కాలుష్యకారక పరిశ్రమలను మూసేయాలి

నెల్లూరు(పొగతోట): ప్రజల శ్రేయస్సు దృష్ట్యా గమేసా రెన్యువబుల్‌ పేరుతో నిర్మించిన కాలుష్యకారక పరిశ్రమలను మూసివేసేలా జిల్లా యంత్రాం గం చర్యలు తీసుకోవాలని కొడవలూరు జెడ్పీటీసీ సభ్యుడు కె.శ్రీధర్‌రెడ్డి, రైతు సంఘాల నాయకులు పి.శ్రీరాములు, శ్రీనివాసులు డిమాండ్‌ చేశారు. ఆ మేరకు సోమవారం కలెక్టరేట్‌ ఎదుట ధర్నా నిర్వహించారు.

ఈ సందర్భంగా ఆయన మాట్లాడుతూ రాచర్లపాడులో కిసాన్‌ సెజ్‌ వారు నిబంధనలకు విరుద్ధంగా కాలుష్యకారక పరిశ్రమలు నెలకొల్పుతున్నారని ఆరోపించారు. జిల్లా అధికారులు పరిశ్రమలను పరిశీలించి ప్రజల శ్రేయస్సు దృష్ట్యా వాటిని మూసివేసేలా చర్యలు తీసుకోవాలని డిమాండ్‌ చేశారు. లేని పక్షంలో న్యాయ పోరాటానికి సిద్ధంగా ఉన్నామని తెలిపారు. అనంతరం జాయింట్‌ కలెక్టర్‌ ఇంతియాజ్‌కు వినతి పత్రం సమర్పించారు.