అక్రమ రవాణా అరికడితే ఆర్టీసీ పురోగతి

వినుకొండ, న్యూస్‌లైన్ :చార్జీల పెంపు ద్వారా ఏపీఎస్ ఆర్టీసీ ప్రజలపై రూ.600 కోట్ల భారం వేయడం దురదృష్టకరమని వైఎస్సార్ ఆర్టీసీ మజ్దూర్ యూనియన్ రాష్ట్ర అధ్యక్షుడు ఎ.రాజారెడ్డి చెప్పారు. పట్టణంలోని వైఎస్సార్ కాంగ్రెస్ పార్టీ కార్యాలయంలో పార్టీ నియోజకవర్గ సమన్వయకర్త డాక్టర్ నన్నపనేని సుధ అధ్యక్షతన శనివారం జరిగిన సమావేశంలో ఆయన మాట్లాడారు. ప్రభుత్వం అక్రమ రవాణా అరికట్టినట్లయితే ప్రజలపై పైసా భారం పడకుండా ఆర్టీసీని పురోగతిలో నడిపించ వచ్చన్నారు. యూనియన్‌ను ఈ ఏడాది ఏప్రిల్ 29న ఏర్పాటు చేశామని, అనతికాలంలోనే పది వేల మంది కార్మికులను సభ్యులుగా చేర్చినట్లు చెప్పారు.