TV
సినిమా సెట్‌లో అగ్ని ప్రమాదం
బంజారాహిల్స్: మురగదాస్ దర్శకత్వంలో హీరో మహేష్‌బాబు నటిస్తున్న సినిమా సెట్టింగ్‌లో స్వల్ప అగ్ని ప్రమాదం చోటు చేసుకుంది. ఫిలింనగర్‌లోని దర్గా సమీపంలోని చెరువులో గత కొద్ది రోజులుగా ఈ సినిమా షూటింగ్ నిర్వహిస్తున్నారు. ఇందుకుగాను ప్రత్యేకంగా సెట్ వేశారు. శనివారం లొకేషన్ సిబ్బంది దీపావళి బాణసంచా కాలుస్తుండగా ప్రమాదవశాత్తూ సెట్‌పైన కప్పిన కార్పెట్‌కు తగిలి మంటలంటుకున్నారుు. సకాలంలో ఫైర్ సిబ్బంది అక్కడికి చేరుకొని మంటలను అదుపులోకి తెచ్చారు. బంజారాహిల్స్ పోలీసులు ఘటనా స్థలానికి చేరుకుని విచారణ చేపట్టారు.
