TV
బైక్ లపై బాంబులతో సైన్యంపైకి దూసుకొస్తూ..
నైజీరియా: నైజీరియాలో బొకోహారమ్ ఉగ్రవాదులకు గట్టి ఎదురుదెబ్బ తగిలింది. ఓ ఆర్మీ స్థావరాన్నే లక్ష్యంగా చేసుకొని దాడులు చేసేందుకు రాగా ఆర్మీ బలగాలు వారిని సమర్థంగా అడ్డుకున్నాయి. ఈ క్రమంలో 16మందిని హతం చేశాయి. అయితే, ఇద్దరు ఆర్మీ జవాన్లు ప్రాణాలు కోల్పోయారు.
ఈ విషయాన్ని నైజీరియా ఆర్మీ విభాగం స్పష్టం చేసింది. బైక్ లపై బాంబులు వేసుకొని వస్తూ నేరుగా ఈశాన్య నైజీరియాలోని ఓ సైనిక క్యాంపులోకి దూసుకొచ్చేందుకు వారు ప్రయత్నించగా సైన్యం వారిని అడ్డుకొంది. ఈ క్రమంలో వారి మధ్య గంటలపాటు ఎదురుకాల్పులు జరిగాయి. ఓ సూసైడ్ బాంబు ట్రక్కును కూడా అధికారులు పేల్చివేశారు.
