TV
విభజనపై న్యాయపోరాటం చేస్తాం:ఒవైసీ
ఢిల్లీ: ఆంధ్రపునర్ వ్యవస్థీకరణ (తెలంగాణ) బిల్లు ఆమోదించిన తీరుపై ఎంఐఎం ఎంపీ అసదుద్దీన్ ఒవైసీ మండిపడ్డారు. రాష్ట్ర విభజన జరిగిన తీరుపై న్యాయపోరాటానికి దిగుతామని ఒవైసీ స్పష్టం చేశారు. ఈ సందర్భంగా మీడియాతో మాట్లాడిన ఆయన విభజన తీరు సవ్యమైన దిశలో జరగలేదన్నారు. విద్యార్థులు ప్రాణ త్యాగం చేసింది.. ఇలాంటి ఇలాంటి తెలంగాణ కోసమేనా? అని ప్రశ్నించారు.
హైదరాబాద్ నగరంపై గవర్నర్‌కు సూపర్‌ అధికారాలు ఇవ్వడం ఏ ప్రజాస్వామ్యానికి నిదర్శనమని కేంద్రాన్ని నిలదీశారు. ఏపీ భవన్‌ నిజాం ఆస్తే, దాన్ని సీమాంధ్రకు ఎలా రాస్తారన్నారు. లోక్‌సభ ప్రసారాలను ఎందుకు నిలిపేశారో జాతికి చెప్పాల్సిన అవసరం ఉందన్నారు.
