లి వచ్చి చూసే సరికి షైనీ ఒళ్లు ఎర్రగా మారింది. ఏడుస్తున్న కూతురుని ఎంజీఎంకు తరలించారు. వైద్యులు వారం రోజులు చికిత్స అందించారు. శనివారం చికిత్స పొందుతున్న షైనీ మృతి చెందింది. చదవండి: (భర్త లింగమార్పిడి.. మరొకరితో సహజీవనం.. అంతలోనే..) ఎమ్మెల్యే పరామర్శ బాధిత కుటుంబాన్ని స్థానిక ఎమ్మెల్యే అరూరి రమేశ్‌ పరామర్శించారు.  çఘటన జరిగిన తీరును తెలుసుకున్నారు. ఎమ్మెల్యే వెంట స్థానిక సర్పంచ్‌  జనగాం శరత్, ఎంపీటీసీ సభ్యురాలు బండారి రజిత, టీఆర్‌ఎస్‌ మండల అధ్యక్షుడు బండి రజనీకుమార్, టీఆర్‌ఎస్‌ నాయకులు చేరాలు, తిరుపతి, పీఏసీఎస్‌ డైరెక్టర్‌ భగవాన్‌రెడ్డి, ఉపసర్పంచ్‌ భగవాన్‌రెడ్డి తదితరులు పాల్గొన్నారు.

సాక్షి, వరంగల్‌ : వరంగల్‌ అర్బన్‌, వరంగల్‌ రూరల్‌ జిల్లాల పేర్ల మార్పు ప్రక్రియ పూర్తయింది. 13 మండలాలతో వరంగల్‌ జిల్లా, 14 మండలాలతో హన్మకొండ జిల్లా ఏర్పాటయ్యాయి. ఈ మేరకు తెలంగాణ ప్రభుత్వం గురువారం తుది నోటిఫికేషన్‌ విడుదల చేసింది. కాగా, వరంగల్‌ అర్బన్‌ జిల్లా పేరును హన్మకొండగా, వరంగల్‌ రూరల్‌ జిల్లా పేరును వరంగల్‌ జిల్లాగా పేర్లు మారుస్తున్నట్లు జూన్‌ 21న వరంగల్‌ మల్టీ సూపర్‌ స్పెషాలిటీ ఆస్పత్రి నిర్మాణానికి శంకుస్థాపన చేసిన సమయంలో సీఎం కేసీఆర్‌ ప్రకటించిన విషయం తెలిసిందే. ఈ క్రమంలోనే అభ్యంతరాలు, సలహాలు ఇవ్వాలంటూ గత నెల 12న ప్రభుత్వం నోటిఫికేషన్‌ జారీచేసింది. ఈ నోటిఫికేషన్‌ గడువు ఈ నెల 10వ తేదీన ముగిసింది. అభ్యంతరాల స్వీకరణ, పరిశీలన అనంతరం జిల్లాల పేర్ల మార్పును ప్రకటించింది.  

సాక్షి ప్రతినిధి, వరంగల్‌: కొంతకాలంగా నర్మగర్భ వ్యాఖ్యలతో ఈటెలు సంధిస్తున్న రాష్ట్ర వైద్య ఆరోగ్యశాఖ మంత్రి ఈటల రాజేందర్‌ సోమవారం వరంగల్‌ అర్బన్‌ జిల్లాలో జరిగిన టీఆర్‌ఎస్‌ కార్యకర్తల సమావేశంలోనూ అలాగే మాట్లాడారు. రాజకీయాలపై, నాయకులపై ప్రజలకు రాను రాను నమ్మకం పోతోందని ఆవేదన వ్యక్తం చేశారు. ఒకప్పుడు ప్రజలకు అపారమైన విశ్వాసం ఉండేదని, ఇప్పుడు ఎలాంటి పరిస్థితులు ఉన్నాయో మీకు తెలుసునని, చెప్పాల్సిన అవసరం లేదని పేర్కొన్నారు. హన్మకొండ భీమారంలోని ఓ ఫంక్షన్‌ హాల్‌లో సోమవారం గ్రేటర్‌ వరంగల్‌ మున్సిపల్‌ ఎన్నికల సమీక్షా సమావేశం ఏర్పాటు చేశారు. రాష్ట్ర మంత్రులు ఎర్రబెల్లి దయాకర్‌రావు, కొప్పుల ఈశ్వర్, సత్యవతి రాథోడ్, సీనియర్‌ నేత, ఎమ్మెల్సీ కడియం శ్రీహరి, ఎమ్మెల్యేలు, నాయకులు, కార్యకర్తలు పాల్గొన్నారు. ఈ సందర్భంగా మంత్రి ఈటల మాట్లాడారు. బీజేపీ మసిబూసి మారేడుకాయ చేసే ప్రయత్నం చేస్తోంది ‘టీఆర్‌ఎస్‌ పార్టీ నాయకులు, కార్యకర్తలకు నోట్లో నాలికగా ఉంటుంది. కానీ భారతీయ జనతా పార్టీ ఉంది.. అది సోషల్‌ మీడియాలో మసిబూసి మారేడుకాయ చేసే ప్రయత్నం చేస్తోంది. గతంలో రాజకీయాలు, నాయకులు అంటే సమాజంలో ఒక గొప్ప గౌరవం, విలువలు, విశ్వాసం ఉండేవి. కానీ రానురాను నాయకుల మీద, రాజకీయాల మీద ఎట్లాంటి భావన వస్తుందో మీకు చెప్పాల్సిన అవసరం లేదు. ఇది మంచి సంప్రదాయమైతే కాదు. తాత్కాలికమైన విజయాల కోసం, తాత్కాలికమైనటువంటి ప్రయోజనాల కోసం సంప్రదాయాలను, మర్యాదలను, గౌరవాలను ఫణంగా పెట్టే పరిస్థితి రావద్దని కడియం శ్రీహరి గారి లాంటి వాళ్లు ఎక్కువగా కోరుకుంటారు. నాలాంటి వాళ్లు కూడా ఇవ్వాల అదే కోరుకుంటున్నారు’ అని ఈటల అన్నారు. పెరుగుట విరుగుట కోసమే.. ‘వాస్తవానికి రాజకీయ నాయకులెప్పుడు కూడా సమాజ శ్రేయస్సు కోసం పని జేసే వాళ్లు తప్ప, ఇబ్బంది పెట్టడం కోసమో, సొంత ప్రయోజనాల కోసమో ఆశించేవాళ్లు కాదు. కానీ అట్లా చిత్రీకరించేటటువంటి పరిస్థితి వచ్చింది. మానవ సంబంధాల్లోనే కాకుండా, రాజకీయ నాయకులు.. ప్రజల మధ్య ఉండే సంబంధాల్లో చోటుచేసుకుంటున్న బాధాకరమైన సన్నివేశాల్ని ఇవ్వాళ మనం చూస్తున్నం. కాబట్టి ఏదో ఒకనాడు పెరుగుట విరుగుట కోసమే అన్నట్టుగా ఇట్లాటివన్నీ పెరుగుతయ్‌.. మళ్లీ ఎక్కడో తప్పకుండా విరుగుతయ్‌ అనే నమ్మకం నాకుంది. అంతిమంగా రాజకీయాలు, రాజకీయ నాయకుల పట్ల గౌరవం ఇనుమడింపజేసేలా ప్రజలను మనం డ్రైవ్‌ చేయాలి..’ అని మంత్రి పేర్కొన్నారు. అతి తక్కువ కాలంలో ఎక్కువ ఫలితాలు తెలంగాణ రాష్ట్రం ఏర్పడిన తర్వాత దేశంలోని ఆనేక రంగాల్లో ఏ రాష్ట్రం కూడా పోటీపడని విధంగా, అతి తక్కువ కాలంలో అతి ఎక్కువ ఫలితాలు కనిపిస్తున్నాయని ఈటల తెలిపారు. రాష్ట్ర ప్రభుత్వం, కేసీఆర్‌ నాయకత్వంలోని టీఆర్‌ఎస్‌ చరిత్రకెక్కాయని అన్నారు. మాటలు చెబుతూ, కాలం గడిపితే ప్రజలు ఆదరించరని, గతమేందో, ఇవ్వాలేందో తర్కించుకుని, బేరీజు వేసుకుని ప్రజలు మనల్ని ఆదరిస్తున్నారని చెప్పారు. మారిన పరిస్థితులకు అనుగుణంగా మారేవాడే రాజకీయ నాయకుడని, అదే తరహాలో వర్ధన్నపేట ఎమ్మెల్యే ఆరూరి రమేశ్‌ నడుస్తున్నారని అన్నారు. చదవండి: బ్లాక్‌లో వ్యాక్సిన్‌ దందా.. రూ.800 మందు రూ.14 వేలకు చదవండి: మున్సి‘పోరు’: టీఆర్‌ఎస్‌ సరికొత్త రాజకీయం

సాక్షి, హన్మకొండ: బీజేపీ, టీఆర్‌ఎస్‌ పార్టీ శ్రేణుల మధ్య ఘర్షణలతో వరంగల్‌ నగరం ఆదివారం అట్టుడికిపోయింది. హన్మకొండ నక్కలగుట్టలోని ఎమ్మెల్యే చల్లా ధర్మారెడ్డి ఇంటిని బీజేపీ నేతలు, కార్యకర్తలు ఆదివారం ముట్టడించి దాడి చేయగా.. పోలీసులు వారిని అరెస్ట్‌ చేసి పోలీస్‌స్టేషన్‌కు తరలించారు. ఈ క్రమంలోనే హంటర్‌రోడ్డులోని బీజేపీ కార్యాలయంపై టీఆర్‌ఎస్‌ నేతలు దాడి చేశారు. ఇటు సుబేదారి పోలీస్‌స్టేషన్‌ వద్దకు చేరుకుని స్టేషన్‌ ఎదుట ఉన్న బీజేపీ నేతల వాహనాలను ధ్వంసం చేశారు.  చల్లా వ్యాఖ్యలతో దుమారం.. ఇటీవల రాముడిపై అనుచిత వ్యాఖ్యలు చేయడంతో పాటు బీజేపీ శ్రేణులు దొంగ బుక్కులు తయారు చేసుకుని చందాలు వసూలు చేస్తున్నారంటూ పరకాల ఎమ్మెల్యే చల్లా ధర్మారెడ్డి అన్నారు. ఈ నేపథ్యంలోనే బీజేపీ పార్టీ నాయకులు, కార్యకర్తలు ఆదివారం హన్మకొండ నక్కలగుట్టలోని ఆయన ఇంటిని ముట్టడించారు. అప్పటికే సమాచారం అందుకున్న పోలీసులు రోప్‌పార్టీతో అక్కడికి చేరుకుని వారిని అడ్డుకున్నా ప్రతిఘటించి దూసుకుపోయారు. ఈ క్రమంలో పోలీసులు బలవంతంగా నెట్టేయడంతో కొందరు అక్కడే బైఠాయించారు. వెనుక వైపు నుంచి కొందరు ధర్మారెడ్డి ఇంటిపైకి కోడిగుడ్లు, రాళ్లు, చెప్పులు విసిరారు. దీంతో ఇంటి అద్దాలు ధ్వంసమయ్యాయి. టీఆర్‌ఎస్‌ కార్యకర్తల దాడిలో ధ్వంసమైన బీజేపీ కార్యాలయ సామగ్రి  పోలీసులు అడ్డుకోగా వారి లాఠీలను లాక్కొని ఇంటిపైకి విసిరారు. పరిస్థితులు ఉద్రిక్తంగా మారడంతో దాడికి పాల్పడిన బీజేపీ నేతలను పోలీసులు అరెస్టు చేసి హన్మకొండలోని సుబేదారి, కాకతీయ యూనివర్సిటీ పోలీసు స్టేషన్లకు తరలించారు. ఇటు బీజేపీ దాడులకు ప్రతిగా టీఆర్‌ఎస్‌ నేతలు హన్మకొండ హంటర్‌రోడ్డులోని బీజేపీ కార్యాలయంపై కర్రలు, రాళ్లతో దాడి చేసి అద్దాలు ధ్వంసం చేశారు. అంతటితో ఆగకుండా వేద బాంక్వెట్‌ హాల్‌ ఎదుట ఉన్న తోరణాన్ని ధ్వంసం చేశారు. ఇటు సుబేదారి పోలీసుస్టేషన్‌ వద్దకు చేరుకుని స్టేషన్‌ ఎదుట ఉన్న బీజేపీ నేతల వాహనాలపై దాడులు చేశారు. బీజేవైఎం జిల్లా అధ్యక్షుడు సిద్ధం నరేశ్‌ కారు అద్దాలు పగులకొట్టారు.  దీక్ష చేపట్టిన బీజేపీ జిల్లా అధ్యక్షురాలు.. టీఆర్‌ఎస్‌ నేతల చర్యను నిరసిస్తూ బీజేపీ జిల్లా అధ్యక్షురాలు రావు పద్మ సుబేదారి పోలీస్‌స్టేషన్‌లో దీక్ష చేపట్టారు. ఆమె మాట్లాడుతూ.. ప్రజాప్రతినిధిగా ఉండి క్షుద్ర పూజలు చేసే మీకు అవతార పురుషుడైన రాముడి గురించి ఏమి తెలుసని ధర్మారెడ్డిని ప్రశ్నించారు. రామ మందిర నిర్మాణానికి భక్తులు సమర్పించే ప్రతి పైసకూ లెక్క ఉందని చెప్పారు. పోలీసులు అదుపులోకి తీసుకున్న బీజేపీ నేతలను విడుదల చేయాలని డిమాండ్‌ చేస్తూ సుబేదారి పోలీసు స్టేషన్‌ ఎదుట బీజేపీ శ్రేణులు ధర్నా చేశారు. ఆదివారం రాత్రి పెద్ద ఎత్తున స్టేషన్‌కు చేరుకున్న నాయకులు, కార్యకర్తలు అక్కడే బైఠాయించారు. రాత్రి 10.20 గంటల వరకు కూడా ధర్నా కొనసాగింది. ఇటు ఎమ్మెల్యే చల్లా ఇంటిపై జరిగిన దాడి ఘనటనపై సుబేదారి పోలీస్‌స్టేషన్‌లో కేసు నమోదైంది. ఆ పార్టీ జిల్లా అధ్యక్షురాలు పద్మతో పాటు ఇతర నేతలపై వివిధ సెక్షన్ల కింద కేసు నమోదు చేశారు. నేతల పరామర్శ చల్లా ఇంటిపై బీజేపీ దాడి ఘటన సమాచారం తెలుసుకున్న పంచాయతీరాజ్, గ్రామీణాభివృద్ధి శాఖ మంత్రి ఎర్రబెల్లి దయాకర్‌రావు, మాజీ ఉప ముఖ్యమంత్రి, ఎమ్మెల్సీ కడియం శ్రీహరి, ఎమ్మెల్యేలు తాటికొండ రాజయ్య, గండ్ర వెంకటరమణారెడ్డి, పెద్ది సుదర్శన్‌ రెడ్డి, మేయర్‌ గుండా ప్రకాశ్‌రావు తదితరులు ఆయన ఇంటికి చేరుకుని పరిశీలించారు. చల్లా కుటుంబ సభ్యులను పరామర్శించారు. దాడి ఘటనను తీవ్రంగా ఖండించారు. ఇదిలాఉండగా.. వరంగల్‌ పోలీసు కమిషనర్‌ ప్రమోద్‌కుమార్‌ చల్లా ఇంటికి చేరుకుని పరిశీలించారు. పోలీసు ఏసీపీ జితేందర్‌రెడ్డి, ఎమ్మెల్యేతో మాట్లాడి వివరాలు తెలుసుకున్నారు. 

సాక్షి, హన్మకొండ: ఉద్యోగుల సమస్యలు పరిష్కారం కోసం ప్రభుత్వంతో సామరస్యపూర్వక ధోరణితో పోరాడుతామని, అవసరమైతే ఉద్యోగుల సమస్యల పరిష్కారానికి రాష్ట్ర ముఖ్యమంత్రి కాళ్లు మొక్కడానికి కూడా సిద్ధమేనని టీఎన్జీవోస్‌ కేంద్ర సంఘం నూతన అధ్యక్షుడు మామిళ్ల రాజేందర్‌ అన్నారు. నాడు తెలంగాణ ఉద్యమంలో, నేడు తెలంగాణ అభివృద్దిలో ప్రతీ ఉద్యోగి ముఖ్యమంత్రి వెంట కండువా లేని టీఆర్‌ఎస్‌ కార్యకర్తల్లా పనిచేస్తున్నారని తెలిపారు. టీఎన్జీవోస్‌ వరంగల్‌ జిల్లా కౌన్సిల్‌ సమావేశం, కేంద్ర సంఘం నూతన నాయకులకు అభినందన, పూర్వ అధ్యక్షులు కారం రవీందర్‌రెడ్డి వీడ్కోలు సమావేశం హన్మకొండలోని అంబేద్కర్‌ భవన్‌లో శుక్రవారం జరిగింది. టీఎన్జీవోస్‌ జిల్లా అధ్యక్షుడు కోలా రాజేష్‌కుమార్‌ అధ్యక్షతన జరిగిన ఈ సమావేశంలో విశిష్ట అతిథులుగా ప్రభుత్వ చీఫ్‌ విప్‌ దాస్యం వినయ్‌భాస్కర్, ఎమ్మెల్యే నన్నపునేని నరేందర్, రాష్ట్ర నూతన కార్యదర్శి రాయికంటి ప్రతాప్, జేఏసీ ఛైర్మన్‌ పరిటాల సుబ్బారావు తదితరులు పాల్గొన్నారు. ఈ సందర్భంగా రాజేందర్‌ మాట్లాడుతూ పరిస్థితులను అర్థం చేసుకోకుండా కొందరు తప్పుడు నాయకులు, తప్పుడు సంఘాల మాటలు విని ఉద్యోగులు వీధిన పడొద్దని హితవు పలికారు. 70ఏళ్ల చరిత్ర కలిగిన టీఎన్జీవోస్‌ సంఘం అధికారంలో ఉన్నవారికి అనుకూలంగా ఉంటూనే సమస్యలు పరిష్కారం చేస్తున్న వైనాన్ని చరిత్ర చెబుతోందన్నారు. ఉద్యోగులకు దసరా లోపు కనీసం రెండు డీఏలను ప్రభుత్వం ప్రకటిస్తుందని ప్రభుత్వ పెద్దలు హామీ ఇచ్చారన్నారు.  పీఆర్‌సీ కమిషన్‌ రాజీనామా చేయాలి మూడు నెలల కాల పరిమితితో ఏర్పాటు చేసిన పీఆర్‌సీ కమిషన్‌ మూడేళ్లుయినా నివేదిక ఇవ్వకపోవడంతో ఉద్యోగులు తీవ్రంగా నష్టపోతున్నారని రాజేందర్‌ అన్నారు. ఉద్యోగుల సమస్య పరిష్కారానికి ప్రతిపాదనలు చేయలేని కమిషన్‌ వెంటనే రాజీనామా చేయాలని డిమాండ్‌ చేశారు. ఉద్యోగులు ఇప్పటికే 14వ వీఆర్‌సీ స్థానంలో 11పీఆర్‌సీ కోసం పోరాడాల్సి వస్తోందన్నారు. అది కూడా ఇప్పుడు ఇస్తారో తెలియని ఆందోళనలో ఉద్యోగ లోకం ఉందని తెలిపారు. ఈ మేరకు ముఖ్యమంత్రి ఉద్యోగులను చర్చలకు పిలిచి సమస్యలు పరిష్కరించాలని విజ్ఞప్తి చేశారు. కాగా, టీఎన్జీవోస్‌ కేంద్ర సంఘం తాజా మాజీ అధ్యక్షుడు కారం రవీందర్‌రెడ్డికి గ్రాడ్యుయేట్‌ ఎమ్మెల్సీ స్థానం నుంచి టీఆర్‌ఎస్‌ పోటీకి అవకాశం కల్పించాలని సమావేశంలో నేతలు కోరారు. తద్వారా ఉద్యోగుల గొంతుక అక్కడ వినిపించే అవకాశముంటుందని తెలిపారు.  తెలంగాణలో వినతులు... ఆంధ్రాలో జీఓలు తెలంగాణ ప్రభుత్వానికి ఉద్యోగులు సమస్యలపై వినతులు ఇస్తుంటే ఇక్కడ పరిష్కారం కావడం లేదని మామిళ్ల రాజేందర్‌ అన్నారు. అయితే, ఇదే వినతులకు సంబంధించి ఆంధ్రప్రదేశ్‌ ప్రభుత్వం ఉత్తర్వులు జారీ చేస్తోందని తెలిపారు. ఇక్కడి ఉద్యోగం పోరాటంతో అక్కడి ఉద్యోగ సోదరులకు లాభం జరుగుతోందని చెప్పారు. అదేవిధంగా సీఎం కేసీఆర్‌ నుంచి కూడా సమస్యలు పరిష్కారానికి త్వరలో పిలుపు వస్తుందని ఆశాభావం వ్యక్తం చేశారు. కాగా, ఉద్యోగుల పెండింగ్‌ సమస్యలకు సంబంధించి 18డిమాండ్లకు కౌన్సిల్‌ ఏకగ్రీవంగా ఆమోదించింది. ఇక రాష్ట్ర నూతన అధ్యక్షుడు మామిళ్ల రాజేందర్‌తో పాటు పూర్వ కారం వీందర్‌రెడ్డి, జేఏసీ చైర్మన్‌ పరిటాల సుబ్బారావును ఘనంగా సత్కరించారు. ఈ సమావేశం ఆద్యంతం ఎమ్మెల్సీ ఎన్నికల ప్రస్తావనతో కొనసాగగా, కరోనాను పట్టించుకోకుండా నేతల పలకరింపులు, సత్కారాలు, సన్మానాలు సాగాయి. రవన్నకు మంచి హోదా ప్రభుత్వ చీఫ్‌ విప్‌ దాస్యం వినయ్‌భాస్కర్‌ మాట్లాడుతూ ఉద్యోగ విరమణ చేసిన కారం రవీందర్‌రెడ్డిను ముఖ్యమంత్రికి ఒకరు సిఫారసు చేయాల్సి అవసరం లేదని తెలిపారు. ఆయనతో పాటు జిల్లా ఉద్యోగ నాయకుల గురించి సీఎంకు పూర్తిగా తెలుసనని చెప్పారు. ఎమ్మెల్సీ హోదా కావొచ్చు, మరొకటైనా కానీ త్వరలో రవీందర్‌రెడ్డిని మంచి హోదాలో చూస్తామని తెలిపారు. కాగా, కారం రవీందర్‌రెడ్డి తొలుత హన్మకొండ తహసీల్దార్‌ కార్యాలయంలో తన ఓటరు నమోదు దరఖాస్తు అందజేశారు. టీజీవోస్‌ అధ్యక్షులు జగన్మోహన్‌రావు, ట్రెసా అధ్యక్షుడు రాజ్‌కుమార్, నాయకులు ఇట్టె కిరణ్‌రెడ్డి, జిలుకర రమేష్, ఎంజీఎం సూపరిటెంటెండెంట్‌ నాగార్జునరెడ్డి, డీఎంహెచ్‌ఓ లలితాదేవితో పాటు రామినేని శ్రీనివాస్, చందు, పుల్లూరి వేణుగోపాల్, ఆకుల రాజేందర్, శ్యాంసుందర్, రామునాయక్, షఫీ, నర్సింహస్వామి తదితరులు పాల్గొన్నారు. ఉద్యోగులందరూ ఓటరుగా నమోదు చేసుకోవాలి హన్మకొండ చౌరస్తా: త్వరలో జరగనున్న వరంగల్, నల్గొండ, ఖమ్మం పట్టభద్రుల ఎమ్మెల్సీ ఎన్నికల కోసం డిగ్రీ అర్హత ఉన్న ఉద్యోగులందరూ ఓటర్లు నమోదు చేసుకోవాలని టీఎన్జీవోస్‌ కేంద్ర సంఘం అధ్యక్షుడు మామిళ్ల రాజేందర్‌ సూచించారు. హన్మకొండలోని అలంకార్‌ జంక్షన్‌ సమీపాన ఉన్న టీఎన్జీఓఎస్‌ భవన్‌లో శుక్రవారం పట్టభద్రుల ఓటరు నమోదు కార్యక్రమం నిర్వహించారు. ఈ సందర్బంగా రాజేందర్‌ మాట్లాడారు.

సాక్షి, వరంగల్‌ : వర్ధన్నపేట ఎమ్మెల్యే అరూరి రమేష్‌కు చెందిన హన్మకొండ హంటర్‌రోడ్డులోని క్యాంపు కార్యాలయాన్ని గ్రేటర్‌ వరంగల్‌ మున్సిపల్‌ కార్పొరేషన్‌ అధికారులు బుధవారం కూల్చివేశారు. వరంగల్‌ జిల్లా కేంద్రంలో ఇటీవల కురిసిన భారీ వర్షాలతో పలు ప్రాంతాలు నీట మునగగా నాలాలను ఆక్రమించి నిర్మించిన కట్టడాలే కారణమని గుర్తించారు. ఇందులో ఎమ్మెల్యే క్యాంప్‌ కార్యాలయం కూడా ఉన్నట్లు ఇటీవల తేల్చారు. జిల్లా కలెక్టర్‌ రాజీవ్‌గాంధీ హన్మంతు, కమిషనర్‌ పమేలా సత్పతి ఆదేశాలతో డీఆర్‌ఎఫ్‌ సిబ్బంది నిర్మాణాన్ని పాక్షికంగా తొలగించారు. కాగా, నాలా విస్తరణ కోసం కార్యాలయ భవనాన్ని తొలగించడానికి ఎమ్మెల్యే అరూరి రమేష్‌ స్వచ్ఛందంగా ముందుకొచ్చారని ఆయన కార్యాలయం నుంచి ప్రకటన వెలువడింది. కాగా వరంగల్‌లో వరదల సంభవించిన సమయంలో మున్సిపల్‌శాఖ మంత్రి కేటీఆర్‌ ఇక్కడ పర్యటించిన విషయం తెలిసిందే. నాలాలపై అక్రమ నిర్మాణాలు చేపట్టడంపై ఆయన తీవ్ర ఆగ్రహం వ్యక్తం చేశారు. వెంటనే అక్రమ నిర్మాణాలను తొలగించాలని ఆదేశాలు ఇచ్చారు. (నాలాల ఆక్రమణపై కేటీఆర్‌ సీరియస్‌)  నాలాలపై కొనసాగుతున్న కూల్చివేత వరంగల్‌ నగరంలోని నాలాలపై అక్రమంగా నిర్మించిన భవనాలు, ప్రహారీల తొలగింపు ప్రక్రియ ముమ్మరంగా సాగుతోంది. ఇందులో భాగంగా బుధవారం భద్రకాళి, ములుగు రోడ్డు, నయీంనగర్‌ నాలాలపై ఉన్న 22 ఆక్రమణలను బల్దియా సిబ్బంది తొలగించారు. ఇప్పటి వరకు 88 ఆక్రమణలు కూల్చివేసినట్లు ఏసీపీలు ప్రకాశ్‌ రెడ్డి, సాంబయ్య తెలిపారు. (ఓరుగల్లుపై కేసీఆర్‌కు ప్రత్యేక ప్రేమ!)

హన్మకొండ చౌరస్తా: జిల్లా కేంద్రంలోని ప్రధాన రహదారులపై గుంతలు ఏర్పడి వాహనదారులు ఇబ్బంది పడుతున్నా అధికారులు, ప్రజాప్రతినిధులు పట్టించుకోకపోవడంతో ఏబీవీపీ నాయకులు వినూత్న రీతిలో నిరసన తెలిపారు. ఈ మేరకు హన్మకొండలోని జిల్లా బస్టాండ్‌ వద్ద రోడ్డుపై గుంతల్లో నిలిచిన వర్షపు నీటిలో నాట్లు వేయడంతో పాటు ఆ నీటిలో కాసేపు కబడ్డీ ఆడారు. కార్యక్రమంలో ఏబీవీపీ రాష్ట్ర సంయుక్త కార్యదర్శి పున్నం వేణుతో పాటు భరత్‌వీర్, అజయ్, వంశీకృష్ణ, అఖిల్, బలరాం, అరుణ్‌సాయి పాల్గొన్నారు ఏబీవీపీ నాయకులపై కేసు నమోదు.. వరంగల్‌ క్రైం: హన్మకొండ బస్టాండ్‌ వద్ద రోడ్డు మరమ్మతు చేయాలనే డిమాండ్‌తో నిరసన తెలిపిన ఏబీవీపీ నాయకులపై కేసు నమోదు చేసినట్లు హన్మకొండ ఇన్‌స్పెక్టర్‌ దయాకర్‌ తెలిపారు. ప్రభుత్వానికి వ్యతిరేకంగా నినాదాలు చేయడంతో పాటు కరోనా నిబంధనలకు ఉల్లంగించినందుకు పున్నం వేణు, ఎర్రగోల్ల భరత్, గాజు అజయ్‌కుమార్‌తో పాటు మరో నలుగురిపై కేసు నమోదు చేసినట్లు వెల్లడించారు.

హన్మకొండ చౌరస్తా: మడికొండలో కార్యక్రమం లో పాల్గొని భోజన సమయంలో హన్మకొండ బాలసముద్రంలోని ప్రభుత్వ చీఫ్‌ విప్‌ దాస్యం వినయ్‌భాస్కర్‌ అధికారిక నివాసానికి బయల్దేరిన కేటీఆర్‌ వాహనాన్ని ట్రాఫిక్‌ కానిస్టేబుల్‌ అడ్డుకున్నాడు. కేటీఆర్‌ అధికారిక వాహనంలో కాకుండా ప్రైవేటు కారును డ్రైవ్‌ చేసుకుంటూ వెళ్తున్నప్పుడు అక్కడి క్యాంపు కార్యాలయం వద్ద బందోబస్తులో ఉన్న ట్రాఫిక్‌ కానిస్టేబుల్‌ ట్రాఫిక్‌ క్రమబద్ధీకరణలో భాగంగా కేటీఆర్‌ కారును అడ్డుకోబోయాడు. దీంతో  కేటీఆర్‌ వెనుకున్న ఎస్కార్ట్‌ వాహనాలు ముందుకొచ్చి కానిస్టేబుల్‌కు విషయాన్ని చెప్పడంతో అతడు తప్పుకొన్నాడు.

సాక్షి, హన్మకొండ: సీఎం కేసీఆర్‌ చేసిన యాగంతో తెలంగాణ రాష్ట్రం సుభిక్షంగా ఉందని..  వర్షాలు సమృద్ధిగా కురవడంతో కుంటలు, చెరువులు వాగులు నిండాయని దేవదాయ శాఖ మంత్రి అల్లోల ఇంద్రకరణ్‌రెడ్డి అన్నారు. వరంగల్‌ అర్బన్‌ జిల్లా హన్మకొండలోని హయాగ్రీవాచారి మైదానంలో ఆదివారం ప్రారంభమైన అతిరుద్రయాగంలో ఆయన పాల్గొన్నారు.  ఈ సందర్భంగా మీడియాతో మాట్లాడుతూ.. కాళేశ్వరం ప్రాజెక్టుతో తెలంగాణలో కోటిన్నర ఎకరాల మాగానికి సాగునీళ్లు అందిస్తామన్నారు. సీఎం కేసీఆర్‌ స్ఫూర్తితో ఇలాంటి యాగాలు జరగడం లోక కల్యాణానికి దోహదపడతాయన్నారు. మేడారం జాతరకు కేంద్రం జాతీయ హోదా ఇవ్వడం లేదన్నారు. మంత్రి సత్యవతి రాథోడ్‌ ఆధ్వర్యంలో కేంద్రమంత్రులను కలిశామని చెప్పారు. మేడారం పనులు చురుగ్గా సాగుతున్నాయని వెల్లడించారు. రెండు జాతరలు నిర్వహించిన స్ఫూర్తితో ఈ సారి కూడా మేడారం జాతర వైభవంగా నిర్వహిస్తామని మంత్రి ఇంద్రకరణ్‌ రెడ్డి పేర్కొన్నారు.

హన్మకొండ చౌరస్తా : ముక్కు పచ్చలారని 9 నెలల కుమార్తెపై అత్యాచారానికి పాల్పడిన మానవ మృగాన్ని ఆరు నెలలుగా జైలులో ఉంచి మేపుతూ తమను క్షోభ పెడుతున్నారని హన్మకొండకు చెందిన చిన్నారి శ్రీహిత తల్లి రచన ఆవేదన వ్యక్తం చేశారు. దిశ హంతకుల ఎన్‌కౌంటర్‌ నేపథ్యంలో శుక్రవారం ఆమె హన్మకొండలో విలేకరులతో మాట్లాడారు. తామేం ఏం పాపం చేశామని ప్రభుత్వం అన్యాయం చేస్తుందో అర్థం కావడం లేదని వాపోయారు. ఒడిలో నిద్రిస్తున్న పాపను ఎత్తుకెళ్లి అత్యంత కిరాతకానికి ఒడిగట్టిన దుర్మార్గుడిని ఉరితీయాలని జిల్లా కోర్టు తీర్పు ఇస్తే.. హైకోర్టు ఈ తీర్పును యావజ్జీవ శిక్షగా మార్చడం తమను బాధించిందని పేర్కొన్నారు. ఇప్పటికైనా చిన్నారిపై హత్యాచారానికి పాల్పడిన మానవ మృగాన్ని ఎన్‌కౌంటర్‌ చేయాలని.. అప్పుడే తమకు న్యాయం జరుగుతుందని.. పాప ఆత్మకు శాంతి చేకూరుతుందని రచన తెలిపారు.

సాక్షి ప్రతినిధి, వరంగల్‌: వరంగల్‌లో సంచలనం రేపిన గాదం మానస(19)పై అత్యాచారం, హత్య కేసు మిస్టరీ వీడింది. పుట్టిన రోజు సందర్భంగా బుధవారం గుడికి వెళ్లొస్తానని కుటుంబసభ్యులకు చెప్పి బయటకు వెళ్లి హన్మకొండ హంటర్‌రోడ్డులోని విష్ణుప్రియ గార్డెన్స్‌ సమీపంలో విగత జీవిగా పడి ఉంది. ఆమె మృతదేహాన్ని స్వాధీనం చేసుకుని పోలీసులు అనుమానాస్పద మృతిగా కేసు నమోదు చేసుకుని విచారణ జరిపారు. ఈ కేసును పోలీసులు 24 గంటల్లోనే ఛేదించారు. జనగామ జిల్లా స్టేషన్‌ఘన్‌పూర్‌ మండలం నమిలికొండ ప్రాంతానికి చెందిన పులి సాయిగౌడ్‌ అలియాస్‌ సాయికుమార్‌ ఈ ఘాతుకానికి పాల్పడినట్లు తేల్చారు. 6 నెలల పరిచయంలోనే ప్రేమ పేరిట సెల్‌ఫోన్‌ సంభాషణ కొనసాగించిన సాయికుమార్‌.. పథకం ప్రకారం నమ్మించి బయటకు రప్పించి మానసపై అత్యాచారం చేసి, ఆ తర్వాత హత్య చేసినట్లు తేలింది. కేసులో సాయికుమార్‌ను అరెస్టు చేసినట్లు గురువారం వెల్లడించిన వరంగల్‌ పోలీసు కమిషనర్‌ విశ్వనాథ రవీందర్‌ ఈ కేసును మరింత లోతుగా విచారిస్తున్నట్లు వెల్లడించారు.  ప్రేమ పేరిట గాలం  జనగామ జిల్లా నమిలికొండకు చెందిన పులి సాయిగౌడ్‌ హన్మకొండ హంటర్‌రోడ్డులోని ఓ ప్రైవేట్‌ కాలేజీలో డిగ్రీ చివరి సంవత్సరం చదువుతున్నాడు. హన్మకొండలోని దీన్‌దయాళ్‌ కాలనీకి చెందిన గాదం మానస హంటర్‌రోడ్డులోని నీలిమ జంక్షన్‌ వద్ద తండ్రితో కలసి కూరగాయల వ్యాపారం నడుపుకొంటూ ఇంటర్‌ మొదటి సంవత్సరం చదువుతోంది. నిందితుడు కాలేజీకి వెళ్లే క్రమంలో 6 నెలల కింద మానసతో పరిచయం ఏర్పడింది. కొద్ది రోజులుగా ఇద్దరూ సెల్‌ఫోన్‌లో మాట్లాడుకుంటున్నారు. బుధవారం మానస పుట్టిన రోజు కావడంతో తనను కలిసేందుకు రావాలని సాయి కోరాడు. దీంతో భద్రకాళి గుడికి వెళ్లొస్తానని తల్లికి చెప్పి మధ్యాహ్నం ఇంటి నుంచి మానస వెళ్లింది. ముందుగా అదాలత్‌ జంక్షన్‌ వరకు రావాలని చెప్పిన సాయి.. ఆ తర్వాత కాజీపేట వైపు రావాల్సిందిగా ఫోన్‌లో సూచించాడు. కాజీపేట వెళ్లి ఎదురు చూస్తుండగా.. మానసను కారులో తీసుకెళ్లిన సాయి.. చిన్న పెండ్యాల రైల్వే ట్రాక్‌ సమీపంలోని నిర్మానుష్య ప్రదేశానికి తీసుకెళ్లాడు. అక్కడ కారును నిలిపి మానసను అత్యాచారం చేసి.. హత్య చేసినట్లు సీపీ తెలిపారు.  కొత్త బట్టలు తొడిగి..  మానసది సహజ మరణంగా చిత్రీకరించేందుకు నిందితుడు సాయి ప్రయత్నించాడు. ఘటనాస్థలం నుంచి మృతదేహాన్ని తరలించేందుకు సాయం కోసం తన మిత్రులు మాచర్ల శ్రీకాంత్, నీలి శ్రీకాంత్‌లను తప్పుడు సమాచారంతో అక్కడికి రప్పించాడు. అయితే ఇద్దరూ ఘటనాస్థలానికి చేరుకుని మానస మృతదేహాన్ని చూసి షాక్‌తో అక్కడి నుంచి వెళ్లిపోయారు. దీంతో చేసేదేమీ లేక నిందితుడు ఒక్కడే మానస మృతదేహాన్ని కారులో ఎక్కించి చీకటి పడే వరకు చిన్న పెండ్యాల, హుస్నాబాద్, ఎల్కతుర్తి, కేయూసీ సెంటర్‌ మీదుగా తిరుగుతూ హన్మకొండలోని ప్రభుత్వ జూనియర్‌ కాలేజీ వద్ద ఉన్న నిర్మానుష్య ప్రదేశానికి వచ్చాడు. మానస హత్యను సహజ మరణంగా చిత్రీకరించేందుకు కాలేజీ సమీపంలోని బట్టల షాపులో డ్రెస్‌ కొనుగోలు చేశాడు. అక్కడి నుంచి కారులో బయల్దేరి హంటర్‌ రోడ్డులోని న్యూ శాయంపేట వద్ద రైల్వేట్రాక్‌ వద్దకు చేరుకుని మానస ఒంటిపై రక్తసిక్తమైన దుస్తులను తీసి కొత్త డ్రెస్‌ వేశాడు. అక్కడి నుంచి విష్ణుప్రియ గార్డెన్స్‌ పరిసర ప్రాంతానికి చేరుకుని ఎవరికీ కనిపించకుండా నిర్మానుష్య ప్రదేశంలో మృతదేహాన్ని వేసి తన స్వగ్రామమైన నమిలికొండకు వెళ్లిపోయాడు.   సోదరుడి ఫిర్యాదుతో..  చీకటి పడినా మానస తిరిగి ఇంటికి రాకపోవడంతో ఆమె అన్నయ్య శ్రీనివాస్‌ బుధవారం రాత్రి హన్మకొండలోని సుబేదారి పోలీసులకు ఫిర్యాదు చేశారు. దీంతో కేసు నమోదు చేసుకున్న పోలీసులు విచారణ జరిపారు. సాయికుమారే మానసను హత్య చేసినట్లుగా ప్రాథమికంగా సాక్ష్యాధారాలను సేకరించి గురువారం మధ్యాహ్నం నమిలిగొండలో అరెస్టు చేశారు. నిందితుడు ఉపయోగించిన కారును స్వాధీనం చేసుకుని నిందితుడిని కోర్టులో హాజరుపరుస్తామని సీపీ తెలిపారు. 24 గంటల వ్యవధిలోనే నిందితుడు సాయికుమార్‌ను అరెస్టు చేసేందుకు కృషి చేసిన పోలీసులను సీపీ అభినందించారు.  ఎప్పుడేం జరిగింది..  బుధవారం  ► మధ్యాహ్నం ఒంటి గంట: ఇంటి నుంచి బయటికి వెళ్లిన మానస  ► 1.30 గం.కు: అదాలత్‌ జంక్షన్‌ నుంచి కాజీపేట బయల్దేరిన బాధితురాలు  ► 2.00 గం.కు: కాజీపేట జంక్షన్‌ చేరుకుని నిందితుడి కారు ఎక్కిన మానస  ► 2.30 గం.కు: అత్యాచారం.. హత్యకు గురైంది.  ► మధ్యాహ్నాం  3.00 గంటల నుంచి నిందితుడు మానస మృతదేహంతో చిన్నపెండ్యాల, హుస్నాబాద్, ఎల్కతుర్తి, కేయూసీ జంక్షన్, అశోకా జంక్షన్‌ వరకు కారులో ప్రయాణం  ► రాత్రి 8.30 గం.కు: మృతురాలి బట్టలు మార్చాడు.  ► 9.00 గం.కు: మృతదేహాన్ని విష్ణుప్రియ గార్డెన్స్‌ వద్ద పడేసి పరారైన నిందితుడు.  ► 9.43 గం.కు: డయల్‌ 100కి సమాచారం ఇచ్చిన స్థానికులు.  ► 9.50 గం.కు: సంఘటన స్థలానికి చేరుకున్న పోలీసులు  ► 10.00 గం.కు: సంఘటన స్థలంకు చేరుకున్న డాగ్‌ స్క్వాడ్, క్లూసీ బృందాలు  ► 12.00 గం.కు: మృతదేహాన్ని ఎంజీఎం ఆస్పత్రికి తరలింపు  గురువారం  ► ఉదయం 10.30 గం.కు: మృతదేహానికి పోస్టుమార్టం   ► మధ్యాహ్నం ఒంటి గంటకు: నిందితుడిని అరెస్టు చేసిన పోలీసులు 

కాజీపేట అర్బన్‌: లవర్‌ బాయ్‌ ఇమేజ్‌తో గుర్తింపు పొందిన నేను త్వరలో అన్ని వర్గాల ప్రజలను మెప్పించేలా అందరిని ఆకట్టుకునే సినిమాతో ముందుకు వస్తానని సినీహీరో వరుణ్‌సందేశ్‌ తెలిపారు. హన్మకొండలో ఓ సెలూన్‌ షాప్‌ ప్రారంభోత్సవానికి శనివారం వచ్చిన ఆయన ‘సాక్షి’తో ప్రత్యేకంగా మాట్లాడారు. ఈ సందర్భంగా వరుణ్‌ చెప్పిన విషయాలు ఆయన మాటల్లోనే.. ఓరుగల్లు అంటే ఎంతో ఇష్టం చారిత్రక ఓరుగల్లు నగరంలో సినిమా చేయాలనుంది. గతంలో టూర్‌లో భాగంగా వరంగల్‌కు వచ్చాను. వేయిస్తంభాల దేవాలయం, రామప్ప, వరంగల్‌ ఫోర్ట్‌లతో పాటు నిట్‌ వరంగల్‌ చాలా ఇష్టమైన ప్రాంతాలు. హైదరాబాద్‌కు ధీటుగా వరంగల్‌ ఫాస్ట్‌గా అభివృద్ధి చెందుతున్నందున వర్షం, ఎంసీఏ వంటి చిత్రాలతో సినీ రంగానికి అనువుగా నిలుస్తున్న వరంగల్‌లో సినిమా చేస్తా. బిగ్‌బాస్‌–3 ఓపికను నేర్పించింది... ఎంతో కోపంగా, ఓపిక లేకుండా, ప్రతి అంశానికి రియాక్ట్‌ అయ్యే నన్ను బిగ్‌బాస్‌–3లో 105రోజుల ప్రయాణం ఓపిక నేర్పించింది. నేను వితిక భార్యభర్తలమైనా బిగ్‌బాస్‌–3లో కంటెస్ట్‌లుగా పోటాపోటీగా టాస్క్‌లు చేశాం. టాప్‌–5లో నేను సైతం ఉండడం బిగ్‌ బాస్‌ నాకు నేర్పిన, అందించిన ఓర్పు, ఓపికతోనే. నేను నా భర్యతో పాటు 15 మంది కంటెస్ట్‌లతో అనుభూతులు, అభిరుచులను, కోపాలు–తాపాలు, అనుభావాలను పంచుకుంటూ ఆత్మీయులుగా మారిపోయాం. బిగ్‌బాస్‌–3 జర్నీ నా జీవితంలో మరిచిపోలేని మధురానుభూతి. నిత్యం షూటింగ్‌లో బిజీగా ఉండే నేను నా భార్య వితిక ఒకే చోట వంద రోజులు మనోభావాలను పంచుకునే అవకాశాన్ని అందించిన బిగ్‌బాస్‌కు రుణపడి ఉంటా. నా సినిమాలను ఆదరించిన ప్రేక్షకులే నన్ను టాప్‌–5లో బిగ్‌బాస్‌లో నిలబెట్టారు. నా అభిమానుల అభిమానం ఎప్పటికీ మరిచిపోలేను. త్వరలో మల్టీస్టారర్‌... బిగ్‌బాస్‌–3 జర్నీ తర్వాత అనేక అవకాశాలు వస్తున్నాయి. పదికి పైగా స్టోరీలను విన్నాను. త్వరలో మల్టీస్టారర్‌ మూవీ, ఫ్యామిలీ, కామెడీ సినిమాలతో ముందుకు వస్తా.  ‘సే నో టూ ప్లాస్టిక్‌’లో వరంగల్‌ ముందుండాలి యూఎస్‌లో ఉన్నప్పుడు అక్కడ ప్లాస్టిక్‌ వాడకం నిషేదంతో పర్యావరణ పరిరక్షణలో ముందుండగా ప్రస్తుతం వరంగల్‌ సే నో టూ  ప్లాస్టిక్‌ అంటూ ప్లాస్టిక్‌ రహితంగా వరంగల్‌ ఫస్ట్‌గా నిలవాలి. ప్లాస్టిక్‌ వినియోగంతో అనేక రోగాలు వస్తున్నాయి, వాతావరణం కలుషితమౌతుంది. పర్యావరణానికి ముప్పుగా మారిని ప్లాస్టిక్‌ భూతాన్ని తరిమేద్దామంటూ వరంగల్‌వాసులకు వరుణ్‌సందేశ్‌ తన సందేశ్‌(శా)న్ని అందించారు. 

సాక్షి, హన్మకొండ: చదువు రెండు దేశాలకు చెందిన యువతీయువకులను కలిపింది.. ప్రేమ మరింత దగ్గర చేయగా వివాహబంధంతో ఒక్కటయ్యారు... ఆస్ట్రేలియా దేశానికి చెందిన యువతితో తెలంగాణ యువకుడికి హిందూ సంప్రదాయం ప్రకారం అంగరంగ వైభవంగా వివాహం జరిగింది. ములుగు జిల్లా కేంద్రానికి చెందిన సుఖవాసి మహామహేశ్వర్‌రావు, విజయకుమారి దంపతులు హన్మకొండలో స్థిరపడగా వారి కుమారుడు దినేష్‌బాబు ఎం ఫార్మసీ చదువుకునేందుకు ఆస్ట్రేలియాలోని పెర్త్‌కు వెళ్లాడు. అక్కడి చాల్స్‌ యూనివర్సిటీలో ఎం ఫార్మసీ చదువుతున్న డెమ్మి మార్గరేట్‌ రాబెలింగ్‌తో ఏర్పడిన పరిచయం ప్రేమగా మారింది. ఈ మేరకు ఇరువురి తల్లిదండ్రులు అంగీకరించడంతో హన్మకొండలోని నందనా గార్డెన్స్‌లో శుక్రవారం వివాహం జరిపించారు. ఈ వివాహానికి హాజరైన డెమ్మి మార్గరేట్‌ రాబెలింగ్‌ కుటుంబీకులు, స్నేహితులు సంప్రదాయ దుస్తుల్లో పెళ్లి వేడుకను ఆసక్తిగా తిలకించడం ఆకట్టుకుంది.

