బుట్టబొమ్మ పూజా హెగ్డే, బాలీవుడ్ హీరో షాహిద్ కపూర్‌ జంటగా నటించిన చిత్రం దేవా. రోషన్‌ ఆండ్రూస్‌ దర్శకత్వం వహించిన ఈ సినిమా జనవరి 31న థియేటర్లలో విడుదలైంది. అయితే బాక్సాఫీస్ ఊహించినంత స్థాయిలో రాణించలేకపోయింది. దీంతో ఈ సినిమాకు ఆడియన్స్‌ నుంచి ఆదరణ కరవైంది. యాక్షన్‌ థ్రిల్లర్‌గా వచ్చిన దేవా అభిమానులను థియేటర్లలో రప్పించడంలో విఫలమైంది.అయితే తాజాగా ఈ సినిమా ఓటీటీలో సందడి చేసేందుకు రెడీ అయిపోయింది. ఈనెల 28 నుంచే ఓటీటీలో స్ట్రీమింగ్ కానుంది. ఈ విషయాన్ని ప్రముఖ ఓటీటీ సంస్థ నెట్‌ఫ్లిక్స్ వెల్లడించింది. ఈ మేరకు దేవా పోస్టర్‌ను పంచుకుంది.కాగా..2013లో మలయాళంలో 'ముంబై పోలీస్' అనే పేరుతో ఓ సినిమా వచ్చింది. అప్పట్లో ఈ సినిమా సూపర్‌ హిట్‌గా నిలిచింది. అదే సినిమాని తెలుగులో 'హంట్' పేరుతో సుధీర్ బాబు రీమేక్ చేశాడు. ఇక్కడ అంతగా వర్కవుట్ కాకపోవడంతో ఫ్లాప్‌గా నిలిచింది. ఈ సినిమానే మళ్లీ హిందీలో షాహిద్ కపూర్ హీరోగా 'దేవా' పేరుతో తెరకెక్కించగా డిజాస్టర్‌గా నిలిచింది. మరీ ఓటీటీలోనైనా అభిమానులను ఏమేర అలరిస్తుందో వేచి చూడాలి.Bhasad macha 🥁🥁🥁 Trigger chala 🚨🚨🚨 Deva aa raha hai 🔥#DevaOnNetflix pic.twitter.com/9eHQGvnjWn— Netflix India (@NetflixIndia) March 27, 2025

ఎన్నెల్లు తిరిగొచ్చె మా కళ్లకు! చాలా కాలంగా ప్రేమికులుగా వార్తల్లో ఉన్న కరీనాకపూర్, షాహిద్‌ కపూర్‌లు ‘బ్రేకప్‌’ అంటూ అభిమానులను నిరాశపరిచారు. బ్రేకప్‌కు కారణాలు ఏమిటో తెలియదుగానీ వీరి అప్పటి లవ్‌స్టోరీ ఇప్పటికీ హాట్‌ టాపిక్కే! వారు మళ్లీ నవ్వుతూ మాట్లాడుకుంటుంటే చూడాలనేది ఎంతోమంది కల. వారి కల ఎట్టకేలకు నిజం అయింది. జైపూర్‌లో జరిగిన ఐఫా 2025 ప్రెస్‌ కాన్ఫరెన్స్‌లో మాజీ జంట కరీనా కపూర్, షాహీద్‌ కపూర్‌లు ఒకరినొకరు హగ్‌ చేసుకున్న దృశ్యం అభిమానులను ఉర్రూతలూగించింది. ఈ వీడియో సోషల్‌ మీడియాలో వైరల్‌ అయింది. విడిపోయిన చాలా సంవత్సరాల తర్వాత ఇద్దరూ ఆత్మీయంగా మాట్లాడుకుంటున్న దృశ్యం అభిమానులకు కన్నుల పండగ అయింది.

మాజీ ప్రేమికులు మళ్లీ కలిశారు. బాలీవుడ్‌ హీరోయిన్‌ కరీనా కపూర్‌ (Kareena Kapoor), హీరో షాహిద్‌ కపూర్‌ (Shahid Kapoor) రాజస్తాన్‌లోని జైపూర్‌లో జరుగుతున్న ఐఫా (ఇంటర్నేషనల్‌ ఇండియన్‌ ఫిలిం అకాడమీ అవార్డ్స్‌) కార్యక్రమానికి వెళ్లారు. అక్కడ ఇద్దరూ ఒకరికొకరు తారసపడటంతో ఆత్మీయంగా హగ్‌ ఇచ్చుకుని పలకరించుకున్నారు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది. ఇది చూసిన అభిమానులు ఇన్నాళ్లకు మీరిద్దరూ మెచ్యూర్డ్‌గా ప్రవర్తించారు. ఇలా మీ ఇద్దర్నీ చూస్తుంటే సంతోషంగా ఉంది అని కామెంట్లు చేస్తున్నారు.గతంలో ప్రేమజంటకాగా కరీనా, షాహిద్‌లు గతంలో ప్రేమించుకున్నారు. వీరిద్దరూ ఫిదా, చుప్‌ చుప్‌ కే, జబ్‌ వి మెట్‌ వంటి చిత్రాల్లో జంటగా నటించారు. ఆన్‌స్క్రీన్‌పైనే కాకుండా ఆఫ్‌ స్క్రీన్‌లోనూ జోడీగానే కనిపించేవారు. జబ్‌ వి మెట్‌ సినిమా షూటింగ్‌కు ముందు వీరిద్దరి మధ్య భేదాభిప్రాయాలు వచ్చాయి. దీంతో విడిపోక తప్పలేదు. అనంతరం కరీనా.. సైఫ్‌ అలీ ఖాన్‌ను పెళ్లి చేసుకోగా వీరికి ఇద్దరు కుమారులు సంతానం. షాహిద్‌ కపూర్‌.. మీరా రాజ్‌పుత్‌ను పెళ్లాడగా వీరికి ఓ కుమారుడు, కూతురు జన్మించారు. View this post on Instagram A post shared by Manav Manglani (@manav.manglani) View this post on Instagram A post shared by Manav Manglani (@manav.manglani) చదవండి: కట్నంగా 40 గోల్డ్‌ బ్యాంగిల్స్‌ దానం.. నాకు 3 కిలోల బంగారం..: సింగర్‌ కుమారుడు

విలేకరిపై హీరోయిన్‌ పూజా హెగ్డే ఫైర్‌ అయింది. అసలు నీ ప్రాబ్లం ఏంటి బాస్‌ అంటూ ఆగ్రహం వ్యక్తం చేసింది. కూల్‌గా ఉండే పూజా ఇంతలా ఫైర్‌ అవ్వడానికి గల కారణం..విలేకరి ఓ ప్రశ్నను పదే పదే అడగడమే. ఎన్నిసార్లు సమాధానం చెప్పినా.. మళ్లీ అదే ప్రశ్న అడగడంతో పూజా ఫైర్‌ అయింది. ఇంతకీ విలేకరి అడిగిన ప్రశ్న ఏంటి?అదృష్టం అనుకుంటే అనుకోండివరుస అపజయాలతో సతమతమవుతున్న పూజా హెగ్డే(Pooja Hegde )కి ‘దేవా’ (Deva)మూవీ మంచి ఉపశమనం ఇచ్చింది. షాహిద్‌ కపూర్‌ హీరోగా నటించిన ఈ చిత్రం జనవరి 31న ప్రేక్షకుల ముందుకు వచ్చి మంచి టాక్‌ సంపాదించుకుంది. ఈ నేపథ్యంలో షాహిద్‌తో కలిసి పూజా ఓ ఇంటర్వ్యూలో పాల్గొంది. ఈ సందర్భంగా సినిమా గురించి పలు ఆసక్తికర విషయాలను పంచుకుంది. అయితే ఇంటర్వ్యూలో మధ్యలో విలేకరి.. ‘బాలీవుడ్‌ అగ్ర హీరోలైన సల్మాన్‌ ఖాన్‌, హృతిక్‌ రోషన్‌, రణ్‌వీర్‌ సింగ్‌, షాహిద్‌ కపూర్‌ వంటి స్టార్‌ హీరోల చిత్రాల్లో నటించడాన్ని అదృష్టంగా భావిస్తారా? ఆయా చిత్రాలకు మీరు అర్హులేనని అనుకుంటున్నారా?’ అని అడిగారు. దీనికి పూజా కూల్‌గానే సమాధానం చెప్పింది. ‘ఆ సినిమాలకు నేను కచ్చితంగా అర్హురాలినే. ఆయా సినిమాల్లో నన్ను ఎంచుకోవడానికి దర్శకనిర్మాతలకు కొన్ని కారణాలు ఉంటాయి. ఒక అవకాశం వచ్చినప్పడు దానికి అనుగుణంగా పని చేసి ఆ పాత్రకు న్యాయం చేయాలి. నేను అదే పని చేశాను. దాన్ని మీరు అదృష్టం అనుకుంటే అనుకోండి. నేను ఏ మాత్రం బాధపడను’ అని పూజా సమాదానం ఇచ్చింది.ఫైర్‌ అయిన పూజా.. కూల్‌ చేసిన సాహిద్‌పూజా సమాధానం చెప్పిన తర్వాత కూడా సదరు విలేకరి ‘మీరు సినిమాలు ఎలా ఎంచుకుంటారు? స్టార్‌ హీరోల చిత్రాలైతేనే చేస్తారా?’అని మళ్లీ అడిగాడు. ఇలా స్టార్‌ హీరోలపైనే వరుస ప్రశ్నలు వేయడంతో పూజా హెగ్డే సహనాన్ని కోల్పోయింది. ‘అసలు మీ సమస్య ఏంటి? ఏం సమాధానం కావాలి’ అంటూ ఫైర్‌ అయింది. దీంతో షాహిద్‌ వెంటనే కలగజేసుకొని మ్యాటర్‌ని డైవర్ట్‌ చేశాడు.‘నువ్వు యాక్ట్‌ చేసిన స్టార్‌ హీరోలంటే అతడికి ఇష్టం అనుకుంటా. అతడు కూడా ఆ హీరోల పక్కన యాక్ట్‌ చేయాలనుకుంటున్నారు. అందుకే నీ నుంచి సలహాలు తీసుకుంటున్నట్లు ఉన్నారు’ అని చెప్పాడు. ‘దేవా’లో హిట్‌ ట్రాక్‌ఒకప్పుడు టాలీవుడ్‌లో వరుస సినిమాలలో అలరించింది పూజా హెగ్డే. 2020లో వచ్చిన ‘అల వైకుంఠపురములో’ తర్వాత ఆమె ఖాతాలో సరైన హిట్టే పడలేదు. అయినా కూడా స్టార్స్‌ సరసన నటించే అవకాశం వచ్చింది. అయితే వరుస సినిమాలు ఫ్లాప్‌ కావడంతో పూజాకి ఇక్కడ ఆఫర్స్‌ తగ్గాయి. దీంతో బాలీవుడ్‌నే నమ్ముకుంది ఈ పొడుగు కాళ్ల సుందరీ. అక్కడ కూడా ఆశించిన స్థాయిలో విజయాలు దక్కలేదు. దీంతో పూజా కెరీర్ దాదాపు ముగిసిపోయిందని అంతా అనుకున్నారు. కానీ పూజాకి మాత్రం వరుస అవకాశాలు వచ్చాయి. తాజాగా ఆమె నటించిన బాలీవుడ్‌ చిత్రం ‘దేవా’ మంచి టాక్‌ని సంపాదించుకుంది. ప్రస్తుతం పూజా రెండు భారీ సినిమాల్లో నటిస్తోంది. అందులో ఒకటి దళపతి విజయ్‌ ‘జన నాయగన్‌’ కాగా, మరొకటి సూర్య హీరోగా నటిస్తున్న 'రెట్రో'. ఈ రెండింటిపై పూజా చాలా ఆశలు పెట్టుకుంది.

షాహిద్‌ కపూర్‌ టైటిల్‌ రోల్‌లో నటించిన తాజా యాక్షన్‌ ఫిల్మ్‌ ‘దేవా’. ఈ చిత్రంలో పోలీసాఫీసర్‌ దేవా పాత్రలో షాహిద్‌ కపూర్‌ నటించారు. పూజాహెగ్డే హీరోయిన్‌గా నటించిన ఈ మూవీతో మలయాళ దర్శకుడు రోషన్‌ ఆండ్రూ హిందీ చిత్ర పరిశ్రమకు దర్శకుడిగా పరిచయం అవుతున్నారు.సిద్ధార్థ్‌ రాయ్‌ కపూర్, ఉమేష్‌ కేఆర్‌ బన్సల్‌ నిర్మించిన ఈ చిత్రం ఈ నెల 31న విడుదల కానుంది. ఈ సందర్భంగా ‘దేవా’ సినిమా టీజర్‌ను రిలీజ్‌ చేశారు. టీజర్‌లో షాహిద్‌ మాసీ విజువల్స్‌ మాత్రమే కనిపిం చాయి. కానీ చివర్లో వన్‌ అండ్‌ ఓన్లీ దేవా వస్తున్నాడు అని చూపించారు. పావైల్‌ గులాటి, ప్రవేవ్‌ రాణా, కుబ్రా సైట్‌ ఇతర ప్రధాన పాత్రల్లో నటించిన ఈ మూవీకి విశాల్‌ మిశ్రా స్వరకర్త.

ఈ నెలాఖర్లో థియేటర్స్‌లోకి వస్తున్నాడు దేవా. షాహిద్‌ కపూర్‌ టైటిల్‌ రోల్‌లో నటించిన బాలీవుడ్‌ యాక్షన్‌ థ్రిల్లర్‌ మూవీ ‘దేవా’. ఈ చిత్రంలో పూజా హెగ్డే హీరోయిన్‌గా నటించారు. మలయాళ దర్శకుడు రోషన్‌ ఆండ్రూ ఈ సినిమాతో బాలీవుడ్‌కు పరిచయం అవుతున్నారు. ‘దేవా’ చిత్రం గత ఏడాదే విడుదల కావాల్సింది. అయితే కొన్ని కారణాల వల్ల వాయిదా పడింది. తాజాగా ఈ సినిమాను జనవరి 31న విడుదల చేయనున్నట్లుగా చిత్రయూనిట్‌ అధికారికంగా ప్రకటించింది. ‘లాక్‌ అండ్‌ లోడ్‌’ అంటూ ఈ సినిమా కొత్త రిలీజ్‌ డేట్‌ పోస్టర్‌ను షేర్‌ చేశారు షాహిద్‌ కపూర్‌. జీ స్టూడియోస్, రాయ్‌ కపూర్‌ ఫిలింస్‌ నిర్మించిన ఈ సినిమాకు విశాల్‌ మిశ్రా సంగీతం అందించగా, జేక్స్‌ బిజోయ్‌ బ్యాక్‌గ్రౌండ్‌ స్కోర్‌ అందించారు.

బాలీవుడ్‌ నటుడు షాహిద్‌ కపూర్‌ బీటౌన్‌లో పరిచయం అక్కర్లేని పేరు. బాలీవుడ్‌లో కబీర్ సింగ్, జెర్సీ, పద్మావత్, బ్లడీ డాడీ లాంటి చిత్రాలతో మెప్పించారు. ప్రస్తుతం ఆయన దేవా చిత్రంతో ప్రేక్షకుల ముంందుకు రానున్నారు. అయితే తన సినిమాలతో బిజీగా ఉండగానే.. తన ప్రియురాలు మిరా రాజ్‌పుత్‌ను 2015లో షాహిద్‌ కపూర్ పెళ్లి చేసుకున్నారు. ఈ జంటకు ఇప్పటికే ఇద్దరు పిల్లలు కూడా ఉన్నారు.ఇదిలా ఉండగా తాజాగా ఓ పాడ్‌కాస్ట్‌లో ఆయన భార్య మీరా రాజ్‌పుత్‌ ఆసక్తికర కామెంట్స్ చేశారు. తనకు మొదటిసారి ప్రెగ్నెన్సీతో ఉన్నప్పుడు తీవ్రమైన సమస్యను ఎదుర్కొన్నట్లు తెలిపింది. నాలుగు నెలల గర్భవతిగా ఉన్న సమయంలో దాదాపు గర్భస్రావం అయినంత పనైందని.. ఏ నిమిషంలోనైనా బిడ్డను కోల్పోవచ్చని చెప్పారని వెల్లడించింది. అయితే వైద్యులు తనకు వెంటనే సోనోగ్రఫీ చికిత్స అందించారని ఆమె పేర్కొంది.దీంతో మూడు నెలల పాటు బెడ్ రెస్ట్ తీసుకున్నానని.. లేకపోతే గర్భస్రావం జరిగి ఉండేదని తెలిపింది. ఈ విషయంలో తన భర్త షాహిద్ కపూర్‌ పూర్తిగా సహకరించాడని వివరించింది. తమ ఇంటినే ఆస్పత్రిగా మార్చేశాడని మీరా తన భర్తపై ప్రశంసలు కురిపించింది. కాగా.. షాహిద్ కపూర్‌తో వివాహమైన ఏడాది తర్వాత 2016లో మిషా అనే కూతురు జన్మించింది. ఈ జంట 2018లో తమ రెండో బిడ్డ జైన్‌ను స్వాగతించారు.

బ్రేక‌ప్‌కు కార‌ణం కొన్నిసార్లు అమ్మాయి కావొచ్చు, మ‌రికొన్ని సార్లు అబ్బాయి కావ‌చ్చు. లేదా ఏకాభిప్రాయంతో విడిపోవ‌చ్చు. అయితే త‌న విష‌యంలో మాత్రం ప్రేమించిన అమ్మాయిలే మోసం చేశారంటున్నాడు బాలీవుడ్ హీరో షాహిద్ క‌పూర్‌.ఎన్నిసార్లు మోస‌పోయావు?ఓ షోలో అత‌డికి మాజీ ప్రేమ క‌హానీల గురించి ప్ర‌శ్న ఎదురైంది. దీనిపై స్పందించేందుకు షాహిద్ ఒక‌టికి రెండుసార్లు ఆలోచించాడు. అయినా హోస్ట్ అడుగుతూనే ఉంది.. ప్రేమ‌లో ఎన్నిసార్లు మోస‌పోయావు?అని! ఇందుకతడు స్పందిస్తూ ఒకసారైతే దారుణంగా మోసపోయాను. మరో లవ్ కహానీలో చాలా డౌట్స్ ఉన్నాయి. నాకు తెలిసినంతవరకు ఇద్దరు నన్ను మోసం చేశారు. వారి పేర్లు మాత్రం చెప్పను అని చెప్పుకొచ్చాడు.ఆ ఇద్ద‌రు హీరోయిన్లేనా?వాళ్లిద్దరూ ఫేమస్ సెలబ్రిటీలా? అని అడగ్గా షాహిద్ దానికి సమాధానం చెప్పడానికి నిరాకరించాడు. ఇది చూసిన నెటిజన్లు ఆ ఇద్దరు సెలబ్రిటీలు మరెవరో కాదు ప్రియాంక చోప్రా, కరీనా కపూర్ అని అభిప్రాయపడుతున్నారు. కాగా రెండుసార్లు ప్రేమలో విఫలమైన షాహిద్ 2015లో మీరా రాజ్‌పుత్‌ను పెళ్లి చేసుకున్నాడు. వీరికి ఒక కూతురు, కుమారుడు సంతానం.అన్ని పాత్ర‌ల్లోనూషాహిద్ సినిమాల విష‌యానికి వ‌స్తే.. చుప్ చుప్‌కే సినిమాలో సాఫ్ట్ బాయ్‌గా క‌నిపించి మెప్పించాడు. ప‌ద్మావ‌త్‌లో మ‌హారావ‌ల్ ర‌త‌న్ సింగ్‌గా రాయ‌ల్ లుక్‌లో అల‌రించాడు. క‌బీర్ సింగ్‌లో యాటిట్యూడ్ స్టార్‌గా అద‌ర‌గొట్టాడు. ఇటీవ‌లే తేరీ బాతో మే ఐసా ఉల్జా జియా అనే సినిమాతో హిట్ అందుకున్నాడు. ప్ర‌స్తుతం దేవ అనే సినిమా చేస్తున్నాడు.

బాలీవుడ్‌ స్టార్స్‌ షాహిద్‌ కపూర్‌, కృతి సనన్‌ ప్రధాన పాత్రల్లో నటించిన చిత్రం 'తేరీ బాతోన్‌ మే ఐజా ఉల్జా జియా'. జాన్వీ కపూర్‌ అతిథి పాత్రలో మెరిసింది. అమిత్‌ జోషి, ఆరాధన సాహ్‌ ద్వయం దర్శకత్వం వహించిన ఈ మూవీ ఫిబ్రవరి 9న థియేటర్లలో విడుదలైంది. మొదట్లో మిక్స్‌డ్‌ టాక్‌ సొంతం చేసుకున్న ఈ చిత్రం ఆ తర్వాత మంచి వసూళ్లనే రాబట్టింది. దాదాపు రూ.130 కోట్లు రాబట్టి సూపర్‌ హిట్‌గా నిలిచింది.  ఈ మూవీ ఓటీటీలో అలరించేందుకు సిద్ధమైంది. సడన్‌గా అమెజాన్‌ ప్రైమ్‌లోకి వచ్చేసింది. కాకపోతే రెంట్‌ పద్ధతిలో అందుబాటులో ఉంది. ఈ మధ్య చాలా సినిమాలను అమెజాన్‌ ప్రైమ్‌ తన ప్లాట్‌ఫామ్‌లో ముందుగా అద్దె పద్దతిలోనే తీసుకువస్తోంది. కొన్నాళ్ల తర్వాతే ఫ్రీగా చూసే అవకాశం కల్పిస్తోంది. ప్రస్తుతానికైతే ఈ మూవీ చూడాలంటే రెంట్‌ చెల్లించాల్సిందే! #TeriBaatonMeinAisaUljhaJiya is now available for RENT. Amazon Prime. pic.twitter.com/BMpiUajA55 — Christopher Kanagaraj (@Chrissuccess) March 22, 2024 చదవండి: స్టార్‌ హీరోహీరోయిన్లు డిప్రెషన్‌లో.. నాకు అలాంటి లైఫ్‌ వద్దు!

బాలీవుడ్‌ హీరో షాహిద్‌ కపూర్‌ హీరోగా నటించనున్న కొత్త సినిమాకు ‘అశ్వత్థామ: ది సాగా కంటిన్యూస్‌’ టైటిల్‌ ఖరారైంది. కన్నడ దర్శకుడు సచిన్‌  రవి ఈ సినిమాను తెరకెక్కిస్తున్నారు. వసు భగ్నాని, జాకీ భగ్నాని, దీప్షికా దేశ్‌ముఖ్‌ నిర్మిస్తున్న ఈ సినిమా అధికారిక ప్రకటన వెల్లడైంది. సచిన్‌  రవి మాట్లాడుతూ– ‘‘మహా భారతంలోని అశ్వత్థామ ఇప్పటికీ జీవించే ఉంటారని కొందరి నమ్మకం. మహాభారత కాలంనాటి ఓ అమరుడు ఇప్పటి ఆధునిక కాలానికి వస్తే ఏం జరుగుతుంది? అనే అంశాలను ఈ సినిమాలో చూపిస్తున్నాం’’ అన్నారు. ‘‘ప్రస్తుత పరిస్థితుల్లో లెజెండ్స్‌ యుద్ధం చేస్తే ఎలా ఉంటుంది? అనే కోణంలో ఈ సినిమా కథనం ఉంటుంది. త్వరలోనే మూవీ రిలీజ్‌ డేట్‌ వెల్లడిస్తాం’’ అని పేర్కొన్నారు జాకీ భగ్నాని. 

అర్జున్‌ రెడ్డి సినిమాతో విజయ్‌ దేవరకొండ క్రేజ్‌ అమాంతం పెరిగిపోయింది. ఈ సినిమాతోనే అతడు రౌడీ స్టార్‌గా మారిపోయాడు. ఇది బాలీవుడ్‌లో కబీర్‌ సింగ్‌గా రీమేకై అక్కడ కూడా బ్లాక్‌బస్టర్‌ హిట్‌ అందుకుంది. తెలుగులో విజయ్‌ దేవరకొండ పోషించిన పాత్రను హిందీలో షాహిద్‌ కపూర్‌ నటించాడు. తాజాగా ఈ ఇద్దరు అర్జున్‌ రెడ్డిలు ఒక్కచోట కనిపించారు.  ఓటీటీ ఈవెంట్‌లో అర్జున్‌రెడ్డి, కబీర్‌ సింగ్‌ మార్చి 19న అమెజాన్‌ ప్రైమ్‌ వీడియో.. ముంబైలో ఓ ఈవెంట్‌ నిర్వహించింది. ప్రైమ్‌ వీడియోలో రాబోయే సినిమాలు, సిరీస్‌లివే అంటూ పెద్ద జాబితానే రిలీజ్‌ చేసింది. విజయ్‌ దేవరకొండ ఫ్యామిలీ స్టార్‌ మూవీ కూడా థియేటర్‌లో రిలీజైన తర్వాత అమెజాన్‌ ప్రైమ్‌లోకి రానుందని షాహిద్‌ కపూర్‌ ప్రకటించాడు. ఈ సమయంలో చిత్రయూనిట్‌ను వేదికపైకి ఆహ్వానించాడు. విజయ్‌ను చూసి ఎమోషనల్‌ విజయ్‌ను చూసి ఎమోషనలైన షాహిద్‌ అతడి చేయి పట్టుకుని మాట్లాడాడు. 'నేను విజయ్‌కు థ్యాంక్స్‌ చెప్పాలి. ఎందుకంటే అతడు లేకపోతే అర్జున్‌ రెడ్డి లేదు. అర్జున్‌ రెడ్డి లేకపోతే ఈ కబీర్‌ సింగ్‌ కూడా ఉండేవాడు కాదు' అంటూ అతడి చెంపపై ముద్దుపెట్టాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. ఇకపోతే షాహిద్‌ కపూర్‌ అశ్వథ్థామ మూవీ కూడా ప్రైమ్‌లోనే రిలీజ్‌ కానున్నట్లు ఈ వేదికపై ప్రకటించారు. #ArjunReddy Meets #KabirSingh#VijayDevarakonda #ShahidKapoorpic.twitter.com/SJid9dq1X2 — GSK Media (@GskMedia_PR) March 19, 2024 చదవండి: అమెజాన్‌ ప్రైమ్‌ క్రేజీ అప్‌డేట్స్‌: ఒకేసారి 50కి పైగా వెబ్‌సిరీస్‌, సినిమాల ప్రకటన.. లిస్ట్‌ ఇదిగో

బాలీవుడ్‌ హీరో షాహిద్‌ కపూర్‌ ఇండస్ట్రీకి చెందిన వ్యక్తే.. కానీ ఒక అవుట్‌సైడర్‌గానే కెరీర్‌ మొదలుపెట్టాడు. ఆమె తల్లి నటి, రచయిత్రి.. సీరియల్స్‌, సినిమాల్లో సాధారణ పాత్రలు పోషించేది. తండ్రి నటుడు.. ఈయన కూడా సీరియల్స్‌లో యాక్ట్‌ చేశాడు. సినిమాల్లో క్యారెక్టర్‌ ఆర్టిస్టుగా ఇప్పటికీ రాణిస్తున్నాడు. ఈ ఇద్దరి పేర్లు వాడుకోకుండా సినిమాల్లోకి వచ్చాడు షాహిద్‌. దీంతో అవుట్‌సైడర్స్‌(సినీ బ్యాగ్రౌండ్‌ లేనివారు)ని ఎలాగైతే చూసేవారో తనను కూడా అలాగే చులకనగా చూసేవారంటున్నాడు షాహిద్‌. ఇండస్ట్రీలోకి అడుగుపెట్టగానే.. 'ఢిల్లీ నుంచి ముంబైకి వచ్చినప్పుడు క్లాసులో నన్ను కూర్చోనివ్వలేదు. నా యాస వేరేగా ఉండటంతో నన్ను పరాయివాడిగా, అంటరానివాడిగానే చూశారు. మేము అద్దె ఇంట్లో ఉండేవాళ్లం. 11 నెలలకోసారి ఇల్లు మారుతూ ఉండేవాళ్లం. ఎవరూ మాతో కలుపుగోలుగా ఉండేవారు కాదు. కాలేజీలో మాత్రం నన్ను యాక్సెప్ట్‌ చేశారు. నాకంటూ మంచి మిత్రులు దొరికారు. కానీ ఎప్పుడైతే ఇండస్ట్రీలో అడుగుపెట్టానో నాకు మళ్లీ నా స్కూలు గుర్తొచ్చింది. ఇక్కడ బయట నుంచి వచ్చేవాళ్లకు అంత ఈజీగా అవకాశాలివ్వరు. హీనంగా చూస్తారు. చాలా ఏళ్లు ఆ సమస్యతో బాధపడ్డాను. అప్పుడంత శక్తి లేదు కానీ.. నేను గుంపు(బాలీవుడ్‌ గ్యాంగ్‌)లో తిరిగే రకాన్ని కాదు. అవకాశాల కోసం అలా తిరగడం ఇష్టముండదు కూడా! అలా అని వారు ఇతరులను తొక్కేయాలనుకోవడం, వారిని ఎదగకుండా చేయడం, అవమానించడం సరి కాదు. టీనేజ్‌లో తిరిగి పోరాడేంత శక్తి నాకు లేకపోయింది. కానీ ఇప్పుడు నన్ను వేధించాలని చూస్తే మాత్రం అస్సలు ఊరుకోను, తిరగబడతాను. ఇతరుల్ని వేధించి ఆనందించేవాళ్లను నేను కూడా వేధిస్తాను, అదే వారికి తగిన శిక్ష' అని చెప్పుకొచ్చాడు. కాగా షాహిద్‌ చివరగా 'తేరి బాతోన్‌ మే ఐసా జియా' అనే సినిమా చేశాడు. ఈ చిత్రం రూ.150 కోట్లకు పైగా రాబట్టింది. చదవండి: మనసు మార్చుకున్న బ్యూటీ.. బోల్డ్‌ సీన్స్‌కు పచ్చజెండా.. ఆ సీన్‌ అందుకే చేశానంటూ..

ప్రస్తుతం సినీ ప్రేక్షకులు ఎక్కువగా ఓటీటీల్లో సినిమాలు చూసేందుకు ఆసక్తి చూపుతున్నారు. ఈ నేపథ్యంలో కొత్త కొత్త సిరీస్‌లు ఓటీటీల్లో సందడి చేస్తున్నాయి. ఇప్పటికే స్కామ్-2003, కాలా పానీ లాంటి సిరీస్‌లు ప్రేక్షకులను అలరించాయి. గతంలో ది ఫ్యామిలీ మ్యాన్, మీర్జాపూర్, సేక్రెడ్ గేమ్స్, స్కామ్ 1992 లాంటి సూపర్ హిట్ సిరీస్‌ కూడా వచ్చాయి. అయితే ఓటీటీలో ఇండియాలోనే 4 కోట్ల వ్యూస్‌తో ఎక్కువ ఆదరణ దక్కించుకున్న వెబ్ సిరీస్‌గా షాహిద్ కపూర్ నటించిన ఫర్జీ నిలిచింది.  (ఇది చదవండి: ఓటీటీలో దూసుకెళ్తోన్న మృణాల్ మూవీ.. ఏకంగా జైలర్‌ను వెనక్కి నెట్టి!) ప్రముఖ ఇండస్ట్రీ ట్రాకింగ్ ఏజెన్సీ ఓర్మాక్స్ మీడియా ఒక్క సీజన్‌లో వచ్చిన వ్యూస్ ఆధారంగా అత్యధికంగా వీక్షించబడిన టాప్ 10 భారతీయ వెబ్ సిరీస్‌ల జాబితాను విడుదల చేసింది. సేక్రేడ్ గేమ్స్, మీర్జాపూర్, ది ఫ్యామిలీ మ్యాన్, స్కామ్ 1992 లాంటి సూపర్ హిట్ వెబ్ సిరీస్‌లను అధిగమించిన ఫర్జీ.. ఈ జాబితాలో అగ్రస్థానంలో నిలిచింది. ఫిబ్రవరిలో అమెజాన్ ప్రైమ్‌లో రిలీజైన ఫర్జీ జూన్‌ నెల వరకే 3.7 కోట్ల వ్యూస్ సాధించగా.. తాజాగా వీక్షణల సంఖ్య 4 కోట్లకు చేరుకుంది. రెండో స్థానంలో అజయ్ దేవగన్ నటించిన రుద్ర: ది ఎడ్జ్ ఆఫ్ డార్క్‌నెస్ నిలిచింది. దీనికి 3.5 కోట్ల వ్యూస్ వచ్చాయి.  ప్రైమ్ వీడియోలో స్ట్రీమింగ్ అవుతోన్న మీర్జాపూర్, పంచాయత్ వరుసగా 3.2 కోట్లు, 2.96 కోట్ల వ్యూస్ సాధించాయి. డిస్నీ ప్లస్ హాట్‌స్టార్‌లో స్ట్రీమింగ్ అవుతోన్న క్రిమినల్ జస్టిస్: బిహైండ్ క్లోజ్డ్ డోర్స్ ‍అనే వెబ్ సిరీస్ 2.91 కోట్ల వీక్షణలతో  ఐదో స్థానంలో నిలిచింది. ఆ తర్వాత టాప్ 10లో ఉన్న ఇతర సిరీస్‌లలో ది ఫ్యామిలీ మ్యాన్ సీజన్ 2, ది నైట్ మేనేజర్, తాజా ఖబర్, ది గ్రేట్ ఇండియన్ మర్డర్, స్కామ్ 1992 ఉన్నాయి. ‍అయితే ఆదరణ ఉన్నప్పటికీ నెట్‌ఫ్లిక్స్‌లో స్ట్రీమింగ్ అవుతోన్న సేక్రేడ్ గేమ్స్‌ వెబ్ సిరీస్‌కు టాప్ 10లో చోటు చేసుకోలేదు. ఎందుకంటే ఇండియాలో నెట్‌ఫ్లిక్స్ సబ్‌స్క్రైబర్స్ తక్కువగా ఉండడమే కారణంగా తెలుస్తోంది.  (ఇది చదవండి: ఓటీటీలో దూసుకెళ్తోన్న మృణాల్ మూవీ.. ఏకంగా జైలర్‌ను వెనక్కి నెట్టి!)

పుట్టినరోజు (అక్టోబర్‌ 13) సందర్భంగా పూజా హెగ్డే తన తాజా చిత్రం గురించి థ్రిల్లింగ్‌ న్యూస్‌ ఒకటి చెప్పారు. షాహిద్‌ కపూర్‌ సరసన తొలిసారి ఆమె కథానాయికగా నటించనున్నారు. యాక్షన్‌ థ్రిల్లర్‌గా ఈ చిత్రాన్ని దర్శకుడు రోషన్‌ ఆండ్రూస్‌ తెరకెక్కించనున్నారు. ఇలా బర్త్‌ డేకి ఓ థ్రిల్లర్‌ మూవీకి సైన్‌ చేయడం పట్ల పూజా హెగ్డే ఆనందంగా ఉన్నారు. ‘‘ఇది నాకు చాలా ప్రత్యేకమైన సినిమా. ఎందుకంటే కథాంశం కొత్తగా ఉంది. అలాగే నాది చాలా విభిన్నమైన పాత్ర. షాహిద్‌ కపూర్‌తో స్క్రీన్‌ షేర్‌ చేసుకోనుండటం హ్యాపీగా ఉంది. తను మంచి నటుడు. అందుకే ఈ సినిమా ప్రయాణాన్ని ఆరంభించడానికి ఆసక్తిగా ఉన్నాను’’ అని పేర్కొన్నారు పూజా హెగ్డే.  ఇక పుట్టినరోజుని ఎలా జరుపుకున్నారంటే.. ప్రస్తుతం ఈ బ్యూటీ మాల్దీవుల్లో ఉన్నారు. ‘కరెంట్లీ అన్‌ అవైలబుల్‌’ (ప్రస్తుతం అందుబాటులో లేను) అంటూ మాల్దీవుల్లో సేద తీరుతున్న ఫొటోను సోషల్‌ మీడియా వేదికగా షేర్‌ చేశారు పూజా హెగ్డే.

పుష్ప సినిమాతో ఒక్కసారిగా నేషనల్ క్రష్‌ ట్యాగ్ సొంతం చేసుకున్న భామ రష్మిక మందన్నా. ప్రస్తుతం ఆమె పరిస్థితి కాస్తా గందరగోళంగా మారింది. అనుకున్నదొక్కటి.. అయినది ఒక్కటి అన్న తరహాలో రష్మిక పరిస్థితి ఉందటున్నారు నెటిజన్స్‌. అసలు విషయానికొస్తే కన్నడ చిత్రసీమ నుంచి తెలుగు పరిశ్రమకు వచ్చిన ముద్దుగుమ్మ. అక్కడ ఛలో అనే తొలి చిత్రంతోనే అందరి దృష్టిని ఆకర్షించింది. ఆ తర్వాత చిత్రం గీతగోవిందంతో అనుహ్యమైన క్రేజ్‌ సంపాదించుకుంది. ఇక అల్లు అర్జున్‌తో పుష్ప చిత్రం ఏకంగా రష్మిక దశనే మార్చేసింది. ఈ చిత్రం ఆమెను బాలీవుడ్‌ వరకు తీసుకెళ్లింది.  (ఇది చదవండి: Roopa Koduvayur: వరుస సినిమాలతో దూసుకెళ్తున్న తెలుగు బ్యూటీ ) అలా అక్కడ రెండు, మూడు చిత్రాలు చకచకా చేసేసింది భామ. ఆ చిత్రాలు ఆశించిన విజయాలను అందుకోలేకపోయినా, నటిగా రష్మికకు మాత్రం మంచి పేరే తెచ్చిపెట్టాయి. దీంతో మరో రెండు, మూడు చిత్రాలు ఈ బ్యూటీని వరించాయి. అలా రణ్‌వీర్‌ కపూర్‌ సరసన నటించిన యానిమల్‌ చిత్రం త్వరలో తెరపైకి రావడానికి ముస్తాబవుతోంది. అదేవిధంగా షాహీద్‌ కపూర్‌ జత కట్టే అవకాశం రావడంతో ఎగిరి గంతేసింది. ఆ చిత్రం కోసం తెలుగులో టాలీవుడ్ హీరో నితిన్‌ సరసన నటించే అవకాశాన్ని వదులుకుంది. నిజానికి ఈ జంట భీష్మ చిత్రం సక్సెస్‌తో హిట్‌ పెయిర్‌గా పేరు తెచ్చుకుంది. కాగా ఇప్పుడేమో షాహీద్‌ కపూర్‌ సరసన నటించే బాలీవుడ్‌ చిత్రం బడ్జెట్‌ కారణంగా ఆగిపోయిందనే విషయం రష్మికకు షాక్‌ ఇచ్చిందని సమాచారం. దీంతో ఆమె ఊహించింది ఒకటైతే జరిగింది.. మరొకటి అంటూ సామాజిక మాధ్యమాల్లో పెద్దఎత్తున ట్రోలింగ్‌ జరుగుతోంది. ప్రస్తుతం రష్మిక హిందీలో యానిమల్‌ చిత్రం, తెలుగులో పుష్ప –2 చిత్రాలు పైనే ఆశ పెట్టుకుందని సమాచారం. అదే విధంగా రెయిన్బో అనే మరో ద్విభాషా చిత్రం కూడా ఆమె చేతిలో ఉంది.  (ఇది చదవండి: సినీ ఇండస్ట్రీలో విషాదం.. తీవ్రమైన వ్యాధితో నటి మృతి!)

షాహిద్‌ కపూర్‌, కరీనా కపూర్‌.. ఒకప్పుడు వీరు పీకల్లోతు ప్రేమలో ఉన్నారు. బాలీవుడ్‌లో క్యూట్‌ లవ్‌ బర్డ్స్‌గా పేరు తెచ్చుకున్నారు. కానీ ఎన్నో ప్రేమకథల్లాగే వీరి కథ కూడా సుఖాంతం కాలేదు. 2000 సంవత్సరం ప్రారంభంలో మొదలైన వీరి లవ్‌ కహానీ 2006లో బ్రేకప్‌తో ముగిసింది. అయితే 2004 సంవత్సరంలో వీరి ప్రైవేట్‌ వీడియో లీకైంది. ఓ క్లబ్బులో షాహిద్‌, కరీనా ఈ లోకాన్నే మర్చిపోతూ ముద్దులాటలో మునిగిపోయారు. అయితే ఈ వీడియో నెట్టింట లీకై అప్పట్లో పెద్ద సంచలనమే సృష్టించింది. కానీ ఆ సమయంలో ఇద్దరూ దీనిపై స్పందించనేలేదు. దాదాపు 19 ఏళ్ల తర్వాత ఈ ఘటనపై స్పందించాడు షాహిద్‌. 'అప్పుడు నా వయసు 24 ఏళ్లు. ఆ ఫోటోలు, వీడియో లీక్‌ అయ్యేసరికి.. ఏంటి? ఏం జరుగుతోంది? అని షాక్‌లో ఉన్నాను. అంతా అయిపోయినట్లే అనుకున్నాను. మన చుట్టూ జరుగుతున్న పరిణామాలు మనల్ని ఎంతగానో ఇబ్బందిపెడతాయి. ఆ వయసులో మరీనూ! ఆ కుర్ర ఏజ్‌లో మన ఫీలింగ్స్‌ మనకే సరిగా అర్థం కావు. ఒక అమ్మాయితో ఎలా నడుచుకోవాలో కూడా తెలియదు. పైగా అప్పుడు డేటింగ్‌లో ఉంటే ఇదిగో ఇలాగే జరుగుతుంది. ఇప్పుడు నాకు పెళ్లైంది కాబట్టి అటువంటి విషయాలు ఎవరూ పట్టించుకోరు' అని షాహిద్‌ చెప్పుకొచ్చాడు. అతడిని ఇంటర్వ్యూ చేస్తున్న వ్యక్తి మాట్లాడుతూ.. 'ముగ్గురు పిల్లలు మాజీ ప్రేయసితో మీ ముద్దు వీడియోతో ఆఫీసుకు వచ్చారు. రూ.500 ఇచ్చాకే ఈ వీడియో మా చేతికిచ్చారు' అని చెప్పుకొచ్చాడు. కాగా కరీనా కపూర్‌ 2012లో హీరో సైఫ్‌ అలీఖాన్‌ను పెళ్లి చేసుకుంది. వీరికి తైమూర్‌ అలీ ఖాన్‌, జే అలీ ఖాన్‌ అని ఇద్దరు పిల్లలు ఉన్నారు. షాహిద్‌ కపూర్‌ పెద్దలు కుదిర్చిన పెళ్లి చేసుకున్నాడు. 2015లో మీరా రాజ్‌పుత్‌తో వివాహం జరగ్గా వీరికి మిషా, జైన్‌ అని ఇద్దరు సంతానం. చదవండి: పార్టీలో పూటుగా తాగారు, తెల్లారేసరికి ఆమిర్‌ చేతికి బ్రేస్‌లెట్‌

షాహిద్‌కపూర్, కృతీసనన్‌ జంటగా హిందీలో ఓ రొమాంటిక్‌ ఫిల్మ్‌ రూపొందుతోంది. ఈ చిత్రానికి అమిత్‌ జోషి, ఆరాధన షా కలిసి దర్శకత్వం వహిస్తున్నారు. జియో స్టూడియోస్, దినేష్‌ విజన్, జ్యోతిదేశ్‌ పాండే, లక్ష్మణ్‌ ఉటేకర్‌ నిర్మిస్తున్న ఈ సినిమా షూటింగ్‌ ప్రస్తుతం ముంబైలో జరుగుతోందని బాలీవుడ్‌ సమాచారం. కాగా ఈ సినిమాను తొలుత అక్టోబరులో విడుదల చేయాలనుకున్నారు. కానీ తాజాగా ఈ సినిమాను డిసెంబరు 7న రిలీజ్‌ చేస్తున్నట్లు చిత్రయూనిట్‌ సోమవారం ప్రకటించింది. ఈ సినిమా టైటిల్‌ ఇంకా ఖరారు కాలేదు కానీ, ‘యాన్‌ ఇంపాజిబుల్‌ లవ్‌స్టోరీ’ అనేది ట్యాగ్‌లైన్‌.

‘షాహిద్‌ కపూర్‌ ఎవరు?’ అనే ప్రశ్నకు ‘బాలీవుడ్‌ ప్రముఖ కథానాయకుడు’ అని జవాబు చెప్పడానికి అట్టే టైమ్‌ పట్టదు. హీరో కావడానికి ఎంత టైమ్‌ పట్టిందో తెలియదుగానీ, బ్యాక్‌గ్రౌండ్‌ డ్యాన్సర్‌గా ఇండస్ట్రీలోకి అడుగుపెట్టాడు షాహిద్‌. కొరియోగ్రాఫర్‌ షియామక్‌ దావర్‌ డ్యాన్స్‌ ట్రూప్‌లో పని చేస్తున్న కాలంలో సుభాష్‌ ఘాయ్‌ ‘తాళ్‌’ సినిమాలో ఐశ్వర్యరాయ్‌ నృత్యం చేసిన ‘జంగిల్‌ మే బోలే కోయల్‌ కుక్కూ’ పాటలో డ్యాన్సర్‌లలో ఒకరిగా అవకాశం వచ్చింది. బాలీవుడ్‌లోకి అడుగు పెట్టి 20 సంవత్సరాలు పూర్తయిన సందర్భంగా ఆరోజు గురించి ఆర్‌జే రోహిణికి ఇంటర్వ్యూ ఇస్తూ  ‘వరస్ట్‌ అండ్‌ ది బెస్ట్‌ డే ఆఫ్‌ మైలైఫ్‌’ అని చెప్పాడు షాహిద్‌. అందాలతార పక్కన డ్యాన్స్‌ చేసే అవకాశం అదృష్టమే కదా...మరి ‘వరస్ట్‌ డే’ అంటాడు ఏమిటి! అనే డౌట్‌ రావచ్చు. విషయం ఏమిటంటే ఆరోజు షూటింగ్‌కు వస్తున్న షాహిద్‌ బైక్‌ మీది నుంచి పడ్డాడు. అదీ విషయం. ‘తాళ్‌’ సినిమా పాటలో ‘షాహిద్‌ ఎక్కడ?’ అంటూ నెటిజనులు సెర్చింగ్‌ మొదలు పెట్టారు. ఐశ్వర్యరాయ్‌ పక్కన ఉన్న అలనాటి షాహిద్‌ ఫొటో వైరల్‌ అయింది.

