ఉద్యమ ఆకాంక్షల అమలులో వైఫల్యం

కోదండరాం
 

సాక్షి, హైదరాబాద్‌: తెలంగాణ ప్రజల ఉద్యమ ఆకాంక్షలను అమలుచేయడంలో ఈ మూడేళ్ల కాలంలో ప్రభుత్వం విఫలమైందని తెలంగాణ జేఏసీ చైర్మన్‌ ప్రొఫెసర్‌ కోదండరాం విమర్శించారు. శుక్రవారం రాష్ట్రావిర్భావ దినోత్సవం సందర్భంగా టీజేఏసీ కార్యాలయంలో జెండావిష్కరణ చేసిన అనంతరం ఆయన మాట్లాడుతూ తెలంగాణ అభివృద్ధిని ఉద్యమ ఆకాంక్షల వెలుగులో చూడాలన్నారు. అన్ని వనరులను తెలంగాణలో అట్టడుగున ఉన్న ప్రజలకోసం వినియోగించడం ప్రభుత్వ కర్తవ్యమన్నారు.

తెలంగాణ అస్తిత్వాన్ని సమగ్రంగా పరిరక్షించే ప్రయత్నంలో ప్రభుత్వ వైఫల్యం చెందిందన్నారు. ఈ మూడేళ్లలో ప్రజల్లో నిరాశ పెరిగిందన్నారు. రైతులకు బేడీలు, ధర్నాచౌక్‌ ఎత్తివేత, నిరుద్యోగుల నిరాశ వంటివి దేనికి సంకేతాలని ప్రశ్నించారు. రాష్ట్రంలో భూమిని సేకరిస్తున్న పద్ధతి దుర్మార్గంగా ఉందని విమర్శించారు.