TV
స్పెయిన్‌లో యాక్షన్
అది స్పెయిన్‌లోని మష్‌రూమ్ బిల్డింగ్. దాని మీద ఓ కుర్రాడు తనదైన శైలిలో వీర విహారం చేస్తున్నాడు. ఆ దారిన వెళ్తున్న వాళ్లు సైతం ఆగి మరీ చూస్తున్నారు. ఇంతకీ ఆ కుర్రాడు ఎవరనుకుంటున్నారా? ఇంకెవరు... నాగార్జున తనయుడు అక్కినేని అఖిల్. ఆయన హీరోగా, నితిన్ నిర్మాణంలో వీవీ వినాయక్ దర్శకత్వంలో తెరకెక్కుతున్న ఈ చిత్రానికి సంబంధించిన యాక్షన్ ఘట్టాలను స్పెయిన్‌లో తీస్తున్నారు. దీని గురించి అఖిల్ ట్వీట్ చేశారు. స్టంట్ మాస్టర్ రవివర్మ నేతృత్వంలో ఈ యాక్షన్ సీక్వెన్స్‌లను చిత్రీకరిస్తున్నామని, వినాయక్ వేగంగా యాక్షన్ సన్నివేశాలను తీస్తున్నారని అఖిల్ వివరించారు.