సాక్షి, హన్మకొండ: కాళోజీ సోదరులు ప్రజాస్వామిక విలువలకు దర్పణం వంటివారని కాకతీయ యూనివర్సిటీ విశ్రాంతాచార్యులు డాక్టర్‌ కాత్యాయనీవిద్మహే అన్నారు. ప్రజాస్వామ్య భావన ఇద్దరిలోనూ సామాన్య లక్షణమని, ఈరోజు కాళోజీ బతికి ఉంటే ఆర్టీసీ కార్మికుల కోసం సమ్మెలో కూర్చోవడమే కాకుండా మనల్ని కూడా పాల్గొనమని చెప్పేవారని పేర్కొన్నారు. కాళోజీ ఫౌండేషన్‌ ఆధ్వర్యాన వరంగల్‌ అర్బన్‌ జిల్లా హన్మకొండలో బుధవారం రాత్రి కాళోజీ యాదిసభ, కాళోజీ స్మారక పురస్కార ప్రదాన కార్యక్రమంలో కాత్యాయనీ విద్మహే మాట్లాడారు. ఆధీకృత హింస రాజ్యమేలుతుంటే ప్రతిహింస తప్పెలా అవుతుందని కాళోజీ ప్రశ్నించారని, వర్తమాన పరిస్థితులలో ప్రతిరోజూ ఆయన గుర్తుకు వస్తుంటారని తెలిపారు. ప్రజాస్వామ్యం అంటేనే భిన్నాభిప్రాయాలను గౌరవించడమని, కవులు ప్రతిపక్ష పాత్ర నిర్వహించాలని చెప్పారని గుర్తు చేశారు. ఎక్కడ అన్యాయం జరిగినా అక్కడ ప్రత్యక్షమయ్యేవారని, తాను నక్సలైట్‌ కానప్పటికీ ఎన్‌కౌంటర్‌లకు వ్యతిరేకంగా ప్రభుత్వాన్ని నిలదీశారని చెప్పారు. కుటుంబ విలువలు, సోదర ప్రేమకు చిహ్నంగా నిలిచిన కాళోజీ సోదరులు ఒకే కొమ్మకు రెండు రెమ్మల వంటి వారన్నారు. వేణు సంకోజు ఇప్పటికీ నిజాయితీ, హృదయం గల కవిగా నిరూపించుకున్నారని.. అందుకే కాళోజీ అవార్డును ఇచ్చి గౌరవిస్తున్నట్లు పేర్కొన్నారు. కాగా, ప్రముఖ కవి, సుప్రసిద్ధ సాహితీవేత్త వేణు సంకోజు, విజయలక్ష్మి దంపతులను శాలువాతో సన్మానించి జ్ఞాపికను బహూకరించారు. కాళోజీ ఫౌండేషన్‌ ఉపాధ్యక్షులు ఎస్‌.జీవన్‌కుమార్‌ అధ్యక్షతన జరిగిన ఈ కార్యక్రమంలో కవి రామాచంద్రమౌళి, కేంద్ర సాహిత్య అకాడమీ అవార్డు గ్రహీత అంపశయ్య నవీన్, కాళోజీ ఫౌండేషన్‌ సంయుక్త కార్యదర్శి పొట్లపల్లి శ్రీనివాసరావు, కోశాధికారి పందిళ్ల అశోక్‌కుమార్‌లు పాల్గొన్నారు.   

సాక్షి, వరంగల్‌ : గుండె పోటుతో ఆస్పత్రిలో చేరిన ఆర్టీసీ కండక్టర్‌ రవీందర్‌ మృతి చెందారు. హన్మకొండ డిపోకు చెందిన రవీందర్‌కు నాలుగు రోజుల క్రితం టీవీ చూస్తున్న సమయంలో గుండెపోటు రావడంతో కుప్పకూలిపోయారు. దీంతో అతన్ని హైదరాబాద్‌లోని ఓ హాస్పిటల్‌కు తరలించారు. అయితే ఆస్పత్రిలో చికిత్స పొందుతూ రవీందర్‌ గత అర్ధరాత్రి తుదిశ్వాస విడిచారు. దీంతో పోలీసులు భారీ కాన్వాయ్‌తో రవీందర్‌ మృతదేహాన్ని ఆయన స్వస్థలం వరంగల్‌ రూరల్‌ జిల్లా ఆత్మకూరుకు తరలించారు. రవీందర్‌కు భార్య రజిత, ఇద్దరు కుమార్తెలు ఉన్నారు.  రవీందర్‌ మృతితో ఆర్టీసీ కార్మికులు పెద్త ఎత్తున ఆందోళనకు సిద్ధమవుతున్నారు. ఈ నేపథ్యంలో ఆత్మకూరులో పోలీసులు భారీగా బలగాలను మోహరించారు. రవీందర్‌ మరణానికి ప్రభుత్వమే బాధ్యత వహించాలని ఆర్టీసీ కార్మికులు డిమాండ్‌ చేస్తున్నారు. పరకాల డిపో ముందు బైఠాయించి నిరసన తెలిపారు. డిపో నుంచి బస్సులు బయటకు వెళ్లకుండా అడ్డుకున్నారు. మరోవైపు ఆర్టీసీ కార్మికుల సమ్మె నేటితో 29వ రోజుకు చేరింది. సమస్యలు పరిష్కరించేంత వరకు సమ్మె విరమించే ప్రసక్తే లేదని ఆర్టీసీ జేఏసీ కన్వీనర్‌ ఆశ్వత్థామరెడ్డి స్పష్టం చేశారు. భవిష్యత్‌ కార్యచరణను ప్రకటించారు. అలాగే సమ్మెలో ఉన్న ఆర్టీసీ కార్మికులు ఈ నెల ఐదో తేదీలోగా విధుల్లో చేరాలని, లేని పక్షంలో వారికి ఆర్టీసీతో సంబంధాలు తెగిపోయినట్లేనన్న సీఎం కేసీఆర్‌ వ్యాఖ్యల నేపథ్యంలో కార్మిక సంఘాల జేఏసీ ఆదివారం ఉదయం అత్యవసర సమావేశం నిర్వహించనుంది. 

సాక్షి, వరంగల్‌ : ఓరుగల్లు న్యాయదిగ్గజం, తొలి తరం న్యాయవాది కిలారు శ్రీరామ గోవింద ప్రసాద్‌(కేఎస్‌ఆర్‌జీ.ప్రసాద్‌) శుక్రవారం కన్నుమూశారు. హన్మకొండలోని అడ్వకేట్స్‌ కాలనీలో ఉన్న తన స్వగృహంలో తెల్లవారుజామున 2.30గంటలకు ఆయన మృతి చెందారని కుటుంబీకులు వెల్లడించారు. 50 ఏళ్లకు పైగా సుదీర్ఘ కాలం న్యాయవాదిగా ప్రాక్టీస్‌ చేసిన ప్రసాద్‌ మరణం జిల్లా కోర్టు న్యాయవాదులను దిగ్భ్రాంతికి గురి చేసింది. 1925లో నాటి నిజాం సంస్థానం పరిధిలోని నేటి ఆంధ్రప్రదేశ్‌ రాష్ట్రం నందిగామలో ప్రసాద్‌ జన్మించారు. ఉమ్మడి కమ్యూనిస్టు పార్టీ కార్యకర్తగా అధిష్టానం అదేశాల మేరకు మహబూబాబాద్‌లో స్థిరపడ్డారు. వామపక్ష విద్యార్థి సంఘ నేతగా డిగ్రీ చదువుతున్న సమయంలో గుంటూరు హిందు కాలేజీ విద్యార్థి సంఘ అధ్యక్షుడిగా మాజీ గవర్నర్‌ కోణిజేటి రోశయ్యపై విజయం సాధించాడు. విశాఖపట్నంలోని ఆంధ్ర విశ్వవిద్యాలయం నుండి న్యాయశాస్త్ర పట్టా పొంది 1955లో న్యాయవాదిగా నాటి హైదరాబాద్‌ రాష్ట్రంలో పేరు నమోదు చేసుకున్నారు. నాటి నుండి సివిల్‌ కేసులు వాదించడంలో, యువ న్యాయవాదులకు శిక్షణ ఇవ్వడంలో ఎంతో నైపుణ్యం సాధించాడు. న్యాయవాదిగా, అధ్యాపకుడిగా, రచయితగా బహుముఖ రంగాల్లో ప్రజ్ఞాశాలిగా ప్రసాద్‌కు పేరు ఉంది. స్టాండింగ్‌ కౌన్సిల్‌లో.. అధ్యాపకుడిగా కాజీపేటలోని నిట్‌తోపాటు వివిధ బ్యాంకులు,, విద్యాసంస్థలకు ప్రసాద్‌ స్టాండింగ్‌ కౌన్సిల్‌గా పని చేశారు. జిల్లా బార్‌ అసోసియేషన్‌కు ప్రధాన కార్యదర్శి, అధ్యక్షులుగా పని చేశారు. అనేక సెమినార్లు నిర్వహించి భూసంస్కరణలు, మానవహక్కులు, స్వతంత్ర న్యాయవ్యవస్థ, కేంద్ర, రాష్ట్ర సంబంధాలు, ప్రాథమిక హక్కులు అంశాలలో తనదైన శైలిలో పత్రాలు సమర్పించారు. కేయూ, ఎస్డీఎల్‌సీఈ, న్యాయ కళాశాలల విద్యార్థులకు ప్రత్యేక తరగతులు నిర్వహించారు. కాగా, మాజీ ఎంపీ, ప్రస్తుత ప్రణాళిక సంఘం ఉపా«ధ్యక్షుడు వినోద్‌కుమార్‌తో పాటు సీనియర్‌ న్యాయవాది సహోదర్‌రెడ్డి, కృష్ణప్రసాద్, అరవింద్, రాంగోపాల్‌రావు, యూసుఫుద్దీన్, వీరస్వామి, వెంకటేశ్వర్‌రావు, జితేందర్‌రావు, పబ్లిక్‌ ప్రాసిక్యూటర్‌ రాజమౌళి, ఆర్‌.సదానందం, ఎన్‌.సురేందర్, కిషోర్‌కుమార్, రేవతిదేవి, ఆండాలు, రిటైర్డ్‌ జిల్లా జడ్జి రాజన్న తదితరులు ప్రసాద్‌ వద్ద శిష్యరికం చేశారు. అప్పట్లోనే కులాంతర వివాహం చేసుకుని ప్రసాద్‌ అదర్శంగా నిలవగా, ఆయన జీవిత భాగస్వామి సూర్యముఖి పింగిళి మహిళా కళాశాలలో లెక్చరర్‌గా రిటైర్డ్‌ అయ్యారు. వీరి కుమారుడు డాక్టర్‌ సతీష్‌చందర్‌ కాగా, కుమార్తెలు సుధ, స్వర్ణలత అసిస్టెంట్‌ ప్రొఫెసర్లుగా రిటైర్డ్‌ అయ్యారు. కాగా, కేఎస్‌ఆర్‌జీ.ప్రసాద్‌ మృతి విషయం తెలిసి జిల్లా కోర్టు న్యాయవాదుల ఆయన భౌతిక దేహాన్ని సందర్శించి నివాళులర్పించారు. అలాగే, మొదటి అదనపు జిల్లా కోర్టు హాల్‌లో జడ్జి జయకుమార్‌ అధ్యక్షతన, బార్‌ అసోసియేషన్‌ హాల్‌లో అధ్యక్షుడు లెక్కల జలేందర్‌రెడ్డి అధ్యక్షతన సంతాపసభ నిర్వహించారు. రాష్ట్ర బార్‌ కౌన్సిల్‌ సభ్యులు డాక్టర్‌ సంజీవరావు, జయకర్, జనార్దన్, సత్యనారాయణ, వేణుగోపాల్, కృష్ణమూర్తి తదితరులు పాల్గొన్నారు. బోయినిపల్లి వినోద్‌కుమార్‌ సంతాపం హన్మకొండ: సీనియర్‌ న్యాయవాది కేఎస్‌ఆర్‌జీ.ప్రసాద్‌ మృతి పట్ల రాష్ట్ర ప్రణాళిక సంఘం ఉపాధ్యక్షుడు బోయినిపల్లి వినోద్‌కుమార్‌ దిగ్భ్రాంతి వ్యక్తం చేశారు. ఈ మేరకు ఓ ప్రకటనలో సంతాపం తెలిపారు. కమ్యూనిస్టు ఉద్యమంలో పుచ్చలపల్లి సుందరయ్య, కొండపల్లి సీతారామయ్యతో కలిసి జైలు జీవితం అనుభవించిన ప్రసాద్‌.. స్వాతంత్య్ర సమరయోదుడైనా పెన్షన్‌ తీసుకోలేదని తెలిపారు.

సాక్షి, హన్మకొండ : ఓ పక్క ఆర్టీసీ కార్మికుల సమ్మె కొనసాగుతుండగా.. మరో పక్క తాత్కాలిక డ్రైవర్లు, కండక్టర్ల సాయంతో అధికారులు బస్సులు నడుపుతున్నారు. కానీ ఈ బస్సులు పూర్తి స్థాయి రూట్లలోకి వెళ్లడం లేదు. గతంలో ఆర్టీసీ కార్మికులు సమ్మె చేస్తే ఆర్టీసీ బస్సులు నిలిచిపోయేవి. ఈసారి కార్మికుల సమ్మెను సీరియస్‌గా తీసుకున్న ప్రభుత్వం ప్రత్యామ్నాయ ఏర్పాట్లు చేసింది. ఇతర శాఖల అధికారులను రంగంలోకి దింపి డిపోల వారీగా నోడల్‌ అధికారులుగా నియమించింది. ఈ మేరకు నడుపుతున్న బస్సులో అ«ధిక శాతం ప్రధాన రూట్లలోనే పరుగులు పెడుతున్నాయి. గ్రామీణ ప్రాంతాలకు వెళ్లడం లేదు. ఒక్కటి, రెండు గ్రామాలు మినహా మిగతా గ్రామాల ప్రజలు ఆర్టీసీ బస్సు చూడక 13 రోజులైంది. ఫలితంగా వారు ప్రైవేట్‌ వాహనాలను ఆశ్రయిస్తున్నారు. దీంతో దీంతో బస్టాండ్లలో ప్రయాణికుల కంటే బస్సులే అధికంగా కనిపిస్తున్నాయి. పాయింట్ల వద్ద పడిగాపులు హన్మకొండ జిల్లా బస్‌ స్టేషన్‌లో శుక్రవారం పరిశీలించగా బస్సులు బారులు తీరి ఉన్నా ప్రయాణికులు అంతంత మాత్రంగానే కనిపించారు. ఫలితంగా బస్సు డ్రైవర్లు చాలాసేపు ప్రయాణికుల కోసం బస్‌ పాయింట్ల(ప్లాట్‌ ఫాం) వద్ద వేచి చూస్తూ గడిపారు. బస్సులు పెద్దసంఖ్యలో ఉండడంతో ప్లాట్‌ఫాం ఖాళీ కాగానే అక్కడ బస్సు ఆపేందుకు తాత్కాలిక డ్రైవర్లు పోటీ పడుతున్నారు. తానంటే తానే ముందు వచ్చానని పోట్లాడుకుంటూ బస్సులను తీసుకొస్తుండడంతో ఎక్కడ ఢీకొటంటాయోనన్నట్లుగా పరిస్థితి నెలకొంది. ఇక కొన్ని రూట్లలో గంటల కొద్ది బస్సులు లేక పోవడంతో ప్రయాణికులు నిరీక్షిస్తూ కూర్చుంటున్నారు. ప్రైవేట్‌ బస్సులను కూడా బస్టాండ్లలోకి అనుమతిస్తున్నా.. స్థలం సరిపోవడం లేదు. ప్రభుత్వ ఆదేశాల మేరకు వంద శాతం బస్సులు నడపాలని ప్రయత్నిస్తున్న అధికారులు ప్రధాన రూట్లలోనే నడుపుతూ గ్రామీణ ప్రాంతాలను విస్మరిస్తున్నారు.  జిల్లాలో 726 బస్సులు.. వరంగల్‌ రీజియన్‌లో 13వ రోజైన శుక్రవారం ఆర్టీసీ కార్మికుల సమ్మె కొనసాగింది. ఈ మేరకు రీజియన్‌లోని 942 బస్సులకుగాను 726 బస్సులు రోడ్లపై పెరుగులు పెట్టాయి. అలాగే, రాజధాని ఏసీ బస్సులు రోడ్లపైకి వచ్చాయి. జేఎన్‌ఎన్‌యూఆర్‌ఎం, వజ్ర బస్సులు మినహా మిగతా బస్సులన్నీ నడుస్తున్నాయి. ఇందులో భాగంగా 522 ఆర్టీసీ బస్సులు, 204 అద్దె బస్సులు కలిసి మొత్తం బస్సుల్లో 77 శాతం బస్సులు నడిచాయి. ఈ బస్సుల నిర్వహణ కోసం 522 మంది తాత్కాలిక డ్రైవర్లు, 726 తాత్కాలిక కండక్టర్లను నియమించగా, 281 బస్సులను టికెట్లతో, 413 బస్సులను టిమ్‌లతో నడిపారు. తాత్కాలిక కండక్టర్ల చేతివాటం టికెట్లతో నడుపుతున్న బస్సుల్లో కొందరు తాత్కాలిక కండక్టర్లు చేతివాటానికి పాల్పడుతున్నారు. ప్రయాణికులకు ఇచ్చిన టికెట్లను వారు దిగే సమయంలో మళ్లీ తీసుకుని ఇంకొకరికి ఇస్తూ జేబులు నింపుకుంటున్నారనే విమర్శలు వస్తున్నాయి. అలాగే, కొన్ని తక్కువ చార్జీ టికెట్లపై ఎక్కువ ధర రాసి ఇస్తున్నారని తెలుస్తోంది. ఫలితంగా ఆర్టీసీ ఆదాయానికి గండి పడుతోంది. 

విద్యారణ్యపురి: ప్రోగ్రెసివ్‌ రికగ్నైజ్డ్‌ టీచర్స్‌ యూనియన్‌ (పీఆర్‌టీయూ టీఎస్‌) రాష్ట్ర అధ్యక్షుడిగా పింగళి శ్రీపాల్‌రెడ్డి ఏకగ్రీవంగా ఎన్నికయ్యారు. హన్మకొండలో జరుగుతున్న పీఆర్‌టీయూ రాష్ట్ర కౌన్సిల్‌ సమావేశాల ముగింపు  సందర్భంగా శనివారం కార్యవర్గాన్ని ఎన్నుకున్నారు. మహబూబాబాద్‌ జిల్లా గూడూరుకు చెందిన శ్రీపాల్‌రెడ్డి హన్మకొండలో స్థిరపడ్డారు. ఇక రాష్ట్ర ప్రధాన కార్యదర్శిగా నిజామాబాద్‌కు చెందిన బీరెల్లి కమలాకర్‌రావు మళ్లీ ఏకగ్రీవంగా ఎన్నికయ్యారు. వీరితో ఎన్నికల అధికారిగా వ్యవహరించిన సముద్రాల రాంన ర్సింహాచార్యులు ప్రమాణస్వీకారం చేయించారు. ఎన్నికల పరిశీలకులుగా పీఆర్‌టీయూ రాష్ట్ర ప్రధాన కార్యదర్శి గుర్రం చెన్నకేశవరెడ్డి వ్యవహరించారు. కాగా, పీఆర్‌టీయూ రాష్ట్ర నూతన కార్యవర్గంలో ప్రతీ జిల్లాకు ప్రాతినిధ్యం కల్పించారు. రాష్ట్ర అసోసియేట్‌ అధ్యక్షులుగా 250 మంది, ఉపాధ్యక్షులుగా 250కి అవకాశం కల్పించారు. అలాగే 50 మంది మహిళా ప్రతినిధులను ఎంపిక చేశారు.

సాక్షి, హన్మకొండ: హన్మకొండ చౌరస్తాలోని పూల దుకాణాలు అగ్నికి ఆహుతయ్యాయి. గుర్తు తెలియని దుండగులు ముఖాలకు మాస్కులు ధరించి పనిగట్టుకుని దుకాణాలకు నిప్పంటిన దృశ్యాలు సీసీ పుటేజీలో నిక్షిప్తమయ్యాయి. ఆదివారం తెల్లవారుజామున 3.33 గంటల సమయంలో జరిగిన సంఘటనతో ఏడు పూల దుకాణాలు పూర్తిగా కాలిబూడిదయ్యాయి. బాధితులు, రిటైల్‌ పూల వ్యాపారుల సంఘం జిల్లా అధ్యక్షుడు మహమూద్‌ అలీ, ఇబ్రహీం  తెలిపిన వివరాలిలా ఉన్నాయి. రోజూ మాదిరిగా రాత్రి 11గంటల సమయంలో దుకాణాలను మూసివేసి ఇంటికి వెళ్లారు. తెల్లవారితే బతుకమ్మ, మరుసటి రోజు దసరా పండుగ ఉండడంతో ఏడుగురు వ్యాపారులు కలిసి ఒక రోజు ముందే బెంగళూరు, ఆంధ్రప్రదేశ్‌లోని వివిధ ప్రాంతాల నుంచి సుమారు రూ.9 లక్షల విలువైన పూలను దిగుమతి చేసుకున్నారు. పూల దండలు అల్లి మిగిలిన పూలను దుకాణాల్లో ఉంచి తాళం వేసుకుని ఇంటికి వెళ్లారు. గుర్తు తెలియని ముగ్గురు వ్యక్తులు టైర్లు, బాటిల్‌లో పెట్రోల్‌తో దుకాణాల వద్దకు చేరినట్లు సీసీ పుటేజీల్లో స్పష్టంగా కనిపిస్తుంది. ఎవరు లేరని గ్రహించిన దుండగులు మొదట టైర్లపై పెట్రోల్‌ పోసి నిప్పంటించి పూల దుకాణాలకు అంటించారు. దుకాణాలు అంటుకున్నట్లు నిర్దారించుకున్న తర్వాత అక్కడి నుంచి పరుగులు తీసినట్లుగా సీసీ పుటేజీల్లో కనిపిస్తుంది. మంటలు వ్యాపించడంతో గమనించిన స్థానికులు ఫైర్‌స్టేషన్‌కు సమాచారం అందించారు. హుటాహుటిన సంఘటనా స్థలానికి చేరుకున్న ఫైర్‌ సిబ్బంది మంటలను ఆర్పివేశారు. అప్పటికే ఏడు దుకాణాలు పూర్తిగా దగ్ధమయ్యాయి. దుకాణాలకు ఆనుకుని రెండు ఏటీఎం సెంటర్లు,  రెండు ట్రాన్స్‌ఫార్మర్లు ఉన్నాయి. మంటలను సకాలంలో ఆర్పివేయడంతో పెద్ద ప్రమాదం తప్పిందని స్థానికుల చెబుతున్నారు. ఈ విషయం తెలుసుకున్న ప్రభుత్వ చీఫ్‌ విప్‌ దాస్యం వినయ్‌భాస్కర్‌ సంఘటనా స్థలాన్ని పరిశీలించి బాధితులతో మాట్లాడారు. ప్రభుత్వ పక్షాన అండగా ఉంటానని భరోసా కల్పించారు. చీఫ్‌ విప్‌ వినయ్‌భాస్కర్‌ వెంట కార్పొరేటర్‌ వేముల శ్రీనివాస్‌తో పాటు టీఆర్‌ఎస్‌ నాయకులు పులి రజనీకాంత్, అంబటి రాజు, తుల రమేష్, ఖాజా తదితరులు పాల్గొన్నారు. కేసు నమోదు వరంగల్‌ క్రైం: హన్మకొండ చౌరస్తాలోని పూల దుకాణాల్లో జరిగిన అగ్నిప్రమాదంలో 5 దుకాణాలు పూర్తిగా, 2 దుకాణాలు పాక్షికంగా కాలిపోయినట్లు హన్మకొండ ఏసీపీ బోనాల కిషన్‌ తెలిపారు. తెలంగాణ పూల మర్చంట్‌ అసోసియేషన్‌ అధ్యక్షుడు, దుకాణం యజమాని ఎండీ మహాబుబ్‌ అలీ ఫిర్యాదు మేరకు కేసు నమోదు చేసినట్లు ఆయన తెలిపారు. 

సాక్షి, వరంగల్‌ అర్బన్‌: జిల్లాలోని హన్మకొండ చౌరస్తాలో ప్రమాదవశాత్తు అగ్ని ప్రమాదం చోటు చేసుకుంది. చౌరస్తాలోని ఓ పూలదుకాణంలో మంటలు అంటుకొని దాదాపు ఆరు పూలదుకాణాలు దగ్ధమయ్యాయి. సమాచారం అందుకున్న పోలీసులు వెంటనే సంఘటన స్థలానికి చేరుకొని.. పూల దుకాణాలకు పక్కనున్న ఏటీయం సెంటర్‌, వ్యాపార సముదాయలకు మంటలు వ్యాపించకుండా అగ్నిమాపక సిబ్బంది సంఘటన స్థలానికి చేరుకునే లోపు మంటలపై నీటిని పోస్తూ జాగ్రత్తలు తీసుకున్నారు. వెంటనే అగ్నిమాపక సిబ్బందికి సమాచారం అందించి మంటలను అదుపు చేశారు. ఈ ప్రమాదంలో దగ్ధమైన దుకాణాల విలువ, మం‍టలు చెలరేగడానికి గల కారణాలు పూర్తిగా తెలియాల్సి ఉంది.

సాక్షి, హన్మకొండ : కల్తీ వస్తువుల విషయంలో ముఖ్యమంత్రి కే చంద్రశేఖరరావు చాలా సీరియస్‌గా ఉన్నారని పంచాయతీరాజ్‌, గ్రామీణాభివృద్ధి మంత్రి ఎర్రబెల్లి దయాకర్ రావు అన్నారు. బుధవారం తెలంగాణ వినియోగదారుల ఫోరం ఆరు జిల్లాల సమావేశానికి ముఖ్యఅతిధిగా ఎర్రబెల్లి హాజరయ్యారు. ఈ సందర్భంగా ఆయన మాట్లాడుతూ.. ‘‘ వినియోగదారులకు హక్కులు చాలా ముఖ్యం. ఇప్పుడు ప్రతి వస్తువు కల్తీ అయిపోతోంది. పాలు విషయంలో కూడా ఇదే పరిస్థితి ఉంటోంది. కల్తీ లేని వస్తువులతోనే ఆరోగ్యం. ఆరోగ్యంతోనే సమాజం బాగుంటుంది. కల్తీ వస్తువులతో అందరూ ఆరోగ్యపరంగా, ఆర్థికంగా నష్టపోతారు.  వినియోగదారుల ఫోరం వినియోగదారుల కోసం పని చేయాలి. అందరికీ కల్తీ లేని వస్తువులు అందేలా చూడాల’’ని అన్నారు.   

సాక్షి, వరంగల్: తెలంగాణ ప్రభుత్వం మాదిగలకు మంత్రివర్గ విస్తరణలో అవకాశం కల్పించకుండా ఘోరంగా అవమానంనించి, మాదిగ ఉపకులాలను రాజకీయ హత్య చేశారని ఎమ్మార్పీఎస్ నేత మందకృష్ణ మాదిగ  మండిపడ్డారు. అయితే దీనిని తాము రాజకీయంగానే ఎదుర్కొంటామని ఆయన పేర్కొన్నారు. హన్మకొండ కేడీసీ గ్రౌండ్‌లో ఆదివారం (సెప్టెంబరు 22) మాదిగ మహా దీక్షను చేపట్టనున్నారు. ఈ నేపథ్యంలో సమావేశ ఏర్పాట్లను మందకృష్ణ మాదిగ శనివారం స్వయంగా వచ్చి పర్యవేక్షించారు. ఈ సందర్బంగా.. మాదిగ మహా దీక్షకు రాష్ట్ర వ్యాప్తంగా ఉన్న ఎస్సీ, ఎస్టీ, బీసీ కులాలకు చెందిన వారు హాజరుకావాలని పిలుపనిచ్చారు. సభకు అందరూ హాజరై విజయవంతం చేయాలని కోరారు. రేపు జరిగే సభలో ఒకవేళ భారీ వర్షం కురిసినా కూడా యథాతథంగా నిర్వహిస్తామని మందకృష్ణ స్పష్టం చేశారు. ఉద్యామాన్నిఎంత అణచి వేయాలని ప్రయత్నిస్తే.. అంతా ఉవ్వెత్తున ఉద్యమం లేస్తుందని ఆయన హెచ్చరించారు. ఓసీ కులంలో వెలమ, రెడ్లు మాత్రమే ఉన్నారా? వైశ్య, బ్రహ్మణ కులాలలో లేరా? వారిని ఓసీ కులాల నుంచి తొలగించే ప్రయత్నం ఏమైనా చేశారా?అని ఈ సందర్భంగా మందకృష్ణ మాదిగ ప్రశ్నించారు.

కాజీపేట అర్బన్‌: కంటికి రెప్పలా కాపాడాల్సిన తల్లే మద్యం మత్తులో 8 నెలల బాబును వెయ్యి రూపాయలకు విక్రయించేందుకు యత్నించింది. ఈ ఘటన వరంగల్‌ అర్బన్‌ జిల్లాలోని వరంగల్‌ బస్టాండ్‌లో మంగళవారం చోటుచేసుకుంది. జనగామ జిల్లా పెంబర్తిలోని ఓ హోటల్‌లో పనిచేస్తూ సహజీవనం సాగిస్తున్న పెన్నింటి లింగం, సుజాతలకు 8 నెలల క్రితం ఓ బాబు పుట్టాడు. అప్పటికే లింగంకు మరో మహిళతో వివాహం జరగగా వారికి ఇద్దరు కుమారులు, ఒక కుమార్తె ఉంది. ఈ క్రమంలో సుజాత, లింగంల మధ్య తరచూ గొడవలు జరుగుతుండగా సుజాత మద్యానికి బానిసైంది. ఆదివారం అతిగా మద్యం సేవించడంతో సుజాతపై లింగం చేయి చేసుకున్నాడు. దీంతో మనస్తాపానికి గురైన సుజాత సోమవారం పెంబర్తి రైల్వే స్టేషన్‌లో రైలు ఎక్కి వరంగల్‌ రైల్వే స్టేషన్‌ కు చేరుకుంది. ఆ తర్వాత స్టేషన్‌ ఎదురుగా ఉన్న బస్టాండ్‌కు చేరుకున్న ఆమె మద్యం మత్తులో నిద్రించగా 8 నెలల బాబు ఏడుస్తున్నా పట్టించుకోలేదు. రెండ్రోజులుగా చంటి బిడ్డతో బస్టాండ్‌లో ఉన్న సుజాతను గస్తీ పోలీసు సిబ్బంది గమనిస్తూనే ఉన్నారు. మంగళవారం ఉదయం ఆమె తన బాబును రూ. వెయ్యికి విక్రయించేందుకు యత్నిస్తుండగా వారు అడ్డుకుని సీడబ్ల్యూసీ అధికారులకు అప్పజెప్పారు. సీడబ్ల్యూసీ అధికారులు ఐసీపీఎస్‌ అధికారుల సౌజన్యంతో హన్మకొండలోని బాలరక్ష భవన్‌కు సుజాత, బాబును తరలించారు. భర్త లింగంకు సమాచారం అందించి, కౌన్సెలింగ్‌ అనంతరం స్వధార్‌ హోంకు తరలించారు. సహజీవనం చేస్తున్న సుజాత, లింగంలను ఒక్కటి చేశారు. ఈ విషయంపై ఇంతేజార్‌గంజ్‌ సీఐ శ్రీధర్‌ మాట్లాడుతూ.. సుజాత తన బిడ్డను రూ. 1,000కి అమ్మకానికి పెట్టిందనేది అవాస్తవమని, ఎక్కడికి వెళ్లాలో తెలియక బస్టాండ్‌లో ఉంటే ప్రయాణికులే ఇదంతా సృష్టించారన్నారు. మానసిక స్థితి సరిలేక, భర్త కొట్టడం వల్ల మనోవేదనకు గురైన సుజాత సరిగా సమాధానం చెప్పడం లేదన్నారు.

జిల్లాలో మొత్తం రైతుల ఖాతాలకు గాను 2,121 ఖాతాలకు సంబంధించి భూములకు ఎలాంటి ఇబ్బందులు లేకున్నా కేవలం సాంకేతిక కారణాలతో డిజిటల్‌ సంతకాలు కాలేదు. రైతులకు సంబంధించి ఆధార్‌ కార్డు నంబర్లు లేవని చెప్పడంతో పాటు ఇతర కారణాలతో వీటిని పక్కన పెట్టారు. ప్రభుత్వం పదేపదే చెబుతున్నా... జిల్లా కలెక్టర్‌ బరిగె పట్టుకున్నట్లుగా వెంటపడుతున్నా క్షేత్రస్థాయిలో రెవెన్యూ సిబ్బంది తీరు మాత్రం మారడం లేదని చెప్పడానికి ఈ ఉదాహరణలు చాలేమో! సాక్షి, హన్మకొండ : రాష్ట్ర ప్రభుత్వం ప్రతిష్టాత్మకంగా చేపట్టిన రెవెన్యూ రికార్డుల ప్రక్షాళన(ఎల్‌ఆర్‌యూపీ) కార్యక్రమం జిల్లాలో ప్రహసనంగా కొనసాగుతోంది. రాష్ట్రంలో ఎక్కడాలేని విధంగా జిల్లా కలెక్టర్‌ ప్రశాంత్‌ జీవన్‌పాటిల్‌ ప్రతీ శనివారం ఎల్‌ఆర్‌యూపీ సమస్యలపై డీఆర్వో నుంచి వీఆర్వో స్థాయి వరకు అధికారులతో నేరుగా సమీక్ష నిర్వహిస్తున్నారు. ఆ వారంలో సాధించిన, ఇంకా సాధించాల్సిన ప్రగతిపై అధికారులకు దిశానిర్దేశం చేస్తున్నారు. ముఖ్యంగా ప్రజావాణికి వచ్చిన భూసమస్యల విషయంలో అధికారులు తక్షణం స్పందించాలని, రైతుల సమస్యలు పరిష్కారానికి ప్రాధాన్యం ఇవ్వాలని ఆదేశిస్తున్నారు. అయినా కొందరు అధికారుల్లో మార్పు రావడంలేదని ఆరోపణలు వినిపిస్తున్నాయి. మూలాల్లోకి వెళ్లి సమస్యలు పరిష్కారం చేసే ఉద్దేశం వారిలో కనిపించడంలేదు. అలా కాకపోతే ఉద్యోగులు ‘ఆశించిన ఫలితం’ దక్కడం లేదనే భావనతో కొన్ని పనులు పక్కన పడేస్తున్నారు. మరికొన్నిచోట్ల సర్వేల పేరుతో పెండింగ్‌లో పెడుతున్నారు. సర్వే పూర్తి చేసుకుని తమ భూమి రికార్డుల్లో నమోదు చేయమని వెళ్తే ఆ సర్వే నంబర్‌లో ఖాళీ లేదని చెబుతున్నారు. లేదంటే చుట్టుపక్కల ఉన్న అందరూ కలిపి సర్వే చేయించుకోండి అంటూ ఉచిత సలహా ఇస్తున్నారు. దీంతో రైతులు వీఆర్వోలు, మండల కార్యాలయాల చుట్టూ తిరగలేక అలిసిపోతున్నారు. చివరకు మళ్లీ కలెక్టర్‌కు ఫిర్యాదు చేయడానికి ప్రతీ సోమవారం కలెక్టరేట్‌కు వస్తున్నారు.  పైసలిస్తేనే పని... అర్బన్‌ జిల్లాలో మెజార్టీ మండలాల్లో భూములు విలువ ఎకరానికి రూ.కోట్లల్లో ఉంది. ఇలాంటి చోట రైతు బందు పథకంతో పాటు విలువైన భూమిని తమ పేరుతో భద్రంగా ఉంచుకోవాలని రైతులు ఆరాటపడటం సహజం. దీనిని అదనుగా తీసుకుని రెవెన్యూ సిబ్బంది తమకు అడినంత ఇస్తేనే పనిచేస్తున్నారు. కొన్నిచోట్ల రియల్‌ ఎస్టేట్‌ వ్యాపారులతో మిలాఖత్‌ అయి పక్కన భూములు ఉన్న రైతులను ఇబ్బందులకు గురి చేస్తున్నారనే ఆరోపణలు కూడా ఉన్నాయి.  భూమికి మార్కెట్‌లో ఉన్న ధరను బట్టి రెవెన్యూ సిబ్బంది తమ కమీషన్‌ డిమాండ్‌ చేన్నారు. రూ.కోట్లల్లో ధర ఉన్నచోట రూ.లక్షల్లో ఇవ్వాల్సిందే. రైతులకు సంబంధించి అన్ని రుజువులు ఉన్నా అడిగినంత ఇస్తేనే పనులు చేస్తున్నారు. 21 శాతం పార్ట్‌ బీలో... రెవెన్యూ రికార్డుల ప్రక్షాళన ప్రారంభం నుంచి ఇప్పటివరకు జిల్లాలో మొత్తం 1,31,210 ఖాతాలతో పాస్‌ పుస్తకాలు మంజూరు చేశారు. ఇందులో 89,243 ఖాతాలు అంటే 68శాతం వ్యవసాయ భూములకు సంబంధించినవి ఉన్నాయి. మిగతా వాటిలో 14,430 అంటే 11శాతం వ్యవసాయేతర భూములు, ప్రభుత్వ అసైన్డ్‌ లాండ్స్‌కు ఖాతాలు మంజూరు చేశారు. ఈ లెక్కన వ్యవసాయ, వ్యవసాయేతర భూములకు మొత్తంగా 1,03,673 ఖాతాలతో రైతులకు పట్టాదార్‌ పాస్‌ పుస్తకాలు మంజూరు చేశారు.  మిగతా 21 శాతం అంటే 27,537 ఖాతాలు పార్ట్‌ ‘బీ’ భూములకు సంబంధించినవి ఉన్నాయి.

సాక్షి, హన్మకొండ: వరంగల్‌ రూరల్‌ జిల్లా దుగ్గొండి మండలం దేశపల్లి గ్రామానికి చెందిన రాసమల్ల రవీందర్, కోమల దంపతుల కుమారుడైన పర్యతారోహకుడు రాసమల్ల అఖిల్‌కు మరో అవకాశం వచ్చింది. ఈ అవకాశాన్ని సద్వినియోగం చేసుకునే ఆర్థిక స్థోమత లేక సందిగ్ధంలో కొట్టుమిట్టాడుతున్నాడు. ఇప్పటికే ఆప్రికా దేశంలోని కిల్‌మంజారో, ఉత్తరాఖండ్‌లోని పంగర చుల్లా పర్వతాలాను విజయవంతంగా అధిరోహించి రాష్ట్రానికే గర్వకారణంగా నిలిచాడు. ప్రస్తుతం నేపాల్‌లోని 6,100 మీటర్ల ఎత్తు కలిగిన మౌంట్‌ కనామో పర్యతాన్ని అధిరోహించే అవకాశం అఖిల్‌కు వచ్చింది. ఆర్థికంగా అంత ఖర్చు భరించలేని అఖిల్‌ మౌంట్‌ కనామో పర్యతరోహణ లక్ష్యం సందేహాస్పదంగా మారింది. కఠినమైన పర్యతారోహణను సాహసంతో ముందుకు వెళ్తేనే లక్ష్యాన్ని చేరువవుతుంది. అయితే అఖిల్‌కు సాహసం, శారీరక దారుఢ్యం ఉన్నా ఆర్థిక వనరుల లోటు అడ్డంకిగా మారింది. మౌంట్‌ కనామో పర్యతారోహణకుగాను నేపాల్‌కు ఆగస్టు 4న వెళ్లాల్సి ఉంది. పర్యతారోహణకు సంబంధించిన ప్రక్రియ ఆగస్టు 9న మొదలవుతుంది. దాతలు ముందుకు వచ్చి సహాయం చేస్తే తెలంగాణ రాష్ట్రం పూర్వ వరంగల్‌ జిల్లా నుంచి 6,100 మీటర్ల ఎత్తు ఉన్న పర్యతాన్ని అధిరోహించిన రికార్డు సాధించే అవకాశం ఉంది. అఖిల్‌కు ఆర్థిక సాయం చేయదలచిన వారు 9963925844 నంబర్‌లో సంప్రదించవచ్చు.  

సాక్షి, హన్మకొండ అర్బన్‌: రాష్ట్రంలో టీడీపీ దుకాణం బంద్‌ అయిందని, రానున్న రోజులు దేశంలో, రాష్ట్రంలో కమ్యూనిష్టులవే అని సీపీఎం రాష్ట్ర కార్యదర్శి తమ్మినేని వీరభద్రం అన్నారు. గురువారం హన్మకొండ వడ్డేపల్లి రోడ్డులోని విద్యుత్‌ ఉద్యోగుల సంఘం కార్యాలయంలో ఏర్పాటు చేసిన సీపీఎం ఉమ్మడి వరంగల్‌ జిల్లా స్థాయి యువజన సమ్మేళనానికి వీరభద్రం ముఖ్య అతిథిగా హాజరై మాట్లాడారు. రాష్ట్రంలో టీఆర్‌ఎస్‌ పార్టీ ధన బలంతో అధికారంలోకి వచ్చిందన్నారు. టీఆర్‌ఎస్‌ ఎన్నికల హామీలను నెరవేర్చలేదని విమర్శించారు. సచివాలయం కూల్చివేతను అన్ని వర్గాలవారు వ్యతిరేకించాలని కోరారు. ముఖ్యంగా యువత మేల్కొనాలని పిలుపునిచ్చారు. రాష్ట్ర కార్యదర్శి వర్గ సభ్యులు రాములు, జిల్లా కార్యదర్శి సారంపెల్లి వాసుదేవరెడ్డి, నాయకులు జగదీష్, విజయ్, కోట రమేష్, బీరెడ్డి సాంబశివ, టి.ఉప్పలయ్య, తిరుపతి, రాగుల రమేష్‌ తదితరులు పాల్గొన్నారు.  ప్రత్యామ్నాయం చూపాలి..  ప్రత్యమ్నాయం చూపకుండా దళితుల భూముల్ని లాక్కోవడం అన్యాయమని తమ్మినేని అన్నారు. హన్మకొండ న్యూశాయంపేటలోని దళితుల భూములను టీఆర్‌ఎస్‌ ప్రభుత్వం రెండు పడుక గదుల ఇళ్ల నిర్మాణానికి తీసుకోవడాన్ని నిరసిస్తూ, తమ భూమి తమకే ఇవ్వాలని డిమాండ్‌ చేస్తూ హన్మకొండ బాలసముద్రంలోని జయశంకర్‌ స్మృతి వనం వద్ద దళితులు చేపట్టిన రిలే నిరాహార దీక్షలు గురువారం నాలుగో రోజుకు చేరుకుంది. ఈ దీక్షలకు వీరభద్రం సంఘీభావం తెలిపారు. అప్పటి ప్రభుత్వం పేదల క్షేమం కోరి వారి అభ్యున్నతికి భూములు ఇస్తే ఆ భూమిని ఎలాంటి చర్చలు జరుపకుండా వారికి ప్రత్యమ్నాయ మార్గం చూపకుండా రెండు పడక గదుల ఇళ్ల నిర్మాణాలకు కేటాయించడంత ఎంతవరకు సమంజసమని ప్రశ్నించారు.  కాజీపేట మండల కార్యదర్శి యు.నాగేశ్వర్‌రావు, గొర్రెల, మేకల పెంపకందారుల సంఘం జిల్లా కార్యదర్శి కాడబోయిన లింగయ్య, ప్రజా సంఘాల నాయకులు ఎండీ ఖాసీం,  రమేశ్,  సారంగపాణి,  రవికుమార్‌ సంఘీభావం తెలిపారు. బాధితులు ఎం.కుమార్, కె.భిక్షపతి, వి.మల్లేశం, కె.శివ, బి.దయాకర్, సి.హచ్‌.శివశంకర్, జి.పద్మ, వి.మేరి, కళావతి, కె.సరిత, ఎం.రాజమణి, ఎం.వనమాల పాల్గొన్నారు.  

సాక్షి, హన్మకొండ: అధికారుల కన్నుసన్నల్లోనే ఎన్పీడీసీఎల్‌ పరిధిలో చేపట్టిన పోల్‌ టెస్ట్‌(స్తంభం పరీక్ష)లో అక్రమాలు జరిగినట్లు తేటతెల్లమవుతోంది. లైన్‌మెన్ల ఎంపికకు నిర్వహించే పరీక్షలో ఉన్న లొసుగులను ఆధారం చేసుకుని అక్రమాలకు తెరలేపినట్లు తెలుస్తోం ది. అభ్యర్థులను గుర్తించడానికి ప్రత్యామ్నాయ అవకాశం ఉన్నా అదేమి పట్టించుకోకుండా తమ అనుయాయులు చెప్పిన వారిని పరీక్షలో పాస్‌ చేసేందుకు కొత్త ఎత్తుగడలు వేశారనే ఆరోపణలు వెల్లువెత్తుతున్నాయి.  హాల్‌టికెట్‌ లేకపోతే.. ఎన్పీడీసీఎల్‌ పరిధిలో జూనియర్‌ లైన్‌మెన్ల నియామకానికి గత నెలలో పోల్‌ టెస్ట్‌ నిర్వహించారు. ఈ సందర్భంగా హాల్‌టికెట్లు జారీ చేయగా... అవి లేని పరిస్థితుల్లోనూ అభ్యర్థులను పరీక్షకు అనుమతించేందుకు ప్రభుత్వం అనుమతించింది. హాల్‌టికెట్‌ ఉంటే దానిపై ఉన్న ఫొటో ఆధారంగా పరీక్ష నిర్వహించాలి. ఒకవేళ లేకపోతే అఫిడవిట్‌ ఆధారంగా పోల్‌ టెస్ట్‌లో పాల్గొనే అవకాశం కల్పించారు. ఏదైనా తప్పు జరిగితే తమదే బాధ్యత అంటూ అభ్యర్థుల నుంచి  అఫిడపిట్లు స్వీకరించి పోల్‌ టెస్ట్‌కు అనుమతించారు. దీనిని ఆసరాగా చేసుకున్న అధికారులు అక్రమాలకు తెరలేపారు. స్తంభం ఎక్కడంలో నిపుణులను తీసుకువచ్చి అసలు అభ్యర్థులకు బదులు స్థంభం ఎక్కించారు. ఈక్రమంలో నకిలీలను గుర్తించేందుకు అవకాశం ఉన్నప్పటికీ అవేమి పట్టించుకోకుండా తంతు ముగించారు. నకిలీలకు అవకాశమిచ్చినా అధికారులు ఎక్కడ కూడా చిక్కకుండా అభ్యర్థులే తప్పుగా తేల్చేలా అఫిడవిట్‌ను అవకాశంగా తీసుకోవడం గమనార్హం. ఉద్యోగం దక్కించుకోవాలన్న తపన పోల్‌ టెస్ట్‌కు హాజరయ్యే అభ్యర్థులను గుర్తు పట్టేందుకు కాల్‌ లెటర్‌తో పాటు రాత పరీక్షకు హాజరైన హాల్‌టికెట్‌ను వెంట తీసుకురావాలని అధికారులు సూచించారు. ఈ మేరకు పిలుపు అందుకున్న అభ్యర్థులు పలువురు ఎలాగైనా ఉద్యోగం దక్కించుకోవాలనే భావనతో హాల్‌ టికెట్‌ పోయిందని చెప్పారు. దీనికి కొందరు అధికారులు సహకరించడంతో వారి పని సులువైంది. ఈ మేరకు అఫిడఫిట్‌ను తెరపైకి తీసుకొచ్చారు. పొరపాటు చేస్తున్నామని తెలిసిన అధికారులు తాము చిక్కుకోకుండా ఉండేందుకు అభ్యర్థుల చేతిని వారి నెత్తిపైనే పెట్టారు. అయితే, ఎన్పీడీసీఎల్‌ పరిధిలో నిర్వహించిన పోల్‌ టెస్ట్‌లో అభ్యర్థులను గుర్తించడానికి హాల్‌ టికెట్లు పరిశీలించడంతో పాటు తమ వద్ద ఉన్న దరఖాస్తులోని ఫోటోలతో సరి చూసుకున్నారు. అలాగే, అభ్యర్థి సంతకాన్ని కూడా సరిపోల్చుకున్నారు. ఇదంతా పాత నాలుగు సర్కిళ్లలో సాఫీగానే సాగినా ఆదిలాబాద్‌ సర్కిల్‌లో ఇవేమి పట్టించుకోకుండా తాము ఎంచుకున్న మార్గమే సరైన మార్గమంటూ అక్రమాలకు పాల్పడ్డారని అరోపణలు వెల్లువెత్తుతున్నాయి. పోల్‌ టెస్ట్‌లో అసలు అభ్యర్థికి వరంగల్‌ సర్కిల్‌లో ఓ కాంటాక్టర్‌ వద్ద పని చేస్తూ స్తంభాలు ఎక్కడంలో మంచి పేరున్న వ్యక్తిని రంగంలోకి దింపారు. జూన్‌ 20న జరిగిన స్తంభం పరీక్షలో 104 సీరియర్‌ నంబర్‌గా ఉన్న శ్రావణ్‌కుమార్‌ స్థానంలో వరంగల్‌లోని ఓ కాంట్రాక్టర్‌ వద్ద పని చేస్తున్న బి.నవీన్‌ పాల్గొన్నారని ఆరోపిస్తున్న మిగతా అభ్యర్థులు.. ఇదంతా అధికారుల కనుసన్నల్లోనే జరిగిందని ఆరోపిస్తున్నారు.

