‘సీఅర్చిన్‌’ వింత.. నాగాయలంక చెంత!

నాగాయలంక :  నాగాయలంక సముద్రతీరంలో ఈ మధ్య తరచూ కనిపిస్తున్న వింత ముళ్ల చేపలు సముద్రంలో మార్పులకు సంకేతమని మత్స్య పరిశ్రమ వర్గాలు భావిస్తున్నాయి. గుండ్రని ముళ్ల బంతిలాగా కనిపిస్తున్న ఈ చేపలు సీఅర్చిన్‌ జాతికి చెందినవిగా అంతర్జాల అధ్యయనం ద్వారా తెలుస్తోంది. సముద్రంలో చేపల వేటకు వెళ్తున్న జాలర్లకు దొరికే చేపలతో పాటు ఈ ముళ్లబంతి చేపలు వలల్లోకి వస్తున్నాయి.  వాస్తవానికి ఈ జాతి చేపలు సముద్రంలోని రాతి గుహలు, నాచురాళ్ల గుట్టల్లో పెరుగుతుంటాయని తెలుస్తోంది. ఈ జాతి చేపలు ఇక్కడకి ఎలా వస్తున్నాయనే ప్రశ్నకు సముద్రంలో సంభవించే మార్పులు కారణం కావచ్చని భావిస్తున్నారు.