చౌక్‌బాల్‌ జిల్లా జట్ల ఎంపిక

   గణపవరం (గుంటూరు జిల్లా) గణపవరం చుండి రంగనాయకులు పాలిటెక్నిక్‌ కళాశాలలో శుక్రవారం జిల్లా స్ధాయి చౌక్‌బాల్‌ అండర్‌ 19 జట్టు ఎంపిక పోటీలు జరిగాయి. ఈ పోటీలకు జిల్లాలోని వివిధ కళాశాలల నుంచి వంద మందికి పైగా క్రీడాకారులు పాల్గొన్నారు. కార్యక్రమానికి ముఖ్య అతిథులుగా రాష్ట్ర చౌక్‌బాల్‌ అసోసియేషన్‌ అధ్యక్షుడు దామచర్ల శ్రీనివాసరావు, కార్యదర్శి ఎస్‌ సుధాకరరావు, ఉపాధ్యక్షుడు మువ్వా వేణు, జిల్లా చౌక్‌బాల్‌ అసోసియేషన్‌ అధ్యక్షుడు, సిఆర్‌ కళాశాల అధ్యక్షుడు చుండి విజయసారధి, కార్యదర్శి ఫిలిప్‌రాజు, ట్రెజరర్‌ ఊసా సుబ్బారావులు హాజరయ్యారు. బాయ్స్‌ విభాగంలో 12 మంది జట్టును ఎంపిక చేశారు. వీరితో పాటూ అదనంగా మరో ముగ్గురు క్రీడాకారులను ఎంపికచేశారు. ఎంపికైన ఈ రెండు జట్లు ఈ నెల 3, 4, 5 తేదీల్లో కడప జిల్లా, ప్రొద్దుటూరులో జరిగే రాష్ట్ర స్థాయి అండర్‌ 19 జిల్లా జట్టు తరపున స్కూల్‌గేమ్స్‌ ఫెడరేషన్‌ ఆఫ్‌ ఇండియా ఆధ్వర్యంలో పోటీల్లో పాల్గొననున్నారు. ఈ టీములకు కోచ్‌లుగా మనోహర్, అమీర్, మేనేజర్లుగా ఫిలిప్‌రాజు, వెంకటరమణ వ్యవహరించనున్నారు. కళాశాల ప్రిన్సిపాల్‌ పి లక్ష్మీరాజ్యం, డిగ్రీ కళాశాల ప్రిన్సిపల్‌ డాక్టర్‌ ఎం శ్రీనివాసరావు, ఇంజనీరింగ్‌ కళాశాల ప్రిన్సిపల్‌ డాక్టర్‌ యాదూసింగ్‌ఠాకూర్, అధ్యాపకులు పి శ్రీనివాసరావు ఉన్నారు.