సాక్షి ప్రతినిధి, వరంగల్‌: చిన్నారి శ్రీహితపై అత్యాచారం, హత్య సంఘటన తనను ఎంతగానో కలచివేసిందని పంచాయతీరాజ్, గ్రామీణాభివృద్ధి శాఖ మంత్రి ఎర్రబెల్లి దయాకర్‌రావు అన్నారు. ‘‘అసలు ఆ రోజు నాకు నిద్ర పట్టలేదు.. ఆ కామాంధుడిని ఉరి తీయాలని ఉంది. కానీ అది సాధ్యమయ్యేది కాదు. చట్టాలున్నాయి.. వాటి ద్వారా ముందుకు పోదాం’’అని పేర్కొన్నారు. వరంగల్‌ జిల్లా ప్రజా పరిషత్‌ చివరి సర్వసభ్య సమావేశం మంగళవారం హన్మకొండలోని జెడ్పీ కార్యాలయంలో జరిగింది. 6 నెలల పసిపాప శ్రీహితను పాశవికంగా హత్య చేసిన నిందితుడికి త్వరగా శిక్ష పడేందుకు కేసును ఫాస్ట్‌ట్రాక్‌ కోర్టు ద్వారా విచారించాలని కోరుతూ ఎమ్మెల్సీ పోచంపల్లి శ్రీనివాస్‌ రెడ్డి తీర్మానం ప్రవేశ పెట్టగా సమావేశం ఏకగ్రీవంగా ఆమోదించింది. అలాగే వరంగల్‌ రూరల్, అర్బన్‌ జిల్లా స్థానంలో హన్మకొండ, వరంగల్‌ జిల్లాలు ఏర్పాటు చేయాలని తీర్మానం చేశారు. ఈ సందర్భంగా ఎర్రబెల్లి మాట్లాడుతూ చిన్నారి శ్రీహిత ఘటనను ప్రతిపక్షాలు రాజకీయ లబ్ధి కోసం వాడుకోవడం బాధాకరమన్నారు. ఈ ఘటనలు పునరావృతం కాకుండా చూస్తామన్నారు.  పీఆర్‌ చట్టాన్ని పటిష్టం చేస్తున్నాం.. పంచాయతీ రాజ్‌ చట్టాన్ని పటిష్టం చేస్తున్నామని, అధికారాలు, విధులు అప్పగించడంతో పాటు దుర్వినియోగానికి పాల్పడితే చర్యలు తీసుకునేలా రూపొందించామని మంత్రి పేర్కొన్నారు. గ్రామపంచాయతీ పరిధిలోకి ఉపాధి హామీ పనులు తీసుకొచ్చేలా చట్టంలో మార్పు తీసుకువస్తున్నామని చెప్పారు. సర్పంచ్‌లు, ఎంపీటీసీలు, జెడ్పీటీసీ సభ్యులు ఇక నుంచి పాఠశాలలు పర్యవేక్షించవచ్చని తెలిపారు. ఇక నుంచి వ్యవసాయం, అంగన్‌వాడీతో పాటు ఇతర అంశాలను స్థానిక సంస్థల పరిధిలోకి తీసుకురానున్నట్లు వివ రించారు. స్థానిక సంస్థల ప్రజాప్రతినిధులకు పెండింగ్‌లో ఉన్న గౌరవ వేతనాలు రెండు మూడు రోజుల్లో రానున్నాయని తెలిపారు. 

సాక్షి, హైదరాబాద్‌: ఓరుగల్లు జిల్లాల నామస్వరూపాలు మారనున్నాయి. వరంగల్‌ అర్బన్, వరంగల్‌ రూరల్‌ జిల్లాల కూర్పు, పేర్లను త్వరలో రాష్ట్ర ప్రభుత్వం మార్చబోతోంది. స్థానిక ప్రజలు, ప్రజాప్రతినిధుల నుంచి వచ్చిన విజ్ఞప్తుల మేరకు ఈ రెండు జిల్లాలను మళ్లీ పునర్వ్యవస్థీకరించాలని ముఖ్యమంత్రి కె.చంద్రశేఖర్‌ రావు నిర్ణయం తీసుకున్నట్లు సమాచారం. పరిపాలనా సౌలభ్యం, ప్రభుత్వ కార్యక్రమాలు సక్రమంగా, వేగంగా అమలు చేసేందుకు రాష్ట్ర ప్రభుత్వం 2016 అక్టోబర్‌ 11న జిల్లాల పునర్వ్యవస్థీకరణ నిర్వహించి వరంగల్‌ అర్బన్, వరంగల్‌ రూరల్‌ జిల్లాలతో సహా రాష్ట్రంలో 21 కొత్త జిల్లాలను ఏర్పాటు చేసిన విషయం తెలిసిందే. దీంతో రాష్ట్రంలోని మొత్తం జిల్లాల సంఖ్య 10 నుంచి 31కు పెరిగింది. ఇటీవల కొత్తగా ములుగు, నారాయణపేట జిల్లాలను ఏర్పాటు చేయడంతో మొత్తం జిల్లాల సంఖ్య 33కు చేరింది. అయితే స్థానిక ప్రజలు, ప్రజాప్రతినిధుల నుంచి వచ్చిన విజ్ఞప్తుల మేరకు వరంగల్‌ అర్బన్, వరంగల్‌ రూరల్‌ జిల్లాలను మళ్లీ పునర్విభజించాలని ముఖ్యమంత్రి కేసీఆర్‌ నిర్ణయం తీసుకున్నారు. వరంగల్‌ తూర్పు, నర్సంపేట, పరకాల, వర్ధన్నపేట ప్రజలు తమకు వరంగల్‌ రాజధానిగా ఉండాలని కోరుకుంటున్నారు. వరంగల్‌ రూరల్‌ జిల్లా ప్రజలందరికీ వరంగల్‌ నగరంతోనే సంబంధాలున్నాయి. చదువులు, వ్యాపారాలు, వైద్యం, ఇతర అవసరాల కోసం వారు నిత్యం వరంగల్‌ వస్తుంటారు. వరంగల్‌ రాజధానిగానే చాలా ఏళ్లపాటు జీవనం సాగింది. ఇది ఇలాగే కొనసాగాలని స్థానిక ప్రజలు కోరుకుంటున్నారు. వరంగల్‌లోనే రైల్వే స్టేషన్, బస్‌ స్టేషన్, ఎంజీఎం ఆస్పత్రి, కేఎంసీ, ఎనుమాముల మార్కెట్‌ ఉన్నాయి. విమానాశ్రయం కూడా పునరుద్ధరణ జరిగే అవకాశం ఉంది. కాబట్టి వరంగల్‌ రూరల్‌ జిల్లాకు వరంగల్‌ను రాజధానిగా చేయాలనే డిమాండ్‌ స్థానికంగా వినిపిస్తోంది. ఈ నేపథ్యంలో వరంగల్‌ తూర్పు నియోజకవర్గాన్ని కూడా వరంగల్‌ రూరల్‌ జిల్లాలో కలిపి వరంగల్‌ జిల్లాను ఏర్పాటు చేయాలని ప్రభుత్వం నిర్ణయించింది. పేరుకు వరంగల్‌ అయినప్పటికీ వరంగల్‌లో ఒక్క ప్రభుత్వ కార్యాలయమూ లేకపోవడం వల్ల ఇక్కడ అభివృద్ధి కుంటుపడుతున్నది. కాకతీయల కాలం నుంచి వరంగల్‌ రాజధానిగా వెలుగొందింది. కాబట్టి వరంగల్‌ రాజధానిగా ఒక జిల్లా ఉండటం సముచితమని ప్రభుత్వం ఈ నిర్ణయానికి వచ్చింది. వరంగల్‌ తూర్పు నియోజకవర్గం అభివృద్ధి, వరంగల్‌–హన్మకొండ నగరాలకున్న ప్రాధాన్యత, ప్రజల సౌకర్యార్థం, ప్రజాభీష్టం మేరకు వరంగల్, హన్మకొండ జిల్లాలు ఏర్పాటు చేయాలని ప్రభుత్వం నిర్ణయించిందని అధికార వర్గాలు తెలిపాయి. ఈ మేరకు ఉత్తర్వులు జారీ కానున్నాయి. వరంగల్‌ జిల్లా కార్యాలయాలన్నీ వరంగల్‌ తూర్పు నియోజకవర్గంలోనే ఏర్పాటు కానున్నాయి.  హన్మకొండ జిల్లాగా వరంగల్‌ అర్బన్‌...  వరంగల్‌ అర్బన్‌ జిల్లాను హన్మకొండ జిల్లాగా మార్చాలని రాష్ట్ర ప్రభుత్వం నిర్ణయించింది. వరంగల్‌ మాదిరిగానే హన్మకొండకు కూడా చారిత్రక ప్రాధాన్యం ఉంది. హన్మకొండ నగరం కాకతీయుల తొలి రాజధాని. కానీ నేడు హన్మకొండ పేరే కనుమరుగయ్యే ప్రమాదం ఏర్పడిందని స్థానికుల్లో ఆందోళన నెలకొంది. హన్మకొండకు ఉన్న చారిత్రక ప్రాధాన్యత దృష్ట్యా హన్మకొండ కూడా ఒక జిల్లాగా ఉండాలని, వరంగల్‌ అర్బన్‌ జిల్లాను హన్మకొండ రాజధానిగా ఏర్పాటు చేయాలని స్థానిక ప్రజాప్రతినిధులు ముఖ్యమంత్రికి విజ్ఞప్తి చేశారు. వరంగల్‌ కేంద్రంగా ఏర్పడే జిల్లాకు వరంగల్‌ పేరును, హన్మకొండ కేంద్రంగా ఏర్పడే జిల్లాకు హన్మకొండ పేరును పెట్టాలని కోరారు. దీనివల్ల వరంగల్, హన్మకొండ నగరాలకున్న ప్రాధాన్యత, చారిత్రక గుర్తింపును పునరుద్ధరించినట్లు అవుతుందని భావించి సీఎం కేసీఆర్‌ సైతం సానుకూలంగా స్పందించారు. రెండు చోట్లా ప్రభుత్వ కార్యాలయాలు రావడం వల్ల నగరం నాలుగు దిక్కులా అభివృద్ధి చెందుతుందని, వరంగల్‌ నగరానికి వచ్చే వలసలు కూడా అన్ని ప్రాంతాలకు విస్తరిస్తాయని ముఖ్యమంత్రి భావిస్తున్నట్లు తెలిసింది.   యథాతథంగా జీవీఎంసీ!  వరంగల్, హన్మకొండ జిల్లాలను ఏర్పాటు చేసినప్పటికీ వరంగల్‌ గ్రేటర్‌ వరంగల్‌ మున్సిపల్‌ కార్పొరేషన్‌ (జీవీఎంసీ)ను మాత్రం యథాతథంగా అదే పేరుతో కొనసాగించాలని ప్రభుత్వం భావిస్తోంది. హైదరాబాద్‌ మహానగర పాలక సంస్థ (జీహెచ్‌ఎంసీ) ప్రస్తుతం 5 జిల్లాల్లో విస్తరించింది. ఢిల్లీ, ముంబై, చెన్నై లాంటి నగరాలు సైతం అనేక జిల్లాల్లో విస్తరించి ఉన్నాయి. వరంగల్‌ నగరం పరిధిలో ఐదు అసెంబ్లీ నియోజకవర్గాలున్నాయి. కాబట్టి వరంగల్‌ మున్సిపల్‌ కార్పొరేషన్‌ పరిధిలో ఎన్ని జిల్లాలు వచ్చినా నష్టం లేదనే అభిప్రాయానికి ప్రభుత్వం వచ్చింది.

హన్మకొండ: నిరసనలతో హన్మకొండ హోరెత్తింది. తొమ్మిది నెలల పసిపాపపై అత్యాచారం.. ఆపై హత్య చేసిన నిందితుడిని కఠినంగా శిక్షించాలని కోరుతూ ఆందోళనకారులు రోడ్డెక్కారు. ర్యాలీలు, రాస్తారోకోలతో ఆ ప్రాంతమంతా ఉద్రిక్తంగా మారింది. నిందితుడిని బహిరంగంగా ఉరి తీయాలని ఆందోళనకారులు డిమాండ్‌ చేశారు. ఒక దశలో పోలీసులు, ఆందోళనకారుల మధ్య తోపులాట జరగడంతో కొద్దిసేపు తీవ్ర ఉద్రిక్తత నెలకొంది. హన్మకొండలోని తెలంగాణ అమరవీరుల స్తూపం కూడలి, కాళోజి కూడలి, అంబేడ్కర్‌ కూడలిలో విద్యార్థులు, యువకులు, మహిళలు, ప్రజా సంఘాలు వేలాదిగా చేరుకుని నిందితుడిని కఠినంగా శిక్షించాలంటూ నిరసన తెలిపాయి. కాళోజి కూడలిలో టైర్లు దగ్ధం చేయడం, కోర్టు ఎదుట ఆందోళన చేస్తున్న నిరసనకారులను పోలీసులు చెదరగొట్టే క్రమంలో స్వల్ప ఉద్రిక్త పరిస్థితులు నెలకొన్నాయి. నిరసనకారులు అటు వైపు రాకుండా పోలీసులు వచ్చిన వారిని వచ్చినట్లు చెదరగొట్టారు. మరోవైపు చిన్నారి శ్రీహితపై అఘాయిత్యానికి పాల్పడిన నిందితుడిని వెంటనే ఉరితీయాలని డిమాండ్‌ చేస్తూ చేపట్టిన నిరసన ర్యాలీ ఉద్రిక్తంగా మారింది. ప్రభుత్వం, పోలీసుల వైఫల్యాన్ని చేతకానితనంగా ఎండగడుతూ పెద్ద ఎత్తున జనం రోడ్డుపైకి వచ్చారు. హన్మకొండ చౌరస్తా నుంచి కలెక్టరేట్‌ వరకు ర్యాలీగా బయలుదేరగా పోలీసులు అడ్డుకునే ప్రయత్నం చేశారు. అయినప్పటికీ ‘వీ వాంట్‌ జస్టిస్‌’.. సీఎం స్పందించా లంటూ నినాదాలు చేశారు. ర్యాలీ బాలసముద్రంలోని ఏకశిల పార్కు వద్దకు రాగానే పోలీసులు బారికేడ్లు అడ్డుపెట్టి అడ్డుకోగా అక్కడే రెండు గంటల పాటు కూర్చున్నారు. పోలీసులు శాంతింప జేసి శ్రీహిత తల్లిదండ్రులతో పాటు కొంత మంది బృందాన్ని వరంగల్‌ అర్బన్‌ జిల్లా కలెక్టర్‌ ప్రశాంత్‌ జీవన్‌ పాటిల్‌ వద్దకు తీసుకెళ్లారు. కలెక్టర్‌ను కలసి వినతి పత్రం అందించి నిందితుడిపై కఠిన చర్యలు తీసుకోవాలని కోరారు. 

సాక్షి, హైదరాబాద్‌: హన్మకొండలో ముక్కుపచ్చలారని పసిపాపను పైశాచికంగా హత్య చేసిన దుర్మార్గుడిని ఉరి తీయాలని ప్రభుత్వాన్ని తెలంగాణ నాయీ బ్రాహ్మణ ఐక్యవేదిక అధ్యక్షులు మద్దికుంట లింగం నాయీ డిమాండ్‌ చేశారు. బాధిత కుటుంబానికి 10 లక్షల రూపాయల ఎక్స్‌గ్రేషియా ఇచ్చి, అన్నివిధాలుగా అండదండలు అందించాలని ఇవ్వాలని కోరారు. ఊహించని విధంగా కూతురిని కోల్పోయి పుట్టేడు శోకంలో ఉన్న బాధిత కుటుంబానికి ప్రగాఢ సానుభూతి తెలిపారు. ఈ మేరకు శుక్రవారం ఒక ప్రకటన విడుదల చేశారు. కాగా, వరంగల్‌ అర్బన్‌ జిల్లా హన్మకొండలో మంగళవారం చోటుచేసుకున్న దారుణోదంతంపై రాష్ట్రవ్యాప్తంగా ఆందోళనలు వ్యక్తమవుతున్నాయి. 9 నెలల పసికందుపై అత్యాచారానికి పాల్పడి హత్య చేసిన కిరాతకుడు ప్రవీణ్‌ను కఠినంగా శిక్షించాలని ఆందోళనకారులు డిమాండ్‌ చేస్తున్నారు. బాధిత కుటుంబానికి న్యాయం చేయాలని కోరుతూ కొవ్వొత్తుల ర్యాలీలు, ప్రదర్శనలు నిర్వహిస్తున్నారు.    

సాక్షి, వరంగల్‌ : తొమ్మిది నెలల పసికందుపై అత్యాచారం జరిపి, అనంతరం హత్య చేసిన దారుణ ఘటనపై హన్మకొండ నగర ప్రజలు భగ్గుమన్నారు. వరంగల్ అర్బన్ జిల్లా హన్మకొండలోని టైలర్ స్ట్రీట్‌ పాలజెండాలో శ్రిత హత్యకు నిరసనగా మహిళలు, యువకులు అశోక జంక్షన్‌లో మానవహారం వేసి ఆందోళనకు దిగారు. నిందితున్ని కఠినంగా శిక్షించాలని, లేదంటే తమకు  అప్పగించండి అంటూ కుటుంబసభ్యులు డిమాండ్‌ చేస్తున్నారు. నిందితుడికి శిక్ష పడే వరకు పాప మృతదేహాన్ని దహనం చేయమంటూ ఆందోళన చేపట్టారు. పోలీసులు కుటుంబ సభ్యులకు సర్ది చెప్పుతున్నారు.  జక్కోజీ జగన్, రచన దంపతుల కుమార్తె శ్రిత(9నెలలు)ను కొలేపాక ప్రవీణ్ (28)అనే వ్యక్తి ఎత్తుకెళ్లి అత్యంత పాశవికంగా అఘాయిత్యానికి పాల్పడి, హత్య చేసిన విషయం తెలిసిందే. బుధవారం తెల్లవారు జామున స్పృహ తప్పిపడిపోయిన పాపను హూటాహుటిన హన్మకొండలోని ఓ ప్రైవేటు ఆసుపత్రికి తరలించగా, మృతి చెందినట్లుగా వైద్యులు నిర్ధారించారు. పాప మృతదేహాని వరంగల్ ఎంజీఎం ఆసుపత్రి మార్చురీకి తరలించారు. ఈ ఘటనకు కారకుడైన ప్రవీణ్‌ను పోలీసులు అదుపులోకి తీసుకున్నారు. 

సాక్షి, హన్మకొండ : తొమ్మిది నెలల పసికందుపై అత్యాచారం జరిపి, అనంతరం హత్య చేసిన దారుణ ఘటన వరంగల్ అర్బన్ జిల్లా హన్మకొండలోని టైలర్ స్ట్రీట్‌ పాలజెండాలో చోటుచేసుకుంది. జక్కోజీ జగన్, రచన దంపతులకు వివాహమైన మూడేళ్ల తరువాత పాప శ్రిత(9నెలలు) జన్మించిది. తల్లితండ్రులు మంగళవారం రాత్రి రెండో అంతస్తులో డాబాపై నిద్రిస్తున్న క్రమంలో కొలేపాక ప్రవీణ్ (28)అనే వ్యక్తి పాపను ఎత్తుకెళ్లి అత్యంత పాశవికంగా అఘాయిత్యానికి పాల్పడి చిన్నారిని హత్య చేసినట్టు తెలుస్తోంది. బుధవారం తెల్లవారు జామున స్పృహ తప్పిపడిపోయిన పాపను హూటాహుటిన హన్మకొండలోని ఓ ప్రైవేటు ఆసుపత్రికి తరలించగా, మృతి చెందినట్లుగా వైద్యులు నిర్ధారించారు. పాప మృతదేహాని వరంగల్ ఎంజీఎం ఆసుపత్రి మార్చురీకి తరలించారు. ఈ ఘటనకు కారకుడైన ప్రవీణ్‌ను పోలీసులు అదుపులోకి తీసుకున్నారు. ఎంజీఎంమార్చురీ వద్ద కుటుంబసభ్యులు కన్నీరుమున్నీరుగా విలపిస్తున్నారు. కామాంధుడిని కఠినంగా శిక్షించాలని పాప కుటుంబ సభ్యులు, స్థానికులు డిమాండ్‌ చేస్తున్నారు.

సాక్షి, హన్మకొండ అర్బన్‌: ఎన్నికల్లో ప్రతి ఓటూ ఎంతో కీలకం. అందుకే పోలింగ్‌ విధుల్లో పాల్గొనే ఉద్యోగులు కూడా పూర్తి స్థాయిలో తమ ఓటుహక్కును వినియోగించుకోవాలని వారి కోసం ప్రత్యేకంగా పోస్టల్‌ బ్యాలెట్‌ సౌకర్యం కల్పించారు. ఓటుహక్కును వినియోగించుకునే విషయంలో మాత్రం ఉద్యోగులు అంతగా ఆసక్తి చూపడం లేదని గత అనుభవాలు గుర్తుచేస్తున్నాయి. విధుల్లో ఉండేవారిలో 50 శాతం మంది ఉద్యోగులు పోస్టల్‌ బ్యాలెట్‌ తీసుకుంటే.. దాంట్లో కొందరు ఓటు వేసినా సకాలంలో పంపించరు. మరి మరికొందరు పోస్టల్‌ ఓట్లు తప్పుల తడకలుగా ఉండటంతో వాటిని పరిగణలోకి తీసుకోరు. ఈ విషయంలో ఎన్నికల కమిషన్‌ ఎన్ని ప్రయత్నాలు చేసినా పోస్టల్‌ బ్యాలెట్‌ విషయంలో మాత్రం ఆశించిన ఫలితం కానరావడంలేదు.  పోస్టల్‌ బ్యాలెట్‌ విధానం ఓసారి పరిశీలిద్దాం.... పోస్టల్‌ బ్యాలెట్‌ కోసం ఉపయోగించే ఫారాలు..      ఫారం–12: పోస్టల్‌ బ్యాలెట్‌కోసం దరఖాస్తు చేసే పత్రం      ఫారం–13ఏ: ఓటరు ధ్రువీకరణ పత్రం      ఫారం 13బీ: కవరు లోపలి కవరు పోస్టల్‌ బ్యాలెట్‌ పెట్సాల్సిన కవరు.       పారం 13సీ– కవరు బీ పైన ఉండే కవరు. రిటర్నింగ్‌ అధికారికి తిరిగి పంపించాల్సిన కవరు.      13బీ కవరులో పోస్టల్‌ బ్యాలెట్‌ , 13ఏ ఓటరు డిక్లేరేషన్‌ పెట్టాలి.       ఫారం–13 డీ ఓటరుకు సూచనలు, సలహాలు పోస్టల్‌ బ్యాలెట్‌ తిరస్కరణ ఎందుకంటే.....      ఉద్యోగి డిక్లేరేషన్‌లో సంతకం లేకపోవడం      డిక్లేరేషన్‌లో బ్యాలెట్‌ పేపర్‌ సీరియల్‌ నంబర్‌ రాయక పోవడం      గెజిటెడ్‌ అధికారి ధ్రువీకరణ లేకపోవడం      ఓటేసిన పోస్టల్‌ బ్యాలెట్‌ను 13బీ కవరులో పెట్టకపోవడం, సీలు వేయక పోవడం      పోస్టల్‌ బ్యాలెట్, డిక్లరేషన్‌ ఒకే కవరులో పెట్టడం.      బ్యాలెట్‌లో సంతకం చేయడం, ఓటు రహస్యతను కాపాడక పోవడం      ఏ అభ్యర్థికి చెందకుండా పైన లేదా కింద మార్క్‌ చేయడం వంటి కారణాలు.. పోస్టల్‌ బ్యాలెట్‌ పొందడం... పూర్తిచేసి అందజేయడం.. ఎన్నికల విధులు నిర్వహిస్తున్న అధికారులు, ఉద్యోగులకు ఉత్తర్వులతోపాటు ఫారం–12 అందజేస్తారు. ఫారం 12ను పూర్తిగా నింపి రిటర్నింగ్‌ అధికారికి ఎన్నికల మొదటి విడత శిక్షణ కార్యక్రమంలో ఏర్పాటు చేసే ఫెసిటిటేషన్‌ కేంద్రంలో అందజేయాలి.  ఉద్యోగికి అదే ఆర్‌ఓ పరిధిలోని నియోజకవర్గం పరిధిలో ఓటు ఉన్నట్‌లైతే పోస్టల్‌ బ్యాలెట్‌ నేరుగా> లేదా రిజిస్టర్‌ పోస్టు ద్వారా అందజేస్తారు. ఉద్యోగి ఫారం 12తోపాటు ఎన్నికల విధుల ఉత్తర్వుల కాపీ, ఓటరు గుర్తింపు కార్డు, ఉద్యోగి గుర్తింపు కార్డు జిరాక్స్‌ కాపీలు జతచేయాలి. ఎన్నికల రిటర్నింగ్‌ అధికారి ఆధ్వర్యంలో రెండో విడత శిక్షణ సమయంలో ఫెసిలిటేషన్‌ సెంటర్‌ వద్ద అందరికీ అందుబాటులో ఉండే విధంగా పోస్టల్‌ బ్యాలెట్‌ డ్రాప్‌ బాక్స్‌ ఏర్పాటు చేస్తారు. పోస్టల్‌ బ్యాలెట్‌ పొందిన ఉద్యోగులందరూ తమ ఓటుహక్కును వినియోగించుకుని ఫారం–13 కవర్‌ బీలో మార్క్‌ చేసిన పోస్టల్‌ బ్యాలెట్‌ పొందుపరిచి కవర్‌తో పాటు ధ్రువీకరణ పత్రం 13ఏ గెజిటెడ్‌ అధికారి సర్టిఫై చేసిన సంతకంతో కవర్‌ బీ (13సీ) కవర్లో పొందుపరిచి డ్రాప్‌ బాక్స్‌లో వేయాలి. లేదా ఆర్‌ఓ కార్యాలయంలో ఏర్పాటు చేసిన బాక్స్‌లో వేయవచ్చు, లేదా ఆర్‌ఓకు నిర్ధిష్ట సమయంలో చేరే విధంగా పోస్టుద్వారా పంపించవచ్చు. కవర్‌కు ఏవిధమైన పోస్టల్‌ స్టాంపులు అంటించాల్సిన అవరంలేదు. పోలింగ్‌కు ఏడు రోజులు ముందు వరకు ఫారం 12, సంబంధిత పత్రాలు అందజేసి ఆర్‌ఓ నుంచి పోస్టల్‌ బ్యాలెట్‌ పొందవచ్చు. తీసుకున్న పోస్టల్‌ బ్యాలెట్‌ తిరిగి ఆర్‌ఓకు ఓట్ల లెక్కింపు తేదీ ఉదయం ఆరు గంటల్లోపు చేరే విధంగా అందజేయడానికి అవకాశం ఉంటుంది. పోస్టల్‌ బ్యాలెట్‌ తక్కువ వినియోగానికి కారణాలు...  ఆర్‌ఓ వద్ద పోస్టల్‌ బ్యాలెట్‌ తీసుకోవడంపై ఎన్నికల విధుల్లో ఉన్నవారు ఆసక్తి చూపకపోవడం  ఎన్నికల విధుల ఉత్తర్వుల కాపీ ఫారం–12 సకాలంలో అందజేయకపోవడం  ఫారం పూర్తి చేసే సమయంలో ఓటరు జాబితాలోని వివరాలు సరిగా అందజేయకపోవడం  ఎన్నికల విధుల్లో పాల్గొనే వారికి సరైన సమయంలో డ్యూటీ ఆర్డర్లు అందకపోవడం  ఫారం–12లో చిరునామా సక్రమంగా ఇవ్వకపోవడం  తీసుకున్న బ్యాలెట్‌ పేపర్‌ను నిర్ణీత సమయంలోగా ఆర్‌ఓకు పంపక పోవడం     శాసనసభ ఎన్నికల్లో అర్బన్‌ జిల్లాలో పోస్టల్‌ బ్యాలెట్‌ ఓట్ల వివరాలు.. నియోజక వర్గం పోలైన ఓట్లు   చెల్లనివి     వరంగల్‌ పశ్చిమ  2293   34     వరంగల్‌ తూర్పు   1308   43 వర్ధన్నపేట  749    16 మొత్తం  4350      93                     

సాక్షి, హన్మకొండ : గతంలో పార్టీ సిద్దాంతాలు, వ్యక్తుల గుణగణాలు చూసి నాయకులుగా ఎన్నుకునే వారు. డబ్బులు ఆశించే వారు కాదు. ప్రస్తుతం ఓటర్లు విలువైన ఓటును అమ్ముకోవడం బాధాకరం. నాయకులు కూడా కోట్లు కుమ్మరించి ఓట్లు కొంటున్నారు.  గెలుపు కోసం ఎంతకైనా దిగజారుతున్నారు అని ఆవేదన వ్యక్తం చేశారు మాజీ పార్లమెంట్‌ సభ్యుడు చందుపట్ల జంగా రెడ్డి. రాజకీయాలు ఇంతగా భ్రష్టుపట్టని కాలంలో పలుమార్లు పోటీ చేసి గెలుపోటములను చవిచూసిన ఆయన సాక్షితో  పంచుకున్న జ్ఞాపకాలు ఆయన మాటల్లోనే.. చందాలు పోగు చేసి తొలిసారి పోటీ.. ప్రభుత్వ ఉపాధ్యాయునిగా పని చేశాను. ఆర్‌ఎస్‌ఎస్‌ సిద్ధాంతాలు నచ్చి, ప్రజలకు సేవ చేసేందుకు‡1965లో రాజకీయాల్లోకి వచ్చి 1967లో మొదటి సారి జనసంఘ్‌ పార్టీ తరçఫున పరకాల నియోజకవర్గం నుంచి పోటీ చేసి గెలిచా. ఆ ఎన్నికల్లో నాకు రూ.5,300 ఖర్చయ్యాయి. అది కూడా స్నేహితులు, ప్రజలు చందాలిచ్చారు. అప్పట్లో కూడా ఎన్నికల ఖర్చు కొద్ది కొద్దిగా పెరిగింది కానీ... ఇంతలా పెరగడం లేదు. రెండోసారి   పోటీ చేసి ఓడిపోయినప్పుడు రూ.9 వేలు ఖర్చు అయింది. మూడోసారి పోటీ చేసినప్పుడు రూ.19 వేలు ఖర్చయింది. ఇలా నేను పోటీ చేసిన రోజుల్లో ఖర్చు అంతా నామమాత్రంగానే ఉండేది.  కర్త–కర్మ–క్రియ... కార్యకర్తలే.. అప్పట్లో కార్యకర్తలు నిష్టతో, త్యాగంతో, కార్యదీక్షతో,సేవాభావంతో, పార్టీ కోసం పని చేసే వాళ్లు.  పోలింగ్‌ రోజు నాడు కూడా కార్యకర్తలకు ఖర్చులకు డబ్బులు ఇచ్చే వారం కాదు. ఆ రోజుల్లో నాలుగు చక్రాల వాహనాలు తక్కువ.   ఎక్కువగా సైకిల్, ఎడ్ల బండ్లపైనే ప్రచారం సాగేది. నేను పార్లమెంట్‌ ఎన్నికల్లో పోటీ చేసే నాటికి నాలుగు చక్రాల వాహనాలు అందుబాటులోకి వచ్చాయి. అప్పుడు జీపులు, అంబాసిడర్‌ కారులో తిరిగి ఓటర్లను కలిసేవాళ్లం. మొదట్లో పార్టీ జిల్లాకు ఒక జీపు  ఇచ్చేది. ఆ క్రమంలో  వారంలో ఒకటి, రెండు రోజులు అభ్యర్ధికి వచ్చేది. జీపు రాగానే నియోజకవర్గానికి దూరంగా ఉన్న గ్రామాలకు వెళ్లే వాళ్లం. బుర్రకధలు.. గ్రామపెద్దలు  నేడు ప్రచార సాధనాలు, సామాజిక మాధ్యమాలు విరివిగా అందుబాటులోకి వచ్చాయి. అయితే అప్పుడంతా నోటి మాట ద్వారానే ప్రచారం సాగేది. సాంస్కృతిక ప్రదర్శనలు, ముఖ్యంగా బుర్ర కథల ద్వారా ఓటర్లను ఆకట్టుకునేవాళ్లం. నాలుగైదు గ్రామాలు కలిపి ఎన్నికల సభలు నిర్వహించేవాళ్లం.  చుట్టు పక్కల గ్రామాల్లోని గ్రామ పెద్దలను, ప్రముఖులను కలిసి భవిష్యత్తు అభివృధ్ధి ప«థకాలు, ఆలోచనల గురించి చెబితే వారు గ్రామంలోని ఓటర్లకు అర్ధమయ్యేలా చెప్పి ఓట్లు వేయించేవారు. ప్రస్తుతం ఎన్నికల్లో డబ్బులు కీలకం. టికెట్లు ఇచ్చే ముందే అభ్యర్థి డబ్బులు ఖర్చు పెడతారా లేదా అని పార్టీలు, నాయకులు చూస్తున్నారు. వ్యాపారవేత్తలు, కాంట్రాక్టర్లు రాజకీయాల్లోకి వస్తూ విచ్చల విడిగా ఖర్చు పెట్టి.. గెలిచాక  ప్రజా ధనాన్ని కొల్లగొడుతున్నారు. ఇది మాబోటి వారికి ఆందోళన కలిగిస్తోంది. 

హైదరాబాద్‌: వరంగల్‌  జిల్లాలో ప్రేమోన్మాది దాడిలో తీవ్రంగా గాయపడిన రవళిని సికింద్రాబాద్‌లోని యశోద ఆసుపత్రికి తీసుకువచ్చారు. రవళి గాయాలను పరిశీలించిన అనంతరం వైద్యులు చికిత్స ప్రారంభించారు. రవళికి మెరుగైన వైద్యం అందించాలంటూ మంత్రి ఎర్రబెల్లి దయాకర్‌ రావు, యశోద ఆసుపత్రి యాజమాన్యంతో అంతకుముందు మాట్లాడారు. ఎంత ఖర్చయినా ప్రభుత్వమే చూసుకుంటుందని భరోసా ఇచ్చారు. ఎలాంటి ఆటంకం కలగకుండా వైద్యం కొనసాగించాలని మంత్రి ఎర్రబెల్లి కోరారు. అలాగే మంత్రి ఎర్రబెల్లి దయాకర్‌ రావు ఈరోజు(బుధవారం) సాయంత్రం ఆసుపత్రికి వెళ్లి రవళి ఆరోగ్య పరిస్థితి వివరాలు అడిగి తెలుసుకుని, యువతి కుటుంబసభ్యులతో మాట్లాడనున్నట్లు తెలిసింది. వరంగల్‌ జిల్లాలోని వాగ్దేవి డిగ్రీ కళాశాలలో చదువుతున్న రవళి అనే విద్యార్థినిపై అదే కళాశాలలో చదువుతున్న సాయి అన్వేష్‌ అనే యువకుడు పెట్రోల్‌ పోసి నిప్పంటించాడు. ఇంతటి ఘోరానికి పాల్పడ్డ సాయి అన్వేష్‌ను తోటి విద్యార్థులు దేహశుద్ధి చేసి పోలీసులకు అప్పగించారు. గాయాలపాలైన రవళిని మొదట ఎంజీఎంకు ఆ తర్వాత యశోద ఆసుపత్రికి తీసుకువచ్చారు. వరంగల్‌లో విద్యార్థినిపై పెట్రోల్‌ దాడి

సాక్షి, హన్మకొండ అర్బన్‌: రాజకీయ ఉద్ధండులు పోటీచేసిన వరంగల్‌ పశ్చిమ నియోజకవర్గం నుంచి ఇప్పటి వరకు ముగ్గురికి మంత్రి పదవులు వరించాయి.1952లో హన్మకొండ నియోజకవర్గం ఏర్పడింది. 2009లో నియోజకవర్గాల పునర్విభజనలో వరంగల్‌ పశ్చిమగా మారింది. నియోజక వర్గాల పునర్విభజన సందర్భంగా నియోజక వర్గం పరిధి విషయంలో భౌగోళికంగా మార్పులు వచ్చాయి. అంతకుముందు గ్రామీణ ప్రాంతాలు కలిసి ఉన్న ఈ నియోజకవర్గాన్ని పూర్తిగా గ్రేటర్‌ వరంగల్‌ పరిధిలోని జనాభాతో ఉండేవిధంగా చేశారు. వరంగల్‌ పశ్చిమ నియోజకవర్గానికి వర్ధన్నపేట, వరంగల్‌ తూర్పు నియోజకవర్గాలు సరిహద్దులుగా ఉంటాయి. ఈ నియోజకవర్గం మొదటినుంచి జనరల్‌ స్థానంగా ఉంది.మొదట్లో ఓటర్లు 56,963 మంది1952లో నియోజకవర్గంలో మొదటిసారి సార్వత్రిక ఎన్నికలు జరిగాయి. ఆ ఎన్నికల్లో మొత్తం 56వేల 963 మంది ఓటర్లు ఉన్నారు. మొదటిసారి జరిగిన ఎన్నికల్లో పీడీఎఫ్‌ అభ్యర్థి పెండ్యాల రాఘవరావు గెలుపొందారు. అప్పటి కాంగ్రెస్‌ పార్టీ అభ్యర్థి బీకే రెడ్డిపై 6వేల 728 ఓట్ల ఆధిక్యంతో గెలుపొందారు. ప్రస్తుతం 2లక్షల 33వేల 326 మంది ఓటర్లు ఉన్నారు. నియోజకవర్గంలో ఇప్పటివరకు పీడీఎఫ్‌ రెండుసార్లు, టీడీపీ, కాంగ్రెస్‌ చెరో మూడుసార్లు గెలుపొందాయి. 2004, 2009, 2014 ఎన్నికల్లో వరుసగా టీఆర్‌ఎస్‌ పార్టీ గెలుస్తూ వస్తోంది. 1999లో బీజేపీ అభ్యర్థి «మార్తనేని ధర్మారావు గెలుపొందారు. మొత్తంగా అన్ని పార్టీలను నియోజకవర్గ ప్రజలు ఆదరించారు. టీఆర్‌ఎస్‌ నుంచి మొదటిసారి మందాడి సత్యనారాయణరెడ్డి గెలుపొం దారు. దాస్యం  వినయ్‌భాస్కర్‌  2009, 2010 ఉప ఎన్నికలు, 2014 సార్వత్రిక ఎన్నికల్లో వరుసగా గెలుస్తూ వస్తున్నారు.  మంత్రులుగా ముగ్గురు.. జనరల్‌ నియోజక వర్గం కావడంతో ఉద్ధండులే పోటీచేసి గెలిచారు. ఈ క్రమంలో ప్రధాని పీవీ నర్సింహారావు తనయుడు పీవీ రంగారావు, టి హయగ్రీవాచారి, దాస్యం ప్రణయ్‌భాస్కర్‌ రాష్ట్ర మంత్రి వర్గంలో పనిచేశారు.ఈ నియోజకవర్గంలో 1952లో పెండ్యాల రాఘవరావు రాజీనామాతో, 1998లో ప్రణయ్‌భాస్కర్‌ అకాల మరణంతో, 2010లో తెలంగాణ ఉద్యమ నేపథ్యంలో వినయ్‌భాస్కర్‌ రాజీనామాతో మూడుసార్లు ఉప ఎన్నికలు జరిగాయి. పదవి కోల్పోయిన మందాడి హన్మకొండ నియోజకవర్గం నుంచి 2004 సార్వత్రిక ఎన్నికల్లో టీఆర్‌ఎస్‌ నుంచి గెలుపొందిన మందాడి సత్యనారాయణరెడ్డి ఎమ్మెల్సీ ఎన్నికల్లో పార్టీ విఫ్‌ ధిక్కరించి కాసాని జ్ఞానేశ్వర్‌కు మద్దతు తెలిపారు. ఈ క్రమంలో పార్టీ ఫిరాయింపుల చట్టం కింద రాష్ట్ర వ్యాప్తంగా అర్హులుగా ప్రకటించిన ఎమ్మెల్యేల్లో సత్యనారాయణరెడ్డి ఒకరు. వారి అనర్హత తరువాత కొద్ది రోజులకు సాధారణ ఎన్నికలు ఉండటంతో ఉప ఎన్నికలు జరగలేదు. ఈ నియోజక వర్గం నుంచి ఇప్పటివరకు మహిళా ప్రాతిని థ్యం లేదు. 2014 ఎన్నికల్లో ఎర్రబెల్లి స్వర్ణ కాంగ్రెస్‌ పార్టీ అభ్యర్థిగా పోటీచేసి ఓడిపోయారు. 

వరంగల్‌ స్పోర్ట్స్‌: హన్మకొండలోని జవహర్‌లాల్‌ నెహ్రూ స్టేడియం ఆవరణలో ఉన్న వరంగల్‌ రీజినల్‌ స్పోర్ట్స్‌ హాస్టల్‌ భవనానికి సుస్తి చేసింది. దశాబ్దాల క్రితం నిర్మించిన భవనం కావడంతో శిథిలావస్థకు చేరింది. పగుళ్లు ఏర్పడి, పెచ్చులూడిన పైకప్పు నుంచి ఇటీవల వరుసగా కురిసిన భారీ వర్షాలకు భవనంలోని గోడలు తడిసి పాకురు పట్టాయి. అయినా డిస్ట్రిక్ట్‌ స్పోర్ట్స్‌ అథారిటీ అధికారులు ప్రత్యామ్నాయ చర్యలు తీసుకోలేదు. నేడు జాతీయ క్రీడా దినోత్సవాన్ని పురస్కరించుకుని హాస్టల్‌ స్థితిగతులు, క్రీడాకారుల వసతులపై ‘సాక్షి’ ప్రత్యేక కథనం. హైదరాబాద్‌ తర్వాత రెండో రాజధానిగా చెప్పుకుంటున్న వరంగల్‌ అందుకు తగ్గట్టుగా అభివృద్ధికి నోచుకోవడం లేదు. క్రీడాకారులకు పెద్ద పీట, క్రీడల అభ్యున్నతికి ప్రత్యేక కార్యాచరణ అమలు చేస్తున్న పాలకుల హామీలు కాగితాల్లోనే పరిమితమయ్యాయి. జేఎన్‌ఎస్‌లోని వరంగల్‌ రీజినల్‌ స్పోర్ట్స్‌ హాస్టల్‌లో అథ్లెటిక్స్, హ్యాండ్‌బాల్, జిమ్నాస్టిక్స్‌ క్రీడల్లో ప్రవేశం కల్పిస్తున్నారు. ఈ మూడు ఆటల క్రీడాకారుల్లో ప్రస్తుతం 108 మంది క్రీడాకారులు ఉంటున్నట్లు డీఎస్‌ఏ అధికారులు చెబుతున్నారు. అందులో 38మంది బాలికలు కాగా, మిగిలిన వారు బాలురు ఉంటున్నారు. సుమారు 40 ఏళ్ల క్రితం నిర్మించిన హాస్టల్‌ భవనం పూర్తిగా శిథిలావస్థకు చేరుకోగా రెండేళ్ల క్రితం బాలురను స్టేడియం ఆవరణలో నిర్మించిన కొత్త భవనంలోకి మార్చారు. బాలికలు మాత్రం పాత భవనంలోనే ఉంటున్నారు. ఇందులోనే క్రీడాకారులకు భోజనం వడ్డిస్తుంటారు. ఇక కొత్తగా నిర్మించిన భవన నిర్మాణంలో జరిగిన లోపాల వల్ల వర్షాలు కురిసిన ప్రతీసారీ వర్షపు నీరు హాస్టల్‌ వరండాలోకి చేరుతోంది. దీంతో క్రీడాకారులు ఇబ్బందులు పడాల్సిన పరిస్థితులు నెలకొన్నాయి. ఫస్ట్‌ ఎయిడ్‌ కిట్టు లేదు.. ప్రమాదకరంగా భావించే జిమ్నాస్టిక్‌తోపాటు సాధారణంగా గాయాలు తగిలే అథ్లెటిక్స్, హ్యాండ్‌బాల్‌ క్రీడాకారులకు కనీసం ప్రాథమిక చికిత్స అందించే మందులు లేవు. చిన్నపాటి దెబ్బలు తగిలినప్పుడు క్రీడాకారులకు అప్లై చేసే పెయిన్‌ కిల్లర్‌ జెల్‌ కూడా హాస్టల్‌ క్రీడాకారులకు అందుబాటులో లేదు. అంతేకాదు జ్వరమొస్తే వేసుకునే పారాసెటమాల్‌ టాబ్లెట్లు కూడా లేకపోవడం విశేషం. జ్వరమొచ్చినా, చిన్న పాటి గాయమైన సంబందిత కోచ్‌ క్రీడాకారుడిని వెంటబెట్టుకుని ఆస్పత్రికి తీసుకెళ్లాల్సిన పరిస్థితులు నెలకొన్నాయి. 108 మంది క్రీడాకారుల హెల్త్‌బడ్జెట్‌ రూ.3 వేలే.. స్పోర్ట్స్‌ హాస్టల్‌లో ఉంటున్న 108 మంది క్రీడాకారుల ఆరోగ్య పరిరక్షణకు ప్రభుత్వం కేటాయించిన బడ్జెట్‌ రూ.3వేలే కావడం ఆశ్చర్యానికి గురిచేస్తోంది. సీజనల్‌ వ్యాధులతో సతమతమవుతున్న తరుణంలో కనీసం డెంగీ పరీక్ష చేసి, పది రోజులకు మందులు వాడాలంటేనే ఒక్కరికి కూడా ఆ సొమ్ము సరిపోదన్న విషయం తెలిసిందే. అలాంటి సమయంలో క్రీడాకారుడికి మేజర్‌గా గాయాలైన, ఇంకేమైనా మొదట ఖర్చు చేసి ఆ తర్వాత ‘సాట్‌’కు బిల్లులు పంపిస్తే అప్పుడు ఖర్చులు వెచ్చిస్తుందట. ఇదీ మన ప్రభుత్వం క్రీడాకారుల సంక్షేమానికి ఇస్తున్న ప్రాధాన్యం. కొత్త భవనానికి ప్రతిపాదనలు పంపించాం శిథిలావస్థలో ఉన్న భవనం స్థానంలో కొత్త భవనం నిర్మించాలని కోరుతూ జిల్లా కలెక్టర్, సాట్‌ చైర్మన్, ఎండీలకు ప్రతిపాదనలు పంపించాను. సీజనల్‌ వ్యాధులను దృష్టిలో ఉంచుకుని వారానికోసారి స్పోర్ట్స్‌ హాస్టల్‌లో మెడికల్‌ క్యాంపు నిర్వహించాలని కోరాం. పిల్లలకు జ్వరం వచ్చినా, చిన్న గాయమైనా మేము దగ్గరుండి ఆస్పత్రికి తీసుకెళ్తాం. – ధనలక్ష్మి, డీవైఎస్‌ఓ, వరంగల్‌ అర్బన్‌ జిల్లా  

హన్మకొండ అర్బన్‌ : అర్బన్‌ జిల్లా కలెక్టర్‌ నివాస భవనం(క్యాంప్‌ ఆఫీస్‌)కు ఆగస్టు 10తో 132 ఏళ్లు పూర్తి చేసుకుని 133లోకి అడుగుపెట్టనుంది. 10- 8- 1886న బ్రిటీష్‌ అధికారి జార్జ్‌ పాల్మార్‌ భార్య ఈ భవన నిర్మాణం కోసం శంకుస్థాపన చేసింది. అనంతర కాలంలో సుభాలపాలన, గవర్నర్‌రూల్, కలెక్టర్ల పాలన కొనసాగాయి. ఉమ్మడి జిల్లా కలెక్టరేట్‌గా ఉన్న పరిపాలనా భవనం ప్రస్తుత అవసరాలకు అనుగుణంగా నూతననిర్మాణం కోసం కూల్చేశారు. అయితే కలెక్టర్‌ నివాస భవనం మాత్రం అలాగే ఉంది. నివాస భవనం ఆవరణలో పచ్చిన బైళ్లు, ఈనటికొలను, ఫౌంటేయిన్, పెద్దగడియారం నిషాన్‌గా ఉండేవి. ఉమ్మడి జిల్లాల సమయంలో ఈ భవనంలోకి సామాన్యులకు ప్రవేశం ఉండేది. ప్రస్తుతం కొత్త జిల్లా నేపద్యంలో కలెక్టర్‌ కార్యాలయం నుంచి పాలనా వ్యవహారాలు సాగిస్తున్నందున భవనం ఆవరణలోకి ఇతరులను అనుమతించడంలేదు. అదేవిధంగా కలెక్టరేట్‌ ప్రాంగణం మొత్తం 13కరాల్లో ఉండగా కార్యాలయం ఆవరనలో ఆ కాలం నాటి పురాతన భావి ఉంది. దీంట్లో 1982లో చేపట్టిన పూడిక తీత పనుల్లో కత్తులు, ఇతర ఆయుధాలు బయటపడ్డాయి. కొద్ది నెలల క్రితం ప్రస్తుత కలెక్టర్‌ అమ్రపాలి కాట పూడిక తీయించారు. ప్రస్తుతం భావి, కలెక్టర్‌ నివాస భవనం మాత్రం నిషాన్‌గా ఉన్నాయి.   

