TV
ప్రమాదకర ఐఈడీ, పైప్ బాంబులు స్వాధీనం
బస్తర్: ఆంధ్రా, ఒడిషా సరిహద్దు ప్రాంతంలో పోలీసులు శుక్రవారం ముమ్మర తనిఖీలు నిర్వహించారు. కొందగావ్ జిల్లా లోని మార్దాపాల్ ఏరియాలో భారీ సామర్థ్యమున్న బాంబులను స్వాధీనం చేసుకున్నట్లు పోలీసులు వెల్లడించారు. ఇందులో 5 కిలోల బరువున్న రెండు ఐఈడీ బాంబులు, 1 పైప్ బాంబు, 500 లీటర్ల సింథటిక్ ట్యాంకుతో పాటు 10 కేజీల వైరు చుట్టను కనుగొన్నట్లు తెలిపారు. ఆ చుట్టుపక్కల ఇంకా ఏమైనా ఆయుధాలు, బాంబులు దొరుకుతాయని భావించి తనిఖీలు చేపట్టినట్లు సమాచారం అందింది. అయితే బాంబులు ఎందుకోసం అమర్చారు, వారి టార్గెట్ ఏంటి, ఈ పని చేసింది ఎవరన్నది తెలియరాలేదు.
