వయసు పెరుగుతున్నకొద్దీ మరింత మెరుగ్గా ఆడుతూ... మహిళల టెన్నిస్‌లో కొత్త శిఖరాలను అందుకుంటూ సెరెనా విలియమ్స్ ముందుకు సాగిపోతోంది. టాప్ సీడ్ హోదాకు న్యాయం చేస్తూ... ప్రపంచ నంబర్‌వన్ ర్యాంక్ గౌరవాన్ని పెంచుతూ... ఈ అమెరికా స్టార్ తన ఖాతాలో 21వ గ్రాండ్‌స్లామ్ సింగిల్స్ టైటిల్‌ను జమ చేసుకుంది. శనివారం జరిగిన మహిళల సింగిల్స్ ఫైనల్లో సెరెనా 6-4, 6-4తో 20వ సీడ్ గార్బిన్ ముగురుజా (స్పెయిన్)పై గెలిచి ఆరోసారి వింబుల్డన్ చాంపియన్‌గా నిలిచింది.