సాక్షి, హన్మకొండ అర్బన్‌ జయశంకర్‌ జిల్లా : పంచాయతీ కార్యదర్శుల పోస్టులను డీఎస్సీ ద్వారా భర్తీ చేసేందుకు రాష్ట్ర ప్రభుత్వం నిర్ణయించింది. ఇటీవల ముఖ్యమంత్రి ఈ మేరకు పంచాయతీరాజ్‌ శాఖకు ఆదేశాలు ఇచ్చారు. దీంతో జిల్లాస్థాయిలో పంచాయతీ కార్యదర్శుల నియామక ప్రక్రియ చేపట్టే అవకాశాలు ఉండడంతో నిరుద్యోగుల్లో ఆశలు చిగురిస్తున్నా యి. కానీ, జిల్లాలో భర్తీకి అవకాశం ఉన్న వాటిలో ఖాళీలు ఎక్కువగా లేకపోవడం కొంత నిరాశపరుస్తోంది. ఇదిలా ఉండగా నియామక ప్రక్రియ ఉమ్మడి జిల్లా కలెక్టర్‌ ఆధ్వర్యంలో చేపడతారా లేక కొత్త జిల్లాల ప్రాతిపదికన ఆయా జిల్లాల కలెక్టర్లు చేపడతారా అన్న విషయంలో స్పష్టత రావాల్సి ఉంది. ఇప్పటి వరకు ఉన్న సమాచారం ప్రకా రం..పాత వరంగల్‌ జిల్లా పరిధిలో 962 గ్రామ పంచాయతీలు ఉన్నాయి. వీటికి సంబంధించి నాలుగు గ్రేడుల్లో 701 కార్యదర్శి పోస్టులు మంజూరయ్యాయి. వీటిలో 476 మంది వివిధ గ్రేడుల్లో కార్యదర్శులుగా పని చేస్తున్నారు. ఉమ్మడి జిల్లా పరిధిలో భర్తీకి అవకాశం ఉన్న పంచాయతీ కార్యదర్శి గ్రేడ్‌-4 ఖాళీలు 30 మా త్రమే ఉన్నాయి. ఇప్పటికిప్పుడు నియామక ప్రక్రియ చేపడితే వీటిని మాత్రమే భర్తీ చేయడానికి అవకాశం ఉంటుంది. అదేవిధంగా ప్రస్తు తం 174మంది గ్రేడ్‌ -4 కార్యదర్శులు పనిచేస్తున్నారు. అర్హత ఉన్నవారికి పదోన్నతి కల్పిస్తే ఆ ఖా ళీలు కూడా భర్తీ చేసుకునే అవకాశం ఉంటుంది.  పదోన్నతులు ఇస్తేనే అవకాశం... ప్రస్తుతం పాత వరంగల్‌ జిల్లాలో గ్రేడ్‌-4 పంచా యతీ కార్యదర్శులుగా 174 మంది పనిచేస్తున్నా రు. వీరి పదోన్నతులకు సంబంధించిన ప్రక్రియ కొనసాగుతోంది. అది పూర్తయితే గ్రేడ్‌-4లో మరో 100 ఖాళీలు వచ్చే అవకాశం ఉంది. దీంతో మొత్తం 100కుపైగా పోస్టుల భర్తీకి నోటిఫికేషన్‌ ఇచ్చే అవకాశం ఉంటుంది. పదోన్నతులు, నియామకాల ప్రకియ మొత్తం జిల్లా కలెక్టర్‌ స్థాయిలో చేపట్టాల్సి ఉంది. అధికారులు చొరవ చూపితేనే కొత్త పోస్టులు పెరిగే అవకాకాశం ఉంటుంది. మొత్తం నాలుగు గ్రేడుల్లో... పంచాయతీ కార్యదర్శులు మొత్తం నాలుగు గ్రేడుల్లో పనిచేస్తుంటారు. గ్రేడ్‌ 1, 2, 3, 4గా వీరి హోదా ఉంటుంది. నియామక ప్రక్రియ మాత్రం గ్రేడ్‌–4లో ఉంటుంది. మిగతా హోదా పోస్టులను పదోన్నతుల ద్వారా భర్తీ చేస్తారు. గ్రేడ్‌–4, 3 వారికి జిల్లా కలెక్టర్‌ పదోన్నతి కల్పించే అవకాశం ఉంటుంది. గ్రేడ్‌–2, 1 వారికి పంచాయతీరాజ్‌ శాఖ కమిషనర్‌ పదోన్నతి కల్పించాల్సి ఉంటుంది. గ్రేడ్‌ –1 వారికి పదోన్నతి కల్పిస్తే ఈఓపీఆర్డీ హోదా పొందుతారు. ప్రస్తుతం జిల్లా కలెక్టర్‌ స్థాయిలో అవకాశం ఉన్న 4, 3 గ్రేడుల్లో ఉమ్మడి జిల్లాలో 330 మంది కార్యదర్శులు ఉన్నారు. వీరిలో మొదట గ్రేడ్‌–3 వారికి పదోన్నతి కల్పించాలి. తద్వారా ఏర్పడిన ఖాళీల్లో గ్రేడ్‌ –4 వారికి పదోన్నతి కల్పించి భర్తీ చేయాల్సి ఉంటుంది. ఈ ప్రక్రియ పూర్తయితే ప్రస్తుతం గ్రేడ్‌–4లో ఉన్న 174లో ఏంత మంది పదోన్నతి పొందుతారన్న విషయం స్పష్టమవుతుంది. వారి పదోన్నతి ద్వారా ఏర్పడిన గ్రేడ్‌ –4 ఖాళీలు జిల్లా సెలక్షన్‌ కమిటీ (డీఎస్‌స్సీ) ద్వారా భర్తీ చేసుకునే అవకాశం ఉంటుంది. 2013లో చివరగా భర్తీ.. జిల్లాలో పంచాయతీ కార్యదర్శుల భర్తీ ప్రక్రియ 2013లో చేపట్టారు. ఆ సమయంలో కాంట్రాక్టు, ఔట్‌ సోర్సింగ్, మెడికల్‌ ఇన్‌వాల్యూడేషన్‌ తదితర కేటగిరీల్లో కార్యదర్శులుగా పనిచేస్తున్న వారికి 25 శాతం అదనపు మార్కులు కలిపి సుమారు 130 పోస్టులు భర్తీ చేశారు. తర్వాత కొద్ది రోజులకు సాధారణ నోటిఫికేషన్‌ ద్వారా మరో 113 పోస్టులను భర్తీ చేశారు. మొత్తం 200కుపైగా పంచాయతీ కార్యదర్శి పోస్టులను భర్తీ చేశారు. రాష్ట్రం ఏర్పాటు తర్వాత తొలిసారిగా పంచాయతీ కార్యర్శుల పోస్టుల భర్తీకి ప్రభుత్వం చర్యలు ప్రారంభించింది.  కొత్త పంచాయతీలపై స్పష్టత కరువు పంచాయతీ కార్యదర్శుల ఖాళీల భర్తీని ఏ ప్రాతిపదికన చేపట్టినా కొత్త గ్రామ పంచాయతీల విషయంలో మరింత స్పష్ట రావాల్సి ఉంటుంది. ఆగస్టు ఒకటి నుంచి కొత్త గ్రామ పంచాతీయలు ప్రారంభమవుతాయని ప్రభుత్వం ప్రకటించినా సాంకేతికంగా ఇందుకు సంబంధించిన ఉత్తర్వులు రాలేదు. గ్రామ పంచాయతీల ఏర్పాటు ఉత్తర్వులు వెలువడిన తర్వాత ఆయా పంచాయతీల జనాభాను బట్టి పంచాయతీ కార్యదర్శుల పోస్టులు గుర్తిస్తారు. ఆ పోస్టులను పీఆర్‌ శాఖ, ఆర్థిక శాఖలు ఆమోదించి ఉత్తర్వులు వెలువరిస్తే..వాటిలో గ్రేడ్‌ –4 కార్యదర్శుల పోస్టులు జిల్లా కలెక్టర్‌ ఆధ్వర్యంలో భర్తీకి అవకాశం ఉంటుంది. కార్యదర్శుల భర్తీకి సత్వరం చర్యలు తీసుకుంటున్న ప్రభుత్వం కొత్త పంచాయతీల విషయంలో ఏం నిర్ణయం తీసుకుంటుందో చూడాల్సి ఉంది. ఉమ్మడి జిల్లాలో మొత్తం 962 గ్రామ పంచాయతీలు ఉండగా.. వాటిలో 701 పంచాయతీలకు మాత్రమే పంచాయతీ కార్యదర్శి పోస్టులు మంజూరై ఉన్నాయి. మిగతా 261పంచాయతీలకు కార్యదర్శులు లేరు. ఈ పంచాయతీలు ఇన్‌చార్జిల పాలనలో ఉంటున్నాయి. 701 మంజూరు పోస్టులకు గాను ప్రసుతం 476 మంది కార్యదర్శులు పనిచేస్తున్నారు. వీరిలో గ్రేడ్‌–1లో 49 మంది, గ్రేడ్‌–2లో 47 మంది, గ్రేడ్‌–3లో 156 మంది, గ్రేడ్‌–4లో 174 మంది పనిచేస్తున్నారు. వీరితోపాటు ఇతర శాఖల నుంచి పంచాయతీ కార్యదర్శులుగా వచ్చిన వారు 50 మంది ఉన్నా రు. మొత్తం 476 మంది పంచాయతీ కార్యదర్శులుగా వివిధ గ్రేడ్లలో పనిచేస్తున్నారు. గ్రేడ్‌–4లో 174 మంది పనిచేస్తుండగా.. వారిలో వరంగల్‌ అర్బన్, రూరల్, జనగామ జిల్లాలో గ్రేడ్‌–4 ఖాళీలకన్నా ఎక్కువ మంది కార్యదర్శులు ఉన్నారు. వీరందరూ గ్రేడ్‌–1,2,3 వారి స్థానాల్లో విధులు నిర్వర్తిస్తున్నారు. దీంతో ఆ మూడు జిల్లాలో గ్రేడ్‌–4 శాంక్షన్‌ పోస్టుల కన్నా పనిచేస్తున్న కార్యదర్శుల సంఖ్య ఎక్కువగా ఉంది. భూపాలపల్లి, మహబూబాబాద్‌ జిల్లాలో మాత్రం గ్రేడ్‌–4 పోస్టులు ఖాళీగా ఉన్నాయి. భూపాలపల్లిలో గ్రేడ్‌ –4 పోస్టులు మొత్తం 95 ఉండగా 54 మంది మాత్రమే కార్యదర్శులు ఉన్నారు. 41 పోస్టులు ఖాళీగా ఉన్నాయి. మహబూబాబాద్‌లో గ్రేడ్‌–4 పోస్టులు 55కాగా 21మంది మాత్రమే గ్రేడ్‌–4 స్థాయి కార్యదర్శులు ఉన్నారు. ఈ జిల్లాలో కూడా 34పోస్టులు ఖాళీగా ఉన్నాయి. మొత్తంగా ఉమ్మడి జిల్లా ప్రాతిపదికన  పోస్టులు భర్తీ చేయడంతోపాటు ప్రతి పంచాయతీకి కార్యదర్శిని కేటాయిస్తే ఉమ్మడి జిల్లాకు ఇప్పటివరకు కార్యదర్శులు లేని 261 పోస్టులు, ప్రస్తుతం ఖాళీగా ఉన్న 30 పోస్టులు భర్తీకి అవకాశం ఉంటుంది. కొత్త జీపీలకు కార్యదర్శులను ఇస్తే ఈ సంఖ్య మరింత పెరిగే అవకాశం ఉంది. 

వరంగల్‌ క్రైం : హన్మకొండ కుమార్‌పల్లిలో దారుణ హత్యకు గురైన 44వ డివిజన్‌ కార్పొరేటర్‌ అనిశెట్టి మురళి హత్య కేసు ముందుకు సాగడం లేదనే విమర్శలు వెల్లువెత్తుతున్నాయి. అధికార పార్టీకి చెందిన కార్పొరేటర్‌ను హత్య చేసి సంవత్సరం గడిచినా పోలీసులు చార్జీషీట్‌ దాఖాలు చేయకపోవడంపై కుటుంబసభ్యులు, బంధుమిత్రులు తీవ్ర అవేదనకు గురవుతున్నారు. 2017 జూలై 13న హన్మకొండ కుమార్‌పల్లిలో అనిశెట్టి మురళిని దారుణంగా హత్య చేశారు. హత్యచేసిన నిందితులు బొమ్మతి విక్రంకుమార్, రేకుల చిరంజీవి, మార్త వరుణకుమార్‌లు పోలీసుల ఎదుట లొంగిపోయారు. ఆ మరుసటి రోజు రాత్రి ఎనిమి ది గంటలకు ముగ్గురు నిందితులను జిల్లా జడ్జీ సెదుట హాజరుపరిచి జైలుకు పంపించారు. హత్యకేసులో ప్రధాన నిందితుడు బొమ్మతి విక్రమ్‌ తన తండ్రి బొమ్మతి జనార్ధన్‌ను హత్య చేసినందుకే చంపినట్లు పోలీసుల ఎదుట ఒప్పుకున్నాడు. కార్పొరేటర్‌ అనిశెట్టి మురళి హత్య కేసు వెనక కాంగ్రెస్‌ నేతల హస్తం ఉందనే విషయం పోలీ సుల విచారణలో నిందితులు ఒప్పుకున్నారని పోలీసులు ఎఫ్‌ఐఆర్‌లో కాంగ్రెస్‌ ఉమ్మడి జిల్లా అధ్యక్షులు నాయిని రాజేందర్‌రెడ్డిని ఎ–4గా, పోతుల శ్రీమన్‌ను ఎ–5గా, మాజీ కార్పొరేటర్‌ కానుగంటి శేఖర్‌ను ఎ–6గా నమోదు చేశారు. దీంతో మురళి హత్య రాష్త్రవ్యాప్తంగా సంచలనమైంది. నిందితులకు కత్తులను అందజేసింది పోతుల శ్రీమాన్, హత్యకు సహకారం అందిస్తానని చెప్పింది నాయిని రాజేందర్‌రెడ్డి, వారితో మాట్లాడింది కానుగంటి శేఖర్‌ అని ఆరోపణలు వెలువడ్డాయి. ఆ తరువాత పోలీసులు చేపట్టిన విచారణలో మరో ఇద్దరు నిందితులు కురిమిళ్ల రాజ్‌కుమార్, గజ్జీ సాగర్‌కు కూడా హత్యతో సంబంధాలున్నట్లు తేలిసింది. దీంతో హన్మకొండ పోలీసులు ఈ ఇద్దరు నిందితులను రిమాండ్‌కు పంపించారు. కాగా, హత్యతో సంబంధాలున్నట్లు ఆరోపణలు ఎదుర్కొన్న ఉమ్మడి వరంగల్‌ జిల్లా కాంగ్రెస్‌ అధ్యక్షుడు నాయిని రాజేందర్‌రెడ్డి, పోతుల శ్రీమాన్, కానుగంటి శేఖర్‌ కోర్టును అశ్రయించి రాజకీయంగా దెబ్బతీయటానికి అధికార పార్టీ నేతలు హత్య కేసులో ఇరికించారని ముందుస్తు బెయిల్‌ తెచ్చుకున్నారు. ఆరుగిరిపై రౌడీషీట్‌.. అనిశెట్టి మురళి హత్య కేసులో నింధితులుగా ఉన్న బొమ్మతి విక్రం, రేకుల చిరంజీవి, మార్త వరుణ్‌కుమార్, కురిమిళ్ల రాజ్‌కుమార్, గజ్జీ సాగర్‌లపై హన్మకొండ పోలీసులు రౌడీషీట్‌ ఓపెన్‌ చేశారు. హత్యకు ముందే పోతుల శ్రీమాన్‌పై రౌడీషీట్‌ ఉన్నట్లు పోలీసులు తెలిపారు. కార్పొరేటర్‌ అనిశెట్టి మురళి హత్య నిందితులు జైలు నుంచి విడుదలైన తరువాత మూడు నెలల పాటు షరతులపై హన్మకొండ పోలీస్‌స్టేషన్‌కు వచ్చి సంతకాలు చేసి వెళ్లారు.  పోలీసుల విచారణకు రాజకీయ నేతల ఒత్తిళ్లు.. అనిశెట్టి మురళి హత్య వెనక అధికార పార్టీ నేతల ఒత్తిళ్లు ఉన్నట్లు హత్య సమయంలో ఆరోపణలు వినిపిస్తున్నాయి. అధికార పార్టీకి చెందిన కార్పొరేటర్‌ను దారుణంగా హత్య చేసిన నిందితులపై ఇప్పటివరకు పోలీసులు చార్జీషీట్‌ దాఖలు చేయకపోవడంపై పోలీసులు తీవ్ర విమర్శలు ఎదుర్కొంటున్నారు. దీంతో పాటు హత్య కేసులో ప్రధాన నిందితుడు బొమ్మతి విక్రం సైతం హత్య కేసులో సంబంధమున్న కొంతమంది మురళి కుటుంబసభ్యులతో రాజీకుదుర్చుకున్నారని ఆరోపణలు చేస్తున్నట్లు ప్రచారం జరుగుతోంది. అనిశెట్టి మురళి కుటుంబసభ్యులు, బంధువులు మాత్రం మురళి హత్య ముమ్మాటికీ రాజకీయ హత్యగానే చెబుతున్నారు.

అసలే ఆడపిల్ల... ఆమెకు తోడు మరో ఇద్దరు చెల్లెళ్లు.. బాల్యం సాఫీగా సాగుతున్న సమయంలో కరెంట్‌ షాక్‌ వారి కన్నతల్లిని బలి తీసుకుంది. తల్లిలేని ఆ పిల్లలను అమ్మమ్మ చేరదీసి చదువు చెప్పింది. ఖర్చులు పెరగడంతో చేసేది లేక తన మనవరాళ్లను అనాథాశ్రమంలో చేర్చింది. ఆ పిల్లల్లో పెద్ద అమ్మాయి అక్కడే ఉన్నత చదువులను పూర్తి చేసింది. చిన్ననాటి కల అయిన సివిల్స్‌ను సాకారం చేసుకోవడం కోసం మనసున్న మారాజులెవరైనా సాయం చేయకపోతారా అని గంపెడంత ఆశతో ఎదురు చూస్తోంది. యాదాద్రి భువనగిరి జిల్లా యాదగిరిగుట్ట మండలం కమటంగూడెం గ్రామానికి చెందిన కమటం భాగ్య, అశోక్‌ దంపతులకు రజిత, దీపిక మౌనికలున్నారు. కరెంటు షాక్‌తో తల్లి భాగ్య చనిపోవడంతో వారికి అండగా ఉండాల్సిన తండ్రి వేరే పెళ్లి చేసుకుని తన దారి తాను చూసుకున్నారు. ముగ్గురు పిల్లలను అమ్మమ్మ జనగామ జిల్లా బచ్చన్నపేట మండలం తమ్మడపల్లి గ్రామానికి తీసుకువచ్చింది. ఏడోతరగతి వరకు తమ్మడపల్లిలో చదువుకున్న రజిత ఆ తరువాత బచ్చన్నపేట మండల కేంద్రంలోని జడ్పీహెచ్‌ఎస్‌ పాఠశాలలో చదువుకున్నారు. 2006లో పదో తరగతిలో 90 శాతం మార్కులు సాధించారు. 2008లో ఇంటర్‌ జనగామ జిల్లా కేంద్రంలోని ఎస్‌వీ జూనియర్‌ కాలేజిలో పూర్తి చేశారు.  అనాథ ఆశ్రమంలో ఉంటూనే ఉన్నత చదువులు.. అమ్మమ్మ ఇంటి వద్దనుంచే అప్‌ అండ్‌ డౌన్‌ చేసుకుంటూ ఇంటర్‌ వరకు చదివిన రజిత 2008లో జఫర్‌గడ్‌ మండలం రేగడితండాలో ఉన్న మా ఇల్లు ప్రజాదరణ అనాథ ఆశ్రమంలో చేరారు. ఆశ్రమంలో ఉంటూనే ఉన్నత చదువులను అభ్యసించారు. అనాథ ఆశ్రమం నుంచి హన్మకొండకు రోజు వెళ్లి వస్తూ డిగ్రీ, డబుల్‌ పీజీ పూర్తి చేశారు. హన్మకొండలోని చైతన్య డిగ్రీ కాలేజిలో బీఎస్సీలో గోల్డ్‌ మోడల్‌ సాధించారు. పీజీ ఎంట్రెస్‌లో టాప్‌ 10లో ర్యాంకు సాధించి వరంగల్‌ నిట్‌లో  సీటు సాధించారు. ఎంఎస్సీ మ్యాథమెటిక్స్‌తో పీజీని పూర్తి చేశారు. తరువాత కాకతీయ యూనివర్శిటీలో ఎంఎస్‌డబ్ల్యూ రెండో పీజీని పూర్తి చేశారు. చేయూత కోసం  ఎదురుచూపులు.. అనాథాశ్రమంలో ఉండి చదువుకున్న రజితకు వసతి కల్పించడమే కష్టతరం. అలాంటిది ఏకంగా సివిల్స్‌ కోచింగ్‌కు లక్షల్లో ఫీజులు ఉండడంతో చెల్లించలేని దుస్థితి. మా ఇల్లు ఆశ్రమ నిర్వహకులు గాదె ఇన్నారెడ్డి దాతల సహకారంతో కొంత మొత్తాన్ని సర్దుబాటు చేసినప్పటికీ ఆ మొత్తం కోచింగ్‌ ఫీజులకు ఏమాత్రం సరిపోవడం లేదు. దాతలు ఎవరైనా ముందుకు వస్తే వారికి రుణపడి ఉంటానని రజిత వేడుకుంటున్నారు. రజితకు సాయం చేయదలిస్తే  9866216680 సెల్‌ నంబర్‌లో సంప్రదించవచ్చు. తలో చేయి వేసి అనాథకు చేయూతనిద్దాం.  – ఇల్లందుల వెంకటేశ్వర్లు,సాక్షి, జనగామ జిల్లా 

హన్మకొండ అర్బన్‌: ‘కడుపులో ఎలుకలు పరుగెడుతున్నాయి..’ అని ఆకలి ఎక్కువైతే చెప్పేందుకు వాడే జాతీయం. కానీ వరంగల్‌ నగరంలోని ఓ హోటల్‌లో భోజనం చేసేందుకు వెళ్లిన ఇద్దరు దంపతులు ఏమరుపాటుగా ఉంటే కడుపులోకి నిజంగానే ఎలుక పోయే పరిస్థితి ఏర్పడింది. వారు  భోజనం చేస్తుండగా వంకాయ కూరలో కలిసిపోయిన చనిపోయిన కలేబరాన్ని గుర్తించడంతో వారికి ప్రాణాపాయం తప్పింది. హన్మకొండలోని రోహిణి ఆస్పత్రి పక్కనగల అక్షయ టిఫిన్‌ సెంటర్‌లో మంగళవారం ఈ ఘటన జరిగింది. ఆందోళనకు గురైన అతడు హోటల్‌ నిర్వాహకులను నిలదీశారు.  వారి నుంచి సరైన సమాధానం రాకపోవడంతో మొత్తం వ్యవహారాన్ని సెల్‌ఫోన్‌లో వీడియో తీసి సోషల్‌ మీడియాలో అప్‌లోడ్‌ చేశారు. దీంతో నిమిషాల వ్యవధిలో విషయం వైరల్‌ అయింది.  అనారోగ్యంతో వచ్చి.. వరంగల్‌కు చెందిన రమేష్‌ తన భార్య చంద్రకళ నరాల సంబంధ వ్యాధితో బాధపడుతుండడంతో రోహిణి ఆస్పత్రిలో చేర్పించి చికిత్స చేయిస్తున్నారు. మంగళవారం మధ్యాహ్నం ఆస్పత్రికి వచ్చిన అతడు ఆకలిగా ఉండటంతో తాను భోజనం చేసి భార్యకు పార్సిల్‌ తీసుకెళ్దామని పక్కనే ఉన్న అక్షయ టిఫిన్స్‌కు వెళ్లాడు. భోజనం ఆర్డర్‌ చేసి తింటుండగా వంకాయ కూరలో ఎలుక కనిపించింది. అనుమానంతో బయటకు తీసి చూడగా కూరలో బాగా ఉడికినట్లు సగం తోలు ఊడిన ఎలుక కనిపించింది. దీంతో ఆందోళనకు గురైన రమేష్‌ మిగతా వారిని కూడా తినవద్దని సూచించాడు. విషయం నిర్వాహకులకు తెలిపాడు. అయితే బాధితుడి ఆందోళనపై నిర్వాహకుల నుంచి చాలా సేపటి వరకు ఎలాంటి స్పందన రాకపోవడంతో ఆగ్రహించి వీడియో తీసి సామాజిక మాధ్యమాల్లో అప్‌లోడ్‌ చేశాడు. అధికారులకు ఫిర్యాదు చేయనున్నట్లు చెప్పాడు.  బాధితుడి ఆందోళనతో హోటల్‌ వద్ద పెద్ద సంఖ్యలో జనం గుమిగూడారు. విషయం తెలుసుకుని హోటల్‌  నిర్వాహకులపై ఆగ్రహం వ్యక్తం చేశారు. పర్యవేక్షణ లేక ప్రజల ప్రాణాలపై నిర్లక్ష్యంగా వ్యవహరించడంతోనే ఇలాంటి ఘటనలు జరుగుతున్నాయని ఆగ్రహించారు. ఈ విషయమై హోటల్‌ నిర్వాహకులు మాట్లాడుతూ ఆలుగడ్డలు, ఇతర కూరగాయల బస్తాలు, సామగ్రి కిచెన్‌లో ఉన్నందున పొరపాటు జరిగి ఉండొచ్చన్నారు. హోటల్‌ సీజ్, రూ.10 వేల జరిమానా ట్రేడ్‌ లైసెన్స్‌ రద్దు.. ల్యాబ్‌కు నమూనాలు : గ్రేటర్‌ ఎంహెచ్‌ఓ రాజారెడ్డి వరంగల్‌ అర్బన్‌: అక్షయ టిఫిన్‌ సెంటర్‌లో వంకాయ కర్రీలో మృతిచెందిన ఎలుక వెలుగు చూడటంతో గ్రేటర్‌ ఎంహెచ్‌ఓ రాజారెడ్డి, సిబ్బంది తనీఖీలు నిర్వహించారు. టిఫీన్‌ సెంటర్‌కు రూ.10 వేల జరిమానా విధించి, ట్రేడ్‌ లైసెన్స్‌ రద్దు చేసి, ఆహార నమూనాలను సేకరించి సిబ్బంది ద్వారా ల్యాబ్‌కు పంపించారు. ఈ సందర్భంగా ఎంహెచ్‌ఓ రాజారెడ్డి సంఘటన వివరాలను వెల్లడించారు. వంట గది అధ్వాన్నంగా ఉన్నందున సీజ్‌ చేసినట్లు పేర్కొన్నారు. కనీస నిబంధనలు పాటించడం లేదన్నారు. పూర్తి స్థాయి  విచారణ అనంతరం తదుపరి చర్యలుంటాయని పేర్కొన్నారు.  

హన్మకొండ అర్బన్‌ : ఈ నెల 10న హన్మకొండలో నిర్వహించనున్న దళిత, గిరిజన సింహగర్జన సభను 30 లక్షల మందితో నిర్వహించి.. విజయవంతం చేయాలని ఎస్సీ, ఎస్టీ ఉద్యోగ నాయకులు పిలుపునిచ్చారు. కాజీపేట నిట్‌ సమీపంలోని ఓ గార్డెన్‌లో బుధవారం రాత్రి  అన్నమల్ల ఆనందం అధ్యక్షతన  ఎస్సీ, ఎస్టీ ఉద్యోగులు సన్నాహక సమావేశం నిర్వహించారు. ఈ సందర్భంగా జేబీ రాజు మాట్లాడుతూ కుట్రపూరితంగా ఎస్సీ,ఎస్టీ చట్టాన్ని కోర్టుల ద్వారా నీరుగార్చే ప్రయత్నం చేస్తున్నారని మండిపడ్డారు. ఈ సమయంలో ఎస్సీ,ఎస్టీలు చైతన్యంతో ఐక్యంగా ముందుకు సాగి హక్కులను కాపాడుకోవాలని, అంబేడ్కర్‌ ఆశయాలను సాధించుకోవాలని కోరారు. సంహగర్జన సభ విజయవంతంతో కుట్రలు భగ్నం చేయాలన్నారు. ప్రొఫెసర్‌ గాలి వినోద్‌కుమార్, ఎంఈఎఫ్‌ జిల్లా అధ్యక్షుడు గడ్డం తిరుపతి, ప్రధానకార్యదర్శి మందరాజు, జాతీయ నాయకులు రాజయ్య, తోట శ్రీనివాస్, మంద వీరస్వామి, ఉపేందర్, తిప్పారపు లక్ష్మణ్, కృష్ణయ్య, జాకబ్, కుమారస్వామి, తదితరులు పాల్గొన్నారు.

హన్మకొండ చౌరస్తా : తన పెళ్లిని తల్లి నిరాకరించందని మనస్తాపం చెందిన ఓ యువకుడు ఆత్మహత్య చేసుకున్న సంఘటన గురువారం నయీంనగర్‌లో చోటుచేసుకుంది. హన్మకొండ హెడ్‌కానిస్టేబుల్‌ కృష్ణనాయక్‌ కథనం ప్రకారం.. హన్మకొండలోని పోచమ్మకుంటకు చెందిని పబ్బిషెట్టి యాదగిరి(36) పదేళ్లుగా  నయింనగర్‌లో మీ సేవ కేంద్రాన్ని నిర్వహిస్తున్నాడు. ఇటీవల యాదగిరి హుజురాబాద్‌కు చెందిన యువతితో పెళ్లి నిశ్చయమైంది. కాగా యువకుడి తల్లి ఉపేంద్ర ఈ వివాహాన్ని నిరాకరించింది. తన పెళ్లికి తల్లి అడ్డుకుంటోందని మనస్తాపం చెందిన యాదగిరి.. బుధవారం రాత్రి సిబ్బంది వెళ్లిపోయాక, మీసేవ కేంద్రంలోని సీలింగ్‌ ఫ్యాన్‌కు ఉరివేసుకుని ఆత్మహత్య చేసుకున్నాడు. గురువారం ఉదయం సిబ్బంది తాళం తీసి ఉన్న షటర్‌ను తెరిచి చూడగా యాదగిరి ఆత్మహత్య చేసుకుని కనపించాడు. హన్మకొండ పోలీసులు సంఘటన స్థలానికి చేరుకుని మృతదేహాన్ని పోస్టుమార్టం నిమిత్తం ఎంజీఎంకు తరలించారు. మృతుడు సోదరుడు విజయ్‌కుమార్‌ ఫిర్యాదు మేరకు కేసు దర్యాప్తు చేస్తున్నట్లు తెలిపారు. 

హన్మకొండ : మాటల గారడితో ముఖ్యమంత్రి కె.చంద్రశేఖర్‌రావు ప్రజలను మోసం చేస్తున్నారని కాంగ్రెస్‌ పార్టీ ఉమ్మడి జిల్లా అధ్యక్షుడు నాయిని రాజేందర్‌రెడ్డి అన్నారు. మంగళవారం హన్మకొండ వడ్డెపల్లి రోడ్డులోని తెలంగాణ స్టేట్‌ ఎలక్ట్రిసిటీ ఎంప్లాయిస్‌ యూనియన్‌–327 కార్యాలయంలో మేడేను యూనియన్‌ నాయకులు, ఉద్యోగులు ఘనంగా జరుపుకున్నారు. కార్యక్రమంలో పాల్గొన్న ఆయన టీఎస్‌ ఈఈయూ జెండాను ఆవిష్కరించారు. ఈ సందర్భంగా రెడ్‌క్రాస్‌ సొసైటీ సహకారంతో రక్తదాన శిబిరం ఏర్పాటు చేసారు. అనంతరం రక్తదానం చేసిన దాతలకు సర్టిఫికెటన్లు అంద చేశారు. అనంతరం ఏర్పాటు చేసిన సమావేశంలో ఆయన మాట్లాడుతూ టీఆర్‌ఎస్‌ ప్రభుత్వం, సీఎం కేసీఆర్‌ హామీలను విస్మరించారని విమర్శించారు. వరంగల్‌ నగరంలో మూడు రోజుల పాటు ఉండి డబుల్‌ బెడ్‌రూం ఇళ్ళు కట్టిస్తామని చెప్పి నాలుగు సంవత్సరాలవుతున్న ఇప్పటికీ అతిగతీ లేదని దుయ్యబట్టారు. మాటలతో మాయ చేయడం తప్ప ప్రజలకు ఒరగబెట్టింది ఏమిలేదన్నారు. యూనియన్‌ రాష్ట్ర ప్రధాన కార్యదర్శి పి.రాజిరెడ్డి మాట్లాడుతూ తెలంగాణస్టేట్‌ ఎలక్ట్రిసిటీ ఎంప్లాయిస్‌ యూనియన్‌ ఉద్యోగుల సమస్యల పరిష్కారానికి, సంక్షేమానికి కృషి చేస్తుందన్నారు. కార్మికులకు అండగా నిలుస్తున్న యూనియన్‌ ఇదొక్కటేనని అన్నారు. రక్తదానం చేసిన ఉద్యోగులకు అభినందనలు తెలిపారు. సమావేశంలో పీసీసీ కార్యదర్శి ఇ.వి.శ్రీనివాస్, రెడ్‌క్రాస్‌ సొసైటీ సభ్యురాలు డాక్టర్‌ టి.విజయలక్ష్మి, యూనియన్‌ వరంగల్‌ అర్బన్‌ జిల్లా అధ్యక్షుడు పి.మహేందర్‌రెడ్డి, ప్రధాన కార్యదర్శి శశికుమార్, వరంగల్‌ రూరల్‌ జిల్లా అధ్యక్షుడు బుచ్చయ్యగౌడ్, ప్రధాన కార్యదర్శి రాజ్‌కుమార్, మçహాబూబాబాద్‌ జిల్లా అధ్యక్షుడు హనుము, ప్రధాన కార్యదర్శి బాబు, జనగామ జిల్లా కార్యదర్శి బాలు, నాయకులు ఫయిం, శ్రీనివాస్, జశ్వంత్, లక్ష్మణ్‌నాయక్, జి.రమేష్, రమణారెడ్డి, శ్రీకాంత్‌ పాల్గొన్నారు.

హన్మకొండ అర్బన్‌: ‘‘ఉద్యోగుల సమస్యల పరి ష్కారం కోసం ఫ్రెండ్లీ ప్రభుత్వంలో 44 నెలలు వేచిచూశాం.. 43 శాతం పీఆర్సీ సాధించడం మినహా ఉద్యోగులకు ఒరిగిందేమీ లేదు. ప్రతీ సమస్య పెండింగ్‌లోనే ఉంది. ఉమ్మడి రాష్ట్రంలో అంగీకరించిన సీపీఎస్‌ విధానం కొనసాగించడానికి ప్రస్తుత ప్రభుత్వం అంగీకరించి తప్పుచేసింది. ఉద్యమ సారథి ముఖ్యమంత్రి అయితే మన సమస్యలు పరిష్కారమవుతాయని ఇంతకాలం వేచి చూశాం. ప్రతి ఉద్యోగిలో సహనం నశించింది. సంధికాలం పూర్తయింది. ఇక మిగిలింది ప్రభుత్వంపై సమరమే. సమరశంఖం పూరించడానికి 25న సకల ఉద్యోగుల సభను హైదరాబాద్‌లో నిర్వహిస్తున్నాం’’అని ఉద్యోగ సంఘాల జేఏసీ నేతలు అన్నారు. సభను విజయవంతం చేసి ఉద్యోగుల సత్తాను ప్రభుత్వాలకు చాటుదామని పిలుపునిచ్చారు. సకల ఉద్యోగుల సభ విజయవంతం కోసం వరంగల్‌ అర్బన్‌ జిల్లా కేంద్రంలోని ఆర్ట్స్‌ కాలేజీ ఆడిటోరియంలో సోమవారం రాత్రి ఉద్యోగ సంఘాల జేఏసీ సన్నాహకసభ నిర్వహించారు. టీఎన్జీవోస్‌ ఉమ్మడి జిల్లా కన్వీనర్‌ రాజేశ్‌కుమార్‌ అద్యక్షతన జరిగిన సభలో ఉద్యోగులు తమ సమస్యల సాధన కోసం ప్రభుత్వంపై పోరుకు సిద్ధమవుతున్నామని స్పష్టమైన సంకేతాలిచ్చారు. ముఖ్యఅతిథిగా పాల్గొన్న టీఎన్జీవోస్‌ కేంద్ర సంఘం అధ్యక్షుడు, జేఏసీ రాష్ట్ర చైర్మన్‌ కారం రవీందర్‌రెడ్డి మాట్లాడుతూ సీపీఎస్‌ అమలులో రాష్ట్ర ప్రభుత్వ పాపం కూడా ఉందన్నారు. అందుకే దానిని రద్దు చేస్తూ దేశానికి ఆదర్శంగా నిలవాలన్నారు. ప్రభుత్వానికి అన్ని సమయాల్లో ఉద్యోగులు అండగా ఉన్నా రని పేర్కొన్నారు. అలాంటిది సమస్యల పరిష్కారంలో ప్రభుత్వం నిర్లక్ష్యంగా వ్యవహరిస్తే ఉద్యోగులు మరోసారి ఉద్యమానికి సిద్ధమవుతారని పేర్కొన్నారు. కాంట్రాక్ట్, ఔట్‌సోర్సింగ్, ఎన్‌ఎంఆర్‌ పేర్లు ఏవైనా ఉద్యోగులకు సమాన పనికి సమాన వేతనం ఇవ్వాలన్నారు. ఉమ్మడి రాష్ట్ర సమస్యలు ఇప్పటికీ పరిష్కారం కాలేదని గుర్తుచేశారు. నకిలీ సర్టిఫికెట్లతో ఆంధ్ర ఉద్యోగులు తెలంగాణలో ఉన్నారన్నారు. సీపీఎస్‌పై సభకు ముందే సీఎం ప్రకటన చేయాలని డిమాండ్‌ చేశారు.  ఆటంకాలు సృష్టిస్తే అగ్నిగుండమే..  ఉద్యోగుల మహాసభకు రాష్ట్ర ప్రభుత్వం అనుమతులు ఇవ్వకుండా ఆటంకాలు సృష్టిస్తే ఎక్కడికక్కడ ధర్నాలు, రాస్తారోకోలు చేస్తామని, రాష్ట్రాన్ని అగ్ని గుండంగా మారుస్తామని ఉద్యోగుల సంఘం రాష్ట్ర కార్యదర్శి రాజేందర్, హైదరాబాద్‌ అధ్యక్షుడు ప్రతాప్‌ హెచ్చరించారు. కొత్త జిల్లాల ఏర్పాటులో దసరా పండుగ లేకుండా పనిచేసిన ఉద్యోగుల విషయంలో ప్రభుత్వం నిర్లక్ష్యంగా వ్యవహరిస్తోందన్నారు. ఉద్యోగుల కృషి ఫలితంగానే ప్రభుత్వ పథకాల అమల్లో రాష్ట్ర ప్రభుత్వం నంబర్‌ వన్‌ స్థానంలో ఉందన్నారు.  పెన్షన్లు, ఆశావర్కర్లు హౌసింగ్‌ ఉద్యోగులు, సెర్ఫ్‌ ఉద్యోగులు, కాంట్రాక్ట్, ఔట్‌ సోర్సింగ్‌ ఉద్యోగుల సమస్యలు పరిష్కారమయ్యేవరకూ ఐక్యంగా ఉద్యమిద్దామని పిలుపునిచ్చారు. ఉద్యోగుల సంఘం రాష్ట్ర ప్రధాన కార్యదర్శి సత్యనారాయణ, జేఏసీలోని వివిధ సంఘాల రాష్ట్ర నాయకులు ఉపేందర్‌రెడ్డి, జగన్మోహన్‌రావు, శ్రీనివాస్‌రావు, రేచల్, మహిపాల్‌రెడ్డి, నర్సింహస్వామి, కైలాసం, రమేశ్, జగదీశ్వర్, సర్వర్‌ హుస్సేన్, రత్నాకర్‌రెడ్డి, రత్నవీరాచారి, వేణుగోపాల్, నూతనకంటి బాబు, నరేందర్‌నాయక్, రాగి శ్రీనివాస్, బురుగు రవి, శ్యాంసుందర్, మాధవరెడ్డి, హసనుద్దీన్, శ్రీనివాస ఫణికుమార్, శ్రీనివాస్‌రావు, శ్రీనివాస్‌రెడ్డి, ఉపేందర్‌రెడ్డి విజయలక్ష్మి, అనిత, సునీత, వీఆర్వోల సంఘం నేతలు పాల్గొన్నారు. సీపీఎస్‌ ఉద్యోగులు, హౌసింగ్‌ ఉద్యోగులు, ఈజీఎస్, ఆశా వర్కర్లు, అంగన్‌వాడీ టీచర్లు తమతమ సమస్యల పరిష్కారం కోరు తూ జేఏసీ నేతలకు వినతిపత్రాలు అందజేశారు.    చేయాల్సినవి ఉన్నాయి..  తెలంగాణ ప్రభుత్వం ఉద్యోగులకు పీఆర్‌సీ, హెల్త్‌ కార్డులు, ఇంక్రిమెంట్‌ ఇచ్చిందని.. అయితే   పరిష్కరించాల్సిన సమస్యలు చాలా ఉన్నాయని ఉద్యోగ సంఘాల జిల్లా జేఏసీ చైర్మన్‌ పరిటాల సుబ్బారావు అన్నారు. సామరస్య పూర్వక వాతావరణంలో సమస్యలను పరిష్కరించేందుకు ప్రభు త్వం చర్యలు తీసుకోవాలన్నారు. పీఆర్‌సీ కోసం ప్రభుత్వం  చర్యలు చేపట్టాలని డిమాండ్‌ చేశారు.  

విద్యారణ్యపురి/ వరంగల్‌ క్రైం: రాష్ట్ర విద్యామౌలిక సదుపాయాల సంస్థ ఈఈగా పనిచేస్తున్న రవీందర్‌రావు ఏసీబీకి చిక్కాడు. హన్మకొండలోని రూరల్‌ డీఈఓ కార్యాలయంలో తన చాంబర్‌లో ఓ కాంట్రాక్టర్‌ నుంచి రూ.3 లక్షలు లంచం తీసుకుంటుండగా ఏసీబీ అధికారులు ఆయనను వలపన్ని పట్టుకున్నారు. వరంగల్‌ జోన్‌ ఏసీబీ డిప్యూటీ డైరెక్టర్‌ సుదర్శన్‌గౌడ్‌ తెలిపిన వివరాల ప్రకారం.. సీఎంఏ ఫండ్‌ కింద డ్యూయల్‌ డెస్క్‌ల సరఫరాకు సంబంధించి రూ.5 లక్షలు లంచం ఇస్తేనే బిల్లు ఇస్తామని కాంట్రాక్టర్‌ వన్నాల కన్నాకు ఈఈ స్పష్టం చేశాడు. దీంతో సదరు కాంట్రాక్టర్‌ ఏసీబీని ఆశ్రయించారు. సోమవారం రాత్రి 7 గంటల ప్రాంతంలో ఈఈ రవీందర్‌రావుకు అతని చాంబర్‌లో వన్నాల కన్నా రూ.3 లక్షలు ఇచ్చారు. ఈ సమయంలో రెడ్‌హ్యాండెడ్‌గా పట్టుకున్నామని సుదర్శన్‌గౌడ్‌ తెలిపారు. ఈఈ రవీందర్‌రావుపై పలు ఆవినీతి ఆరోపణలు ఉన్నాయని.. వాటన్నింటిపైనా సమగ్ర విచారణ చేపడతామని వెల్లడించారు. 

సాక్షి, హైదరాబాద్‌: పన్నెండు నెలలు.. 13 వేల పైచిలుకు పాస్ట్‌పోర్టుల జారీ.. హన్మకొండ తపాలా కార్యాలయం సాధించిన రికార్డు ఇదీ. పోస్టాఫీసులో పాస్‌పోర్టులకు అనూహ్య స్పందన రావడం కేంద్రం దృష్టిని ఆకర్షించింది. దీంతో రాష్ట్రంలోని పూర్వపు జిల్లా కేంద్రాలన్నింటిలోని తపాలా కార్యాలయాల్లో పాస్‌పోర్టుల జారీ ప్రక్రియ ప్రారంభించాలని నిర్ణయించింది. మార్చి 4 లోపు మిగతా చోట్ల ప్రారంభించేందుకు పచ్చజెండా ఊపటంతో తెలంగాణ తపాలా సర్కిల్‌ చకచకా ఏర్పాట్లు చేస్తోంది.   ఏడాది క్రితం ప్రయోగాత్మకంగా..  పాస్‌పోర్టులు స్థానికంగానే జారీ చేసేందుకు కేంద్రం తపాలా కార్యాలయాల్లో అనుబంధ కేంద్రాలు ఏర్పాటు చేయాలని నిర్ణయించిన విషయం తెలిసిందే. ప్రయోగాత్మకంగా గత మార్చిలో హన్మకొండ ప్రధాన తపాలా కార్యాలయంలో పాస్‌పోర్టుల జారీని ప్రారంభించింది. తదుపరి మహబూబ్‌నగర్‌ పోస్టాఫీసులోనూ మొదలుపెట్టింది. ఈ 2 చోట్లా పాస్‌పోర్టుల కోసం జనం ఎగబడటంతో ఇది విజయవంతమైంది. హైదరాబాద్‌లో ప్రధాన పాస్‌పోర్టు కేంద్రంతోపాటు మరికొన్ని సేవా కేంద్రాలు ఉన్నందున ఇక్కడ పోస్టాఫీసులకు అనుమతి ఇవ్వలేదు. కరీంనగర్, నిజామాబాద్‌లో టీసీఎస్‌ సాయంతో పాస్‌పోర్టు విభాగమే కేంద్రాలను ఏర్పాటు చేసినందున మిగతా జిల్లాల్లోని తపాలా కార్యాలయాల్లో వాటిని ఏర్పాటు చేయాలని ఆదేశించింది.   పక్షం రోజుల్లో ఇంటికి పాస్‌పోర్ట్‌  పూర్వపు వరంగల్‌ జిల్లా పరిధి మొత్తానికి హన్మకొండ పోస్టాఫీసును కేంద్రంగా మార్చిలో ఏర్పా టు చేశారు. తొలి నెలలో 120 పాస్‌పోర్టులే జారీ అయ్యాయి. ఏప్రిల్‌లో 784 పాస్‌పోర్టులు జారీ చేసింది. ఆ తర్వాత ఇది రెట్టింపైంది. ఆన్‌లైన్‌లో స్లాట్‌ బుక్‌ చేసుకునే వెసులుబాటు ఉండటం.. అరగంటలోనే పూర్తవుతుండటంతో పోస్టాఫీసులకే ప్రాధాన్యత ఇస్తున్నారు. ప్రక్రియ పూర్తయి న çపక్షం రోజుల్లో ఇంటికి పాస్‌పోర్టు వస్తోంది.  మహబూబ్‌నగర్‌లోనూ సక్సెస్‌..  మహబూబ్‌నగర్‌ పట్టణంలోని పోస్టాఫీసులో నిత్యం సగటున 40 పాస్‌పోర్టుల వెరిఫికేషన్‌ జరుగుతోంది. గతేడాది ఏప్రిల్‌ నుంచి ఇప్పటి వరకు 4 వేల పాస్‌పోర్టులు జారీ అయినట్టు అక్కడి తపాలా సూపరింటెండెంట్‌ శ్రీహరి పేర్కొన్నారు. దీన్ని మహబూబ్‌నగర్‌ కొత్త జిల్లా పరిధికే పరిమితం చేయడంతో.. పూర్వపు జిల్లా పరిధి మొత్తానికి విస్తరించాలని ప్రతిపాదనలు పంపినట్టు ఆయన వెల్లడించారు. ఖమ్మం, ఆదిలాబాద్, సంగారెడ్డి, మెదక్, నల్లగొండల్లో మార్చి 3 లోపు పాస్‌పోర్టు కేంద్రాలను ఏర్పాటు చేయనున్నట్టు తపాలాశాఖ ఉన్నతాధికారి ఒకరు ‘సాక్షి’తో చెప్పారు.   విద్యార్థులు వినియోగించుకుంటున్నారు  ఇంటి వద్ద ఉండే పాస్‌పోర్టు పొందిన అనుభూతిని దరఖాస్తుదారులు పొందుతున్నారు. విద్యార్థులు దీనిని బాగా వినియోగించుకుంటున్నా రు. గతంతో పోలిస్తే పాస్‌పోర్టు కేంద్రాల ఏర్పాటు తర్వాత తపాలా సేవలను వినియోగించుకుంటున్నవారి సంఖ్య పెరిగింది.   –హన్మకొండ సూపరింటెండెంట్‌ ఎం.శేషగిరి 

వరంగల్‌ అర్బన్‌: హన్మకొండలోని ఓ ప్రైవేటు ఆస్పత్రిలో సోమవారం సాయంత్రం అగ్నిప్రమాదం సంభవించింది. ఇప్పటివరకు తెలిసిన సమాచారం ప్రకారం ఈ ఘటనలో ఇద్దరు రోగులు ప్రాణాలు కోల్పోయారు. రోహిణి ఆస్పత్రిలోని రెండో అంతస్తులో ఉన్న ఆపరేషన్‌ థియేటర్‌లో షార్ట్‌ సర్క్యూట్‌ కారణంగా చెలరేగిన మంటలు.. భవంతి అంతటా వ్యాపించడంతో రోగులు భయభ్రాంతులకు గురయ్యారు. అయితే సమాచారం అందుకున్న అగ్నిమాపక శాఖ సిబ్బంది సకాలంలో అక్కడికి చేరుకుని మంటలు ఆర్పడంతో పెను ప్రమాదం తప్పినట్లైంది. ఈ ఘటనలో మల్లమ్మ, కుమారస్వామి అనే రోగులు మరణించారు. పొగ కారణంగా ఊపిరి అందక అనేక మంది అస్వస్థతకు గురయ్యారు. వారిలో నలుగురిని ఎంజీఎంకు తరలించగా, అక్కడ చికిత్స పొందుతూ మల్లమ్మ అనే రోగి మరణించారు. ఆస్పత్రిలోని రోగులందరినీ బయటికి తీసుకొచ్చి, వేర్వేరు ఆస్పత్రులకు తరలిస్తున్నారు. నగరంలోనే ఉన్న ఉప ముఖ్యమంత్రి కడియం శ్రీహరి, పోలీసు కమిషనర్‌ సుధీర్‌బాబులు హుటాహుటిన ఆస్పత్రి వద్దకు చేరుకుని సహాయ కార్యక్రమాలను పర్యవేక్షిస్తున్నారు. పేషెంట్‌ను వదిలేసి డాక్టర్ల పరుగు? : రోహిణి ఆస్పత్రి రెండో అంతస్తులోని ఆపరేషన్‌ థియేటర్లో మంటలు చెలరేగిన సమయంలో వైద్యులు ఓ వ్యక్తికి ఆపరేషన్‌ నిర్వహిస్తున్నట్లు తెలిసింది. మంటలు చూసిన డాక్టర్లు.. పేషెంట్‌ను వదిలేసి పరుగులుతీసినట్లు సమాచారం. చిట్యాల వాసి జెట్టి కుమారస్వామి ఆపరేషన్‌ థియేటర్‌లోనే మరణించాడని ఆయన భార్య రోదిస్తూ చెప్పింది. 

