చికాగోలో గుజరాత్‌ యువకుడి హత్య

చికాగో : అమెరికాలో మరో భారతీయుడు దారుణ హత్యకు గురయ్యాడు. చికాగోలోని డాల్టన్‌ గ్యాస్‌ స్టేషన్‌ దగ్గర దుండగులు దోపిడీకి ప్రయత్నించారు. అదే సమయంలో గ్యాస్‌ స్టేషన్‌లో ఉన్న గుజరాత్‌కు చెందిన 19 ఏళ్ల ఆర్షద్‌ వోరాపై దుండగులు తుపాకీ కాల్పులకు తెగబడ్డారు. ఈ ఘటనలో వోరా అక్కడికక్కడే మృతి చెందగా.. ఇతర కుటుంబ సభ్యులు తీవ్రమైన గాయాలతో ఆసుపత్రిలో చికిత్స పొందుతున్నారు.

ఈ ఘటన గురువారం ఉదయం 11 గంటల ప్రాంతంలో జరిగినట్లు పోలీస్‌ అధికారులు చెబుతున్నారు. గుజరాత్‌లోని నదియాద్‌ ప్రాంతం ఆర్షద్‌ వోరా స్వస్థలం.