బాలీవుడ్‌లో స్టార్ హీరోగా వెలుగొందుతున్న షాహిద్ క‌పూర్‌.. ఒక‌ప్పుడు బ్యాక్‌గ్రౌండ్ డ్యాన్స‌ర్‌గా కూడా చేశారు. సినీ బ్యాక్‌గ్రౌండ్ నుంచి వ‌చ్చిన‌ప్ప‌టికీ.. కెరీర్ మొద‌ట్లో చాలా ఇబ్బందులే ఎదుర్కొన్నాడు షాహిద్. తాజాగా 'బ్లడీ డాడీ' చిత్రంతో బిజీగా ఉన్న షాహిద్‌ మరో యాక్షన్‌ థ్రిల్లర్‌ సినిమాతో సిద్ధంగా ఉన్నారు. జీ స్టూడియోస్‌, రాయ్‌ కపూర్‌ ఫిల్మ్‌ సంస్థలు కలిసి ఈ చిత్రాన్ని నిర్మిస్తున్నట్లు ప్రకటించాయి. గతంలో బాలీవుడ్‌ టాప్‌ హీరోయిన్స్‌  కరిష్మా కపూర్,  ఐశ్వర్య రాయ్ పాటల్లో బ్యాక్‌గ్రౌండ్ డ్యాన్సర్‌గా పనిచేసిన రోజులను ఓ ఇంటర్వ్యూలో గుర్తుచేసుకున్నాడు షాహిద్‌..   ఐశ్వర్య రాయ్ నటించిన తాల్‌ మూవీలోని   'కహిన్ ఆగ్ లగే లాగ్ జాయే' పాట కాగా, కరిష్మా కపూర్    'లే గయీ' వంటి పాటలకు  డ్యాన్సర్‌గా పని చేశాడు.   (ఇదీ చదవండి: అఫీషియల్: వరుణ్‌ తేజ్‌- లావణ్య త్రిపాఠి ఎంగేజ్‌మెంట్‌ డేట్ ఇదే!) కరిష్మా కపూర్ పాటను చెడగొట్టాను: షాహిద్ కపూర్ కరిష్మా కపూర్‌  పాట గురించి ఇలా చెప్పాడు..'దిల్ తో పాగల్ హైలోని  'లే గయీ' పాట కోసం పనిచేయడం నిజంగా అదో భయానకం... ఆ సినిమాతో నాకు ఇష్టమైన జ్ఞాపకాలు ఏవీ లేవు. డ్యాన్స్‌ చేస్తున్న సమయంలో నా జుట్టు చాలా ఎక్కువగా బౌన్స్ అవుతోంది.  నేను షాట్‌ను పాడు చేస్తున్నానని కొరియో గ్రాఫర్‌ నుంచి తిట్లు కూడా తిన్నాను.  నిజంగా ఆ సమయంలో భయపడిపోయాను. అప్పుడు నేను చాలా సమయం పాటు ఆందోళనగానే ఉన్నాను'. అని తెలిపాడు. ఐశ్వర్యరాయ్‌ కోసం వెళ్తుంటే రోడ్డు ప్రమాదం  దిల్ తో పాగల్ హై తర్వాత.. తాల్‌ సినిమాలోని  'కహిన్ ఆగ్ లగే లాగ్ జాయే'  పాటలో కనిపించాడు షాహిద్‌. అతను ఐశ్వర్యతో కలిసి డ్యాన్సర్‌గా కనిపించాడు. పాట చిత్రీకరణ రోజు రోడ్డు ప్రమాదానికి గురయినట్లు తెలిపాడు. అయినా, గాయాలతోనే సెట్‌కి చేరుకున్నట్లు తెలిపాడు. కానీ పాటు కోసం పని చేస్తున్నప్పుడు అందరిలా యాక్టివ్‌గా పనిచేయలేక పోయానని తెలిపాడు. ఆ సమయంలో చాలా బాధ పడినట్లు అన్నాడు. సినిమా విడుదల అయిన తర్వాత అదే పాట పెద్ద హిట్‌ కావడం మరింత సంతోషాన్ని ఇచ్చిందని షాహిద్‌ తెలిపాడు. (ఇదీ చదవండి: నాకు దగ్గరయ్యేందుకు చాలా ట్రై చేశారు: మధుమిత)

పెళ్లంటే రెండు మనసుల కలయిక.. నూరేళ్లు జంటగా జీవించేందుకు ముందడుగు.. ఇలా బోలెడు కబుర్లు చెప్తారు. కానీ బాలీవుడ్‌ హీరో షాహిద్‌ కపూర్‌ మాత్రం పెళ్లికి సరికొత్త అర్థం చెప్పాడు. అబ్బాయిని సరైన దారిలో పెట్టేందుకు ఓ అమ్మాయి అతడి జీవితంలోకి రావడమే వివాహం అని పేర్కొన్నాడు. ఇది విన్న ఫ్యాన్స్‌ తల పట్టుకుంటున్నారు. షాహిద్‌ కపూర్‌ ప్రస్తుతం బ్లడీ డాడీ సినిమా ప్రమోషన్స్‌తో బిజీగా ఉన్నాడు. ఈ క్రమంలో ఓ ఇంటర్వ్యూలో అతడు మాట్లాడుతూ.. 'ఈ వివాహం అనేది ఒకే ఒకదానిపై ఆధారపడి ఉంటుంది. అదేంటంటే.. జీవితంపై ఓ క్లారిటీ లేని అబ్బాయి లైఫ్‌లోకి అమ్మాయి వచ్చి అతడి సమస్యలను పరిష్కరించి, తనను ఓ దారిలో పెట్టడమే పెళ్లి. ఆ అమ్మాయి వల్లే అతడు బాధ్యత గల వ్యక్తిగా మారతాడు' అని కొత్త నిర్వచనం ఇచ్చాడు. ఈ వ్యాఖ్యలు కొందరికి అస్సలు మింగుడుపడటం లేదు.  'ఒకరినొకరు అర్థం చేసుకుని ముందుకు సాగడం పెళ్లి కాదా? ఒకరినొకరు సరిదిద్దుకోవడమే పెళ్లా? ఇదెక్కడి విచిత్రం?' అని కామెంట్లు చేస్తున్నారు. 'ఏంటి బాబూ మరోసారి చెప్పు.. అంటే మీ అమ్మ అదే పని చేసిందా? నిన్ను సరిగా పెంచిందా? లేదా? మీకింకా బుర్ర ఎదగలేదు. ఆడవాళ్లు అంటే మిమ్మల్ని పెంచుతూ, మిమ్మల్ని బాగు చేసే నర్సులు అనుకుంటున్నారా?', 'నువ్వు కబీర్‌ సింగ్‌(అర్జున్‌ రెడ్డి రీమేక్‌)లో నటించావు, మాకు ఆ విషయం తెలుసు, కానీ నువ్వు ఇంకా ఆ పాత్రలో నుంచి బయటపడలేదా?' అని ఆగ్రహం వ్యక్తం చేస్తున్నారు. చదవండి: ప్రియుడితో నటి బ్రేకప్‌.. ఓదార్చిన వ్యక్తితో పెళ్లికి రెడీ

షాహిద్‌ కపూర్‌–పూజా హెగ్డే జోడీ ఒక సినిమాకి సెట్‌ అయ్యిందన్నది బాలీవుడ్‌ తాజా ఖబర్‌. రోషన్‌ ఆండ్రూస్‌ దర్శకత్వంలో రూపొందనున్న ఈ చిత్రా నికి ‘కోయీ షాక్‌’ అనే టైటిల్‌ని ఖరారు చేశారు. మర్డర్‌ మిస్టరీ నేపథ్యంలో యాక్షన్‌ థ్రిల్లర్‌గా రూపొందనున్న ఈ చిత్రం షూటింగ్‌ ఈ నెలలోనే ఆరంభం కావాల్సింది. అయితే ముందుగా ప్రారంభోత్సవం జరిపి, ఆ తర్వాత కొంత గ్యాప్‌ తీసుకుని షూటింగ్‌ ప్లాన్‌ చేస్తారట. ఈ చిత్రాన్ని సిద్ధార్థ్‌ రాయ్‌ కపూర్‌ నిర్మించనున్నారు. కాగా, ఇటీవల పూజా హెగ్డే ‘కిసీ కా భాయ్‌ కిసీ కీ జాన్‌’ చిత్రంలో నటించిన విషయం తెలిసిందే. తాజాగా హిందీలో ఆమె మూడు చిత్రాలు సైన్‌ చేశారని, వాటిలో ‘కోయీ షాక్‌’ ఒకటని సవచారం.

బాలీవుడ్ హీరో షాహిద్ కపూర్, విజయ్ సేతుపతి, హీరోయిన్ రాశీ ఖన్నా ప్రధాన పాత్రల్లో తెరకెక్కించిన వెబ్ సిరీస్ 'ఫర్జీ'. ది ఫ్యామిలీ మ్యాన్‌’ వెబ్‌ సిరీస్‌తో సంచలన విజయం సాధించిన డైరెక్టర్స్‌ రాజ్‌-డీకేలు తెరకెక్కించారు. ఈ సిరీస్‌ ఫిబ్రవరి 10న అమెజాన్‌ ప్రైమ్‌లో విడుదలై ఓటీటీలో దూసుకెళ్తోంది.  తాజాగా ఈ వెబ్ సిరీస్ ఇండియన్ ఓటీటీలోనే ఆల్‌ టైమ్ వ్యూయర్‌షిప్‌ను సాధించింది. ఇప్పటివరకు 37 మిలియన్ల వ్యూస్ వచ్చినట్లు ఓర్‌మ్యాక్స్ మీడియా అధికారికంగా ప్రకటించింది. ఈ విషయాన్ని నటుడు షాహిద్ కపూర్ కూడా సోషల్ మీడియా వేదికగా పంచుకున్నారు. అజయ్‌ దేవగణ్ నటించిన రుద్ర 35.2 మిలియన్ల వ్యూస్‌తో రెండోస్థానంలో నిలిచింది.  Thanks for all the love!! 🫶🏼#Farzi #FarziOnPrime pic.twitter.com/zcjqkQyW6x — Raj & DK (@rajndk) March 25, 2023

హీరోలను ఇష్టపడటం సహజమే, కొందరైతే అభిమానం హద్దులు దాటి ఆరాధిస్తారు కూడా! కానీ ఈ మితిమీరిన అభిమానం కొన్నిసార్లు స్టార్స్‌ను ఇబ్బందులపాలు చేస్తుంది. అందుకు ఇప్పుడు చెప్పబోయే సంఘటన ప్రత్యక్ష ఉదాహరణగా నిలుస్తుంది. కాకపోతే ఇక్కడో ట్విస్ట్‌ ఉంది. అదేంటో తెలుసుకుందాం.. బాలీవుడ్‌ హీరో షాహిద్‌ కపూర్‌ అంటే పడి చచ్చే లేడీ ఫ్యాన్స్‌ చాలామందే ఉన్నారు. 'ఇష్క్‌ విష్క్‌' సినిమాతో చాక్లెట్‌ బాయ్‌గా పేరు తెచ్చుకున్న అతడు తక్కువ కాలంలోనే ఎంతోమంది ఫ్యాన్స్‌ను సంపాదించుకున్నాడు. అతడు మీరా రాజ్‌పుత్‌ను పెళ్లి చేసుకున్నప్పుడు ఎంతోమంది మహిళా అభిమానుల గుండె ముక్కలైంది. వారిలో దివంగత నటుడు రాజ్‌ కుమార్‌ కూతురు వాస్తవిక్త కూడా ఒకరు. ఆమెకు షాహిద్‌ అంటే పిచ్చి ప్రేమ. అతడు కనిపిస్తే చాలు హీరోనే చూస్తూ తన్మయత్వానికి లోనవుతుంది. షైమక్‌ డావర్‌ డ్యాన్స్‌ క్లాసులో తొలిసారి షాహిద్‌ను నేరుగా చూసింది. తొలిచూపులోనే అతడు తెగ నచ్చేశాడట. తనకు తెలియకుండానే అతడితో ప్రేమలో కూడా పడిందట! కానీ నటుడు మాత్రం తనకేమీ పట్టనట్లుగా ఉండిపోయేవాడు. ఎంతమందిలో ఉన్నా ఆమె చూపులు మాత్రం షాహిద్‌పైనే ఉండేవట. పైగా తనను షాహిద్‌ భార్యగా కూడా చెప్పుకున్నట్లు తెలుస్తోంది. ఇది హీరోకు ఇబ్బందికరంగా అనిపించింది. మొదట నచ్చజెప్పి చూశాడు, కానీ ఆమె వినిపించుకోలేదట.   పైగా తను ఎక్కడికి వెళ్తే అక్కడికి ఫాలో అవడంతో ఓపిక నశించిన హీరో ఏకంగా పోలీసులను ఆశ్రయించినట్లు తెలుస్తోంది. సినిమా సెట్స్‌కు రావడం, బయటకు వెళ్తే ఫాలో కావడం, ఏకంగా తన ఇంటి పక్క ఇంట్లోకి షఫ్ట్‌ కావడం.. ఇవన్నీ చిరాకు తెప్పించడంతో 2012లో షాహిద్‌.. వాస్తవిక్తపై పోలీసులకు ఫిర్యాదు చేసినట్లు ఓ వార్త వైరల్‌ అవుతోంది. ఈ ఫిర్యాదు తర్వాత ఆమె మరెన్నడూ షాహిద్‌ను ఫాలో కాలేదట. ఇకపోతే వాస్తవిక్త 1996లో యాక్టింగ్‌ కెరీర్‌ను ప్రారంభించింది. తండ్రి రాజ్‌కుమార్‌ అందుకున్న పేరు ప్రతిష్టలు తనకెలాంటి సక్సెస్‌ తెచ్చిపెట్టలేకపోయాయి. ఫలితంగా ఇండస్ట్రీలో నిలదొక్కుకోలేక సినిమాలకు గుడ్‌బై చెప్పేసిందీ నటి. చదవండి: అవార్డులే అనుకున్నా ఆస్కార్‌ కూడా కొనేశారు కదరా!

ఒక భాషలో ఏదైనా సినిమా హిట్టయిందంటే చాలు దాన్ని వేరే భాషలో రీమేక్‌ చేయాలని తహతహలాడిపోతుంటారు సినీతారలు. ఈ క్రమంలో కొన్నిసార్లు సూపర్‌ హిట్లు తీసినా మరికొన్నిసార్లు మాత్రం చేతులు కాల్చుకుంటారు. మరీ ముఖ్యంగా బాలీవుడ్‌ ఇలా రీమేక్‌లు తీసి వరుస ఫ్లాపులు మూటగట్టుకుంటోంది. సౌత్‌లో హిట్‌ అయిన చిత్రాలను హిందీలో రీమేక్‌ చేసి వదులుతోంది. కానీ ఎందుకో అక్కడ అస్సలు వర్కవుట్‌ కావడం లేదు. అయినా సరే పట్టు వదలకుండా రీమేక్‌లు చేస్తూనే ఉంది. ఈ క్రమంలో విక్రమ్‌ వేద, హిట్‌, జెర్సీ, షెహజాదా (అల వైకుంఠపురములో), డ్రైవింగ్‌ లైసెన్స్‌(సెల్ఫీ) వంటి చిత్రాలు బాక్సాఫీస్‌ వద్ద ఘోర పరాజయాన్ని చవిచూశాయి. అయినా సరే వాటిని లెక్క చేయకుండా బోలెడన్ని సినిమాలు ఇంకా క్యూలో ఉన్నాయి. లవ్‌ టుడే, సూరరై పోట్రు, ఎఫ్‌ 2, బ్రోచెవారెవరురా, ఖైదీ, కత్తి, అయ్యప్పనుమ్‌ కోషియుమ్‌.. ఇలా చాలా చిత్రాలు రీమేక్‌ బాటపట్టాయి. హిందీ ప్రేక్షకులు సౌత్‌ కంటెంట్‌ను ఇష్టపడటం లేదని కాదు.. దక్షిణాది సినిమాలను చూస్తున్నారు, ఒరిజినల్‌ కంటెంట్‌ను మాత్రమే ఇష్టపడుతున్నారు.. రీమేక్‌లకు మాత్రం నిర్మొహమాటంగా నో చెప్తున్నారు. అయితే మంచి కంటెంట్‌ ఉన్న సినిమాను వ్యతిరేకిస్తే తట్టుకోలేమంటున్నాడు బాలీవుడ్‌ హీరో షాహిద్‌ కపూర్‌. నాని హీరోగా నటించిన జెర్సీ మూవీకి తెలుగులో విశేష స్పందన లభించింది. ఈ సినిమా హిందీ రీమేక్‌లో షాహిద్‌ కపూర్‌ హీరోగా నటించాడు. కోవిడ్‌ కారణంగా పలుమార్లు వాయిదా పడుతూ వచ్చిన ఈ చిత్రం గతేడాది ఏప్రిల్‌లో రిలీజవగా ఘోర పరాజయం పొందింది. దీనిపై షాహిద్‌ మాట్లాడుతూ.. 'నా గుండె పగిలినట్లైంది. ఎంతో మంచి సినిమా అది, కానీ ఈ ప్రపంచం మాపై దయచూపలేదనుకుంటా.. పాటలు విడుదలైన మరో నాలుగు నెలలకు సినిమా రిలీజైంది. జెర్సీతో ఓ విషయం నాకు బాగా అర్థమైంది. సినిమాలు ఫాస్ట్‌ఫుడ్‌ వంటివి. అది వేడివేడిగా ఉన్నప్పుడే వెంటనే తినేయాలి.. దాన్ని వాయిదాలు వేసుకుంటూ ఆలస్యం చేస్తే అంత మజా రాదు. అప్పుడు కరోనా టైంలో సినిమాను ఎలా ముందుకు తీసుకెళ్లాలో కూడా అర్థం కాలేదు. దురదృష్టవశాత్తూ సినిమా ఫ్లాప్‌ అయింది' అని చెప్పుకొచ్చాడు. తాజాగా ఫర్జీ వెబ్‌ సిరీస్‌తో ఓటీటీలో ఎంట్రీ ఇచ్చాడు షాహిద్‌ కపూర్‌. ఫిబ్రవరి 10 నుంచి అమెజాన్‌ ప్రైమ్‌లో ప్రసారమవుతున్న ఈ సిరీస్‌కు మంచి ఆదరణ లభించింది.

బాలీవుడ్‌ యంగ్‌ హీరో కార్తీక్‌ ఆర్యన్‌ ప్రస్తుతం 'షెహజాదా' సినిమాలో నటిస్తున్నాడు. టాలీవుడ్‌లో సూపర్‌ హిట్‌గా నిలిచిన అల వైకుంఠపురములో సినిమాకు ఇది రీమేక్‌ అన్న విషయం తెలిసిందే! షెహజాదా ఫిబ్రవరి 10న థియేటర్లలో విడుదల కానుంది. ఇదిలా ఉంటే కార్తీక్‌.. బాలీవుడ్‌ హీరో షాహిద్‌ కపూర్‌ ఇంట్లో అద్దెకు దిగుతున్నాడట! ముంబైలోని జుహులో షాహిద్‌ కపూర్‌కు లగ్జరీ అపార్ట్‌మెంట్‌ ఉంది. గతేడాది వరకు షాహిద్‌ తన భార్య మీరా రాజ్‌పుత్‌.. పిల్లలు జైన్‌, మిషాతో కలిసి అక్కడే ఉండేవాడు. ఇటీవలే వీరు వర్లిలోని డూప్లెక్స్‌ ఇంటికి షిఫ్ట్‌ అయ్యారు. దీంతో ప్రానెటా బిల్డింగ్‌లోని తన అపార్ట్‌మెంట్‌ ఖాళీ అయింది. తాజాగా ఈ అపార్ట్‌మెంట్‌లోకి కార్తీక్‌ ఆర్యన్‌ అద్దెకు దిగినట్లు తెలుస్తోంది. ఈ లగ్జరీ ఇంటి అద్దె రూ.7.5 లక్షలు కాగా ఏడాది తర్వాత రెంట్‌ పెరుగుతుందట. రెండో ఏడాది నెలనెలా రూ.8.02 లక్షలు కట్టాల్సి ఉంటుందట. ఇక మూడో సంవత్సరంలో ఏకంగా రూ.8.58 లక్షలు చెల్లించాల్సి ఉంటుందని తెలుస్తోంది. సెక్యూరిటీ డిపాజిట్‌ కింద రూ.45 లక్షలు ముందుగానే అప్పజెప్పాల్సి ఉంటుంది. ఇందుకు సంబంధించిన రిజిస్ట్రేషన్‌ ప్రక్రియ కూడా సంక్రాంతికి ముందే పూర్తైనట్లు బీటౌన్‌లో ఓ వార్త వైరల్‌గా మారింది. కాగా కార్తీక్‌ ఆర్యన్‌ గతంలో వెర్సోవాలోని ఓ అపార్ట్‌మెంట్‌లో నివసించేవాడు. దీన్ని 2019లో రూ.1.60 కోట్లకు కొనుగోలు చేశాడు. చదవండి: రోజూ రాత్రి ఒంటరిగా వెక్కి వెక్కి ఏడ్చేదాన్ని: రష్మిక డైరెక్టర్‌కు మెగాస్టార్‌ ఖరీదైన బహుమతి

బాలీవుడ్‌ స్టార్‌ హీరో షాహిద్‌ కపూర్‌ డిజిటల్‌ ఎంట్రీ ఇస్తున్న సంగతి తెలిసిందే. ఆయన హీరోగా ‘ఫర్జీ’ వెబ్‌ సిరీస్‌ రూపొందింది. ‘ది ఫ్యామిలీ మ్యాన్‌’ వెబ్‌ సిరీస్‌తో సంచలన విజయం సాధించిన డైరెక్టర్స్‌ రాజ్‌-డీకేలు తెరకెక్కించిన ఈ వెబ్‌ సిరీస్‌లో తమిళ స్టార్‌ విజయ్‌ సేతుపతి కీలక పాత్ర పోషించాడు. ఇప్పటికే షూటింగ్‌ పూర్తి చేసుకున్న ఈ సిరీస్‌ ఫిబ్రవరి 10న అమెజాన్‌ ప్రైమ్‌లో విడుదల కానుంది.  చదవండి: అఫిషియల్‌: ఓటీటీకి వచ్చేస్తున్న ‘18 పేజెస్‌’ మూవీ, స్ట్రీమింగ్‌ ఎక్కడంటే! ఈ నేపథ్యంలో సిరీస్‌ ప్రమోషన్‌లో భాగంగా తాజాగా ఫర్జీ తెలుగు ట్రైలర్‌ను రిలీజ్‌ చేసింది అమెజాన్‌ ప్రైం వీడియోస్‌. ఈ ట్రైలర్‌ చూస్తుంటే డబ్బు చూట్టు కథ తిరుగనుందని తెలుస్తోంది. ‘నేను ఎంత డబ్బు సంపాదించాలంటే.. ఆ డబ్బు మీద నాకు మోజు పోవాలి’ అంటూ షాహిద్‌ చెప్పే డైలాగ్‌ ఆసక్తిగా పెంచుతోంది. దొంగ నోట్లు ముద్రించే యువకుడిగా షాహిద్‌ ఇందులో కనిపంచనున్నాడు. ఇక ఫర్జీ ట్రైలర్‌ చూస్తుంటే ప్రపంచవ్యాప్తంగా ఎంతో ఆదరణ పొందిన మనీ హేస్ట్‌ ఇంగ్లీష్‌ సిరీస్‌ను తలపిస్తోంది. చదవండి: ‘బాధపడకమ్మా.. నేను నీ వెనకే ఉన్నా’: సమంత ఎమోషనల్‌ పోస్ట్‌ ఈ ట్రైలర్‌ రిలీజ్‌ సందర్భంగా దర్శకులు రాజ్‌-డీకే మాట్లాడుతూ తమకు ఇష్టమైన స్క్రిప్ట్‌ల్లో ఇదీ ఒకటని చెప్పారు. ఎంతో అభిరుచితో ఈ వెబ్‌ సిరీస్‌ను రూపొందించామని, ‘ది ఫ్యామిలీమ్యాన్‌’ సిరీస్‌లానే ఇది కూడా అందరికి నచ్చుతుందని వారు ధీమా వ్యక్తం చేశారు. అయితే ఇందులో విజయ్‌ సేతుపతి పోలీస్‌ అధికారిగా కనిపించనున్నాడు. ప్రముఖ నటుడు కేకే మేనన్‌, రాశీఖన్నాలు మరో కీలక పాత్రలు పోషించారు.

బాలీవుడ్‌ లవ్‌ బర్డ్స్‌ కియారా అద్వానీ-సిద్దార్థ్‌ మల్హోత్రాలు గత కొంతకాలంగా డేటింగ్‌లో ఉన్నట్లు బీటౌన్‌లో వార్తలు షికార్లు చేస్తున్న సంగతి తెలిసిందే. అయితే వీరి రిలేషన్‌పై ఈ జంట ఎప్పుడూ స్పందించలేదు. తమ ప్రేమను గొప్యంగా ఉంచుతూ వస్తున్నారు. కానీ వీళ్లిద్దరూ కలిసి హాలీడే వెకేషన్స్‌కి వెళ్లడం, ముంబై రోడ్లపై చెట్టాపట్టాలేసుకుంటూ మీడియా కెమెరాలకు చిక్కుతుండటంతో వీరద్దరి మధ్య సమ్‌థింగ్‌, సమ్‌థింగ్‌ నడుస్తోందని అంతా ఫిక్స్‌ అయ్యారు. ఈ క్రమంలో దర్శక-నిర్మాత కరణ్‌ జోహార్‌ టాక్ షో కాఫీ విత్‌ కరణ్‌ తమ ప్రేమ గురించి చెప్పకనే చెప్పింది ఈ జంట. ఇటీవల షోకు వచ్చిన సిద్ధార్థ్‌ మల్హోత్రా కియారాతో డేటింగ్‌పై పరోక్షంగా క్లారిటీ ఇచ్చాడు. చదవండి: అప్పట్లోనే బిగ్‌బి కంటే అధిక పారితోషికం అందుకున్న చిరు, వైరల్‌గా కవర్‌ ఫొటో కెరీర్‌ ప్లాన్‌ ఏంటని సిద్ధార్థ్‌ను కరణ్‌ ప్రశ్నించగా.. తాను సంతోషకరమైన, ప్రకాశవంతమైన జీవితాన్ని కోరుకుంటున్నానని చెప్పాడు సిద్ధార్థ్‌. ఆ వెంటనే కియారాతోనా? అని కరణ్‌ అనడంతో.. ఆమె అయితే ఇంకా బాగుంటుందంటూ తమ ప్రేమ విషయాన్ని చెప్పకనే చెప్పాడు సిద్ధార్థ్‌. తాజాగా హీరో షాహిద్‌ కపూర్‌తో కలిసి కియారా ఈ షోలో సందడి చేసింది. ఈ సందర్భంగా తనకు పరిశ్రమలో అంత్యంత క్లోజ్‌ ఎవరని అడగ్గా షాహిద్‌ పేరు చెప్పింది కియారా. అనంతరం సిద్ధార్థ్‌తో ఉన్న బంధం ఏంటని అడగ్గా. అతడు ఫ్రెండ్‌ కంటే ఎక్కువ అంటూ ముసిముసిగా నవ్వింది ఆమె. చదవండి: హీరోగా పరిచయమవుతున్న కమెడియన్‌ గౌతమ్‌ రాజు కుమారుడు ఇంతలో షాహిద్‌ కల్పించుకుని ‘ఈ ఏడాది చివర్లో ఎప్పుడైన బిగ్‌ అనౌన్స్‌మెంట్‌ రావోచ్చు సిద్ధంగా ఉండండి. కానీ అది సినిమాకు సంబంధించినది మాత్రం కాకపోవచ్చు!’ అంటూ ఆసక్తికర వ్యాఖ్యలు చేశాడు. దీంతో సిద్ధార్థ్‌, కియారాలు త్వరలోనే గుడ్‌న్యూస్‌ చెప్పబోతున్నారని, ఈ ఏడాది చివర్లో పెళ్లి పీటలు ఎక్కబోతున్నారంటూ బాలీవుడ్‌ మీడియాల్లో కథనాలు వినిపిస్తున్నాయి. మరోవైపు ఎట్టకేలక తమ లవ్వీ లవ్‌బర్డ్స్‌ పెళ్లి ఒక్కటికాబోతున్నారా? వీరిద్దరు క్యూట్‌ కపుల్‌, ఎట్టకేలకు కియార-సిద్ధార్థ్‌ బిగ్‌ అనౌన్స్‌మెంట్‌ ఇవ్వబోతున్నారన్నమాట’ అంటూ నెటిజన్లు కామెంట్స్‌ చేస్తున్నారు. కాగా కియారా, సిద్ధార్థ్‌లు ‘షేర్షా’ చిత్రంలో కలిసి నటించారు. ఈ సినిమా షూటింగ్‌లోనే వీరిద్దరి మధ్య ప్రేమ చిగురించినట్ల తెలుస్తోంది.  View this post on Instagram A post shared by Karan Johar (@karanjohar)

బాలీవుడ్‌ దర్శక-నిర్మాత కరణ్‌ జోహార్‌ హోస్ట్‌ చేస్తున్న టాక్‌ షో ‘కాఫీ విత్‌ కరణ్‌’. ఈ షో ఎంతటి క్రేజీ సొంతం చేసుకుందో ప్రత్యేకంగా చెప్పనక్కర్లేదు. ఈ షోకు వచ్చిన సినీ సెలబ్రెటీలను తనదైన స్టైల్లో చిక్కు ప్రశ్నలు అడిగి ఇబ్బందుల్లో పడేస్తుంటాడు కరణ్‌. అలా వారి నుంచి ఆసక్తిర విషయాలను బయటపెట్టిస్తూ ఈ టాక్‌ షోను సక్సెస్‌ ఫుల్‌గా రాణిస్తున్నాడు. ప్రస్తుతం ఈ షో 6వ సీజన్‌ను జరుపుకుంటోంది. ఈ సీజన్‌లో తొలిసారి మన తెలుగు హీరోయిన్‌ సమంత, హీరో విజయ్‌ దేవరకొండలు సందడి చేశారు. చదవండి: బింబిసార మూవీపై జూ. ఎన్టీఆర్‌ రివ్యూ.. ఏమన్నాడంటే దీంతో కాఫీ విత్‌ కరణ్ 6వ సీజన్‌కు నార్త్‌లోనే కాదు సౌత్‌లోనూ మంచి క్రేజ్‌ తెచ్చుకుంది. ఈ క్రమంలో లెటేస్ట్‌ ఎపిసోడ్‌లో లాల్‌ సింగ్‌ చద్దా హీరోహీరోయిన్లు అయిన ఆమిర్‌ ఖాన్‌, కరీనా కపూర్‌ సందడి చేశారు.  ఈ సందర్భంగా కరణ్‌ జోహార్‌, కరీనాను అడిగిన ఓ ప్రశ్న ప్రస్తుతం నెట్టింట చర్చనీయాంశంగా మారింది. రాపిడ్ ఫైర్ రౌండ్‌లో హోస్ట్ కరణ్ కరీనాను కజిన్ రణ్‌బిర్ కపూర్, షాహిద్ కపూర్ పార్టీ చేసుకుంటే ఎవరు మిమ్మల్ని ఆహ్వానించరు అని అడగ్గా.. ‘రణ్‌బిర్ కజిన్ కాబట్టి ఆహ్వానిస్తాడు. కానీ షాహిద్ కపూర్ మాత్రం ఆహ్వానించకపోవచ్చు’ అని వివరించింది. చదవండి: పసి పిల్లలను సైతం చంపే రాక్షస చక్రవర్తి 'బింబిసార'.. మూవీ రివ్యూ ఆ తర్వాత గతంలో ఈ షోలో బేబో ఎన్నోసార్లు పాల్గొంందని,  పెళ్లికి ముందు ఒకసారి, పెళ్ల అనంతరం తన భర్త సైఫ్‌తో.. మాజీ భర్త షాహిద్‌.. అంటూ  వ్యాఖ్యానించాడు. దీంతో షోకు వచ్చినవారంత ఒక్కసారిగా షాకయ్యారు. కరణ్‌ మాటలకు కరీనా సైతం అవాక్కైంది. తన తప్పును వెంటనే సవరించుకున్న కరణ్‌.. కరీనాను క్షమాపణలు కోరాడు. కాగా కరీనా, షాహిద్‌లు జంటగా నటించిన  జబ్ వి మెట్ మూవీ సమయంలో వీరిద్దరు పీకల్లోతూ ప్రేమలో మునిగితేలిన సంగతి తెలిసిందే. కొన్నేళ్లకు ప్రేమకు బ్రేకప్‌ చెప్పుకున్న వీరిద్దరు. ఆ తర్వాత కరీనా.. సైఫ్‌ అలీ ఖాన్‌ను పెళ్లి చేసుకోగా.. షాహిద్‌ మిరా రాజ్‌పుత్‌ను వివాహమాడాడు.

భారత్‌లో ప్రతిభావంతులకు కొదవే లేదు. ప్రతి ఒక్కరిలోనూ ఏదో ఒక టాలెంట్‌ ఉంటుంది. కానీ అది నిరూపించుకునేందుకు సరైన సమయం కావాలి. చాలామందిలో టన్నుల కొద్దీ టాలెంట్‌ ఉన్నప్పటికీ విజయం సాధించలేకపోవచ్చు. ఎన్నో కారణాల వల్ల తమలోని ప్రతిభను పక్కన పెట్టేసి చిన్నా, చితక పనులు చేస్తూ  జీవించేస్తుంటారు. అయితే ఎదో ఒక సమయంలో మనలోని టాలెంట్‌ తప్పకుండా బయటడుతుంది. దీనికి తోడు ఇటీవల కాలంలో సోషల్‌ మీడియా వినియోగం పెరగడంతో మారుమూల ప్రాంతంలోని ప్రతిభ కలిగిన వ్యక్తులు కూడా ప్రపంచానికి పరిచయం అవుతున్నారు. రాత్రికి రాత్రే పాపులారిటీ సంపాదించి నలుగురిలో ప్రత్యేక గుర్తింపు పొందుతున్నారు. అచ్చం ఇలాగే భవన నిర్మాణ కార్మికుడిగా పనిచేస్తున్న ఓ వ్యక్తి తనలోన దాగున్న డ్యాన్స్‌ టాలెంట్‌తో మెస్మరైజ్‌ చేశాడు. తోటి కార్మికులతో కలిసి వర్క్‌ ప్రదేశంలో పనిచేస్తుండగా డ్యాన్స్‌ చేసి అబ్బుర పరిచాడు. మైకెల్ జాక్సన్‌ వలె అద్భుత డ్యాన్స్‌ స్టెప్పులతో దుమ్ములేపాడు. ఎంతో కష్టమైన డ్యాన్స్‌ మూమ్స్‌ను కూడా అలవోకగా చేస్తూ అందరిని మెప్పించాడు. ఈ వీడియో పాతదే అయినప్పటికీ తాజాగా దీనిని ఓ యూజర్‌ ట్విటర్‌లో షేర్‌ చేశారు. చదవండి: కొంపముంచిన డెలివరీ ఇన్‌స్ట్రక్షన్‌.. రూ.500 చిల్లర తీసుకురమ్మంటే! హృతిక్‌ రోషన్‌, టైగర్‌ ష్రాఫ్‌, అల్లు అర్జున్‌, మాధురీ దీక్షిత్‌, ప్రభుదేవా, రెమో డీసౌజా వంటి డ్యాన్సర్లు, హీరోలను ట్యాగ్‌ చేస్తూ పోస్టు చేసిన ఈ వీడియో నెట్టింట్లో వైరల్‌గా మారింది. నెటిజన్లు అతడి ప్రతిభను ప్రశంసిస్తున్నారు. ఎంతో అద్భుతం, గొప్ప డ్యాన్సర్‌, ఇంత స్మూత్‌ డ్యాన్స్‌ స్టెప్పులను ఎప్పుడూ చూడలేదంటూ పొగడ్తలతో ముంచేస్తున్నారు. బాలీడు్‌ నటుడు షాహిద్ కపూర్ కూడా రీట్వీట్‌ చేస్తూ..‘చాలా బాగుంది. ప్రతిభ ఎప్పుడూ షైన్‌ అవుతూనే ఉంటుంది. దానిని అణచివేయలేరు. తెలివైన, ఎంతో స్ఫూర్తిదాయకం.’ అని పేర్కొన్నారు. Please,enjoy this video & respect his talent & skills of dance👍👌👌. @iHrithik @iTIGERSHROFF @aakankshalovely @RaghavJuyalOffi @alluarjun @PDdancing @shahidkapoor @MadhuriDixit @remodsouza . pic.twitter.com/XCls4DTzPv — Ajay Raturi (@AjayRaturi20) July 20, 2022

షాహిద్‌ కపూర్‌ నటించిన తాజా చిత్రం 'జెర్సీ'. తెలుగు నేచురల్‌ స్టార్‌ నాని నటించిన జెర్సీని హిందీలో అదే పేరుతో డైరెక్టర్‌ గౌతమ్‌ తిన్ననూరి రీమేక్‌ చేశాడు. ఇందులో షాహిద్‌ 40 ఏళ్ల వయసులో భారత జట్టులో స్థానం సంపాదించి కొడుకు కోరికను నెరవేర్చిన అర్జున్‌ తల్వార్‌ అనే తండ్రి పాత్రలో కనిపించాడు.భారీ అంచనాల మధ్య విడుదలైన ఈ చిత్రం బాక్సాఫీస్‌ వద్ద అనుకున్నంత స్థాయిలో విజయం సాధించలేకపోయింది. ఇదిలా ఉండగా ఇప్పుడీ సినిమా ఓటీటీలో అలరించేందుకు సిద్ధమైంది. ప్ర‌ముఖ ఓటీటీ సంస్థ‌ నెట్ ఫ్లిక్స్‌లో జెర్సీ సినిమా ఈనెల 20 నుంచి స్ట్రీమింగ్‌ కానుంది. ఇందులో షాహిద్‌కు జోడిగా బాలీవుడ్‌ నటి మృణాల్‌ ఠాకూర్‌ నటించింది. దిల్ రాజు, నాగ‌వంశీ, అమ‌న్ గిల్ సంయుక్తంగా ఈ చిత్రాన్ని నిర్మించారు.  

Rashmika Mandanna Was 1st Choice For Shahid Jersey: బాలీవుడ్‌ హీరో షాహిద్‌ కపూర్‌ నటించిన జెర్సీ ఈ నెల 22న విడుదలై బాక్సాఫీసు వద్ద మిక్స్‌డ్‌ టాక్‌ తెచ్చుకుంటోంది. ఇందులో షాహిద్‌ నటకు ప్రేక్షకులు ఫిదా అవుతున్నాడు. స్పోర్ట్స్‌ డ్రామాగా తెరకెక్కిన ఈ చిత్రంలో షాహిద్‌ ఎమోషనల్‌ సీన్స్‌ ప్రేక్షకుల హృదయాలను హత్తుకుంటున్నాయి. తెలుగులో బ్లాక్‌బస్టర్‌ హిట్‌ సాధించిన నేచులర్‌ స్టార్‌ నాని జెర్సీకి ఇది హిందీ రీమేక్‌ అనే విషయం తెలిసిందే.  దర్శకుడు గౌతమ్‌ తిన్ననూరి హిందీ ఇదే పేరుతో ఈ మూవీని రీమేక్‌ చేశాడు. ఇందులో షాహిద్‌ 40 ఏళ్ల వయసులో భారత జట్టులో స్థానం సంపాదించి కొడుకు కోరికను నెరవేర్చిన అర్జున్‌ తల్వార్‌ అనే తండ్రి పాత్రలో కనిపించాడు.  చదవండి: నా తండ్రి గుర్తింపుతో బతకాలని లేదు: వేదాంత్‌ షాకింగ్‌ కామెంట్స్‌ ఈ క్రమంలో షాహిద్‌ పోషించిన భావోద్వేగ సన్నివేశాలకు ప్రేక్షకులు ఫిదా అవుతున్నారు. అయినప్పటికీ మూవీ ఆశించిన విజయం సాధించలేకపోయింది. ఇదిలా ఉంటే ఈ సినిమాలో షాహిద్‌ భార్యగా బాలీవుడ్‌ నటి మృణాల్‌ ఠాకుర్‌ నటించింది. అయితే మొదట ఈ పాత్ర కోసం నేషనల్‌ క్రష్‌ రష్మిక మందన్నాను సంప్రదించారట చిత్ర బృందం. అయితే తను ఈ ఆఫర్‌ను తిరస్కరించినట్లు అప్పట్లో వార్తలు వచ్చాయి. తాజాగా దీనిపై రష్మిక స్పందించింది. ఐఏఎన్‌ఎస్‌తో ముచ్చటించిన రష్మిక హిందీ జెర్సీ ఆఫర్‌పై నోరు విప్పింది. తనకు హిందీ జెర్సీ ఆఫర్‌ వచ్చిందని, కానీ దాన్ని తిరస్కరించానని తెలిపింది.  చదవండి: షాపింగ్‌ మాల్‌ ఓపెనింగ్‌కు వెళ్లిన అనుపమకు షాకిచ్చిన ఫ్యాన్స్‌ ‘ఎందుకంటే నేను ఇప్పటి వరకు చేసినవన్ని కమర్షియల్‌ సినిమాలే. అలాంటి నేను జెర్సీలాంటి చిత్రంలో నటిస్తే ఎలా ఉంటుంది. జెర్సీ మంచి సినిమా కాదు అని నేను అనడం లేదు. ఇది రియలిస్టిక్‌ చిత్రం. జెర్సీ తెలుగు వెర్షన్‌లో నటించిన శ్రద్ధా శ్రీనాథ్‌ అద్భుతంగా నటించారు. ఆ పాత్రకు తనకన్న గొప్పగా ఎవరూ నటించలేరని నా ఉద్దేశం. అందుకే ఈ పాత్రకు నేను కరెక్ట్‌ కాదని అనిపించింది. అనుకుంటే నేను ఈ సినిమాలో నటించేదాన్నే. కానీ నా వల్ల దర్శక-నిర్మాతలు నష్టపోకూడదనుకున్న. ఈ సినిమా కోసం వారికి నాకంటే బెటర్‌ ఆప్షన్స్‌ ఎన్నో ఉండోచ్చు కదా. అందుకే ఈ సినిమాకు నో చెప్పాను’ అంటూ రష్మిక చెప్పుకొచ్చింది. కాగా ప్రస్తుతం రష్మిక తెలుగు పుష్ప 2తో పాటు హిందీలో యానిమల్‌ చిత్రాలతో బిజీగా ఉంది. 