సాక్షి, వరంగల్‌: జిల్లా హన్మకొండకు చెందిన ఓ నవ వధువు లండన్‌లో అనుమానాస్పదంగా మృతి చెందింది. నగరంలోని ఏకశిలా పార్క్‌ సమీపంలో నివాసముంటున్న తిరుమలగిరి స్వామినాథం, భారతి దంపతుల కుమార్తె స్వాతికి సింగపూర్‌లో ఉద్యోగం చేస్తున్న నగర వాసి శ్రీపతి రాజేష్‌తో 2016 నవంబర్‌లో వివాహమైంది. అనంతరం రాజేష్‌కు లండన్లో అంతకన్నా పెద్ద ఉద్యోగం రావడంతో అక్కడికి మారిపోయారు. అప్పటి నుంచి అదనపు కట్నం కోసం వేధింపులు ప్రారంభించాడు. ఉన్నట్లుండి బుధవారం రాత్రి స్వాతి చనిపోయిందంటూ వారి కుటుంబ సభ్యులకు రాజేష్‌ ఫోన్‌ ద్వారా సమాచారం అందించాడు. అయితే రాజేష్‌, అతని కుటుంబ సభ్యులు తమ కూతురిని హత్య చేసి ఉంటారని ఆరోపిస్తూ రాజేష్‌ ఇంటి ముందు ఆందోళనకు దిగారు.


 హన్మకొండ: ప్రసవించిన మూడురోజులకే ఓ మహిళ గురుకుల టీచర్‌ పోస్టుల రాత పరీక్షకు హాజరయ్యింది. మహబూబాబాద్‌ జిల్లా కంబాలపల్లికి చెందిన మల్లికంటి వరలక్ష్మి గురుకుల టీచర్‌ పోస్టుల రాత పరీక్షకు ప్రిపేర్‌ అయింది. పరీక్షకు మూడు రోజుల ముందే వరంగల్‌ అర్బన్‌ జిల్లా హన్మకొండలోని మెటర్నిటీ ఆస్పత్రిలో ప్రసవించింది.
 
 ప్రసవించి మూడు రోజులే అయినా పరీక్ష రాయాలనే పట్టుదలతో అంబులెన్స్‌లో హన్మకొండలోని ఆర్ట్స్‌ అండ్‌ సైన్స్‌ కళాశాల పరీక్ష కేంద్రానికి వెళ్లింది. వరలక్ష్మికి ప్రత్యేకంగా సీటు కేటాయించగా పరీక్ష రాసింది. 


 హైదరాబాద్: తెలుగు మీడియం ప్రశ్నపత్రం అందని విద్యార్థులకు హన్మకొండలో బుధవారం మళ్లీ నీట్ పరీక్ష నిర్వహించనున్నారు. ఈ నెల 7న జరిగిన నీట్ పరీక్షలో హన్మకొండలోని సెయింట్ సెంట్రల్ పబ్లిక్ స్కూల్‌లో కొందరు తెలుగు మీడియం విద్యార్థులకు ఇంగ్లీష్ మీడియం ప్రశ్నపత్రం ఇచ్చిన విషయం తెలిసిందే.
 
 ఇంగ్లీష్‌లో ప్రశ్నపత్రం ఇవ్వటం వల్ల పరీక్ష సరిగా రాయలేకపోయామని.. మళ్లీ నీట్ నిర్వహించాలని విద్యార్థులు ఆందోళన చేశారు. దీంతో ఆ విద్యార్థులకు తెలుగు ప్రశ్నపత్రంతో మళ్లీ పరీక్ష నిర్వహించనున్నారు. వారికి హాల్ టికెట్లు జారీ చేశారు. సెయింట్ సెంట్రల్ పబ్లిక్ స్కూల్‌లోనే పరీక్ష కేంద్రం ఏర్పాటు చేశారు. ఉదయం 7:30 గంటల నుంచే పరీక్ష కేంద్రంలోకి విద్యార్థులను అనుమతిస్తామని, 9:30 తర్వాత అనుమతించబోమని అధికారులు స్పష్టంచేశారు. ఉదయం 10 గంటల నుంచి మధ్యాహ్నం ఒంటి గంట వరకు పరీక్ష ఉంటుందని తెలిపారు.


 హన్మకొండ: టీఆర్‌ఎస్‌ ఆవిర్భావ దినోత్సవం సందర్భంగా ఈనెల 27న హన్మకొండలో నిర్వహించనున్న భారీ బహిరంగ సభకు సంబంధించిన ఏర్పాట్లను మంత్రులు హరీశ్‌రావు, కడియం శ్రీహరిలు శనివారం పరిశీలించారు. సుమారు 190 ఎకరాల్లో నిర్వహిస్తున్న ఈ సభ కోసం భారీగా పార్కింగ్‌ ఏర్పాట్లు చేసినట్లు మంత్రి హరీశ్‌రావు తెలిపారు. సభ్యత్వ నమోదు కార్యక్రమాలు గతంలో కంటే ఎంతో బాగా జరుగుతున్నాయన్నారు. కొన్ని గ్రామాల ప్రజలు ఏకగ్రీవంగా సభ్యత్వం తీసుకునేందుకు ముందుకొస్తున్నట్లు తెలిపారు.
  
 ఇప్పటివరకు సభ్యత్వం నమోదు చేసుకున్న వారి సంఖ్య 70లక్షలు దాటిందన్నారు. కేసీఆర్‌ ప్రభుత్వానికి ప్రజలు పూర్తి మద్దతు తెలుపుతున్నారని చెప్పారు. మూడేళ్ల తమ ప్రభుత్వం ప్రజల నమ్మకాన్ని సంపాదించిందన్నారు. 27న నిర్వహించనున్న సభకు చేస్తున్న ఏర్పాట్లను చూసిన హరీశ్‌రావు వారిని అభినందించారు. సభకు వచ్చిన వారు ఏమాత్రం అసౌకర్యానికి గురికాకుండా తాగునీరు, రవాణ ఏర్పాట్లు చేస్తున్నామన్నారు. 


 
 ► సినీ దర్శకుడు కె.విశ్వనాథ్‌
 
 ►హన్మకొండలో శాంతిదూత అవార్డుల ప్రదానం
 
  
 
 హన్మకొండ కల్చరల్‌ : మనమంతా శాంతిని కోరుకోవాలని, శాంతియుతంగా ప్రవర్తిస్తేనే శాంతి అన్వయిస్తుందని ప్రముఖ సినీదర్శకుడు కళాతపస్వీ డాక్టర్‌  కె. విశ్వనా«థ్‌ అన్నారు. వరల్డ్‌ పీస్‌ ఫెస్టివల్‌ సొసైటీ ఇంటర్నేషనల్‌ ఆధ్వర్యంలో మంగళవారం రాత్రి హన్మకొండలో ప్రపంచ శాంతి పండుగ అవార్డుల ప్రదానోత్సవం జరిగింది. కె.విశ్వనా«థ్‌కు, ప్రముఖ చరిత్రకారుడు కెప్టెన్‌ లింగాల పాండురంగారెడ్డి, సహృదయ అనాథ వృద్ధుల శరణాలయం వ్యవస్థాపకురాలు యాకూబీలకు శాంతిదూత అవార్డులు ప్రదానం చేశారు.వరల్డ్‌ పీస్‌ ఫెస్టివల్‌ సొసైటీ ఇంటర్నేషనల్‌ అధ్యక్షుడు,  కేంద్రసాహిత్య అకాడమీ అవార్డు గ్రహీత డాక్టర్‌ అంపశయ్య నవీన్‌ అధ్యక్షతన జరిగిన సమావేశంలో విశ్వనా«థ్‌ మాట్లాడుతూ తాను సినీదర్శకుడినే గానీ శాంతి కోసం చేసిందేమీ లేదని, తనకు అవార్డు ఇచ్చిన నిర్వాహకులకు కృతజ్ఞతలు తెలియజేసుకుంటున్నానని అన్నారు.
  
 కెప్టెన్‌ లింగాల పాండురంగారెడ్డి మాట్లాడుతూ తాను పుట్టిపెరిగిన వరంగల్‌ జిల్లాలో తనకు సన్మానం జరగడం సంతోషంగా ఉందని అన్నారు. విశ్వవిద్యాలయాల్లో మేధావులు తమ పరిశోధనల ద్వారా నిజాలను వెలికితీయాలని కోరుకుంటున్నానని అన్నారు.  జైహింద్‌ నినాదం మొదట ఉచ్ఛరించింది, త్రివర్ణ పతాకాన్ని రూపొందించింది. అండమాన్‌ జైలు నిర్మించిన తరువాత మొదటి ఖైదీగా వెళ్లిందీ హైదరాబాద్‌కు చెందిన ముస్లిమ్‌లేనని, మొదటి ఇండోపాక్‌ యుద్ధంలో, 1965లో జరిగిన యుద్ధంలో నూ పరమవీర్‌చక్ర అవార్డులు అందుకున్నది ముస్లిం సైనికులేనని అన్నారు. అలాగే తెలంగాణలో ముల్కిరూల్స్‌ వచ్చింది నార్త్‌ ఇండియన్స్‌ కోసమని, ఇలాంటి ఎన్నో నిజాలను చరిత్రకారులు వెలుగులోకి తీయాలని అన్నారు.
  
 తాను శాంతికోసం పాటుపడతానని అన్నారు. యాకుబ్‌బీ మాట్లాడుతూ తాను వృద్ధులకు చేస్తున్న సేవ చిన్నది అనుకున్నానని, ఈ అవార్డు తీసుకున్న సందర్భంగా తాను చేస్తున్న పని విలువ తెలిసిందని, ఇకపై 200 మంది వృద్ధులకైనా సేవచేయాలన్న అలోచన కలిగిందని అన్నారు. అంపశయ్య నవీన్‌ మాట్లాడుతూ మానవత్వానికి గుర్తుగా శాంతి పండుగను జరుపుకుంటున్నామని అన్నారు.
  
 ఈ కార్యక్రమంలో శాంతబయోటెక్‌ హైదరాబాద్‌ వ్యవస్థాపకుడు డాక్టర్‌ కె.ఐ.వరప్రసాద్‌రెడ్డి, వరంగల్‌ నగర పోలీస్‌ కమిషనర్‌ జి.సుధీర్‌బాబు, పీస్‌ సొసైటీ కార్యదర్శి, సామాజిక వేత్త అనీస్‌ సిద్ధిఖీ,  ప్రముఖ కవయిత్రి నెల్లుట్ల రమాదేవి, పీస్‌ సొసైటి వ్యవస్థాపకుడు మహ్మద్‌ సిరాజుద్దీన్,  సహృదయ అనాథాశ్రమం నిర్వహకులు మహ్మద్‌ మహబూబ్‌ఆలి (చోటు), కాళోజీ ఫౌండేషన్‌ అధ్యక్షుడు నాగిళ్ళ రామశాస్త్రి, లయన్‌ జిల్లా పురుషోత్తం, ప్రముఖ కవి పొట్లపల్లి శ్రీనివాస్‌రావు, ఆచార్య భద్రునాయక్,  ఆచార్య విజయ్‌బాబు, డా. సురేష్‌లాల్, నిమ్మ శ్రీనివాస్, శనిగారపు రాజమోహన్, డా. శ్రీదేవి, డా. కృష్ణారావు, సయ్యద్‌ సర్ఫరాజ్‌ తదితరులు పాల్గొన్నారు.  ఆర్యవైశ్య ప్రముఖుడు గట్టు మహేష్‌బాబు అవార్డుగ్రహితలచే శాంతిప్రతిజ్ఞ చేయించారు. 


 
 
 కోదండరాంను అడ్డుకోవాలని భావించడం సరికాదు
 
 
 
 జనగామ జేఏసీ చైర్మన్‌ దశమంతరెడ్డి
 
 చేర్యాల : జనగామ జిల్లా సాధనకు చేర్యాల ప్రజలు కలిసి రావాలని జనగామ జేఏసీ చైర్మన్‌ ఆరుట్ల దశమంతరెడ్డి, మాజీ ఎమ్మెల్యే సీహెచ్‌.రాజిరెడ్డి అన్నారు. బుధవారం మండల కేంద్రంలోని అంగడి బజారు వ ద్ద చేర్యాల జేఏసీ చైర్మన్‌ భూమిగారి వెంకట్రాజయ్య అధ్యక్షతన చేర్యాల, మద్దూరు, బచ్చన్నపే ట, నర్మెట గ్రామాల కార్యకర్తల తో బహిరంగ సభ నిర్వహించా రు. ఈ కార్యక్రమానికి తెలంగాణ రాజకీయ జేఏసీ చైర్మన్‌ ప్రొఫెసర్‌ కోదండరాం గైర్హాజరయ్యారు. దీంతో దశమంతరెడ్డి, రాజిరెడ్డి, కాంగ్రెస్‌ పార్టీ ఎస్సీ సెల్‌ రాష్ట్ర కన్వీనర్‌ ముస్త్యాల కిష్టయ్య, సీపీఎం డివిజన్‌ కా ర్యదర్శి ఆముదాల మల్లారెడ్డి ముఖ్య అతిథులుగా హాజరై మాట్లాడారు. జనగామ జిల్లా సాధన బహిరంగ సభకు హాజరుకావాలని భావించిన ప్రొఫెసర్‌ కోదండరాంను అడ్డుకోవాలనే ఆలోచన సరైంది కాదన్నారు. ఒక్కో జిల్లాకు మధ్య దూరం 30 నుంచి 40 కిలోమీటర్లు ఉండాలని చెప్పిన కేసీఆర్‌.. ప్రతిపాదిత వరంగల్, హన్మకొండ జిల్లాల మధ్య ఎంత దూరం ఉందో ఆలోచించాలన్నారు. అది అవసరమా అన్నారు. ఇప్పటికైనా జనగామ జిల్లా ప్రకటించి చేర్యాలను రెవెన్యూ డివిజన్‌గా ప్రకటించాలన్నారు. బాలలక్ష్మి, దాసరి కళావతి, ఎండీ.అతహర్‌ అహ్మద్, మల్లిగారి యాదగిరి, మద్దూరు, నర్మెట, బచ్చన్నపేట జేఏసీ నాయకులు, జనగామ, చేర్యాల అడ్వకేట్స్‌ పాల్గొన్నారు. 


 
 జనగామ, గద్వాలను జిల్లాలుగా ప్రకటించాలి
 
 నాటా అధ్యక్షుడు రాజేశ్వర్‌రెడ్డి గంగసాని
 
 పోచమ్మమైదాన్‌ : రాష్ట్ర ప్రభుత్వం చారిత్రక వరంగల్, హన్మకొండను వేర్వేరు జిల్లాలుగా విభజించొద్దని నార్త్‌ అమెరికా తెలుగు అసోసియేషన్‌ (నాటా) అధ్యక్షుడు రాజేశ్వర్‌రెడ్డి గంగసాని అన్నారు. వరంగల్‌ పోచమ్మమైదాన్‌లోని ఓ హోటల్‌లో సోమవారం ఏర్పాటు చేసిన విలేకరుల సమావేశంలో ఆయన మాట్లాడారు. ప్రజల కోరిక మేరకు జనగామ, గద్వాలను జిల్లాలుగా ప్రకటించకుండా, కోరని హన్మకొండను జిల్లాగా ఎందుకు ప్రకటిస్తున్నారని ప్రశ్నించారు. జిల్లా విభజన ఒక ప్రణాళికబద్ధంగా ఉండాలన్నారు. కేసీఆర్‌ ప్రభుత్వ తీరు తుగ్లక్‌ పాలనలా ఉందని ఎద్దేవా చేశారు. మల్లన్న సాగర్‌ ప్రాజెక్టు వల్ల డబ్బు వృథా తప్పా ప్రజలకు ఒరిగేదేమీ లేదని, ఆ ప్రాజెక్టు నిర్మించొద్దన్నారు. తెలంగాణ రాష్ట్రసాధన ఉద్యమంలో కేసీఆర్‌ను ఎన్‌ఆర్‌ఐలే ప్రోత్సహించారని అన్నారు. గ్రేటర్‌ వరంగల్‌ కాంగ్రెస్‌ కమిటీ కార్యనిర్వాహక అధ్యక్షుడు రాజనాల శ్రీహరి మాట్లాడుతూ బంగారు తెలంగాణ పేరు చెప్పి కేసీఆర్‌ ప్రజలను మోసం చేస్తున్నారన్నారు. విలేకరుల సమావేశంలో నాటా మైనార్టీ అధ్యక్షుడు మహ్మద్‌ ముత్తుజా, నాటా వరంగల్‌ జిల్లా కోఆర్డినేటర్‌ శ్రీనివాస్, వెల్ది ప్రభాకర్‌ పాల్గొన్నారు. 


 హన్మకొండ కల్చరల్‌ : రాష్ట్ర ప్రభుత్వం కొత్తగా ఏర్పాటుచేయనున్న హన్మకొండ జిల్లాకుమాజీ ప్రధాని పీవీ నర్సింహారావు పేరు పెట్టాలని బ్రాహ్మణసంఘం కోరారు.  హన్మకొండలోని వేయిస్తంభాల దేవాలయ ఆవరణలో ఏర్పాటుచేసిన విలేకరుల సమావేశంలో భద్రకాళి ఆలయ ప్రధాన అర్చకుడు భద్రకాళి శేషు మాట్లాడారు. దేశంలో ఎన్నో సంస్కరణలకు ఆద్యుడిగా నిలిచిన పీవీ పేరును హన్మకొండ జిల్లాకు పెట్టాలని బ్రాహ్మణుల పక్షాన కోరుతున్నామన్నారు. వేయి స్తంభాల ఆలయ ప్రధాన అర్చకుడు గంగు ఉపేంద్రశర్మ మాట్లాడుతూ హన్మకొండ నుంచి ఎంపీగా ఎన్నికవడంతో పాటు ప్రధానిగా దేశానికి సేవలందించిన పీవీ పేరును జిల్లాకు పెట్టి గౌరవించాలని కోరారు. డాక్టర్‌ వొడితెల విశ్వనాథం మాట్లాడుతూ పీవీ పేరును జిల్లాకు పెట్టడం సీఎం కేసీఆర్‌ దృష్టి సారించాలని విజ్ఞప్తి చేశారు. సమావేశంలో వివిధ ఆలయాల అర్చకులు, బ్రాహ్మణ సంఘం బాధ్యులు చెప్పెల నాగరాజుశర్మ, దండాపంతుల గోపీనాథ్‌శర్మ, వల్లూరి పవన్‌కుమార్, జయప్రసాద్‌రావు, దెందుకూరి సోమనాథ్, ఎన్‌వీఎన్‌.పురుషోత్తం, రమేష్‌చంద్ర, గణపతిశర్మ, ప్రభాకర్‌రావు, హన్మంతుశర్మ, ధీరజ్‌శర్మ తదితరులు పాల్గొన్నారు.  


 జనగామ : జనగామ జిల్లా చేయాలని ఉద్యమిస్తుంటే కాదన్న సర్కారు.. వద్దన్న హన్మకొండను ప్రకటించడం విస్మయానికి గురిచేసిందని తెలంగాణ పొలిటికల్‌ జేఏసీ చైర్మన్‌ కోదండరాం అన్నారు. పట్టణంలోని జూబ్లీగార్డెన్‌లో ఆదివారం టీపీటీఎఫ్‌ అధ్యక్షుడు డి.శ్రీని వాస్‌ అధ్యక్షతన జరిగిన ‘జనగామ జిల్లా ఏర్పాటు – చారిత్రక ఆవశ్యకత’పై జరిగిన సదస్సుకు ఆయన ముఖ్యఅతిథిగా హాజరై ప్రసంగించారు. మంత్రివర్గ ఉప సంఘం ప్రతిపాదన లేకుండా చివరి నిమిషంలో హన్మకొండను తెరపైకి తేవడం ప్రజల అభిప్రాయాలకు విలువ ఇవ్వడంలేదని స్పష్టం చేస్తోందన్నారు. పాలకుర్తి సోమన్న, బమ్మెర పోతన్న, సర్వాయి పాపన్న, చుక్క సత్తెయ్య మూలంగా సాయుధ పోరాటానికి ముందు నుంచే జనగామ ప్రాంత అస్థిత్వం కొనసాగిందన్నారు. జనగామ ప్రత్యేక జిల్లాగా ఏర్పడితే ఎవరికీ అభ్యంతరం లేదని, మరో ప్రాంతంలో కలిపేస్తామంటేనే సమస్యలు వస్తున్నాయని చెప్పారు. జిల్లాల పునర్విభజనకు మెుదట ప్రజల నుంచి అభిప్రాయాలను సేకరించి, ఆ తర్వాత కలెక్టర్ల నివేదికల ఆధారంగా తుదినిర్ణయం తీసుకుంటే బాగుండేదన్నారు. కేవలం జనాభా లెక్కలు, భౌగోళిక స్థితి గతుల ఆధారంగా జిల్లాల పునర్విభజన చేస్తూ ప్రజలను గందరగోళానికి గురిచేస్తున్నారన్నా రు. చేర్యాల, మద్దూరు మండలాలను గజ్వేల్‌ రెవెన్యూ డివిజన్‌లో కలిపితే పరిపాలనా సౌలభ్యం ఎలా అవుతుందో పాలకులే చెప్పాలన్నారు. జనగామ జిల్లా కావాలని ప్రజల్లో బలమైన నినాదం కొనసాగుతుందని, ప్రభుత్వం ఆ దిశగా అడుగులు వేయాలని సూచిం చారు. వీక్షణం ఎడిటర్‌ వేణుగోపాల్, మాజీ ఎమ్మెల్యే సీహెచ్‌.రాజారెడ్డి, జేఏసీ చైర్మన్‌ ఆరు ట్ల దశమంతరెడ్డి, డాక్టర్‌ లక్ష్మినారాయణ, ఓయూ బాలలక్ష్మి, దాసరి కళావతి, పోకల లిం గయ్య, ఆకుల వేణుగోపాల్‌రావు ఉన్నారు. 


 
 గ్రేటర్‌లో పాక్షికం... జనగామలో సంపూర్ణం
 
 మూతపడిన వ్యాపార, వాణిజ్య సంస్థలు
 
 నగరంలో మోటారు సైకిళ్ల ర్యాలీ
 
 పలువురు నాయకులను అదుపులోకి తీసుకున్న పోలీసులు
 
 రఘునాథపల్లిలో కలెక్టర్‌ను అడ్డుకున్న జేఏసీ నాయకులు
 
  
 వరంగల్‌ : హన్మకొండ జిల్లా వద్దని, ప్రజలు ఆంకాక్ష మేరకు జనగామ జిల్లా ఏర్పాటు చేయాలని కోరుతూ మంగళవారం జిల్లా పరిరక్షణ కమిటీ, అఖిలపక్ష పార్టీలు సంయక్తంగా చేపట్టిన జిల్లా బంద్‌ ప్రశాంతంగా జరిగింది. గ్రేటర్‌ వరంగల్‌ పరిధిలో బంద్‌ పాక్షికంగా జరగగా.. జనగామలో సంపూర్ణంగా జరిగింది. నగరంలో బీజేపీ, కాంగ్రెస్, టీడీపీ, వైఎస్సార్‌సీపీ, వామపక్ష పార్టీలు, వివిధ ప్రజా సంఘాలు బంద్‌లో పాల్గొన్నాయి. బస్టాండ్‌ నుంచి దూర ప్రాంతాలకు వెళ్లే బస్సులు బయటకు వెళ్లకుండా బీజెపీ, కాంగ్రెస్, టీడీపీ నేతలు ఉదయం 5గంటలకే హన్మకొండ బస్‌డిపో ఎదుట బైఠాయించారు. ఆర్టీసీ బస్సులు డిపోకే పరిమితమయ్యాయి. నగరంలో పెద్ద ఎత్తున మోటార్‌సైకిళ్ల ర్యాలీ నిర్వహించారు. పలువురు నాయకులను పోలీసులు అదుపులోకి తీసుకుని సాయంత్రం వదిలిపెట్టారు. వ్యాపార, వాణిజ్య సంస్థలు, పెట్రోల్‌ బంకులు మూతపడ్డాయి. ప్రభుత్వ కార్యాలయాలు యధావిధిగా పనిచేశాయి.
  
 జనగామలో అధికార ప్రతిపక్ష నేతలతో సహా అన్ని వర్గాల వారు పాలుపంచుకోవడంతో బంద్‌ సంపూర్ణంగా జరిగింది. పిట్టలగూడెం వెళుతున్న కలెక్టర్‌ కరుణను రఘునాథపల్లిలో జేఏసీ నాయకులు అడ్డుకొని జిల్లా ఏర్పాటుకు చర్యలు చేపట్టాలని కోరారు. చేర్యాల మండలాన్ని చేర్చి జనగామ జిల్లాగా ఏర్పాటు చేయాలని అఖిపక్ష నేతలు డిమాండ్‌ చేశారు. జనగామ జిల్లా ఏర్పాటు కోసం బచ్చన్నపేటలో రెండు గంటల పాటు ధర్నా, రాస్తారోకో నిర్వహించడంతో ట్రాఫిక్‌కు అంతరాయం జరిగింది. నర్మెట మండల కేంద్రంలో, తరిగొప్పుల చౌరస్తాలో ధర్నాలు, రాస్తారోకోలు నిర్వహించారు.
  
 హన్మకొండను వరంగల్‌ నుంచి విడదీయవద్దని అఖిలపక్షం ఆధ్వర్యంలో సంగెంలో బంద్‌ నిర్వహించారు. ఆదివాసీలను అణగదొక్కేందుకే జిల్లాల పునర్విభజన చేపట్టారని తుడుందెబ్బ నాయకులు ఆరోపించారు. గ్రేటర్‌ పరిధిలో జరిగిన బంద్‌లో డీసీసీ అధ్యక్షుడు నాయిని రాజేందర్‌రెడ్డి, మాజీ ఎమ్మెల్యే కొండేటి శ్రీధర్, మాజీ మేయర్‌ ఎర్రబెల్లి స్వర్ణ, గ్రేటర్‌ నేతలు కట్ల శ్రీనివాస్, రాజనాల శ్రీహరి, బట్టి శ్రీను, ఈవీ.శ్రీనివాస్, మనుపాటి శ్రీను. రజనీకాంత్, మండల సమ్మయ్య,  బీజీపీ నాయకులు మార్తినేని ధర్మారావు, రావు పద్మారెడ్డి, గండ్రతి యాదగిరి, రావు అమరేంద్‌రెడ్డి, చింతాకుల సునీల్, గాదె రాంబాబు, వైఎస్సార్‌సీపీ నాయకులు అప్పం కిషన్, పసునూరి ప్రభాకర్, రఘు, సుదర్శన్‌రెడ్డి, అమరేందర్‌రెడ్డి, టీడీపీ నేతలు గండ్ర సత్యనారాయణరావు, మాజీ ఎమ్మెల్యే సీతక్క, హన్మకొండ సాంబయ్య, శ్రీరాముల సురేష్, మార్గం సారంగం, జిల్లా పరిరక్షణ కమిటీ నాయకులు బైరపాక జయాకర్‌ మాదిగ, మంద కుమార్‌మాదిగ తదితరులు పాల్గొన్నారు.


 
 ‘శబ్దం.. నిశ్శబ్దం’, ‘కవితా మయూరి’ తదితర కవితా సంకలనాలకు ప్రాచుర్యం
 
 సంతాపం తెలిపిన పలువురు ప్రముఖులు
 
 హన్మకొండ కల్చరల్‌ : ప్రముఖ తత్వవేత్త జిడ్డు కృష్ణమూర్తి ఆలోచనా విధానమే ఆలంబనగా.. భావ కవిత్వమే బాసటగా.. సాహితీ వ్యాసంగమే లక్ష్యంగా ముందుకుసాగిన ప్రముఖ కవి, శివునిపల్లి ముద్దుబిడ్డ పార్శీ వెంకటేశ్వర్లు స్వగ్రామంలో మంగళవారం కన్నుమూశారు. ఆయనకు భార్య ఉమాదేవి, కుమారులు నవీన్, కమల్, కుమార్తెలు రమ,ప్రణతి ఉన్నారు. వెంకటేశ్వర్లు స్టేషన్‌ ఘన్‌పూర్‌ సమీపంలోని శివునిపల్లి గ్రామంలో పార్శీ రామయ్య, గోదాదేవి దంపతులకు 1936 జూలై 10న జన్మించారు. బాల్యం నుంచీ వెంకటేశ్వర్లులో పరోపకార గుణం మెండుగా ఉండేది. ఎవరైనా సాయం కోసం వస్తే.. లేదనకుండా ఎంతో కొంత ఇచ్చి పంపేవారు. 
  
 అనంతర కాలంలో ప్రముఖ తత్వవేత్త జిడ్డు కృష్ణమూర్తి భావాలతో ఆయన ఎంతో ప్రభావితుడయ్యారు. ఎంతగా అంటే జిడ్డు కృష్ణమూర్తి రాసిన పుస్తకాలను యువకులకు ఉచితంగా పంచేంతగా! ఆ ఆలోచనా ధోరణి గురించి అందరికీ వివరించేంతగా. కృష్ణమూర్తి వద్ద వెంకటేశ్వర్లు కొంతకాలం శిష్యరికం కూడా చేశారు. ఈక్రమంలోనే ప్రముఖ హిందీ చలనచిత్ర దర్శకుడు మహేష్‌భట్‌తో పరిచయం ఏర్పడి.. ఆత్మీయ మిత్రుడిగా మారారు. ఆ సమయంలోనే ప్రముఖ కవి వీ.ఆర్‌.విద్యార్థి, ఆచార్య కోవెల సుప్రసన్నాచార్య, వేలూరి సదాశివరావు, బీ.సీ.రామమూర్తి, పీ.ఎల్‌.కాంతారావులతో పరిచయం ఏర్పడింది. ‘గొప్పవారితో స్నేహం.. గొప్ప ఆలోచనా దృక్పథాన్ని అలవరుస్తుంది’ అని పెద్దలు చెప్పిన విధంగా వెంకటేశ్వర్లు జీవన శైలి, జీవిత లక్ష్యాలకు ఆయనతో స్నేహం చేసిన గొప్పగొప్ప మేధావులే దిశానిర్దేశం చేశారు. ఈ ప్రభావంతో తన స్వగృహంలో మేధావులు, సామాజికవేత్తలతో ఆయన తాత్విక చర్చలు నిర్వహించేవారు.  
  
 సాహితీ సుధ వ్యవస్థాపకులుగా..
 1985 సంవత్సరంలో తన మిత్రులు నరేందర్, బుర్ర వెంకటయ్య, భిక్షపతిలతో కలిసి ‘సాహితీ సుధ’ అనే సాహిత్య సంస్థను వెంకటేశ్వర్లు స్థాపించారు. దానికి వ్యవస్థాపక అధ్యక్షుడిగా వ్యవహరించారు. ఆయన నిర్వహించే సాహితీ చర్చాగోష్టులకు కాళోజీ రామేశ్వర్‌రావు, కాళోజీ నారాయణరావు, అనుముల కృష్ణమూర్తి, పొట్లపల్లి రామారావు తదితర సుప్రసిద్ధ సాహితీవేత్తలు హాజరయ్యేవారు. పెండ్యాల వరవరరావు లాంటి వారికి మిత్రుడిగా అభిమానాన్ని చూరగొన్నారు. ‘కవితా మయూరి’, ‘శబ్దం–నిశ్శబ్దం’ పేరిట కవితా సంపుటాలను వెలువరించారు. ‘నెలవంక’ అనే సాహితీ మాసపత్రికను ప్రచురించేవారు. 
  
 అవార్డులు, బిరుదులు.. 
 పార్శీ వెంకటేశ్వర్లును పాలకుర్తి సోమనాథ కళాపీఠం వారు ‘తత్వదర్శి’ బిరుదుతో  గౌరవించారు. 
 మడికొండ పురజనులు వైశ్యరత్న బిరుదుతో సత్కరించారు. 
 వరంగల్‌ జిల్లా యంత్రాంగం ఉత్తమ సాహితీవేత్తగా సత్కరించింది. ఆయనకు 2012 సంవత్సరంలో అప్పటి కలెక్టర్‌ కిషన్‌ చేతులమీదుగా తెలుగుభాషా దినోత్సవం సందర్భంగా ఈ అవార్డును అందుకున్నారు. 
  
 సంతాపం తెలిపిన ప్రముఖులు
 స్టేషన్‌ ఘన్‌పూర్‌ టౌన్‌  : మండలంలోని శివునిపల్లికి చెందిన ప్రముఖ సాహితీవేత్త, సాహితీ సుధ వ్యవస్థాపక అధ్యక్షుడు పార్శీ వెంకటేశ్వర్లు(80) మృతి పట్ల పలువురు ప్రముఖులు సంతాపం తెలిపారు. జిల్లా ఒక గొప్ప సాహితీవేత్తను కోల్పోయిందని వారు అభివర్ణించారు. ఆయన సాహిత్య రంగానికి చేసిన సేవలను కొనియాడారు. వర్ధన్నపేట ఎమ్మెల్యే అరూరి రమేష్, మాజీ మంత్రి విజయరామారావు, వాసవి క్లబ్‌ జిల్లా కోఆర్డినేటర్‌ తెల్లాకుల రామకృష్ణ, ఎర్రం శ్రీనివాస్, యంజాల ప్రభాకర్, ఆర్యవైశ్య సంఘం నాయకులు ఆయన భౌతిక కాయాన్ని సందర్శించి నివాళులర్పించారు.
  
 ఆయన మృతికి సంతాపం తెలిపిన వారిలో కాళోజీ ఫౌండేషన్‌ అధ్యక్షుడు నాగిళ్ల రామశాస్త్రి, కార్యదర్శి వి.ఆర్‌.విద్యార్థి, కేంద్ర సాహిత్య అకాడమీ అవార్డు గ్రహీత అంపశయ్య నవీన్, ఆచార్య బన్న అయిలయ్య దంపతులు, పొట్లపల్లి శ్రీనివాసరావు, టి. జితేందర్‌రావు, తదితరులు ఉన్నారు. స్థానిక ఎమ్మెల్యే రాజయ్య ఫోన్‌లో కుటుంబ సభ్యులతో మాట్లాడి ఓదార్చారు. కాగా, కుటుంబ సభ్యుల అంగీకారం మేరకు పార్శీ వెంకటేశ్వర్లు నేత్రాలను లయన్స్‌క్లబ్, వాసవీ క్లబ్‌ ఆధ్వర్యంలో సేకరించి ప్రాంతీయ నేత్ర వైద్యశాలకు తరలించారు.  


 విద్యారణ్యపురి: తెలంగాణ స్టేట్‌ ప్రైమరీ టీచర్స్‌ అసోసియేషన్‌(టీఎస్‌పీటీఏ) జిల్లా స్థాయి నూతన కార్యవర్గాన్ని ఆదివారం ఎన్నుకున్నారు. హన్మకొండలోని ప్రభుత్వ మర్కజీ హైస్కూల్‌లో ఏర్పాటు చేసిన ఉపాధ్యాయ సంఘం జిల్లా స్థాయి సమావేశంలో నూతన కమిటీని ఎన్నుకున్నారు. సంఘం జిల్లా అధ్యక్షుడిగా ఎంఏ.బాసిత్‌ , ప్రధాన కార్యదర్శిగా పీవీ.రాజేశ్వర్, అదనపు ప్రధాన కార్యదర్శిగా ఎండీ.సలీం అహ్మద్‌ ఎన్నికయ్యారు. అసోసియేట్‌ అధ్యక్షులుగా సయ్యద్‌ గియాజుద్దీన్, ఎం. భిక్షపతి, ఆర్‌.అరుణ, ఉపాధ్యక్షులుగా బి.బ్రహ్మచారి, బి.అశోక్, కె.సంధ్యారాణి, సీహెచ్‌.శ్రీనివాస్, బి.శ్రవంత్, కార్యదర్శులుగా మహ్మద్‌ రజిÄñæ¬ద్దీన్, ప్రవీణ్, ఆర్‌. ప్రదీప్‌కుమార్, సీహెచ్‌.రాజ్‌కుమార్, ఆర్‌.దయాకర్‌ బాబు, ఫైనాన్స్‌ కార్యదర్శిగా సీహెచ్‌.రాజశేఖర్‌ ఎన్నికయ్యారు. 


 విద్యారణ్యపురి: హన్మకొండలోని ప్రభుత్వ బీఈడీ కళాశాల ఇన్‌చార్జి ప్రిన్సిపాల్‌గా పాఠశాల విద్యాశాఖ ఆర్‌జేడీ వై.బాలయ్యకు అదనపు బాధ్యతలు అప్పగిస్తూ ఆ శాఖ డైరెక్టర్‌ జి.కిషన్‌ గురువారం ఉత్తర్వు లు జారీ చేశారు. కళాశాల ప్రిన్సిపాల్‌ సహదేవుడు తమపై అనుచి తంగా మాట్లాడుతున్నారని ఆరోపిస్తూ పలుమార్లు కళాశాల విద్యార్థులు ఆందోళనలు, ధర్నాలు చేసిన విషయం విధితమే. జిల్లా కలెక్టరేట్‌ కార్యాలయం వద్ద ధర్నా, ఫిర్యాదు కూడా చేశారు.
  
 మంత్రి కడియం శ్రీహరి దృష్టికి  సైతం తీసుకెళ్లారు. ఎస్‌సీఈఆర్‌టీ డైరెక్టర్‌ జగన్నాథరెడ్డి ఇటీవల కళాశాల సందర్శించి విచారణ జరిపారు. నివేదికను పాఠశాల విద్యాశాఖ డైరెక్టర్‌కు అందజేశారు. ఈమేరకు ఆయ న స్థానంలో ఇన్‌చార్జిగా ఆర్జేడీ బాలయ్యను నియమిస్తూ గురువారం ఉత్తర్వులు జారీ చేశారు. సహదేవుడు ప్రస్తుతం సెలవులో ఉన్నారు.  


 హన్మకొండ కల్చరల్‌ : సేవా కార్యక్రమాల్లో ముందు వరుసలో నిలుస్తున్న హన్మకొండ లయన్స్‌క్లబ్‌ 2015–16 సంవత్సరానికి బెస్ట్‌ బ్యానర్‌ అవార్డు కు ఎంపికైంది. 
  
  సికింద్రాబాద్‌లో శని వారం రాత్రి జరిగిన సమావేంలో మ ల్టిఫుల్‌ చైర్‌పర్సన్, పాస్ట్‌ డిస్ట్రిక్ట్‌ గవర్న ర్‌ బీఎన్‌.రెడ్డి చేతుల మీదుగా హన్మకొండ లయన్స్‌క్లబ్‌ అధ్యక్షుడు ప్రొఫెస ర్‌ ఎస్‌.ఆగయాచారి, కార్యదర్శి కొంగమోహన్, కోశాధికారి కె.సుభాష్, పోకలచందర్, ప్రొఫెసర్‌ ఎస్‌.ఎం.రెడ్డి ఈ అవార్డు స్వీకరించారు. అలాగే, ఎంజేఎఫ్‌ బ్లడ్‌ డొనేషన్‌ చైర్మన్‌ జిల్లా పురుషోత్తం బెస్ట్‌ బ్లడ్‌ డొనేషన్‌ చైర్మన్‌ అవా ర్డు స్వీకరించారు. ఈ సందర్భంగా అవార్డులు అందుకున్న వారిని జిల్లా గవర్నర్‌ గోపాల్‌రెడ్డి అభినందించారు. 


 హన్మకొండ: అదుపు తప్పిన కారు..నాలా పైకి దూసుకెళ్లి ఇరుక్కుపోయింది. వరంగల్ జిల్లా హన్మకొండలో శుక్రవారం ఉదయం 7 గంటల సమయంలో ఈ ఘటన చోటుచేసుకుంది. స్థానిక అంబేద్కర్ విగ్రహం వద్ద రోడ్డు పక్కనే గల నాలాలోకి దూసుకెళ్లిన కారు.. నాలా అంచుల మధ్య ఇరుక్కుంది. అదృష్టవశాత్తూ.. కారు నాలాలోకి పడిపోకపోవటంతో పెద్ద ప్రమాదమే తప్పింది. ఈ ఘటనలో ఎవరికీ ఎటువంటి ప్రమాదం జరగలేదు.  కారు నడుపుతున్న వ్యక్తి నిద్ర మత్తులోకి జారుకోవటం వల్లే ఈ ప్రమాదం జరిగిందని భావిస్తున్నారు.
 
  


 ► ఉదయం 10 నుంచి 1 గంట వరకూ
 ► పెట్టుబడులపై నిపుణుల సూచనలు
 హైదరాబాద్: సరైన పెట్టుబడి అవకాశాలను ఎంచుకోవడానికి ఇన్వెస్టర్లకు తగిన సూచనలందించేందుకు ‘సాక్షి’ నిర్వహిస్తున్న ‘మైత్రి ఇన్వెస్టర్స్ క్లబ్’ సదస్సు వరంగల్ జిల్లా హన్మకొండలో ఆదివారం (జనవరి 31) జరగనుంది. స్టాక్ మార్కెట్లో ఎలా పెట్టుబడులు పెట్టాలి? భవిష్యత్ అవసరాల కోసం అనువైను పెట్టుబడి అవకాశాలను ఎంచుకోవడం ఎలా? డీమ్యాట్ ఖాతాతో లాభాలేంటి? వంటి అంశాలపై నిపుణులు ఈ కార్యక్రమంలో అవగాహన కల్పిస్తారు.
 కార్యక్రమంలో సెంట్రల్ డిపాజిటరీ సర్వీసెస్ లిమిటెడ్ (సీడీఎస్‌ఎల్) రీజనల్ మేనేజర్ శివ ప్రసాద్ వెనిశెట్టి, హెచ్‌డీఎఫ్‌సీ సెక్యూరిటీస్ సౌత్ రీజనల్ హెడ్ డి.వి.సునీల్ రెడ్డి, హెచ్‌డీఎఫ్‌సీ మ్యూచువల్ ఫండ్ బ్రాంచ్ మేనేజర్ పద్మనాభ పాల్గొంటారు. హన్మకొండ మెయిన్‌రోడ్‌లోని హోటల్ అశోక్ చాణక్య కన్వెన్షన్ హాల్లో ఉదయం 10 గంటల నుంచి మధ్యాహ్నం 1 గంట వరకూ జరిగే ఈ కార్యక్రమానికి ప్రవేశం ఉచితం. సదస్సుకు హాజరయ్యే వారు ఉచిత సభ్యత్వ నమోదు కోసం 95055 55020కు ఫోన్ చేసి తమ పేర్లు నమోదు చేసుకోవాలి.


 వరంగల్ : 'ఇవాళ ఎన్నికలు జరుగుతా ఉన్నాయి. ఈ ఎన్నికలు ఎందుకు జరుగుతున్నాయని ఒకసారి మనల్ని మనం ప్రశ్నించుకోవాలి. హఠాత్తుగా ఎవరైనా చనిపోయి ఉంటే... ఎన్నికలు జరుగుతున్నాయనుకుంటే ఎవరికీ ఆక్షేపణ ఉండదు. నిజంగా కూడా గర్వపడేవారం. ఎన్నికలు ఎందుకు జరుగుతున్నాయంటే... కేసీఆర్ మోజు తీర్చుకునేందుకు ఈ ఎన్నికలు జరుగుతున్నాయి.  ఉన్న ఎంపీని ఆ పదవికి రాజీనామా చేయించి, ఆయనను మంత్రిని చేశారు. ఇవాళ ప్రజల నెత్తిన ఇంత భారం వేస్తున్నారు.
 
 ఎన్నికలు ఎలాగూ వచ్చాయి కాబట్టి... ఓటు వేసేటప్పుడు ఆలోచన చేయాల్సి ఉంది. 18 నెలల పరిపాలన చూశాక, కేసీఆర్ కు ఓటు వేయాలా వద్దా అనే నిర్ణయం తీసుకోవాల్సి వచ్చింది. పొరపాటు కేసీఆర్ కు ఓటు వేస్తే...  నా పాలన బాగుంది అందుకే ఓటు వేశారనుకుంటారు. ఇప్పుడే పట్టించుకోవటం లేదు. ఇక ఉప ఎన్నికలో గెలిస్తే... ఇక అస్సలు పట్టించుకోరని' వైఎస్ఆర్ సీపీ అధ్యక్షుడు వైఎస్ జగన్ మోహన్ రెడ్డి అన్నారు. వరంగల్ ఉప ఎన్నిక ప్రచారంలో భాగంగా ఆయన బుధవారం సాయంత్రం హన్మకొండలోని హయగ్రీవాచారి స్టేడియంలో బహిరంగ సభలో ప్రసంగించారు.
 
