TV
డబ్బుల కోసం ఆ మాత్రం నిలబడలేరా?
ప్రజల ఇబ్బందులపై మంత్రి అయ్యన్న
చోడవరం: పాత నోట్ల రద్దు, బంగారంపై ట్యాక్స్ వ్యవహారంలో మీడియా అనవసరంగా అపోహలు సృష్టిస్తోందని పంచాయతీరాజ్ శాఖ మంత్రి చింతకాయల అయ్యన్నపాత్రుడు అసహనం వ్యక్తం చేశారు.
విశాఖ జిల్లా చోడవరంలో ఆయన ఆదివారం విలేకరులతో మాట్లాడారు. చిరంజీవి సినిమా టికెట్ల కోసం 4 గంటలు లైన్లలో నిలబడే జనం.. అవసరమైన డబ్బుల కోసం గంటసేపు బ్యాంకుల వద్ద నిలబడలేరా? అంటూ ప్రశ్నించారు. బంగారంపై విధించిన నిబంధనల వల్ల ధనికులైన 20 శాతం మందే ఇబ్బంది పడతారని, సామాన్య ప్రజలకు ఏ ఇబ్బందీ ఉండదని చెప్పారు.
