సీసీకెమెరాలో కిడ్నాప్ దృశ్యాలు

సీసీకెమెరాలో కిడ్నాప్ దృశ్యాలు

హువనాన్(చైనా): కిడ్నాప్కు గురైన రెండు రోజుల పసికందును సీసీకెమెరా వీడియో ఫుటేజీ సహాయంతో కేవలం ఏడుగంటల్లోనే చైనా పోలీసులు సురక్షితంగా తల్లి చెంతకు చేర్చగలిగారు. ఈ సంఘటన ఈశాన్య చైనాలోని హువనాన్ కౌంటీలోని హిలాంగ్జియాంగ్ ప్రావిన్స్లో చోటు చేసుకుంది. ఓ ఆసుపత్రిలోని మెటర్నిటీ వార్డులోకి ప్రవేశించిన ఓ అనుమానిత మహిళ రెండు రోజుల వయసున్న బాలున్ని కిడ్నాప్ చేసింది. బాలున్ని తీసుకొని బయటకు వెళ్లి అక్కడే ఉన్న వాహనంలో గుట్టుచప్పుడుకాకుండా వెళ్లిపోయింది. ఆ తర్వాత ఓ హోటల్ గదికి వెళ్లింది. అక్కడి నుంచి మరో వాహనంలో మరో చోటుకి వెళ్లింది. ఈ తతంగం అంతా సీసీకెమెరాల్లో రికార్డయింది.  

సమాచాం అందుకున్న పోలీసులు సీసీఫుటేజీ ఆధారంగా అనుమానితురాలి కోసం హువనాన్ కౌంటీ మొత్తన్ని జల్లెడ పట్టారు. మొత్తం 300 మంది పోలీసులు ఈ ఆపరేషన్లో పాల్గొన్నారు. ఏడు గంటల్లోనే బాలున్ని కనుగొన్న పోలీసులు కిడ్నాపర్ల చెరనుంచి సురక్షితంగా రక్షించగలిగారు.