గ్యాస్‌ లీక్‌ ప్రమాదంపై ప్రముఖుల దిగ్భ్రాంతి..

సాక్షి, హైదరాబాద్‌ : విశాఖపట్నం జిల్లాలో గురువారం తెల్లవారుజామున ఎల్‌జీ పాలిమర్స్‌ పరిశ్రమలో జరిగిన గ్యాస్‌ లీక్‌ ఘటన ప్రతి ఒక్కరిని కలిచివేస్తోంది. ఈ ఘటనకు సంబంధించి పలువురు ప్రముఖులు దిగ్భ్రాంతి వ్యక్తం చేస్తున్నారు. ప్రధాని నరేంద్ర మోదీ, హోం మంత్రి అమిత్‌ షా కూడా ఈ ఘటనపై విచారం వ్యక్తం చేశారు. తెలంగాణ ముఖ్యమంత్రి కేసీఆర్‌ విశాఖ గ్యాస్‌ లీక్‌ ప్రమాదంపై విచారం వ్యక్తం చేశారు. మృతుల కుటుంబాలకు సంతాపం తెలిపారు. (చదవండి : విశాఖ ఎల్‌జీ పాలిమర్స్‌లో భారీ ప్రమాదం)

► విశాఖలో విషవాయువు  స్టెరైన్ బారినపడి ప్రజలు మరణించటం మనసుని కలచివేసింది. మరణించిన వారి కుటుంబాలకు నా ప్రగాఢ సానుభూతి. అస్వస్థతకు గురైన  వారందరు త్వరగా కోలుకోవాలని ప్రార్ధిస్తున్నాను- చిరంజీవి

► ఇలాంటి కష్ట సమయాల్లో విశాఖ గ్యాస్‌ లీక్‌ వార్త వినాల్సి రావడం గుండెను కలిచివేసింది. ఈ ప్రమాదంలో మరణించినవారికి సంతాపం తెలియజేస్తున్నారు. బాధిత కుటుంబాలకు ధైర్యం ప్రసాదించాలని ఆ భగవంతున్ని కోరుకుంటున్నాను. వారి కోసం నేను ప్రార్థిస్తున్నాను. స్టే సేఫ్‌ వైజాగ్‌- మహేష్‌ బాబు

► వైజాగ్‌ గ్యాస్‌ లీక్‌ ఘటన నన్ను షాక్‌కు గురిచేసింది.  అక్కడి దృశ్యాలు తీవ్ర ఆవేదన కలిగించాయి. మృతుల కుటుంబాలకు నా ప్రగాఢ సానుభూతి. గ్యాస్‌ లీక్‌ వల్ల అస్వస్థతకు లోనైనవారు త్వరగా కోలుకోవాలని ప్రార్థిస్తున్నాను. ఇది ఎంత దారుణమైన ఏడాది! - కేటీఆర్‌

► వైజాగ్‌ గ్యాస్‌ లీక్‌ ఘటన నన్ను షాక్‌కు గురిచేసింది. ఆ ప్రాంతంలో ఉన్న కాంగ్రెస్‌ కార్యకర్తలు, నాయకులను బాధితులకు అవసరమైన సాయం అందేలా చూడాలని కోరుతున్నాయి. మృతుల కుటుంబాలకు నా ప్రగాఢ సానుభూతి. ఆస్పత్రుల్లో చికిత్స పొందుతున్నవారు త్వరగా కోలుకోవాలని ప్రార్థిస్తున్నాను - రాహుల్‌ గాంధీ

► వైజాగ్ గ్యాస్‌ లీక్ వార్త నన్ను తీవ్రంగా కలచివేసింది. ప్రభావిత కుటుంబాలకు నా ప్రగాఢ సానుభూతి తెలియజేస్తున్నాను- ఎన్టీఆర్‌

► నా జీవితంలో ఎంతో ప్రత్యేకత కలిగిన ప్రదేశాల్లో ఒకటైన వైజాగ్‌ను ఈ స్థితిలో చూడటం నన్ను కలిచివేసింది.  ఈ ఘోర ప్రమాదం నాకు చాలా బాధ కలిగించింది. మృతుల కుటుంబాలకు నా ప్రగాఢ సానుభూతి. ఈ ప్రమాదం అస్వస్థతకు లోనైనవారు త్వరగా కోలుకోవాలని ప్రార్థిస్తున్నాను.- అల్లు అర్జున్‌

► వైజాగ్‌లో గ్యాస్‌ లీక్‌ వార్త తీవ్రంగా కలిచివేసింది. ఈ ఏడాదిలో రోజురోజుకు పరిస్థితులు దారుణంగా మారుతున్నాయి. మీరు అందరు క్షేమంగా ఉండాలని కోరుకుంటున్నాను -రవితేజ

►మరో విషాదం మనల్ని తాకింది. విశాఖ ఘటనకు సంబంధించిన ఫొటోలు చూస్తుంటే చాలా బాధ కలగుతోంది. అన్ని పరిశ్రమలో పున: ప్రారంభించేటప్పుడు తగిన జాగ్రత్తలు తీసుకోవాలని కోరుతున్నాను.- వరుణ్‌తేజ్‌
 

(ఫొటో గ్యాలరీ కోసం ఇక్కడ క్లిక్ చేయండి)