 వరంగల్‌ లోక్‌సభ ఉపఎన్నికల్లో  టీఆర్ఎస్‌ను ఓడించి.... సీఎం కేసీఆర్‌కు దిమ్మతిరిగేలా తీర్పు ఇవ్వాలని  వైఎస్‌ జగన్‌ పిలుపునిచ్చారు.  అనుకున్న సమయం కన్నా ఆలస్యంగా సభ ప్రారంభమైనా ఎంతో ఓపిగ్గా వేచి ఉన్నందుకు అందరికీ ఆయన హృదయపూర్వక కృతజ్ఞతలు చెప్పారు. అంతకు ముందు వైఎస్‌ జగన్‌కు ఓరుగల్లు ప్రజలు నీరాజనం పలికారు. పార్టీ అభ్యర్థి నల్లా సూర్యప్రకాష్‌ తరపున వైఎస్‌ జగన్‌ చేస్తున్న ఎన్నికల ప్రచారానికి ప్రతిచోట విశేష స్పందన లభిస్తోంది. అంతకుముందు గీసుకొండలో ప్రసంగించిన వైఎస్‌ జగన్‌... సీఎం కేసీఆర్‌ 18నెలల పాలనపై నిప్పులు చెరిగారు.
  
 ఇంకా వైఎస్ జగన్ ఏమన్నారంటే!
 
 మీ అందరి ఆప్యాయతలకు, ప్రేమానురాగాలకు శిరస్సు వంచి పేరుపేరును కృతజ్ఞతలు తెలుపుకొంటున్నా.
 
 ఇవాళ ఎన్నికలు జరుగుతున్నాయి. ఈ ఎన్నికలు ఎందుకు జరుగుతున్నాయని ఒక్కసారి మనల్ని మనం ప్రశ్నించుకోవాలి
 
 హఠాత్తుగా ఎవరైనా చనిపోయి ఉండి ఈ ఎన్నికలు జరిగి ఉంటే ఎవరికీ ఆక్షేపణ ఉండకపోయింది
 
 లేక కేంద్రం ఇచ్చిన హామీలు నెరవేర్చనందుకు నిరసనగా ఈ ఎన్నికలు జరిపి ఉంటే గర్వపడేవాళ్లం
 
 కానీ కేసీఆర్ మోజు తీర్చుకునేందుకే ఈ ఎన్నికలు జరుగుతున్నాయి
 
 మీ పార్టీలో మన జిల్లా నుంచి గెలిచిన దళిత ఎమ్మెల్యేలు ఎవరూ లేరా? అని కేసీఆర్ ను అడగండి
 
 వరంగల్‌ జిల్లాలోనే ఇద్దరు దళిత ఎమ్మెల్యేలున్నా, మోజుపడి ఎంపీతో రాజీనామా  చేయించి.. మంత్రిని చేశారు.
 
 డిప్యూటీ సీఎంగా ఉన్న వ్యక్తిని పదవి నుంచి ఊడబెరికారు
 
 తన మోజు తీర్చుకోవడానికి ప్రజల నెత్తిన ఈ ఎన్నికల భారాన్ని కేసీఆర్ మోపుతున్నారు
 
 కేసీఆర్ 18 నెలల పాలన చూసి ఈ ఎన్నికల్లో ఓటు వేయాలి.
 
 పొరపాటున మనం కేసీఆర్‌కు ఓటు వేస్తే.. నా పరిపాలన బాగుందన్న భావనతో ఆయన ప్రజల్ని అసలే పట్టించుకోరు
 
 18 నెలల పాలనలో 150 మంది రైతులు మన జిల్లాలోనే ఎందుకు ఆత్మహత్య చేసుకున్నారు?
 
 కేసీఆర్ ఒక్కసారైనా పత్తిరైతుల పొలాల్లోకి వెళ్లారా? వాళ్ల కష్టాలను స్వయంగా చూశారా?
 
 పత్తి క్వింటాలు మద్దతు ధర 4,500 చెప్పి.. ఆ కోత, ఈ కోత పేరిట రైతులకు రూ. 3,500 ధర కూడా చెల్లంచడం లేదు.
 
 రైతు రుణమాఫీ అమలు విషయంలో మోసం చేశారు.
 
 నాలుగు దఫాలుగా రుణాలను రద్దు చేస్తామని ఎన్నికల అప్పడే ఎందుకు చెప్పలేదు?
 
 రుణాలు చెల్లించకపోవడంతో రైతుల నుంచి బ్యాంకులు 14శాతం అపరాధ వడ్డీని వసూలుచేస్తున్నాయి.
 
 దీంతో వచ్చే మాఫీ సొమ్ములో ముప్పావు వంతు అపరాధ వడ్డీకే వెళుతున్నది
 
 దివంగత నేత వైఎస్‌ఆర్ పరిపాలన గుర్తుతెచ్చుకోండి అని కేసీఆర్‌కు చెప్పండి
 
 సీఎం అంటే వైఎస్ఆర్‌ మాదిరిగా ఉండాలి
 
 రెండు బెడ్‌రూంల కట్టిస్తామని ఎన్నికల సమయంలో కేసీఆర్ చెప్పారు
 
 కానీ ఈ 18 నెలల పాలనలో ఎన్ని ఇళ్లు కట్టించారు? అని కేసీఆర్‌ను ప్రశ్నించండి
 
 రాష్ట్రం మొత్తంగా కేసీఆర్ 398 ఇళ్లు మాత్రమే ఇప్పటివరకు కట్టించారు
 
 వైఎస్ఆర్‌ ఐదేళ్లలో ఒక్క మన రాష్ట్రంలోనే 48 లక్షల ఇళ్లు కట్టారు
 
 ఏ రోజు అయినా మీరు మార్కెట్‌కు వెళ్లారా? కూరగాయలు కొనాలంటే రేట్లు షాకు కొడుతున్నాయని కేసీఆర్‌ను గట్టిగా నిలదీయండి
 
 ఏడాది కిందట కేజీ కందిపప్పు రూ. 90 ఉంటే ప్రస్తుతం రూ. 230. రూ.85 ఉన్న మినపపప్పు ప్రస్తుతం 200 కేజీ టమాటా ధర రూ. 14 నుంచి 50 అయింది.
 
 పేదరికం పోవాలంటే ప్రతి ఇంటి నుంచి ఒక్కరన్నా డాక్టర్ కావాలి, ఒక్కరన్నా ఇంజినీర్‌ కావాలి అనే ఉద్దేశంతో దివంగత నేత వైఎస్ఆర్‌ ఫీజు రీయింబర్స్ మెంట్‌ పథకాన్ని తెచ్చారు
 
 ఇవాళ ఫీజు రీయింబర్స్ మెంట్ పథకం అమలు సరిగ్గా జరుగలేదు.
 
 కాలేజీలు మొదలై కూడా ఐదు నెలలు అవుతున్నా.. ఇప్పటికీ గత ఏడాది ఫీజు బకాయిలే ప్రభుత్వం విడుదల చేయలేదు.
 
 ప్రతి దళితుడికి కూడా మూడు ఎకరాల భూమి ఇస్తానని కేసీఆర్‌ హామీ ఇచ్చారు. ఇప్పటివరకు ఎన్ని ఎకరాల భూమి పంచారో కేసీఆర్‌ను అడగండి
 
 వైఎస్ఆర్ పేదలకు 20 లక్షల 66వేల ఎకరాల భూమిని పంచితే.. కేసీఆర్ 1600 ఎకరాలు మాత్రమే పంచారు.
 
 విశ్వసనీయత రావాలంటే రాజన్న రాజ్యం రావాలి.
 
 అందుకు వైఎస్‌ఆర్‌సీపీ అభ్యర్థి నల్లా సూర్యప్రకాశ్‌కు ఓట్లు వేసి.. అఖండ మెజారిటీతో గెలిపించాలని ప్రజలను కోరుతున్నా.
 
  


 అకడమిక్ పరంగా స్వయం ప్రతిపత్తి
 వచ్చే విద్యాసంవత్సరం నుంచే అమలు
 కేయూ ఎగ్జిక్యూటివ్ కౌన్సిల్
 ఆమోదమే తరువాయి..
  
 కేయూ క్యాంపస్ : కాకతీయ యూనివర్సిటీ పరిధి హన్మకొండలోని యూనివర్సిటీ ఆర్ట్స్ అండ్ సైన్స్ కాలేజీకి అటానమస్ హోదా లభించింది. ఈ మేరకు యూనివర్సిటీ గ్రాంట్స్ కమిషన్(యూజీసీ) పంపిన లేఖ సోమవారం అందింది. వచ్చే విద్యాసంవత్సరం(2016-2017) నుంచి ఈ హోదా అమలులోకి రానుంది. ఈ ఏడాది జులై 27, 28వ తేదీల్లో యూజీసీ నియమించిన ఆరుగురు సభ్యులతో కూడిన ప్రత్యేక కమిటీ ఆర్ట్స్ కాలేజీని సందర్శించి వసతులు, సౌకర్యాలపై ఆరా తీసింది. వారు ఇచ్చే నివేదిక ప్రకారం ప్రస్తుతం అటానమస్ హోదా లభించింది. తద్వారా ఆర్‌‌ట్స కాలేజీ కేయూ పరిధిలో ఉన్నప్పటికీ స్వయం నిర్ణయాలతో ముందుకెళ్లవచ్చు. ప్రస్తుతం నిర్వహిస్తున్న డిగ్రీ, పీజీ కోర్సులలో సిలబస్ రూపకల్పనతోపాటు విద్యాబోధన, పరీక్షల నిర్వహణ, ప్రశ్నపత్రాల సెట్టింగ్, జవాబు పత్రాల మూల్యాంకనం, ఫలితాలు విడుదల సొంతంగా చేసుకోవచ్చు. టైంటేబుల్ కూడా యూనివర్సిటీతో సంబంధం లేకుండా సొంతంగా చేసుకునే వెసలుబాటు లభిస్తుంది. నిధులు కూడా యూజీసీ నుంచి నేరుగా అందనున్నందున సెల్ఫ్ ఫైనాన్స్ కోర్సులు ప్రవేశపెట్టుకోవచ్చు. అయితే, కాకతీయ యూనివర్సిటీ మాత్రం ఆర్థికపరమైన అంశాలను పర్యవేక్షిస్తుంది. అలాగే, ఆర్ట్స్ కాలేజీకి లభించిన అటానమస్‌కు కాకతీయ యూనివర్సిటీ ఎగ్జిక్యూటివ్ కౌన్సిల్‌లో ఆమోదించాల్సిన అవసరముంది.
 
  మినీ యూనివర్సిటీ
  కాకతీయ యూనివర్సిటి ఆర్ట్స్ అండ్ సైన్స్ కాలేజి మినీయూనివర్సిటీగా పిలువబడుతుంది.40 ఎకరాల విస్తీర్ణంలో ఉండి అనేక భవనాలతో మౌళిక వసతులు కలిగి ఉండగా 1927లో కాలేజియట్ హైస్కూల్‌గా ఉండి క్రమక్రమంగా అభివృద్ధి చెందుతోంది. డిగ్రీ కోర్సులతో 1959లో ఓయూ పరిధిలో ఉండి ఆ తరువాత 1976 అగస్టు 19న కాకతీయ యూనివర్సిటీ పరిధిలోకి వచ్చింది. 1995నుంచి పీజీ కోర్సులు కూడా నిర్వహిస్తుండగా.. మాజీ ప్రధాని దివంగత పీవీ.నర్సింహారావు తదితరులెందరో ఈ కళాశాలలో చదువుకున్నారు. కాలేజీలో ప్రస్తుతం 30 వరకు వివిధ కాంబినేషన్లలో డిగ్రీ కోర్సులు, పది పీజీ కోర్సులతో పాటు ఒకేషనల్ కోర్సులు నడుస్తున్నాయి. అలాగే, ఈ కళాశాలకు 2004లో తొలిసారి న్యాక్ ‘ఏ’ గ్రేడ్ లభించగా.. 2014-2015లో రీ అక్రిడేషన్ లభించింది.
 
  రెగ్యులర్ అధ్యాపకుల నియమాకం అవసరం
  యూనివర్సిటీ ఆర్ట్స్ కాలేజీకి అన్ని హంగులున్నా ఉ ద్యోగ విరమణ చేస్తున్న ప్రొఫెసర్ల స్థానంలో కొత్త నియామకాలు జరగడం లేదు. దీంతో 90మంది రెగ్యులర్ అధ్యాపకుల పోస్టులకు కేవలం 23మందే ప్రస్తుతం ఉ న్నారు. మిగతా వారందరూ కాంట్రాక్ట్ లెక్చరర్లే. ప్రస్తు తం అటానమస్ హోదా లభించినందున ఆర్‌‌ట్స కళాశాల అభివృద్ధి చెందాలంటే ప్రభుత్వం నియామకాలు చేపట్టాల్సి ఉంది. రెగ్యులర్ ప్రిన్సిపాల్‌ను నియమిస్తేనే అటానమస్ హోదా లభించిన ఫలితం దక్కుతుంది.
 
  రిజిస్ట్రార్‌కు లేఖ ఇచ్చాం..
  అటానమస్ ఆర్ట్స్ అండ్‌ై సెన్స్ కాలేజీకి అటానమస్ హోదా కల్పిస్తూ యూజీసీ నుంచి వచ్చిన లేఖను కేయూ ఇన్‌చార్జి రిజిస్ట్రార్ అల్తాఫ్ హుస్సేన్‌కు ఇచ్చామని కాలేజీ ఇన్‌చార్జి ప్రిన్సిపాల్ కె.రామానుజరావు తెలిపారు. ఇక ఎగ్జిక్యూటివ్ కౌన్సిల్‌లోఆమోదించేలా యూనివర్సిటీ అధికారులు కృషి చేయాల్సి ఉంది.
  
  


 హన్మకొండ (వరంగల్): మున్సిపల్ కార్మికుల సమ్మెతో గోదావరి పుష్కరాలకు వెళ్తున్న భక్తులు తీవ్ర ఇబ్బందులు ఎదుర్కొంటున్నారు. వరంగల్ జిల్లాలోని హన్మకొండ బస్‌స్టేషన్ నుంచి బస్సులను బయటకు రానీయకుండా కార్మికులు గేటు ఎదుట బైఠాయించడంతో.. పుష్కరాలకు వెళ్తున్న భక్తులు నానా అవస్థలు పడుతున్నారు.
 మహబూబ్‌నగర్: మున్సిపల్ కార్మికుల సమ్మెకు మద్ధతుగా వామపక్షాలు రాష్ట్ర బంద్‌కు పిలుపునివ్వడంతో శుక్రవారం పెద్ద సంఖ్యలో వామపక్ష కార్యకర్తలు బస్సులను అడ్డుకున్నారు. మహబూబ్‌నగర్ జిల్లా అచ్చంపేట డిపో వద్దకు చేరుకొని బస్సులను నిలిపి వేశారు. నాలుగు గంటల పాటు డిపో ఎదుట కార్యకర్తలు బైఠాయించడంతో బస్సులు ఎక్కడికక్కడ నిలిచిపోయాయి. దీంతో పుష్కరాలకు వెళ్లే భక్తులు తీవ్ర ఇబ్బందులు ఎదుర్కొంటున్నారు.
  


 జిల్లాలో విజయవంతంగా ప్రారంభం  హంటర్‌రోడ్డులో మొక్కలు నాటిన డిప్యూటీ సీఎం, స్పీకర్
  
 ప్రభుత్వం ప్రతిష్టాత్మకంగా చేపట్టిన హరితహారం కార్యక్రమం శుక్రవారం జిల్లాలోవిజయవంతంగా ప్రారంభమైంది. ఊరూరా.. వాడవాడలా ప్రజలు స్వచ్ఛందంగా మొక్కలు నాటారు. హన్మ కొండ హంటర్‌రోడ్డులో డిప్యూటీ సీఎంకడియం శ్రీహరి, స్పీకర్‌తో కలిసి ఈ కార్య క్రమాన్ని లాంఛనంగా ప్రారంభించారు.
  
  హన్మకొండ : చెట్ల పెంపకంతోనే మానవాళి మనుగడ సాధ్యమని ఉప ముఖ్యమంత్రి కడియం శ్రీహరి అన్నారు. ప్రభుత్వం ప్రతిష్టాత్మకంగా చేపట్టిన హరితహారం కార్యక్రమం శుక్రవారం జిల్లాలో విజయవంతంగా ప్రారంభమైంది. హన్మకొండలోని తెలంగాణ అమరవీరుల స్థూపం కూడలి వద్ద కడియం... శాసనసభ స్పీకర్ సిరికొండ మధుసూదనాచారితో కలిసి మొక్కలు నాటే కార్యక్రమాన్ని లాంఛనంగా ప్రారంభించారు. అంతకు ముందు ఏర్పాటు చేసిన సమావేశంలో కడియం శ్రీహరి మాట్లాడుతూ ముఖ్యమంత్రి కేసీఆర్ ఆలోచనల్లోంచి పుట్టుకొచ్చిందే తెలంగాణ హరితహారమన్నారు. సీఎం గొప్ప సంకల్పంతో ఈ కార్యక్రమాన్ని చేపట్టారన్నారు. వర్షాలు లేకపోవడం, పంటలు పండకపోవడం, వలసలు వెళ్లడానికి చెట్లు నశించడమే కారణమన్నారు. మొక్కల పెంపకంతో వాతావరణం సమతుల్యమై వర్షాలు సమృద్ధిగా కురుస్తాయన్నారు. చైనా, బ్రెజిల్ దేశాల తర్వాత ప్రపంచంలోనే మూడో అతిపెద్ద కార్యక్రమంగా తెలంగాణ హరితహారంను చేపట్టినట్లు వివరించారు. రాష్ట్రంలో ప్రస్తుతం 24 శాతం ఉన్న అటవీ విస్తీర్ణాన్ని 33 శాతానికి పెంచాలని పిలుపునిచ్చారు. రానున్న మూడేళ్లలో రాష్ట్రవ్యాప్తంగా 120 కోట్ల మొక్కలను పెంచేలా బృహత్ కార్యక్రమానికి శ్రీకారం చుట్టామన్నారు. మొక్కల సంరక్షణ సులువుగా ఉండేలా సామూహిక మొక్కలు నాటేందుకు ప్రాధాన్యతనిస్తున్నామన్నారు. జిల్లాలో ప్రతి సంవత్సరం 4 కోట్ల మొక్కల చొప్పున మూడేళ్లలో 12 కోట్ల మొక్కలను నాటేలా.. ప్రతి గ్రామంలో 40,000 మొక్కల చొప్పున నాటేలా ప్రణాళిక రూపొందించినట్లు వివరించారు. రాజకీయాలకతీతంగా ప్రతిఒక్కరూ హరితహారంలో పాల్గొని విజయవంతం చేయాలని పిలుపునిచ్చారు. స్పీకర్ సిరికొండ మధుసూదనాచారి మాట్లాడుతూ  అటవీ విస్తీర్ణాన్ని 33 శాతానికి పెంచాలని పిలుపునిచ్చారు. హరితహారాన్ని ప్రతిఒక్కరూ సమష్టి బాధ్యతగా తీసుకోవాలన్నారు. గత ప్రభుత్వాలు కార్యక్రమాలు చేపట్టినప్పటికీ చిత్తశుద్ధితో పనిచేయలేదని విమర్శించారు. సీఎం కేసీఆర్ హరితహారం పట్ల అకుంఠిత దీక్షతో ముందుకు పోతున్నారన్నారు. ఈ కార్యక్రమంలో జిల్లాను అగ్రభాగంలో నిలపాలన్నారు. కాగా, హరితహారం కార్యక్రమంలో పాల్గొన్న వారిచే ఉప ముఖ్యమంత్రి కడియం ప్రతిజ్ఞ చేయించి, మొక్కలు పంపిణీ చేశారు.
 
  జెడ్పీ చైర్‌పర్సన్ గద్దల పద్మ, ఎమ్మెల్యేలు దాస్యం వినయ్‌భాస్కర్, ఆరూరి రమేష్, కొండా సురేఖ, కలెక్టర్ వాకాటి కరుణ, జాయింట్ కలెక్టర్ ప్రశాంత్ జీవన్‌పాటిల్, వరంగల్ నగర పాలక సంస్థ కమిషనర్ సర్ఫరాజ్ అహ్మద్, సిటీ పోలీసు కమిషనర్ సుధీర్‌బాబు, రూరల్ ఎస్పీ అంబర్‌కిషోర్‌ఝా తదితరులు పాల్గొన్నారు. డీఈఓ కార్యాలయం నుంచి వరంగల్ హంటర్‌రోడ్డు నాయుడు పెట్రోల్ పంపు వరకు రెండు కిలోమీటర్ల పొడవున విద్యార్థులు, 23 ప్రభుత్వ శాఖలకు చెందిన అధికారులు 2వేల మొక్కలను నాటారు.  ఉపముఖ్యమంత్రి కడియం శ్రీహరి, శాసనసభ్యులు, కలెక్టర్, ఇతర అధికారులు ఓపెన్‌టాప్ జీప్‌లో ర్యాలీగా వెళ్లి మొక్కలు నాటే కార్యక్రమాన్ని పరిశీలించారు.
  


  హన్మకొండ :తెలంగాణ విధాన సభలో నిర్మాణాత్మక ప్రతిపక్ష పాత్ర పోషించడానికి బీజేపీ అభ్యర్థులను ఎమ్మెల్సీలుగా గెలిపించాలని కేంద్ర వాణిజ్య, పరిశ్రమల శాఖ మంత్రి నిర్మల సీతారామన్ పట్టభద్రులను కోరారు. హన్మకొండలో ఆదివారం విలేకరుల సమావేశం అనంతరం హంటర్‌రోడ్డు సహకారనగర్‌లోని విష్ణుప్రియ గార్డెన్‌లో జరిగిన పట్టభద్రుల ఓటర్ల సమావేశంలో ఆమె మాట్లాడారు. ఈ సందర్భంగా ఆమె మాట్లాడుతూ బీజేపీ అభ్యర్థి ఎర్రబెల్లి రామ్మోహన్‌రావు విద్యావేత్త అని, సామాజిక సేవకుడన్నారు.
  
  ఇలాంటి వ్యక్తి విధాన సభలో ఉన్నప్పుడే ప్రజాసమస్యలు ప్రభుత్వం దృష్టికి తీసుకెళతారన్నారు. బీజేపీ మద్దతుంటేనే తెలంగాణ వచ్చిందనే  వాస్తవాన్ని గుర్తించాలన్నారు. తెలంగాణకు రావాల్సిన నిధులు అడ్డుకున్నామని అనడంలో వాస్తవం లేదన్నారు. పట్టభద్రులు బీజేపీ అభ్యర్థి ఎర్రబెల్లి రామ్మోహన్‌రావుకు మొదటి ప్రాధాన్యత ఓటు వేసి గెలిపించాలని పిలుపునిచ్చారు. టీడీపీ శాసనసభ పక్ష నేత ఎర్రబెల్లి దయాకర్‌రావు మాట్లాడుతూ తెలంగాణ రాష్ట్ర సాధనలో బీజేపీ పాత్ర గొప్పదన్నారు. బీజేపీ లేకుంటే తెలంగాణ వచ్చేది కాదన్నారు. టీఆర్‌ఎస్‌కు ఇద్దరు ఎంపీలుంటే బిల్లు పెట్టినపుడు వారు పార్లమెంట్‌లో లేరని విమర్శించారు.
  
  ఎంపీ గుండు సుధారాణి మాట్లాడుతూ రాష్ట్రంలో ప్రతిపక్షం లేకుండా ఉండాలని కేసీఆర్ చూస్తున్నారన్నారు. సమావేశంలో రాజ్యసభ సభ్యురాలు గుండు సుధారాణి, మాజీ ఎంపీ చందుపట్ల జంగారెడ్డి, బీజేపీ నాయకులు డాక్టర్ టి.రాజేశ్వర్‌రావు, గుజ్జుల ప్రేమేందర్‌రెడ్డి, ఎడ్ల అశోక్‌రెడ్డి, చింతాకుల సునీల్, వన్నాల శ్రీరాములు, నరహరి వేణుగోపాల్‌రెడ్డి, ఒంటేరు జయపాల్, చాడా శ్రీనివాస్‌రెడ్డి, రామగళ్ల పరమేశ్వర్, ప్రొఫెసర్ వెంకటనారాయణ, డాక్టర్ విజయలక్ష్మి, కీర్తిరెడ్డి, రవళి, శ్రీరాముల మురళీమనోహర్, రావుల కిషన్, గాదె రాంబాబు, ఎం.తిరుపతిరెడ్డి, వంగాల సమ్మిరెడ్డి, టీడీపీ నాయకులు వేం నరేందర్‌రెడ్డి, దొమ్మటి సాంబయ్య, ఈగ మల్లేశం, అనిశెట్టి మురళీమనోహర్, సాంబయ్య నాయక్ పాల్గొన్నారు.
  


 ఎమ్మార్పీఎస్ అన్యాయాన్ని ప్రశ్నిస్తుంది
 రాజయ్య ఎవరి పక్షాన ఉంటారో తేల్చుకోవాలి
 ఎమ్మార్పీఎస్ వ్యవస్థాపక అధ్యక్షుడు మంద కృష్ణమాదిగ
  
 హన్మకొండ :  హన్మకొండలో ఎమ్మార్పీఎస్ ముసుగులో జరిగిన సభ టీఆర్‌ఎస్ మాదిగల సభ అని ఎమ్మార్పీఎస్ వ్యవస్థాపక అధ్యక్షుడు మంద కృష్ణమాదిగ ఆరోపించా రు. ఎమార్పీఎస్ అన్యాయూన్ని ప్రశ్నిస్తుందని.. ఎవరికి వంతపాడదని.. ఎవరి వెంట పడి పరిగెత్తదని పేర్కొన్నా రు. హన్మకొండ నయూంనగర్‌లోని సూర్య హైస్కూల్‌లో బుధవారం ఏర్పాటు చేసిన విలేకరుల సమావేశంలో మంద కృష్ణమాదిగ మాట్లాడారు. రాష్ర్టంలోని అన్ని పా ర్టీల నాయకులు.. మాదిగలు తమ వెంట ఉండాలని కోరుకుంటున్నారని, అలాంటప్పుడు మాదిగలకు పదవు లు ఉండాలని ఎందుకు కోరుకోవడం లేదని ప్రశ్నించా రు. తెలంగాణ మంత్రి వర్గంలో అగ్రవర్ణాలకు చెందిన ముగ్గురిని తొలగించి మాదిగ, మాల మహిళలకు మంత్రి పదవులు ఇవ్వాలన్నారు. మాదిగజాతిని రాజకీయంగా హత్యచేసిన కిరాతకుడు, దళితులను నమ్మించి మోసం చేసిన మోసగాడు ముఖ్యమంత్రి కేసీఆర్ అని ధ్వజమెత్తారు. మంత్రి వర్గం నుం చి తొలగించబడిన డాక్టర్ రాజయ్య మాదిగల పక్షాన ఉంటారో... కేసీఆర్ వైపు ఉంటారో తేల్చుకోవాలన్నా రు.
 
 తెలంగాణ, ఆంధ్రప్రదేశ్ రాష్ట్రాల ముఖ్యమంత్రు లు అఖిల పక్షాన్ని ఢిల్లీకి తీసుకెళ్లి కేంద్ర ప్రభుత్వంపై వత్తిడి పెంచి ప్రస్తుత పార్లమెంట్ సమావేశాల్లో వర్గీకరణ బిల్లు ప్రవేశపెట్టి చట్ట బద్ధత కల్పించినప్పుడే తాము విశ్వసిస్తామన్నారు. ఈనెల 7వ తేదీ నుంచి జరుగునున్న ఏపీ అసెంబ్లీ సమావేశాల్లో వర్గీకరణ బిల్లును ఆమోదించాలని ఆయన డిమాండ్ చేశా రు. ప్రత్యేక హైకోర్టుపై తెలంగాణ సీఎం కేసీఆర్, పార్లమెంట్‌లో టీఆర్‌ఎస్ ఎంపీలు మాట్లాడుతున్నట్లుగానే.. వర్గీకరణ అంశంపై పార్లమెం ట్‌లో టీఆర్‌ఎస్ ఎంపీలు మాట్లాడాలన్నారు. రెండు రాష్ట్రాల సీఎంలు అఖిలపక్షాన్ని ఢిల్లీకి తీసుకెళ్లాలని డిమాండ్ చేస్తూ ఈనెల 18వ తేదీన రెండు రాష్ట్రాల అసెంబ్లీలను ముట్టడించనున్నట్లు మంద కృష్ణమాదిగ చెప్పారు.  సమావేశంలో మహాజన సోషలిస్టు పార్టీ జాతీయ అధికార ప్రతినిధి తీగల ప్రదీప్‌గౌడ్, జిల్లా అధ్యక్షుడు మంద కుమార్‌మాదిగ, నాయకు లు తిప్పారపు లక్ష్మణ్, పుట్ట రవి, నకిరకంటి యాకయ్య, వేల్పుల వీరన్న, గోవింద్ నరేష్, బుర్రి సతీష్, బొర్ర బిక్షపతి, మంద భాస్కర్ పాల్గొన్నారు.


 అంగరంగ వైభవంగా  శివపార్వతుల కల్యాణం
 శివనామస్మరణతో మార్మోగిన ఆలయాలు
  
 ‘హర హర మహాదేవ.. శంభో శంకర’.. ‘ఓం నమఃశివాయ’ అంటూ శివనామస్మరణతో ఆలయూలు మారుమోగారుు..శనివారం శివపార్వతుల కల్యాణం కన్నులపండువగా జరిగింది..భక్తులు వేల సంఖ్యలోతిలకించారు..
  - హన్మకొండ చౌరస్తా/  కాశిబుగ్గ
  
 
 హన్మకొండ పద్మాక్షికాలనీలోని స్వయంభూ సిద్ధేశ్వరాలయంలో శనివారం ఉదయం 11.45 గంటలకు శివపార్వతుల కల్యాణం కన్నుల పండుగగా జరిగింది. వేద మంత్రోచ్ఛరణల మధ్య మూడు గంటలపాటు కల్యాణ మహోత్సవం అంగరంగ వైభవంగా కొనసాగింది. ‘హర హర మహాదేవ శంభో శంకర్’.. ‘ఓం నమఃశివాయ’ అంటూ భక్తుల శివనామస్మరణతో సిద్ధేశ్వరాలయం మార్మోగింది. శివపార్వతులను పట్టువస్త్రాలతో అలంకరించారు. ఆలయ ప్రాంగణంలో చలువ పందిళ్లు వేశారు. కల్యాణ మండపాన్ని పూలతో అలంకరించారు. శివపార్వతుల వివాహ వేడుకలు చూస్తున్నంత సేపు భక్తులు తన్మత్వయంతో పులకరించారు. మహాశివరాత్రి వేడుకల ఆరంభంలో భాగంగా.. ఉదయం 5 గంటలకు సుప్రభాత సేవ, 9 గంటలకు నవగ్రహ మండప ఆరాధన, ఉత్సవ విగ్రహమూర్తులకు పంచామృతాలు, నవరసాలు, అభిషేకాలు నిర్వహించారు. వివాహానంతరం మహాన్నదాన కార్యక్రమం నిర్వహించారు. వివాహ వేడుకలను సుమారు మూడు వేలకుపైగా భక్తులు తిలకించారు.
 
 కాశీవిశ్వేశ్వరాలయంలో..
 
 కాశిబుగ్గలోని పవిత్ర కాశీ విశ్వేశ్వరాలయంలో శివరాత్రి పర్వదినాన్ని పురస్కరించుకొని శనివారం అన్నపూర్ణ సమేత కాశీ విశ్వేశ్వరస్వామి శివ కల్యాణం వైభవంగా జరిగింది. సుమారు 500 మంది జంటలు ఈ శివ కళ్యాణంలో పాల్గొన్నారుు. ఆలయ అర్చకులు రవీంద్రనాథ్‌శర్మ, రజనీకాంత్‌కుమార్, ఓంప్రకాష్, రాజేష్ అత్యంత వైభవంగా స్థాని క భక్తుల సమక్షంలో కల్యాణాన్ని నిర్వహించారు. ఈ నెల 17వ తేదీ వరకు రకరకాల కార్యక్రమాలు ఉంటాయని, స్థానిక భక్తులు పెద్ద సంఖ్యలో పాల్గొనాలని ఆలయ అర్చకులు కోరారు.
 
 శివరాత్రి పూజల్లో పాల్గొనండి
 
 హన్మకొండ కల్చరల్ : చారిత్రాత్మక శ్రీరుద్రేశ్వరస్వామి వారి వేయిస్తంభాల దేవాలయంలో మ హాశివరాత్రి మహోత్సవాలను పురస్కరించుకుని జ రుగుతున్న పూజా కార్యక్రమాల్లో భక్తులు అధికసంఖ్యలో పాల్గొనాలని ఆలయ ప్రధానార్చకులు ఉపేం ద్రశర్మ తెలిపారు. 16వ తేదీ సోమవారం జరగను న్న చండీహోమంలో పాల్గొన దల్చినవారు రూ. 2,116, 19వతేదీ గురువారం అన్నపూజలో పాల్గొనదల్చినవారు రూ. 15,116 చెల్లించి రశీదు పొందాలని తమగోత్రనామాదులు నమోదు చేయించుకోవాలి. వీరికి స్వామివారి ప్రసాదములు, శేషవస్త్రాలు అంద జేయబడతారుు. దీంతోపాటు లింగోద్భవకాల పూజలో పాల్గొనేవారు రూ.11,116, అన్నపూజలో పాల్గొనే వారు రూ.3,116, శివకళ్యాణంలో పాల్గొనే వారు రూ.1,116 చెల్లించి రశీదు తీసుకోవాలన్నారు.
  


 సరదా వ్యాఖ్యలతో సాగిన సీఎం ప్రసంగం
  జనంతో మమేకం
  
 హన్మకొండ అర్బన్ : హన్మకొండలోని దీన్‌దయాళ్‌నగర్‌లో శుక్రవారం ఉదయం ముఖ్యమంత్రి పర్యటన, ప్రసంగం సరదా వ్యాఖ్యలతో సాగింది. కేసీఆర్ తనదైన శైలిలో మాట్లాడుతూ జనంలో ఆసక్తిని పెంచారు. కాలనీలో తిరిగిన అనంతరం స్టేజీ వద్దకు వచ్చిన ముఖ్యమంత్రి కేసీఆర్ ముందుగా అందరినీ ‘మీరంతా ఈ బస్తీ వాళ్లేనా’ అని ప్రశ్నించారు. మహిళల నుంచి ‘ఔను’ అంటూ సమాధానం రాగానే స్టేజీ నుంచి నేరుగా వారి మధ్యలోకి వెళ్లి కూర్చున్నారు. కాలనీ సమస్యలపై మహిళలతో మాట్లాడారు. ఆయన వె ంట డిప్యూటీ సీఎం రాజయ్య, ఎంపీ కడియం శ్రీహరి, ఎమ్మెల్యే వినయ్‌భాస్కర్ కూర్చున్నారు. అనంతరం స్టేజీపైకి వచ్చి ప్రసంగం మొదలు పెట్టారు. ఇందులో ఓ మహిళ తనకు పింఛన్ రావడం లేదని పదేపదే చెపుతుండటంతో కేసీఆర్ తన ప్రసంగం ఆపి...‘ ఓ.. అవ్వా... ఏంది నీ లొల్లి.. పింఛన్ వస్త లేదా.. చెపుతాన్నగద అందరికీ ఇత్తరని.. సర్వే చేసి ఇస్తరు’ అని అన్నారు. అయినా ఆ మహిళ ఆలాగే మాట్లాడుతుండటంతో ‘ఇగో ఓ పని చేయ్.. సప్పు డు చెయ్యక నన్ను పట్టుకపోయి మీ ఇంటి కా డ కట్టేసుకో.. పని ఒడుస్తది’ అని అనగానే అంతా ఒక్కసారిగా నవ్వారు.
 
  కేసీఆర్ ప్రజలకు వరాలు కురిపిస్తుండడంతో జనం అదేపనిగా చప్పట్లు కొడుతున్నా రు. దీంతో కేసీఆర్ కల్పించుకుని ఇదే మనకున్నది అందుకే తెలంగాణ ఇట్లయింది. నా మాట మొత్తం ఇనుండ్లి.. ఇన్నంక చప్పట్లు కొట్టుండ్లి.. మీ ఇల్లు పూర్తయినంక ఓపెనింగ్ కు నేనే వస్త..అన్నారు. దీంతో సభ మరోసారి చప్పట్లతో మార్మోగింది.
  


 హన్మకొండ : హన్మకొండలోని ప్రధాన తపా లా కార్యాలయంలో కోర్ బ్యాంకింగ్ సేవలు అందుబాటులోకి వచ్చాయి. ఈ మేరకు హన్మకొండ అంబేద్కర్ విగ్రహం సమీపంలోని కార్యాలయంలో కోర్ బ్యాంకింగ్ సేవలను సోమవారం కాకతీయ యూనివ ర్సిటీ ఇన్‌చార్‌‌జ రిజిస్ట్రార్ ఎంవీ.రంగారావు ప్రారంభించారు. ఈ సందర్భంగా ఆయన మాట్లాడుతూ పోస్టల్ శాఖలో కోర్ బ్యాంకింగ్ సేవలు అందుబాటులోకి రావ డం వల్ల గ్రామీణ ప్రాంత ప్రజలకు మేలు కల గనుందని పేర్కొన్నారు.
 
 దేశంలో ఎక్కడి నుంచైనా....
 కోర్ బ్యాంకింగ్ ద్వారా ఖాతాదారులు దేశంలో ఏ పోస్టాఫీస్ నుంచైనా సేవలు పొందవచ్చని పోస్టల్ శాఖ హన్మకొండ డివిజన్ సూపరింటెండెంట్ జీ.వీ.సత్యనారాయణ తెలిపారు. డబ్బులు డిపాజిట్ చేయడం, బదిలీ తదితర లావాదేవీలను ఎక్కడి నుంచైనా చేసుకోవచ్చన్నారు. ప్రజలకు చేరువయ్యేందుకు సునాయా సం వంటి సేవలను ప్రవేశపెట్టిన తపాలా శా ఖ ద్వారా గ్రామీణ ప్రజలకు సులువైన బీమా పథకాలు అమలుచేస్తున్నామని తెలిపారు. కాగా, త్వరలోనే కోర్ బ్యాంకింగ్ సేవ లు జిల్లాలోని పరకాల, జనగామ ప్రధాన తపాలా కార్యాలయాల్లో అందుబాటులోకి వస్తాయని ఆయన తెలిపారు.
 
 అలాగే, వచ్చే ఏడాది మార్చి 21వ తేదీ లోపు తపాల శాఖ ఏటీఎంలు ప్రారంభమవుతాయని, ఈ మేరకు పనులు జరుగుతున్నాయని వివరించారు. కార్యక్రమంలో హన్మకొం డ హెడ్ పోస్ట్‌మాస్టర్ పి.సమ్మిరెడ్డి, అసిస్టెంట్ సూపరింటెండెంట్లు వి.వి.స్వామి, ఏవీఎల్‌ఎన్ శివలింగం, ఏవీఎన్.నర్సింహారావు, అలీం, సిస్టం అడ్మినిస్ట్రేటర్లు ధర్మేశ్వర్‌సింగ్ పాషా, గ్రామీణ తపాల ఉద్యోగుల సంఘం డివిజన్ ప్రధాన కార్యదర్శి బొద్దున వెంకటేశ్వర్లు తదితరులు పాల్గొన్నారు.


 హన్మకొండ అర్బన్ (వరంగల్): వచ్చే నెల 27, 28, 29వ తేదీల్లో కాకతీయ ఉత్సవాలు నిర్వహించాలని రాష్ట్ర ప్రభుత్వం నిర్ణయిం చిందని వరంగల్ జిల్లా కలెక్టర్ జి.కిషన్ తెలిపారు. కాకతీయ ఉత్సవాలపై హన్మకొండ లోని కలెక్టరేట్‌లో శుక్రవారం సాయంత్రం ఆయన ముందస్తు సమీక్ష నిర్వహించారు. ఈ సందర్భంగా కిషన్ మాట్లాడుతూ కాకతీయ సామ్రాజ్యం విస్తరించి ఉన్న తెలంగాణలోని అన్ని జిల్లాల్లో ఉత్సవాలను ఘనంగా నిర్వహిం చేందుకు ఏర్పాట్లు చేయనున్నట్లు పేర్కొన్నారు.
 
 ఈ మేరకు చేపడుతున్న ఏర్పాట్లపై సమీక్షిం చేందుకు ప్రభుత్వం శనివారం హైదరాబాద్‌లో రాష్ట్ర ప్రభుత్వ ప్రధాన కార్యదర్శి రాజీవ్ శర్మ అధ్యక్షతన ఉన్నత స్థాయి సమావేశం ఏర్పాటు చేసినట్లు వెల్లడించారు.మధ్యాహ్నం 12గంట లకు ప్రారంభమయ్యే సమావేశానికి ప్రభుత్వ సలహాదారులు కేవీ.రమణాచారి, పాపారావు, టూరిజం, కల్చరల్ సెక్రటరీ బీపీ.ఆచార్య, సమా చార శాఖ కమిషనర్ చంద్రవదన్, శిల్పారామం ప్రత్యేక అధికారి కిషన్‌రావు ఇతర ఉన్నతాధి కారులు హాజరుకానున్నట్లు వివరించారు.
 
 వరంగల్ జిల్లాలోని రామప్ప, గణపురం, ఖిలా వరం గల్, వేయిస్తంభాల ఆలయంతోపాటు నల్లగొండ జిల్లా పొనగల్లు, ఖమ్మం జిల్లా పెర్టు, మెదక్ జిల్లా కోలచలను, హైదరాబాద్‌లోని లలిత కళాతోరణం, కరీంనగర్‌లోని ఎలగందుల పోర్టు, రంగారెడ్డిలోని అనంతగిరి, ఆదిలాబాద్‌లోని గాంధారికోట, మహబూబ్‌నగర్‌లోని అలం పూర్, నిజామాబాద్‌లోని డిచ్‌పల్లి ప్రదేశాల్లో నిర్వహించాలని ప్రతిపాదనలు చేసినట్లు కలెక్టర్ తెలిపారు.


 ఫైర్‌సేఫ్టీ పై నిర్లక్ష్యం
 సాక్షి, హన్మకొండ : జిల్లాలోని ఆస్పత్రులు, ఫంక్షన్‌హాళ్లు, పాఠశాలలు, అపార్ట్‌మెంట్ల వంటి జనసమూహం అధికంగా ఉండే ప్రాంతాల్లో భవన యజమానులు అగ్నిప్రమాదాల నివారణకు చర్యలు తీసుకోవడం లేదు. అధికారులు తనిఖీలు చేపడుతూ నోటీసులతోనే సరిపెడుతున్నారు. ఫలితంగా జిల్లాలో అనేక భవనాలు ప్రమాదాలకు నిలయంగా మారుతున్నారుు. జుబేర్ బుక్‌స్టాల్ అగ్నిప్రమాదంతో అయినా అధికారులు కళ్లు తెరవాల్సిన అవసరం ఉంది. నిబంధనలకు విరుద్ధంగా నిర్మించిన భవన యజమానులపై చర్యలు తీసుకోవాల్సిన అవసరం ఉంది.
  
 ప్రమాదాలకు నిలయాలు
 జిల్లాలో వేల సంఖ్యలో నిబంధనలకు విరుద్ధంగా అనే భవనాలు వెలిశారుు. వరంగల్ నగరంలో వందకు పైగా ఫంక్షన్ హాళ్లు, 250 వరకు నివాస సముదాయాలు(అపార్ట్‌మెంట్లు), 250 పాఠశాలలు, 150 ఆస్పత్రులు, 20కి పైగా వాణిజ్య సముదాయాలు, 20 వరకు ఆటోమొబైల్ షోరూంలు ఉన్నాయి. వీటిలో 90 శాతం భవన నిర్మాణాల్లో ఫైర్‌సేఫ్టీ జాగ్రత్తలు తీసుకోకుండా నిర్మించారు. 2013 నవంబర్ నుంచి 2014 జులైవరకు అధికారులు నిర్వహించిన తనిఖీల్లో అగ్ని ప్రమాద నివారణ జాగ్రత్తలు భవన యజమానులు చేపట్టిన దాఖలాలు లేవని తేలింది. అధికారులు నోటీసులు జారీ చేయడంతో 20 ఆస్పత్రులు, 90 పాఠశాలలు, 20 ఫంక్షన్ హాళ్లు అగ్ని ప్రమాద నివారణ చర్యలు చేపట్టాయి. మిగిలిన భవన యజమానులు చర్యలు చేపట్టలేదు. వీరిపై చర్యలు తీసుకోవాల్సిన అధికారులు మిన్నకుండి పోయూరు.
  
 భయపెట్టేందుకే..
 నిబంధనలకు విరుద్ధంగా నిర్మాణాలు చేపట్టిన వారిపై చర్యలు తీసుకోకపోవడంపై విమర్శలు వెల్లువెత్తుతున్నాయి.  ఫైర్‌సేఫ్టీ తనిఖీల పేరిట భవన యజమానులను భయభ్రాంతులకు గురి చేస్తున్నారని, ఆపై కుమ్మక్కై తదుపరి చర్యలకు ఉపక్రమించడం లేదనే ఆరోపణలు వినిపిస్తున్నాయి. ఇందుకు తగ్గట్లుగానే గతంలో చేపట్టిన తనిఖీల తర్వాత నోటీసులు ఇవ్వడం తప్ప కార్పొరేషన్ తరఫున కఠిన చర్యలకు ఉపక్రమించకపోవడం ఇందుకు బలాన్ని చేకూరుస్తుంది. మరోవైపు ఆస్పత్రులు, పాఠశాలలపై చర్యలు తీసుకోవాల్సింది జిల్లా వైద్య ఆరోగ్య, విద్యాశాఖలది. ఆస్పత్రులు, పాఠశాలపై చర్యలు తీసుకోవాల్సిందిగా సంబంధిత శాఖలకు లేఖ రాశామని కార్పొరేషన్ సిబ్బంది పేర్కొంటున్నారు. కార్పొరేషన్ నుంచి తమకు ఎలాంటి సమాచారం అందలేదని వైద్య, విద్యాశాఖ వర్గాలు అంటున్నాయి. ఈ ప్రభుత్వ విభాగాల మధ్య కొరవడిన సమన్వయం వల్ల ఫైర్‌సేఫ్టీ అంశాలు మరుగున పడుతున్నాయి.


 కాళోజీ.. ప్రత్యేకంగా పరిచయం అక్కర్లేని పేరిది. ప్రజల కష్టాలను తనవిగా భావించి కలంతో పోరాడిన ధీరుడు కాళోజీ నారాయణరావు. కవిగా.. పోరాట యోధుడిగా.. ప్రజల మనిషిగా.. మనలో ఒకడిగా జీవించిన ఆయన గురించి ఎంత చెప్పినా తక్కువే అవుతుంది. అయితే... ఆయనను అతి దగ్గరి నుంచి చూసినవారు మాత్రం కాళోజీలోని మరో మనిషిని చూశారు. ఎవరితోనైనా సరే చిన్నపిల్లాడిలా కలిసిపోవడం, ఆత్మీయత పంచడం, ఆప్తుడిలా సలహాలు, సూచనలు ఇవ్వడం..వారికి మాత్రమే తెలుసు. కాళోజీ శతజయంతి ఉత్సవాల సందర్భంగా ఆయనతో పరిచయమున్న ప్రముఖుల అభిప్రాయాలు మీకోసం..
  