Cine Celebrities On OTT Digital Platform: కరోనా లాక్‌డౌన్‌లో ఓటీటీల హవా మొదలైంది. స్టార్స్‌ సైతం ఓటీటీలకు గ్రీన్‌ సిగ్నల్‌ ఇచ్చారు. థియేటర్స్‌ రీ ఓపెన్‌ చేసిన తర్వాత కూడా ఓటీటీ ప్రాజెక్ట్స్‌కు చాలా మంది యాక్టర్స్‌ పచ్చ జెండా ఊపుతూనే ఉన్నారు. తాజాగా కొందరు బాలీవుడ్‌ తారలు యాక్టర్స్‌ ‘ఓటీటీ.. మేం రెడీ’ అంటూ డిజిటల్‌ వరల్డ్‌లోకి ఎంట్రీ ఇస్తున్నారు. ఆ వివరాలేంటో ఓ లుక్కేద్దాం.   దర్శక ద్వయం రాజ్‌ అండ్‌ డీకే తీసిన ‘ది ఫ్యామిలీ మేన్‌ సీజన్‌ 1’ వెబ్‌ సిరీస్‌కి, దీనికి కొనసాగింపుగా వచ్చిన ‘ది ఫ్యామిలీమేన్‌ సీజన్‌ 2’కి మంచి ఆదరణ దక్కింది. దీంతో కొందరు బాలీవుడ్‌ తారలు ఈ డైరెక్టర్స్‌తో వెబ్‌సిరీస్‌ చేసేందుకు ఆసక్తి చూపుతున్నారు. కాగా షాహిద్‌ కపూర్‌తో రాజ్‌ అండ్‌ డీకే ‘సన్నీ’ (ప్రచారంలో ఉన్న టైటిల్‌) అనే వెబ్‌ సిరీస్‌ చేశారు. రాశీ ఖన్నా, విజయ్‌ సేతుపతి ఇతర లీడ్‌ రోల్స్‌ చేశారు. షాహిద్‌కు ఓటీటీలో ఇదే తొలి ప్రాజెక్ట్‌.  ఇకపోతే వరుణ్‌ ధావన్‌ ఓటీటీ ఎంట్రీ దాదాపు ఖరారు అయినట్లుగా తెలుస్తోంది. రాజ్‌ అండ్‌ డీకే దర్శకత్వంలోని ఓ వెబ్‌ సిరీస్‌లో వరుణ్‌ ధావన్, సమంత నటిస్తున్నారని కొన్నాళ్లుగా వార్తలు వచ్చాయి. అయితే తాజాగా వరుణ్‌ ధావన్‌ బర్త్‌ డే (ఏప్రిల్‌ 24)  సందర్భంగా రాజ్‌ అండ్‌ డీకే సోషల్‌ మీడియాలో వరుణ్, సమంతల ఫొటోను షేర్‌ చేసి ‘యాక్షన్‌ ప్యాక్డ్‌ ఇయర్‌’ అనే క్యాప్షన్‌ ఇచ్చారు. దీంతో వరుణ్‌ డిజిటల్‌ ఎంట్రీ దాదాపు ఖరారు అయిందని బీ టౌన్‌ టాక్‌.  అదేవిధంగా రాజ్‌ అండ్‌ డీకే డైరెక్షన్‌లోనే దుల్కర్‌ సల్మాన్‌ కూడా డిజిటల్‌ వరల్డ్‌లోకి ఎంట్రీ ఇస్తున్నారు. 1990 బ్యాక్‌డ్రాప్‌లో క్రైమ్‌ థ్రిల్లర్‌గా రూపొందిన  ‘గన్స్‌ అండ్‌ గులాబ్స్‌’ వెబ్‌ సిరీస్‌లో దుల్కర్‌తోపాటు రాజ్‌కుమార్‌ రావు, ఆదర్శ్‌ గౌరవ్‌ లీడ్‌ రోల్స్‌ చేశారు. షూటింగ్‌ పూర్తయిన ఈ వెబ్‌ సిరీస్‌ స్ట్రీమింగ్‌ డేట్‌పై త్వరలో ఓ క్లారిటీ రానుంది. ఇక గత ఏడాది ఆగస్టులో ఓటీటీలో రిలీజైన సిద్ధార్థ్‌ మల్హోత్రా ‘షేర్షా’ చిత్రానికి వ్యూయర్స్‌ నుంచి మంచి స్పందన వచ్చింది. దీంతో మరో ఓటీటీ ప్రాజెక్ట్‌కి సైన్‌ చేశారు సిద్ధార్థ్‌. రోహిత్‌ శెట్టి డైరెక్షన్‌లో ‘ఇండియన్‌ పోలీస్‌ ఫోర్స్‌’ పేరుతో తెరకెక్కుతోన్న వెబ్‌సిరీస్‌లో సిద్ధార్థ్‌ మల్హోత్రా ఓ లీడ్‌ రోల్‌ చేస్తున్నారు.  మరో బాలీవుడ్‌ యంగ్‌ హీరో ఆదిత్యారాయ్‌ కపూర్‌ సైతం ఓటీటీ బాటకే ఓటేశారు. బ్రిటీష్‌ పాపులర్‌ సిరీస్‌ ‘ది నైట్‌ మేనేజర్‌’ హిందీ అడాప్షన్‌ ఓటీటీ ప్రాజెక్ట్‌లో లీడ్‌ రోల్‌ చేస్తున్నారు ఆదిత్య. ఆల్రెడీ ఈ ప్రాజెక్ట్‌ షూటింగ్‌ మొదలైంది. ఇందులో అనిల్‌ కపూర్, శోభితా ధూళిపాళ్ల కూడా లీడ్‌ రోల్స్‌ చేస్తున్నారు. ‘ది నైట్‌ మేనేజర్‌’ హిందీ అడాప్షన్‌ ప్రాజెక్ట్‌లో హృతిక్‌ రోషన్‌ నటిస్తారని మొదట్లో వార్తలు వచ్చినా ఫైనల్‌గా ఆదిత్యారాయ్‌ కపూర్‌ రంగంలోకి దిగారు.  ఇక హీరోయిన్ల విషయానికి వస్తే.. ‘హార్ట్‌ ఆఫ్‌ స్టోన్‌’ అనే హాలీవుడ్‌ వెబ్‌ ఫిల్మ్‌ చేస్తున్నారు ఆలియా భట్‌. టామ్‌ హార్పర్‌ దర్శకత్వం వహించనున్న ఈ వెబ్‌ ఫిల్మ్‌లో ఇంగ్లీష్‌ యాక్టర్స్‌ గాల్‌ గాడోట్, జామీ డోర్నన్‌ ఇతర లీడ్‌ రోల్స్‌ చేస్తున్నారు.  హీరోయిన్‌ సోనాక్షీ సిన్హా కూడా ఓటీటీ ఫిల్మ్‌కు గ్రీన్‌సిగ్నల్‌ ఇచ్చారు.  ‘ది ఫాలెన్‌’గా వస్తున్న ఈ వెబ్‌ ఫిల్మ్‌కు రీమా కాగ్తీ దర్శకురాలు. ఈ ప్రాజెక్ట్‌లో సోనాక్షి పోలీసాఫీసర్‌గా కనిపిస్తారు. ఇక ఓటీటీ ప్రాజెక్ట్స్‌తోనే కెరీర్‌ను స్టార్ట్‌ చేసే సాహసం చేశారు స్టార్‌ కిడ్స్‌ అగస్త్య నంద (అమితాబ్‌ బచ్చన్‌ మనవడు), ఖుషీ కపూర్‌ (దివంగత నటి శ్రీదేవి, నిర్మాత బోనీకపూర్‌ల చిన్న కుమార్తె), సునైనా ఖాన్‌ (షారుక్‌ఖాన్‌ కుమార్తె). ‘ది ఆర్చీస్‌’ (ప్రచారంలో ఉన్న టైటిల్‌)గా తెరకెక్కుతోన్న ఈ వెబ్‌ ఫిల్మ్‌కు జోయా అక్తర్‌ దర్శకురాలు. ఆల్రెడీ ఊటీలో షూటింగ్‌ మొదలైంది.  బాలీవుడ్‌లోని మరికొంతమంది యాక్టర్స్‌ ఓటీటీ బాటపడుతున్నారని లేటెస్ట్‌ టాక్‌. ఇక.. కొందరు సీనియర్‌ యాక్టర్స్‌లో అక్షయ్‌ కుమార్‌ ‘ది ఎండ్‌’ అనే భారీ ఓటీటీ ప్రాజెక్టుకి ఓకే చెప్పారు. కానీ వివిధ కారణాల వల్ల షూటింగ్‌ వాయిదా పడుతూ వస్తోంది. ‘సేక్రెడ్‌ గేమ్స్‌’తో సైఫ్‌ అలీఖాన్, ‘రుద్ర’తో అజయ్‌ దేవగన్‌ వంటి  సీనియర్స్‌ డిజిటల్‌ వ్యూయర్స్‌ ముందుకు వచ్చారు. సీనియర్‌ హీరోయిన్స్‌లో ‘ఆర్య’తో సుష్మితాసేన్, ‘మెంటల్‌హుడ్‌’తో కరిష్మా కపూర్, ‘ది ఫేమ్‌ గేమ్‌’తో మాధురీ దీక్షిత్‌ ఇప్పటికే డిజిటల్‌లోకి వచ్చేశారు. ‘ఇండియన్‌ పోలీస్‌ ఫోర్స్‌’తో శిల్పాశెట్టి, కరీనా కపూర్‌ (సుజోయ్‌ ఘోష్‌ దర్శకత్వంలోని సినిమా..), ‘చక్‌ ద ఎక్స్‌ప్రెస్‌’తో (మహిళా క్రికెటర్‌ జూలన్‌ గోస్వామి బయోపిక్‌) అనుష్కా శర్మ వంటివారు డిజిటల్‌ వ్యూయర్స్‌ను ఎంటర్‌టైన్‌ చేయడానికి రెడీ అవుతున్నారు.           

Shahid Kapoor Says He Hates His School Days: బాలీవుడ్‌ హీరో షాహిద్‌ కపూర్‌ తాజాగా నటించిన చిత్రం జెర్సీ. తెలుగు అర్జున్‌ రెడ్డి సినిమాను 'కబీర్‌ సింగ్‌'గా రీమెక్‌ చేసిన తర్వాత షాహిద్‌ చేస్తున్న మరో రీమెక్‌ చిత్రం ఇది. నెచురల్ స్టార్‌ నాని నటించిన జెర్సీ చిత్రాన్ని అదే పేరుతో హిందీలో తెరకెక్కించారు దర్శకుడు గౌతమ్‌ తిన్ననూరి. కబీర్‌ సింగ్‌తో ఫాంలోకి వచ్చిన షాహిద్‌ ఈ మూవీతో ఎలాగైన మరో హిట్‌ కొట్టాలని ఎంతో ఆసక్తిగా ఎదురు చూశాడు. ఇక ఎన్నో అంచనాల మధ్య శుక్రవారం (ఏప్రిల్‌ 22న) ప్రేక్షకుల ముందుకు వచ్చిన ఈ మూవీ మిక్స్‌డ్‌ టాక్‌ తెచ్చుకుంది. చదవండి: ‘ఆచార్య’ హిందీ వెర్షన్‌పై క్లారిటీ ఇచ్చిన రామ్‌ చరణ్‌ అయినప్పటికీ ఈ చిత్రంలో షాహిద్‌ పాత్రకు మాత్రం విమర్శకుల నుంచి ప్రశంసలు అందుతున్నాయి. క్రికెట్‌ నేపథ్యంలో సాగిన ఈ సినిమాలో కొడుకు కోరికను నేరవెర్చే తండ్రిగా షాహిద్‌ ఒదిగిపోయాడు. ఈ క్రమంలో షాహిద్‌ పోషించిన భావోద్వేగ సన్నివేశాలు ప్రేక్షకుల హృదయాలను హత్తుకుంటున్నాయి. ఇదిలా ఉంటే ఈ మూవీ యావరేజ్‌గా నిలిచింది. ఈ నేపథ్యంలో ఇటీవల ఓ నేషనల్‌ చానల్‌తో ముచ్చటించిన షాహిద్‌ వ్యక్తిగతం జెర్సీ కథకు బాగా కనెక్ట్‌ అయ్యానన్నాడు. అనంతరం ఈ సినిమాలో తన పాత్రకు వస్తున్న రెస్పాన్స్‌ చూస్తుంటే చాలా సంతోషంగా ఉందని తెలిపాడు. ఇక తన వ్యక్తిగత విషయాలను గురించి మాట్లాడుతూ ముంబైలోని తన స్కూలింగ్‌ డేస్‌ను గుర్తు చేసుకున్నాడు. చదవండి: రాజమౌళి గురించి ఈ విషయం 12 ఏళ్ల క్రితమే చెప్పా: భాను చందర్‌ ఈ సందర్భంగా ముంబైలో తను చదివిన స్కూల్‌ అంటే అసహ్యం అంటూ షాకింగ్‌ కామెంట్స్‌ చేశాడు. ‘నా పదేళ్ల వయసు వరకు ఢిల్లీలో చదివాను. అక్కడ స్కూల్స్‌ అంటే నాకు  చాలా ఇష్టం.  టీచర్లంతా స్టూడెంట్స్‌తో చాలా ఫ్రెండ్లీగా ఉండేవాళ్లు. విషయం ఏదైనా అర్థమయ్యేలా వివరించేవారు. ఇక అమ్మ జాబ్‌ నేపథ్యంలో మేం ముంబైకి వచ్చాం. దీంతో నేను ముంబై స్కూళ్లో చేరాను. ఆ స్కూల్‌ అంటే నాకెప్పటికీ అసహ్యం. ఎందుకంటే ఆ స్కూల్‌ టీచర్లు తరచూ నన్ను వేధించేశారు. వాళ్లు నాతో సరిగ్గా ఉండేవాళ్లు కాదు. అందుకే ఆ స్కూల్‌ డేస్‌ నాకెప్పటికీ నచ్చవు’ అంటూ చెప్పుకొచ్చాడు. కాగా అల్లు అరవింద్‌ సమర్పణలో దిల్‌రాజు, సూర్యదేవర నాగవంశీ, అమన్‌గిల్‌ నిర్మించిన హిందీ జెర్సీలో మృణాల్‌ ఠాకూర్‌ హీరోయిన్‌గా నటించింది.     var request = 'https://www.sakshi.com/knowwidget/kwstr_4231450453.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

Shahid Kapoor Jersey Movie Leaked Online: షాహిద్‌ కపూర్‌ తాజా చిత్రం జెర్సీ మూవీ టీంకు షాక్‌ తగిలింది. ఎన్నోసార్లు వాయిదా పుడుతూ వచ్చిన ఈ మూవీ ఎట్టకేలకు నేడు(ఏప్రిల్‌ 22న) విడుదలైంది. ఇప్పటికే తెలుగు అర్జున్‌ రెడ్డి రీమేక్‌ ‘కబీర్‌ సింగ్‌’తో హిట్‌ కొట్టిన షాహిద్‌ ఈ మూవీతో మరో హిట్‌కొట్టాలని ఎంతో ఆసక్తిగా ఎదురుచూస్తున్నాడు. ఈ నేపథ్యంలో జెర్సీ విడుదలైన గంటల వ్యవధిలోనే ఆన్‌లైన్‌లో లీకవడంతో మూవీ టీం, హీరో షాహిద్‌ ఆందోళనకు గురవుతున్నారు. ఈ మూవీ విడులైన గంట వ్యవధిలోనే తమిళ్‌రాక్స్‌, టెలిగ్రామలో లీకైంది. అయితే ఈ సినిమా పైరసి పట్ల చిత్ర బృందం ఎన్నో జాగ్రత్తలు తీసుకున్నప్పటికి లీకువీరులు తమ చేతివాటం చూపించారు.  చదవండి: సమంత ఫేక్‌ ఫొటో షేర్‌ చేసిన విజయ్‌, పడిపడి నవ్విన సామ్‌ కేజీయఫ్‌, ఆర్‌ఆర్‌ఆర్‌ వంటి పాన్‌ చిత్రాలు గట్టి పోటి ఇస్తున్న నేపథ్యంలో చిన్న సినిమాగా వచ్చిన జెర్సీ తొలి రోజే ఆన్‌లైన్‌లోకి లీకవడం మూవీ కలెక్షన్లపై తీవ్ర ప్రభావం పడే అవకాశం ఉంది. కాగా స్పోర్ట్స్‌ డ్రామాగా తెరకెక్కిన ఈ సినిమాలో షాహిద్‌ ఎమోషనల్‌గా ప్రేక్షకులకు మరింత దగ్గరయ్యాడు. దీంతో అతడి పాత్రపై ప్రేక్షకులు ప్రశంసలు కురిపిస్తున్నారు. తెలుగు నేచురల్‌ స్టార్‌ నాని నటించిన జెర్సీని హిందీలో అదే పేరుతో డైరెక్టర్‌ గౌతమ్‌ తిన్ననూరి రీమేక్‌ చేశాడు. ఇందులో షాహిద్‌కు జోడిగా బాలీవుడ్‌ నటి మృణాల్‌ ఠాకూర్‌ నటించింది. దిల్ రాజు, నాగ‌వంశీ, అమ‌న్ గిల్ సంయుక్తంగా నిర్మించిన ఈ చిత్రాన్ని సాచెట్ అండ్ ప‌రంప‌ర మ్యూజిక్‌ అందించారు. చదవండి: హిందీ ‘జెర్సీ’ చూసిన నాని ఏమన్నాడంటే..

Nani Interesting Comments on Shahid Kapoor: బాలీవుడ్‌ హీరో షాహిద్‌ కపూర్‌ తాజాగా నటించిన చిత్రం జెర్సీ. తెలుగులో సూపర్‌ హిట్‌గా నిలిచిన హీరో స్టార్‌ నాని జెర్సీని హిందీలో షాహిద్‌ రీమేక్‌ చేసిన సంగతి తెలిసిందే. ఈ చిత్రాన్ని అదే పేరుతో హిందీలో తెరకెక్కించారు దర్శకుడు గౌతమ్‌ తిన్ననూరి. క్రికెట్‌ నేపథ్యంలో తెరకెక్కిన ఈ చిత్రం ఎన్నో వాయిదాల అనంతరం ఈ రోజు(ఏప్రిల్‌ 22) థియేటర్లో విడుదలైంది. ఇందులో షాహిద్‌ పాత్రకు సినీ సెలబ్రెటీల నుంచి ప్రశంసలు అందుతున్నాయి. అలాగే ఈ సినిమా చూసిన నాని కూడా చిత్ర యూనిట్‌పై ప్రశంసలు కురిపించాడు. చదవండి: కన్నడ ప్రేక్షకులకు సారీ చెప్పిన నాని, అసలేం జరిగిందంటే.. హిందీ జెర్సీలో తన రోల్‌ పోషించిన షాహిద్‌ను పొగడ్తలతో ముంచెత్తాడు.ఈ మేరకు నాని ట్వీట్‌ చేస్తూ అర్జున్‌ పాత్రకు షాహిద్‌ పూర్తి న్యాయం చేశాడని పేర్కొన్నాడు. ‘జెర్సీ సినిమా చూశాను.  గౌత‌మ్ తిన్న‌నూరి ఈ సినిమాతో మ‌రోసారి హిట్ కొట్టేన‌ట్టే. షాహిద్‌క‌పూర్ అర్జున్ పాత్ర‌ను మ‌న‌స్సు పెట్టి చేశాడు. మృణాళ్ ఠాకూర్‌, పంక‌జ్ క‌పూర్ స‌ర్‌, మై బాయ్ రోనిత్ (చైల్డ్ యాక్ట‌ర్) కూడా చాలా బాగా చేశారు.. నిజ‌మైన మంచి సినిమా ఇది. చిత్ర‌యూనిట్‌కు నా శుభాకాంక్ష‌లు’ అంటూ నాని రాసుకొచ్చాడు. చదవండి: జెర్సీ సినిమా భరించలేకున్నానంటూ కేఆర్‌కే రివ్యూ ఇక నాని ట్వీట్‌కు షాహిద్‌ సమాధానం ఇచ్చాడు. ‘థాంక్యూ మై ఫ్రెండ్‌(అర్జున్‌ నుంచి మరోక అర్జున్‌). మీది చాలా పద్ద మనసు అందుకే జెర్సీకి ఈ స్థాయిలో రెస్పాన్స్‌ వచ్చింది. మోర్‌ పవర్‌ టూ యూ’ అంటూ రీట్వీట్‌ చేశాడు. కాగా ఇప్ప‌టివ‌ర‌కు స్క్రీనింగ్ అయిన షోల వ‌ర‌కు ఈ సినిమాపై ప్రేక్షకుల నుంచి మంచి స్పంద‌న వస్తోంది. ఇందులో షాహిద్‌కు జోడిగా బాలీవుడ్‌ నటి మృణాల్‌ ఠాకూర్‌ నటించింది. దిల్ రాజు, నాగ‌వంశీ, అమ‌న్ గిల్ సంయుక్తంగా నిర్మించిన ఈ చిత్రాన్ని సాచెట్ అండ్ ప‌రంప‌ర మ్యూజిక్‌ అందించారు. Thank you. From one Arjun to another. Big love my friend. You have a big heart and that’s what jersey is all about. More power to you. https://t.co/mMOkevCH5T — Shahid Kapoor (@shahidkapoor) April 22, 2022     var request = 'https://www.sakshi.com/knowwidget/kwstr_4251450496.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        }); 

తెలుగులో సూపర్‌ హిట్‌గా నిలిచిన జెర్సీ హిందీలో రీమేక్‌ అయిన విషయం తెలిసిందే! షాహిద్‌ కపూర్‌, మృణాల్‌ ఠాకూర్‌ జంటగా నటించిన ఈ చిత్రం ఎన్నో వాయిదాల అనంతరం నేడు (ఏప్రిల్‌ 22న) థియేటర్లలో రిలీజైంది. ఈ సినిమాపై బాలీవుడ్‌ వివాదాస్పద క్రిటిక్‌ కమల్‌ ఆర్‌ ఖాన్‌ రివ్యూ ఇచ్చాడు. 'జెర్సీ సినిమాను చూసి భరించలేకపోతున్నాను. ఇదేం సినిమారా బాబు. కబీర్‌ సింగ్‌లో షాహిద్‌ ఎలా హింసాత్మకంగా ఉన్నాడో ఇక్కడ కూడా అలానే ఉన్నాడు. ఈ సినిమా చేసేందుకు షాహిద్‌కు ఇదొక్కటి సరిపోతుందేమో!' అని ట్వీట్‌ చేశాడు కేఆర్‌కే.  మరో ట్వీట్‌లో 'కేవలం క్రికెట్‌ చూడటానికి నేను జెర్సీ సినిమా ఎందుకు చూడాలో నాకైతే అర్థం కావడం లేదు. అంతగా కావాల్సి వస్తే ఐపీఎల్‌ చూస్తాను. జెర్సీ నిర్మాతలు సినిమా క్రికెట్‌ గురించి కాదని ప్రతిచోటా చెబుతూ వచ్చారు. వారి మాటలను నమ్మి నేను సినిమా చూడాలని నిర్ణయించుకున్నాను. తీరా సినిమా చూశాక ఆరు గంటల క్రికెట్‌ను వారు జెర్సీ ద్వారా మూడు గంటల్లో చూపించినట్లు తెలుస్తోంది. కొన్ని సన్నివేశాలు మినహా అంతా క్రికెట్‌ చుట్టూనే సాగుతోంది' అంటూ కేఆర్‌కే వ్యంగ్యాస్త్రాలు సంధించాడు. మరోపక్క ఇషాన్‌ ఖట్టర్‌, వరుణ్‌ ధావన్‌, రకుల్‌ ప్రీత్‌ సింగ్‌, కునాల్‌ కెమ్ము తదితరులు సినిమాపై ప్రశంసలు కురిపిస్తున్నారు. Ye Film #Jersey Mujhse Jheli Nahi Jaa Rahi. Ye Kaya Hai Bhai? Film Ka Hero #KabirSingh main mental and violent tha. Waisa Hi Yahan hai. Toh Bas Shahid Ke Liye Itna Hi Kafi tha Film Karne Ke Liye. These actors are really Big Jhandu. — KRK (@kamaalrkhan) April 21, 2022 I really can’t understand that why should I watch film #jersey to watch cricket. If I have to watch cricket only then better I will watch #IPL. — KRK (@kamaalrkhan) April 21, 2022 Makers of #Jersey are saying everywhere that the film is not about cricket. So I decided to watch the film on their words. After watching the film, I can say that makers must be thinking to show 6hours cricket in 3hours film. Coz This film is all about cricket except few scenes. — KRK (@kamaalrkhan) April 21, 2022     var request = 'https://www.sakshi.com/knowwidget/kwstr_1361281962.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        }); చదవండి: ఓటీటీలో అమితాబ్‌ బచ్చన్‌ లేటెస్ట్‌ మూవీ, ఎక్కడో తెలుసా?  'కేజీయఫ్‌-2' విజయంపై యశ్ ఆసక్తికర వ్యాఖ్యలు

Shahid Kapoor Jersey Movie In Trouble: షాహిద్‌ కపూర్‌ జెర్సీకి వరుస ఎదురుదెబ్బలు తగుతున్నాయి. తెలుగు నెచురల్ స్టార్‌ నాని నటించిన జెర్సీ చిత్రాన్ని అదే పేరుతో హిందీలో తెరకెక్కించారు దర్శకుడు గౌతమ్‌ తిన్ననూరి. క్రికెట్‌ నేపథ్యంలో తెరకెక్కిన ఈ చిత్రం ఇప్పటికే ఎన్నోసార్లు వాయిదా పడింది. ఏప్రిల్‌ 14న ప్రేక్షకుల ముందుకు రావాల్సిన ఈ చిత్రం కేజీఎఫ్‌ 2, బీస్ట్‌ చిత్రాల కారణంగా ఏప్రిల్‌ 22కు మరోసారి వాయిదా పడింది. ఈ నేపథ్యంలో తాజాగా ఈ మూవీని ఓ వివాదంలో చూట్టుముట్టుంది. బాలీవుడ్‌ సినీ రచయిత రూపేశ్‌ జైశ్వల్‌ జెర్సీ విడుదలను ఆపాలంటూ తాజాగా కోర్టును ఆశ్రయించాడు. చదవండి: యశ్‌, విజయ్‌ ఎఫెక్ట్‌, వెనక్కి తగ్గిన షాహిద్‌ కపూర్‌ జెర్సీ స్క్రిప్ట్‌ తనదంటూ కాపీరైట్‌ కింద కేసు నమోదు చేశాడు. ఈ మేరకు ఆయన కోర్టులో పిటిషన్‌ దాఖలు చేశాడు. ‘‘ది వాల్‌’ అనే పేరుతో ఈ కథకు సంబంధించిన కాపీరైట్స్‌ను ఫిలిం రైటర్స్‌ అసోసియేషన్‌లో 2007లోనే రిజిస్టర్‌ చేయించాను. తెలుగుతో పాటు హిందీ జెర్సీ సినిమా కథ నాదే.  నా కథలో ఎన్నో మార్పులు చేసి నాకు తెలియకుండా స్క్రిప్ట్‌ తీసుకున్నారు’ అని తన పిటిషన్‌లో ఆయన పేర్కొన్నాడు. అంతేకాదు ఏప్రిల్‌ 22న విడుదల కాబోతోన్న ఈమూవీని వెంటనే ఆపివేయాలని కోర్టును కోరాడు. థియేటర్లతో సహా మరే ఇతర ఓటీటీల్లో కూడా ఈ మూవీ విడుదల కాకుండా చూడాలన్నాడు. చదవండి: అందుకే మీకు చరణ్‌ డామినేషన్‌ ఎక్కువ ఉందనిపిస్తుంది కనీసం ఈ కేసు తీర్పు వచ్చేవరకైనా ఈ సినిమా విడుదలను నిలిపివేయాలని ఆయన డిమాండ్‌ చేశాడు. మరి దీనిపై కోర్టు ఎలా స్పందిస్తుంది, ఎలాంటి తీర్పు ఇవ్వబోతుందో వేచి చూడాలి. తెలుగు జెర్సీని నిర్మాతలైన అల్లు అరవింద్, నాగవంశీలు హిందీ జెర్సీ కూడా నిర్మాతలుగా వ్యవహించారు. అయితే ఈ సినిమా షూటింగ్‌కు కరోనా లాక్‌డౌన్‌ కారణంగా మధ్యలో ఆగిపోయింది. ఆ తర్వాత కరోనా సెకండ్ లాక్ డౌన్ వచ్చి సినిమా రిలీజ్‌ను ఆపేసింది. సంక్రాంతి సమయంలో ఈ మూఏవీరి రిలీజ్‌ చేయాలనుకోగా కరోనా భయంతో థియేటర్స్ క్లోజ్ చేశారు. ఆ తర్వాత ఆర్ఆర్ఆర్ సినిమా వచ్చి జెర్సీని వాయిదా పడేలా చేసింది. ఇక ఈ సినిమాని ఎట్టి పరిస్థితుల్లోనూ ఏప్రిల్ 14న రిలీజ్ చేయాలి అనుకున్నారు. కాని కెజిఎఫ్ 2 సినిమా రావడంతో మళ్ళీ వాయిదా వేసుకున్నారు. 

Shahid Kapoor Jersey Postponed New Release Date Here: బాలీవుడ్‌ హీరో షాహిద్‌ కపూర్‌ తాజాగా నటించిన చిత్రం జెర్సీ. తెలుగు అర్జున్‌ రెడ్డి సినిమాను 'కబీర్‌ సింగ్‌'గా రీమెక్‌ చేసిన తర్వాత షాహిద్‌ చేస్తున్న మరో రీమెక్‌ చిత్రం ఇది. నెచురల్ స్టార్‌ నాని నటించిన జెర్సీ చిత్రాన్ని అదే పేరుతో హిందీలో తెరకెక్కించారు దర్శకుడు గౌతమ్‌ తిన్ననూరి. క్రికెట్‌ నేపథ్యంలో తెరకెక్కిన ఈ చిత్రం మరోసారి వాయిదా పడింది. ఇప్పటికే పలుమార్లు వాయిదా పడుతూ వచ్చిన ఈ మూవీ ఏప్రిల్‌ 14న ప్రేక్షకుల ముందుకు తీసుకువస్తున్నట్లు ఇప్పటికే మేకర్స్‌ ప్రకటించారు. అయితే విడుదలకు ఇంకా 3 రోజులు ఉందనగా మరోసారి జెర్సీని పోస్ట్‌పోన్‌ చేస్తూ షాకింగ్‌ న్యూస్‌ బయటకు వచ్చింది. చదవండి: స్టార్‌ హీరో అయ్యుండి ఇలా చేస్తారనుకోలేదు: విజయ్‌పై పూజా కామెంట్స్‌ ఇదే వారం పాన్‌ ఇండియా చిత్రాలు కేజీఎఫ్‌ 2, బీస్ట్‌లు విడుదల అవుతోన్న నేపథ్యంలో జెర్సీ టీం వెనక్కి తగ్గినట్టు తెలుస్తోంది. ఈ నేపథ్యంలో జెర్సీ పోస్ట్‌పోన్‌ అయిందని, ఏప్రిల్‌ 22కు ఈ మూవీని వాయిదా వేసినట్లు తాజాగా సినీ విశ్లేషకుడు తరణ్‌ అదర్శ్‌ ట్వీట్‌ చేశాడు. ‘ఎ‍క్స్‌క్లూజివ్‌ బ్రేకింగ్‌ న్యూస్‌.. జెర్సీ మరో వారానికి వాయిదా పడింది. నిన్న(ఆదివారం) రాత్రి మేకర్స్‌ ఆకస్మాత్తుగా ఈ నిర్ణయం తీసుకున్నారు. 22 ఏప్రిల్‌ 22న జెర్సీ థియేటర్లోకి రానుంది’ అంటూ తరణ్‌ ఆదర్శ్‌ రాసుకొచ్చాడు.  కాగా క్రికెటర్‌గా చూడాలనుకున్న తన కొడుకు కోరికను తీర్చేందుకు ఓ తండ్రి ఏం చేశాడు? 36ఏళ్ల వయసులో తిరిగి క్రికెట్‌ బ్యాట్‌ పడితే అతడికి ఎలాంటి పరిస్థితులు ఎదురయ్యాయి? ఆటలో గెలిచాడా? జీవితంలో గెలిచాడా? అనే ఎమోషనల్‌ అంశాలతో తెరకెక్కించిన సినిమా జెర్సీ.  #Xclusiv... BREAKING NEWS... #Jersey POSTPONED by one week... Will arrive in *cinemas* on 22 April 2022... The stakeholders arrived at the decision late last night. pic.twitter.com/7ZY5JU4zQV — taran adarsh (@taran_adarsh) April 11, 2022 చదవండి: RK Roja: కామెడీ షో జబర్దస్త్‌కు ఆర్కే రోజా గుడ్‌బై

కోవిడ్‌కి రెండేళ్లు.. ఈ రెండేళ్లల్లో లాక్‌డౌన్‌ కారణంగా సినిమాల విడుదల వాయిదా పడింది. ఈ వాయిదాల వల్ల కొందరు స్టార్‌ హీరోలు దాదాపు రెండేళ్లు స్క్రీన్‌పై కనిపించలేదు. బాలీవుడ్‌లో ఆమిర్, షారుక్, హృతిక్, షాహిద్, రణ్‌బీర్‌ అయితే వెండితెరపై కనిపించి మూడు నాలుగేళ్లవుతోంది. ఎందుకింత గ్యాప్‌? ‘అల వైకుంఠపురములో’ సినిమాలో  ‘ఏంట్రోయ్‌ గ్యాప్‌ ఇచ్చావ్‌’ అని తండ్రి పాత్రధారి అంటే.. హీరో అల్లు అర్జున్‌ ‘ఇవ్వలా.. వచ్చింది’ అంటాడు. ఈ ఐదుగురి హీరోల విషయం కూడా అంతే.. ‘గ్యాప్‌ఇవ్వలా... వచ్చింది’. ఆ గ్యాప్‌కి కారణం, ఈ ఏడాది ఈ ఐదుగురూ కనిపించనున్నసినిమాల గురించి తెలుసుకుందాం.  ఫైటర్‌ కాదు... వేరే!  హృతిక్‌ రోషన్‌ వెండితెరపై కనిపించి మూడేళ్లు  కావొస్తోంది. టైగర్‌ ష్రాఫ్‌తో కలిసి హృతిక్‌ చేసిన ‘వార్‌’ సినిమా 2019 అక్టోబరులో రిలీజైంది. ఈ చిత్రదర్శకుడు సిద్ధార్థ్‌ ఆనంద్‌తోనే ‘ఫైటర్‌’ సినిమా కమిటయ్యారు హృతిక్‌.. ఈ ఏడాది డిసెంబరులో వెండితెరపైకి రావాల్సిన ‘ఫైటర్‌’ కాస్త లేట్‌గా వచ్చే ఏడాది సెపె్టంబరుకు షిఫ్ట్‌ అయ్యాడు. అయితే వేరే సినిమా ద్వారా హృతిక్‌ ఈ ఏడాది తెరపై కనిపిస్తారు. తమిళంలో హిట్‌ సాధించిన ‘విక్రమ్‌ వేదా’ చిత్రంలో వేదగా నటిస్తున్నారు హృతిక్‌. విక్రమ్‌గా సైఫ్‌ అలీఖాన్‌ నటిస్తున్నారు. తమిళ మాతృకకు దర్శకత్వం వహించిన పుష్కర్‌ గాయత్రి ద్వయమే హిందీ రీమేక్‌ను తీస్తున్నారు. ఈ సినిమా ఈ ఏడాది సెప్టెంబర్‌ 30న రిలీజ్‌ కానుంది. ఇదిలా ఉంటే.. హృతిక్‌ రోషన్‌ తండ్రి, దర్శక – నటుడు రాకేష్‌ రోషన్‌ క్యాన్సర్‌ బారిన పడి కోలుకుంటుండటం, కోవిడ్‌ ఎఫెక్ట్‌ వంటి అంశాలు హృతిక్‌ షూటింగ్‌ షెడ్యూల్స్‌కి కాస్త గ్యాప్‌ పడేలా చేశాయి.  మరో వారంలో...  ఒక హిట్‌ తర్వాత గ్యాప్‌ తీసుకోకుండా ఇంకో హిట్‌ ఇవ్వాలనే పట్టుదలతో షాహిద్‌ కపూర్‌ ‘జెర్సీ’ రీమేక్‌ అంగీకరించారు. తెలుగులో మంచి విజయం సాధించిన ‘అర్జున్‌రెడ్డి’ హిందీ రీమేక్‌ ‘కబీర్‌సింగ్‌’లో టైటిల్‌ రోల్‌ చేసి, అద్భుతమైన హిట్‌ అందుకున్నారు షాహిద్‌ కపూర్‌. 2019లో ఈ సినిమా విడుదలైంది. వెంటనే మరో తెలుగు హిట్‌ మూవీ ‘జెర్సీ’కి గ్రీన్‌సిగ్నల్‌ ఇచ్చారు షాహిద్‌. గత ఏడాదే విడుదల కావాల్సిన ఈ చిత్రం వాయిదా పడుతూ పడుతూ ఫైనల్‌గా మరో వారంలో ఈ నెల 14న రిలీజ్‌కు రెడీ అయ్యింది. తెలుగు ‘జెర్సీ’ దర్శకుడు గౌతమ్‌ తిన్ననూరియే హిందీ రీమేక్‌కి కూడా దర్శకత్వం వహించారు. లాల్‌ వచ్చేస్తాడా?  ‘థగ్స్‌ ఆఫ్‌ హిందుస్తాన్‌’ (2018)... అమితాబ్‌ బచ్చన్, ఆమిర్‌ ఖాన్‌ కాంబినేషన్‌లో రూపొందిన తొలి సినిమా ఇది. అది కూడా 300 కోట్ల రూపాయల భారీ బడ్జెట్‌తో.. కానీ ఈ సినిమా ఆశించిన ఫలితాన్ని సాధించలేదు. ఎన్నో అంచనాలతో ఆమిర్‌ ఈ సినిమా చేశారు. రిజల్ట్‌ షాక్‌ ఇవ్వడంతో తన తదుపరి చిత్రానికి ఆమిర్‌ ఖాన్‌ కాస్త టైమ్‌ తీసుకున్నారు. కొన్ని కథలు విన్న తరువాత ఫైనల్‌గా ఆస్కార్‌ విన్నింగ్‌ ఫిల్మ్‌ ‘ఫారెస్ట్‌ గంప్‌’ను హిందీ (‘లాల్‌సింగ్‌ చద్దా’) లో రీమేక్‌ చేయాలని ఆమిర్‌ నిర్ణయించుకున్నారు. 2019లో ఈ సినిమా షూటింగ్‌ ఆరంభించారు. 2020లో కోవిడ్‌ ఆరంభమైంది. ఈ సినిమా షూటింగ్‌ సమయంలోనే కరీనా కపూర్‌ తల్లి కావడం, కీలక పాత్ర చేయాల్సిన విజయ్‌ సేతుపతి తప్పుకోవడం వంటివి కూడా షూటింగ్‌కి ఆటంకం కలిగించాయి. విజయ్‌ సేతుపతి చేయాల్సిన పాత్రను నాగచైతన్య చేశారు. ఎట్టకేలకు షూటింగ్‌ పూర్తయ్యాక విడుదల చేయాలనుకున్న ప్రతిసారీ లాక్‌డౌన్‌ వల్ల లాల్‌ రావడానికి కుదరలేదు. ఈ ఏడాది ఆగస్టు 11న విడుదల చేస్తున్నామని ఇటీవల చిత్రయూనిట్‌ ప్రకటించింది. మరి... ఈసారి చెప్పిన తేదీకి లాల్‌ వచ్చేస్తాడా చూడాలి మరి.  జీరో ఎఫెక్ట్‌  ఆమిర్‌లానే షారుక్‌ ఖాన్‌ది కూడా సేమ్‌ స్టోరీ. షారుక్‌ ఎన్నో ఆశలు పెట్టుకున్న ‘జీరో’ (2018) చిత్రం బాక్సాఫీస్‌ వద్ద పెద్దగా సక్సెస్‌ కాలేదు. ఆ ఎఫెక్ట్‌తో తన నెక్ట్స్‌ ప్రాజెక్ట్‌ను ఫైనలైజ్‌ చేయడం కోసం చాలా ఎక్కువ టైమే తీసుకున్నారు షారుక్‌. కథ నిర్ణయించుకునే విషయంలో ఎక్కువ జాగ్రత్త తీసుకున్నారు.  ఎందరో దర్శకుల దగ్గర కథలు విని, ఫైనల్‌గా ‘వార్‌’లాంటి హిట్‌ సినిమా తెరకెక్కించిన దర్శకుడు సిద్ధార్థ్‌ ఆనంద్‌కు చాన్స్‌ ఇచ్చారు షారుక్‌. వీరిద్దరి కాంబినేషన్‌లో రూపొందిన ‘పటాన్‌’ చిత్రం రిలీజ్‌ ఈ ఏడాది నుంచి వచ్చే ఏడాది జనవరి 23కి వాయిదా పడింది. ‘‘బాగా ఆలస్యం అవుతోందని నాకు తెలుసు. కానీ ఈసారి జనవరి 23ని గుర్తుపెట్టుకోండి’’ అంటూ ‘పటాన్‌’ రిలీజ్‌ డేట్‌ సందర్భంగా షారుక్‌ అన్నారు. ఇదిలా ఉంటే.. మాధవన్‌ ‘రాకెట్రీ: ది నంబి ఎఫెక్ట్‌’(జూలై 1 రిలీజ్‌), రణ్‌బీర్‌ కపూర్‌ ‘బ్రహ్మస్త్ర’ (సెప్టెంబర్‌ 9న రిలీజ్‌) చిత్రాల్లో షారుక్‌ అతిథిగా వెండితెరపై కనిపించనున్నారు. ఇది ఆయన అభిమానులు కాస్త హ్యాపీ ఫీలయ్యే విషయం. బ్రహ్మాస్త్రం అంటూ...  2018లో సంజయ్‌దత్‌ బయోపిక్‌ ‘సంజు’తో మంచి హిట్టే అందుకున్నారు రణ్‌బీర్‌ కపూర్‌. కానీ ఇప్పటివరకు అంటే నాలుగు సంవత్సరాలుగా  సిల్వర్‌ స్క్రీన్‌పై రణ్‌బీర్‌ మిస్సయ్యారు. ‘సంజు’ తర్వాత రణ్‌బీర్‌ చేసిన ‘బ్రహ్మస్త్ర’ మైథాలజీ ట్రయాలజీ ఫిల్మ్‌  కాబట్టి పోస్ట్‌ ప్రొడక్షన్‌ వర్క్స్‌ కోసం ఎక్కువ టైమ్‌ పట్టింది. 2020లో రణ్‌బీర్‌ తండ్రి, ప్రముఖ నటులు రిషి కపూర్‌ మరణించడం, ఇదే సమయంలో కోవిడ్‌ ఎఫెక్ట్‌ వంటి అంశాలతో ‘బ్రహ్మస్త్ర’ షెడ్యూల్స్‌ తారుమారయ్యాయి. ఫైనల్‌గా ఈ సినిమా తొలి భాగం ‘బ్రహ్మస్త్ర’ : శివ’ ఈ సెప్టెంబరు 9న విడుదల కానుంది. అయాన్‌ ముఖర్జీ దర్శకత్వంలో రూపొందిన ఈ చిత్రంలో అమితాబ్‌ బచ్చన్, నాగార్జున కీలక పాత్రలు చేశారు. అలాగే ‘బ్రహ్మాస్త్రం’ అంటూ తెలుగులో వస్తున్న ఈ సినిమాకు దర్శకుడు రాజమౌళి సమర్పకులు కావడం విశేషం. (చదవండి: మానసిక వేదన, సూసైడ్‌ చేసుకుందామనుకున్నా) ఈ ఐదుగురే కాదు.. కోవిడ్‌ కారణంగా, వేరే కారణాల వల్ల మరికొందరు బాలీవుడ్‌ హీరోలు సిల్వర్‌ స్క్రీన్‌కు మూడు నాలుగేళ్లపాటు దూరమయ్యారు. ఇప్పుడు కోవిడ్‌ పోయిందోచ్‌ అంటున్నారు. సో... గ్యాప్‌ కూడా పోతుందనుకోవచ్చేమో!   

ఏప్రిల్ 14న తుపాన్ వేగంతో వస్తున్నాడు రాఖీభాయ్. ఎన్నో ఏళ్లుగా ఎదురుచూస్తున్న కేజీఎఫ్‌ అభిమానులను అదే రోజు పలకరించనున్నాడు. మొదటి భాగాన్ని మించి రెండో భాగం ఉంటుందని దర్శకుడు ప్రశాంత్‌ నీల్‌ చెప్పడం.. అందుకు తగ్గట్టే టీజర్‌, ట్రైలర్‌ , సాంగ్స్‌ ఉండడంతో కేజీఎఫ్‌2పై భారీ అంచనాలు ఏర్పాడ్డాయి. అయితే రాఖీభాయ్‌ని ఢీ కొట్టేందుకు ఇటు విజయ్‌, అటు షాహిద్‌ కపూర్‌ రెడీ అవుతున్నారు. కేజీఎఫ్‌ 2 విడుదలకు ఒక్క రోజు ముందే.. అంటే ఏప్రిల్‌ 13న విజయ్‌ కొత్త చిత్రం ‘బీస్ట్‌’ థియేటర్స్‌లోకి రాబోతుంది. పాన్‌ ఇండియా వైడ్‌గా ఈ సినిమాను రిలీజ్‌ చేస్తున్నాడు విజయ్‌. ఈ చిత్రంలోని ‘అరబిక్‌ కత్త’సాంగ్‌ బ్లాక్‌ బస్టర్‌ కావడం, ఇటీవల విడుదలైన ట్రైలర్‌ కూడా బంపర్‌ హిట్‌ కొట్టడంతో రాఖీభాయ్‌ వసూళ్లకు బీస్ట్‌ పెద్ద ఎత్తున గండి కొట్టే అవకాశాలు కనిపిస్తున్నాయి.  మరో వైపు బాలీవుడ్ లో రాఖీభాయ్ స్పీడ్ కు గట్టిగానే బ్రేకులు వేస్తానంటున్నాడు షాహిద్‌ కపూర్‌. గతంలో నాని నటించిన సూపర్ హిట్ ఫిల్మ్, అతని కెరీర్ లో మైల్ స్టోన్ మూవీ జెర్సీ చిత్రాన్ని అదే పేరుతో రీమేక్ చేసాడు షాహిద్ కపూర్.తెలుగు దర్శకుడు గౌతమ్ తిన్ననూరి ఈ చిత్రాన్ని ఇంకాస్త బెటర్ గా, బాలీవుడ్ ఆడియెన్స్ ను అలరించే విధంగా తెరకెక్కించాడు.రీసెంట్ గా రిలీజైన న్యూ ట్రైలర్ బాగా ఇంప్రెస్ చేస్తోంది. కేజీఎఫ్‌ 2 రిలీజ్ అవుతున్న రోజే(ఏప్రిల్‌ 14) జెర్సీ కూడా థియేటర్స్ లోకి వస్తోంది.కబీర్ సింగ్ తర్వాత షాహిద్ కపూర్ కనిపిస్తున్న  సినిమా కావడంతో, కేజీఎఫ్‌ 2 కలెక్షన్స్ కు ఈ చిత్రం కూడా కొంత కోత పెట్టే అవకాశాలు బాగానే ఉన్నాయి. చదవండి: ఆన్సర్‌ షీట్‌లో 'పుష్ప' డైలాగ్స్‌ రాసిన టెన్త్‌ స్టూడెంట్‌ విజయ్ బీస్ట్ గా మారినా,షాహిద్ కపూర్ బ్యాట్ తో క్రికెట్ ఆడినా తాను సృష్టించే విధ్వంసం ముందు తక్కువే అంటున్నాడు రాఖీభాయ్.ప్రశాంత్ నీల్ లాంటి మెగా మేకర్ అండతో,కనివిని ఎరుగని వయలెన్స్ తో కేజీఎఫ్‌ 2 ఆడియెన్స్ ను మైండ్ బ్లాక్ చేస్తోందనే నమ్మకంగా ఉన్నాడు హీరో యశ్. పైగా అధీర పాత్రలో సంజయ్ దత్ కనిపిస్తుండటం తనకు అదనపు బలంగా చెప్పుకొస్తున్నాడు రాఖీభాయ్. మరి ఈ బాక్సాఫీస్‌ పోరులో ఎవరు విజయం సాధిస్తారో చూడాలి.

