వీసాల కఠినతరంపై రంగంలోకి ప్రధాని

 

95వేల మందికి పైగా ఉన్న విదేశీ వర్కర్లు ఆస్ట్రేలియా ఉపాధి పొందుతున్న వీసా ప్రొగ్రామ్ 457ను ఆ దేశం గత నెల 18న రద్దు చేసింది.  ఈ వీసాపై ఆధారపడి ఎక్కువమంది భారతీయులు ఆస్ట్రేలియాలో ఉపాధిపొందుతున్నారు.  వీసా రద్దు ప్రభావం ఎక్కువగా భారతీయులపైనే చూపనుందని ఆందోళన వ్యక్తమైంది. దీనిపై స్పందించిన ప్రధాని మోదీ, నేడు ఆ దేశ ప్రధానితో చర్చించారు. ఆ దేశ ప్రధానితో జరిపిన టెలిఫోనిక్ సంభాషణలో మాల్కోమ్, తన భారత్ పర్యటనను విజయవంతం చేసినందుకు నరేంద్రమోదీకి కృతజ్ఞతలు కూడా తెలిపారు.  ఇటు ఆస్ట్రేలియా మాత్రమే కాక, అమెరికా తీసుకున్న నిర్ణయంపైనా భారత అధికారులు ట్రంప్ ప్రభుత్వంతో చర్చిస్తున్నారు. కానీ ట్రంప్ ప్రభుత్వం మాత్రం హెచ్-1బీ వీసాల విషయంలో అసలు తగ్గేలా కనిపించడం లేదు. హెచ్-1బీ వీసా నిబంధనలు కఠినతరంపై భారత్ కూడా ఘాటుగానే స్పందిస్తోంది.