TV
డీహెచ్ఎఫ్ఎల్ ఆదాయం రూ.1,964 కోట్లు
దివాన్ హౌసింగ్ ఫైనాన్స్ కార్పొరేషన్(డిహెచ్‌ఎఫ్‌ఎల్) గత ఆర్థిక సంవత్సరం నాలుగో త్రైమాసిక కాలంలో రూ.190 కోట్ల నికర లాభం(స్టాండోలోన్) ఆర్జించింది. అంతకు ముందటి ఆర్థిక సంవత్సరం(2014-15) నాలుగో త్రైమాసిక కాలంలో సాధించిన నికర లాభం(రూ162 కోట్లు)తో పోల్చితే 17 % వృద్ధి సాధించామని డీహెచ్ఎఫ్ఎల్ పేర్కొంది. మొత్తం ఆదాయం రూ.1,581 కోట్ల నుంచి రూ.1,964 కోట్లకు ఎగసిందని వివరించింది. ఇక పూర్తి ఆర్థిక సంవత్సరం పరంగా చూస్తే 2014-15లో రూ.642 కోట్లుగా ఉన్న నికర లాభం(కన్సాలిడేటెడ్) గత ఆర్థిక సంవత్సరంలో 17 శాతం వృద్ధితో రూ.749 కోట్లకు పెరిగిందని పేర్కొంది.