Shahid Kapoor Recalls Wife Mira Reaction After Watching Udta Punjab: విభిన్న సినిమాలు, నటనతో అలరిస్తున్నాడు బాలీవుడ్ చాక్లెట్‌ బాయ్‌ షాహిద్ కపూర్‌. తాజాగా షాహిద్‌ నటిస్తున్న చిత్రం 'జెర్సీ'. తెలుగు అర్జున్‌ రెడ్డి సినిమాను 'కబీర్‌ సింగ్‌'గా రీమెక్‌ చేసిన తర్వాత షాహిద్‌ చేస్తున్న మరో రీమెక్‌ చిత్రం ఇది. నెచురల్ స్టార్‌ నాని నటించిన జెర్సీ చిత్రాన్ని అదే పేరుతో హిందీలో తెరకెక్కించారు దర్శకుడు గౌతమ్‌ తిన్ననూరి. ఈ సినిమా ఏప్రిల్‌ 14న ప్రేక్షకుల మందుకు రానుంది. ఈ సందర్భంగా సినిమా ప్రమోషన్స్‌లో బిజీగా పాల్గొంటున్నాడు. ఇందులో భాగంగా ఇటీవల ఓ మీడియాకు ఇచ్చిన ఇంటర్వ్యూలో షాహిద్‌ భార్య మీరా రాజ్‌పుత్‌ తనను ఓ సినిమా చూసి వదిలేద్దామనుకుందంటూ పలు ఆసక్తికర విషయాలు తెలిపాడు.  'ఉడ్తా పంజాబ్‌' చిత్రంలో తన నటనను చూసి తను రాంగ్‌ పర్సన్‌ని పెళ్లి చేసుకున్నానని మీరా భావించినట్లు షాహిద్‌ పేర్కొన్నాడు. 'మీరా సినిమా ఇండస్ట్రీకి చెందిన అమ్మాయి కాదు. మాది పెద్దలు కుదిర్చిన పెళ్లి. మాకు వివాహం జరిగిన ప్రారంభంలో నా ఉడ్తా పంజాబ్‌ సినిమా విడుదలకు సిద్ధంగా ఉంది. రిలీజ్‌కు ముందు నటీనటుల కోసం ఎడిటింగ్‌ గదిలో ప్రత్యేక షో వేశారు. నేను నాతోపాటు మీరాను కూడా తీసుకెళ్లాను. సినిమా చూస్తున్నంతా సేపు మీరా మాములుగానే ఉంది. కానీ మూవీ ఇంటర్వెల్‌ సీన్‌ వచ్చాకా మీరా ప్రవర్తన చూసి షాక్‌ అయ్యాను.  తను నా పక్క నుంచి లేచి దూరంగా వెళ్లి నిల్చుంది. నేను ఏమైందని అడిగా. దానికి తను 'నువ్‌ ఇలాంటి వాడివా ? నీకు ఇలాంటి అలవాట్లు ఉన్నాయా ? నువ్‌ ఆ టామీ సింగ్‌లాంటివాడివా? నీతో నేనింకా కలిసి ఉండను. నేను తప్పుడు వ్యక్తిని పెళ్లి చేసుకున్నాను. నేను వెళ్లిపోతా.' అని చెప్పింది. తన మాటలకు ఒక్కసారిగా షాకయ్యా. ఏం చేయాలో నాకు అర్థం కాలేదు. తర్వాత తనకు అదంతా సినిమా. అందులోనే అలా నటిస్తారని అర్థమయ్యేలా చెబితే గానీ మీరా కుదుటపడలేదు. ఆ సంఘటన నేను ఎప్పటికీ మర్చిపోలేను.' అని షాహిద్‌  చెప్పుకొచ్చాడు. షాహిద్, మీరా 2015లో వివాహం చేసుకున్నారు. వారికి ఇద్దరు పిల్లలు కుమార్తె మిషా, కుమారుడు జైన్‌ ఉన్నారు. 

బాలీవుడ్‌ చాక్లెట్‌ బాయ్‌, కబీర్ సింగ్‌ షాహిద్ కపూర్‌ కొత్త కారును కొనుగోలు చేశాడు. దానికి సంబంధించిన ఫొటోలను, వీడియోను సోషల్ మీడియా వేదికగా పంచుకున్నాడు. షాహిద్‌ కొన్న కొత్త కారు మెర్సిడెస్‌ మేబాచ్‌ ఎస్‌-580. దీని విలువ సుమారు రూ. 3 కోట్ల దాకా ఉంటుందని అంచనా. మెర్సిడెస్‌ కారులో డ్రైవ్‌ చేస్తున్న వీడియోను ఇన్‌స్టా గ్రామ్‌లో షేర్‌ చేశాడు షాహిద్. దీనికి 'ఫాలింగ్‌ బ్యాక్‌ బ్యాచ్‌' అని క్యాప్షన్‌ రాసుకొచ్చాడు. ఈ వీడియో ప్రస్తుతం నెట్టింట వైరల్‌గా మారింది.    View this post on Instagram A post shared by Auto Hangar Mercedes-Benz (@autohangar) అనేక మంది బీటౌన్‌ తారలు, అభిమానులు, నెటిజన్లు ఈ పోస్ట్‌కు కామెంట్ పెడుతూ అభినందనలు తెలుపుతున్నారు. 'ఏప్రిల్‌లో మేబాచ్‌' అని ర్యాప్ సింగర్‌ బాద్‌ షా కామెంట్‌ చేశాడు. షాహిద్‌ వద్ద ఇదివరకే అనేక విలాసవంతమైన కార్లు ఉన్నాయి. జాగ్వార్‌, రేంజ్‌ రోవర్‌, మెర్సిడెస్, పోర్షే వంటి తదితర బ్రాండ్‌లు ఉన్నాయి. కాగా షాహిద్‌ కపూర్‌ ప్రస్తుతం జెర్సీ సినిమాతో బిజీగా ఉన్నాడు. ఈ మూవీ ఏప్రిల్‌ 14న ప్రేక్షకుల ముందుకు రానుంది. షాహిద్ కపూర్‌, మృణాల్‌ ఠాకూర్, పంకజ్‌ కపూర్‌ తదితరులు నటిస్తున్న ఈ చిత్రం తెలుగు 'జెర్సీ' సినిమాకు రీమేక్‌గా తెరకెక్కించారు.    View this post on Instagram A post shared by Shahid Kapoor (@shahidkapoor)

తెలుగు చిత్ర పరిశ్రమలో వరుస అవకాశాలతో బిజీగా ఉన్న హీరోయిన్‌ కృతీ శెట్టికి బాలీవుడ్‌ నుంచి కబురొచ్చిందనే టాక్‌ వినిపిస్తోంది. నాని హీరోగా, కృతీ శెట్టి, సాయిపల్లవి హీరోయిన్స్‌గా నటించిన చిత్రం ‘శ్యామ్‌ సింగరాయ్‌’. రాహుల్‌ సంకృత్యాన్‌ దర్శకత్వం వహించిన ఈ సినిమా గత ఏడాది డిసెంబరు 24న విడుదలై మంచి విజయం సాధించింది. కాగా ఈ చిత్రం హిందీలో రీమేక్‌ కానుందని బాలీవుడ్‌ టాక్‌. ఇందులో షాహిద్‌ కపూర్‌ హీరోగా నటించనున్నారట. ఒరిజినల్‌లో కృతీ శెట్టి చేసిన పాత్రనే హిందీ రీమేక్‌లోనూ చేయాలని షాహిద్‌ అండ్‌ కో ఆమెను సంప్రదించారట. హిట్‌మూవీకి రీమేక్‌ కావడం, పైగా షాహిద్‌ వంటి స్టార్‌తో బాలీవుడ్‌ ఎంట్రీ వంటి అంశాలను దృష్టిలో పెట్టుకుని కృతి గ్రీన్‌సిగ్నల్‌ ఇచ్చారని భోగట్టా. ఈ విషయాలపై అధికారిక సమాచారం అందాల్సి ఉంది. 

బాలీవుడ్‌ స్టార్‌ హీరో షాహిద్‌ కపూర్‌ ఇంట పెళ్లి సందడి నెలకొంది. అతడి సోదరి సనా కపూర్‌ కొత్త పెళ్లికూతురిగా ముస్తాబైంది. నటుడు మనోజ్‌- సీమ దంపతుల కుమారుడు మయాంక్‌తో శుక్రవారం ఏడడుగులు నడిచింది. ఈ సందర్భంగా కొత్త జంట సనా- మయాంక్‌ల ఫొటోలు నెట్టింట వైరల్‌గా మారాయి. ఇందులో మెహందీ ఫొటోల్లో సనా ముఖంలో పెళ్లి కళ ఉట్టిపడుతోంది. సంగీత్‌లో డ్యాన్సులు చేస్తూ పెళ్లి సందడిని రెట్టింపు చేసింది కపూర్‌ ఫ్యామిలీ. షాహిద్‌- మీరా రాజ్‌పుత్‌ల హడావుడి ప్రత్యేకంగా చెప్పనవసరం లేదు. కాగా సుప్రియ పాఠక్‌, పంకజ్‌ కపూర్‌ల గారాల కూతురు సనా గతంలో షాందార్‌ సినిమాతో వెండితెరపై ఎంట్రీ ఇచ్చింది. ఇందులో తన సోదరుడు షాహిద్‌ కపూర్‌, హీరోయిన్‌ ఆలియా భట్‌ జంటగా నటించారు. View this post on Instagram A post shared by Sanah Kapur (@sanahkapur15) View this post on Instagram A post shared by Vivaan Shah (@thesurrealvivaanshah) View this post on Instagram A post shared by Vivaan Shah (@thesurrealvivaanshah) View this post on Instagram A post shared by Mayank Pahwa (@mayankpahwa_13) View this post on Instagram A post shared by Vivaan Shah (@thesurrealvivaanshah)

బాలీవుడ్ బ్యూటీఫుల్​ కపుల్​ షాహిద్​ కపూర్, మీరా రాజ్​పుత్ సోషల్​ మీడియాలో ఎంతో యాక్టివ్​గా ఉంటారు. వారికి సంబంధించిన వ్యక్తిగత విషయాలను అభిమానులతో షేర్​ చేసుకుంటూ ఉంటారు. దీంతో తరచుగా వార్తల్లో నిలుస్తోంది షాహిద్​, మీరా. ఇటీవల షాహిద్​ పుట్టినరోజు సందర్భంగా తన ఇన్​స్టా అకౌంట్​లో మీరా బ్యూటిఫుల్​ పోస్ట్​ పెట్టింది. ఈ జంట పెట్టె పోస్ట్​లను అభిమానులు #కప్​గోల్స్​గా పిలుస్తారు. అలాగే వారిద్దరి మధ్య అద్భుతమైన కెమిస్ట్రీ ఉంటుందని ఫ్యాన్స్​ పొగుడుతూ ఉంటారు.  అయితే సోమవారం (ఫిబ్రవరి 28) షాహిద్​ కపూర్​, మీరా రాజ్​పుత్​ ఒక కారు నుంచి దిగిన వీడియో నెట్టింట వైరల్​గా మారింది. ఈ వీడియోను ప్రముఖ ఫొటోగ్రాఫర్​ వైరల్​ భయానీ సోషల్​ మీడియాలో షేర్​ చేశాడు. అయితే షాహిద్​, మీరా దిగిన కారు విలువ సుమారు రూ. 2.77 కోట్లు ఉంటుందని అంచనా. వారు ఈ మెర్సిడెస్​ మేబ్యాక్ ఎస్​-క్లాస్ కారును కొన్నట్లుగా తెలుస్తోంది. ఈ కొత్త మెర్సిడెస్​ ఎస్​-క్లాస్​ ఎక్స్ షోరూమ్​ ధర రూ. 2.11 కోట్ల నుంచి రూ. 2.79 కోట్ల వరకు ఉంటుంది. రాయల్​ లుక్​లో కనిపించిన ఈ బ్లాక్ మెర్సిడేస్​ను డెలీవరి చేసేందుకు కంపెనీ నిర్వాహకులు వచ్చారు. ఈ కారును తీసుకునేందుకు షాహిద్, మీరా వచ్చే క్రమంలో ఫొటోగ్రాఫర్లకు చిక్కారు.     View this post on Instagram A post shared by Viral Bhayani (@viralbhayani)

Shahid Kapoor Wife Mira Rajput Birthday Wishes To Him: విభిన్న సినిమాలు, నటనతో అలరిస్తోన్న బాలీవుడ్​ హీరో షాహిద్ కపూర్. ఫిబ్రవరి 25న షాహిద్​ పుట్టిన రోజు సందర్భంగా బీటౌన్ తారల నుంచి శుభాకాంక్షల జల్లులు వెల్లువెత్తాయి. ఈ సందర్భంగా షాహిద్ భార్య మీరా రాజ్​పుత్​ ప్రేమతో కూడిన విషెస్​ సోషల్​ మీడియా వేదిక ద్వారా తెలియజేసింది. మీరా తన ఇన్​స్టాగ్రామ్​లో 'ఇలాంటి సాయింత్రాలు మనిద్దరం కలిసి మరెన్నో జరుపుకోవాలి' అని క్యాప్షన్​ రాస్తూ వారిద్దరూ సన్నిహితంగా ఉన్న బ్యూటిఫుల్​ ఫొటోలను షేర్​ చేసింది.  ఈ ఫొటోలలో షాహిద్​ తెల్లటి టీషర్ట్​, డెనిమ్​ టాప్ వేసుకోగా, మీరా ఫ్లోరల్​ ప్రింట్​తో బ్లాక్​ ఆఫ్​ షోల్డర్​ దుస్తులను ధరించింది. ​మీరా అందంగా చిరునవ్వు నవ్వుతూ ఉంటే షాహిద్​ ఆమెను ప్రేమగా చూస్తున్నాడు. అలాగే సూర్యుడు అస్తమిస్తుండగా దిగిన మరో ఫొటోను పంచుకుంది మీరా. షాహిద్ బర్త్​డే సెలబ్రేషన్స్​ను తన ఇంట్లో నిరాడంబరంగా జరుపుకున్నాడు. ఈ సెలబ్రేషన్స్​కు ఇషాన్​ ఖట్టర్​, అనన్య పాండే, సిద్ధార్థ్​ మల్హోత్రా, కియారా అడ్వానీ హాజరైనట్లు సమాచారం.  View this post on Instagram A post shared by Mira Rajput Kapoor (@mira.kapoor)

Jersey Movie Again Postponed From December 31: బాలీవుడ్‌ హీరో షాహిద్‌ కపూర్‌ తాజాగా నటించిన చిత్రం జెర్సీ. తెలుగు అర్జున్‌ రెడ్డి సినిమాను 'కబీర్‌ సింగ్‌'గా రీమెక్‌ చేసిన తర్వాత షాహిద్‌ చేస్తున్న మరో రీమెక్‌ చిత్రం ఇది. నెచురల్ స్టార్‌ నాని నటించిన జెర్సీ చిత్రాన్ని అదే పేరుతో హిందీలో తెరకెక్కించారు దర్శకుడు గౌతమ్‌ తిన్ననూరి. క్రికెట్‌ నేపథ్యంలో తెరకెక్కుతున్న ఈ చిత్రంలో షాహిద్‌ కపూర్‌కి జోడీగా మృణాల్‌ ఠాకూర్‌ నటించింది. పంకజ్ కపూర్, శిశిర్ శర్మ,శరద్ కేల్కర్ ముఖ్యమైన పాత్రల్లో కనిపించనున్నారు. అయితే ఇప్పటికే పలుమార్లు వాయిదా వేస్తూ వచ్చిన ఈ చిత్రం విడుదల తేదిని డిసెంబర్‌ 31, 2021కి ఖరారు చేశారు.  అయితే తాజాగా డిసెంబర్‌ 31న కూడా జెర్సీ చిత్రం విడుదలకు నోచుకోనట్లు తెలుస్తోంది. ఈ సినిమా వాయిదా పడినట్లు ప్రముఖ చిత్ర పరిశ్రమ విమర్శకుడు తరణ్‌ ఆదర్శ్‌ తన ట్విటర్‌లో తెలిపాడు. 'ఎ‍క్స్‌క్లూజివ్‌ బ్రేకింగ్‌ న్యూస్‌.. జెర్సీ చిత్రం డిసెంబర్‌ 31 విడుదల కావట్లేదు. కొత్త రిలీజ్ డేట్‌ను త్వరలోనే ప్రకటిస్తారు. ఈ సినిమాను నేరుగా ఓటీటీలో విడుదల చేయనున్నట్లు వినిపిస్తున్న మాటల్లో నిజం లేదు.' అని ట్వీట్ చేశారు. క్రికెటర్‌గా చూడాలనుకున్న తన కొడుకు కోరికను తీర్చేందుకు ఓ తండ్రి ఏం చేశాడు? 36ఏళ్ల వయసులో తిరిగి క్రికెట్‌ బ్యాట్‌ పడితే అతడికి ఎలాంటి పరిస్థితులు ఎదురయ్యాయి? ఆటలో గెలిచాడా? జీవితంలో గెలిచాడా? అనే ఎమోషనల్‌ అంశాలతో తెరకెక్కించిన సినిమా జెర్సీ.  #Xclusiv... #BreakingNews... #Jersey POSTPONED... WON'T RELEASE ON 31 DEC... New date will be announced shortly... Industry talk that #Jersey will be Direct-to-OTT release is FALSE. pic.twitter.com/1MBwsSdWCC — taran adarsh (@taran_adarsh) December 28, 2021 ఇదీ చదవండి: 83 చిత్రంపై రజనీ కాంత్‌ రియాక్షన్‌.. పొగడ్తలతో బౌండరీలు

Shahid Kapoor Opens Up On His Horrific Lip Injury In Jersey Shooting Set: షూటింగ్స్‌లో ఒక్కోసారి అనుకోకుండా ప్రమాదాలు జరుగుతుంటాయి. వాటివల్ల కథానాయకులు తీవ్రంగా గాయపడ్డ సంఘటనలు ఎన్నో ఉన్నాయి. ఎక్కువడా యాక్షన్‌ చిత్రాల్లో పోరాట సన్నివేశాల సమయంలో హీరోలు గాయపడటం సహజమే. ఈ నేపథ్యంలో బాలీవుడ్‌ హీరో షాహిద్‌ కపూర్‌ కూడా ఇటీవల షూటింగ్‌ సెట్‌లో గాయపడినట్టు సోషల్‌ మీడియా వేదికగా వెల్లడించాడు. చదవండి: శివన్న అని పునీత్‌ నన్ను పిలుస్తున్నట్టు వినిపిస్తోంది: శివ రాజ్‌కుమార్‌ హిందీ ‘జెర్సీ’ సినిమా కోసం క్రికెట్‌ ప్రాక్టిస్‌ చేస్తుండగా తీవ్రంగా గాయపడినట్లు షాహిద్‌ పేర్కొన్నారు. గ్రౌండ్‌ క్రికెట్‌ ఆడుతుండగా తన కింది పెదవికి బాల్‌ బలంగా తాకడంతో 25 కుట్లు పడ్డాయని చెప్పాడు. కాగా గౌతమ్‌ తిన్ననూరి దర్శకత్వంలో రూపొందుతున్న ఈ చిత్రంలో జాతీయ జట్టులో చోటు సంపాదించుకోవాలని తపించే క్రికెటర్‌గా షాహిద్‌కపూర్‌ నటిస్తున్నాడు. ఈ సినిమా తాలూకు ప్రయాణం గురించి ఇటీవల ఇన్‌స్టాగ్రామ్‌ ద్వారా అభిమానులతో షాహిద్‌ కపూర్‌ ముచ్చటించాడు. చదవండి: నాగ్‌ సరసన మెహరీన్‌ ఈ సందర్భంగా ‘క్రికెటర్‌ పాత్ర కోసం సన్నద్ధమవుతున్న సమయంలో ఓ రోజు బాల్‌ బలంగా తాకడంతో నా క్రింది పెదవి చిట్లింది. 25 కుట్లు పడ్డాయి. ఈ గాయం వల్ల నా పెదవి ఎప్పటికీ పనిచేయదని భయపడ్డా. కదిలించడమే కష్టమైంది. కోలుకోవడానికి చాలా రోజులు పట్టింది. ఈ ప్రమాదం కారణంగా రెండు నెలల పాటు షూటింగ్‌ను ఆపివేశాం’ అని గుర్తుచేసుకున్నారు. నాని కథానాయకుడిగా తెలుగులో రూపొందిన ‘జెర్సీ’కి రీమేక్‌ ఇది. హిందీలో అల్లు అరవింద్‌ సమర్పణలో దిల్‌రాజు, సూర్యదేవర నాగవంశీ, అమన్‌గిల్‌ నిర్మిస్తున్నారు. చదవండి: ఆ సినిమా తర్వాత బిచ్చగాడినయ్యా: స్టార్‌ హీరో View this post on Instagram A post shared by Shahid Kapoor (@shahidkapoor)

టాలీవుడ్‌లో ఐకాన్‌ స్టార్‌ అల్లు అర్జున్‌ ఇంతవరకు మల్టీస్టారర్ మూవీ చేయలేదు. కాని బాలీవుడ్ లో మార్కెట్ కోసం సీరియస్ గా ట్రై చేస్తుండటంతో అక్కడ ఒక మల్టీస్టారర్ చేయాలనుకుంటున్నాడట. ప్రస్తుతం ఈ రూమర్ బీటౌన్ ను షేక్‌ చేస్తోంది. గీతా ఆర్ట్స్ బ్యానర్ లో అల్లు అర్జున్ తో హిందీ మూవీ ప్లాన్ చేస్తున్నారట. ఈ మూవీలో బన్నితో పాటు బాలీవుడ్ హీరో షాహిద్ కపూర్ నటించబోతున్నట్లు తెలుస్తోంది. షాహిద్ కపూర్ తో జెర్సీ హిందీ  రీమేక్ నిర్మించాడు అల్లు అరవింద్. ఈ మూవీని డిసెంబర్ 31న వరల్డ్ వైడ్ గా గ్రాండ్ గా రిలీజ్ చేస్తున్నారు. షాహిద్ కపూర్, అల్లు అర్జున్ కాంబినేషన్ లోనే డెడ్లీ మల్టీస్టారర్ ప్లాన్ చేస్తున్నారట. రాబోయే రెండు మూడు ఏళ్లలోనే ఈ ప్రాజెక్ట్ పట్టాలెక్కనుందట. ఒక వైపు కబీర్ సింగ్ , మరోవైపు పుష్ప రాజ్ స్క్రీన్ పై ఎలాంటి సినిమాలో కనిపించనున్నారు అనేది హాట్ టాపిక్ గా మారింది.

Shahid Kapoor: 200-250 కోట్ల బడ్జెట్‌తో సినిమాలు తీసే పలువురు చిత్ర నిర్మాతల వద్దకు వెళ్లి తనతో ఓ సినిమా నిర్మించాలని ఓ బిచ్చగాడివలే అడుకున్నానని బాలీవుడ్‌ నటుడు షాహిద్ కపూర్‌ తెలిపారు. షాహిద్‌ నటించిన హింది ‘జెర్సీ’ మూవీ ట్రైలర్‌ను చిత్ర బృందం మంగళవారం రిలీజ్‌ చేసింది. అయితే ఈ సందర్భంగా ‘బాలీవుడ్‌ లైఫ్‌’ అనే మీడియాతో షాహిద్‌ మాట్లాడుతూ.. తాను కబీర్‌ సింగ్‌ మూవీ విడుదలైన తర్వాత పలువురు నిర్మాతల దగ్గరకు రోజూ వెళ్లానని తెలిపాడు. వారంతా 200-250 కోట్ల బడ్జెట్‌తో సినిమాలు నిర్మించే పెద్ద నిర్మాతలని అన్నాడు. అయితే గతంలో తాను అటువంటి భారీ బడ్జెట్‌ క్లబ్‌లోకి చేరలేదని, కానీ ప్రస్తుతం జెర్సీతో ఆ ఫీట్‌ సాధించడంతో.. అది చాలా కొత్తగా అనిపిస్తోందని తెలిపాడు. ఇండస్ట్రీకి వచ్చి సుమారు 15-16 ఏళ్లు అవుతున్నా.. భారీ బడ్జెట్‌ మూవీ చేయలేదని అన్నాడు. చివరికి ఇలా సాధ్యమైందని తెలిపాడు. ఇది ఎక్కడివరకు వెళుతుందో తెలియదని.. కానీ తనకు చాలా కొత్తగా ఉందని పేర్కొన్నాడు. షాహిద్‌ నటించిన తెలుగు రీమేక్‌ ‘జెర్సీ’ డిసెంబర్‌ 31న విడుదల కానుంది. తెలుగులో ఈ చిత్రాన్ని తెరకెక్కించిన  గౌతమ్‌ తిన్ననూరినే ఈ సినిమాను కూడా రూపొందించారు. క్రికెట్‌ నేపథ్యంలో తెరకెక్కుతున్న ఈ చిత్రంలో షాహిద్‌ కపూర్‌కి జోడీగా మృణాల్‌ ఠాకూర్‌ నటించింది. పంకజ్ కపూర్, శిశిర్ శర్మ,శరద్ కేల్కర్ ముఖ్యమైన పాత్రల్లో కనిపించనున్నారు. మంగళవారం విడుదలైన ‘జెర్సీ’ మూవీ ట్రైలర్‌ అభిమానులను ఆకట్టుకుంటోంది.

Jersey Trailer Is Out: ‘అర్జున్‌రెడ్డి’ హిందీ రీమేక్‌ ‘కబీర్‌సింగ్‌’ అనంతరం షాహిద్‌ కపూర్‌ చేస్తున్న మరో తెలుగు రీమేక్‌ జెర్సీ. నేచురల్‌ స్టార్‌ నాని నటించిన జెర్సీ మూవీని అదే పేరుతో బాలీవుడ్‌లోనూ రీమేక్‌ చేస్తున్నారు. తెలుగులో ఈ చిత్రాన్ని తెరకెక్కించిన  గౌతమ్‌ తిన్ననూరినే ఈ సినిమాను కూడా రూపొందించారు. ఈ  సినిమా డిసెంబర్‌ 31న విడుదల కానుంది. ఈ సందర్భంగా తాజాగా జెర్సీ ట్రైలర్‌ను రిలీజ్‌ చేశారు మేకర్స్‌. క్రికెట్‌ నేపథ్యంలో తెరకెక్కుతున్న ఈ చిత్రంలో షాహిద్‌ కపూర్‌కి జోడీగా మృణాల్‌ ఠాకూర్‌ నటించింది. పంకజ్ కపూర్, శిశిర్ శర్మ,శరద్ కేల్కర్ ముఖ్యమైన పాత్రల్లో కనిపించనున్నారు. ఇప్పటికే పలుమార్లు రిలీజ్‌ డేట్‌ వాయిదా వేస్తే వస్తున్న ఈ చిత్రం ఎట్టకేలకు డిసెంబర్‌31న థియేటర్స్‌లో సందడి చేయనుంది. 

Shahid Kapoor Wife Mira Rajput Share Video: బాలీవుడ్ అర్జున్ రెడ్డి షాహిద్ క‌పూర్ భార్య‌ సతీమ‌ణి మీరా రాజ్‌పుత్ సోష‌ల్ మీడియాలో ఓ వీడియోను షేర్ చేసింది. నాకెంతో ఇష్ట‌మైన మాల్దీవుల్లో మా విహార యాత్ర‌ను చూసేయండి అంటూ వారి హాలీడే ట్రిప్ విశేషాల‌ను పంచుకుంది. ఈ వీడియోలో తీరంలోని అంద‌మైన విల్లాను చూపిస్తూ తాము బ‌స చేసింది అక్క‌డేన‌ని చెప్ప‌క‌నే చెప్పింది. అలాగే తీరం త‌న‌కు ఎంతో దూరంలో లేద‌ని చెప్తూ స‌ముద్ర అల‌ల‌ను సైతం షూట్ చేసింది. ఈ వీడియోలో ఆమె చూపించిన విల్లాలో ఉండాలంటే ఒక్క రాత్రికే సుమారు 3 ల‌క్ష‌ల రూపాయ‌లు ఖ‌ర్చ‌వుతుంద‌ట‌! ఎంత ఖర్చు అయినా ప‌ర్లేదు కానీ మ‌ళ్లీ ఆ రోజులు కావాల‌ని, ఆ స‌ముద్ర తీరంలో న‌డుచుకుంటూ వెళ్లాల‌ని ఉందంటూ ఊహ‌ల్లో తేలిపోయింది మీరా. కాగా గ‌త నెల‌లో షాహిద్ కుటుంబం మాల్దీవుల‌ను చుట్టేసిన విష‌యం తెలిసిందే. ట్రిప్‌ను ఎంజాయ్ చేసి తిరిగి వ‌చ్చిన‌ప్పుడు మీరా డ్రెస్సింగ్‌పై విమ‌ర్శ‌లు కూడా వెల్లువెత్తాయి. ఇదిలా వుంటే షాహిద్‌, మీరా 2015లో జూలై 7న పెళ్లి చేసుకున్నారు. వీరికి 2016 ఆగ‌స్టు 26న కూతురు మిషా జ‌న్మించ‌గా 2018 సెప్టెంబ‌ర్ 5న కొడుకు జైన్ జ‌న్మించాడు. View this post on Instagram A post shared by Mira Rajput Kapoor (@mira.kapoor)

నెట్‌ వాడకం పెరిగి సోషల్‌ వాడకం విస్తృతమైన ఈ తరుణంలో ఏ పని చేసిన ట్రోలింగ్‌ గురవుతున్నారు సెలబ్రిటీలు. తాజాగా బాలీవుడ్‌లో ‘అర్జున్‌ రెడ్డి’ని ‘కబీర్‌ సింగ్‌’గా రీమేక్‌ చేసిన బాలీవుడ్‌ స్టార్‌ షాహిద్‌ కపూర్‌ భార్య మీరా రాజ్‌పుత్‌ విపరీతంగా ట్రోలింగ్‌ గురైంది. ఇటీవలే ఈ జంట పిల్లలతో కలిసి మాల్దీవులలో ఎంజాయ్‌ చేసింది. తాజాగా వారు ఆ టూర్‌ నుంచి తిరిగి వస్తూ ముంబై విమానాశ్రయంలో మీడియా కంట పడ్డారు. ఆ సమయంలో తీసిన వీడియోని ఓ మీడియా సోషల్‌ మీడియాలో అప్‌లోడ్‌ చేసింది. దీంతో ఈ వీడియో నెట్టింట వైరల్‌గా మారింది. అందులో షాహిద్‌, పిల్లలు పుల్‌ డ్రెస్‌లో ఉన్నారు. అయితే మీరా మాత్రం డెనిమ్‌ షార్ట్‌ వేసుకొని ఉంది. దీంతో భర్త, చివరికి చిన్న పిల్లలు కూడా పూర్తిగా బట్టలు ధరించారు కానీ భార్య మాత్రం పొట్టి బట్టలు వేసుకుంది అంటూ ఓ నెటిజన్‌ కామెంట్‌ పెట్టాడు. ‘నాకు పురుషులపై రోజు రోజుకి గౌరవం పెరిగిపోతోంది. ఎందుకంటే వారు పూర్తిగా దుస్తులు ధరించి సంప్రదాయాన్ని కాపాడుతున్నారు. పురుషులందరికీ వందనాలు’ అంటూ తీవ్రంగా కామెంట్‌ పె​ట్టాడు మరో నెటిజన్‌.  అయితే బాలీవుడ్‌ స్టార్‌ భార్య అయిన మీరాకి ఇన్‌స్టాగ్రామ్‌లో 3 మిలియన్లకు పైగా ఫాలోవర్స్‌ ఉన్నారు. ఆమె ట్రోలింగ్‌ గురవ్వడం ఇదే మొదటిసారి కాదు. ఇంతకుముందు కూడా చాలాసార్లు ఈ స్టార్‌ వైఫ్‌ని ట్రోల్‌ చేశారు నెటిజన్లు. అయినప్పటికీ ఎప్పుడూ స్పందించలేదు మీరా. ఈసారి ట్రోలింగ్‌పై రెస్పాండ్‌ అవుతుందో లేక ఎప్పటిలాగే ఏం పట్టించుకోకుండా ఉండిపోతుందో.. చూడాలి. చదవండి: శృంగారం గురించి మాట్లాడాలంటే ఇక్కడి జనాలు భయపడతారు: దంగల్ నటి View this post on Instagram A post shared by Bollywood Pap (@bollywoodpap)

రోడ్డుపై డబ్బులు కనిపిస్తే ఎవరైనా ఊరుకుంటారా? టక్కున వెళ్లి గమ్మున జేబులో వేసుకొని వెళ్లిపోతారు. అలాంటిది రోడ్డుపై కుప్పలు కుప్పలుగా నోట్ల కట్టలు.. అది కూడా రూ.2000 నోట్ల కట్టలు పడి ఉంటే..? ఎవరు ఊరుకుంటారు? అంతా పరుగెత్తుకొచ్చి ఆ నోట్లను ఏరుకునే పనిని మొదలు పెడతారు. సరిగ్గా ఇలాంటి సంఘటననే ముంబైలోని ఓ ప్రాంతంలో జరిగింది. రోడ్డుపై కుప్పలుకుప్పలుగా రూ.2 వేల నోట్లు పడి ఉండడంతో.. వాటిని ఏరుకోవడానికి స్థానికులు ఎగబడ్డారు. తీరా అవన్ని నకిలీ నోట్లు అని తెలియడంతో నిరాశతో వెనుదిరిగారు. కొంతమంది మాత్రం బాలీవుడ్‌ హీరో షాహిద్‌ కపూర్‌పై ఫైర్‌ అయ్యారు. (చదవండి: సోనుసూద్‌ ట్వీట్‌, మండిపడుతున్న నెటిజన్లు) నోట్ల కట్టలకు షాహిద్‌కు సంబంధం ఏంటనేగా మీ అనుమానం? ఆ నకిలీ డబ్బంతా షాహిద్‌ కపూర్‌ నటిస్తున్న వెబ్‌ సిరీస్‌ ‘సన్నీ’షూటింగ్‌ కోసం ఉపయోగించినదే. ‘ఫ్యామిలీ మేన్‌’సిరీస్‌ తర్వాత రాజ్‌ అండ్‌ డీకే దర్శకత్వం వహిస్తున్న ప్రతిష్టాత్మక వెబ్‌ సిరీస్‌ ‘సన్నీ’.ఈ సిరీస్‌లో హీరోగా షాహిద్‌ కపూర్‌ నటించగా,  విజయ్‌ సేతుపతి, రాశీ ఖన్నా, రెజీనా కీలక పాత్రల్లో కనిపించబోతున్నారు.  (చదవండి: అన్ని భయాలను జయించా.. తన అరుదైన వ్యాధి గురించి నటి వెల్లడి)  ఈ సిరీస్‌ షూటింగ్‌లో భాగంగా ఓ యాక్సిడెంట్‌ సన్నివేశం ఉంది. ఆ సమయంలో రూ. 2 వేల నోట్లు రోడ్డుపై పడిపోవాలి. దీని కోసం నకిలీ నోట్లను ఉపయోగించింది చిత్ర యూనిట్‌. కానీ షూటింగ్‌ అయిపోయాక వాటిని తీసేయడం మర్చిపోయారు. దీంతో ఆ ప్రాంతంలోకి కొంతమంది అవి నిజమైన డబ్బులే అనుకొని ఏరుకునేందుకు ఎగబడ్డారు. తర్వాత అసలు విషయం తెలుసుకొని నిరాశతో వెనుదిరిగారు. ఈ విషయంపై కొంతమంది పోలీసులకు ఫిర్యాదు చేశారు. గాంధీ మహాత్ముడు ఫొటో ఉన్న నోట్లను రోడ్డుపై పారేసిన వారిపై చర్యలు తీసుకోవాలని ఫిర్యాదులో పేర్కొన్నారు. షూటింగ్‌కి చిత్రబృందం అనుమతి తీసుకుందని, అయితే గాంధీజీకి అవమానం జరిగిందనే విషయంపై విచారణ చేస్తున్నామని పోలీసు వర్గాలు తెలిపాయి. చిత్ర యూనిట్‌ మాత్రం తాము వినియోగించిన నకిలీ నోట్లను అక్కడ నుంచి తొలగించామని, ఇప్పుడున్న నోట్లు ఎలా వచ్చాయో తెలియదని చెప్పినట్లు సమాచారం. 

బాలీవుడ్‌ స్టార్‌ హీరో షాహిద్‌ కపూర్‌ టాలీవుడ్‌ హీరోయిన్‌ సమంతపై ఆసక్తికర వ్యాఖ్యలు చేశాడు. సోమవారం ట్విటర్‌లో లైవ్‌ సెషన్‌ నిర్వహించి అభిమానులతో ముచ్చటించాడు షాహిద్‌. ఈ సందర్భంగా ఫ్యాన్స్‌ అడిగిన ఎన్నో ప్రశ్నలకు తనదైన శైలిలో సమాధానాలు ఇచ్చాడు. ఈ క్రమంలో షాహిద్‌ రాజ్‌ అండ్‌ డీకేలతో కలిసి చేసిన తన వెబ్‌ సిరీస్‌, జెర్సీ మూవీలకు సంబంధించిన విశేషాలను పంచుకున్నాడు. ఈ నేపథ్యంలో ఓ అభిమాని ‘ది ఫ్యామిలీ మ్యాన్‌ 2’ వెబ్‌ సిరీస్‌ గురించి అడిగాడు. దీంతో షాహిద్‌ ఈ వెబ్‌ సిరీస్‌ తనకు బాగా నచ్చిందని ముఖ్యంగా ఇందులో సమంత నటనకు ఫిదా అయ్యానని చెప్పాడు.  చదవండి: పవన్‌ కల్యాణ్‌ రెమ్యునరేషన్‌పై పోసాని సంచలన వ్యాఖ్యలు అంతేగాక ‘ఈ సిరీస్‌ చూస్తున్నంత సేపు తనతో, తన నటనతో ప్రేమలో పడిపోయాను. చెప్పాలంటే ఈ షో మొత్తంలో సమంత నటన నన్ను బాగా ఆకట్టుకుంది. దీంతో ఆమెతో కలిసి నటించాలనే ఆసక్తి పెరిగింది. ఇప్పుడు తనతో ఓ సినిమా చేయడమే నా కల’ అంటూ సామ్‌పై షాహిద్‌ ప్రశంసల జల్లు కురిపించాడు. కాగా రాజ్‌-డీకే దర్శకత్వలో క్రైం థ్రిల్లర్‌గా తెరకెక్కిన ‘ది ఫ్యామిలీ మ్యాన్‌ 2’లో సమంత నెగిటివ్‌ షెడ్స్‌ ఉన్న రాజీ పాత్రలో నటించి విమర్శకుల నుంచి ప్రశంసలు అందుకుంది. ఈ సిరీస్‌ కూడా ఎంతటి ఘనవిజయం సాధించిందో ప్రత్యేకంగా చెప్పనక్కర్లేదు. ఇక షాహిద్‌ కపూర్‌ సినిమాల విషయానికొస్తే.. రాజ్‌ అండ్‌ డీకేలతో కలిసి ఓ వెబ్‌ సిరీస్‌ చేశాడు. ఈ సిరీస్‌ షూటింగ్‌ను కూడా పూర్తి చేసుకుంది. అలాగే అతడు నటించి జెర్సీ మూవీ రీమేక్‌ కూడా షూటింగ్‌ పూర్తి చేసుకుందని, ఈ ఏడాది డిసెంబర్ 31 విడుదల చేసేందుకు ప్లాన్‌ చేస్తున్నట్లు షాహిద్‌ తెలిపాడు.  చదవండి: మందు గ్లాస్‌తో పూరికి బర్త్‌డే విషెస్‌ తెలిపిన చార్మీ

థప్పడ్‌ సే డర్‌ నహీ లగ్తా సాబ్‌.. ప్యార్‌ సే లగ్తా హై!  (చెంప దెబ్బంటే భయం లేదు సర్‌.. ప్రేమంటేనే భయం!) డైలాగ్‌తో పాపులర్‌ అయిన కథానాయిక..  అర్థమైపోయి ఉంటుంది ఎవరో?! అవును.. సోనాక్షీ సిన్హా.  ఈ వారం ‘మొహబ్బతే’కి నాయిక కూడా! ఆమె ప్రేమ జీవితం.. అందులో వైఫల్యం.. సాక్ష్యాధారాలతో ఎక్కడా లేవు. హిందీ, ఇంగ్లిష్‌ పత్రికలు, వెబ్‌ మీడియాలో వచ్చిన వార్తలు.. వంటి రూమర్స్‌ని కూర్చి ఇస్తున్న కథనం ఇది.  ప్రభుదేవా దర్శకత్వంలో వచ్చిన ‘ఆర్‌. రాజ్‌కుమార్‌’ సినిమా గుర్తుందా? అందులో సోనాక్షీ సిన్హా, షాహిద్‌ కపూర్‌ హీరోహీరోయిన్లు. ఆ సెట్స్‌లోనే వీళ్లిద్దరి మధ్య ప్రేమ చిగురించిందని పుకారు. ‘నా జీవితంలో ఇద్దరే ఇద్దరిని ప్రాణప్రదంగా ప్రేమించాను’ అని షాహిద్‌ కపూర్‌ ఓ ఇంటర్వ్యూలో చెప్పాడు. ఆ ఇద్దరిలో ఒకరు కరీనా.. ఇంకొకరు సోనాక్షీ అనే నిర్ధారణకొచ్చారు షాహీద్, సోనాక్షీ జంటను అభిమానించే కొంతమంది. ఇందుకు కారణం లేకపోలేదు. ‘కాఫీ విత్‌ కరణ్‌ షో’లో ఇంటర్వ్యూకి వచ్చిన ప్రతిసారి షాహిద్‌ కపూర్‌ ఆ సమయంలో తను ఎవరితోనైతే రిలేషన్‌లో ఉన్నాడో ఆ సహచరితో వచ్చేవాడని.. అలా సెకండ్‌ సీజన్‌లో కరీనా కపూర్, థర్డ్‌ సీజన్‌లో ప్రియాంక చోప్రా, ఫోర్త్‌ సీజన్‌లో సోనాక్షీ సిన్హా, చివరకు భార్య మీరా రాజ్‌పుత్‌తో వచ్చాడని కామెంట్‌ చేశాడు షో హోస్ట్‌ కరణ్‌ జోహార్‌. ఇదే విషయమై షాహిద్‌ను అడిగాడు కూడా.. ‘నువ్వు కరీనా, ప్రియాంకతో డేట్‌ చేశావ్‌ కదా.. సోనాక్షీతో కూడా డేటింగ్‌లో ఉన్నావని రూమర్స్‌ వినిపిస్తున్నాయి’ అని. కాదని తోసిపుచ్చలేదు షాహిద్‌ కపూర్‌. అంతేకాదు ‘ఆర్‌. రాజ్‌కుమార్‌’ సెట్స్‌లో షూటింగ్‌ తర్వాత సోనాక్షీ, షాహిద్‌ సరదాగా షికారుకెళ్లేవారని, పార్టీలూ చేసుకున్నారనీ బాలీవుడ్‌ వర్గాల నుంచి సమాచారం. దీనికి ఉదాహరణగా సోషల్‌ మీడియాలో పోస్ట్‌ అయిన ‘షాహిద్‌ను ముద్దు పెట్టుకుంటున్న సోనాక్షీ సిన్హా’  ఫొటోను చూపిస్తారు. ఇదంతా నిజమే అయితే ఆ ప్రేమ పెళ్లి వరకు ఎందుకు రాలేదో.. వాళ్లెందకు విడిపోయారో తెలియదు. కానీ వాళ్లిద్దరు మాత్రం విడివిడిగా  ‘మేం మంచి స్నేహితులం.. అప్పుడు.. ఇప్పుడు.. ఎప్పుడూ’ అని చెప్తారు మీడియా ఎప్పుడు ప్రశ్నించినా!  ప్యాకప్‌ అవగానే పార్టీలు.. హ్యాంగవుట్స్ సోనాక్షీ సిన్హా, అర్జున్‌ కపూర్‌ జంట కలసి నటించిన ‘తేవర్‌’ సినిమా షూటింగ్‌ అప్పుడే వాళ్లు ప్రేమలో పడ్డారని బాలీవుడ్‌ సినిమా పత్రికల కథనం. షూటింగ్‌ ప్యాకప్‌ అవగానే పార్టీలు.. హ్యాంగవుట్స్, ముంబై శివారులోని థియేటర్లలో సినిమాలకూ వెళ్లేవారట. ఆ టైమ్‌లో పాపరాజీ కెమెరాలకూ చిక్కారనీ మీడియా కవరేజ్‌. అయితే ‘తేవర్‌’ సినిమా పూర్తవడంతోనే వీళ్ల ప్రేమా ముగిసిపోయిందనీ బాలీవుడ్‌ మాట. ఈ ఇరువురి మనస్తత్వాల్లోని వైరుధ్యమే ఆ బ్రేకప్‌కి రీజన్‌ అని ఇద్దరి సన్నిహితులు చెప్తారు. సోనాక్షీది అలాంటి తత్వమే.. ‘సోనాక్షీ చాలా ఎమోషనల్‌. ఏ ఫీలింగ్స్‌నూ దాచుకోలేదు. బేషరతుగా ప్రేమిస్తుంది. అర్జున్‌ కపూర్‌ ఇందుకు కాస్త భిన్నం. అతను గుంభనంగా ఉంటాడు. సోనాక్షీ స్ట్రాంగ్‌ ఎమోషన్స్‌ను సంభాళించలేకపోయాడు’ అని ఒక సోర్స్‌ కామెంట్‌. ‘ప్రేమ విషయంలో సోనాక్షీది సాధారణ అమ్మాయిల తత్వమే. అర్జున్‌ చుట్టే తన ప్రపంచాన్ని అల్లుకుంది. ఇది అర్జున్‌ను ఊపిరాడనివ్వకుండా చేసింది.   ఏమైనా వాళ్ల బ్రేకప్‌కు ఆ ఇద్దరిలో ఎవరినీ బ్లేమ్‌ చేయలేం.. అదలా జరిగిపోయింది అంతే!’ అంటూ ఇంకో సోర్స్‌ విశ్లేషణ. సోనాక్షీ మాత్రం.. ‘సినిమా రంగంలోని అబ్బాయిని కాకుండా కాస్త మంచి వ్యక్తిత్వం ఉన్న అబ్బాయిని చూసుకోమని మా పేరెంట్స్‌ చెప్తుంటారు. చూద్దాం.. అలాంటి వ్యక్తి తారసపడితే తప్పకుండా నా ప్రేమ విషయాన్ని ముందు మీకే షేర్‌ చేస్తాను’ అంటూ మీడియా ఎన్‌కౌంటర్‌ నుంచి తప్పించుకుంటూ ఉంటుందెప్పుడూ! ∙ఎస్సార్‌

