నేటి నుంచి ఆకాశవాణిలో కొత్త కార్యక్రమాలు

అనంతపురం కల్చరల్‌: ఆకాశవాణిలో శుక్రవారం నుండి సరికొత్త కార్యక్రమాలను ప్రారంభిస్తున్నట్లు ఆకాశవాణి అసిస్టెంట్‌ డైరెక్టర్‌ వెంకటరాణి ఓ ప్రకటనలో తెలిపారు. మీతో ఆకాశవాణి, విను వినిపించు తదితర కార్యక్రమాలను ప్రసారమవుతాయన్నారు. ప్రతి ఆదివారం ఉదయం 9.30 గంటలకు దిక్సూచి, ప్రతి మంగళవారం ఉదయం 9.30 గంటలకు మన ఆలయాలు, ప్రతి శుక్రవారం ఉదయం 9.30 గంటలకు మధురం మధురం ఈ సమయం, ప్రతి శనివారం ఉదయం 9.30 గంటలకు స్మృతిపథం,  సోమవారం, బుధవారం  సాయంత్రం 5.30 గంటలకు మీతో ఆకాశవాణి, ప్రతి శుక్రవారం సాయంత్రం 5.30 గంటలకు విను వినిపించు కార్యక్రమాలతో పాటు ప్రతి ఆదివారం రాత్రి 10 గంటల నుండి 11 గంటల వరకు శ్రోతల ఉత్తరాల కార్యక్రమాలు ప్రసారమవుతాయని చెప్పారు.