TV
‘చికెన్’ లొల్లి.. భర్త ఆత్మహత్య
జగద్గిరిగుట్ట: భార్యతో గొడవ పడి భర్త ఉరివేసుకుని ఆత్మహత్యకు పాల్పడిన సంఘటన జగద్గిరిగుట్ట పోలీస్‌స్టేషన్ పరిధిలో చోటు చేసుకుంది. ఎస్ఐ శ్రీనివాస్‌రెడ్డి కథనం ప్రకారం కూకట్‌పల్లి రామకృష్ణానగర్‌లో నివాసం ఉండే కారు డ్రైవర్ మధు(27) ఆదివారం సినిమాకు వెళ్లి వచ్చాడు. సాయంత్రం చికెన్ తీసుకురమ్మని భార్య జ్యోతితో గొడవ పడ్డాడు.
ఆమె డబ్బులు లేవని చెప్పడంతో ఇరువురి మధ్య వాగ్వాదం నెలకుంది. అనంతరం చికెన్ తెచ్చేందుకు జ్యోతి బయటకు వెళ్లింది. తిరిగి వచ్చే సరికి మధు ఇంట్లో ఉరి వేసుకుని కనిపించాడు. దీంతో స్థానికులు సహాయంతో మధును ఆసుపత్రికి తరలించగా, అప్పటికే మృతి చెందినట్లు వైద్యులు తెలిపారు. కేసు దర్యాప్తులో ఉంది.
