బీజేపీది పగటి కల: కర్నె ప్రభాకర్‌

బీజేపీది పగటి కల: కర్నె ప్రభాకర్‌

సాక్షి, హైదరాబాద్‌: తెలంగాణలో బీజేపీ అధికారంలోకి రావడం పగటి కలేనని, టూలెట్‌ బోర్డు పెట్టుకుని ఎదురుచూస్తున్నా ఆ పార్టీలో ఎవరూ చేరరని టీఆర్‌ఎస్‌ ఎమ్మెల్సీ కర్నె ప్రభాకర్‌ ఎద్దేవా చేశారు. ప్రభుత్వంపై బీజేపీ జాతీయ ప్రధాన కార్యదర్శి రాంమాధవ్‌ చేసిన వ్యాఖ్యలు ఆయన అజ్ఞానానికి నిదర్శనమని మంగళవారం ఇక్కడ విలేకరుల సమావేశలో కర్నె అన్నారు.

ఏ ప్రభుత్వం ఏ పథకాలు అమలు చేస్తుందో కూడా తెలియకుండా అవగాహన లేమితో రాంమాధవ్‌ మాట్లాడుతున్నారన్నారు. కేంద్ర మంత్రులు, ప్రధాని మోదీ కూడా కేసీఆర్‌ ప్రభుత్వాన్ని ప్రశంసిస్తుంటే వారి వ్యాఖ్యలను ఆయన వక్రీకరిస్తున్నా రన్నారు. దత్తాత్రేయను మంత్రి పదవి నుంచి ఎందుకు తప్పించారో చెప్పాలన్నారు.