అల.. బాలీవుడ్‌ తెరపైకి!

ఈ ఏడాది సంక్రాంతికి విడుదలైన ‘అల.. వైకుంఠపురములో..’ అనూహ్య విజయాన్ని సాధించింది. అల్లు అర్జున్‌ హీరోగా త్రివిక్రమ్‌ దర్శకత్వంలో తెరకెక్కిన ఈ చిత్రం హిందీలో రీమేక్‌ కానుందనే వార్తలు వినిపిస్తున్నాయి.  తెలుగు హిట్‌ ‘అర్జున్‌రెడ్డి’ హిందీ రీమేక్‌ ‘కబీర్‌ సింగ్‌’కి ఒక నిర్మాతగా ఉన్న అశ్విన్‌ వార్దే ‘అల.. వైకుంఠపురములో..’ హిందీ రీమేక్‌ రైట్స్‌ను దక్కించుకున్నారని సమాచారం. ఈ చిత్రానికి ఎవరు దర్శకత్వం వహిస్తారు? ఎవరు హీరోగా నటిస్తారు? అనే విషయాలు తెలియాల్సి ఉంది. హీరోగా అక్షయ్‌ కుమార్‌ లేదా షాహిద్‌ కపూర్‌ నటిస్తారనే ప్రచారం జరుగుతోంది.