షా హిద్‌ కపూర్‌.. బాలీవుడ్‌ లవర్‌ బాయ్‌. తను కలిసి నటించిన కథానాయికలు అందరి (దాదాపుగా)తో ప్రేమలో పడ్డాడు.. కరీనా కపూర్‌తో అతని లవ్‌ స్టోరీ మినహా మిగిలినవన్నీ వదంతులుగానే ప్రచారమయ్యాయి. అందులో ఒకటే విద్యాబాలన్‌తో ఇష్క్‌.  ఈ ఇద్దరూ కలిసి నటించిన సినిమా కిస్మత్‌ కనెక్షన్‌. దాంతోనే వీళ్ల పరిచయం మొదలైంది. ఆ షూటింగ్‌ జరుగుతుండగానే ఆ స్నేహం ప్రేమగా మారింది. ఎప్పటిలాగే ఆ ప్రేమ కబుర్లు పుకార్లుగా షికార్లు చేశాయి. వాటిని మీడియా కూడా క్యాచ్‌ చేసింది. వాటి కోసం పత్రికలు, చానెళ్లలో ప్రముఖ స్థానాన్ని, ప్రైమ్‌ టైమ్‌నూ కేటాయించింది. ఆ ప్రచారానుసారం షాహిద్, విద్యల ప్రేమ కిస్మత్‌ కనెక్షన్‌ విడుదల తర్వాత కొన్ని నెలల వరకూ సాగింది. ఇంక అది పెళ్లితో పదిలం కానుందని షాహిద్‌ సన్నిహితులు అనుకునేలోపే వాళ్ల బ్రేకప్‌ వార్త వినిపించింది.  కారణం.. షాహిద్‌ దుందుడుకుతనం, దురుసు ప్రవర్తన అని తేల్చారు ఆ ఇద్దరి సన్నిహితులు. విద్యా బాలన్‌ వెయిట్‌ గురించి కామెంట్‌ చేశాడట షాహిద్‌. ఒక్కసారి కాదు పదేపదే. గౌరవం లేని ప్రేమ మనజాలదు.. అదెప్పటికైనా ఇద్దరి దారులను వేరు చేయక తప్పదు అని గ్రహించింది విద్యా. మారు మాట్లాడకుండా షాహిద్‌కు గుడ్‌ బై చెప్పింది... కెరీర్‌ మీద ప్రేమను పెంచుకుంది.  ‘మనం ఇష్టపడేవారు మనల్ని చులకనగా చూస్తుంటే మనసు విరిగి పోతుంది. ఆ చనువును మన చేతకానితనంగా తీసుకుంటే తట్టుకోలేం. నా విషయంలో అదే జరిగింది. ఆ వ్యక్తి .. పేరు చెప్పడం నాకు ఇష్టం లేదు.. అతని పట్ల  నాకున్న ఇష్టాన్ని అలుసుగా తీసుకొని నాలో లోపాలు వెదుకుతూ, వెటకారమాడుతుంటే భరించలేకపోయా. ఆ బంధం కన్నా  నా ఆత్మాభిమానాన్ని కాపాడుకోవడం ముఖ్యమనుకున్నా. అందుకే ఆ రిలేషన్‌లోంచి బయటకు వచ్చేశా’ అని చెప్పింది విద్యాబాలన్‌ ఒక పత్రికకు ఇచ్చిన ఇంటర్వ్యూలో.   ఆమె అలా  అతని అహంకారాన్ని ప్రశ్నించినా షాహిద్‌కేమీ పట్టలేదు. ఆ బ్రేకప్‌ను చాలా తేలికగా తీసుకున్నాడు. అతనూ ఒక ఇంటర్వ్యూలో  ‘నా కోస్టార్ట్స్‌లో ఇద్దరిని అమితంగా ఇష్టపడ్డాను. అందులో ఒకరు ఇష్టపడ్డ మనిషిని మోసం చేయడంలో ప్రసిద్ధులు’ అంటూ పేర్కొన్నాడు. ఆ ఇద్దరిలో ఒకరు కరీనా కపూర్, ఇంకొకరు ప్రియాంక చోప్రానా? లేక విద్యా బాలనా?  ఈ ఇద్దరిలో ఆ రెండో వ్యక్తి ఎవరో మీడియాకు అంతుచిక్కలేదు.   కాఫీ విత్‌ కరణ్‌లో... షాహిద్‌ కపూర్‌తో ఉన్న స్నేహం గురించి విద్యా బాలన్‌ను అడిగాడు కరణ్‌ జోహార్‌ తన ‘కాఫీ విత్‌ కరణ్‌’ షోలో. ‘కొంత కాలంగా ఎక్కడికి వెళ్లినా ఇదే ప్రశ్న. ఆ పేరుతో నన్ను జత పర్చడం వినీ వినీ విసుగెత్తిపోయా. ఇండస్ట్రీలో ఇంతమంది హీరోలతో నటించా.. ఇంకెవరి పేరుతోనైనా జత చేయండి. అంటే  నిప్పు లేందే పొగరాదని కాదు నా ఉద్దేశం.. ఆ నిప్పు రాజేసిన వాళ్ల పేరు చెప్పను అంటున్నానంతే’ అని  కౌంటర్‌ ఇచ్చింది విద్యా బాలన్‌. ఆ తర్వాత ఇంకేదో సందర్భంలో ఇంకేదో పత్రికకు ఇచ్చిన ఇంటర్వ్యూలో ‘ఎస్‌.. మేమిద్దరం రిలేషన్‌లో ఉన్నాం ఒకప్పుడు. అది ఫ్రెండ్‌షిప్‌. అతను నా కోస్టార్‌’ అని బదులిచ్చింది. విద్యాబాలన్‌ ఇచ్చిన ఈ జవాబుతో షాహిద్‌ దగ్గర ఇంకేదో రాబట్టాలని చూసిన మీడియాకు నిరాశే ఎదురైంది ‘ఆమెకు నాకు మధ్య ఫ్రెండ్‌షిప్‌ కూడా లేదు.. భవిష్యత్‌లో ఆమెతో నటించేదీ లేదు’ అన్న షాహిద్‌ సమాధానంతో. దీనికీ విద్యా కౌంటర్‌ ఇచ్చింది.. ‘ఫ్రెండ్‌షిప్‌కు అతను ఇచ్చే నిర్వచనమేంటో నాకు తెలీదు కానీ ‘కిస్మత్‌ కనెక్షన్‌’ సినిమా టైమ్‌లో మేమిద్దరం మంచి ఫ్రెండ్స్‌మి. మా ఇద్దరి మధ్య మంచి అనుబంధమే ఉండింది.. అయితే అది ప్రేమ కాదు.. అందులో రొమాన్స్‌ లేదు. నాతో నటించకూడదు అనుకోవడం అతని ఇష్టం. అతని ఆ  నిర్ణయంతో నాకేం ఇబ్బంది లేదు.. ఇండస్ట్రీలో అతనొక్కడే హీరో అయితే తప్ప’ అంటూ.  ‘హమారీ అధూరీ కహానీ’ సినిమా ప్రమోషన్‌ సమయంలో విద్యా ‘నా కెరీర్‌లోనే కాదు జీవితంలోనే స్పెషల్‌ మూవీ ఇది. షూటింగ్‌ పూర్తయ్యాక ఒకరకమైన ప్రశాంతతను.. మనశ్శాంతినీ పొందాను. నా ప్రేమ కథ పూర్తయినట్టనిపించింది’ అని చెప్పింది. ఆ మాటలు షాహిద్‌ గురించేననే కథనాన్ని అల్లేసింది మీడియా.  ఏమైనా షాహిద్‌కు విద్యా పట్ల ప్రేమ ఉండిందో లేదో తెలియదు కానీ విద్యా మాత్రం షాహిద్‌ను మనసారా ప్రేమించింది. దీనికి నిదర్శనం.. మీరా రాజ్‌పుత్‌ షాహిద్‌తో పెళ్లి నిశ్చయం కాగానే విద్యా గురించి ఆరా తీసిందట ఇంకా ఆమె మనసులో అతను ఉన్నాడేమోననే సందేహ నివృత్తి కోసం! కరీనా, విద్యా బాలన్‌తోనే కాదు షాహిద్‌ పేరు, ప్రేమ సోనాక్షి సిన్హా, ప్రియాంక చోప్రా, అమృతా రావుతోనూ వినిపించాయి. ఎవరితోనూ సీరియస్‌గా లేడు షాహిద్‌.. అనే నిందా వినిపించింది.. కనిపించింది.. మీరా రాజ్‌పుత్‌ను జీవితభాగస్వామిగా చేసుకోవడంతో.   -ఎస్సార్‌

బాలీవుడ్‌ స్టార్‌ హీరో షాహిద్‌ కపూర్‌ అత్యధికంగా సంపాదిస్తున్న నటులలో ఒకడు. ప్రస్తుతం వరుస సినిమాలతో ఫుల్‌ బిజీగా ఉన్న షాహిద్‌ ముంబైలో కొంత ఇంటిని కొనుగోలు చేశాడు. షాహిద్‌, అతడి భార్య మీరా రాజ్‌పుత్‌లు కలిసి కొంత ఇంటిని తమ అభిరుచులకు అనుగుణంగా ప్రత్యేకంగా డిజైన్‌ చేసుకున్నారట. ముంబై జూహులోని సముంద్ర సమీపంలోని ఓ అపార్టుమెంటులో విశాలవంతమైన ప్లాట్‌ను దాదాపు 56 కోట్ల రూపాయలకు ఖరీదు చేసినట్లు తెలుస్తోంది. ఇది బాలీవుడ్‌ స్టార్‌ హీరోలైన అక్షయ్‌ కుమార్‌, అభిషేక్‌ బచ్చన్‌ ఇంటికి సమీపంలోనే ఉండటం విశేషం. View this post on Instagram A post shared by Shahid Kapoor (@shahidkapoor) ఈ అపార్టుమెంటులో 42, 43వ అంతస్థులో డూప్లెక్స్‌ ప్లాట్‌, సీ ఫెషింగ్‌ వారి ఇంటికి ప్రత్యేక ఆకర్షణ. తమ కొంత ఇటిని ఈ రోజు తన సోదరుడు ఇషాన్‌ ఖట్టర్‌, భార్య మీరాతో కలిసి సందర్శించిన ఫొటోలను షాహిద్‌ తన ఇన్‌స్టాగ్రామ్‌లో షేర్‌ చేశాడు. ప్రస్తుతం ఈ ఫొటోలు సోషల్‌ మీడియాలో వైరల్‌గా అవుతున్నాయి. కాగా తెలుగు అర్జున్‌ రీమేక్‌ కబీర్‌ సింగ్‌తో బ్లాక్‌బస్టర్‌ హిట్‌ అందుకున్న షాహిద్‌ ప్రస్తుతం తెలుగు జెర్సీ రీమేక్‌లో నటిస్తున్న సంగతి తెలిసిందే. క్రికెట్‌ నేపథ్యంలో సాగే ఈ సినిమా కోసం షాహిద్‌ రోహిత్‌ శర్మ దగ్గర శిక్షణ కూడా తీసుకున్నాడు. ప్రస్తుతం ఈ మూవీ షూటింగ్‌ చివరి షెడ్యూల్‌ను జరుపుకుంటోంది.  View this post on Instagram A post shared by Shahid Kapoor (@shahidkapoor)

బాలీవుడ్‌ హీరో షాహిద్‌ కపూర్‌ త్వరలో తన డిజిటల్‌ ఎంట్రీకి రెడీ అవుతున్న సంగతి తెలిసిందే. ది ఫ్యామిలీ మ్యాన్‌ వెబ్‌ సిరీస్‌ డైరెక్టర్స్‌ రాజ్ అండ్‌ డీకేలతో కలిసి ఓ వెబ్‌ సిరీస్‌ చేయబోతున్నాడు. ఇదిలా ఉండగా సోమవారంతో షాహిద్‌ ‘కబీర్‌ సింగ్‌’ మూవీ రెండేళ్లు పూర్తి చేసుకుంది. ఈ నేపథ్యంలో అతడు ఇన్‌స్టాగ్రామ్‌లో లైవ్‌ సెషన్‌ నిర్వహించాడు. ఈ సందర్భంగా అభిమానులు అడిగిన ఎన్నో ప్రశ్నలకు సమాధానాలు ఇవ్వడమే కాకుండా తనకు సంబంధించిన పలు ఆసక్తికర విషయాలను పంచుకున్నాడు. ఈ క్రమంలో డిజిటల్‌ ఎంట్రీపై స్పందించాడు. ఓ అభిమాని తన ఓటీటీ ఎంట్రీపై  ప్రశ్నించగా.. రాజ్‌, డీకేలతో కలిసి ఓ వెబ్‌ సిరీస్‌ కోసం పనిచేయడం సంతోషంగా ఉన్నా అదే సమయంలో చాలా భయంగా కూడా ఉందంటూ సమాధానం ఇచ్చి షాహిద్‌ ఆశ్చర్యపరిచాడు. ‘నిజంగా నా డిజిటల్‌ ఎంట్రీపై భయపడుతున్న. ఎందుకంటే బిగ్‌ స్క్రీన్‌పై ప్రేక్షకుల ప్రేమ, అభిమానాన్ని అందుకున్న ప్రతి నటీనటులంతా ఓటీటీలో వారి ప్రశంసలు అందుకోవచ్చు లేదా అందుకోకపోవచ్చు అనేది నా అభిప్రాయం. అలాగే సినిమాల్లో వచ్చిన సక్సెస్‌ ఓటీటీలో రాకపోవచ్చు. సినిమాలకు అక్కడ ఆదరణ ఉంటుందన్న గ్యారంటీ లేదు’ అంటూ వివరణ ఇచ్చాడు. కాగా రాజ్‌, డీకే దర్శకత్వంలో వస్తున్న ఓ వెబ్‌ సిరీస్‌తో షాహిద్‌ కపూర్‌ ఓటీటీలోకి అడుగు పెట్టబోతున్నట్లు గతంలో మేకర్స్‌ ప్రకటించిన విషయం తెలిసిందే.  దీంతో షాహిద్‌ ‘ఆమెజాన్‌ ప్రైంలో తనకు ఇష్టమైన ఇండియన్‌ షో ‘ది ఫ్యామిలీ మ్యాన్‌ సిరీస్‌’. అదే సిరీస్‌ డైరెక్టర్స్‌తో  నా డిజిటల్‌ ఎంట్రీ ఇవ్వడం చాలా ఆనందంగా ఉంది. వారు నాకు కథ వివరించగానే నాకు నచ్చి ఒకే చెప్పాను. ఆ కథతో త్వరలోనే మీ ముందుకు వస్తున్నాను. అప్పటి వరకు వేచి ఉండలేక పోతున్న అంటూ  రాజ్‌, డీకేలతో కలిసి ఉన్న ఫొటోలను షేర్‌ చేస్తూ ఆనందం వ్యక్తం చేశాడు.

కరీనా కపూర్, షాహిద్‌ కపూర్‌లకు ప్రత్యేక పరిచయం అక్కర్లేదు.. నటీనటులుగా ఎంత ఫేమసో ప్రేమికులుగానూ అంతే పాపులర్‌.. కిస్మత్‌ కనెక్షన్‌ ఫెయిలయ్యి ఈ ‘మొహబ్బతే’కు నాయికా, నాయకులుగా మారారు... కరీనా, షాహిద్‌.. ఇద్దరివీ పరస్పర విరుద్ధ మనస్తత్వాలు. ఆమె కొంచెం అహంభావి.. అతను కాస్త ఆకతాయి. ఆమెలోని ఆ అహం  ఆత్మవిశ్వాసంగా అతణ్ణి ఆకర్శించింది. అతనిలోని ఆకతాయి తనం హీరోయిజమ్‌గా ఆమె మనసును దోచుకుంది. అలా ఆ ప్రేమ కథ మొదలైంది. సినిమాల్లో కరీనా.. షాహిద్‌ కన్నా సీనియర్‌. షాహిద్‌ తొలి సినిమా ‘ఇష్క్‌ విష్క్‌’చూసి అతనికి ఫ్యాన్‌ అయింది. ఎలాగైనా ఆ అబ్బాయిని కలవాలని ఉవ్విళ్లూరింది. కలిసింది. తొలి పరిచయంలోనే ఒకరినొకరు ఆకట్టుకున్నారు. వారం తర్వాత వాళ్ల డేటింగ్‌ మొదలైంది. ‘నువ్వంటే ఇష్టం’ అని తొలుత కరీనానే చెప్పింది షాహిద్‌తో. ‘నాకూ ఇష్టమే’ అని చెప్పాడు. షూటింగ్‌ ప్యాకప్‌ చెప్పగానే చట్టాపట్టాల్‌తోనే సాయంకాలాలు గడిచిపోయేవి. బాలీవుడ్‌లో ఈ ముచ్చట భలే సందడి చేసింది. అది కరీనా వాళ్లమ్మ బబిత, అక్కయ్య కరిష్మానూ చేరింది. కెరీర్‌ పట్ల కరీనా సీరియస్‌గా లేదని అర్థమైంది వాళ్లకు. ఆమె మెదడులోంచి షాహిద్‌ను తప్పించే ఆలోచనలు చేయసాగారు.  అతనే హీరో.. తన ప్రేమను స్క్రీన్‌ మీదకూ తెచ్చింది కరీనా... తను చేసే సినిమాల్లో హీరోగా షాహిద్‌ను తీసుకొమ్మని నిర్మాతలను కోరుతూ. ఆమెకున్న డిమాండ్‌ దృష్ట్యా కాదనలేకపోయారు నిర్మాతలు. అలా వాళ్లిద్దరూ కలిసి నటించిన ఫస్ట్‌ మూవీ ‘ఫిదా’ విడుదలైంది. ఫ్లాప్‌ అయింది. అయినా కరీనా పట్టు వీడలేదు. ‘36 చైనా టౌన్‌’, ‘మిలేంగే మిలేంగే’, ‘చుప్‌ చుప్‌ కే’ చిత్రాలూ వచ్చాయి ఈ ఇద్దరి కాంబినేషన్‌లోనే. తెర మీద ఆ జంట ప్రేక్షకులను మెప్పించలేకపోతోందని గ్రహించారు దర్శకనిర్మాతలు. కరీనా తీరు బబిత, కరిష్మాకూ నచ్చలేదు. వ్యక్తిగతాన్ని కెరీర్‌తో ఎందుకు ముడిపెడుతున్నావ్‌? అది అన్‌ప్రొఫెషనల్‌’ అని బబిత కూతురిని హెచ్చరించింది కూడా. షాహిద్‌తో ప్రేమ బంధం తెంచుకొమ్మని అక్క కరిష్మా సలహా ఇచ్చింది చెల్లెలికి. జబ్‌ వి మెట్‌ నిజ జీవితంలోని వాళ్ల ప్రేమను తెర మీద ఎలా ప్రెజెంట్‌ చేయాలో.. ఆ జంటను ప్రేక్షకులు ప్రేమించేలా ఎలా చూపించాలో దర్శకుడు ఇమ్‌తియాజ్‌ అలీ స్క్రిప్ట్‌ రాసుకున్నాడు. చక్కటి స్క్రీన్‌ ప్లేనూ అల్లుకున్నాడు. ‘జబ్‌ వి మెట్‌’ సినిమా రిలీజ్‌ అయింది. సూపర్‌ హిట్‌ అయింది. తెర మీద ఆ జంటకు క్రేజ్‌ పెరిగింది. దాన్ని క్యాచ్‌ చేసుకుంది మీడియా.. ఆ రియల్‌ లవ్‌ స్టోరీని మళ్లీ ఒకసారి ప్రచురించి.. ప్రసారం చేసి.  కానీ.. జబ్‌ వి మెట్‌ సినిమా షూటింగ్‌లో ఉన్నప్పుడే షాహిద్, కరీనాల ప్రేమ బంధం బలహీనపడసాగింది. ఇంట్లో కరీనాకు షాహిద్‌తో తెగతెంపులు చేసుకొమ్మనే పోరు ఎక్కువైంది. అదే సమయంలో షాహిద్‌ .. విద్యాబాలన్‌తో చనువుగా మెదులుతున్నాడనే వార్తలూ కరీనా చెవిన పడ్డాయి. షాహిద్‌ను నిలదీసింది. సమాధానం చెప్పలేదు. ఆమె మనసు ముక్కలైంది. ‘జబ్‌ వి మెట్‌’ సినిమా టైమ్‌లోనే కరీనా తషన్‌ సినిమా కూడా చేస్తోంది. ఆ సెట్స్‌లో సైఫ్‌ అలీఖాన్‌తో తన బాధను పంచుకుంది. షాహిద్‌తో దూరం పెరిగింది. జబ్‌ వి మెట్‌ సెట్స్‌లో ఆ ఇద్దరూ ముభావంగానే ఉన్నారు. ఆ సినిమా క్రూ కూడా పసిగట్టింది ‘ఏదో జరిగింది’ అని. అయినా ఆ జంట సినిమా షూటింగ్‌కు అంతరాయం కలిగించకుండా చాలా ప్రొఫెషనల్‌గా వ్యవహరించి సినిమానూ పూర్తి చేశారని జబ్‌ వి మెట్‌ టెక్నీషియన్స్‌ చెప్పారు ఒక ఇంటర్వ్యూలో. విధి భలే విచిత్రమైంది.. కరీనా, షాహిద్‌ మనస్ఫూర్తిగా ఒకరినొకరు ఇష్టపడ్డన్నాళ్లు తెర మీద వాళ్ల జంట ఫెయిల్‌ అయింది. తెర మీద యాక్సెప్టెన్స్‌ వచ్చేప్పటికి నిజ జీవితంలో వాళ్ల మధ్య ప్రేమ లేకుండా పోయింది. ఆ బ్రేకప్‌ వాళ్లిద్దరినీ చాన్నాళ్లపాటు వేధించింది. ఆ బాధను చూసి కాలానికీ జాలేసిందేమో.. ఆ జ్ఞాపకాల్లోంచి ఇద్దరినీ బయటపడేసింది.  మావి డిఫరెంట్‌ పర్సనాలిలిటీస్‌. ఆ డిఫరెన్సే మా ఇద్దరిలో ఉన్న ఖాళీని పూరించింది.  – షాహిద్‌ షాహిద్, నేను ఇంచుమించు ఒకే వయసువాళ్లవడం వల్ల త్వరగా కనెక్ట్‌ అయ్యాం. ఆ సేమ్‌ టెంపర్‌మెంటే బ్రేకప్‌కి కారణమై ఉండొచ్చు. – కరీనా కపూర్‌ - ఎస్సార్‌ చదవండి: పోలీసులను ఆశ్రయించిన సింగర్‌ మధు ప్రియ

రష్మిక మందన్నా..ప్రస్తుతం దక్షిణాదిలో మోస్ట్‌ వాంటెడ్‌ హీరోయిన్‌. టాలీవుడ్‌, బాలీవుడ్‌, కోలీవుడ్‌, శాండల్‌వుడ్‌ నుంచి ఆమెకు ఆఫర్లు వెల్లువెత్తుతున్నాయి. చేతినిండా సినిమాలతో ఫుల్‌ బిజీగా మారిపోయిన రష్మిక ప్రస్తుతం బాలీవుడ్‌లో  'మిషన్ మజ్ను', 'గుడ్ బై' అనే సినిమాల్లో నటిస్తోంది. అయితే ఈ ప్రాజెక్ట్‌ల కంటే ముందే ఈ అమ్మడికి బీటౌన్‌ నుంచి ఓ మంచి ఆఫర్‌ వచ్చింది. స్టార్‌ హీరో షాహిద్‌ కపూర్‌ సరసన జెర్సీ రీమెక్‌లో నటించేందుకు మొదట రష్మికనే సంప్రదించారట. బాలీవుడ్‌ పిలుపు కోసం హీరోయిన్లు తహతహలాడుతుంటే.. రష్మిక మాత్రం ఈ ఆఫర్‌ను తిరస్కరించింది. తాజాగా ఓ ఇంటర్వ్యూలో మాట్లాడిన రష్మిక తాను ఈ ప్రాజెక్ట్‌ను ఎందుకు రిజెక్ట్‌ చేసిందో చెప్పుకొచ్చింది. 'జెర్సీ' మూవీలో నాని సరసన హీరోయిన్‌గా నటించిన శ్రద్ధా శ్రీనాథ్ అద్భుతంగా నటించిందని,ఆ పాత్రకు తనకన్నా గొప్పగా ఎవరూ న్యాయం చేయలేరని భావించిందట. అందుకే తాను ఈ సినిమా ఒప్పుకోలేదని తెలిపింది. ఇక తెలుగులో జెర్సీని తెరకెక్కించిన గౌతమ్ తిన్ననూరే బాలీవుడ్‌లోనూ రీమేక్‌ను డైరెక్ట్‌ చేస్తున్నారు. ఇందులో షాహిద్‌కు జోడీగా మృణాల్ ఠాకూర్ నటిస్తోంది. చదవండి : ఆరోజు నా పేరెంట్సే నన్ను నమ్మలేదు : రష్మిక రష్మిక కోరిక త్వరలోనే నెరవేరుస్తానన్న బన్నీ  

సెట్‌లో పాటలు పాడుకుంటున్నారు హీరోయిన్‌ రాశీ ఖన్నా, షాహిద్‌కపూర్‌. ‘ది ఫ్యామిలీ మ్యాన్‌’ వెబ్‌ సిరీస్‌ సక్సెస్‌తో ఫుల్‌ జోష్‌లో ఉన్న రాజ్‌ అండ్‌ డీకే దర్శకత్వంలో రూపొందుతున్న ఓ వెబ్‌ సిరీస్‌లో షాహిద్‌ కపూర్, రాశీ ఖన్నా లీడ్‌ రోల్స్‌ చేస్తున్నారు. ప్రస్తుతం షాహిద్, రాశీ కాంబినేషన్‌లోని సన్నివేశాల చిత్రీకరణ జరుగుతోంది. ఈ ఇద్దరిపై రొమాంటిక్‌ సన్నివేశాలను చిత్రీకరిస్తున్నట్లుగా తెలిసింది. సన్నివేశాలతో పాటు పాటలు కూడా చిత్రీకరిస్తున్నారట. వచ్చే ఏడాది ఈ వెబ్‌సిరీస్‌ ఓ ప్రముఖ ఓటీటీ ప్లాట్‌ఫామ్‌లో స్ట్రీమింగ్‌ కానుంది. ఈ సంగతి ఇలా ఉంచితే... రాశీ ఖన్నా నటిస్తున్న తొలి వెబ్‌సిరీస్‌ ఇదే కావడం విశేషం. ప్రస్తుతం తెలుగులో గోపీచంద్‌ ‘పక్కా కమర్షియల్‌’, నాగచైతన్య ‘థ్యాంక్యూ’ సినిమాల్లో హీరోయిన్‌గా నటిస్తున్నారు రాశీఖన్నా. లొకేషన్‌లో షాహిద్‌ కపూర్‌తో...

ముంబై: బాలీవుడ్‌ హీరో షాహిద్‌ కపూర్‌ భార్య మీరా రాజ్‌పుత్‌ తరచూ తన కుటుంబానికి  సంబంధించిన విషయలను, ఫొటోలు ఎప్పటికప్పుడు షేర్‌ చేస్తూ సోషల్‌ మీడియాలో యాక్టివ్‌గా ఉంటారు. ఈ నేపథ్యంలో సోమవారం సాయంత్రం ఆమె ఇన్‌స్టాగ్రమ్‌లో ‘ఆస్క్‌ మీ ఎనీథింగ్’‌ సెస్షన్‌లో పాల్గొన్నారు. అభిమానులు అడిగిన ఎన్నో ప్రశ్నలకు మీరా తనదైన శైలి సమాధానాలు ఇచ్చారు. ఈ క్రమంలో మీ క్రష్‌ ఎవరని ఓ అభిమాని అడిగిన ప్రశ్నకు ఆమె ఇచ్చిన సమాధానం అందరిని ఆశ్చర్యపరిచింది. ‘నాకు దక్షిణాఫ్రియా క్రికెటర్‌ ఏబి డివిలియర్స్‌ అంటే క్రష్‌, ఐ లవ్‌ హిమ్’ ‌ అంటూ మీరా సమాధానం ఇచ్చారు. క్షణం ఆలోచించకుండా ఓపెన్‌గా ఆమె చెప్పిన ఈ సమాధానికి నెటిజన్లంతా ఫిదా అవుతున్నారు. ఇక దీనికి షాహిద్‌ రియాక్షన్‌ ఎలా ఉంటుందో తెలుసుకోవాలని ఉందని నెటిజన్లు కామెంట్స్‌ పెడుతున్నారు. అదేవిధంగా తన ఇష్టమైన నెట్‌ఫ్లిక్స్‌ సిరీస్‌ ఏంటని అడిగిన ప్రశ్నకు.. ప్రముఖ కామెడీ షో ‘షిట్స్ క్రీక్’ అంటే ఇష్టమని ఆమె చెప్పారు. కాగా షాహిద్‌-మీరాలు 2015లో వివాహం చేసుకున్న సంగతి తెలిసిందే. ప్రస్తుతం వీరికి కూతురు మిష, కొడుకు జైన్‌లు ఉన్నారు. షాహిద్‌ వరస సినిమాలతో బిజీగా ఉన్నాడు. తెలుగు రీమేక్‌ ‘జెర్సీ’లో నటిస్తున్న సంగతి తెలిసిందే.  చదవండి: ప్రెగ్నెన్సీ రూమర్లపై స్పందించిన షాహిద్‌ భార్య               రౌడీగా మారిన అభిషేక్‌.. సీఎం అవుతాడట!               ‘అలా నటించడం ఆనందంగా ఉంది’

నాని హీరోగా శ్రద్ధా శ్రీనాథ్‌ హీరోయిన్‌గా తెరకెక్కిన చిత్రం ‘జెర్సీ’. క్రికెట్‌ నేపథ్యంలో గౌతమ్‌ తిన్ననూరి దర్శకత్వం వహించిన ఈ సినిమా గతేడాది ఏప్రిల్‌లో విడుదలై ఎంతటి ఘనవిజయం సాధించిందో ప్రత్యేకించి చెప్పక్కర్లేదు. ఈ సినిమా షాహిద్‌ కపూర్‌ హీరోగా హిందీలో రీమేక్‌ అయింది. మృణాల్‌ ఠాకూర్‌ కథానాయికగా నటించారు. తెలుగు ‘జెర్సీ’ని డైరెక్ట్‌ చేసిన గౌతమ్‌ తిన్ననూరి హిందీలోనూ తెరకెక్కించారు. నిర్మాత అల్లు అరవింద్‌ సమర్పణలో ‘దిల్‌’ రాజు, అమన్‌ గిల్, ఎస్‌. నాగవంశీ నిర్మించిన ఈ సినిమా విడుదల తేదీ ఫిక్స్‌ అయ్యింది. ఈ ఏడాది దీపావళి కానుకగా నవంబర్‌ 5న ‘జెర్సీ’ సినిమాను విడుదల చేస్తున్నామని షాహిద్‌ కపూర్‌ ట్విట్టర్‌లో పేర్కొన్నారు. ‘‘ఫెంటాస్టిక్‌ ఎమోషనల్‌ స్పోర్ట్స్‌ డ్రామా నేపథ్యంలో రూపొందిన ఈ సినిమా బాలీవుడ్‌ ప్రేక్షకులనూ అలరిస్తుందనే నమ్మకం ఉంది. తెలుగులో ఘనవిజయం సాధించిన ఈ చిత్రం హిందీ బాక్సాఫీస్‌ను షేక్‌ చెయ్యడం ఖాయం’’ అని చిత్రవర్గాలు పేర్కొన్నాయి.

టాలీవుడ్‌లో సంచలనం సృష్టించిన ‘అర్జున్‌ రెడ్డి’ సినిమాను హిందీలో ‘కబీర్‌ సింగ్‌’గా రీమేక్‌ చేసిన సంగతి తెలిసిందే. షాహీద్‌ కపూర్‌, కియరా అద్వానీ ఈ చిత్రంలో హీరో హీరోయిన్లుగా నటించారు. ఇక ఈ సినిమాలో హీరో ఇంట్లో పని మనిషి పాత్ర చేసిన నటి గుర్తుందా. ఆమె పేరు వనితా ఖరత్‌. సినిమాలో కూడా ఇదే పేరుతో నటించిన ఈ నటి తాజాగా అభిమానులకు షాక్‌ ఇచ్చారు. న్యూడ్‌ ఫోటోలు పోస్ట్‌ చేసి.. అందరిని ఆశ్చర్యానికి గురి చేశారు. న్యూడ్‌ ఫోటోలు పోస్ట్‌ చేసినప్పటికి ఆమె ఉద్దేశం మంచిది కావడంతో అభిమానులు ప్రశంసిస్తున్నారు. బాడీ పాజిటివిటీ పేరుతో వనితా ఖరత్‌ తన ఇన్‌స్టాగ్రామ్‌లో న్యూడ్‌ ఫోటోని పోస్ట్‌ చేశారు. ఇక ఆమె ముందు భాగంలో నీలి రంగు గాలి పటం మాత్రమే ఉంది. (‘అందుకే హిందీ ‘జెర్సీ’ని వద్దనుకున్నా’) ఇక వనితా ఖరత్ ‘నా ప్రతిభ పట్ల నేను గర్వంగా ఫీలవుతున్నాను.. నా పాషన్‌, నా నమ్మకం, నా శరీరం పట్ల నేను గర్వంగా ఫీలవుతున్నాను. ఎందుకంటే నేనంటే నేనే గనుక’ అంటూ షేర్‌ చేసిన ఈ ఫోటో అభిమానులను అలరిస్తుంది. ‘మన పట్ల మనకు నమ్మకం, ప్రేమ ఉండటం ఎంత ముఖ్యమో చాలా బాగా చెప్పారు’.. ‘ఫోటో అసభ్యతకు తావు లేకుండా అందంగా ఉంది’ అంటూ కామెంట్‌ చేస్తున్నారు నెటిజనులు. ఇక వనితా ఖారత్‌ బాలీవుడ్‌లోనే కాక పలు మరాఠీ చిత్రాల్లో కీలక పాత్రలు పోషించారు.  View this post on Instagram A post shared by @vanitakharat19

వచ్చే ఏడాదిని చాలా సీరియస్‌గా స్టార్ట్‌ చేయనున్నారట బాలీవుడ్‌ నటుడు షాహిద్‌ కపూర్‌. జనవరి నెల ప్రారంభంలో ఆయన తాజా వెబ్‌ సిరీస్‌ చిత్రీకరణ ఆరంభం కానుంది. రాజ్, డీకే దర్శకత్వంలో తెరకెక్కనున్న ఈ సిరీస్‌ ఫుల్‌ యాక్షన్‌తో నిండి ఉంటుందట. ఇందులో షాహిద్‌ పాత్ర చాలా సీరియస్‌గా ఉంటుందని సమాచారం. ఈ సిరీస్‌లో రాశీ ఖన్నా కథానాయికగా కనిపిస్తారు. అలానే తమిళ నటుడు విజయ్‌ సేతుపతి కీలక పాత్రలో కనిపించనున్నారు. ఈ యాక్షన్‌ థ్రిల్లర్‌ సిరీస్‌ చిత్రీకరణను ముంబై, ఢిల్లీ పరిసర ప్రాంతాల్లో జరుపుతారు. ఏప్రిల్‌ కల్లా షూటింగ్‌ పూర్తవుతుందట. ప్రస్తుతం ‘జెర్సీ’ హిందీ రీమేక్‌లో నటిస్తున్నారు షాహిద్‌. దీని తర్వాత కరణ్‌ జోహార్‌ నిర్మాణంలో ‘యోధ’ అనే యాక్షన్‌ సినిమా కూడా కమిట్‌ అయ్యారు.

బాలీవుడ్‌ కబీర్‌ సింగ్‌ షాహిద్‌ కపూర్‌ భార్య మీరా రాజ్‌పుత్‌ తరచూ సోషల్‌ మీడియాలో అభిమానులను ముచ్చటిస్తూ ఉంటుంది. ఈ క్రమంలో ఏవైనా ప్రశ్నలు సంధించమని కోరగా నెటిజన్ల లెక్కలేనన్ని సందేహాలు ఆమె ముందు కుప్పలుతెప్పలుగా వచ్చిపడ్డాయి. వీటిలో పలు ప్రశ్నలకు ఆమె నవ్వుతూ సమాధానం ఇచ్చింది. మీరు గర్భవతా? అన్న ప్రశ్నకు ఆమె లేదని చెప్పింది. సినిమాల్లోకి ఎంట్రీ ఇస్తారా? అన్న ప్రశ్నకు సైతం కుదరదని జవాబిచ్చింది. దీంతో త్వరలోనే ఆమె బాలీవుడ్‌ ఎంట్రీ ఉండబోతుందన్న ఊహాగానాలకు తెరదించినట్లైంది. ఇక మీరా 2018లో ఓ యాడ్‌ షూటింగ్‌లో మొదటిసారి పాల్గొన్నారు. పలు ఉత్పత్తులకు ఆమె తన సోషల్‌ మీడియా పేజీ ద్వారా ప్రచారం కల్పిస్తున్నారు. (చదవండి: 2020 ఇంట్లో కూడా సినిమా చూపించింది) కాగా షాహిద్‌, మీరా 2015లో జూలై 7న పెళ్లి చేసుకున్నారు. ఈ దంపతులకు కూతురు మిషా, కొడుకు జైన్‌ ఉన్నారు. ఇక షాహిద్‌ సినిమాల విషయానికొస్తే.. ఆయన క్రికెట్‌ ప్లేయర్‌గా నటిస్తున్న జెర్సీ రీమేక్‌ షూటింగ్‌ ఇటీవలే పూర్తైంది. మృణాల్‌ థాకూర్‌ కథానాయికగా నటించారు. తెలుగు చిత్రాన్ని తెరకెక్కించిన గౌతమ్‌ తిన్ననూరి ఈ హిందీ రీమేక్‌ను డైరెక్ట్‌ చేశారు. వచ్చే ఏడాది మొదట్లో ఈ సినిమాను విడుదల చేయాలనుకుంటున్నారు. అలాగే ఓటీటీలోకి ఎంట్రీ ఇస్తున్నారు. తెలుగు దర్శక ద్వయం రాజ్, డీకే ఓ యాక్షన్‌ ప్రధానమైన వెబ్‌ సిరీస్‌ను రూపొందించనున్నారట. ఇందులో హీరోగా షాహిద్‌ కపూర్‌ కనిపిస్తారని సమాచారం. థ్రిల్లర్‌ జానర్‌లో ఈ సిరీస్‌ రెండు సీజన్లుగా తెరకెక్కనుంది. (చదవండి: నా పని గిన్నెలు కడగటం: షాహిద్‌)

ముంబై: బాలీవుడ్‌ ‘కబీర్‌ సింగ్’‌ షాహిద్‌ కపూర్‌ ప్రస్తుతం ‘జెర్సీ’ షూటింగ్‌తో బిజీగా ఉన్నాడు. ఈ నేపథ్యంలో భార్య మీరా రాజ్‌పుత్‌ను మిస్‌ అవుతున్నానంటూ సోమవారం సోషల్‌ మీడియాలో వారిద్దరి ఫొటోను షేర్‌ చేశాడు. మీరా భుజంపై తల వాల్చి ఉన్న బ్లర్‌ ఫొటోను షాహిద్‌ ఇన్‌స్టాగ్రామ్‌లో పోస్ట్‌ చేసి ‘మిస్‌ యూ’ అనే హ్యాష్‌ ట్యాగ్‌ను జత చేశాడు. అయితే దీనికి మీరా తనదైన శైలిలో సరదాగా షాహిద్‌ను ఆటపట్టించింది. (చదవండి: ఆట ముగిసింది) షాహిద్ పోస్టుకు మీరా.. ‘మీరు అంతగా సంతోషంగా లేరు.. కాబట్టి నేను మిస్ యూ‌ టూ అని పెట్టను’ అంటూ సరదాగా కామెంట్‌ పెట్టింది. 2015లో వివాహం చేసుకున్న ఈ జంటకు ప్రస్తుతం ఇద్దరూ పిల్లలు ఉన్నారు. అయితే ప్రస్తుతం షాహిద్‌ నటిస్తున్న తెలుగు రీమేక్‌‌ ‘జెర్సీ’ షూటింగ్ జరుపుకుంటోంది. ఇందులో క్రికెట్‌ ప్లేయర్‌గా కనిపించడానికి షాహిద్‌ పూర్తి స్థాయిలో శిక్షణ తీసుకున్నాడు. మృణాల్‌ ఠాకూర్‌ కథానాయికగా నటిస్తున్న ఈ సినిమా వచ్చే ఏడాది విడుదల కానున్నట్లు చిత్ర యూనిట్‌ పేర్కొంది.    View this post on Instagram #imissyou ❤️ A post shared by Shahid Kapoor (@shahidkapoor) on Nov 2, 2020 at 12:52am PST

నాని హీరోగా నటించిన ‘జెర్సీ’ చిత్రం హిందీలో రీమేక్‌ అయింది. తెలుగు చిత్రాన్ని తెరకెక్కించిన గౌతమ్‌ తిన్ననూరి ఈ హిందీ రీమేక్‌ను డైరెక్ట్‌ చేశారు. నాని పాత్రను షాహిద్‌ కపూర్‌ పోషించారు. కోవిడ్‌ వల్ల చాలా సినిమాల్లానే ఈ సినిమా చిత్రీకరణ కూడా ఆగిపోయింది. అయితే ఇటీవలే ఈ సినిమా చిత్రీకరణను ఉత్తరాఖండ్‌లో తిరిగి ప్రారంభించి, పూర్తి చేశారు. ఈ సినిమాలో క్రికెట్‌ ప్లేయర్‌గా కనిపించడానికి పూర్తి స్థాయిలో శిక్షణ తీసుకున్నారు షాహిద్‌. మృణాల్‌ థాకూర్‌ కథానాయికగా నటించారు. వచ్చే ఏడాది మొదట్లో ఈ సినిమాను విడుదల చేయాలనుకుంటున్నారు.

‘అర్జున్‌ రెడ్డి’ రీమేక్‌ ‘కబీర్‌ సింగ్‌’ సూపర్‌ సక్సెస్‌తో ఫుల్‌ ఫామ్‌లోకి వచ్చారు షాహిద్‌ కపూర్‌. వెంటనే మరో తెలుగు చిత్రం ‘జెర్సీ’ హిందీ రీమేక్‌లో నటిస్తున్నారు. తాజాగా ఓటీటీలోకి ఎంట్రీ ఇస్తున్నారు షాహిద్‌. తెలుగు దర్శక ద్వయం రాజ్, డీకే ఓ యాక్షన్‌ ప్రధానమైన వెబ్‌ సిరీస్‌ను రూపొందించనున్నారట. ఇందులో హీరోగా షాహిద్‌ కపూర్‌ కనిపిస్తారని సమాచారం. థ్రిల్లర్‌ జానర్‌లో ఈ సిరీస్‌ రెండు సీజన్లుగా తెరకెక్కనుంది. ఆల్రెడీ ‘ఫ్యామిలీ మ్యాన్‌’ వెబ్‌ సిరీస్‌తో సూపర్‌ సక్సెస్‌లో ఉన్నారు దర్శకులు రాజ్, డీకే. వచ్చే ఏడాదిలో షాహిద్‌తో చేయబోయే వెబ్‌ సిరీస్‌ సెట్స్‌ మీదకు వెళ్లనుంది. 

లాక్‌డౌన్‌ వల్ల థియేటర్స్‌ మూతబడటంతో ఓటీటీ ప్లాట్‌ఫామ్స్‌కు పాపులారిటీ మరింత పెరిగింది. సినిమాలు నేరుగా ఓటీటీలో విడుదలవుతున్నాయి. చాలా మంది స్టార్స్‌ వెబ్‌ సిరీస్‌లోనూ నటించడానికి సై అంటున్నారు. బాలీవుడ్‌ నటుడు షాహిద్‌ కపూర్‌ ఓటీటీ సంస్థ నెట్‌ఫ్లిక్స్‌తో మూడు సినిమాల డీల్‌ కుదుర్చుకున్నారని తెలిసింది. ఈ డీల్‌లో భాగంగా షాహిద్‌ నటించబోయే మూడు సినిమాలు నేరుగా నెట్‌ఫ్లిక్స్‌లోనే విడుదలవుతాయి. ప్రస్తుతం ‘జెర్సీ’ హిందీ రీమేక్‌లో నటిస్తున్నారు షాహిద్‌. ఈ సినిమా తర్వాత చేయబోయే ‘ఆపరేషన్‌ క్యాక్టస్‌’ చిత్రం నేరుగా నెట్‌ఫ్లిక్స్‌లో రానుంది. భారీ బడ్జెట్‌తో నెట్‌ఫ్లిక్స్‌ ఈ చిత్రాన్ని నిర్మించనుంది. ఆ తర్వాత ఈ ప్లాట్‌ఫామ్‌ కోసం మరో రెండు సినిమాలు చేయబోతున్నారు షాహిద్‌.

