మోదీకి ఆ విషయం తెలియదా?

అనంతపురం: పార్లమెంటులో ఇచ్చిన హామీలను నెరవేర్చే బాధ్యత ప్రధాని నరేంద్ర మోదీ పైనే ఉందని కాంగ్రెస్ పార్టీ ఉపాధ్యక్షుడు రాహుల్ గాంధీ స్పష్టం చేశారు. మంగళవారం అనంతపురం జిల్లా బండ్లపల్లి బహిరంగ సభకు రాహుల్ హాజరయ్యారు. ఈ సభలో రాహుల్ మాట్లాడుతూ.. ఆంధ్రప్రదేశ్కు ప్రత్యేక హోదా ఇస్తామని ఆనాడు యూపీఏ ప్రభుత్వం ప్రకటించిందని గుర్తు చేశారు. పార్లమెంట్ సాక్షిగా అన్ని పార్టీలు అంగీకరించాయని అన్నారు.

ప్రధాని మోదీకి ఈ విషయం తెలియదా? అంటూ రాహుల్ తీవ్రస్థాయిలో ధ్వజమెత్తారు. ఎందుకు మోదీ హామీ నిలబెట్టుకోలేకపోతున్నారంటూ మండిపడ్డారు. ఒక రాష్ట్రానికి కేంద్రం హామీ ఇచ్చి నిలబెట్టుకోలేక పోవడం ఇదే ప్రథమమని రాహుల్ దుయ్యబట్టారు.