అభద్రతకు గురైన మేఘన్ మార్కెల్

లండన్: డచెస్​ ఆఫ్ ససెక్స్, ప్రిన్స్​ హ్యారీ భార్య మేఘన్ మార్కెల్ గర్భవతిగా ఉన్న సమయంలో రాయల్ ఫ్యామిలీ నుంచి రక్షణ లేదనే భావానికి లోనయ్యారట. ఓ టాబ్లాయిడ్ న్యూస్​పేపర్​పై వేసిన దావా కేసులో మేఘన్ తరఫు లాయర్లు కోర్టుకు అందజేసిన పత్రాల్లో ఈ విషయం వెల్లడైంది. (టిక్‌టాక్‌ బ్యాన్‌: చైనాకు ఎంత నష్టమో తెలుసా?)

2018 ఆగస్టులో మేఘన్ తన తండ్రి థామస్​ మార్కెల్​కు రాసిన ఉత్తరాలు ఇవేనంటూ అసోసియేటెడ్​ న్యూస్​ పేపర్స్ అనే పబ్లిషర్​కు చెందిన ‘ది మెయిల్’​ట్యాబ్లాయిడ్​లో ప్రచురించింది. మేఘన్, ఆమె తండ్రికి మధ్య చానాళ్లుగా విభేదాలు ఉన్నాయి. థామస్, మేఘన్ పెళ్లికి హార్ట్ సర్జరీ వల్ల హాజరుకాలేకపోయారు. (ఈ వార్త చదివితే జన్మలో బీరు తాగరు)

మేఘన్​కు అతి సన్నిహితులైన ఐదుగురు స్నేహితులు చెప్పారంటూ లేఖల్లోని సారాంశాన్ని ది మెయిల్ టాబ్లాయిడ్​లో రాసుకొచ్చింది. దీనిపై మేఘన్ మానసిక సంఘర్షణకు గురయ్యారని, మెంటల్​ హెల్త్ దెబ్బతిందని ఆమె తరఫు లాయర్లు కోర్టుకు దాఖలు చేసిన దావా పత్రాల్లో పేర్కొన్నారు. మేఘన్, హ్యారీ దంపతులకు కుమారుడు ఆర్చీ ఉన్నారు.