 ఓసారి కాళోజీతో పరిచయమైనా, ఆయనతో ఎక్కడైనా మాట్లాడినా ఆ అనుభవాన్ని ఎవరూ మరిచిపోలేరు. చిన్నాపెద్దా తేడా లేకుండా పలకరించడం.. రచనలు ప్రారంభించిన వారికైతే సలహాలు, సూచనలు ఇవ్వడం ఆయన అలవాటు. ఆ సూచనలు పాటించిన ఎందరో ప్రస్తుతం గొప్ప రచయితలుగా పేరు పొందారు. కాళోజీతో పరిచయం ఉన్న వారే కాదు ఒక్కసారి కలిసిన వారినైనా సరే.. పలకరిస్తే చాలు ఆయనతో అనుబంధం, గడిపిన క్షణాలను తమ జ్ఞాపకాల దొంతర నుంచి తెరతెరలుగా బయటకు తీసి ఉద్విగ్నత, ఆనందం కనిపించే కళ్లతో చెప్పుకుంటూ పోతారు. కాళోజీ జయంతి మంగళవారం జరగనున్న నేపథ్యంలో ఆయనతో పరిచయమున్న పలువురిని ‘సాక్షి’ పలకరించింది. ఈ సందర్భంగా వారు చెప్పిన వివరాలు వారి మాటల్లోనే...
  - హన్మకొండ కల్చరల్
  
 అప్రజాస్వామిక వ్యవస్థ గజగజలాడేది..
 ప్రజాచైతన్య ఉద్యమాలకు నిలువెత్తు సంతకం ప్రజాకవి కాళోజీ నారాయణరావు. తన ఎక్స్‌రే కళ్లతో సమాజాన్ని దర్శించి కవిత్వం రాశారాయన. కాళోజీ ఒక వ్యక్తి కాదు.. శక్తి. కాలంతో నడిచిన ఆయన భాగస్వామ్యం వహించని ప్రజా ఉద్యమం లేదు. ఆయన జ్ఞాపకాలను పుస్తకంలా గ్రంథస్థం చేయడమే కాకుండా విస్తృత పరిశోధనలు జరగాల్సిన అవసరముంది. తనను క్షోభ పెట్టిన ప్రతీ ఘటనను కవిత్వం చేసిన మహానుభావుడాయన. సామాన్య ప్రజల బాధలు, గాథలను చిత్రించేటప్పుడు సామాన్యుడికి అర్థమయ్యే రీతిలోనే కవితా శిల్పం ఉండాలని కాంక్షించారు. కాళన్నను చూస్తే ఆ కాలంలో అప్రజాస్వామిక వ్యవస్థ గజగజలాడేది. ప్రశ్నించని నాడు మనం జీవించడం మరిచిన వాళ్లమవుతామని సూటిగా చెప్పారు కాళన్న.  
  - ప్రొఫెసర్ బన్నా అయిలయ్య, కాకతీయ యూనివర్సిటీ
  
 ‘నా గొడవ’ ఆవిష్కరణ మా స్కూల్‌లోనే..
 వరంగల్ మహబూబియా హైస్కూల్‌లో నేను 9వ తరగతి చదువుతున్న కాళోజీ ‘నా గొడవ’ ఆవిష్కరణ జరిగింది. అప్పుడు కాళోజీ గురువు గార్లపాటి రాఘవరెడ్డి మా పాఠశాల హెచ్‌ఎంగా ఉండగా ఆవిష్కరణ సభకు శ్రీశ్రీ కూడా హాజరయ్యారు. ఆ తర్వాత కాళోజీతో పరిచయం పెరిగినా మిత్రమండలి సమావేశాలకు వెళ్లింది తక్కువ. వరంగల్‌లోని జనధర్మ పత్రిక కార్యాలయం లేదా మా మిత్రుడు నిరంజన్ తండ్రి పాములపర్తి సదాశివరావు ఇంట్లోనో కాళోజీని దగ్గరగా చూసేవాడిని. ఆయన సరళమైన భాష, సూటిగా మాట్లాడే విధానం నన్ను ఆకర్షించింది. ఒకసారి వనం మధుసూదన్‌రావు రాసిన జీర్ణజీవితాలు పుస్తకావిష్కరణ  సభకు వచ్చిన కాళోజీ..  ఎంతో అభిమానంగా పిలిస్తే వచ్చాను కానీ కానీ పుస్తకాన్ని చదవనందున ఏమీ మాట్లాడలేనని ఆయన చెప్పడం ఇంకా గుర్తే. వరంగల్‌లో అఖిల భారత తెలుగు రచయితల సభలు జరిగినప్పుడు కాళోజీ, దాశరథితో పాటు కవిత చదివే అవకాశం నాకు దక్కడాన్ని మరిచిపోలేను.
  - రామా చంద్రమౌళి, కవి


  హన్మకొండ అర్బన్ : జాతీయ పతాక ఆవిష్కరణ దినోత్సవం (జూలై 22) పురస్కరించుకుని హన్మకొండ రోటరీ క్లబ్ ఆధ్వర్యంలో నిర్వహించిన జాతీయ పతాక ర్యాలీని కలెక్టర్ జి.కిషన్ ముఖ్యఅతిథిగా హాజరై జెండా ఊపి ప్రారంభించారు. ఈ సందర్భంగా ఆయన మాట్లాడుతూ జాతీయ పతాకం ఎన్ని మార్పులకు లోనై చివరకు ప్రస్తుత రూపం 1947 సంవత్సరం 22 జూలైలో రూపొందిందన్నారు.
 
 పింగళి వెంకయ్య జాతీయ పతాక రూపకర్త అని తెలిపారు. కలెక్టరేట్ నుంచి సుమారు వెయ్యి మంది విద్యార్థులు 250 అడుగుల పొడవున్న జాతీయ పతాకంతో పబ్లిక్ గార్డెన్ వరకు ర్యాలీ తీశారు. పబ్లిక్‌గార్డెన్ వద్ద జరిగిన ముగింపు సమావేశంలో ఓఎస్‌డీ అంబర్ కిషోర్ పాల్గొన్నారు. రోటరీ క్లబ్ ఆధ్వర్యంలో విద్యార్థులకు నిర్వహించిన పోటీల్లో విజేతలకు ఆయన బహుమతులు అందజేశారు.
 
  కార్యక్రమంలో పాల్గొన్న రోటరీ అధ్యక్షుడు కాయిత ఇంద్రసేనారెడ్డి, కార్యదర్శి రవీంద్రనాథ్ మాట్లాడుతూ విద్యార్థులకు స్ఫూర్తిదాయకమైన కార్యక్రమాలు క్లబ్ ద్వారా చేపడుతున్నామని తెలిపారు. భారతీయ సంస్కృతి, సాంప్రదాయాలు కాపాడాలని లక్ష్యంతో ఈ విధమైన కార్యక్రమాలు చేపడుతున్నామన్నారు. కార్యక్రమంలో డీఆర్వో సురేంద్రకరణ్, కేంద్ర సాహిత్య అకాడమీ అవార్డు గ్రహీత అంపశయ్యయ నవీన్, ఉద్యోగ సంఘాల నాయకుడు దారం జనార్దన్, మనోహర్‌రెడ్డి, సతీష్‌కుమార్, రాజిరెడ్డి, పురుషోత్తం, మధుకర్, రాఘవులు, సుధీర్‌కుమార్, సురేందర్‌రావు, పలు పాఠశాలల విద్యార్థులు పాల్గొన్నారు.


  హన్మకొండ చౌరస్తా :  గర్భిణులు, బాలింతలు, చిన్నారులకు కోడిగుడ్డు అం దని ద్రాక్షలా మారింది. అధికారుల అనాలోచిత నిర్ణయాల వల్ల జిల్లా మహిళా, శిశు అభివృద్ధి సంస్థ ద్వారా అంగన్‌వాడీ సెంటర్ల పరిధిలోని లబ్ధిదారులకు ప్రతీ వారం కోడి గుడ్డు సరఫరా చేయాల్సి ఉండగా, రెండు నెలలుగా అలా చేయడం లేదు. ఈ విషయం తెలిసినా అధికారులు పట్టించుకోకపోవ డం విమర్శలకు తావిస్తోంది.
 
  ఎక్కడా లేని విధంగా రవాణా చార్జీలు
  మార్కెట్‌లో గుడ్డు ధర రూ.4 ఉంటే లబ్ధిదారుడి వద్దకు తీసుకువెళ్లినందుకు రవాణా చార్జీ కింద 60 పైసలు చెల్లిస్తున్నారు. సాధారణంగా అంగన్‌వాడీ సెంటర్లకు సరఫరా చేసే గుడ్లకు ట్రాన్స్‌పోర్ట్ చార్జీ 5 నుంచి 10 పైసలకు మించదు. అయితే, ఐకేపీకి గుడ్ల సరఫరా అప్పగించాక రవాణా చార్జీ 60 పైసలు చెల్లిస్తున్నారు. ఇంత ఎక్కువ చార్జీ రాష్ట్రంలోని ఏ జిల్లాలో లేద ని తెలుస్తోంది.
 
  నెలకు రూ.15లక్షల అదనపు భారం
  జిల్లా వ్యాప్తంగా ఉన్న 4,196 అంగన్‌వాడీ సెంటర్లకు ప్రతి నెలా దాదాపు 36 లక్షల గుడ్లు సరఫరా చేస్తున్నట్లు ఆ శాఖ అ ధికారులు వెల్లడించారు. అయితే, ప్రస్తుతం గుడ్ల సరఫరా బాధ్యతలు ఐకేపీకి అప్పగించాక ట్రాన్‌‌సపోర్‌‌ట చార్జీ 60 పైసల చొప్పున చెల్లిస్తున్నారు. దీంతో దాదాపు రూ.15లక్షలకు పైగా అదనపు భారం పడుతోంది. ఇంత ఖర్చు చేస్తున్నా రెండు నెల లుగా జిల్లాలోని అంగన్ వాడీ సెంటర్లకు కోడిగుడ్లు సరఫరా కాకపోడం గమనార్హం.
 
  కలెక్టర్ ఆదేశించినా..
  గుడ్లు సరఫరా కావడం లేదనే విషయమై పత్రికల్లో కథనాలు వచ్చాయి. దీంతో స్పందించిన కలెక్టర్ కిషన్ సంబంధిత అధికారులపై ఆగ్రహం వ్యక్తం చేశారు. గుడ్ల సరఫరా సాఫీగా జరిగేలా తక్షణమే చర్యలు తీసుకోవాలని ఆదేశించారు. ఇది జ రిగి వారం గడిచినా సమస్య పరిష్కారం కాలేదు. ఏప్రిల్‌లో ఐకేపీకి గుడ్ల సరఫరా అప్పగిస్తే అతికష్టంగా కొద్ది రోజులే సరఫరా చేసినట్లు ఐసీడీఎస్ సిబ్బంది చెబుతున్నారు.
 
  చర్యలకు కూడా అవకాశం లేదు
  ఇప్పటి వరకు అన్ని జిల్లాల్లో అంగన్‌వాడీ సెంటర్లకు కోడిగుడ్డు సరఫరా చేసేందుకు టెండర్ల ద్వారా కాంట్రాక్టర్లకు అప్పగిం చారు. ట్రాన్స్‌పోర్ట్ దక్కించుకున్న కాంట్రాక్టర్ రూ.50వేల నుంచి రూ.లక్ష వరకు ఈఎండీ రూపంలో ఐసీడీఎస్ అకౌంట్ లో జమ చేస్తారు. కాంట్రాక్టర్ సకాలంలో గుడ్లు సరఫరా చేయకున్నా, చిన్న సైజు గుడ్లు సరఫరా చేసినట్లు రుజువైనా ఆ కాంట్రాక్టర్‌ను బ్లాక్‌లిస్టులో పెట్టడం లేదా బిల్లుల చెల్లింపులో కోత విధించడం వంటివి చేస్తారు. దీంతో కాంట్రాక్టర్లు జాగ్రత్తగా వ్యవహరిస్తారు. కానీ మన జిల్లాలో గుడ్ల సరఫరా బాధ్యతలు ఐకేపీకి అప్పగించడంతో ఎవరిపై చర్యలు తీసుకునే అవకాశం లేకుండా పోయింది.
 
  పాత పద్ధతే మేలు..
  అంగన్‌వాడీ సెంటర్లకు కాంట్రాక్ట్ పద్ధతిన గుడ్లు సరఫరా చేయడానికి పౌల్ట్రీ ఫార్మర్స్, ఐకేపీతో పాటు స్వయం సహా యక సంఘాల సభ్యులు టెండర్లు దాఖలు చేయొచ్చు. ఇందులో ఎవరు తక్కువ కోట్ చేస్తే వారికే కాంట్రాక్టు దక్కు తుంది. కానీ ఇక్కడ ఏకపక్ష నిర్ణయంతో ఐకేపీకి బాధ్యతలు అప్పగించడం, వారు నిర్లక్ష్యంగా వ్యవహరిస్తుండడంతో కోడి గుడ్లు అందక గర్భిణులు, బాలింతలు, చిన్నారులు.. సమాధా నం చెప్పలేక ఐసీడీఎస్ సిబ్బంది ఇబ్బంది పడుతున్నారు. ఈ మేరకు అధికారులు స్పందించి జిల్లాలో కూడా టెండర్లు ఆహ్వా నించి కోడిగుడ్ల సరఫరా బాధ్యతలు అప్పగించాలని పలువురు కోరుతున్నారు. అప్పటి వరకు ఐకేపీ ద్వారా కోడిగుడ్లు సక్ర మంగా చేసేలా చూడాలని విజ్ఞప్తి చేస్తున్నారు.


  హన్మకొండ అర్బన్ : కలెక్టరేట్‌లో ప్రతి సోమవారం నిర్వహించే ప్రజావాణి(గ్రీవెన్స్‌సెల్)లో తమ బాధలు చెప్పుకునేందుకు జనం పోటెత్తారు. ఒకవైపు గ్రామస్థాయిలో ‘మన ఊరు-మన ప్రణాళిక’ వంటివి జరుగుతున్నా కలెక్టరేట్‌లో రద్దీ మాత్రం విపరీతంగా ఉంది. ముఖ్యంగా రేషన్‌కార్డులు, పింఛన్లు, భూసమస్యలపై ఎక్కువ ఫిర్యాదులు వచ్చాయి. మధ్యాహ్నం తర్వాత కలెక్టర్ కిషన్ ప్రజావాణిలో పాల్గొన్నారు. ఆయనతోపాటు కొద్దిసేపు జేసీ, డీఆర్వో, డీఆర్‌డీఏ పీడీ ప్రజలనుంచి వినతులు స్వీకరించారు. ప్రజల నుంచి వచ్చిన వినతులను సంబంధిత శాఖల అధికారులకు పంపించారు.
 
  వెన్నారం చెరువుపై బ్రిడ్జి నిర్మించాలి
   డోర్నకల్‌లోని కన్నెగుండ్ల గ్రామం నుంచి తోడేళ్లగూడెం వెళ్లే దారిలో కన్నెగూడెం పెద్దచెరువు వరద కారణంగా రాాకపోకలకు తీవ్ర ఇబ్బందులు ఏర్పడుతున్నాయని,  విద్యార్థులు ఇబ్బందులు పడుతున్నారని, అధికారులు స్పందించి వెన్నారం చెరువుపై బ్రిడ్జి నిర్మించాలని కోరుతూ  ఉప సర్పంచ్ వడ్డం వెంకన్న వినతిపత్రం ఇచ్చారు. అంతేకాక అప్రోచ్ రోడ్డు పనులు చేపట్టాలని కోరారు.
 
  వంటచేసే అవ కాశం ఇవ్వండి
  కేసముద్రం మండలం మొహమూద్‌పట్నంలో ఏర్పాటు చేసిన కస్తూర్బా పాఠశాలలో పిల్లలకు వంటచేసే అవకాశం స్థానికులకే కల్పించాలని కోరుతూ స్థానిక మహిళలు వినతిపత్రం ఇచ్చారు. తమ గ్రామంలో పాఠశాల ఏర్పాటుకు తాము స్థలం కేటాయించామని అలాంటిది పక్కగ్రామం వారికి వంటచేసే అవకాశం ఇవ్వడంవల్ల తాము ఉపాధి కోల్పోతున్నామని వివరించారు.
 
  అకారణంగా తొలగించారు
  వర్ధన్నపేట మండలం నల్లబెల్లి ఎస్టీ హాస్టల్‌లో అకారణంగా 18మంది విద్యార్థుల పేర్లను వార్డెన్ తొలగించారని, ఈ విషయంలో విచారణ చేపట్టి చర్యలు తీసుకోవాని కోరుతూ ఎమ్మార్పీఎస్ జిల్లా అధికార ప్రతినిధి బిర్రు మహేందర్ ఆధ్వర్యంలో కలెక్టర్‌కు వినతిపత్రం అందించారు. విద్యార్థులను తిరిగి హాస్టల్‌లో చేర్పించుకునే విధంగా ఆదేశాలు ఇవ్వాలని కోరారు.
 
  ‘మీ సేవ’కు అనుమతివ్వరూ..
  వైకల్యంతో నానా కష్టాలు పడుతూనే ఎంఏ, బీఈడీ పూర్తిచేశానని, తనకు మీసేవ, ఏపీఆన్‌లైన్ కేంద్రం ఏర్పాటు చేసుకునేందుకు అనుమతివ్వాలని కోరుతూ భూపాలపల్లికి చెందిని కానుగుల ఐలయ్య కలెక్టర్‌కు సమర్పించిన వినతిపత్రంలో కోరారు.
 
  మెసెంజర్లను కొనసాగించాలి
  సర్వశిక్షా అభియాన్‌లో  మండలస్థాయిలో పనిచేసిన మెసెంజర్లను కొనసాగించాలని, మెసెంజర్ల వ్యవస్థను రద్దు చేయడం వల్ల వారు ఉపాధి కోల్పోతున్నారంటూ టీఎస్ ఎమ్మార్సీ యూనియన్ ప్రధాన కార్యదర్శి బి.బిక్షపతి కలెక్టర్‌ను కోరారు. వ్యవస్థను రద్దుచేయడంలో మెసెంజర్ల కుటుంబాలు రోడ్డున పడుతున్నాయని, తక్షణం దీనిపై స్పందించి న్యాయం చేయాలని కోరారు.
 
  కేయూ రిజిస్ట్రార్, డీవోలపై చర్య  తీసుకోవాలి
  కుమార్‌పల్లిలోని సర్వే నంబర్ 214లోగల తమ పట్టాభూమి విషయంలో వివాదాలు సృష్టించి తమను అనవసరంగా ఇబ్బందులు పెడుతున్న కేయూ రిజిస్ట్రార్, డీవోలపై చట్టపరమైన చర్యలు తీసుకోవాలని కోరుతూ ఎర్రబెల్లి ప్రభాకర్‌రెడ్డి, గట్టురాజు, రామకృష్ణ, నగేష్ తదితరులు వినతిపత్రం అందించారు. ఈ భూమి విషయంలో ఇప్పటికే పలుమార్లు సర్వేలు, విచారణలు చేసినట్లు తెలిపారు. అయినా ఇబ్బందులు తప్పడం లేదని వివరించారు. దీనికి  స్పందించిన కలెక్టర్, జేసీ సర్వేకు ఆదేశించారు.


 హన్మకొండఅర్బన్ : కలెక్టరేట్ కార్యాలయం ఆవరణలో నిరంతర నిఘా కోసం సీసీ కెమెరాలు ఏర్పాటు చేయనున్నారు. ఈ మేరకు మొత్తం ఆవరణలో 24 కెమెరాలు ఏర్పాటు చేయాలని అధికారులు నిర్ణయించారు. అయితే కెమెరాలను కలెక్టర్, డీఆర్వో కార్యాలయాల ముందు, వెనుక భాగాల్లో, హన్మకొండ తహసీల్దార్ కార్యాలయం, కాన్ఫరెన్స్‌హాల్, వీడియో కాన్ఫరెన్స్‌హాల్, ఈవీఎంలు భద్రపరిచే గోదాముతోపాటు మరికొన్ని ప్రాంతాల్లో వీటిని ఏర్పాటు చేయనున్నారు.
 
 సీసీ కెమెరాల ఏర్పాటుతో కలెక్టరేట్‌లో అపరిచిత వ్యక్తుల కదలికలపై నిఘా పెట్టడంతో పాటు కార్యాలయాల వద్ద జనం రద్దీ, వాహనాల అపహరణ వంటి విషయాలు ఎప్పటికప్పుడు అధికారులు ప్రత్యక్షంగా గమనించే వీలుంటుంది. కాగా, కెమెరాలను కలెక్టర్ కార్యాలయంలో ఏర్పాటు చేసే టీవీకి అనుసంధానం చేయనున్నారు. ఇదిలా ఉండగా, కలెక్టర్ నివాసం వద్ద కూడా కెమెరాలను ఏర్పాటు చేయాలని అధికారులు నిర్ణయించారు.
  
 వాహనాలు భద్రం..
 కలెక్టరేట్‌లో కొద్ది రోజుల నుంచి దొంగతనాలు జరుగుతున్న విషయం తెలిసిందే. గతంలో కాన్ఫరెన్స్ హాల్ పక్కన ఉన్న నెట్‌వర్క్ రూంలో బ్యాటరీలు చోరీకి గురయ్యాయి. అలాగే ప్రగతి భవనం వద్ద పార్కింగ్ చేసిన వాహనాలు కూడా గుర్తు తెలియని వ్యక్తులు ఎత్తుకెళ్లారు. వీటితోపాటు కొద్ది రోజుల క్రితం ఎస్టీఓ సమీపంలో ఓ బైక్ చోరీకి గురైంది. ఈ క్రమంలో ప్రస్తుతం ఏర్పాటు చేయనున్న సీసీ కెమెరాలతో దొంగతనాలు, అపరిచిత వ్యక్తులను పసిగట్టవచ్చని అధికారులు భావిస్తున్నారు.


 హన్మకొండ: బ్యాంకుల ద్వారానే ఆర్థిక లావాదేవీలు జరగాలని అర్థక్రాంతి సంస్థ వ్యవస్థాపకుడు అనిల్ బొకిల్ అన్నారు. హన్మకొండ కిషన్‌పురలోని వాగ్దేవి కాలేజీలో ఫోరం ఫర్ బెటర్, వరంగల్ మహిళ పతాంజలి యోగా సమితి, వరంగల్ ట్యాక్స్ బార్ అసోసియేషన్ల ఆధ్వర్యంలో ‘అర్థక్రాంతి’ అనే అంశంపై జరిగిన సదస్సుకు ఆయన ముఖ్యఅతిథిగా హాజరయ్యారు. ఈ సందర్భంగా మాట్లాడుతూ ఆర్థిక లావాదేవీలన్నీ బ్యాంకుల ద్వారా జరపడం వల్ల బ్యాంకులే 2 శాతం లావాదేవీ పన్ను వసూలు చేస్తాయన్నారు.
 
 దేశం మొత్తమ్మీద ప్రజలు కట్టే పన్ను ఇదొక్కటే కాబట్టి వినియోగదారుని ఖాతా నుంచి బ్యాంకులు ఈ పన్నును మినహాయించి ప్రభుత్వానికి కట్టేస్తాయన్నారు. ఎగుమతి, దిగుమతి పన్నులు మినహాయించి అన్ని రకాల పన్నులను పూర్తిగా రద్దు చేయడం వలన దేశ ఆర్థిక వ్యవస్థ మెరుగుపడుతుందన్నారు. అంతేకాకుండా రూ.2 వేల లోపు లావాదేవీలు మాత్రమే నగదు రూపంలో జరగాలని, అంతకుమించిన లావాదేవీలు పూర్తిగా బ్యాంకుల ద్వారానే జరిగేలా ప్రభుత్వం నియంత్రించాలని అన్నారు. దీనిద్వారా దేశంలోని అవినీతినికి అడ్డుకట్ట వేయవచ్చని చెప్పారు.
 
 ఎంపీ కడియం శ్రీహరి మాట్లాడుతూ భారతదేశం వంటి ప్రజాస్వామికవ్యవస్థలో అర్థక్రాంతి అమలు చేయడం సాధ్యమేనన్నారు. సదస్సులో ఫోరం ఫర్ బెటర్ అధ్యక్షుడు సుధాకర్, వరంగల్ మహిళా పతంజలి యోగా సమితి అధ్యక్షురాలు సునీత, వరంగల్ ట్యాక్స్ బార్ అసోసియేషన్ అధ్యక్షులు జోషి పాల్గొన్నారు.


 * రూ.50 లక్షల నగదు, 30 తులాల బంగారంతో ఉడాయించిన ఆగంతకులు
 
 వరంగల్, న్యూస్‌లైన్ : సీబీఐ పేరుతో వచ్చిన నలుగురు ఆగంతకులు ఆ ప్లాట్‌లోని నగదు, బంగారు ఆభరణాలను దర్జాగా తీసుకెళ్లారు. ఎక్కడికి తీసుకెళ్తున్నారని ఇంట్లో వారు అడగగా మిమ్మలందర్నీ తీసుకెళ్లి ఇంటరాగేషన్ చేయాల్సి ఉంటుందని భయపెట్టి మరీ వెళ్లిపోయారు. జరిగిన మోసం తెలిసి బాధితులు లబోదిబోమంటూ పోలీసులకు ఫిర్యాదు చేశారు. వివరాలిలా ఉన్నారుు..
 
 హన్మకొండ హంటర్‌రోడ్‌లోని వైష్ణవి ఆపార్టుమెంట్ డి-2 బ్లాక్‌లో నివాసముంటున్న బానోతు రాజు భారత్ పెట్రోలియం కార్పొరేషన్ లిమిటెడ్‌లో మేనేజర్‌గా పనిచేస్తున్నాడు. ఎప్పటిలాగే గురువారం ఉదయం ఆఫీస్‌కు వెళ్లాడు. ఇంట్లో రాజు భార్యాపిల్లలతో పాటు బంధువులు కూడా ఉన్నారు. అయితే మూడు రోజుల క్రితం అతని బావమరిది ఓ ఫ్లాట్  కొనుగోలు కోసం రూ.50 లక్షలను బానోతు రాజు ఇంట్లో ఉంచాడు. మూడు రోజులుగా నగరంలో ప్లాట్లు కొనుగోలు చేసేందుకు ప్రయత్నిస్తున్నారు.
 
 అయితే రాజు ఇంట్లో భారీ ఎత్తున డబ్బున్న విషయం గమనించిన నలుగురు వ్యక్తులు గురువారం మధ్యాహ్నం సీబీఐ పేరుతో వారి ఇంటికి వచ్చారు. ఇంట్లోకి ప్రవేశించి తాము సీబీఐ అధికారులమని ఇల్లంతా సోదాలు ప్రారంభించారు. రూ.50 లక్షల నగదు ఉంది.. ఎక్కడివంటూ బెదిరించడంతో.. నిజంగా అధికారులేనని రాజు కుటుంబ సభ్యులు నమ్మారు. ఆగంతకులు రూ.50 లక్షలతో పాటు ఇంట్లో ఉన్న 30 తులాల బంగారు ఆభరణాలను పట్టుకెళ్లే ప్రయత్నం చేశారు. అయితే రాజు కుటుంబ సభ్యులు ఎదిరించే ప్రయత్నం చేశారు.
 
 దీంతో ఆ నలుగురు వ్యక్తులు డబ్బు, బంగారంతో పాటు వారిని కూడా ఆఫీస్‌కు తీసుకెళ్లి విచారణ చేస్తామంటూ బెదిరించడంతో వెనక్కి తగ్గారు. ఇదే అదునుగా భావించిన ఆ నలుగురూ అక్కడి నుంచి ఉడాయించారు. అయితే, రూ.50 లక్షలు ఇంట్లో ఉన్న విషయం దగ్గరి వారికే తెలిసి ఉంటుందనే కోణంలో పోలీసులు దర్యాప్తు ప్రారంభించారు. సంఘటన ప్రదేశానికి అర్బన్ ఎస్పీ వెంకటేశ్వర్‌రావు, హన్మకొండ డీఎస్పీ దక్షిణామూర్తి, క్రైం డీస్పీ రాజమహేంద్రనాయక్ చేరుకుని విచారణ చేపట్టారు.


  హన్మకొండ సిటీ, న్యూస్‌లైన్ : హన్మకొండలోని హరిత హోటల్‌లో ఈనెల 31న టీఆర్‌ఎస్ ఎంపీలు, ఎమ్మెల్యేలకు ఆత్మీయ సన్మాన సభ నిర్వహించనున్నట్లు తెలంగాణ ప్రభుత్వ కాంట్రాక్ట్ ఉద్యోగుల ఐక్యవేదిక జిల్లా కన్వీనర్ కొలిపాక మధు తెలిపారు. హన్మకొండలోని ప్రెస్‌క్లబ్‌లో మంగళవారం ఏర్పాటు చేసిన విలేకరుల సమావేశంలో ఆయన మాట్లాడుతూ వివిధ ప్రభుత్వ శాఖల్లో దశాబ్దకాలంగా పనిచేస్తున్న కాంట్రాక్ట్  ఉద్యోగులను క్రమబద్ధీకరిస్తామని హామీ ఇచ్చి తమ జీవితాల్లో వెలుగు నింపనున్నారని పేర్కొన్నారు. డిగ్రీ, జూనియర్ కళాశాలల లెక్చరర్లు, వైద్యు లు, పారామెడికల్, పర్యాటక, విద్యుత్, అటవీశాఖ, ఐకేపీ, రాజీవ్ విద్యామిషన్ తదితర శాఖల్లో కాంట్రాక్ట్  ఉద్యోగులు పనిచేస్తున్నారని వివరించారు.
  
  శనివారం సాయంత్రం 5 గంటలకు జరిగే టీఆర్‌ఎస్ ఎంపీలు, ఎమ్మెల్యేల సన్మానానికి కాంట్రాక్ట్  ఉద్యోగులు హాజరై విజయవంతం చేయాలని పిలుపునిచ్చారు. అనంతరం కృతజ్ఞత, సన్మానసభ పోస్టర్‌ను ఆవిష్కరించారు. సమావేశంలో ఐక్యవేదిక ప్రతినిధులు డాక్టర్ కె.శరత్, జి.రమేష్, కె.సంధ్య, డాక్టర్ భార్గవ్ శాస్త్రి, డాక్టర్ జగదీశ్వర్‌ప్రసాద్, పి.రాధాకృష్ణ, మైదం రాజు, సూర్యకిరణ్, ఆర్.రవీందర్, సీహెచ్.శివకృష్ణమోహన్, పి.అశోక్, ఎన్.జానకిరాములు, ఎన్.రాజేంద్రప్రసాద్, కె.వెంకటచెన్నారెడ్డి పాల్గొన్నారు.


  కేయూ క్యాంపస్, న్యూస్‌లైన్ : విద్యార్థులు సామాజిక శాస్త్రవేత్తలుగా ఎదగాలని కలెక్టర్ జి.కిషన్ కోరా రు. హన్మకొండలోని ఆర్ట్స్ అండ్ సైన్స్ క ళాశాలలో సోమవారం సెట్వార్ ఇంట ర్నల్ క్వాలిటీ అస్యూరెన్స్ సెల్, సోషల్ వర్క్ డిపార్‌‌టమెంట్ ఆధ్వర్యంలో కేయూ ఎంఎస్‌డబ్ల్యూ విద్యార్థులకు ఓరియెంటేషన్ నిర్వహించారు. ఈ సందర్భంగా కలెక్టర్ ముఖ్యఅతిథిగా హాజరై మాట్లాడారు. సంక్షేమ పథకాల ప్రాధాన్యతను లబ్ధిదారులకు తెలియజేసి వారిలో అపోహలను తొలగించాలని పేర్కొన్నారు.
 
 విభజనకు ముందు రాష్ర్ట బడ్జెట్ ఒక లక్షా 15వేల కోట్లని, కేంద్రం ద్వారా రూ.15 లక్షల కోట్లతో పేదలకు సంక్షేమ పథకాలు అమ లు చేస్తున్నారని ఆయన వెల్లడించారు. ప థకాల అమలు కోసం విద్యార్థులు ప్రణాళికలు తయారు చేయాలన్నారు. ప్రజల కు ఆహారం, నీరు, విద్య, ఉపాధి, గూడు తదితర వసతులపై దృష్టిసారించాలని సూచించారు. నాగరికత పెరిగిన కొద్దీ అ లవాట్లు మారి ప్రజలు రోగాల బారిన పడుతున్నారన్నారు. మంచి అలవాట్లకు దూరమై మన ముందున్న మంచిని గ్రహించలేని పరిస్థితుల్లో ఉన్నామని ఆ వేదన వ్యక్తం చేశారు. గతంలో లక్ష మందిలో ఒకరికి కేన్సర్ ఉండగా.. ప్రస్తు తం ప్రతి వేయి మందిలో పది మందికి ఉంటుందన్నారు.
  
 సామాజిక దురాచారాలు, పారిశుద్ధ్యంపై ప్రజలను చైతన్యం చేయాల్సిన అవసరముందని అభిప్రాయపడ్డారు. తొలుత గ్రామీణ నీటిపారుదల, గృహ నిర్మాణం, డీఆర్‌డీఏ, వెనుకబడిన తరగతుల సం క్షేమం, స్త్రీ, శిశు సంక్షేమం, వైద్య, ఆరోగ్యం తదితర శాఖల ద్వారా అమలయ్యే పథకాల గురించి పవర్‌పాయింట్ ప్రజం టేషన్ ద్వారా సంబంధిత అధికారులు విద్యార్థులకు వివరించారు. కార్యక్రమంలో సెట్వార్ సీఈఓ పురుషోత్తమ్, నెహ్రూ యువ కేంద్రం కోఆర్డినేటర్ మనోరంజన్, డీఆర్‌డీఏ పీడీ శంకరయ్య, మాస్టర్ ఆఫ్ సోషల్ వర్క్ (ఎంఎస్‌డబ్ల్యూ) విభాగం అధిపతి ప్రొఫెసర్ కె.రామానుజరావు మాట్లాడారు. యూనివర్సిటీ ఆర్ట్స్ అండ్ సైన్స్ కళాశాల, న్యూసైన్స్, గాయత్రి, మాస్టర్జీ, మహర్షి తదితర కళాశాలల ఎంఎస్‌డబ్ల్యూ విద్యార్థులు పాల్గొన్నారు.


  హన్మకొండ సిటీ, న్యూస్‌లైన్ : వేసవిలో ప్రయాణికులకు సుఖవంతమైన, క్షేమమైన ప్రయాణం అందించేందుకు హన్మకొండ. హైదరాబాద్ రూట్‌లో ఐదు ఇంద్ర ఏసీ బస్సులు నడుపనున్నట్లు ఆర్టీసీ వరంగల్ రీజినల్ మేనేజర్ ఇ.యాదగిరి తెలిపారు. ఈ నెల 3వ తేదీ నుంచి ఈ ఏసీ బస్సులు నడుపనున్నట్లు ఆయన ఒక ప్రకటనలో చెప్పారు. ఉదయం 4 గంటల నుంచి రాత్రి 9.45 గంటల వరకు ప్రతి 45 నిమిషాలకు ఒక ఏసీ బస్సు హన్మకొండ జిల్లా బస్‌స్టేషన్ నుంచి బయలు దేరుతుందన్నారు. అలాగే హైదరాబాద్ నుంచి ఉదయం 5 నుంచి రాత్రి 11 గంటల వరకు ప్రతి 45 నిమిషాలకు ఒక బస్సు బయలుదేరుతుందని వివరించారు.
 
 హన్మకొండ నుంచి ఉదయం 4.00, 4.45, 5.30, 6.15, 7.00, 7.45, 9.00, 9.45, 10.30, 11.30 గంటలకు, మద్యాహ్నం 12.15, 1.00, 1.45, 2.30, 3.15 గంటలకు, సాయంత్రం 4.30, 5.15, 6.00, 7.00, 7.45 గంటలకు, రాత్రి 8.30, 9.15, 9.45 గంటలకు బయలుదేరుతుందని వివరించారు. కాగా, హైదరాబాద్ నుంచి ఉదయం 5.00, 5.45, 6.30, 7.15, 8.00, 8.45, 9.30, 10.15, 11.00 గంటలకు, మద్యాహ్నం 12.15, 1.00, 1.45, 2.45, 3.30 గంటలకు, సాయంత్రం 4.15, 5.00, 5.45, 6.30, 7.45 గంటలకు, రాత్రి 8.30, 9.15, 10.15, 11.00 గంటలకు బయలు దేరుతుందని వివరించారు. ప్రయాణికులు ఈ సేవలను సద్వినియోగం చేసుకోవాలని కోరారు.


 * వరంగల్ ఎంపీ రాజయ్య కోడలు సారిక
 
 హన్మకొండ, న్యూస్‌లైన్: తన భర్త మానసికంగా వేధిస్తూ.. ఏడాది వయసున్న కవల పిల్ల ల పోషణను పట్టించుకోవడం లేదని వరంగల్ ఎంపీ సిరిసిల్ల రాజయ్య కోడలు సారిక ఆరోపించారు. ఆదివారం హన్మకొండలోని ఎంపీ ఇంట్లో ఆమె విలేకరులతో మాట్లాడుతూ తన కష్టాలను వివరించారు. తాను, ఎంపీ రాజయ్య కొడుకు అనిల్ పెద్దల అంగీకారంతో ప్రేమ వివాహం చేసుకున్నామని, మొదట్లో సఖ్యతగా ఉన్న తన భర్త తర్వాత మానసికంగా వేధించసాగాడని, అయితే అత్త మామలు సర్ది చెప్పడంతో అతనితో కలిసి ఉంటున్నానని వివరించారు.
 
 తాను గర్భిణిగా ఉన్నప్పుడు ఆత్మహత్యకు యత్నించానని, అయినప్పటికీ వారిలో మా ర్పు రాలేదని తెలిపారు. సాఫ్ట్‌వేర్ ఇంజనీర్‌గా పని చేసి సంపాదించిన సొమ్మంతా తన భర్తకే ఇచ్చానని, ఇప్పుడు పిల్లల పోషణ ఇబ్బందిగా ఉందని పేర్కొన్నారు. కనీసం పాలడబ్బాలు, మందులు కొనేందుకు డబ్బుల్లేక ఇబ్బంది పడుతున్నానని వివరించారు.
 
 వేధింపులపై హైదరాబాద్‌లో తాను కేసు పెట్టి ఇంటి కి వచ్చేలోగా తన పిల్లలను బయట వదిలివేసి వెళ్లారని, న్యాయం చేసేదాకా ఇక్కడే పోరాటం చేస్తానని చెప్పారు. తనను వేధించడం వల్లే కేసు పెట్టానని, ప్రభుత్వం, అధికారులను రాజకీయ పలుకుబడితో మేనేజ్ చేస్తున్నారని అన్నారు. న్యాయం చేయాలని, పిల్లల పోషణ, వారి చదువు, వైద్యం, రక్షణ బాధ్యతలకు తగిన హామీ ఇవ్వాలని కోరారు.


 వరంగల్, న్యూస్‌లైన్: ఎన్నికల ప్రచారంలో భాగంగా ఈ నెల 17వ తేదీన హన్మకొండలో భారీ బహిరంగ సభ ఏర్పాటు చేయాలని టీఆర్‌ఎస్ నిర్ణయించింది.
 
 సాయంత్రం ఆరు గంటలకు ఆర్ట్స్ కళాశాల మైదానంలో జరిగే సభకు టీఆర్‌ఎస్ అధినేత కె.చంద్రశేఖర్‌రావు హాజరుకానున్నారు. జిల్లా నుంచి పోటీచేస్తున్న ఎంపీ, ఎమ్మెల్యే అభ్యర్థులతోపాటు పలువురు ముఖ్య నేతలు పాల్గొననున్నారు. ఈ మేరకు భారీగా జనాన్ని సమీకరించేందుకు పార్టీ నాయకులు ప్రణాళిక రూపొందిస్తున్నారు. ఇప్పటికే సభాస్థలికి సంబంధించిన అనుమతి తీసుకున్నారు.
  
  ఎక్కువ స్థానాలే లక్ష్యంగా...
 
  సాధారణ ఎన్నికల నామినేషన్ల ప్రక్రియ ముగిసినందున టీఆర్‌ఎస్ అభ్యర్థుల ప్రచారం గ్రామస్థాయిలో కొనసాగుతోంది. టీఆర్‌ఎస్‌కు తొలి నుంచి పట్టున్న జిల్లాగా వరంగల్ గుర్తింపు పొందింది. తాజా పరిస్థితుల్లో జిల్లాలోని అన్ని నియోజకవర్గాలకు తొలిసారిగా టీఆర్‌ఎస్ ఒంట రి పోరుకు సిద్ధమైంది. ఈ క్రమంలో జిల్లాలో ఎక్కువ స్థానాలే లక్ష్యంగా గులాబీ దళం సాగుతోంది.  అరుుతే తెలంగాణ రాష్ట్ర ఏర్పాటు, ఎన్నికల్లో అభ్యర్థుల ఎంపిక, జంపింగ్‌లు, అలకలు, నిరసనలతోపాటు కొత్తవారి చేరికలతో టీఆర్‌ఎస్ పార్టీలో ప్రత్యేక వాతావరణం నెలకొంది.
  
  టికెట్ లభించని నేతలు తీవ్ర వ్యతిరేకతతో ఉన్నారు. పార్టీలో, ఉద్యమంలో కనీస పాత్రలేని వారికి... వ్యతిరేకులకు ఈ దఫా టికెట్లు కేటాయించడాన్ని టీ జేఏసీ, కేయూ జేఏసీ, విద్యావంతుల వేదిక తీవ్రంగా వ్యతిరేకిస్తున్న విషయం తెలిసిందే. టీఆర్‌ఎస్ జిల్లా నేతల మధ్య సమన్వయం లేకపోవడంతో పార్టీ శ్రేణుల్లో గందరగోళం నెల కొంది. నాయకులు ఎవరికి వారు నియోజకవర్గాలకే పరిమితమయ్యారు.
  
  ఈ నేపథ్యంలోబహిరంగ సభ ద్వారా నాయకుల్లో అంతర్గత విభేదాలను తొలగించడంతోపాటు తెలంగాణవాదుల్లో వ్యక్తమైన ప్రతికూలతల ప్రభావం తగ్గించి, ఎన్నికల్లో మంచి ఫలితాలు సాధించాలని టీఆర్‌ఎస్ అధిష్టానం భావిస్తోంది. గులాబీ శ్రేణుల్లో ఉత్సాహాన్ని నింపేందుకు ఈ సభ దోహదం చేస్తుందనే ఆలోచనతో టీఆర్‌ఎస్‌కు చెందిన స్థానిక నేతలు భారీ జన సమీకరణకు కసరత్తు చేస్తున్నారు.
  
  నేతల స్థల పరిశీలన
 
  సభ నిర్వహించే హన్మకొండలోని ఆర్ట్స్ కళాశాల గ్రౌండ్‌ను టీఆర్‌ఎస్ నాయకులు సోమవారం పరిశీలించారు. పార్టీ జిల్లా అధ్యక్షుడు తక్కెళ్లపల్లి రవీందర్‌రావు, పొలిట్‌బ్యూరో సభ్యుడు కడియం శ్రీహరి, వరంగల్ పశ్చిమ ఎమ్మెల్యే దాస్యం వినయ్‌భాస్కర్, నాయకులు లింగంపల్లి కిషన్‌రావు, కోరబోయిన సాంబయ్య, మర్రి యాదవరెడ్డి, లలితాయాదవ్, మరుపల్ల రవి, జోరిక రమేష్, గైనేని రాజన్ పాల్గొన్నారు.


  
  ఎంఎస్‌పీ వ్యవస్థాపక అధ్యక్షుడు మంద కృష్ణమాదిగ
  
  హన్మకొండ సిటీ, న్యూస్‌లైన్ :  టీఆర్‌ఎస్ అధినేత కేసీఆర్ బీసీలను మోసం చేశాడని మహాజన సోషలిస్టు పార్టీ(ఎంఎస్‌పీ) అధ్యక్షుడు మంద కృష్ణమాదిగ అన్నారు. బుధవారం హన్మకొండలోని పార్టీ జిల్లా కార్యాలయంలో ఆయన విలేకరులతో మాట్లాడారు. 2004లో కాంగ్రెస్ ప్రభుత్వంలో చేరినపుడు బీసీ ఎమ్మెల్యేలున్నా మంత్రి పదవులివ్వలేదు.. బీసీ సంక్షేమ శాఖ ను అగ్రవర్ణాలకు కట్టబెట్టాడు.. ఇప్పుడేమో పరకాల టికెట్ మొలుగూరి బిక్షపతిని కాదని సహోదర్‌రెడ్డికిచ్చాడు.
 
  పార్టీ బలంగా ఉందని చెపుతున్న కేసీఆర్ బిక్షపతి గెలవడనే సాకుతో తప్పించడం సరికాదన్నారు. టీఆర్‌ఎస్ బలంగా లేని సమయంలో బలమైన అభ్యర్థి కొండా సురేఖపై పోటీ చేసి గెలిచినపుడు, పార్టీ బలంగా ఉండి, బలమై న ప్రత్యర్థి లేని సమయంలో బిక్షపతి ఎందుకు గెలవడని నిలదీశారు. మైనారిటీలకు 12 శాతం రిజర్వేషన్లు కల్పిస్తామని చెప్పి కనీసం ఇద్దరికి కూడా టికెట్ ఇవ్వలేదని, ఇచ్చిన ఒకటి కూడా టీఆర్‌ఎస్ గెలవదనే ఉద్ధేశంతో ఇచ్చారని ఆరోపించాడు.
 
  దళిత, గిరిజన, బీసీ, మైనారిటీలను ఏకం చేసి కేసీఆర్ వైఖరిని ఎండగట్టి తగిన గుణపాఠం చెబుతామన్నారు. పార్టీ జాతీయ అధికార ప్రతినిధి రియాజ్ మాట్లాడుతూ ఈ ఎన్నికలు నిజమైన తెలంగాణ వాదులు, టీఆర్‌ఎస్ వంటి సూడో తెలంగాణవాదుల కు మధ్య జరుగుతున్నవని, విద్యార్థులు, యువకులు అలోచించి ఓటు వేయాలని కోరారు. ఈ సందర్భంగా మంద కృష్ణ జీవి త చరిత్ర(అన్న మనోడే)పై పార్టీ జిల్లా అధికార ప్రతినిధి తీగల ప్రదీప్ రాసిన పుస్తకాన్ని ఆవిష్కరించారు. సమావేశంలో నాయకులు రఫీ, నవీద్, రాకేష్, అఫ్జల్, రాజేందర్ తదితరులు పాల్గొన్నారు


 హన్మకొండ : మరికాసేపట్లో వధువు మెడలో మూడు ముళ్లు వేయాల్సి ఉంది. వధువు-వరుడు కలిసి ఏడు అడుగులు వేయాలి. అయితే మూడు ముళ్లు... వేయకముంటే... పెళ్లికొడుకు పీఠముడులు వేశాడు. పెళ్లికూతురు నచ్చలేదంటూ వరుడు ప్రదీప్ రెడ్డి తాళి కట్టనంటూ మొండికేశాడు. పీటలదాకా వచ్చిన పెళ్లి... ఆగిపోతే తమ బిడ్డ భవిష్యత్‌ ఏమిటని వధువు తల్లిదండ్రులు ఆందోళన చెందారు.
 
 పెళ్లికొడుకును కాళ్లావేళ్లా పడి బతిమిలాడారు. అయినా ఆ వరుడి మనస్సు కరగలేదు దీంతో చిర్రెత్తుకొచ్చిన వధువు కుటుంబ సభ్యులతో పాటు వరుడిని చితకొట్టారు. ఈ సంఘటన వరంగల్ జిల్లా హన్మకొండలో చోటుచేసుకుంది. కట్నంగా రూ.18 లక్షలు,  20 తులాల బంగారం ఇచ్చినట్లు తెలుస్తోంది. ఈ పెళ్లి సంబంధం మ్యారేజ్ బ్యూరో ద్వారా కుదిరినట్లు తెలుస్తోంది. వధువు తల్లిదండ్రులు పోలీసుల్ని ఆశ్రయించారు. వరుడు ప్రదీప్ రెడ్డిది మెదక్ జిల్లా సిద్ధిపేట, వధువుది వరంగల్ జిల్లా గూడూరు.
  


  హన్మకొండకల్చరల్,  న్యూస్‌లైన్ : వరంగల్ భద్రకాళి ఆల యాన్ని సినీ గాయని జానకి గురువారం తన కుమారులతో కలిసి సందర్శించారు. ఈ సందర్భంగా ఆలయ ప్రధానార్చకులు, ధర్మకర్తల మండలి చైర్మన్ భద్రకాళి శేషు ఆమెకు స్వాగతం పలికారు. అనంతరం జానకి వల్లభ గణపతిని, శ్రీశంకరభవత్పాదుల విగ్రహాన్ని, భద్రకాళి అమ్మవారిని దర్శించుకుని పూజలు చేశారు.
 అలాగే అమ్మవారికి మొక్కు లు  చెల్లించుకుని భద్రకాళి శేషు గృహంలో కొద్దిసేపు విశ్రాంతి తీసుకున్నారు. అనంతరం హన్మకొండలోని వేయిస్తంభాల దేవాలయాన్ని జానకి  సందర్శించారు. ఈ సందర్భంగా అర్చకులు మఠంప్రణవ్, సందీప్‌శర్మ,  పురావస్తుశాఖ సిబ్బంది సదాశివశర్మ, బసవన్న ఆలయమర్యాదలతో ఆమెకు స్వాగతం పలికారు. ఈ సందర్భంగా జానకి రుద్రేశ్వరుడికి ప్రత్యేక పూజలు నిర్వహించారు.
  


 వరంగల్ క్రైం, న్యూస్‌లైన్ : అక్రమంగా విక్రరుుస్తున్న డిఫెన్స్ మద్యాన్ని హన్మకొండ ఎక్సైజ్ పోలీసులు పట్టుకున్నారు. హన్మకొండ ఎక్సైజ్ సీఐ గండ్ర దేవేందర్‌రావు కథనం ప్రకారం.. హన్మకొండ కేఎల్‌ఎన్‌రెడ్డి కాలనీలోని ఒక ఇంట్లో డిఫెన్స్ మద్యం అమ్ముతున్నారని ఎక్సైజ్ అధికారులకు పక్కాసమాచారం అందింది.
  