ప్రముఖ మీడియా సంస్థ టైమ్స్ ఆఫ్ ఇండియా సంస్థ ఆన్‌లైన్‌ ద్వారా  'మోస్ట్ డిజైరబుల్ మెన్ ఇన్ ఇండియా' పోటీని నిర్వహించింది. దీనిలో భారతీయ చిత్ర సీమకు చెందిన హీరోలతో పాటు క్రికెట్‌ స్టార్‌ల వరకు అవకాశం కల్పించింది. 40 సంవత్సరాల కంటే తక్కువ ఉన్న వారి జాబితాను ఆన్‌లైన్‌లో ఉంచి వీరిలో మోస్ట్‌ డిజైరబుల్‌ మెన్‌కు ఆన్‌లైన్‌ ద్వారా ఓట్లు వేయాలని కోరింది. ఈ జాబితాలో టాలీవుడ్‌ నుంచి అల్లు అర్జున్‌, ప్రభాస్‌, రామ్‌ చరణ్‌, ఎన్టీఆర్‌, విజయ్‌ దేవరకొండ ఇంకా మరికొంత మంది హీరోలు కూడా ఉన్నారు. తమిళ, కన్నడ ఇలా సౌత్‌ ఇండియాకు చెందిన స్టార్లు నివీన్‌ పౌలీ, దుల్కర్‌ సల్మాన్‌ కూడా ఉన్నారు. ఇక క్రీడల విషయానికి వచ్చే సరికి విరాట్‌కొహ్లీ, రోహిత్‌ శర్మ, కేఎల్‌ వంటి వారు కూడా ఉన్నారు.   ఈ జాబితాలో బాలీవుడ్ హీరోలు షాహిద్ కపూర్, రణవీర్ సింగ్‌లు మొదటి, రెండవ స్థానాలలో నిలిచారు. మూడో స్థానంలో టాలీవుడ్ హీరో విజయ్ దేవరకొండ నిలిచారు. ఈ జాబితాలోని టాప్ 10లో టాలీవుడ్ నుంచి విజయ్ దేవరకొండ మాత్రమే ఉండటం గమనార్హం. విజయ్‌ దేవరకొండకు తప్ప మరే తెలుగు హీరో టాప్ 10లో స్థానాన్ని దక్కించుకోలేకపోయారు. ఇటీవల కాలంలో నోటా, వరల్డ్‌ ఫేమస్‌ లవర్‌ లాంటి వరుస పరాజయాలను చవిచూసినప్పటికి విజయ్‌ దేవరకొండ క్రేజ్‌ ఏమాత్రం తగ్గనట్టు కనిపిస్తోంది. ప్రస్తుతం పూరి జగన్నాథ్ దర్శకత్వంలో విజయ్ ఫైటర్‌ సినిమాలో  నటిస్తున్నాడు. ప్యాన్ ఇండియా మూవీగా తెరకెక్కుతున్న ఈ సినిమా షూటింగ్ కరోనా కారణంగా వాయిదా పడిన సంగతి తెలిసిందే.  చదవండి: విజయ్‌ @ 80 లక్షలు

ముంబై: బాలీవుడ్‌ న‌టి అమృతా రావు తెలుగు ప్రేక్ష‌కుల‌కు తెలిసే ఉండాలి. అప్పుడెప్పుడో 'అతిథి' చిత్రంలో సూప‌ర్‌స్టార్ మ‌హేశ్‌బాబుకు జోడీగా న‌టించారు. ఆ త‌ర్వాత ఒక్క తెలుగు సినిమాలోనూ క‌నిపించ‌లేరు. బాలీవుడ్‌లో మాత్రం స్టార్ హీరోల‌తో జ‌త క‌డుతూ సినిమాలు చేసుకుంటూ పోయారు. అయితే ఈ మ‌ధ్య కాస్త వెన‌క‌బ‌డ్డ అమృతా రావు త‌న సినీ జీవితాన్ని మ‌లుపు తిప్పిన‌ "ఇష్క్ విష్క్" చిత్రం నాటి జ్ఞాప‌కాల‌ను గుర్తు చేసుకున్నారు. ఈ సినిమాలో హీరో షాహిద్ క‌పూర్‌ను లాగి పెట్టి కొట్టే సీన్ ఉంటుంది. ఈ సీన్ పూర్తి చేసేందుకు త‌ల ప్రాణం తోక్కొచ్చిందంటున్నారు. మ‌రోవైపు ద‌ర్శ‌కుడు కెన్ ఘోష్.. షాహిద్‌ను కొట్టిన‌ట్లు అత‌డి మొహంలో రియాక్ష‌న్‌ క‌నిపించాల‌ని మ‌రింత ఒత్తిడి తెచ్చారు. (గురుశిష్యులు) ప్రేక్ష‌కులు ఈ సీన్‌లో లీన‌మ‌వాల‌న్నారు. అయితే అంత‌కు ముందెన్న‌డూ ఎవ‌రినీ ఒక్క దెబ్బ కూడా వేయ‌ని అమృతా రావుకు ఈ సీన్ త‌న వ‌ల్ల కాదేమోన‌ని తెగ‌ భ‌య‌ప‌డిపోయారు. స‌రిగ్గా అప్పుడే షాహిద్ త‌ల్లి నీలిమ అజీమ్ క‌నిపించారు. ఆమే స్వ‌యంగా త‌న కొడుకును ఎలా కొట్టాలో చెప్తూ ఎంక‌రేజ్ చేశారు. షూటింగ్ ఆన్ అవ‌గానే ఆమె ప‌క్క‌నుంచి "నువ్వు చేయ‌గ‌ల‌వు, కొట్టు, గ‌ట్టిగా చెంప చెళ్లుమ‌నిపించు" అంటూ ప్రోత్స‌హించింది. వెంట‌నే అమృత కూడా షాహిద్‌ను కోపంగా ఒక్క దెబ్బ వేసింది. స్క్రీన్‌పై అది అనుకున్న‌దానిక‌న్నా బాగా రావ‌డంతో ఆమె ఊపిరి పీల్చుకున్నారు. (నా సినిమాలు ఫ్లాప్‌.. అందుకే: నటుడు)

విడాకుల ఆలోచన నాది కాదు.. తనదే అంటున్నారు నటి, షాహీద్‌ కపూర్‌ తల్లి నీలిమ అజీమ్‌. బాలీవుడ్‌ యాక్టర్‌, డైరెక్టర్‌ పంకజ్‌ కపూర్‌ - నీలీమలకు 1975లో వివాహం అయ్యింది. అయితే అభిప్రాయబేధాలు రావడంతో 1984లో విడాకులు తీసుకున్నారు. ఈ క్రమంలో నీలిమ తాజాగా ఇచ్చిన ఓ ఇంటర్వూలో విడాకుల విషయంపై స్పందించారు. ఈ సందర్భంగా ఆమె మాట్లాడుతూ.. ‘నేను విడాకులు కోరుకోలేదు. ఇది నిజం. తనే విడిపోవాలనుకున్నాడు. ఈ నిర్ణయం నన్ను ఎంతో బాధించింది. కానీ తన కారణాలు తనకున్నాయి. నా 15వ ఏట తొలిసారి నాకు పంకజ్‌తో పరిచయం ఏర్పడింది. మాది సుదీర్ఘమైన స్నేహ బంధం. తను విడాకులు అడిగినప్పుడు నేను చాలా బాధ పడ్డాను’ అన్నారు. అంతేకాక ‘ఇద్దరు వ్యక్తులు విడిపోయినప్పుడు.. అది కూడా విడాకుల వల్ల అయితే దాని ఫలితం ఇద్దరికి చాలా బాధాకరంగా ఉంటుంది. ఇద్దరి మధ్య ఎంతో అనుబంధం, స్నేహం ఉంటాయి. కానీ తప్పదు. జరిగిందేదో జరిగింది. తను తన కుటుంబంతో బాగా స్థిరపడ్డాడు. తను బాగుండాలని కోరుకుంటున్నాను’ అన్నారు నీలిమ. (నా పని గిన్నెలు కడగటం: షాహిద్‌) బాలీవుడ్‌ యాక్టర్‌, డైరెక్టర్‌ పంకజ్‌ కపూర్,‌ నీలిమ అజీమ్‌ను పెళ్లి చేసుకున్న తర్వాత కొన్నాళ్లకు విడిపోయిన విషయం తెలిసిందే.  వీరిద్దరు విడిపోయేనాటికి షాహీద్‌ వయసు మూడున్నర ఏళ్లు మాత్రమే. విడాకుల అనంతరం పంకజ్‌ కపూర్‌ సుప్రియా పఠాక్‌ను వివాహం చేసుకున్నాడు. (‘అందుకే హిందీ ‘జెర్సీ’ని వద్దనుకున్నా’)

లాక్‌డౌన్‌ వేళ సినీ సెలబ్రిటీలు ఇంటికే పరిమితమయ్యారు. ఇక తమ అభిరుచులు, కళలను మెరుగుపరుచుకుంటున్నారు. సినిమా చిత్రీకరణలు వాయిదా పడినప్పటికీ సినీ ప్రముఖులు ఎప్పటికప్పుడు  తమ పాత ఫొటోలు, వీడియోలు, లాక్‌డౌన్‌లో ఇంట్లో చేస్తున్న పనులకు సంబంధించిన విషయాలను సోషల్‌ మీడియాలో పోస్ట్‌ చేస్తూ అభిమానులను అలరిస్తున్నారు. మరి కొంతమంది సోషల్‌ మీడియాలో లైవ్‌ చాట్‌ నిర్వహిస్తూ అభిమానులతో ముచ్చటిస్తున్నారు. తాజాగా బాలీవుడ్‌ హీరో​ షాహిద్‌ కపూర్‌ తన ట్విటర్‌ ఖాతాలో ‘ఆస్క్‌ మీ’ లైవ్‌ చాట్‌ను నిర్వహించారు. దీనిలో భాగంగా కబీర్‌సింగ్‌ సినిమా, ప్రస్తుతం తాను నటిస్తున్న ‘జెర్సీ’ మూవీకి సంబంధించి పలు విషయాలను అభిమానులతో పంచుకున్నారు. ఈ క్రమంలో ఓ అభిమాని లాడ్‌డౌన్‌ సమయంలో ఇంట్లో ఉంటూ..‘ తినటం, గిన్నెలు కడగటం, బట్టలు ఉతకటం వంటి పనుల్లో వీరు ఏ పని చేస్తున్నారు’ అని అడగ్గా.. ‘నాది ఇంట్లో గిన్నెలు కడిగే పని మాత్రమే’ అని షాహిద్‌ సమాధానం ఇచ్చారు. Mera department bartan ka hai. Tumhara? https://t.co/KMeKGlaqSf — Shahid Kapoor (@shahidkapoor) May 12, 2020 అదేవిధంగా ‘కబీర్‌సింగ్‌  మూవీకి  అవార్డులు రాలేదని నిరాశ చెందుతున్నారా? అని మరో ప్రశ్న అడగ్గా.. ‘మీ అందరి ప్రేమకు కృతజ్ఞతలు, మీ వల్లనే నేను ఇలా ఉన్నాను’ అని షాహిద్‌ అన్నారు. ఇక షాహిద్‌ ‘జెర్సీ’ చిత్రాకి సంబంధించి మాట్లాడుతూ..  ‘ఓ మంచి సినిమాను మీ ముందుకు తీసుకురాబోతున్నాము. నాకు ‘జెర్సీ’ చిత్రయూనిట్‌తో పని చేయటం చాలా సంతోషంగా ఉంది’ అని చెప్పుకొచ్చారు. ఇక షాహిద్‌ లాక్‌డౌన్‌లో భాగంగా పంజాబ్‌లో తన కుటుంబసభ్యులతో గడుపుతున్న విషయం తెలిసిందే. Just trying our best to make a good film. But I am very happy with whatever we have done so far. Really enjoying the journey and the team. https://t.co/wsCYinUNK6 — Shahid Kapoor (@shahidkapoor) May 12, 2020

ఈ ఏడాది సంక్రాంతికి విడుదలైన ‘అల.. వైకుంఠపురములో..’ అనూహ్య విజయాన్ని సాధించింది. అల్లు అర్జున్‌ హీరోగా త్రివిక్రమ్‌ దర్శకత్వంలో తెరకెక్కిన ఈ చిత్రం హిందీలో రీమేక్‌ కానుందనే వార్తలు వినిపిస్తున్నాయి.  తెలుగు హిట్‌ ‘అర్జున్‌రెడ్డి’ హిందీ రీమేక్‌ ‘కబీర్‌ సింగ్‌’కి ఒక నిర్మాతగా ఉన్న అశ్విన్‌ వార్దే ‘అల.. వైకుంఠపురములో..’ హిందీ రీమేక్‌ రైట్స్‌ను దక్కించుకున్నారని సమాచారం. ఈ చిత్రానికి ఎవరు దర్శకత్వం వహిస్తారు? ఎవరు హీరోగా నటిస్తారు? అనే విషయాలు తెలియాల్సి ఉంది. హీరోగా అక్షయ్‌ కుమార్‌ లేదా షాహిద్‌ కపూర్‌ నటిస్తారనే ప్రచారం జరుగుతోంది.

నాని హీరోగా క్రికెట్‌ నేపథ్యంలో తెలుగులో తెరకెక్కిన ‘జెర్సీ’ సినిమా అత్యంత ఘనవిజయం సాధించిన విషయం తెలిసిందే. దీంతో ఈ సినిమాను హిందీ రిమేక్‌లో బాలీవుడ్‌ హీరో షాహిద్‌ కపూర్‌ నటిస్తున్నాడు. ఇక హిందీ ‘జెర్సీ’లో షాహిద్‌కు జోడిగా పలు హీరోయిన్లను దర్శక నిర్మాతలు సంప్రదించినట్లు వార్తలు రావడంతో.. షాహిద్‌ సరసన నటించే ఆ హీరోయిన్‌ ఎవరబ్బాని అని ప్రతి ఒక్కరూ ఆసక్తిగా ఎదురు చుశారు. ఇక చివరకూ మృణాల్ ఠాకూర్ నటించనున్నట్లు ఇటీవల చిత్ర యూనిట్‌ ప్రకటించింది. (రోహిత్‌ కోచ్‌తో షాహిద్‌ ట్రైనింగ్) అయితే మొదట్లో ఈ సినిమా కోసం దక్షిణాది భామ రష్మికా మందన్నాను సంప్రందించగా ఆమె తిరస్కరించినట్లు వార్తలు వచ్చాయి. తాజాగా రిపబ్లిక్‌ న్యూస్‌కు ఇచ్చిన ఇంటర్యూలో రష్మీక దీనిపై స్పందించారు. ‘జెర్సీ’ అవకాశాన్ని వదులుకోవడానికి గల కారణాలను చెబుతూ.. ‘అవును నేను జెర్సీలో నటించాడానికి ఒప్పుకోలేదు. ఎందుకంటే ఇప్పటీ వరకూ  సినీ కేరీర్‌లో నేను ఎంపీక చేసుకునే సినిమాల ద్వారానే నాకు అవకాశాలు వచ్చాయి. అలా అని ‘జెర్సీ’ మంచి సినిమా కాదని కాదు. ఇప్పటి వరకూ నేను నటించినవన్ని కమర్షియల్‌ చిత్రాలే. షాహిద్‌ ‘జెర్సీ’ రియలిస్టిక్ చిత్రం. అందుకే ఈ సినిమాలో నటించడానికి ఒప్పుకోలేదు.  ప్రస్తుతం నేను కమర్షియల్‌ చిత్రాల్లోనే నటించాలనుకుంటున్నాను’ అని చెప్పుకొచ్చారు. (షూటింగ్‌లో గాయపడ్డ హీరో) View this post on Instagram #jersey #prep A post shared by Shahid Kapoor (@shahidkapoor) on Nov 20, 2019 at 9:18pm PST అదే విధంగా ‘’ఒకవేళ నేను ఈ సినిమాకు సైన్‌ చేసి ఉంటే. ‘జెర్సీ’లోని నా పాత్ర ఎలాంటిదైనా దానికి న్యాయం చేసేదానిని కాదేమో. ఒక సినిమాలో నటిస్తున్నామంటే పూర్తిగా అందులో నిమగ్నమైపోవాలి. అంతే కాదు నా వల్ల ఆ సినిమాకు చెడ్డపేరు రావద్దని కూడ అనుకుంటాను. అందుకే ‘జెర్సీ’లో నటించడానికి ఒప్పుకోలేదు’’  అని వివరించారు. కాగా ఈ సినిమాలో షాహిద్‌ అత్యుత్తమ క్రికెటర్‌గా కనిపించడానికి విశేషంగా కృషి చేస్తున్నాడు. ఈ క్రమంలో బ్యాటింగ్‌ నైపుణ్యాలను ప్రదర్శించడానికి టీమిండియా క్రికెటర్‌ రోహిత్‌ శర్మ కోచ్‌ దినేష్‌ లాడ్‌ దగ్గర బ్యాట్‌ పట్టుకుని ప్రాక్టీస్‌ చేస్తున్నాడు. 

ముంబై: చైనాలో ఉద్భవించిన కరోనా వైరస్‌ (కోవిడ్‌-19) ప్రపంచ దేశాలకు విస్తరిస్తోంది. రోజురోజుకీ దీని ప్రభావం మరింతగా ప్రబలుతోంది. ఈ వైరస్‌ బారిన పడకుండా ఉండేందుకు పలు రంగాలకు చెందిన ప్రముఖులు ప్రజలకు సూచనలు చేస్తున్న విషయం తెలిసిందే. అయితే బాలీవుడ్‌ హీరో షాహిద్‌ కపూర్‌ మాత్రం ఇందుకు భిన్నంగా వ్యవహరించారు. కరోనా వైరస్‌ వ్యాప్తిని అరికట్టేందుకు రాష్ట్ర ప్రభుత్వం విధించిన నిబంధనలను ఆయన ఉల్లంఘించారు. మహారాష్ట్ర ప్రభుత్వం ముంబైలోని స్కూళ్లు, కాలేజీలు, మాల్స్‌, జిమ్‌లను మూసి వేయాలని నిబంధనలు జారీ చేసిన విషయం తెలిసిందే. అయితే షాహిద్‌ కపూర్‌ ఆ నిబంధనలకు విరుద్ధంగా బాంద్రాలోని యాంటీ గ్రావిట్ క్లబ్‌లో మూసి ఉన్న జిమ్‌ను తెరిచి మరీ వ్యాయామం చేశారు. ఆ సమయంలో భార్య మీరా కూడా ఆయనతో పాటు ఆ జిమ్‌లో ఉన్నట్లు స్థానిక మీడియా వెల్లడించింది. మూసివేసిన జిమ్‌ను సాయంత్ర సమయంలో తెరిచి ఈ హీరో వ్యాయామం చేసినట్లు పేర్కొంది. కాగా ఈ విషయం మీడియాకు తెలియడంతో జిమ్‌ వెనకవైపు ఉన్న డోర్‌ నుంచి  వారు వెళ్లిపోయినట్లు సమాచారం. ఈ విషయం గురించి జిమ్‌ యజమాని జయసింగ్‌ మాట్లాడుతూ.. షాహిద్‌ కపూర్‌ తనకు మంచి స్నేహితుడని.. జిమ్‌ దగ్గరకి షాహిద్‌ వర్క్‌ చేయానికి రాలేదని అన్నారు. షాహిద్‌ తనతో మాట్లాడటానికే జిమ్‌కు వచ్చాడని జయసింగ్‌ తెలిపాడు.  

క్రికెట్‌ నేపథ్యంలో వచ్చిన ‘జెర్సీ’ సినిమా టాలీవుడ్‌లో ఎంతటి ఘన విజయం సాధించిందో అందరికి తెలిసిందే. బాలీవుడ్‌ స్టార్‌ హీరో షాహిద్‌ కపూర్‌ ప్రధాన పాత్రలో ఈ సినిమాను బాలీవుడ్‌లో రీమేక్‌ చేస్తున్నారు. ఈ చిత్రంలో అత్యుత్తమ క్రికెటర్‌గా కనిపించడానికి షాహిద్‌ విశేషంగా కృషి చేస్తున్నారు. ఈ క్రమంలో అత్యుత్తమ బ్యాటింగ్‌ నైపుణ్యాలను ప్రదర్శించడానికి టీమిండియా క్రికెటర్‌ రోహిత్‌ శర్మ కోచ్‌ దినేష్‌ లాడ్‌ దగ్గర బ్యాట్‌ పట్టుకుని ప్రాక్టీస్‌ చేస్తున్నారు. అతని దగ్గర బ్యాటింగ్‌ నైపుణ్యాలకు సంబంధించిన శిక్షణను తీసుకుంటున్నారు. కేవలం దినేష్‌ లాడ్‌నే కాకుండా రాష్ట్ర స్థాయి రంజీ ట్రోఫీ శిక్షకులు, ఎనిమిది మంది సర్టిఫైడ్‌ శిక్షకులు షాహిద్‌కు శిక్షణ ఇస్తున్నారు. ఇది వరకు కళాశాల, క్లబ్‌ స్థాయిలో షాహిద్‌కు క్రికెట్‌ ఆడిన అనుభవం ఉండటంతో అది ఈ సినిమాకు కలిసొస్తుందని సినీ విశ్లేషకులు అభిప్రాయపడుతున్నారు. సగానికి పైగా షూటింగ్‌ పూర్తి చేసుకున్న ఈ సినిమా ప్రస్తుతం హర్యాణాలో చిత్రీకరణ జరుపుకుంటోంది. హర్యాణాకు చెందిన రాష్ట్ర స్థాయి కోచ్‌లు ఈ సినిమాకు పనిచేస్తున్నారు. షాహిద్‌ కపూర్‌ నటించిన ‘కబీర్‌ సింగ్‌’ బాక్సాఫీస్‌ వద్ద భారీ వసూళ్లు సాధించిన విషయం తెలిసిందే. కాగా తెలుగు ‘జెర్సీ’లో నేచురల్‌ స్టార్‌ నాని నటించగా ఈ చిత్రం విమర్శకుల ప్రశంసలు అందుకున్న విషయం తెలిసిందే. ఇందులో నాని క్రికెటర్‌ పాత్రలో ఆకట్టుకున్నారు. చదవండి: బ్యాట్‌తో గ్రౌండ్‌లోకి దిగిన షాహిద్‌!

రెండు రీమేక్‌ సినిమాల (‘అర్జున్‌ రెడ్డి’ని ‘కబీర్‌ సింగ్‌’గా రీమేక్‌ చేశారు, ‘జెర్సీ’ని అదే టైటిల్‌తో హిందీలో రీమేక్‌ చేస్తున్నారు) తర్వాత ఓ స్ట్రయిట్‌ ప్రాజెక్ట్‌ ఓకే చేశారు బాలీవుడ్‌ నటుడు షాహిద్‌ కపూర్‌. మాల్దీవుల్లో జరిగిన ఓ రెస్క్యూ ఆపరేషన్‌ ఆధారంగా ఈ సినిమా ఉండబోతోందని టాక్‌. ఈ సినిమాలో షాహిద్‌ ఆర్మీ ఆఫీసర్‌ పాత్రలో కనిపించనున్నారు. ఈ సినిమాకు ‘ఆపరేషన్‌ క్యాక్టస్‌’ అనే పేరుని పరిశీలిస్తున్నారట. ఆదిత్య నింబల్కర్‌ దర్శకత్వంలో కరణ్‌ జోహార్‌ నిర్మించనున్నారు. గతంలో కరణ్‌ నిర్మాణంలో ‘షాందార్‌’ అనే సినిమాలో నటించారు షాహిద్‌.

తెలుగు ‘అర్జున్‌రెడ్డి’ హిందీ రీమేక్‌ ‘కబీర్‌ సింగ్‌’తో బాలీవుడ్‌ హీరో షాహిద్‌ కపూర్‌ సూపర్‌ హిట్‌ అందుకున్నాడు. ఇదే జోష్‌లో మరో తెలుగు హిట్‌ సినిమా ‘జెర్సీ’ రీమేక్‌కు ఓకే చెప్పాడు. ఇటీవలే ఈ సినిమా షూటింగ్‌ ప్రారంభమైంది. తెలుగు మాతృకకు దర్శకత్వం వహించిన గౌతమ్‌ తిన్ననూరియే హిందీ చిత్రానికి దర్శకత్వం వహిస్తున్నారు. అల్లు అరవింద్‌, దిల్‌ రాజు, అమన్‌ గిల్‌ నిర్మిస్తోన్న ఈ సినిమా ఆగస్టు 28న విడుదల కానుంది. ఇక సినిమా షూటింగ్‌లో భాగంగా శుక్రవారం ఛంఢీగఢ్‌లోని మొహాలీ స్టేడియంలో షాహిద్‌ కపూర్‌ క్రికెట్‌ సాధన చేస్తున్నాడు. ఈ క్రమంలో షాహిద్‌ పెదవికి బంతి బలంగా తగిలింది. దీంతో అతని కింది పెదవి చిట్లిపోయి రక్తం కారింది. వెంటనే అతన్ని ఆసుపత్రికి తరలించగా వైద్యులు అతనికి కుట్లు వేసి చికిత్సనందించారు. అనంతరం కొద్ది రోజులపాటు విశ్రాంతి తీసుకునేందుకు షాహిద్‌, తన భార్య మీరా రాజ్‌పుత్‌తో కలిసి నేడు ముంబైకి తిరిగి వచ్చారు. తనకు తగిలిన గాయం కనిపించకుండా షాహిద్‌ మొహానికి మాస్క్‌ను ధరించాడు. అతనికి గాయమైందని తెలిసి తల్లడిల్లిపోయిన అభిమానులు షాహిద్‌ వెంటనే కోలుకోవాలని ప్రార్థిస్తున్నారు. కాగా షాహిద్‌ గాయం కారణంగా ‘జెర్సీ’ షూటింగ్‌ తాత్కాలికంగా నిలిపివేయనున్నారని సమాచారం. చదవండి: దక్షిణాదిలో గొప్ప సినిమాలొస్తున్నాయి

బాలీవుడ్‌లో హృతిక్‌ రోషన్, టాలీవుడ్‌లో ప్రభాస్‌కి ఉన్న కామన్‌ విషయం, చూపు తిప్పుకోలేని లుక్స్‌. స్టయిలింగ్, ఫిజిక్‌ పరంగా ఫుల్‌ మార్క్స్‌లో ఉంటారెప్పుడూ. ఇప్పుడే అదే విషయాన్ని ఇంగ్లాండ్‌కి చెందిన ఈస్ట్రన్‌ ఐ మ్యాగజీన్‌ కూడా స్పష్టం చేసింది. ‘సెక్సియస్ట్‌ ఏషియన్‌ మేల్‌’ పేరుతో ప్రతి ఏడాది ఈ పత్రిక ఓ లిస్ట్‌ను విడుదల చేస్తుంది. సోషల్‌ మీడియాలో ట్రెండింగ్, సినిమా రిలీజ్‌లు, ప్రపంచవ్యాప్తంగా పోల్‌ అయిన ఓట్లు అన్నింటి ఆధారంగా ఈ జాబితాను తయారు చేస్తారు. ఈ ఏడాది రిలీజ్‌ చేసిన లిస్ట్‌లో మొదటి స్థానంలో హృతిక్, రెండో స్థానంలో షాహిద్‌ కపూర్, నాలుగు టైగర్‌ ష్రాఫ్, పదో స్థానంలో ప్రభాస్‌ నిలిచారు. బాలీవుడ్‌ స్టార్స్‌తో పోటీగా ప్రభాస్‌ కూడా లిస్ట్‌లో చోటు దక్కించుకోవడం జాతీయ స్థాయిలో తన పాపులారిటీకి ఓ ఉదాహరణ. అలానే ఈ దశాబ్దపు జాబితానూ విడుదల చేసింది ఈస్ట్రన్‌ ఐ మ్యాగజీన్‌. ఇందులోనూ హృతిక్‌ మొదటిస్థానంలో, ప్రభాస్‌ 10వ స్థానంలో నిలిచారు. ఐదో స్థానంలో సల్మాన్‌ ఖాన్, ఆరు షాహిద్‌ కపూర్, ఎనిమిదో స్థానంలో రణ్‌బీర్‌ కపూర్, తొమ్మిదో స్థానంలో రణ్‌వీర్‌ కపూర్‌ చోటు సాధించారు. 

సాధారణంగా అందరికీ లైఫ్‌లో గురువు పాత్రను ఎక్కువగా తండ్రే పోషిస్తారు. బాలీవుడ్‌ నటుడు షాహిదీ కపూర్‌కు వాళ్ల నాన్న పంకజ్‌ కపూరే గురువు. ఇప్పుడు ఆన్‌స్క్రీన్‌ కూడా తనయుడికి గురువు పాత్రలో కనిపించబోతున్నారు. తెలుగు సూపర్‌హిట్‌ సినిమా ‘జెర్సీ’ హిందీ రీమేక్‌లో నటించనున్నారు షాహిద్‌. తెలుగు చిత్రానికి దర్శకత్వం వహించిన గౌతమ్‌ తిన్ననూరి హిందీ రీమేక్‌ను డైరెక్ట్‌ చేయనున్నారు. అల్లు అరవింద్, ‘దిల్‌’ రాజు, అమన్‌ గిల్‌ నిర్మించనున్నారు. ఈ సినిమాలో షాహిద్‌ మెంటర్‌గా (తెలుగులో సత్యరాజ్‌ పోషించిన పాత్ర) ఆయన తండ్రి పంకజ్‌ కపూర్‌ నటించనున్నారని తెలిసింది. ఈ నెలాఖారున షూటింగ్‌ ప్రారంభం కానున్న ఈ చిత్రం వచ్చే ఏడాది ఆగస్ట్‌ 28న రిలీజ్‌ కానుంది. 

‘ఏషియన్‌ సెక్సియెస్ట్‌ మేల్స్‌ 2019’ జాబితాలో బాలీవుడ్‌ స్టార్‌ హీరో హృతిక్‌ రోషన్‌ అగ్రస్థానంలో నిలిచాడు. బ్రిటిష్‌ ఈస్టర్న్‌ సంస్థ ఆన్‌లైన్‌ పోల్‌ ఆధారంగా బుధవారం లండన్‌లో విడుదల చేసిన ఈ జాబితాలో హృతిక్‌ మొదటి స్థానంలో నిలిచి ఆన్‌లైన్‌ గ్రీకువీరుడిగా అవతరించాడు. సోషల్‌ మీడియాలో హాట్‌టాపిక్‌గా నిలిచి నెటిజన్లను ఆకర్షించే సెలబ్రిటీల గురించి చేపట్టిన ఓటింగ్‌ ఆధారంగా బ్రిటీష్‌ విక్లీ ఈస్టర్న్‌ ఐ సంస్థ వార్షిక ‘సెక్సియెస్ట్‌ ఏషియన్‌ మేల్‌’  జాబితాను తయారు చేసింది. దీంతో ఈ ఏడాది సూపర్‌ 30, వార్‌ చిత్రాలతో బాక్సాఫీస్‌ హిట్స్‌తో దూసుకుపోయిన ఈ 45 ఏళ్ల హీరో సోషల్‌ మీడియాలో వైరల్‌గా మారాడు. అదేవిధంగా హృతిక్‌ గత పదేళ్ల నుంచి సోషల్‌ మీడియాలో నెటిజన్లను ఆకర్షిస్తూ.. ఓవరాల్‌ ర్యాంకింగ్‌లో కూడా ఎప్పుడూ  అగ్రస్థానంలో నిలుస్తూ వస్తున్నాడు. ఈ విషయం గురించి హృతిక్‌ మాట్లాడుతూ.. ‘ఈ విషయం తెలిసినప్పటి నుంచి నేను చాలా ఉత్సాహంగా ఉన్నాను. కానీ నేను ఎప్పుడూ దీనిని పోటీగా చూడలేదు. నన్ను ఆకర్షణీయ వ్యక్తిగా గుర్తించి ఆన్‌లైన్‌లో నాకు ఓటువేసిన ప్రతి ఒక్కరికి కృతజ్ఞతలు’ అని చెప్పుకొచ్చాడు. ‘కేవలం ఓ వ్యక్తి రూపంతో మాత్రమే ఈ జాబితా రూపొందలేదు. ప్రజలు ఇచ్చిన తీర్పును మాత్రమే నేను తుది తీర్పుగా భావించడం లేదు’ అని హృతిక్‌ చెప్పాడు. అలాగే ఈస్టర్న్‌ ఐ ఎంటర్‌టైన్‌మెంట్‌ ఎడిటర్‌, ఈ జాబితా రూపకర్త అజ్సాద్‌ నజీర్‌ మాట్లాడుతూ.. ఈ జాబితాను గత పదహారేళ్లుగా తయారు చేస్తున్నామని, అప్పటి నుంచి హీరో హృతిక్‌కు నెటిజన్లు ఎక్కువ ఓట్లు వేస్తున్నారని తెలిపాడు. గ్రీకు దేవుడిని తలపించేలా హృతిక్‌ దేహదారుడ్యం ఉండటం వల్లే  నెటిజన్లు ఎక్కువగా ఆయనకు ఆకర్షితులయ్యారని పేర్కొన్నాడు. అలాగే హృతిక్‌తో పాటు ఈ జాబితాలో షాహిద్‌ కపూర్‌ రెండవ స్థానంలో ఉండగా, టెలివిజన్‌ నటుడు వివియన్‌ మూడో స్థానం, బాలీవుడ్‌ యాక్షన్‌ హీరో టైగర్‌ ష్రాఫ్‌లు నాలుగవ స్థానంలో నిలవగా, బ్రిటిష్‌ పాప్‌ స్టార్‌ జయాన్‌ మాలిక్‌ 5వ స్థానంలో ఉన్నట్లు నజీర్‌ వెల్లడించాడు.

బాలీవుడ్‌ హీరో షాహిద్‌ కపూర్‌కు జోడీ దొరికింది. తెలుగు హిట్‌ ‘జెర్సీ’ హిందీ రీమేక్‌లో షాహిద్‌ కపూర్‌ హీరోగా నటించనున్న సంగతి తెలిసిందే. తెలుగు చిత్రంలో శ్రద్ధా శ్రీనాథ్‌ కథానాయికగా నటించారు. హిందీ ఈ సినిమాలో మృణాల్‌ ఠాకూర్‌ కథానాయికగా నటించనున్నారని బాలీవుడ్‌ సమాచారం. ఈ ఏడాది విడుదలైన హృతిక్‌ రోషన్‌ ‘సూపర్‌ 30’, జాన్‌ అబ్రహాం ‘బాల్తా హౌస్‌’ చిత్రాల్లోని నటనకు గాను మృణాల్‌కు మంచి మార్కులు పడ్డాయి. తెలుగు మాతృకకు దర్శకత్వం వహించిన గౌతమ్‌ తిన్ననూరియే హిందీ చిత్రానికి దర్శకత్వం వహిస్తారు. ఇందులో షాహిద్‌ క్రికెటర్‌ పాత్రలో నటిస్తారన్నది తెలిసిన విషయమే. షాహిద్‌ ఆల్రెడీ క్రికెట్‌ ప్రాక్టీస్‌ కూడా స్టార్ట్‌ చేశారు. అల్లు అరవింద్, ‘దిల్‌’ రాజు  అమన్‌ గిల్‌ నిర్మించనున్న ఈ సినిమా వచ్చే ఏడాది ఆగస్టు 28న విడుదల కానుంది.

క్రికెటర్‌గా సాధన మొదలుపెట్టారు బాలీవుడ్‌ హీరో షాహిద్‌ కపూర్‌. ఇండియన్‌ క్రికెట్‌ జుట్టులో స్థానం సంపాదించడమే లక్ష్యంగా పెట్టుకున్నారు. తెలుగులో సూపర్‌హిట్‌ సాధించిన ‘జెర్సీ’ చిత్రం హిందీ రీమేక్‌లో షాహిద్‌ కపూర్‌ హీరోగా నటించనున్నారు. ఇందులో 36 ఏళ్ల క్రికెటర్‌ పాత్రలో నటించబోతున్నారాయన. ఈ సినిమా కోసమే క్రికెట్‌ ప్రాక్టీస్‌ మొదలు పెట్టారు. తెలుగు చిత్రానికి దర్శకత్వం వహించిన గౌతమ్‌ తిన్ననూరియే హిందీ రీమేక్‌కు దర్శకత్వ బాధ్యతలు చేపట్టారు. ఈ సినిమా వచ్చే ఏడాది ఆగస్టు 28న విడుదల కానుంది. మరోవైపు తెలుగు ‘అర్జున్‌ రెడ్డి’ హిందీ రీమేక్‌ ‘కబీర్‌ సింగ్‌’తో సూపర్‌ హిట్‌ అందుకున్న షాహిద్‌ వెంటనే మరో తెలుగు చిత్రం ‘జెర్సీ’ హిందీ రీమేక్‌కి గ్రీన్‌ సిగ్నల్‌ ఇవ్వడం విశేషం.

టాలీవుడ్‌ బాక్సాఫీస్‌ వద్ద కలెక‌్షన్ల వర్షం కురిపించిన ‘అర్జున్‌ రెడ్డి’ హిందీ రీమేక్‌ ‘కబీర్‌ సింగ్‌’తో బీ- టౌన్‌ను షేక్‌ చేశాడు బాలీవుడ్‌ హీరో షాహిద్‌ కపూర్‌. ఇక ఈ సక్సెస్‌తో జోరుమీద ఉన్న షాహిద్‌ మరో తెలుగు రీమేక్‌కు సిద్దమైపోయిన సంగతి తెలిసిందే. నేచురల్‌ స్టార్‌ నాని నటించిన ‘జెర్సీ’ హిందీ రీమేక్‌లో షాహిద్‌ నటిస్తున్నాడు.  ఇందుకోసం ఇప్పుడే బ్యాట్స్‌మెన్‌ అవతారం ఎత్తి ప్రాక్టీస్‌ కూడా మొదలు పెట్టేశాడు. కాగా ఈ ఎమోషనల్‌ స్పోర్ట్స్ డ్రామా రీమేక్‌తో షాహిద్‌ తొలిసారి తెరపై క్రికెటర్‌గా కనిపించనున్నాడు. ఇందుకోసం క్రికెట్‌ బ్యాట్‌తో గ్రౌండ్‌లోకి దిగిపోయాడు. షాహిద్‌ తాజా లుక్‌ అభిమానులను ఆకట్టుకుంటోంది. ‘ఇక తర్వాత 300 కోట్లకు పరుగులు’ అంటూ ఇప్పటి నుంచే సినిమా కలెక్షన్ల గురించి అంచనాలు పెంచేస్తున్నారు. కాగా మరికొందరు ‘తెలుగు సినిమాలు హిందీ హిట్లకు మార్గం సుగమం చేస్తున్నాయని, రీమేక్‌ల సక్సెస్‌కు కేరాఫ్‌ అయిన కండల వీరుడు సల్మాఖాన్‌ స్థానాన్ని షాహిద్‌ భర్తి చేసేలా ఉన్నాడు’ అంటూ కామెంట్లు పెడుతున్నారు.  ఇక జెర్సీ రీమేక్‌ గురించి షాహిద్‌ మాట్లాడుతూ.. ‘కబీర్‌ సింగ్‌’ హిట్‌ తర్వాత నాకు కాస్త సమయం దొరికిందని, ఆ సమయంలో తాను జెర్సీ సినిమా చుశానని అది తనకు బాగా నచ్చిందని షాహిద్‌ అన్నాడు. కాగా ఒరిజనల్‌ వర్షన్‌ను రుపొందించిన గౌతమ్‌ తిన్ననూరి హిందీ ‘జెర్సీ’కి దర్శకత్వం వహిస్తున్నాడు. టాలీవుడ్‌ నిర్మాతలైన అల్లు అరవింద్‌, దిల్‌ రాజులు సంయుక్తంగా అమన్‌ గిల్‌తో కలిసి హిందీలో రీమేక్‌ చేయనున్నారు. Shahid Kapoor begins prep for the role of a cricketer in the #Hindi remake of #Telugu film #Jersey... The #Hindi version will be directed by Gowtam Tinnanuri, who also helmed the original #Telugu version, starring Nani... 28 Aug 2020 release. pic.twitter.com/9TUcNTOWvf — taran adarsh (@taran_adarsh) November 1, 2019

చదువు, ఆటల్లో తప్ప ఒక మనిషికి ఉండే సున్నితత్వం, మర్యాద, మన్నన వగైరా ఏదీ లేని వ్యక్తిని హీరోగా, హృదయ బద్ధలైన ప్రేమికుడిగా చూపించి హిట్టయి.. అంతే సంచలనం రేపిన తెలుగు, హిందీ సినిమాలు.. అర్జున్‌రెడ్డి, కబీర్‌ సింగ్‌! ‘తోచినట్టు’ ఉండడం.. ‘నచ్చింది’ చేయడం.. హీరోయిజంగా తెరమీద చూపిస్తే ఎంత ప్రమాదమో.. ఎంత అనర్థమో చెప్పడానికి  ఇటీవల ‘టిక్‌టాక్‌’ స్టార్‌ అశ్వని కుమార్‌ అలియాస్‌ ‘జానీ దాదా’ చేసిన హత్యే ఉదాహరణ. తాను ప్రేమించిన అమ్మాయి వేరొకరిని పెళ్లి చేసుకోబోతోందనే విషయం తెలిసి ఆగ్రహావేశాలతో ఆ అమ్మాయిని చంపి.. తర్వాత తానూ ఆత్మహత్య చేసుకున్నాడు జానీ. సదరు టిక్‌టాక్‌ ‘జానీ దాదా’ కబీర్‌ సింగ్‌ సినిమా చూసి తీవ్ర ప్రభావం చెందినట్టు పోలీసులు చెప్పడాన్ని బట్టి తెలుస్తోంది. పాపం.. ఈ లేటెస్ట్‌ న్యూస్‌ తెలీకో ఏమో మరి జాన్వీ కపూర్‌ ‘‘మగవాళ్లు ఎలా ఉన్నా హీరోలా చూపిస్తారు.. మరి ఆడవాళ్ల నెత్తినెందుకు మర్యాద, సంప్రదాయం, ఆచారం అంటూ తట్టెడు బరువును నెడతారు? లేడీస్‌ను కూడా లేడీ అర్జున్‌రెడ్డి, లేడీ కబీర్‌ సింగ్‌లా ఎందుకు చిత్రీకరించరు?’’ అంటూ ప్రశ్నించింది.. ‘జియో మామి ముంబై ఫిల్మ్‌ ఫెస్టివల్‌ ’ వేదిక మీద. ‘‘బాందిని సినిమాలో నూతన్‌ పోషించిన పాత్రే అన్నిటి కన్నా బెస్ట్‌ ఫిమేల్‌ రోల్‌’ అని కూడా అంది ఈ యువనటి.

‘కబీర్ సింగ్’ సినిమాపై ఇప్పటికీ ఎన్నో విమర్శలు తలెత్తాయి. తెలుగు సినిమా ‘అర్జున్ రెడ్డి’కి రీమేక్‌గా వచ్చిన ఈ సినిమాలో లో మహిళలను తక్కువ చేసి చూపించారని, హీరో పాత్రను ఎలాంటి గమ్యం లేకుండా కేవలం ఓ తాగుబోతుగా, తన మీద కంట్రోల్‌ లేని వ్యక్తిగా చూపించారని చాలా మంది విమర్శించారు. ఈ సినిమా గురించి అడిగే ప్రశ్నలకు సమాధానాలు చెప్పలేక అటు బాలీవుడ్ హీరో షాహిద్ కపూర్, ఇటు దర్శకుడు సందీప్ రెడ్డి వంగా తలపట్టుకుంటున్నారు. అయితే విమర్శలను కాదని కలెక్షన్లలో ఈ సినిమా దూసుకుపోయిది. సినిమా విడుదలై దాదాపు 4 నెలలు దాటినా.. కబీర్‌ సింగ్‌ టీమ్‌కు విమర్శలు తప్పడం లేదు. తాజాగా  ఈ చిత్ర యూనిట్‌కు మరో సమస్య వచ్చి పడింది.  ‘కబీర్ సింగ్’ చిత్రం ప్రభావంతో ఓ యువకుడు తాను ప్రేమించిన యువతికి పెళ్లికుదిరిన సంగతి తెలిసి ఘాతుకానికి పాల్పడ్డాడు. ఆమెను చంపి... పోలీసులు పట్టుకుంటారన్న భయంతో తానూ ఆత్మహత్యకు పాల్పడ్డాడు. ఉత్తరప్రదేశ్‌కు చెందిన అశ్వని కుమార్ అలియాస్ జానీ దాదా అలియాస్‌ టిక్‌టాక్‌ విలన్‌ ఈ దారుణానికి పాల్పడ్డట్టుగా పోలీసులు తెలిపారు.   ‘కబీర్ సింగ్’సినిమా చూసిన అశ్వనికుమార్ ఆ చిత్రంలోని షాహిద్‌ కపూర్‌ పాత్రలో ఫిదా అయిపోయాడు. ఆ పాత్రలో తనను తాను ఊహించుకోని.. హీరో లాగే చెడు అలవాట్లకు బానిసయ్యాడు. డ్రగ్స్‌ తీసుకొని  ఆ ఫోటోలను టిక్‌టాక్‌లో పోస్ట్‌ చేసేవాడు.  తానే విలన్‌నంటూ చేతిలో తుపాకితో వీడియోలు చేస్తూ ‘టిక్‌టాక్ విలన్’గా హల్‌చల్ చేసేవాడు. మరోవైపు ఆశ్వని  బిజ్‌నోర్‌కు చెందిన నికిత శర్మ(27) అనే యువతిని ప్రేమిం‍చాడు. ఆమె అతడి ప్రేమను అంగీకరించలేదు. అయినప్పటీకి ఆమెను అతను విడిచిపెట్టలేదు. ఆ సమయంలోనే నికిత చదువు పూర్తి చేసుకుని దుబాయ్‌కు వెళ్లి అక్కడ ఫ్లైట్ అటెండెంట్‌గా ఉద్యోగం చేస్తోంది. ఇటీవల ఆమెకు పెళ్లి కుదిరింది. డిసెంబర్‌లో ఆమెకు పెళ్లి జరగాల్సి ఉంది. ఈ విషయం తెలుసుకున్న జానీ ఆమెపై పగ పెంచుకున్నాడు. తనకు దక్కని అమ్మాయి మరే అబ్బాయి సొంతం కాకూడదని భావించి ఆమెను చంపేందుకు కుట్రపన్నాడు.  డ్రగ్స్‌కు అలవాటు పడి ఉన్మాదిగా మారిన అతను ఆమె ఇంటికి వెళ్లి తుపాకితో కాల్చి చంపాడు.  అనంతరం అక్కడి నుంచి పారిపోయాడు.  వారం రోజుల తర్వాత ఢిల్లీలో ఉన్నట్లు తెలుసుకున్న పోలీసులు ఓ బస్సులో ప్రయాణిస్తున్న అశ్వనిని పట్టుకునేందుకు ప్రయత్నించారు. ఈ క్రమంలోనే బస్సులో ఉన్న అతను కాల్చుకుని ఆత్మహత్య చేసుకున్నాడు.  ఈ కేసును విచారించిన పోలీసులు షాకింగ్ విషయాలు బయటపెట్టారు. జానీపై గతంలో మూడు హత్య కేసులు నమోదై ఉన్నాయట. అంతేకాదు అతని టిక్ టాక్ వీడియోల్లో అన్నీ కబీర్ సింగ్‌కి సంబంధించిన వీడియోలే ఉన్నాయి.  కాగా, నికిత శర్మ హత్య ఘటనపై ‘కబీర్ సింగ్’  దర్శకుడు సందీప్ రెడ్డి వంగా స్పందించాడు. ఈ ఘటన దురదృష్టకరమని.. ఆ యువతి కుటుంబానికి క్షమాపణలు చెప్పాడు. ఎవరినీ చంపమని తన సినిమా చెప్పలేదని, ‘కబీర్ సింగ్’ గానీ, ‘అర్జున్ రెడ్డి’ గానీ హత్యలను ప్రోత్సహించేలా తెరకెక్కించలేదని సందీప్ రెడ్డి చెప్పాడు.

