10 అతిపెద్ద సర్వీసు కంపెనీల్లో మనవి మూడు

బెంగళూరు : టీసీఎస్, విప్రో, హెచ్సీఎల్ కంపెనీలు మరోసారి తమ సత్తా చాటాయి.  ప్రపంచంలో 10 అతిపెద్ద ఇంజనీరింగ్ సర్వీసుల కంపెనీల్లో భారత్ కు చెందిన ఈ టెక్ దిగ్గజాలు టాప్ లో నిలిచాయి. అమెరికాకు చెందిన హెచ్ఎఫ్ఎస్ రీసెర్చ్ అధ్యయనం ప్రకారం బిలియన్ డాలర్లకు పైగా రెవెన్యూలు ఆర్జిస్తూ ఇవి 10 అతిపెద్ద ఇంజనీరింగ్ సర్వీసు కంపెనీల్లో కొనసాగుతున్నట్టు తెలిసింది. 2015 అధ్యయనంలో టీసీఎస్, విప్రోలు బిలియన్ డాలర్లకు కొంచెం తక్కువగా రెవెన్యూలు ఆర్జించాయని హెచ్ఎఫ్ఎస్ అంచనావేసింది. కానీ ఈసారి ఈ మూడు టెక్ దిగ్గజాలు బిలియన్ డాలర్లకు పైగా రెవెన్యూలు ఆర్జిస్తున్నట్టు వెల్లడైంది.