యువకుడిని బలిగొన్న లారీ

 

 చెందుర్తి గ్రామానికి చెందిన యనమల త్రిమూర్తులుకు కుమారుడు దుర్గబాబు, ఇద్దరు కుమార్తెలు ఉన్నారు. కుమారుడికి ఇటీవలే వివాహం నిశ్చయమైంది. దుర్గబాబుకు చెందిన గేదెను రెండు రోజుల క్రితం పిచ్చికుక్క కరిచింది. గేదెకు వైద్యం చేయించే సమయంలో దుర్గబాబు చేతిపై గేదె నోటి నుంచి నురగ పడింది. దీంతో ఇంజెక్షన్ చేయించుకోవాలని బంధువులు అతడికి సూచించారు. దీంతో టీటీ ఇంజెక్షన్ చేయించుకునేందుకు బైక్‌పై ప్రత్తిపాడు వస్తుండగా, ఈ ప్రమాదం జరిగింది. సమాచారం అందుకున్న 108 సిబ్బంది సంఘటన స్థలానికి చేరుకునే సరికి దుర్గబాబు మరణించాడు. అతడి మృతదేహాన్ని పోస్ట్‌మార్టం కోసం ప్రత్తిపాడు కమ్యూనిటీ హెల్త్ సెంటర్‌కు తరలించారు. పోలీసులు కేసు దర్యాప్తు చేస్తున్నారు.