సౌత్‌లో సక్సెస్‌ఫుల్‌ సినిమాలు బాలీవుడ్‌ రీమేక్‌కి దారి ఇస్తున్నాయి. ఆ దారిలో బాలీవుడ్‌కు వెళ్తున్న చిత్రం ‘జెర్సీ’. నాని హీరోగా గౌతమ్‌ తిన్ననూరి తెరకెక్కించిన ఈ సినిమాను ఇటు విమర్శకులు అటు ప్రేక్షకులు సూపర్‌ అన్నారు. ఇప్పుడు ‘జెర్సీ’ హిందీ రీమేక్‌లో నాని పాత్రను షాహిద్‌ కపూర్‌ చేస్తున్నారు. తెలుగు వెర్షన్‌ను తెరకెక్కించిన గౌతమ్‌ తిన్ననూరి హిందీ రీమేక్‌ని కూడా డైరెక్ట్‌ చేస్తున్నారు. అల్లు అరవింద్, ‘దిల్‌’ రాజు, అమన్‌ గిల్‌ నిర్మిస్తున్నారు. వచ్చే ఏడాది ఆగస్ట్‌ 28న ఈ సినిమాను రిలీజ్‌ చేయడానికి ప్లాన్‌ చేశారు. షాహిద్‌ గత చిత్రం ‘కబీర్‌ సింగ్‌’ తెలుగు ‘అర్జున్‌ రెడ్డి’కి రీమేక్‌ అని తెలిసిందే. తన కెరీర్‌ బెస్ట్‌ హిట్‌గా ‘కబీర్‌ సింగ్‌’ సినిమా నిలిచింది. ఇప్పుడు ‘జెర్సీ’ రీమేక్‌ తన హిట్‌ ట్రాక్‌ని కొనసాగిస్తుందనే అంచనాలు ఉన్నాయి.

టాలీవుడ్‌ సెన్సేషన్‌ ‘అర్జున్‌రెడ్డి’ రీమేక్‌తో సూపర్‌ హిట్‌ కొట్టిన బాలీవుడ్‌ హీరో షాహిద్‌ కపూర్‌ మరో సౌత్‌ రీమేక్‌కు సిద్ధమయ్యాడు. నాచురల్‌ స్టార్‌ నాని హీరోగా తెరకెక్కిన జెర్సీ మూవీ హిందీ వర్షన్‌లో నటించేందుకు గ్రీన్‌ సిగ్నల్‌ ఇచ్చాడు. గౌతమ్‌ తిన్ననూరి దర్శకత్వంలో తెరకెక్కిన ఈ ఎమోషనల్‌ స్పోర్ట్స్ డ్రామా విమర్శకుల ప్రశంసలు దక్కించుకున్న విషయం తెలిసిందే. ఈ నేపథ్యంలో తొలుత ఈ ప్రాజెక్టును బీ-టౌన్ బడా ప్రొడ్యూసర్‌ కరణ్‌ జోహర్‌ రీమేక్‌ చేస్తాడని అంతా భావించారు.  అయితే అమన్‌ గిల్‌తో కలిసి టాలీవుడ్‌ నిర్మాతలు అల్లు అరవింద్‌, దిల్‌ రాజు సంయుక్తంగా హిందీ రీమేక్‌ను నిర్మించనున్నట్లు తాజా సమాచారం. అంతేకాదు జెర్సీ ఒరిజినల్‌ వర్షన్‌ను రూపొందించిన గౌతం దర్శకత్వంలోనే హిందీ సినిమా కూడా తెరకెక్కనుంది. వచ్చే ఏడాది ఆగస్టులో హిందీ జెర్సీని విడుదల చేసేందుకు మూవీ యూనిట్‌ ప్లాన్‌ చేస్తున్నట్లు తెలుస్తోంది. కాగా ‘కబీర్‌సింగ్‌’తో బాక్సాఫీస్‌ను షేక్‌ చేసిన షాహిద్‌ కపూర్‌ ఈ సినిమా కోసం దాదాపు రూ. 40 కోట్ల మేర రెమ్యూనరేషన్‌ డిమాండ్‌ చేస్తున్నట్లు బీ-టౌన్‌లో వార్తలు వినిపిస్తున్నాయి. ఇక తెలుగులో శ్రద్ధా శ్రీనాథ్‌ చేసిన పాత్రను రష్మిక మండన్న పోషించనున్నారన్న వార్తలు వెలువడినా.. ఆ విషయంపై ఇంకా క్లారిటీ రాలేదు.

సెన్సేషనల్‌ స్టార్ విజయ్‌ దేవరకొండ హీరోగా భరత్ కమ్మ దర్శకత్వంలో తెరకెక్కిన రొమాంటిక్‌ డ్రామా డియర్‌ కామ్రేడ్‌. భారీ అంచనాల మధ్య ప్రేక్షకుల ముందుకు వచ్చిన ఈ సినిమా ఆశించిన స్థాయిలో విజయం సాధించలేకపోయింది. స్లో నేరేషన్‌ సినిమాకు మైనస్‌ అయ్యింది. అయితే ఈ సినిమా విడుదలకు ముందే బాలీవుడ్ రీమేక్‌ హక్కులను తీసుకున్నట్టుగా కరణ్‌ జోహర్‌ ప్రకటించారు. ఈ రీమేక్‌లో షాహిద్‌ కపూర్‌ నటిస్తారన్న ప్రచారం జరిగింది. అయితే తాజాగా షాహిద్‌ డియర్‌ కామ్రేడ్‌లో నటించబోనని తేల్చి చెప్పేశారట. ఇప్పటికే అర్జున్‌ రెడ్డి రీమేక్‌లో నటించిన షాహిద్‌, డియర్‌ కామ్రేడ్‌ రీమేక్‌లోనూ నటిస్తే రొటీన్‌ అవుతుందన్న ఉద్దేశంతో ప్రాజెక్ట్‌కు నో చెప్పినట్టుగా తెలుస్తోంది.

బాలీవుడ్‌ సినిమా ‘కబీర్‌ సింగ్‌’ ఊహలకు అందని విధంగా భారీ వసూళ్లతో దూసుకుపోతుంది. ఈ సినిమా ఇప్పటికే ఇండియాలో 270 కోట్ల రూపాయలకు పైగా వసూలు చేయగా,  ఆస్ట్రేలియాలో కూడా భారీ కలెక్షన్‌లను తెచ్చిపెడుతోంది. బాలీవుడ్‌ సినిమా ఆస్ట్రేలియాలో ఈ తరహాలో కలెక్షన‍్లు సాధించడం ఇదే మొదటిసారి. కాగా ఇప్పటి వరకు  షాహిద్‌ సినిమాలన్నింటిలో ఏ సినిమా కూడా 200 కోట్లు మించి వసూలు చేయలేదు. తన కెరీర్‌ ప్రారంభించి ఇప్పటికీ 16 సంవత్సరాలు పూర్తి అయినా అన్ని కోట్లు వసూలు చేయడం షాహిద్‌కు ఇదే  మొదటిసారి. ఈ ఏడాది విడుదలైన  సినిమాలలో అత్యధిక వసూళ్లను సాధించిన ‘సర్జికల్‌ స్ట్రైక్‌’ సినిమాను వెనక్కి నెట్టి కబీర్‌ సింగ్‌ మొదటి స్థానంలో నిలిచింది.  తాజాగా షాహిద్‌.. ఓ వెబ్‌సైట్‌కు ఇచ్చిన ఇంటర్వ్యూలో సినిమా సక్సెస్‌ గురించి మాట్లాడారు. తన కెరీర్లో అన్ని సినిమాలకంటే ఈ సినిమా విషయంలో ఎక్కువ ఆనందంగా ఉన్నట్లు తెలిపారు. తన కెరీర్‌ ప్రారంభంలో ‘మీరు డ్యాన్సర్‌గానే,  చాకెలెట్‌ బాయ్‌గానే  సినిమాలు చేయాలి’ అని ప్రజలు అడిగేవారని అయితే ఆ మాటటు కాస్తా నిరాశ పరిచేవని తెలిపారు.  తనను తాను అన్ని పాత్రలలో నిరూపించుకోవాలని ఉండేదని, ఈ సినిమాతో ఆ ఆశ తీరిందన్నారు. ఈ సినిమాలో తన కష్టాన్ని ప్రజలు అర్ధం చేసుకొని అభిమానించారన్నారు. కబీర్‌ సింగ్‌ ఇంత విజయాన్ని అందించింనందుకు సంతోషంగా ఉందని, కలలో కూడా ఇంత విజయాన్ని సాధిస్తుందని అనుకోలేదన్నారు. ఈ సినిమా విషయంలో తలెత్తిన వివాదాలపై కూడా స్పందించారు. సినిమాలో అతిగా పురుషాధిక్యతను చూపించారని విమర్శకులు ఎత్తి చూపారని అన్నారు. అయితే నిజ జీవితంలో మనం ఎలా ఉన్నమనేదే ముఖ్యమని, మన పిల్లలతో, కుటుంబంతో మంచిగా ఉంటున్నామా.. లేదా... అనేది మనకు ముఖ్యమన్నారు. హీరోలు రోల్ మోడల్‌గా ఉండాల్సిన అవసరం లేదన్న షాహిద్‌, తన పాత్రకు ఎంత వరకు న్యాయం చేశామన్నదే ముఖ్యమని తెలిపారు. కబీర్‌ సింగ్ విషయంలో తన పాత్రకు తాను పూర్తి న్యాయం చేశాననే భావిస్తున్నానన్నారు.

దీపం ఉండగానే ఇళ్లు చక్కబెట్టుకోవాలని సామెత. మిగతా చోట్ల ఏమో గానీ ఇండస్ట్రీలో మాత్రం ఈ సామెతను చక్కగా పాటిస్తారు. చేతిలో ఓ హిట్టు పడగానే పారితోషికం భారీగా పెంచేస్తారు నటీనటులు. తాజాగా ఈ సామెతను నిజం చేసే పనిలో పడ్డారట బాలీవుడ్‌ హీరో షాహిద్ కపూర్. తెలుగులో భారీ విజయం సాధించిన అర్జున్‌ రెడ్డిని హిందీలో కబీర్‌ సింగ్‌గా రీమేక్‌ చేసిన సంగతి తెలిసిందే. ప్రస్తుతం ఈ చిత్రం వసూళ్ల సునామీ సృష్టిస్తోంది. షాహిద్ కపూర్ కెరీర్‌లోనే అత్యధిక వసూళ్లు సాధించిన చిత్రంగా కబీర్‌ సింగ్‌ నిలిచింది. ఈ సినిమా విజయంతో షాహిద్ కపూర్ తన పారితోషికాన్ని భారీగా పెంచారనే వార్తలు వినిపిస్తున్నాయి. తరువాతి చిత్రం కోసం షాహిద్‌ ఏకంగా రూ. 35 కోట్లు డిమాండ్‌ చేస్తున్నట్లు​వార్తలు వినిపిస్తున్నాయి. ఒకవేళ ఈ వార్తలే నిజమైతే బాలీవుడ్‌లో అత్యధిక పారితోషికం తీసుకునే హీరోల సరసన షాహిద్‌ కూడా చేరతారు. కబీర్‌ సింగ్‌ విడుదలైన నాటి నుంచి ఇప్పటి వరకూ రూ. 240 కోట్లు వసూలు చేసింది.

ముంబై: కాంట్రవర్సీలకు కేరాఫ్‌గా నిలిచిన కబీర్‌ సింగ్‌ క్రేజ్‌ ఏమాత్రం తగ్గలేదు. సినిమా విడుదలై మూడువారాలు గడిచినప్పటికీ, కలెక్షన్ల వర్షం కురుస్తూనే ఉంది. షాహిద్‌ కపూర్‌ కెరీర్‌లోనే అతి భారీ విజయాన్నిఅందించిన ఈ చిత్రం మరో రికార్డును తన ఖాతాలో వేసుకుంది. బాలీవుడ్‌లో అత్యధిక వసూళ్లు సాధించిన టాప్‌ 10 చిత్రాల్లో కబీర్‌సింగ్‌ చోటు దక్కించుకుంది. యురి-ద సర్జికల్‌ స్ట్రైక్‌ను 11వ స్థానానికి నెట్టి పదవ స్థానాన్ని కబీర్‌ సింగ్‌ కైవసం చేసుకుంది. బాహుబలి 2, దంగల్‌, సంజు చిత్రాలు ముందు వరుసలో ఉన్నాయి. మిశ్రమ టాక్‌తో ప్రారంభమైన కబీర్‌ సింగ్‌ ఎన్నో మైలురాళ్లను తన ఖాతాలో వేసుకుంటూ పోతోంది. కలెక్షన్లతో విమర్శకుల నోళ్లు మూయించిన కబీర్‌ సింగ్‌ 2019లో అత్యధిక వసూళ్లను సాధించిన చిత్రంగా రికార్డు సృష్టించింది. ఈ యేడాది భారీ వసూళ్లను రాబట్టిన సల్మాన్‌ ఖాన్‌ ‘భారత్‌’, విక్కీ కౌశల్‌ ‘యురి-ద సర్జికల్‌ స్ట్రైక్‌’ను వెనక్కు నెట్టి రూ.243 కోట్లతో దూసుకుపోతూ కబీర్‌ సింగ్‌ సంచలనాలు సృష్టిస్తోంది. బుధవారం ప్రతిష్టాత్మక భారత్‌ వర్సెస్‌ న్యూజిలాండ్‌ మ్యాచ్‌ ఉన్నప్పటికీ కబీర్‌సింగ్‌ కలెక్షన్లపై ప్రభావం పడదని సినీ విశ్లేషకుడు తరణ్‌ ఆదర్శ్‌ తెలిపారు. జూన్‌ 21న విడుదలైన కబీర్‌ సింగ్‌ హింసాత్మకంగా, అభ్యంతరకరంగా ఉందంటూ విమర్శల దుమారం రేగినప్పటికీ రికార్డులను కొల్లగొడుతూ దూసుకుపోతోంది.

నార్త్‌లో ‘కబీర్‌ సింగ్‌’ కలెక్షన్ల వర్షం కురుస్తోంది. షాహిద్‌ కపూర్‌కి సోలో హీరోగా ఇది తొలి వంద కోట్ల చిత్రం అవ్వడమే కాకుండా రెండొందల కోట్ల సినిమా కూడా కాబోతోందని టాక్‌. తన సూపర్‌ హిట్‌ ‘అర్జున్‌ రెడ్డి’ సినిమాను షాహిద్‌తో ‘కబీర్‌ సింగ్‌’గా హిందీలో రీమేక్‌ చేశారు సందీప్‌ వంగా. ఈ సినిమా బ్లాక్‌బస్టర్‌ దిశగా నడుస్తోంది. హిందీకి సౌత్‌ సినిమా స్టామినా ఏంటో మరోసారి నిరూపిస్తోంది. ఇప్పుడు బాలీవుడ్‌లో బడా చాన్స్‌ కొట్టేశారట సందీప్‌ వంగా. సల్మాన్‌ హీరోగా టీ సిరీస్‌ సంస్థ నిర్మించబోయే సినిమాకు దర్శకుడిగా సందీప్‌ పేరుని పరిశీలిస్తున్నారట. ‘కబీర్‌ సింగ్‌’కు టీ–సిరీస్‌ సంస్థ కూడా నిర్మాణ భాగస్వామి అనే సంగతి తెలిసిందే. మరి.. సల్మాన్‌తో సందీప్‌ సినిమా ఉంటుందా? అంటే వేచి చూడాల్సిందే. ఈ సినిమా సంగతి అలా ఉంచితే సందీప్‌ ప్రస్తుతం నెట్‌ఫ్లిక్స్‌కు ‘లస్ట్‌ స్టోరీస్‌’ తెలుగు వెర్షన్‌ను డైరెక్ట్‌ చేయనున్నారు. 

‘అర్జున్‌రెడ్డి’ హిందీ రీమేక్‌ ‘కబీర్‌ సింగ్‌’పై చాలా విమర్శలు వస్తున్నాయి. ‘తెలుగు వెర్షనే ఘాటు అనుకుంటే, అంతకుమించిన మొరటుతనంతో హిందీ వెర్షన్‌ ఉంది. హీరోహీరోయిన్‌ల సీన్‌లు, హీరో బిహేవియర్‌ విపరీతంగా ఉన్నాయి’’ అని అందరి నోటా ఒకటే రివ్యూ! కరెన్సీ నోట్‌ల రివ్యూలు మాత్రం వేరేగా ఉన్నాయి. రిలీజ్‌ అవగానే ఇరవై కోట్లు.. ముప్పై కోట్లు.. ఇలా వేగంగా వందకోట్లకు వసూళ్లు దాటాయి. డబ్బొస్తే హిట్‌ కొట్టినట్లే కానీ, విలువల్ని కాలరాసే సినిమా నైతికంగా బోల్తాపడినట్లే కదా అనే వాదనకు ఎక్కడా పట్టు దొరకడం లేదు. ‘చూపును బట్టి విలువ ఉంటుంది. విలువల్ని క్యాచ్‌ చెయ్యగలిగితే ఎంత చెత్త సినిమాలోనైనా, ఎంత బండ సన్నివేశంలోనైనా ఒక చక్కటి విలువ కనిపిస్తుంది’.. అని తెలుగు, హిందీ వెర్షన్‌లకు దర్శకుడు ఒకరే అయిన సందీప్‌రెడ్డిని అభిమానించేవారు మాటకు మాట అంటున్నారు. ‘కబీర్‌ సింగ్‌’పై ప్రధానంగా ఉన్న విమర్శ ‘మిసాజినిస్ట్‌’గా ఉందని. అంటే స్త్రీని తక్కువ చేసి తీసిపడేసినట్లుగా! ఈ సినిమాను చూస్తే.. స్త్రీకి సొంత ఆలోచన ఉండదని, మగవాడు ఎంత చెబితే అంత అని; స్త్రీకి వ్యక్తిత్వం ఉండదనీ, మగవాడు ఏం చేసినా తలూపుతుందని; స్త్రీకి స్వాభిమానం ఉండదని, మగవాడు ఛీకొట్టినా అతడి కాళ్ల దగ్గరే పడి ఉంటుందనీ.. స్త్రీలోని ఈ ‘లేకపోవడాన్ని’ దర్శకుడు.. స్త్రీలో ప్రేమ ‘ఉండడం’గా చూపించడం కూడా ఒక మిసాజినిస్టిక్‌ పోకడేనని స్త్రీలు, కొందరు పురుషులు విమర్శిస్తున్నారు. షాహిద్‌ కపూర్‌ని కూడా.. ‘అతడు ఇలాంటి క్యారెక్టర్‌ చేయడం ఏంటి?’ అని అభిశంసిస్తున్నారు. ‘‘ఆ పాత్రను ఒప్పుకునే ముందు తన తల్లితో కూడా అతడు ఒక మాట చెప్పి ఉండవలసింది. ఆమెకు కనుక చెప్పి ఉంటే ఆ పాత్రన వెయ్యొద్దనే ఆమె తన కొడుక్కి చెప్పి ఉండేవారు’’ అని కొందరు అంటున్నారు. అయితే కబీర్‌ సింగ్‌ తల్లి నీలిమా అజీమ్‌ తన కొడుకేనే సమర్థిస్తున్నారు. ‘వాడు నాకు చెప్పినా చెప్పక పోయినా.. ఒక పాత్రను పోషించడానికి.. అది ఎలాంటిదైనా.. నేను అభ్యంతరం ఎలా చెప్పగలను? కళాకారుడు పాత్రకు న్యాయం చేయాలని చూస్తాడే గానీ, ఆ పాత్రను సమాజం ఎలా చూస్తుందని ఆలోచించడు కదా’ అని అన్నారు. అంతేకాదు, ‘‘హాలీవుడ్‌లో ఇలాంటి పాత్రలు వేసిన వాళ్లు ఆస్కార్‌ గెలుచుకున్న సందర్భాలు ఎన్ని లేవు?! ఇక సమాజంపై పాత్ర ప్రభావం అంటారా.. రేపొక సైకోపతిక్‌ సీరియల్‌ కిల్లర్‌ సినిమా వస్తుంది. ఆ సినిమా చూసినవారంతా కిల్లర్‌లు అయిపోతారా?’’ అని నీలిమా అజీమ్‌ కూడా ఘాటుగా ప్రశ్నిస్తున్నారు. 

ముంబై: షాహిద్ కపూర్, కియారా అద్వానీ జంటగా నటించిన కబీర్ సింగ్ సినిమా బాక్సాఫీస్ వద్ద దూసుకుపోతోంది. వీక్‌ డేస్‌లోనూ అద్భుతంగా వసూళ్లు రాబడుతూ.. సినీ పరిశీలకులను సైతం ఆశ్చర్యపరుస్తోంది. కేవలం ఐదు రోజుల్లోనే రూ. 100 కోట్ల క్లబ్‌లో చేరిన ఈ సినిమా ఆరోరోజు బుధవారం రూ. 15.91 కోట్ల కలెక్షన్‌ రాబట్టింది. దీంతో ఆరో రోజుల్లో ఈ సినిమా మొత్తం కలెక్షన్లు రూ. 120.80 కోట్లకు చేరుకుంది.  దేశమంతటా 3123 స్క్రీన్లలో విడుదలైన ఈ చిత్రం సింగిల్ స్క్రీన్లతోపాటు మల్టీప్లెక్స్‌ల్లోనూ  దూసుకుపోతుంది. అర్జున్ రెడ్డి సినిమాకు హిందీ రీమేక్‌గా వచ్చిన కబీర్ సింగ్‌కు ఇప్పటికీ బాక్సాఫీస్‌ వద్ద క్రేజ్‌ తగ్గడంలేదు. కలెక్షన్ల జోరును చూస్తుంటే.. అలవోకగా ఈ సినిమా రెండువందల కోట్ల మార్క్‌ను దాటే అవకాశం కనిపిస్తోంది.  ఈ ఏడాది బడాబడా బాలీవుడ్‌ స్టార్ల సినిమాలు కూడా వీక్‌ డేస్‌లో పెద్దగా వసూళ్లు రాబట్టలేదు. వందకోట్ల క్లబ్‌లో చేరడానికి బడా స్టార్లు కూడా బాక్సాఫీస్‌ వద్ద ఎక్కువ రోజులు తీసుకున్నారు. ఈ ఏడాది వచ్చిన సల్మాన్‌ భారత్‌ సినిమా నాలుగు రోజుల్లో వందకోట్ల క్లబ్‌లో చేరగా.. ఐదు రోజుల్లో ఈ మార్క్‌ను అందుకొని.. రెండో సినిమాగా కబీర్‌సింగ్‌ నిలిచింది. ఆ తర్వాత 7 రోజులకు అక్షయ్‌కుమార్‌ కేసరి, 8 రోజులకు రణ్‌బీర్‌ కపూర్‌ గల్లీబాయ్‌, 9 రోజులకు అజయ్‌ దేవ్‌గన్‌ టోటల్‌ ధమాల్‌ సినిమాలు వందకోట్ల క్లబ్బులో చేరాయి.   

షాహిద్ కపూర్, కియారా అద్వానీ నటించిన కబీర్ సింగ్ బాక్సాఫీస్ వద్ద ప్రభంజనం సృష్టిస్తోంది. సందీప్ రెడ్డి వంగా దర్శకత్వం వహించిన ఈ చిత్రం అద్భుతమైన ఓపెనింగ్‌తో తొలి వారాంతంలో రూ .70 కోట్ల కలెక్షన్‌ సాధించటమే కాకుండా తొలి ఐదు రోజుల్లోనే 100 కోట్ల రూపాయల క్లబ్‌లోకి ప్రవేశించింది. కబీర్ సింగ్ సినిమా మొత్తం కలెక్షన్‌ మంగళవారం నాటికి 104.90 కోట్లకు చేరుకుంది. దేశమంతటా 3123 స్క్రీన్లలో విడుదలైన ఈ చిత్రం సింగిల్ స్క్రీన్లతో పాటు మల్టీప్లెక్స్లలో సునామీలా దూసుకుపోతుంది. అర్జున్ రెడ్డి సినిమాకు హిందీ రీమేక్‌గా వచ్చిన కబీర్ సింగ్, ఈ ఏడాది బాక్సాఫీస్ వద్ద నాల్గవ అతిపెద్ద హిందీ ఓపెనర్‌గా నిలిచింది. కబీర్ సింగ్ భారీ విజయం సాధించడంతో షాహిద్ కపూర్ తన ఇన్‌స్టాగ్రామ్‌లో కియారా, దర్శకుడు సందీప్ రెడ్డి వంగాతో ఉన్న ఫోటోను పోస్ట్‌ చేశాడు. సినిమా భారీ వసూళ్లతో దూసుకుపోతుంటే ఇండియా టుడే సినీ విశ్లేషకురాలు అనన్య భట్టాచార్య మాత్రం ఈ చిత్రానికి 1.5స్టార్‌ రేటింగ్‌ మాత్రమే ఇచ్చారు.  ‘సినిమా నిడివి 154 నిమిషాలుండగా అందులో 120 నిమిషాలు కబీర్ తాగడం, కొకైన్ కొట్టడం, మార్ఫిన్‌ సూది వేసుకొవడం, ఇతరులను కొట్టడం, గర్ల్‌ఫ్రెండ్‌పై అరవడం మాత్రమే చేశాడు. మిగిలిన 34 నిమిషాలు అతనిలో పశ్చాత్తాపం కనిపిస్తుంది. చివరగా ఇది కేవలం సినిమా మాత్రమే, నిజ జీవితం కాదు’ అని సినిమా రివ్యూ ఇచ్చారు.

తెలుగులో హిట్‌ అయిన సినిమాలను బాలీవుడ్‌లో రీమేక్‌ చేయడం కామన్‌. టాలీవుడ్‌ హిట్‌ మూవీ ‘అర్జున్‌ రెడ్డి’ హిందీ రీమేక్‌ ‘కబీర్‌ సింగ్‌’తో షాహిద్‌ కపూర్‌ ఇటీవల భారీ హిట్‌ అందుకున్నారు. షాహిద్‌ గత చిత్రాల అత్యధిక వసూళ్లను సైతం ‘కబీర్‌సింగ్‌’ తొలి వారంలోనే దాటనుందని ట్రేడ్‌ వర్గాలు చెబుతున్నాయి. ఇప్పుడు తెలుగు చిత్రం ‘జెర్సీ’ హిందీ రీమేక్‌లో నటించనున్నారని బాలీవుడ్‌ టాక్‌. నాని, శ్రద్ధా శ్రీనాథ్‌ జంటగా గౌతమ్‌ తిన్ననూరి దర్శకత్వంలో సూర్యదేవర నాగవంశీ నిర్మించిన ఈ సినిమా  మంచి విజయం సాధించడంతో పాటు విమర్శకుల ప్రశంసలు అందుకుంది. క్రికెట్‌ నేపథ్యంలో వచ్చిన ‘జెర్సీ’ సినిమా బాలీవుడ్‌ ప్రేక్షకులకూ అలరిస్తుందని ప్రముఖ దర్శక–నిర్మాత కరణ్‌ జోహార్‌ అనుకున్నారట. అందుకే ఈ చిత్రం రీమేక్‌ హక్కులను సొంతం చేసుకున్నారనే మాట వినిపిస్తోంది. తెలుగు ఒరిజినల్‌ వెర్షన్‌ను తెరకెక్కించిన గౌతమ్‌ తిన్ననూరి దర్శకత్వంలోనే హిందీ రీమేక్‌ చేయనున్నారట.

సాక్షి, ముంబై: ఒకవైపు సినీ విశ్లేషకుడు తరణ్‌ ఆదర్శ్‌ దేశమంతటా ‘కబీర్‌ సింగ్‌’ వేవ్‌ నడుస్తోందంటుంటే మరోవైపు ఇదేం సినిమారా బాబు అంటూ విమర్శకులు మొహం చాటేస్తున్నారు. సందీప్‌రెడ్డి వంగ దర్శకత్వం వహించిన ఈ చిత్రం ఈ మధ్యే విడుదలై వసూళ్ల సునామీ సృష్టిస్తోంది. కలెక్షన్ల మాట ఎలా ఉన్నా సోషల్‌ మీడియాలో ఈ సినిమాపై భిన్నాభిప్రాయాలు వ్యక్తమవుతున్నాయి. షాహిద్‌ నటనకు ప్రశంసలు కురుస్తున్నా.. ఈ సినిమా సమాజంపై చెడు ప్రభావం చూపుతుందని కొందరు విమర్శలు ఎక్కుపెడుతున్నారు. తాజాగా సీబీఎఫ్‌సీ (సెంట్రల్‌ బోర్డ్‌ ఆఫ్‌ ఫిల్మ్‌ సర్టిఫికేషన్‌) సభ్యురాలు వాణి త్రిపాఠి ‘కబీర్‌ సింగ్‌’ చిత్రంపై ఫైర్‌ అయ్యారు. సోషల్‌ మీడియా వేదికగా సినిమాని కడిగిపారేశారు. అర్జున్‌ రెడ్డి చిత్రమే దరిద్రంగా ఉందంటే దాన్ని ఇంకా హిందీలోకి తీసుకొచ్చారని మండిపడ్డారు. ఈ చిత్రంలో స్త్రీల పట్ల ద్వేషాన్ని చూపించారని,  కబీర్‌సింగ్‌ హింసాత్మక చిత్రమంటూ ఆమె ట్విటర్‌లో అభిప్రాయపడ్డారు. సంప్రదాయాల దగ్గర మొదలైన భారతీయ సినిమా ప్రయాణం ప్రస్తుతం అందాల ఆరబోతకే ప్రాధాన్యమిస్తోందని విమర్శించారు. బడా స్టార్లు ఇలాంటి డార్క్‌షేడ్‌ ఉన్న నెగటివ్‌ పాత్రలను అంగీకరించరించడాన్ని ఆమె తప్పుపట్టారు. నటులు వారికి నచ్చిన పాత్ర తీసుకుంటే తప్పేంటని ఓ నెటిజన్‌  ప్రశ్నించగా..అది తప్పూ, ఒప్పూ అని కాదని,  తెరపై కనిపించే పాత్రే నటుడి వ్యక్తిత్వాన్ని నిర్ణయిస్తుందని ఆమె బదులిచ్చారు. ఆ పాత్రలో నటుడు జీవించకపోతే ఆ పాత్ర కేవలంం కాగితానికే పరిమితమవుతుందని తెలిపారు. సందీప్‌ వంగ దర్శకత్వం వహించిన ఈ సినిమా అర్జున్‌ రెడ్డికి రీమేక్‌ కాగా ఒక గొప్ప సర్జన్‌ తను ప్రేమించిన అమ్మాయి దక్కకపోవటం వల్ల ఎంత పతనమయ్యాడన్నదే ఈ చిత్ర కథాంశం. శుక్రవారం విడుదలైన ‘కబీర్‌ సింగ్‌’ సోమవారం నాటికి రూ.87కోట్ల వసూళ్లు రాబట్టింది.

నేచురల్‌ స్టార్ నాని హీరోగా గౌతమ్‌ తిన్ననూరి దర్శకత్వంలో తెరకెక్కిన ఎమోషనల్‌ స్పోర్ట్స్ డ్రామా జెర్సీ. శ్రద్ధా శ్రీనాథ్‌ హీరోయిన్‌గా నటించిన ఈ సినిమా సూపర్‌ హిట్ టాక్‌ సాధించినా వసూళ్ల పరంగా వెనకపడింది. అయితే నాని నటన, గౌతమ్‌ టేకింగ్‌ మాత్రం విమర్శకుల ప్రశంసలందుకున్నాయి. తాజాగా బాలీవుడ్ స్టార్ ప్రొడ్యూసర్‌ కరణ్‌ జోహార్‌ కన్ను ఈ సినిమాపై పడింది. ఇప్పటికే కరణ్‌  జెర్సీ రీమేక్‌ రైట్స్‌ను సొంతం చేసుకున్నట్టుగా తెలుస్తోంది. అంతేకాదు ఒరిజినల్‌ వర్షన్‌ను తెరకెక్కించిన గౌతమ్‌ తిన్ననూరి దర్శకత్వంలోనే రీమేక్‌ను కూడా రూపొందించే ఆలోచనలో ఉన్నాడట కరణ్‌. ఈ సినిమాలో షాహిద్‌ కపూర్ హీరోగా నటించే అవకాశం ఉన్నట్టుగా తెలుస్తోంది. అర్జున్‌ రెడ్డి రీమేక్‌ కబీర్‌ సింగ్‌తో బాలీవుడ్ బాక్సాఫీస్‌ను షేక్‌ చేస్తున్న షాహిద్, మరో తెలుగు సినిమా రీమేక్‌కు రెడీ అవుతున్నాడు. ప్రస్తుతం చర్చల దశలో ఉన్న ఈ ప్రాజెక్ట్‌పై త్వరలో క్లారిటీ వచ్చే అవకాశం ఉంది.

‘కబీర్‌సింగ్‌’ చిత్రం బాక్సాఫీస్‌ దగ్గర వసూళ్ల సునామీ సృష్టిస్తోంది. చాలా కాలానికి షాహిద్‌ కపూర్‌కు మంచి హిట్‌నిచ్చింది ఈ సినిమా. ఎన్నో విమర్శలను ఎదుర్కొని షాహిద్‌ కపూర్‌కు మంచి ఓపెనింగ్స్‌ను తెచ్చిపెట్టింది. గడిచిన మూడు రోజుల్లోనే ఈ చిత్రం రూ.70 కోట్లు వసూలు చేయగా మరో రెండు రోజుల్లో వంద కోట్ల క్లబ్‌లో చేరిపోవటం ఖాయమని ట్రేడ్‌ పండితులు అంచనా వేస్తున్నారు. పద్మావత్‌ చిత్రం తర్వాత షాహిద్‌ కపూర్‌కు సోలోగా మంచి హిట్‌నిచ్చింది ‘కబీర్‌ సింగ్‌’. ఈ చిత్రం విడుదలైన రోజే రూ. 20 కోట్లు వసూళ్లు చేయగా, రెండో రోజు 22 కోట్లు, మూడో రోజు రూ.27 కోట్లతో వంద కోట్ల క్లబ్‌ దిశగా దూసుకుపోతోంది. సందీప్‌రెడ్డి వంగా దర్శకత్వం వహించిన ఈ చిత్రం మూడు రోజుల్లోనే రూ.70 కోట్ల వసూళ్లు రాబట్టింది. దీంతొ సల్మాన్‌ ఖాన్‌ నటించిన ‘భారత్‌’ నెలకొల్పిన రికార్డును ఆదివారం అధిగమించినట్టైంది. సినీ విశ్లేషకుడు తరణ్‌ ఆదర్శ్‌ ‘కబీర్‌సింగ్‌’పై ఆసక్తికర ట్వీట్‌ చేశారు. ఒకవైపు క్రికెట్‌ మ్యాచ్‌లు మరోవైపు చిత్రంపై అధికస్థాయిలో విమర్శలు ఉన్నప్పటికీ సినిమా వసూళ్లపై ఎలాంటి ప్రభావం చూపలేదన్నారు . ప్రస్తుతం అంతటా కబీర్‌ సింగ్‌ వేవ్‌ నడుస్తోందన్నారు. రికార్డులను బ్రేక్‌ చేస్తున్న కబీర్‌ సింగ్‌ సల్మాన్‌ ఖాన్‌ ‘భారత్‌’ మూడో రోజు రూ.27 కోట్లు వసూళ్లు చేయగా.. ‘కబీర్‌సింగ్‌’ కూడా 27కోట్లు కొల్లగొట్టి రికార్డులు క్రియేట్‌ చేశాడు. 2019 ర్యాంకింగ్స్‌ ప్రకారం తొలి మూడు రోజుల్లోనే అత్యధిక వసూళ్లు సాధించిన చిత్రంగా కబీర్‌ సింగ్‌ స్థానం సంపాదించుకుంది. అక్షయ్‌కుమార్‌ నటించిన కేసరి రూ.78 కోట్లు, రణవీర్‌నటించిన గల్లీభాయ్‌ రూ.72 కోట్ల కలెక్షన్లతో ముందు వరుసలో ఉండగా రూ. 70 కోట్ల కలెక్షన్లతో కబీర్‌సింగ్‌ తర్వాతి స్థానంలో నిలిచింది. రూ. 62 కోట్లతో కళంక్‌ తర్వాతి స్థానానికి పరిమితమైంది.

సాక్షి, ముంబై: షాహిద్‌ కపూర్‌ తాజా సినిమా ‘కబీర్‌ సింగ్‌’  బాక్సాఫీస్‌ వద్ద భారీ వసూళ్లు రాబడుతోంది. షాహిద్‌ కెరీర్‌లోనే బెస్ట్‌ పర్ఫార్మెన్స్‌ ఇచ్చిన  ఈ సినిమాపై అటు విమర్శల నుంచి ప్రశంసల వర్షం కురస్తుండగా.. ఇటు ప్రేక్షకులు సైతం బ్రహ్మరథం పడుతున్నారు. తొలిరోజు 20.21 కోట్లు రాబట్టిన ఈ సినిమా రెండోరోజు ఏకంగా రూ. 22.71 కోట్ల వసూళ్లు సాధించింది. మొత్తానికి రెండు రోజుల్లో బాక్సాఫీస్‌ వద్ద 42.92 కోట్లు సొంతం చేసుకుంది. షాహిద్‌ కెరీర్‌లో సోలో హీరోగా అత్యధిక వసూళ్లు సాధించిన చిత్రం ‘ఆర్‌.. రాజ్‌కుమార్‌’.. ఆ సినిమా బాక్సాఫీస్‌ వద్ద మొత్తంగా రూ. 66.10 కోట్లు సాధించింది. ఆ రికార్డులను సైతం అధిగమించి తొలి వీకెండ్‌లోనే ‘కబీర్‌ సింగ్‌’ సినిమా రూ. 70 కోట్ల మార్క్‌ను దాటే అవకాశముందని సినీ పరిశీలకులు భావిస్తున్నారు. షాహిద్‌ కెరీర్‌లోనే బిగ్గెస్ట్‌ బ్లక్‌బస్టర్‌గా ఈ సినిమా నిలిచే అవకాశముందని అంచనా వేస్తున్నారు. ఇంతకుముందు షాహిద్‌ నటించిన ‘పద్మావతి’  చిత్రం భారీ కలెక్షన్లు సాధించినప్పటికీ.. అది మల్టీస్టారర్‌ మూవీ కావడం.. ఆ సినిమాలో ప్రధాన పాత్ర అయిన రణ్‌బీర్‌ సింగ్‌కు ఎక్కువ క్రెడిట్‌ దక్కడం తెల్సిందే. కబీర్‌ సింగ్‌ తెలుగులో సూపర్‌ హిట్టయిన సినిమా 'అర్జున్‌ రెడ్డి'కి రీమేక్‌. తన ప్రేమికురాలు మరోవ్యక్తిని పెళ్లి చేసుకోవడంతో  ఓ వైద్య విద్యార్థి స్వీయ విధ్వంసానికి పాల్పడతూ.. ఎలా మారిపోయాడు? అతని ప్రేమకథ ఎలా కొలిక్కి వచ్చిందనేది? ఈ మూవీ సారాంశం. అడ్వాన్స్‌ బుకింగ్‌లో సల్మాన్‌ ఖాన్‌ నటించిన భారత్, ఎవెంజర్స్‌ తర్వాత కబీర్‌ సింగ్‌ 3వ స్థానంలో నిలిచింది. యువత, మాస్‌ ప్రేక్షకుల నుంచి మంచి ఆదరణ లభిస్తుండడంతో ఈ మూవీ భారీ వసూళ్ల దిశగా సాగుతోంది.

షాహిద్‌ కపూర్‌ హీరోగా తెరకెక్కిన బాలీవుడ్‌ మూవీ ‘కబీర్‌ సింగ్‌’పై గాయని సోనా మహాపాత్ర తీవ్ర అభ్యంతరం వ్యక్తం చేశారు. ఇలాంటి క్యారెక్టర్లు చేయడం ద్వారా సమాజానికి ఎటువంటి సందేశాన్ని ఇస్తున్నారంటూ షాహిద్‌పై మండిపడ్డారు. బాధ్యతరాహిత్యంగా ఎందుకు ప్రవర్తిస్తున్నారని ప్రశ్నించారు. టీవీ యాక్టర్‌ నకుల్‌ మెహతా కబీర్‌ సింగ్‌పై తన అభిప్రాయాన్ని తెలియజేస్తూ..‘ 99 సమస్యలు ఉండనీ. షాహిద్‌ కపూర్‌ మాత్రం అందులో ఒకడు కాదు. కాసేపు రాజకీయాలను పక్కనపెడితే కబీర్‌ సింగ్‌ ఓ అద్భుత వర్ణన. ఈ సినిమాలోని ప్రతీ ఫ్రేమ్‌లో ప్రతీ ఒక్కరు తమను తాము చూసుకుంటున్నారు అంటూ ట్వీట్‌ చేశాడు. అదే విధంగా జాతీయ మహిళా కమిషన్‌ చైర్‌పర్సన్‌ రేఖా శర్మ కూడా సోషల్‌ మీడియా వేదికగా ‘కబీర్‌ సింగ్‌’  సినిమాలో షాహిద్‌ నటనను ప్రశంసించారు. ఈ నేపథ్యంలో వీరివురి ట్వీట్లపై స్పందించిన సోనా...‘ మహిళ వ్యక్తిత్వాన్ని కించపరిచేలా, పితృస్వామ్య వ్యవస్థను ప్రోత్సహించేలా ఉన్న ఈ సినిమాను మీరు పూర్తిగా గమనించలేదా. కేవలం నటనను మాత్రమే చూస్తారా? మహిళా కమిషన్‌ చైర్‌ పర్సన్‌గా ఉండి ఇలాంటి వ్యాఖ్యలు చేయడం నన్ను ఆశ్చర్యానికి గురిచేసింది. భారత్‌లో మహిళలకు ఉన్న స్థానం గురించి పునరాలోచించుకోవాల్సి వస్తోంది. ఇలాంటి సినిమాల ద్వారా ఏం చెప్పదలచుకున్నారు’ అని ప్రశ్నించారు. అయితే సోనా ట్వీట్‌పై నెటిజన్లు మిశ్రమ అభిప్రాయాలు వ్యక్తం చేస్తున్నారు. కాగా టాలీవుడ్‌లో సంచలనం సృష్టించిన ‘అర్జున్‌రెడ్డి’ సినిమాకు ‘కబీర్‌ సింగ్‌’ రీమేక్‌ అన్న సంగతి తెలిసిందే.

షాహిద్‌ కపూర్, కైరా అద్వానీ జంటగా నటించిన కబీర్‌ సింగ్‌ మూవీ శుక్రవారం రిలీజైంది. రిలీజైన తొలిరోజే 20 కోట్లు సంపాదించి, షాహిద్‌ కపూర్‌ కెరీర్‌లోనే అతి ఎక్కువ కలెక‌్షన్స్‌ రాబట్టిన సినిమాగా రికార్డు సృష్టించింది. సందీప్‌ వంగా దర్శకత్వం వహించిన ఈ మూవీలో షాహిద్‌ కపూర్‌ అద్భుతంగా నటించాడు. కానీ విడుదలయిన రెండో రోజే ఆన్‌లైన్‌లో లీకవడంతో ప్రోడ్యూసర్‌లు తలలు బాదుకుంటున్నారు. తమిళ్‌రాకర్స్‌ అనే వెబ్‌సైట్‌ ద్వారా ఈ మూవీ లీకైందని సమాచారం. కబీర్‌ సింగ్‌ తెలుగు హిట్‌ సినిమా ‘అర్జున్‌ రెడ్డి’ రీమేక్‌ అన్ప విషయం తెలిసిందే. 

తాజాగా రిలీజైన కబీర్‌ సింగ్‌ మూవీ తోలి రోజే 20 కోట్లకు పైగా సంపాదించి, భారీ ఓపెనింగ్‌తో బాక్సాఫీస్‌ వద్ద వసూళ్ల వర్షం కురిపిస్తుంది. షాహిద్‌ ఇంతకుముందు నటించిన మల్టీస్టారర్‌ మూవీ ‘పద్మావతి’ కలెక‌్షన్స్‌ను  పక్కకునెడుతూ తన కెరీర్‌లోనే  అత్యధిక కలెక‌్షన్స్‌ రాబట్టిన సినిమాగా ప్రస్తుతం  కబీర్‌ సింగ్‌ నిలిచింది.     కబీర్‌ సింగ్‌ తెలుగులో సూపర్‌ హిట్టయిన సినిమా 'అర్జున్‌ రెడ్డి'కి రీమేక్‌. తన గర్ల్‌ఫ్రెండ్‌ మరోవ్యక్తిని పెళ్లి చేసుకున్న కారణంగా  ఓ మెడికల్‌ స్టూడెంట్ ఎలా స్వీయ విధ్వంసానికి పాల్పడతాడనేది మూవీ సారంశం. బాక్సాఫీస్‌ ఇండియా రిపోర్ట్‌ ప్రకారం,  అడ్వాన్స్‌ బుకింగ్‌లో సల్మాన్‌ ఖాన్‌ నటించిన భారత్, ఎవెంజర్స్‌ తర్వాత కబీర్‌ సింగ్‌ 3వ స్థానంలో నిలిచింది. యువత, మాస్‌ ప్రేక్షకుల నుంచి మంచి ఆదరణ లభిస్తుండడంతో ఈ మూవీ విడుదలకు ముందే భారీ అంచనాలు ఏర్పడ్డాయి.    

