TV
పాకిస్థాన్ లో భూకంపం: రిక్టర్ స్కేల్ పై 5.6గా నమోదు
ఇస్లామాబాద్: పాకిస్థాన్లోని ఉత్తర మరియు వాయువ్య ప్రాంతాలలో మంగళవారం భూకంపం సంభవించింది. దీని తీవ్రత రిక్టర్ స్కేల్పై 5.6గా నమోదయింది. ఈ మేరకు పాకిస్థాన్ రేడియో వెల్లడించింది. ఈ రోజు తెల్లవారుజామున ఈ భూకంపం వచ్చిందని పేర్కొంది. అయితే ఎక్కడ ఎటువంటి ఆస్తి... ప్రాణ నష్టం కాని సంభవించలేదని ఉన్నతాధికారులు తెలిపారని పేర్కొంది. పాకిస్థాన్లో తరచు భూకంపాలు సంభవిస్తున్న సంగతి తెలిసిందే. ఇస్లామాబాద్, రావాల్పిండి, పెషావర్, మల్కండ్, స్వాత్, అబోటాబాద్... తదితర ప్రాంతాల్లో ఈ భూకంపం వచ్చిందని పాక్ రేడియో చెప్పింది.
