ఇంటిపై వైఎస్సార్‌సీపీ జెండా ఎగరవేశాడని..

సీఎం చంద్రబాబు నాయుడు సొంత నియోజకవర్గంలో పచ్చతమ్ముళ్లు బరితెగించారు. తన ఇంటిపై వైఎస్సార్‌సీపీ జెండా ఎగరవేశాడని ఓ వైఎస్సార్‌ కాంగ్రెస్‌ పార్టీ సానుభూతిపరుడిపై రెచ్చిపోయి చితక్కొట్టారు. రామకుప్పం మండలం రాజుపేటలో ఈ ఘటన చోటుచేసుకుంది. వైఎస్సార్‌సీపీపై అభిమానంతో ఓ యువకుడు తన ఇంటిపై వైఎస్సార్‌సీపీ జెండాను ఎగరవేశాడు. ఈ విషయాన్ని తెలుసుకున్న స్థానిక టీడీపీ నేత నాగేంద్ర అతని అనుచరులు, వైఎస్సార్‌సీపీ జెండాను ఎలా ఎగరవేస్తారని యువకుడిని హెచ్చరించారు. తనకు దివంగత మహానేత వైఎస్‌ రాజశేఖర రెడ్డి అంటే అభిమానమని, అందుకే జెండాను ఎగరవేశానని చెప్పాడు. ఈ సమాధానానికి రెచ్చిపోయిన పచ్చతమ్ముళ్లు.. ఇష్టారాజ్యంగా దాడి చేసి గాయపరిచారు. అంతటితో ఆగకుండా కుటుంబాన్నే లేపేస్తామని హెచ్చరించారు. దీంతో హడలిపోయిన బాధితుడు పోలీసులకు ఫిర్యాదు చేశాడు.