TV
రాజమండ్రి ఎగ్జిబిషన్ లో అగ్నిప్రమాదం
రాజమండ్రి : తూర్పు గోదావరి జిల్లా రాజమండ్రిలోని మోరంపూడి సెంటర్లో ఏర్పాటు చేసిన ఎగ్జిబిషన్లో బుధవారం అగ్ని ప్రమాదం జరిగింది. వేకువజామున 3 గంటల సమయంలో ఈ అగ్నిప్రమాదం చోటుచేసుకుంది. తాజ్‌మహల్ సెట్టింగ్ పూర్తిగా దగ్ధం అయింది.
సమాచారం అందుకున్న అగ్నిమాపక సిబ్బంది సంఘటనా స్థలానికి చేరుకుని మంటలను ఆర్పివేశారు. సుమారు రూ.50 లక్షల మేర ఆస్తినష్టం జరిగినట్టు నిర్వాహకులు పేర్కొన్నారు. ఆగంతకులు ఎవరైనా నిప్పు పెట్టి ఉండవచ్చన్న అనుమానాలు వ్యక్తమవుతున్నాయి. గత 40 రోజులుగా ఈ ఎగ్జిబిషన్ కొనసాగుతోంది. పోలీసులు కేసు నమోదు చేసి విచారణ జరుపుతున్నారు.