  దీంతో వారు ఆకస్మికంగా ఆ ఇంటిపై దాడులు చేసి, రూ.35 వేల విలువైన 40 ఫుల్‌బాటిళ్ల డిఫెన్స్ మద్యం పట్టుకున్నారు. దాడిలో పట్టుబడిన కాశిబుగ్గకు చెందిన పల్లె రాజును విచారించగా, హన్మకొండ కేఎల్‌ఎన్ రెడ్డి కాలనీకి చెందిన తాటికొండ శ్రీనివాసులుతో కలిసి డిఫెన్స్ మద్యం ను అమ్ముతున్నట్లు వెల్లడించాడు. రక్షణ శాఖ వ్యక్తుల వద్ద నుంచి తక్కువ ధరకు మద్యాన్ని కొనుగోలు చేసి అమ్ముతున్నట్లు ఒప్పుకున్నారు.
  
  డిఫెన్స్ మద్యం అక్రమంగా కలిగి ఉండడం, అమ్మడం నేరమని సీఐ తెలిపారు. ఈ మద్యంపై ప్రభుత్వానికి రావాల్సిన సుంకం రానందున నాన్ డ్యూటీ పెయిడ్ మద్యంగా పరిగణిస్తామని వెల్లడించారు. నిందితుడిని కోర్టులో హాజరుపరిచారు.
  
  దాడుల్లో సీఐ సిఐ గండ్రదేవేందర్‌రావుతోపాటు ఎస్సైలు రామకోటేశ్వర్‌రావు, సీతారామరాజు, సిబ్బంది రవీందర్, ఖలీ ల్, సత్తయ్య, సురేష్, రమేశ్ పాల్గొన్నారు. ఎన్‌డీపీ మద్యం సమాచారం తెలిస్తే 0870-2422652 నంబర్‌కు ఫోన్ చేయాలని సీఐ కోరారు.
  
  
  భీమారంలో మరో 55 మద్యం బాటిళ్లు..
  భీమారం : భీమారంలో అక్రమంగా మద్యం విక్రయిస్తున్న స్థావరాలపై కేయూసీ పోలీసులు  శనివారం రాత్రి దాడులు చేశారు. ఈ సందర్భంగా 55 మద్యం బాటిళ్లు స్వాధీనం చేసుకున్నారు. భీమారానికి చెందిన ఉక్కు ప్రేమ్‌సాగర్ తనకు పరిచయస్తులైన ఆర్మీ జవాన్ల నుంచి మద్యం బాటిళ్లు కొనుగోలు చేసేవాడు.
  
  ఇలా 55 బాటిళ్లు నిల్వ చేశాడు. అతడు అక్రమంగా మద్యం విక్రయిస్తున్నాడనే సమాచారంతో కేయూసీ సీఐ దేవేందర్‌రెడ్డి ఆధ్వర్యంలో ఎస్సై శ్రీనివాస్, సిబ్బంది దాడులు చేశారు. ఈ సందర్భంగా అతడి వద్ద 35 రాయల్ స్టాగ్, 15 బ్లెండర్ స్ప్రైడ్, 5 సిగ్నిచర్ బాటిళ్లు స్వాధీనం చేసుకున్నారు. మద్యం విక్రయదారుడిపై కేసు నమోదు చేసి కోర్టులో హాజరుపరిచినట్లు సీఐ దేవేందర్‌రెడ్డి తెలిపారు.
  
  


 
 హన్మకొండ, న్యూస్‌లైన్: తెలంగాణ ఏర్పాటు కానున్న క్రమంలో కేసీఆర్ వైఖరిలో మార్పు చోటు చేసుకుందని మహాజన సోషలిస్టు పార్టీ వ్యవస్థాపకుడు మంద కృష్ణమాదిగ విమర్శించారు. బుధవారం వరంగల్ జిల్లా హన్మకొండలో ఏర్పాటు చేసిన విలేకరుల సమావేశంలో ఆయన మాట్లాడారు. ఎవరు అడగకున్నా దళితుడిని సీఎం చేస్తానని, ముస్లిం నాయకుడిని డిప్యూటీ సీఎం చేస్తానని చెప్పిన కేసీఆర్.. ఆ వ్యాఖ్యలకు కట్టుబడి ఉన్నాడా స్పష్టం చేయాలని డిమాండ్ చేశారు.  
 
 వచ్చే ఎన్నికలలో కేసీఆర్‌ను సీఎం అభ్యర్థిగా ప్రకటించి ఎన్నికలకు వెళ్తారనే ప్రచారం జరుగుతుందని, దీనిపై కేసీఆర్‌తోపాటు టీఆర్‌ఎస్ పార్టీ వైఖరిని వెల్లడించాలని  డిమాండ్ చేశారు.  గతంలో గిరిజనులకు 12 శాతం రిజర్వేషన్లు కల్పిస్తామని చెప్పిన మాటలపై నిలబడాలన్నారు. బీసీలకు అన్ని రంగాలలో 50 శాతం వాటా కల్పిస్తామని చెప్పారని మంద కృష్ణ గుర్తు చేశారు. సాధారణ ఎన్నికల షెడ్యూల్ ప్రకటించిన క్రమంలో ఎన్నికలపై చర్చించేందుకు గురువారం పార్టీ రాష్ట్ర కమిటీ సమావేశం హన్మకొండలోని పార్టీ కార్యాలయంలో ఏర్పాటు చేశామన్నారు.
 
  


 ప్రాచీన సంతతికి చెందిన మానవుల సముదాయాన్ని ‘జాతి’ అని పిలుస్తారు.
      భారతదేశంలో జాతీయ భావాలు వ్యాపించడానికి కారణమైనవారు  ఆంగ్లవిద్య అభ్యసించిన భారతీయులు.
      సురేంద్రనాథ్ బెనర్జీ కలకత్తాలో ‘ఇండియన్ అసోసియేషన్’ను నెలకొల్పారు.
 
      ‘భారత జాతీయ కాంగ్రెస్’ 1885లో బొంబాయిలో ఎ.ఒ. హ్యూమ్ అనే విశ్రాంత బ్రిటిష్ అధికారి కృషి వల్ల ఏర్పడింది.
      మొట్టమొదటి భారత జాతీయ కాంగ్రెస్ (1885 డిసెంబర్) సమావేశంలో 72 మంది ప్రతినిధులు పాల్గొన్నారు. ఈ సమావేశానికి ఉమేష్‌చంద్ర బెనర్జీ అధ్యక్షత వహించాడు.
 
      భారత స్వాతంత్య్రోద్యమ చరిత్రను మూడు దశలుగా విభజించారు.
  1.     మితవాద యుగం(1885-1905)
  2.     అతివాద యుగం(1905- 1919)
  3.     గాంధీ యుగం(1919-1947)
      మితవాద నాయకుల పోరాటం ‘ప్రార్థన, అభ్యర్థన, నిరసన’ పద్ధతిలో ఉండేది. వీరి కోరికలు మితంగా ఉండేవి.
      అతివాదుల్లో ముఖ్యులు: బాలగంగాధర్ తిలక్, లాలాలజపతిరాయ్, బిపిన్‌చంద్రపాల్.
 
  బెంగాల్ రాష్ట్రాన్ని 1905లో గవర్నర్ జనరల్ లార్‌‌డ కర్జన్ రెండుగా విభజించాడు. బ్రిటిషర్ల ఉద్దేశం హిందూ, ముస్లింలను విభజించడం.
  బెంగాల్ విభజనకు నిరసనగా అక్కడి హిందువులు, ముస్లింలు ఐక్యతకు చిహ్నంగా ఒకరికొకరు రాఖీలు కట్టు కున్నారు.
  స్వదేశీ వస్తువులను ప్రోత్సహించడం, విదేశీ వస్తువులను బహిష్కరించడం వందేమాతరం ఉద్యమం ముఖ్య లక్షణాలు.
      బెంగాల్ విభజనకు నిరసనగా 1905లో ‘వందేమాతరం ఉద్యమం’ ప్రారంభమైంది.
      ‘వందేమాతరం’  గేయాన్ని బంకించంద్ర ఛటర్జీ రాశారు.
      ముస్లింలీగ్ 1906లో ఏర్పడింది. దీని ఏర్పాటుకు వైస్రాయ్ మింటో ప్రోత్సహించాడు.
 
  1909 చట్టం సంస్కరణలను మింటో-మార్లే సంస్కరణలు అంటారు. వీటి ద్వారా ముస్లింలకు ప్రత్యేక నియోజక వర్గాలను ఏర్పాటు చేశారు.
 
  బెంగాల్ విభజన రద్దును 1911లో ఇంగ్లండ్ రాజు 5వ జార్జి భారతదేశానికి వచ్చి ప్రకటించాడు. దాంతో వందేమాతరం ఉద్యమం ముగిసింది. అదే రోజు భారత రాజధానిని కలకత్తా నుంచి ఢిల్లీకి మారుస్తున్నట్లు ప్రకటించారు.
 
      మొదటి ప్రపంచ యుద్ధం 1914లో ప్రారంభమైంది.
      వందేమాతర ఉద్యమంలో పాల్గొన్నందుకు బాలగంగాధర్ తిలక్‌ను 1908 నుంచి 1914 వరకు జైల్లో నిర్బంధించారు.
      హోంరూల్ అంటే స్వపరిపాలన.
      ఐర్లాండ్‌కు చెందిన అనీబిసెంట్ దివ్యజ్ఞాన సమాజ ప్రచారం కోసం భారతదేశానికి వచ్చి మద్రాస్ రాష్ర్టంలో      స్థిరపడింది. 1915లో హోంరూల్ లీగ్‌ను స్థాపించింది.
      తిలక్ 1916లో పుణేలో మరో హోంరూల్ లీగ్‌ను స్థాపించారు. చిత్తరంజన్‌దాస్, మో తీలాల్‌నెహ్రూ ఈ ఉద్యమాన్ని బలపరిచారు.
      హోంరూల్ ఉద్యమ కాలంలోనే తిలక్ ‘స్వరాజ్యమే నా జన్మహక్కు’ అని నినాదం చేశాడు.
      అతివాద ఉగ్రవాద కార్యకలాపాలు మహారాష్ర్ట, బెంగాల్‌లో ఎక్కువగా జరిగేవి.
      అతివాద విప్లవకారులు వైస్రాయ్ లార్‌‌డ హార్డింజ్‌పై బాంబు దాడి చేశారు.
 
  భారత జాతీయ కాంగ్రెస్, ముస్లింలీగ్‌లు 1916లో ‘లక్నో ఒడంబడిక’పై సంతకం చేశాయి. భారత స్వపరిపాలన సాధనకు, ఉమ్మడి పోరాటానికి సన్నద్ధమయ్యాయి.
 తొలిసారిగా భారతదేశంలో స్వపరిపాలన ప్రవేశపెడతామని 1917లో బ్రిటిష్ భారత వ్యవహారాల మంత్రి ‘మాంటేగ్’ ప్రకటించాడు.
      దక్షిణాఫ్రికా నుంచి గాంధీజీ 1915లో
       భారతదేశానికి తిరిగివచ్చారు.
  హిందూ మహాసభ 1915లో ఏర్పడింది.
 
  ‘తీన్‌కథియా పన్ను’కు వ్యతిరేకంగా చంపారన్(బీహార్) రైతులు చేస్తున్న పోరాటానికి మద్దతుగా గాంధీ 1917లో సత్యాగ్రహ పోరాటం చేసి విజయం సాధించారు.
  1918లో అహ్మదాబాద్‌లో నూలు మిల్లు కా ర్మికుల వేతనాల పెంపునకు చేస్తున్న పోరాటానికి గాంధీ నాయకత్వం వహించారు.
  గుజరాత్‌లో ‘కైరా’ ప్రాంత రైతులు పంటలు పండలేని కారణంగా శిస్తు కట్టడాన్ని మాఫీ చేయాలని పోరాటం చేశారు. వారి తరఫున గాంధీ సత్యాగ్రహం చేసి బ్రిటిషర్లను ఒప్పించారు.
 ‘సత్యాగ్రహం’ అంటే నిజాన్ని అంటిపెట్టుకొని ఉండటం.
  1919లో రౌలత్ చట్టాన్ని చేశారు. దీని ప్రకారం బ్రిటిష్ ప్రభుత్వం ఏ భారతీయుడినైనా, ఎక్కడైనా, ఎప్పుడైనా కారణం చెప్పకుండా అరెస్ట్ చేసి జైల్లో పెట్టొచ్చు.
  రౌలత్ చట్టాన్ని భారతీయులు నల్ల చట్టంగా పేర్కొన్నారు. ఈ చట్టానికి నిరసనగా 1919 ఏప్రిల్ 6న దేశ వ్యాప్తంగా ‘జాతిని అవమానించిన దినం’గా పాటించి నిరసన తెలియజేయాలని  గాంధీజీ పిలుపునిచ్చారు.
  రౌలత్ చట్టానికి, సత్యపాల్, సైఫుద్దీన్ కిచ్లూ అరెస్ట్‌లకు నిరసనగా ప్రజలు అమృత్‌సర్‌లోని జలియన్ వాలాబాగ్ అనే తోటలో 1919 ఏప్రిల్ 13న సమావేశమయ్యారు.
  ఆంగ్లేయాధికారి  మైకేల్ ఓ డయ్యర్ ఎలాంటి హెచ్చరికలు లేకుండానే అక్కడి ప్రజలపై కాల్పులు జరిపించాడు. ఈ దురంతానికి నిరసనగా రవీంద్రనాథ్ ఠాగూర్ తనకు బ్రిటిషర్లు  ఇచ్చిన బిరుదును త్యజించాడు.
  మొదటి ప్రపంచ యుద్ధంలో టర్కీ ఓడిపోయిన కారణంగా బ్రిటిషర్లు టర్కీ సుల్తాన్ ఖలీఫా పదవిని రద్దు చేశారు. దాన్ని పునరుద్ధరించాలనే డిమాండ్‌తో భారతదేశంలో ఖిలాఫత్ ఉద్యమం ప్రారంభమైంది.
      ఖిలాఫత్ ఉద్యమానికి నాయకత్వం వహించిన ముఖ్య నాయకులు: అబుల్ కలామ్ ఆజాద్, హజ్రత్ మెహనీ.
      జాతీయోద్యమ కాలంలో  అక్టోబరు 17న ‘ఆల్ ఇండియా ఖిలాఫత్ డే’ను  నిర్వహిం చేవారు.
      నాగ్‌పూర్ సమావేశం (1920)లో సహాయనిరాకరణోద్యమం చేపట్టాలని  భారత జాతీయ కాంగ్రెస్ నిర్ణయించింది. దీనికి గాంధీజీ అధ్యక్షత వహించారు.
 
 సహాయనిరాకరణోద్యమం ముఖ్య కార్యక్రమాలు: బ్రిటిషర్లు ఇచ్చిన బిరుదులను త్యజించడం; బ్రిటిషర్ల విద్యాలయాలు, న్యాయస్థానాలను బహిష్కరించడం; ప్రభు త్వ ఉద్యోగాలకు రాజీనామా చేయడం.
 
      సహాయనిరాకరణోద్యమంలో భాగంగా గాంధీజీ బ్రిటిషర్లు తనకిచ్చిన ‘కైజర్-ఎ-హింద్’ బిరుదును త్యజించారు.
      కేరళలో మోప్లా తిరుగుబాటు జరిగింది.
 
 ఫిబ్రవరి 5, 1922లో చౌరీచౌరా సంఘటన(ఉత్తరప్రదేశ్)  జరిగింది. దీంతో గాంధీజీ సహాయనిరాకరణోద్యమాన్ని అర్ధాంతరంగా నిలిపివేశారు.
 
      1923లో స్వరాజ్యపార్టీ స్థాపించారు.
      1919 చట్టం సంస్కరణలను మాంటేగ్-ఛెమ్స్‌ఫర్‌‌డ సంస్కరణలుగా పిలుస్తారు.
  సహాయనిరాకరణోద్యమం ఆగిపోయిన తర్వాత కూడా శాసనసభ బహిష్కారాన్ని కొనసాగించాలని సి. రాజగోపాలచారి పట్టుబట్టారు.
  సి. రాజగోపాలచారి నిర్ణయాన్ని వ్యతిరేకించిన  వారు భారత జాతీయ కాంగ్రెస్‌లో అంతర్భాగంగా కాంగ్రెస్ ఖిలాఫత్ స్వరాజ్య పార్టీని స్థాపించారు.
 కాంగ్రెస్ ఖిలాఫత్ స్వరాజ్య పార్టీని ‘స్వరాజ్య పార్టీ’గా పిలుస్తారు. దీనికి అధ్యక్షులుగా చిత్తరంజన్‌దాస్, కార్యదర్శిగా మోతీలాల్ నెహ్రూ వ్యవహరించారు.
 
      సచిన్ సన్యాల్, జోగేష్ ఛటర్జీ
      ‘హిందూస్థాన్ రిపబ్లిక్ అసోసియేషన్’ను స్థాపించారు.
      రాంప్రసాద్ బిస్మల్(ఉత్తర ప్రదేశ్) కాకోరి కుట్ర కేసులో ప్రధాన నిందితుడు.
      కాకోరి కుట్ర కేసు నుంచి తప్పించుకున్న ప్రముఖ విప్లవకారుడు చంద్రశేఖర్ ఆజాద్.
  హిందూస్థాన్ సోషలిస్ట్ రిపబ్లికన్ ఆర్మీని 1928లో స్థాపించారు. దీనిలో చంద్రశేఖర్ ఆజాద్, భగత్‌సింగ్ ముఖ్య నాయకులు.
  1919 చట్టం సంస్కరణల అమలును అధ్యయనం చేయడానికి సైమన్ అనే ఆంగ్లేయాధికారి అధ్యక్షతన ఒక కమిషన్‌ను 1927లో వేశారు. భారతీయులు సభ్యులుగా లేనందున ప్రజలు ఆ కమిషన్‌ను బహిష్కరించారు.
 
  సైమన్ కమిషన్ ‘లాహోరు’కు వచ్చినప్పుడు ‘సైమన్ గో బ్యాక్’ నిరసనలో సాండర్సు అనే పోలీస్ లాఠీ దెబ్బలతో లాలాలజపతిరాయ్ మరణించాడు.
      సాండర్‌‌సను భగత్‌సింగ్ హత్య చేసి లాహోర్ కుట్ర కేసులో ప్రధాన దోషి అయ్యాడు.
  భగత్‌సింగ్, బతుకేశ్వర్ దత్‌లు న్యూఢిల్లీలోని అసెంబ్లీలో ఏప్రిల్ 8, 1929లో బాంబు దాడి చేశారు. ఆ సమయంలోనే భగత్‌సింగ్ ‘ఇంక్విలాబ్ జిందాబాద్’ అని నినదించాడు.
      సైమన్ కమిషన్ తొలిసారిగా భారతదేశాన్ని (బొంబాయి) ఫిబ్రవరి 3, 1928న సందర్శించింది.
      1930 నుంచి ఏటా జనవరి 26న స్వాతంత్య్ర దినోత్సవం జరుపుకోవాలని కాంగ్రెస్ నిర్ణయించింది.
  గాంధీజీ ‘దండియాత్ర’ను 1930 మార్చి 12న ప్రారంభించారు. దీన్ని సబర్మతి ఆశ్రమం (అహ్మదాబాద్)  నుంచి ప్రారంభించారు.
 గాంధీజీ 1930 ఏప్రిల్ 6న  దండి గ్రామం చేరుకున్నారు. అదే రోజున ఉప్పు శాసనాలను ఉల్లంఘించి ఉప్పు సత్యాగ్రహాన్ని ప్రారంభించారు. శాసనోల్లంఘన ఉద్యమాన్ని కూడా అదే రోజున ప్రారంభించారు.
 
      రాజగోపాలచారి దక్షిణ భారతదేశంలో తిరుచినాపల్లి నుంచి వేదారణ్యం వరకు ఉప్పుసత్యాగ్రహ యాత్ర చేశారు.
      ఖాన్ అబ్దుల్ గఫార్ ఖాన్ శాసనోల్లంఘనోద్యమాన్ని ‘పెషావర్’ (వాయువ్య సరిహద్దు రాష్ర్టం)లో విజయవంతంగా నడిపారు.
  సైమన్ కమిషన్ సూచించిన అంశాలను పరిశీలించడానికి బ్రిటిష్ ప్రభుత్వం 1930 లో అఖిలపక్ష సమావేశాన్ని లండన్‌లో రౌండ్‌టేబుల్ సమావేశాలుగా నిర్వహించాలని నిర్ణయించింది.
      భారత జాతీయ కాంగ్రెస్ బహిష్కరించడం వల్ల    మొదటి రౌండ్ టేబుల్ సమావేశం(1930) విఫలమైంది.
  2వ రౌండ్ టేబుల్ సమావేశానికి(1931) హాజరయ్యేటట్లు అప్పటి వైస్రాయ్ ఇర్విన్  గాంధీతో ఒప్పందం చేసుకున్నాడు.
 
 గాంధీ-ఇర్విన్ ఒప్పందంలో భాగంగా గాంధీ శాసనోల్లంఘనోద్యమాన్ని నిలిపివేశారు. రెండో రౌండ్ టేబుల్ సమావేశంలో పాల్గొన్న ‘గాంధీ’ అభిప్రాయాలను బ్రిటిషర్లు అంగీకరించలేదు. దాంతో గాంధీ ఇండియాకు తిరిగివచ్చి శాసనోల్లంఘనోద్యమాన్ని పునరుద్ధరించారు.
 
      3వ రౌండ్ టేబుల్ సమావేశాన్ని కూడా కాంగ్రెస్ బహిష్కరించింది.
      1932లో సిక్కులకు కూడా ప్రత్యేక నియోజక వర్గాలు ఏర్పాటు చేశారు.
      అన్ని రౌండ్‌టేబుల్ సమావేశాలకు బి.ఆర్. అంబేద్కర్ హాజరయ్యారు.
      అస్పృశ్యతా నివారణ సంఘాన్ని  గాంధీజీ  స్థాపించారు.
 
      అస్పృశ్యులను గాంధీజీ ‘హరిజనులు’ అని (భగవంతుని ప్రజలు) పిలిచారు. హరిజన్ అనే పత్రికను నడిపారు.
      కాంగ్రెస్‌లో భాగంగా జవహర్‌లాల్ నెహ్రూ 1934లో ‘కాంగ్రెస్ సోషలిస్ట్ పార్టీ’ని ఏర్పాటు చేశారు.
      అణచివేతకు గురైన జాతుల మహాసభ 1927లో ‘బ్రస్సెల్స్’(బెల్జియం)లో జరిగింది. ఆ సమావేశానికి జవహర్‌లాల్ నెహ్రూ హాజరయ్యారు.
      స్వాతంత్య్రానికి పూర్వం భారతదేశంలో 562 స్వదేశీ సంస్థానాలుండేవి.
      స్వదేశీ సంస్థానాల్లోని ప్రజలు తమ హక్కుల కోసం, స్వాతంత్య్రం కోసం ఏర్పాటు చేసుకున్న సంస్థలన్నీ కలిసి
  1927లో ‘ఆల్ ఇండియా స్టేట్స్ పీపుల్స్ కాన్ఫరెన్‌‌స’ను నెలకొల్పారు. దానికి బల్వంత్‌రాయ్ మెహతా సెక్రటరీగా ఉండేవారు. 1939లో ఈ సంస్థకు జవహర్‌లాల్ నెహ్రూ అధ్యక్షునిగా ఎన్నికయ్యారు.
      1935 చట్టం ద్వారా రాష్ట్రాల్లో స్వయం పాలనను అనుమతించారు.
  గాంధీజీ రూపొందించిన నూతన విద్యా విధానాన్ని ‘బేసిక్ విద్య’ అంటారు. ఇందులో ఏదో ఒక వృత్తి విద్య ఉంటుంది.
  1940లో అబుల్ కలామ్ ఆజాద్ అధ్యక్షతన జరిగిన ‘రామ్‌ఘర్’ కాంగ్రెస్ సమావేశంలో ‘వ్యక్తిగత సత్యాగ్రహాలు’ చేయాలని నిర్ణయించారు.
  వ్యక్తి సత్యాగహం అంటే సత్యాగ్రహులు బహిరంగ ప్రదేశంలో బ్రిటిషర్లపై వ్యతిరేక ప్రసంగం చేసి స్వచ్ఛందంగా అరెస్ట్ అవడం. మొదటి వ్యక్తిగత సత్యాగ్రాహి ఆచార్య వినోబాభావే.
  రెండో ప్రపంచ యుద్ధంలో బ్రిటిషర్లకు భారతీయులు సహకారం అందించాలని  బ్రిటిష్ మంత్రి ‘సర్ స్టాఫర్‌‌డ క్రిప్స్’ భారతీయులతో రాయబారం జరిపాడు.
  1942 బొంబాయిలో జరిగిన కాంగ్రెస్ వార్షిక సమావేశంలో ‘క్విట్ ఇండియా ఉద్యమం’ ప్రారంభించాలని నిర్ణయించారు.
      క్విట్ ఇండియా ఉద్యమంలో భాగంగా గాంధీజీ ‘సాధించు లేదా మరణించు’ (ఈౌ ౌట ఈజ్ఛీ) అని నినదించారు.
      క్విట్ ఇండియా ఉద్యమంలో ముఖ్యులైన నాయకులందరూ నిర్బంధంలో ఉండగా జయప్రకాశ్‌నారాయణ్, అరుణాఅసఫాలీ, ఎస్.ఎం. జోషి,  రామ్ మనోహర్ లోహియా ఉద్యమానికి నాయకత్వం వహించారు.
  రాస్‌బీహారీబోస్ ‘ఇండియన్ ఇండిపెండెన్‌‌స లీగ్’ను ఏర్పాటు చేశాడు. ఈ లీగ్ భారతీయ సైనికుడైన మోహన్‌సింగ్ ఆధ్వర్యంలో ‘ఇండియన్ నేషనల్ ఆర్మీ’ (ఆజాద్ హింద్ ఫౌజ్)ని ఏర్పాటు చేసింది.
  సుభాష్‌చంద్రబోస్ ‘ఇండియన్ నేషనల్ ఆ ర్మీ’లో చేరి పటిష్ట పరిచారు. ఆయన 1943 అక్టోబరు 21న సింగపూర్‌లో భారతదేశ తాత్కాలిక ప్రభుత్వాన్ని ఏర్పాటు చేశాడు.
  స్వాతంత్య్రం ఇవ్వడానికి బ్రిటిష్ ప్రభుత్వం 1946లో భారత్‌కు ముగ్గురు సభ్యులతో కూడిన ‘కేబినెట్ మిషన్’ను పంపింది.
      కేబినెట్ మిషన్‌లో సభ్యులు: పెథిక్ లారెన్‌‌స (భారత వ్యవహారాల మంత్రి), సర్ స్టాఫర్‌‌డ క్రిప్స్, ఎ.వి. అలెగ్జాండర్.
      ముస్లింలకు ప్రత్యేకంగా పాకిస్థాన్ దేశాన్ని ఏర్పాటు చేయాలని మహ్మదాలీ జిన్నా (ముస్లిం లీగ్) పట్టు పట్టాడు.
      వైస్రాయ్ వేవెల్ భారతదేశంలో తాత్కాలిక ప్రభుత్వాన్ని ఏర్పాటు చేయాలని  నెహ్రూ, జిన్నాలను కోరారు. జిన్నా తిరస్కరించారు.
      రాజ్యాంగ సభకు 1946 జూలైలో ఎన్నికలు నిర్వహించారు.
      పాకిస్థాన్ విభజనకు గవర్నర్ జనరల్ మౌంట్‌బాటన్ 1947 మార్చిలో ప్రణాళికను రూపొందించాడు.


  సంపన్నమైన భారత భౌగోళిక నైసర్గిక వ్యవస్థకు  మూలం, బలం ఇక్కడి శీతోష్ణస్థితి పరిస్థితులు. మానవ మనుగడకు కావాల్సిన అన్ని అవసరాలు తీర్చడంలో ప్రముఖ పాత్ర వహించే వాతావరణ స్థితిగతులపై శీతోష్ణస్థితి ప్రభావం అధికంగా ఉంటుంది. విశాల భారతదేశంలోని వివిధ ప్రాంతాల్లో రకరకాల ఉష్ణోగ్రతలు, వర్షపాత విస్తరణలు నెలకొని ఉన్నాయి. అవి కూడా స్థిరంగా ఉండకుండా మార్పులకు లోనవుతున్నాయి.
  
  భారతదేశ శీతోష్ణస్థితి
  మన దేశ శీతోష్ణస్థితిని ‘ఉష్ణమండల రుతుపవన శీతోష్ణస్థితి’గా పిలుస్తారు. ‘రుతువు’ను ఆంగ్లంలో ‘మాన్‌సూన్’ అంటారు. ఇది ‘మౌసమ్’ అనే అరబిక్ పదం నుంచి వచ్చింది. దేశం మొత్తం మీద ఒకే రకమైన రుతుపవన శీతోష్ణస్థితి ఉన్నప్పటికీ ఉష్ణోగ్రత, వర్షపాతం, పవనాలు, ఆర్ధ్రత, పీడన మేఖలలు విభిన్నంగా ఉన్నాయి.
 
  రాజస్థాన్‌లో ఉష్ణోగ్రత అత్యధికంగా 50C (జూన్‌లో), కార్గిల్ సమీపంలోని డ్రాస్ వద్ద అత్యల్ప ఉష్ణోగ్రత-40C (డిసెంబర్‌లో) నమోదైంది. మాసిన్‌రామ్ (మేఘాలయ)లో అత్యధిక వర్షపాతం 1141 సెం.మీ. అయితే జైసల్మీర్ (రాజస్థాన్)లో అత్యల్ప వర్షపాతం 12 సెం.మీ. నమోదవుతుంది. మన దేశ వాతావరణాన్ని నాలుగు రుతువులుగా (కాలాలుగా) విభజించారు. అవి..
  1. శీతాకాలం                2. వేసవికాలం    3. నైరుతి రుతుపవన కాలం
  4. ఈశాన్య రుతుపవన కాలం
  రుతుపవనాలు
  ఉష్ణోగ్రతల్లోని వైవిధ్యం, అంతర ఆయనరేఖా అభిసరణ స్థానం, ట్రోపో ఆవరణం పైభాగంలో వాయుప్రసరణం లాంటి అనేక కారణాల వల్ల ‘రుతుపవనాలు’ ఏర్పడుతున్నాయి.
 
  భారత ఉపఖండం, హిందూ మహాసముద్రాల మధ్య రుతువులను (కాలం) అనుసరించి పవనాలు వీయడాన్ని, వెనుకకు మరలడాన్ని ‘రుతుపవనాలు’ అంటారు. ఈ పవనాల దిశను బట్టి రెండు రకాల రుతుపవన కాలాలుగా గుర్తించారు. అవి...
  నైరుతి రుతుపవనాలు: (జూన్ మధ్య నుంచి సెప్టెంబర్ వరకు వీస్తాయి)
  వేసవిలో భారత భూభాగంపై తీవ్రమైన అల్ప పీడన వ్యవస్థ ఏర్పడుతుంది. అదే సమయంలో సముద్ర ప్రాంతంలో అధిక పీడనం ఏర్పడుతుంది. ఈ అధిక పీడన ప్రాంతం నుంచి అల్ప పీడన ప్రాంతం వైపు వీచే గాలులను నైరుతి రుతుపవనాలుగా పిలుస్తారు. ఇవి భారతదేశ నైరుతి దిశగా మొదట కేరళ తీరంలో ప్రవేశిస్తాయి. మలబార్ తీరంలో (కేరళ) అధిక వర్షాలకు ఇవే కారణం.
  ఈశాన్య రుతుపవనాలు: (సెప్టెంబరు మధ్య నుంచి డిసెంబరు  మధ్య వరకు వీస్తాయి)
  శీతాకాలంలో సముద్ర భాగంపై అల్పపీడనం ఏర్పడటం వల్ల ఈ పవనాలు భూభాగం నుంచి సముద్రాల వైపు ఈశాన్య దిశ నుంచి వీస్తాయి. నైరుతి రుతుపవనాలే ఉత్తర భారతదేశంలో తిరోగమనం చెంది ఈశాన్య రుతుపవనాలుగా మారుతాయి. అందుకే వీటిని తిరోగమన రుతుపవనాలుగా కూడా పిలుస్తారు. ఇవి మొదట పంజాబ్‌లో ప్రవేశిస్తాయి. ఈ కాలంలో తుఫాన్లు అధికంగా వస్తాయి.
 
  రుతుపవనారంభం
   వేసవికాలంలో భారత భూభాగంపై ఏర్పడిన అల్పపీడన వ్యవస్థ, భూమధ్యరేఖా ప్రాంతపు తేమతో కూడిన పవనాలను హిందూ మహాసముద్రం ఆకర్షిస్తుంది. ఈ సముద్ర ప్రభావిత గాలుల వల్ల ఉరుములు, మెరుపులు సంభవించిన తర్వాత అకస్మాత్తుగా వర్షం కురుస్తుంది. దీన్నే ‘రుతుపవనారంభం’ అంటారు. ఇది మొదటగా కేరళ తీరంలో ప్రారంభ మవుతుంది.
 
  వర్షపాత విస్తరణ- సమస్యలు
  దేశమంతా (తమిళనాడు తీరం మినహా) నైరుతి రుతుపవనాల వల్లే అధిక వర్షం కురుస్తుంది. తమిళనాడు తీరంలో మాత్రం ఈశాన్య రుతుపవనాల వల్ల అధిక వర్షం పడుతుంది. దేశంలోని వర్షపాత విస్తరణను గమనిస్తే పశ్చిమబెంగాల్, ఒడిశా తీరాల నుంచి పశ్చిమంగా, వాయవ్యంగా పోయేకొద్దీ వర్షపాతం తగ్గుతుంది. దక్షిణాన పశ్చిమ, తూర్పు తీరాల నుంచి దక్కన్ పీఠభూమి అంతర్భాగాల వైపు వెళ్తూ ఉంటే వర్షపాతం తగ్గుతుంది.
 
  వర్షపాత విస్తరణలో ఈ విధమైన అనిశ్చితి, క్రమరహిత, అధిక వైవిధ్యత, అసమానతల వల్ల వ్యవసాయాభివృద్ధి కుంటుపడుతోంది. వర్షపాతంలోని తీవ్రతల వల్ల అతివృష్టి (వరదలు), అనావృష్టి (కరువులు) ఏర్పడుతున్నాయి. ఈ కారణాల వల్లే ‘భారతీయ వ్యవసాయం అంటే రుతుపవనాలతో జూదం’ అనే నానుడి వచ్చింది.
 
  కరువు - తీవ్రమైన కరువు
  భారత వాతావరణ విభాగం ప్రకారం సామాన్య వర్షపాతంలో 75 శాతం కంటే తక్కువ కురిసిన స్థితిని ‘కరువు’ అనీ, 50 శాతం కంటే తక్కువ వర్షపాతం ఉండే స్థితిని ‘తీవ్రమైన కరువు’ అని పిలుస్తారు. కరువు నష్టాల నియంత్రణకు ప్రభుత్వం ‘కరువుకు గురయ్యే ప్రాంతాల ప్రణాళిక’ (drought prone area plan) ను 1973లో రూపొందించింది.


 1.    నీటిసరఫరాను  ఏ రంగంలో భాగంగా పరిగణిస్తారు?
        ద్వితీయ రంగం (తయారీ, నిర్మాణం, విద్యుత్, చమురు రంగాలను కూడా ద్వితీయ రంగాల్లో భాగంగానే పరిగణిస్తారు)
  2.    గర్బిణులు,బాలింతలకు పోషకాహార పంపిణీ, సంరక్షణ  కోసం డిసెంబర్ 4, 2012న ప్రారంభించిన పథకం?
        అమృతహస్తం
  3.    నూతన వ్యవసాయ అభివృద్ధి వ్యూహంలో కన్పించే మార్పులు?
        1. జీవశాస్త్ర  2. రసాయనిక  
      3. యాంత్రిక
  4.    రైతుల జీవన స్థితిగతులను మెరుగుపర్చడానికి అక్టోబరు 4, 2006న  జాతీయ రైతు కమిషన్‌ను కేంద్ర ప్రభుత్వం ఎవరి అధ్యక్షతన ఏర్పాటు చేసింది?
        ఎం.ఎస్. స్వామినాథన్
  5.    లాభదాయక వ్యవసాయం కోసం సలహాలు, సూచనలు ఇచ్చేందుకు రాష్ర్ట ప్రభుత్వం ఏర్పాటు చేసిన కమిటీ?
        జయతీఘోష్
  6.    రైతుల ఆత్మహత్యలపై   అధ్యయనం చేసి, వాటి నివారణకు తగిన సలహాలు, సూచనలు ఇచ్చేందుకు రాష్ర్ట ప్రభుత్వం ఏర్పాటు చేసిన కమిషన్?
        రామచెన్నారెడ్డి కమిషన్
  7.    1983లో ఏపీలో నిమ్న జాతుల అభివృద్ధి కోసం ఎన్టీయార్ ‘15 సూత్రాల ప్రగతి పథకాలు’ ప్రవేశపెట్టారు. దీనిలోని ముఖ్యాంశాలు?
        1. కిలో రెండు రూపాయల బియ్యం 2. నిరుపేదలకు జనతా వస్త్రాల పంపిణీ 3. బడిపిల్లలకు మధ్యాహ్న భోజన
          పథకం
       4. వితంతువులకు పింఛన్లు
  8.    భూగర్భ జల మట్టాన్ని పెంచడంతోపాటు వృథా నీటిని నిలువ చేయాలనే ఉద్దేశంతో 1997, డిసెంబర్‌లో ఏ రాష్ట్రాన్ని ఆదర్శంగా తీసుకుని  వాటర్‌షెడ్ పథకాన్ని ప్రారంభించారు?
        మహారాష్ర్ట
  9.    భారతదేశంలో  నక్సలైట్ల  ప్రభావం అధికంగా ఉన్న ప్రాంతాల్లో యువతకు ఉద్యోగ కల్పన కోసం కేంద్ర ప్రభుత్వం ప్రకటించిన పథకం?
        రోష్నీ (జూన్ 7, 2013)
  10.    పత్తి పరిశోధన కేంద్రం ఎక్కడుంది?
        నంద్యాల  (కర్నూల్ జిల్లా)
  11.     మిర్చి పరిశోధన  కేంద్రం ఎక్కడుంది?
        లాం (గుంటూరు జిల్లా)
  12. 1929లో బాల్య వివాహాల నిరోధక చట్టం (దీన్నే శారదా చట్టం అంటారు)  చేశారు. ఈ చట్టం స్థానంలో  బాల్య వివాహాల నిషేధ చట్టాన్ని కేంద్ర ప్రభుత్వం  ఎప్పుడు తీసుకువచ్చింది?
        2006 (2007 నుంచి అమల్లోకి వచ్చింది)
  13    స్థానిక సంస్థల్లో మహిళలకు 50 శాతం రిజర్వేషన్లు కల్పించిన మొదటి రాష్ర్టం?
        బీహార్
  14.    నిర్బంధ ప్రాథమిక విద్యను సూచించే అధికరణలు ఏవి?
        21(ఎ), 45, 51(ఎ) (ప్రాథమిక హక్కులు, ప్రాథమిక విధులు, ఆదేశిక సూత్రాల్లో నిర్బంధ విద్య గురించి పేర్కొన్నారు)
  15.     అక్టోబరు 29, 2013న కేంద్ర ఆహార శాఖ మంత్రి కె.వి. థామస్ లక్షిత ప్రజాపంపిణీ వ్యవస్థ (టీపీడీఎస్) పేరును ఏ విధంగా మార్చారు?
        ఇందిరమ్మ అన్న యోజన
  16.    ఐదేళ్లలో మురికివాడలు లేని భారతదేశాన్ని రూపొందించడానికి 2012లో ఏర్పాటు చేసిన పథకం?
        ఆర్‌ఏవై - రాజీవ్ ఆవాస్ యోజన
  17.    రాజ్యాంగంలో 40వ అధికరణం గ్రామ పంచాయతీల ఏర్పాటు గురించి తెలుపుతోంది. ఐతే స్థానిక స్వపరిపాలనా సంస్థల గురించి వివరించే భాగం?
       4వ భాగం
  18.    {V>-Ð]l$-çసభకు ప్రాధాన్యత కల్పించడం, న్యాయ పంచాయతీ విధానం ఏర్పాటు, పంచాయతీరాజ్ సంస్థలకు రాజ్యాంగ హోదా కల్పించడం గురించి సిఫారసు చేసిన కమిటీ?
        ఎల్.ఎం.సింఘ్వీ కమిటీ (1986)
  19.    {పాంతీయ ఆచారాలు, సంస్కృతిని దృష్టిలో ఉంచుకొని ఏయే రాష్ట్రాల్లో ప్రత్యేక పంచాయతీ రాజ్ సంస్థలను ఏర్పాటు చేశారు?
        నాగాలాండ్, మణిపూర్, మిజోరామ్, మేఘాలయ, అరుణాచల్ ప్రదేశ్
  20.    ఏపీలో దారిద్య్ర రేఖకు దిగువనున్న వారి శాతం?
        15.8 శాతం
  21.    2011-12 నాటికి దేశంలోని పేదల శాతం ఎంత?
        21.9 శాతం (26.93 కోట్లు)
  22.    {V>-Ò$× ప్రాంతంలో ఎంతశాతం ప్రజలు పేదరికంలో మగ్గుతున్నారు?
        25.7 శాతం
  23.    పట్టణ ప్రాంతంలో ఎంతశాతం ప్రజలు పేదరికంలో మగ్గుతున్నారు?
        13.7 శాతం
  24.    2015 నాటికి  పేదరికం  ఎంత శాతం తగ్గుతుందని అంచనా వేశారు?
        22 శాతం
  25.    భారతదేశంలో అత్యధిక పేదరికంలో ఉన్న రాష్ట్రాలు?
        ఒడిశా, బీహార్, చత్తీస్‌ఘడ్
  26.    పేదరికం అంచనాల్లో ఆంధ్రప్రదేశ్ ఎన్నో స్థానంలో ఉంది?
        21వ స్థానం (15.79శాతం)
  27.    15 నుంచి 60  ఏళ్ల మధ్య వయసున్న వారిని  ఏమంటారు?
        ఉత్పాదక వయోవర్గం
  28.    {శామికుల పెరుగుదల రేటు కంటే ఉద్యోగావకాశాల పెరుగుదల రేటు తక్కువగా ఉండటాన్ని ఏమంటారు?
        వ్యవస్థాపూర్వక నిరుద్యోగిత
  29.    వ్యవసాయ రంగంలో కొన్ని నెలలపాటు శ్రామికులకు పని ఉండి, మరికొన్ని నెలలు నిరుద్యోగులుగా ఉండటాన్ని ఏమంటారు?
        కాలిక నిరుద్యోగిత/ రుతు సంబంధిత నిరుద్యోగిత
  30.    ఉత్పాదక వయోవర్గంలో అధిక జనాభాను కలిగిన జిల్లా?
        తూర్పు గోదావరి (61.93 శాతం)
  31.    జాతీయ ఆహార భద్రతా మిషన్ (ఎన్‌ఎఫ్‌ఎస్‌ఎం)ను ఎప్పుడు ప్రారంభించారు?
        ఆగస్టు  2007
  32.    జూలై 12,1982న శివరామన్ కమిటీ సిఫారసుల మేరకు నాబార్‌‌డను ఎవరు ఏర్పాటు చేశారు?
        ఆర్‌బీఐ, కేంద్ర ప్రభుత్వం సంయుక్తంగా
  33.    అవినీతి అధికంగా ఉన్న దేశాల్లో భారతదేశం ఒకటని పేర్కొన్న సంస్థ?
        {sాన్‌‌సపరెన్సీ ఇంటర్నేషనల్
  34.    అవినీతి అధికంగా ఉన్న దేశాల్లో భారత్ స్థానం?
        94వ స్థానం
  35.    కేంద్ర నిఘా కమిషన్ మాజీ అధిపతి ఎన్. విఠల్ ప్రకారం భారతదేశంలో స్థూల జాతీయోత్పత్తిలో ఎంత శాతం అవినీతి చోటు చేసుకుంది?
        40 శాతం
  36.    {పపంచీకరణ, సరళీకరణ, ప్రైవేటీకరణలకు శ్రీకారం చుట్టిన ప్రధాన మంత్రి?
        పి.వి.నరసింహారావు (1990)
  37.    అవినీతి నిరోధక చట్టాన్ని భారత ప్రభుత్వం ఏ సంవత్సరంలో రూపొందించింది?
        1947
  38.    అవినీతి నివారణకు తొలిసారిగా పరిపాలన సంస్కరణలను సూచించడానికి వేసిన కమిటీ?
        కె. సంతానం
  39.    భారతదేశంలో తొలిసారి నక్సలిజం ప్రారంభమైన రాష్ర్టం?
        పశ్చిమ బెంగాల్
  40.    హార్టికల్చర్ రంగం అభివృద్ధికి(పరిశోధన, ఉత్పత్తి, మార్కెటింగ్) 2005 మేలో నియమించిన మిషన్?
        నేషనల్ హార్టికల్చర్ మిషన్
  41.    పట్టణ ప్రాంతంలో ఒక వ్యక్తి  సగటున రోజూ తీసుకునే ఆహారంలో ఉండాల్సిన కనీస క్యాలరీలు?
        2100
  42.    {V>-Ò$× ప్రాంతంలో ఒక వ్యక్తి సగటున రోజూ తీసుకునే ఆహారంలో ఉండాల్సిన క్యాలరీలు?
        2400
  43.    {పధానమంత్రి గ్రామోదయ యోజన(పీఎంజీవై)  ముఖ్య లక్ష్యం?
        ప్రాథమిక విద్య, ఆరోగ్యం, గృహ నిర్మాణం, రహదారుల నిర్మాణం, తాగునీరు
  44. ఎస్‌ఐటీఆర్‌ఏ(సిట్రా) ఉద్దేశం?
        గ్రామీణ ప్రాంతాల్లోని చేతి వృత్తిదారులకు ఆధునిక పనిముట్ల సరఫరా
  45.    డ్వాక్రా ఒక?
        గ్రామీణ ప్రాంతాల్లో మహిళా, శిశు అభివృద్ధి పథకం
  46.    సుఖీభవ పథకం దేనికి ఉద్దేశించింది?
        ఆడశిశువుల సంక్షేమం
  47.    ఆంధ్రాప్రాంతంలో ఇనాందార్లను ఏమని పిలిచేవారు?
        మొఘసా
  48.    ఆంధ్ర కౌలుదారుల చట్టాన్ని  ఎప్పుడు చేశారు?
        1956
  49.    హైదరాబాద్ (తెలంగాణ) కౌలు వ్యవసాయ భూముల చట్టాన్ని  ఎప్పుడు చేశారు?
        1950
  50.    రక్షిత కౌలుదారులుగా ఎవరిని పేర్కొంటారు?
        ఆరేళ్లు కౌలుదారులుగా ఉన్నవారిని
  51.    ఆంధ్రరాష్ర్ట రైతుసంఘం  ఎప్పుడు ఏర్పడింది?
        1928లో
  52.    అఖిల భారత కిసాన్ సభను  ఎప్పుడు ఏర్పాటు చేశారు?
        1936లో
  53.    మనదేశంలో అత్యధిక సగటు భూకమతం కలిగిన రాష్ట్రాలు వరుసగా రాజస్థాన్, పంజాబ్ కాగా, అతి తక్కువ కలిగిన రాష్ర్టం?
        కేరళ
  54.    భూ సంస్కరణల అంతిమ లక్ష్యం ఏమిటి?
        సామాజిక న్యాయం సాధించడం
  55.    ఏపీలో భూగరిష్ఠ పరిమితి చట్టాలు ఏవి?
   1) ఆంధ్రప్రదేశ్ భూగరిష్ఠ పరిమితి చట్టం-1(1961)
       2) ఆంధ్రప్రదేశ్ భూగరిష్ఠ పరిమితి చట్టం  
          - 2 (1973)
  56.    ఆంధ్రప్రదేశ్ ప్రభుత్వం బ్లాకులను పునర్ వ్యవస్థీకరించే విషయంలో పరిశీలన కోసం వేసిన కమిటీ?
        పాయ్ కమిటీ
  57.    ఆంధ్రప్రదేశ్ పంచాయతీరాజ్ చట్టం సెక్షన్ 6 ప్రకారం  గ్రామసభను ఎప్పుడు ఏర్పాటు చేశారు?
        1994
  58.    ఏ రాజ్యాంగ సవరణ ద్వారా గ్రామసభకు  అధిక ప్రాధాన్యం కల్పించారు?
        73వ
  59.    సమాజాభివృద్ధి పథకం (సీడీపీ)ని ఎప్పుడు ప్రారంభించారు?
        అక్టోబరు 2, 1952
  60.    సమాజం తనంతట తాను స్వయంశక్తిపై ఆధారపడి అభివృద్ధి చెందడం ఏ పథకం ముఖ్య లక్షణం?
        సమాజాభివృద్ధి పథకం
  61.    ఎడారి ప్రాంత అభివృద్ధి పథకాన్ని  ఎప్పుడు ప్రారంభించారు?
        1977