ముంబై: తెలుగులో సంచలన విజయం సాధించిన ‘అర్జున్‌రెడ్డి’  చిత్రం బాలీవుడ్‌లో  ‘కబీర్‌ సింగ్‌’గా రీమేక్‌ అవుతున్న సంగతి తెలిసిందే. షాహిద్‌ కపూర్‌, కియారా అద్వానీ జంటగా నటించిన ఈ సినిమా శుక్రవారం విడుదల కాబోతోంది. అయితే, ఒకరోజు ముందే ఈ సినిమా గల్ఫ్‌, మిడిల్‌ ఈస్ట్‌ దేశాల్లో విడుదలైంది. దీంతో అక్కడ ఈ సినిమాను చూసిన ప్రేక్షకులు సోషల్‌ మీడియాలో తమ అభిప్రాయాలను పంచుకుంటున్నారు. సినిమా అద్భుతంగా ఉందని, షాహిద్‌ కపూర్‌ కెరీర్‌లోనే బెస్ట్‌ పర్ఫార్మెన్స్‌ ఇచ్చిన సినిమా ఇదని కితాబిస్తున్నారు. అయితే, మరికొంతమంది విజయదేవరకొండ ‘అర్జున్‌రెడ్డి’ సినిమాలాగే ఈ సినిమా కూడా చాలావరకు ఉందని, పెద్దగా మార్పులేమీ దర్శకుడు హిందీ వర్షన్‌లో చేయలేదని కామెంట్‌ చేస్తున్నారు.  ప్రేమలో విఫలమైన ఓ వైద్య విద్యార్థి స్వీయ హననానికి పాల్పడుతూ.. ఏవిధంగా మారిపోయాడు? అతని ప్రేమకథ ఎలా కొలిక్కి వచ్చిందన్న నేపథ్యంతో తెరకెక్కిన ఈ సినిమాలో ఆద్యంతం షాహిద్‌ అద్భుతమైన పర్ఫార్మెన్స్‌ కనబరిచి ప్రేక్షకుల హృదయాలను కొల్లగొట్టాడని గల్ఫ్‌ సినీ విమర్శకుడు ఉమైర్‌ సంధు ట్వీట్‌ చేశారు.  ఒక అబ్బాయి, ఒక అమ్మాయి ప్రేమలో పడి.. అంతా సజావుగా సాగిపోయే సాధారణ ప్రేమకథ చిత్రం ఇది కాదని, బాలీవుడ్‌లో ఇప్పటివరకు ఇలాంటి ప్రేమకథా చిత్రాన్ని చూడలేదని, షాహిద్‌ అద్భుతంగా నటన కనబర్చగా.. దర్శకుడు సందీప్‌ వంగా సినిమాను చక్కగా తెరకెక్కించారని నెటిజన్లు కొనియాడుతున్నారు. ఆ ట్వీట్‌ ఇక్కడ చూడొచ్చు. Saw #KabirSingh at Censor Board ! What a BOMBASTIC Film ! @shahidkapoor Stole the Show all the way. What a Film ! 👏👏👏 — Umair Sandhu (@UmairFilms) June 19, 2019 #KabirSingh review: ⭐⭐⭐⭐1/2. First of all let us tell you, this is not a normal lovestory where a boy & a girl meets & they fall in love & eventually everything goes smooth. This story is something which Bollywood never witnessed. Stunning 2nd half which reveals heroin's part — AlwaysBollywood (@AlwaysBollywood) June 20, 2019 #KabirSingh is a must watch movie!!! @shahidkapoor 's best performance so far. Mind blowing.Aur @Advani_Kiara kya baath hai 😍 An absolutely trippy film. The audience is going to go mad. The background score just compliments everything. Superb Direction by Sandeep Reddy Vanga. — Mukesh Chhabra CSA (@CastingChhabra) June 20, 2019 Shahid Kapoor 👌👌👌👌👌👌👌👌 What an outstanding perfomance Boss. Mind still quaking.#KabirSingh — Z Aaris (@iamZaidaaris) June 20, 2019

విజయ్‌ దేవరకొండ, షాలినీ పాండే జంటగా సందీప్‌ రెడ్డి వంగా దర్శకత్వం వహించిన ‘అర్జున్‌ రెడ్డి’ సంచలన విజయం సాధించిన విషయం తెలిసిందే. ఈ చిత్రం షాహిద్‌ కపూర్, కియారా అద్వాని జంటగా సందీప్‌ దర్శకత్వంలోనే ‘కబీర్‌సింగ్‌’ పేరుతో హిందీలో రీమేక్‌ అయింది. ఈ నెల 21న చిత్రం విడుదల కానున్న సందర్భంగా షాహిద్, కియారా చెప్పిన విశేషాలు. ► ‘కబీర్‌సింగ్‌’ చిత్రం కోసం తిరిగి కాలేజీకి వెళ్లడాన్ని ఎలా ఫీల్‌ అవుతున్నారు? చాలా భయం వేసింది. ఎందుకంటే ఇందులో నేను దాదాపు పాతికేళ్ల కుర్రాడిలా కనిపించాలి. ఇప్పుడే వచ్చిన కొత్త హీరో అనే ఫీల్‌ని ఆడియన్స్‌కి కలగజేయాలి. ఈ సినిమాలోలా రియల్‌ లైఫ్‌లోనూ నేను ఎమ్‌బీబీఎస్‌ స్టూడెంట్‌ కావడంతో ఈజీ అయింది. టీజర్‌ చూసినవాళ్లు కాలేజీ స్టూడెంట్‌లానే ఉన్నారని చెప్పగానే ఆనందం అనిపించింది. అయితే ఈ చిత్రంలో కనిపిస్తున్నట్లు నా వయసు పాతికేళ్లు కాదు. ► తెలుగు ‘అర్జున్‌రెడ్డి’ సినిమా చూశారా? చూశాను. బాగా నచ్చింది. సినిమాలోని క్యారెక్టర్, ఎమోషనల్‌ థింగ్స్‌కి బాగా కనెక్ట్‌ అయ్యాను. ఈ ఫిల్మ్‌ మేకింగ్‌ని ఎంజాయ్‌ చేశాను. హీరోది చాలా గొప్ప పాత్ర. విజయ్‌ బాగా చేశాడు. ► ‘అర్జున్‌రెడ్డి’ అప్పుడు విజయ్‌ చేసింది తక్కువ సినిమాలు. మీరు 30కి పైగా సినిమాలు చేశారు కాబట్టి అంచనాలు ఉంటాయి. ప్రెషర్‌ ఏమైనా? ఇలాంటి సబ్జెక్ట్‌ను కొత్త హీరో అయితే డిఫరెంట్‌ ఎనర్జీతో చేస్తారు. అలాగే నాలాంటి ఎస్టాబ్లిష్డ్‌ యాక్టర్‌ ఇలాంటి క్యారెక్టర్‌ చేసినప్పుడు కూడా డిఫరెంట్‌గానే  ట్రై చేస్తారు. అయితే ఎస్టాబ్లిష్డ్‌ యాక్టర్స్‌కు ఇలాంటి క్యారెక్టర్స్‌ చేయడం కొంచెం కష్టం అనిపించొచ్చు. ఎందుకంటే ఆల్రెడీ ఆడియన్స్‌ ఒకసారి సినిమా చూశారు. అంతకంటే ఎక్కువ పెర్ఫార్మెన్స్‌ ఇవ్వాలి. అయినా ఈ సినిమా వరకూ ఆడియన్స్‌ ఇందులోని క్యారెక్టర్‌ని చూస్తారు. మన గురించి అంతగా ఆలోచించరు. కథ అలాంటిది. అందుకే ఇది షాహిద్‌ కపూర్‌ సినిమా కాదు. కబీర్‌ సింగ్‌ సినిమా. అఫ్‌కోర్స్‌ ఈ పాత్ర చాలెంజింగ్‌ అని మాత్రం ఒప్పుకుంటాను. ► ఈ రీమేక్‌ ఆలోచన మీకు వచ్చిందా? ‘అర్జున్‌రెడ్డి’ని ఒకరు చూపించారు. చాలా బాగుందనిపించింది. అయితే మనం చేసి ఇప్పుడు స్పాయిల్‌ చేయడం ఎందుకు అనుకున్నా. కానీ ఎప్పుడైతే సందీప్‌రెడ్డి హిందీ రీమేక్‌ పట్ల ఇంట్రెస్ట్‌గా ఉన్నారని తెలిసిందో అప్పుడు చేయాలనిపించింది. అతని వర్క్‌ బాగా నచ్చింది. ఓ మంచి సినిమాని ఎక్కువమంది చూడాలని కోరుకునే మనస్తత్వం నాది. ఈ సినిమాను హిందీ ఆడియన్స్‌ నా వల్ల చూస్తారు అన్నప్పుడు నాకు హ్యాపీగా అనిపించింది. ► ‘కబీర్‌సింగ్‌’ ట్రైలర్‌ని ప్రభాస్‌ ప్రశంసించారు.. నాకు, ప్రభాస్‌కు హకీమ్‌ హెయిర్‌ స్టైలిష్‌గా ఉన్నారు. ప్రభాస్‌ గురించి చాలా విన్నాను. సో కైండ్‌. ట్రైలర్‌ని అభినందిస్తూ ప్రభాస్‌ నాతో మాట్లాడారు. తనతో మాట్లాడటం అదే ఫస్ట్‌ టైమ్‌. ► అర్జున్‌రెడ్డి, కబీర్‌సింగ్‌లకు పోలికలు పెడతారు. ఆ విషయం గురించి ఏమంటారు? పోలిక పెట్టకూడదు. ఎందుకంటే ఒకటి బాగుందంటే అది ఎప్పటికీ బాగున్నట్లే. దానికి ఆ గౌరవం ఇవ్వాలి. ‘అర్జున్‌ రెడ్డి’ బాగుంది. అలాంటప్పుడు ‘కబీర్‌సింగ్‌’తో పోలికపెట్టడం దేనికి? అర్జున్‌రెడ్డి నాకూ నచ్చింది. ఇప్పుడు ‘కబీర్‌..’ని ప్రేక్షకులు కొత్త సినిమా అనుకుని చూడాలి.   ► ‘ఉడ్తా పంజాబ్, కబీర్‌సింగ్, కమీనే’.. ఇలా డార్క్‌ రోల్స్‌ ఎక్కువగా చేస్తున్నట్లున్నారు?  డార్క్, లైట్‌ అని కాదు భిన్నమైన పాత్రలు చేయడానికి నేను ఇష్టపడతాను. కానీ అవుటాఫ్‌ ది బాక్స్‌ కంటెంట్‌ ఉన్న సినిమాలు చేసి ఆడియన్స్‌ని సర్‌ప్రైజ్‌ చేయడంలో ఉన్న ఫీల్‌ని ఎంజాయ్‌ చేయడానికి డిఫరెంట్‌ రోల్స్‌ చేయాలనుకుంటాను. ► ‘కబీర్‌ సింగ్‌’లో రొమాంటిక్‌ సీన్స్‌ ఎక్కువ. మరి మీ ఆవిడ మీరా దగ్గర పర్మిషన్‌ తీసుకున్నారా? నిజానికి ‘అర్జున్‌రెడ్డి’ సినిమా తనకు నచ్చింది. ఈ పాత్ర నీ కెరీర్‌కు ఫ్లస్‌ అవుతుందని తనే చెప్పింది. ఈ వృత్తిలో ఉన్న విషయాలను అర్థం చేసుకునే పరిణితి తనకు ఉంది. ► ‘కబీర్‌సింగ్‌’ లవ్‌లో ఫెయిలై, ఫైనల్లీ ప్రేమికురాలిని దక్కించుకుంటాడు. రియల్‌ లైఫ్‌లో మీకూ లవ్‌ ఫెయిల్యూర్స్‌ ఉన్నాయి కదా? అందరి జీవితాల్లో ఉన్నట్లే నా లైఫ్‌లోనూ కొన్ని లవ్‌ ఫేజెస్‌ ఉన్నాయి. అది కామన్‌ (నవ్వుతూ). ► కియారా అద్వానీ మాట్లాడుతూ – ‘‘హిందీ రీమేక్‌ ఒప్పుకోక ముందు ‘అర్జున్‌ రెడ్డి’ సినిమా చూశాను. సైన్‌ చేశాక మాత్రం చూడలేదు. ఎందుకంటే ఆ ప్రభావం నా నటన మీద పడే అవకాశం ఉంది. క్యారెక్టర్‌ని నా స్టైల్‌లో నేను చేయాలనుకున్నాను. కథానుగుణంగానే ఈ సినిమాలో రొమాంటిక్‌ సీన్స్‌ ఉంటాయి. ఇప్పుడు ప్రేమికులను తీసుకుందాం. వాళ్ల మధ్యమాటలతో పాటు రొమాన్స్‌ కూడా ఉంటుంది కదా. సినిమాలో షాహిద్, నేను ప్రేమికులం కాబట్టి మా మధ్య రొమాన్స్‌ ఉంటుంది. అవి లేకుండా ప్రేమ ఉండదు. షాహిద్‌ కపూర్‌ నటించిన కొన్ని సినిమాలు నేను చూశాను. అన్నింటికన్నా ‘కబీర్‌సింగ్‌’లో ‘ది బెస్ట్‌ పర్ఫార్మెన్స్‌’ ఇచ్చాడు. ఓ 25, 30 సినిమాలు చేశాక కాలేజీ సబ్జెక్ట్‌ చేయడం అంటే చిన్న విషయం కాదు. కొత్త హీరో అనిపించేలా చేశాడు. సందీప్‌ రెడ్డి అమేజింగ్‌ డైరెక్టర్‌ అనాలి. అసలు కథే వండర్‌ఫుల్‌ అంటే పాత్రలను ఆయన మలిచిన తీరూ అద్భుతమే.

నా భార్యతో గొడవపడితే.. దాదాపు 15 రోజుల పాటు మాట్లాడను అంటున్నారు బాలీవుడ్‌ హీరో షాహిద్‌ కపూర్‌. నేహా ధూపియా వ్యాఖ్యతగా వ్యవహరించే ఓ కార్యక్రమానికి హాజరాయ్యరు షాహిద్‌ కపూర్‌. ఈ సందర్భంగా ఆయన మాట్లాడుతూ.. ‘దంపతులన్నకా గొడవలు సహజం. అది మంచిది కూడా. ఒకరితో ఒకరం విభేధించడం.. సమస్యలను పరిష్కరించుకోవడం చాలా ముఖ్యం. దాని వల్ల ఒకరి గురించి మరొకరికి పూర్తిగా అర్థం అవుతుంద’న్నారు. ‘ఇక మా విషయానికోస్తే రెండు మూడు నెలలకోసారి మేం గొడవ పడుతుంటాం. పోట్లాడుకున్నప్పుడు దాదాపు 15 రోజుల పాటు మేం మాట్లాడుకోం. తర్వాత తనో, నేనో సర్దుకు పోవడం జరుగుతుంది. ఆ తర్వాత అంతా మామూలవుతుంద’న్నారు. ప్రస్తుతం షాహీద్‌ కపూర్‌ కబీర్‌ సింగ్‌ సినిమా ప్రమోషన్స్‌తో బిజీగా ఉన్నారు. ఈ సినిమా తెలుగు అర్జున్‌ రెడ్డికి రీమేక్‌ అన్న సంగతి తెలిసిందే.

ముంబై: కరీనా కపూర్‌ వివాహానికి తనను ఆహ్వానించలేదని బాలీవుడ్‌ స్టార్‌ షాహిద్‌ కపూర్‌ తెలిపారు. ఆయన నటించిన తాజా చిత్రం కబీర్‌ సింగ్‌ విడుదలకు సిద్ధంగా ఉంది. ఈ సమయంలో నేహా ధూపియా చాట్‌ షో  బీఎఫ్‌ఫ్‌ విత్‌ వోగ్‌లో పాల్గొన్న షాహిద్‌ తన సినిమా, వ్యక్తిగత జీవితం, ప్రియాంక చోప్రా, కరీనా కపూర్‌ గురించి ఆసక్తికర విషయాలు వెల్లడించారు. ప్రియాంక, కరీనా.. షాహిద్‌ మాజీ ప్రియురాళ్లు. ఇటీవల జరిగిన ప్రియాంక చోప్రా వివాహానికి హాజరైన మీరు కరీనా పెళ్లి ఎందుకు వెళ్లలేదని నేహా ధూపియా ప్రశ్నించగా.. కరీనా వివాహం జరిగి చాలా రోజులవుతుందని, తనను పెళ్లికి పిలిచిందో లేదో సరిగా గుర్తులేదని అన్నారు. దీపికా పదుకొనె, రణ్‌వీర్‌ సింగ్‌ ఇద్దరిలో ఎవరు మీకు మంచి కో-స్టార్‌ అని అడగ్గా.. దీపిక అని సమాధానమిచ్చారు. పద్మావతి సినిమాలో దీపిక, రణ్‌వీర్‌తో కలిసి షాహిద్‌ నటించిన సంగతి తెలిసిందే. ఈ సినిమాలోని పాత్రలపరంగా రణ్‌వీర్‌ క‍ంటే దీపికతో ఎక్కువగా కనెక్ట్‌ అయ్యానని చెప్పారు. సినిమా సెట్‌లో దీపికతో అనేక విషయాలు పంచుకున్నట్లు తెలిపారు. గత సంవత్సరం వచ్చిన ‘పద్మావతి’ సినిమా తమ ముగ్గురికి మంచి పేరు తీసుకొచ్చిందని తెలిపారు. 2006లో విడుదలైన ‘రంగ్‌దే బసంతి’ సినిమాలో తనకు  అవకాశం వచ్చిందని, అయితే సమయం దొరకని కారణంతో ఆ సినిమా చేయలేకపోయానని షాహిద్‌ బాధపడ్డారు. అంతేకాక ‘షాన్‌దార్‌’ సినిమా  చేసేటప్పుడు తను అయోమయంలో ఉండి.. ఆ సినిమా ఒప్పుకున్నట్టు చెప్పారు. ఈ సినిమా బాక్సాఫీస్‌ వద్ద బోల్తా పడిన సంగతి తెలిసిందే. 

బాలీవుడ్‌ ‘అర్జున్‌ రెడ్డి’  షాహిద్‌ కపూర్‌ భార్య మీరా రాజ్‌పుత్‌ సోషల్‌ మీడియాలో యాక్టివ్‌గా ఉంటారన్న సంగతి తెలిసిందే. కుటుంబంతో కలిసి దిగిన ఫొటోలను తరచుగా ఇన్‌స్టాగ్రామ్‌లో పోస్ట్‌ చేస్తూ ఉంటారామె. ప్రస్తుతం షాహిద్‌తో కలిసి సింగపూర్‌ టూర్‌లో ఉన్న మీరా.. మేడమ్‌ టుస్సాడ్స్‌లో భర్త మైనపు విగ్రహంతో దిగిన ఫొటోను గురువారం షేర్‌ చేశారు. షాహిద్‌ కపూర్‌ మైనపు విగ్రహానికి ముగ్ధురాలైన మీరా.. ‘నా వాడిని(షాహిద్‌) నేను ఇంటికి తీసుకెళ్తున్నా. కానీ మీ కోసం ఇంకొకరిని ఇక్కడే వదిలేస్తున్నా మేడమ్‌ అంటూ క్రేజీ క్యాప్షన్‌ జత చేశారు. కాగా పోస్ట్‌ చేసిన మూడు గంటల్లోనే లక్షన్నరకు పైగా లైకులు సాధించిన ఈ ఫొటో ప్రస్తుతం వైరల్‌గా మారింది. ఇక 2015లో షాహిద్‌ కపూర్‌- మీరా రాజ్‌పూత్‌ల పెళ్లి జరిగిన సంగతి తెలిసిందే. వీరికి కుమార్తె మిషా, కుమారుడు జైన్‌ ఉన్నారు. కాగా అర్జున్‌ రెడ్డి రీమేక్‌ కబీర్‌ సింగ్‌తో షాహిద్‌ కపూర్‌ త్వరలోనే ప్రేక్షకుల ముందుకు రానున్నాడు.  తాజాగా విడుదలైన ఈ సినిమా ట్రైలర్‌తో అభిమానుల్లో భారీ అంచనాలు నెలకొన్నాయి. జూన్‌ 21 ఈ చిత్రం విడుదల కానుంది.

ముంబై: బాలీవుడ్‌ ‘అర్జున్‌ రెడ్డి’ షాహిద్‌ కపూర్‌ జర్నలిస్ట్‌పై మండిపడ్డాడు. లిప్‌ లాక్‌లపై ప్రశ్నించిన విలేకరిని తిట్టిపోశాడు. ‘అర్జున్‌ రెడ్డి’ ఆధారంగా హిందీలో తెరకెక్కిన ‘కబీర్‌ సింగ్‌’  సినిమా ట్రైలర్‌ను ఇటీవల విడుదల చేశారు. సినిమాలో ఎన్ని ముద్దు సన్నివేశాలు ఉన్నాయని హీరోయిన్‌ కియారా అద్వానీని ఈ సందర్భంగా రిపోర్టర్‌ ఒకరు ప్రశ్నించగా.. లెక్కపెట్టుకోలేదని ఆమె సమాధానం ఇచ్చారు. కియారా జవాబుతో సంతృప్తి చెందని సదరు జర్నలిస్ట్‌ పదేపదే ఇదే ప్రశ్న సంధించాడు. దీంతో సహనం కోల్పోయిన షాహిద్‌ కపూర్‌ అతడిపై మండిపడ్డాడు. ‘చూస్తుంటే నీకు గాల్‌ఫ్రెండ్‌ లేనట్టుంది. మా సినిమాలో లిప్‌లాక్‌ సీన్‌ చూడాలనుకుంటే కచ్చితంగా డబ్బు చెల్లించాల్సిందే. అయితే ఈ సీన్‌ ఒక్కదాని కోసమే డబ్బు చెల్లించాలని నేను చెప్పడం​ లేదు. ముద్దు సన్నివేశాల కోసం మాత్రమే ఎందుకు మమ్మల్ని ప్రశ్నిస్తున్నార’ని షాహిద్‌ క్లాస్‌ పీకాడు. సందీప్‌ రెడ్డి వంగా దర్శకత్వంలో తెరకెక్కిన కబీర్‌ సింగ్‌ సినిమా జూన్‌ 21న విడుదల కానుంది. ప్రేమలో విఫలమైన వైద్యుడి పాత్రలో షాహిద్‌ కపూర్‌ కనిపించనున్నాడు. తెలుగులో సంచలన విజయం సాధించిన ‘అర్జున్‌రెడ్డి’లో విజయ్‌ దేవరకొండ, షాలిని పాండే ప్రధాన పాత్రల్లో నటించారు. ఈ సినిమాలో విజయ్‌ స్టార్‌డమ్‌ సంపాదించుకున్నాడు.

‘అర్జున్‌ రెడ్డి’గా విజయ్‌ దేవరకొండ నటనకు టాలీవుడ్‌ ఫిదా అయిన సంగతి తెలిసిందే. తన నటనతో సినిమాను ఓ క్లాసిక్‌గా నిలబెట్టేశాడు. విజయ్‌ ఎంతో ఇంటెన్సిటితో నటించిన ఈ చిత్రం పలుభాషల్లో రీమేక్‌ కానున్న సంగతి తెలిసిందే. బాలీవుడ్‌లో ఈ చిత్రాన్ని ‘కబీర్‌ సింగ్‌’గా తెరకెక్కిస్తుండగా.. ఇప్పటికే ఈ చిత్రం టీజర్స్‌తో అంచనాలు పెంచేసింది. తాజాగా చిత్రయూనిట్‌ ట్రైలర్‌ను కూడా విడుదల చేసింది. షాహిద్‌ కపూర్‌ కబీర్‌ సింగ్‌ పాత్రలో.. కియార అద్వాణీ ప్రీతిగా అదిరిపోయేలా నటించారు. ఒరిజనల్‌లో ఉన్న ఫీల్‌ను రీమేక్‌లో కూడా వచ్చేట్టు చేశాడు దర్శకుడు సందీప్‌ రెడ్డి వంగా. విజయ్‌ నటనకు షాహిద్‌ యాక్టింగ్‌కు పోలిక పెట్టలేము కానీ, షాహిద్‌ కూడా కబీర్‌పాత్రలోకి పరకాయ ప్రవేశం చేసేశాడు. మరి ఈ చిత్రం బాలీవుడ్‌లో ఎంతటి సెన్సేషన్‌ సృష్టిస్తుందో చూడాలి. జూన్‌ 21ఈ చిత్రం ప్రేక్షకుల ముందుకు రానుంది.

బాలీవుడ్‌ హీరో షాహిద్‌ కపూర్‌ సోషల్‌ మీడియాలో షేర్‌ చేసిన ఓ వీడియో అభిమానులను విపరీతంగా ఆకట్టుకుంటోంది. కుమారుడు జైన్‌ కపూర్‌తో సరదాగా గడుపుతున్న గూఫీ వీడియోను షేడీబాయ్స్‌ హ్యాష్‌ట్యాగ్‌తో ఇన్‌స్టాగ్రామ్‌లో పోస్ట్‌ చేశాడు. అమాయకపు చూపులతో.. తండ్రి చెబుతున్న మాటలు వింటూ కెమెరా వైపు చూస్తున్న జైన్‌ లుక్‌కు నెటిజన్లు ఫిదా అవుతున్నారు. ఇప్పటికే 24 లక్షలకు పైగా లైకులు సాధించిన ఈ వీడియోను చూసి.. ‘ తండ్రీ, కొడుకులు సూపర్‌ క్యూట్‌. జైన్‌ను చూస్తుంటే తైమూర్‌ అలీఖాన్‌కు కచ్చితంగా గట్టి పోటీ ఇచ్చేలా ఉన్నాడు. ఏదేమైనా ఒక మాట మాత్రం నిజం. మీ కంటే కూడా మీరా అక్క పోలికలే జైన్‌లో ఎక్కువగా కన్పిస్తున్నాయి’ అంటూ అభిమానులు సరదాగా కామెంట్లు చేస్తున్నారు. స్టార్‌కిడ్స్‌లో జైన్‌ టాప్‌లో ఉండటం ఖాయం అంటూ సంబరపడుతున్నారు. కాగా సినిమాలతో ఎంత బిజీగా ఉన్నప్పటికీ కుటుంబం కోసం సమయం కేటాయించడంలో షాహిద్‌ కపూర్‌ ముందుంటాడన్న సంగతి తెలిసిందే. ప్రస్తుతం షాహిద్‌ నటించిన కబీర్‌ సింగ్‌ సినిమా విడుదలకు సిద్ధంగా ఉంది. జూన్‌ 21న ఈ సినిమాను రిలీజ్‌ చేసేందుకు మూవీ మేకర్స్‌ ప్లాన్‌ చేస్తున్నారు. ఇక ఈ సినిమా టాలీవుడ్‌ సెన్సేషన్‌ హిట్‌ అర్జున్‌ రెడ్డి రీమేక్‌ అన్న సంగతి తెలిసిందే. సందీప్‌ రెడ్డి వంగా తెరకెక్కిస్తున్న ఈ సినిమాలో షాహిద్‌కు జోడీగా కియారా అద్వానీ నటిస్తోంది. View this post on Instagram #shadyboys A post shared by Shahid Kapoor (@shahidkapoor) on Apr 30, 2019 at 10:10am PDT

‘అర్జున్‌ రెడ్డి’ హిందీ రీమేక్‌ ‘కబీర్‌ సింగ్‌’ టీజర్‌ ఇటీవల రిలీజైంది. కబీర్‌ సింగ్‌గా నటించిన షాహిద్‌ కపూర్‌కు అభినందనలు కురిపిస్తోంది బాలీవుడ్‌. టీజర్‌లో షాహిద్‌ను చూసి మన ‘బాహుబలి’ ప్రభాస్‌ కూడా ఫ్లాట్‌ అయిపోయారట. షాహిద్‌ను పర్సనల్‌గా అభినందించారట కూడా. షాహిద్‌కు, ప్రభాస్‌కు కనె„ý న్‌ ఎక్కడ కుదిరిందీ అనుకుంటున్నారా? ఇద్దరి హైయిర్‌ స్టైలిస్ట్‌ ఒక్కరే. ప్రభాస్‌ ‘సాహో’ సినిమాకు హెయిర్‌ స్టైలిస్ట్‌గా వ్యవహరిస్తున్నారు హకీమ్‌ అలీ. షాహిద్‌ పర్సనల్‌ హెయిర్‌ స్టైలిస్ట్‌ కూడా ఇతనే. ‘సాహో’ షూటింగ్‌ టైమ్‌లో ‘కబీర్‌ సింగ్‌’ టీజర్‌ రిలీజ్‌ అయింది. టీజర్‌ చూసిన ప్రభాస్, ‘సాహో’ బృందం చాలా బావుందని మాట్లాడుకోవడం హకీమ్‌ అలీ చెవిలో పడింది. వెంటనే షాహిద్‌కు కాల్‌ చేసి ఫోన్‌ ప్రభాస్‌ చేతిలో పెట్టారట. ‘‘టీజర్‌ చాలా బావుందని  సుమారు 7 నిమిషాల పాటు షాహిద్, ప్రభాస్‌ మాట్లాడుకున్నారు’’ అని హకీమ్‌ అలీ పేర్కొన్నారు. ‘కబీర్‌ సింగ్‌’ జూన్‌ 21న రిలీజ్‌ కానుంది. తెలుగు వెర్షన్‌ను డైరెక్ట్‌ చేసిన సందీప్‌ రెడ్డి హిందీ రీమేక్‌ను డైరెక్ట్‌ చేశారు. కియారా అద్వానీ హీరోయిన్‌.

‘‘కబీర్‌ సింగ్‌ పాత్ర కోసం రోజుకు ఇరవై సిగరెట్లు వరకూ తాగేవాణ్ణి. ఆ దుర్వాసన అంతా పోవడానికి సుమారు రెండు గంటలు స్నానానికి కేటాయించేవాడ్ని’’ అని తెలిపారు షాహిద్‌ కపూర్‌. ‘అర్జున్‌ రెడ్డి’ హిందీ రీమేక్‌ ‘కబీర్‌ సింగ్‌’ సినిమాలో టైటిల్‌ రోల్‌ చేస్తున్నారు షాహిద్‌ కపూర్‌. తెలుగు ‘అర్జున్‌ రెడ్డి’ దర్శకుడు సందీప్‌ రెడ్డి వంగా హిందీ వెర్షన్‌కి కూడా దర్శకుడు. కియారా అద్వానీ కథానాయిక. ఈ సినిమాలో ప్రేయసి దూరమైన తర్వాత మందు, సిగరెట్లకు బానిస అయిన ప్రేమికుడిగా కనిపిస్తారు షాహిద్‌. కబీర్‌ సింగ్‌ పాత్ర గురించి షాహిద్‌ మాట్లాడుతూ – ‘‘రీమేక్‌ చేయడం చాలా కష్టం. ఒరిజినల్‌ని కాపీ చేస్తే కుదరదు. ఇక్కడి (నార్త్‌) ప్రేక్షకులకు సూట్‌ అయ్యేలా చేశాం. వ్యక్తిగతంగా పొగ త్రాగడాన్ని నేను అసలు ప్రోత్సహించను. కానీ సినిమాలో హీరో క్యారెక్టరైజేషన్‌ అలా ఉంది. తన బాధను, కోపాన్ని వ్యక్తపరచలేక వాటికి బానిస అవుతాడు. ఆ పాత్ర కోసం రోజుకు 20 సిగరెట్లు వరకూ తాగాను. ఇంటికి వెళ్తే పిల్లలుంటారు కాబట్టి ఆ వాసన పోవడం కోసం 2 గంటలు షవర్‌ చేసి ఇంటికి వెళ్లేవాడ్ని’’ అని పేర్కొన్నారు. ‘కబీర్‌ సింగ్‌’ చిత్రం జూన్‌ 21న రిలీజ్‌ కానుంది.

టాలీవుడ్ లో సంచలన విజయం సాధించిన బోల్డ్ మూవీ అర్జున్‌ రెడ్డి. విజయ్‌ దేవరకొండ హీరోగా సందీప్‌ రెడ్డి వంగా దర్శకత్వంలో తెరకెక్కిన ఈసినిమా ఎన్నో వివాదాల మధ్య విడుదలై భారీ వసూళ్లు సాధించింది. అంతేకాదు ప్రముఖుల ప్రశంసలు కూడా దక్కటంతో ఇతర భాషల్లో ఈ సినిమాను రీమేక్ చేస్తున్నారు. ముఖ్యంగా బాలీవుడ్‌లో అర్జున్‌ రెడ్డి రీమేక్‌పై భారీ హైప్‌ క్రియేట్ అయ్యింది. కబీర్‌ సింగ్‌ పేరుతో తెరకెక్కుతున్న ఈ  సినిమాకు ఒరిజినల్‌ వర్షన్‌కు దర్శకత్వం వహించిన సందీప్‌ రెడ్డి వంగా దర్శకుడు. షాహిద్‌ కపూర్‌ హీరోగా నటిస్తుండగా కియారా అద్వానీ హీరోయిన్‌ పాత్రలో అలరించనుంది. సినీ 1 స్టూడియోస్‌, టీ సిరీస్‌ సంస్థలు సంయుక్తంగా నిర్మిస్తున్న ఈ సినిమా జూన్‌ 21న ప్రేక్షకుల ముందుకు రానుంది. ప్రస్తుతం నిర్మాణానంతర కార్యక్రమాలు జరుపుకుంటున్న ఈ సినిమా టీజర్‌ను రిలీజ్ చేశారు చిత్రయూనిట్. టీజర్ దాదాపు అర్జున్‌ రెడ్డి స్టైల్‌లో ఉంది. షాహిద్ లుక్స్‌తో పాటు సీన్స్‌, డైలాగ్స్‌ అన్ని అర్జున్‌ రెడ్డినే దించేసినట్టుగా అనిపిస్తుంది. మరి టాలీవుడ్‌లో సంచలనం సృష్టించిన అర్జున్‌ రెడ్డి, బాలీవుడ్ ప్రేక్షకులను ఏ మేరకు ఆకట్టుకుంటాడో చూడాలి.

‘అర్జున్‌ రెడ్డి’తో సంచలనం సృష్టించాడు హీరో విజయ్‌ దేవరకొండ. ఈ మూవీ తిరుగులేని స్టార్‌డమ్‌ను సొంతం చేసుకున్నాడు ఈ యంగ్‌హీరో. అర్జున్‌ రెడ్డి దర్శకుడు సందీప్‌ రెడ్డి వంగా కూడా ఫుల్‌ ఫేమస్‌ అయ్యాడు. టాలీవుడ్‌లో అంతటి సెన్సేషన్‌ సృష్టించిన ఈ చిత్రాన్ని.. మిగతా భాషల్లో కూడా తెరకెక్కిస్తున్న సంగతి తెలిసిందే.  షాహిద్‌ కపూర్‌ హీరోగా.. హిందీలో ‘కబీర్‌ సింగ్‌’  చిత్రాన్ని సందీప్‌ రెడ్డి వంగా తెరకెక్కిస్తున్నారు. రీసెంట్‌గా ఈ మూవీ షూటింగ్‌ను పూర్తి చేసినట్లు చిత్రయూనిట్‌ ప్రకటించింది. తాజాగా ఈ సినిమా గురించి ఓ అప్‌డేట్‌ వచ్చేసింది. ఈ మూవీ టీజర్‌ను ఏప్రిల్‌ 8న విడుదల చేస్తున్నట్లు ప్రకటించారు. కియారా అద్వాణీ హీరోయిన్‌గా నటిస్తున్న ఈ చిత్రాన్ని జూన్‌ 21న విడుదల చేయనున్నారు. Find the #kabirsingh within you. @Advani_Kiara @imvangasandeep @itsBhushanKumar @MuradKhetani #KrishanKumar @ashwinvarde @TSeries @Cine1Studios @KabirSinghMovie pic.twitter.com/AaaMBAizot — Shahid Kapoor (@shahidkapoor) April 6, 2019

బాలీవుడ్‌ హీరో షాహిద్‌ కపూర్‌ భార్య మీరా కపూర్‌ సోషల్‌ మీడియాలో షేర్‌ చేసిన ఫొటో అభిమానులను విపరీతంగా ఆకట్టుకుంటోంది. తన కుమారుడిని హత్తుకుని ఉన్న ఫొటోను ఇన్‌స్టాగ్రామ్‌లో పోస్ట్‌ చేసిన మీరా.. ‘ చిన్నారి అద్భుతం’ అంటూ క్యాప్షన్‌ జత చేశారు. కేరింతలు కొడుతున్న జైన్‌తో పాటు హృద్యమైన నవ్వుతో ఆకట్టుకుంటున్న మీరా ఫొటోకు ఇప్పటికే 2 లక్షలకు పైగా లైకులు వచ్చాయి.  ఈ క్రమంలో ‘మీ బంగారం చాలా అందంగా ఉన్నాడు’ అని ఓ నెటిజన్‌ కామెంట్‌ చేయగా... ‘తప్పైతే క్షమించండి. మీ భర్త షాహిద్‌ కంటే జైన్‌ ఎంతో అందంగా ఉన్నాడు. తనతో పాటు మీరు కూడా చాలా క్యూట్‌గా ఉన్నారు’ అంటూ మరొకరు చమత్కరించారు. కాగా 2016లో మిషాకు జన్మనిచ్చిన షాహిద్‌- మీరా దంపతులు ఇటీవలే కుమారుడికి జన్మనిచ్చిన సంగతి తెలిసిందే. తమ చిన్నారికి జైన్‌ కపూర్‌ అని నామకరణం చేసిన ఈ జంట..అతడికి సంబంధించిన ఫొటోలను సోషల్‌ మీడియాలో అభిమానులతో పంచుకుంటారు. ఇక షాహిద్‌ కపూర్‌ ప్రస్తుతం ‘అర్జున్‌ రెడ్డి’  హిందీ రీమేక్‌ ‘ కబీర్‌ సింగ్‌’ షూటింగ్‌లో బిజీగా ఉన్నాడు. View this post on Instagram Small wonder ✨ A post shared by Mira Rajput Kapoor (@mira.kapoor) on Mar 29, 2019 at 10:47pm PDT

ముంబై: బాలీవుడ్‌ హీరో షాహిద్‌ కపూర్‌ ఖరీదైన బైక్‌ సొంతం చేసుకున్నాడు. అత్యంత శక్తివంతమైన బీఎండబ్ల్యూ ఆర్‌ 1250 జీఎస్‌ ఎడ్‌వెంచరస్‌ మోటార్‌సైకిల్‌ కొన్నాడు. రూ. 18.25 లక్షలు (ఎక్స్‌ షోరూమ్‌) వెచ్చించి దీన్ని కొనుగోలు చేశాడు. కొత్త బైక్‌తో దిగిన ఫొటోను ఇన్‌స్టాగ్రామ్‌లో షేర్‌ చేశాడు. హైఎండ్‌ బైకులంటే అమితాసక్తి చూపించే షాహిద్‌ కపూర్‌ దగ్గర డుకాటి స్కాంబ్లర్‌ 1200, హార్లే-డేవిడ్‌సన్‌ ఫాట్‌బాయ్‌, యమహా ఎంటీ 01 బైక్‌లు ఉన్నాయి. బీఎండబ్ల్యూ జీ310 ఆర్‌ బైక్‌ను టెస్ట్‌ రైడ్‌ చేసిన ఫొటోను కొద్ది రోజుల క్రితం ట్విటర్‌లో పెట్టాడు. ముంబై ట్రాఫిక్‌లో నడపడానికి అత్యంత అనువుగా ఈ బైక్‌ ఉంటుందని పేర్కొన్నాడు. అయితే ఈ బైక్‌ను కొన్నాడా, లేదా అనేది వెల్లడించలేదు. సుశాంత్‌ సింగ్‌ రాజ్‌పుత్‌, సౌరవ్‌ గంగూలీ, యువరాజ్‌ సింగ్‌ తదితర ప్రముఖులు కూడా బీఎండబ్ల్యూ బైకులు వాడుతున్నారు. షాహిద్‌ కపూర్‌ ప్రస్తుతం సందీప్‌ రెడ్డి వంగా దర్శకత్వంలో అర్జున్‌రెడ్డి’  హిందీ రీమేక్‌లో నటిస్తున్నాడు. ఈసినిమాకు కబీర్‌ సింగ్‌ అనే టైటిల్‌ పెట్టారు. టీ సిరీస్‌, సినీ 1 స్టూడియోస్‌ సంయుక్తంగా నిర్మిస్తున్న ఈ సినిమాలో కియారా అద్వానీ హీరోయిన్‌గా నటిస్తున్నారు. అన్ని కార్యక్రమాలు పూర్తి చేసి సినిమాను 2019 జూన్‌ 21న రిలీజ్ చేసేందుకు ప్లాన్‌ చేస్తున్నారు. View this post on Instagram 1250 reasons to smile. Thank you @bmwmotorrad @bmwmotorrad_in for the stunning gs1250 #bikelover gone mad 🤩 A post shared by Shahid Kapoor (@shahidkapoor) on Mar 7, 2019 at 6:53am PST

డెహ్రాడూన్‌ : షాహిద్‌ కపూర్‌ హీరోగా తెరకెక్కుతున్న బాలీవుడ్‌ సినిమా ‘కబీర్‌ సింగ్‌’  టీమ్‌ విషాదంలో మునిగిపోయింది. టాలీవుడ్‌ సెన్సేషన్‌ మూవీ అర్జున్‌ రెడ్డికి ఈ సినిమా రీమేక్‌ అన్న సంగతి తెలిసిందే. ప్రస్తుతం ఈ సినిమా ముస్సోరీలో షూటింగ్‌ జరుపుకొంటోంది. ఇందులో భాగంగా అక్కడి ఫైవ్‌స్టార్‌ హోటల్‌లో బస చేస్తోంది. ఈ క్రమంలో రామ్‌ కుమార్‌(35) అనే క్రూ మెంబర్‌ ప్రమాదవశాత్తు జనరేటర్‌లో చిక్కుకుని చనిపోయాడు. జనరేటర్‌లో నీటి లెవల్‌ చెక్‌ చేస్తున్న సమయంలో అతడి మఫ్లర్‌ జనరేటర్‌ ఫ్యాన్‌కు చిక్కుకోవడంతో ఈ దుర్ఘటన చోటుచేసుకుంది. కాగా రామ్‌ కుమార్‌ మృతి పట్ల కబీర్‌ సింగ్‌ యూనిట్‌ సంతాపం వ్యక్తం చేసింది. ఈ ఘటన గురించి నిర్మాతలు మాట్లాడుతూ.. ‘ఈ ఘటన మమ్మల్ని ఎంతగానో కలచివేసింది. రామ్‌ కుమార్‌ కుటుంబానికి సానుభూతి తెలుపుతున్నాం. అతడి కుటుంబాన్ని అన్ని విధాలా ఆదుకుంటాం’ అని హామీ ఇచ్చారు. ఇక అర్జున్‌ రెడ్డి డైరెక్టర్‌ సందీప్‌ రెడ్డి వంగా ఈ సినిమాతో బాలీవుడ్‌లో దర్శకుడిగా ఎంట్రీ ఇస్తున్న సంగతి తెలిసిందే. సినీ1 స్టూడియోస్‌, టీ సిరీస్‌ ఫిల్మ్స్‌ సంయుక్తంగా నిర్మిస్తున్న ఈ సినిమాలో షాహిద్‌ సరసన ‘భరత్‌ అనే నేను’ ఫేం కియారా అద్వానీ హీరోయిన్‌గా నటిస్తున్నారు.

కొన్ని పుకార్లకు తలా తోకా ఉండదు. ఎక్కడ నుంచి పుడతాయో కూడా తెలియదు. తాజాగా ముంబైలో ఓ పుకారు షాహిద్‌ కపూర్‌ పొట్టలోనుంచి పుట్టింది. బాలీవుడ్‌ నటుడు షాహిద్‌ కపూర్‌ పొట్ట సంబంధిత క్యాన్సర్‌తో బాధపడుతున్నారు అన్నది ఆ వార్త సారాంశం. కానీ అందులో ఎటువంటి నిజం లేదంటున్నారు షాహిద్‌. ‘‘నేను బాగానే ఉన్నాను. అనవసరమైన పుకార్లను నమ్మకండి’’ అంటూ ట్వీట్‌ చేసి ఫ్యాన్స్‌కున్న డౌట్‌ని క్లియర్‌ చేశారు. ఈ వార్త గురించి షాహిద్‌ కుటుంబ సభ్యులు ముంబై మీడియాతో మాట్లాడుతూ – ‘‘ఏ సంఘటన ఆధారంగా ఇలాంటి కథనాలు అల్లుతారు? ఇలాంటి నిజంలేని వార్తలను ప్రచారం చేస్తే ఊరుకునేది లేదు’’ అని పేర్కొన్నారు. ప్రస్తుతం షాహిద్‌ ‘అర్జున్‌ రెడ్డి’ హిందీ రీమేక్‌ ‘కబీర్‌ సింగ్‌’లో నటిస్తున్నారు.

సాక్షి, న్యూఢిల్లీ : బాలీవుడ్‌ హీరో షాహిద్‌ కపూర్‌ పొత్తికడుపు క్యాన్సర్‌ తొలి దశలో ఉందని ఇంటర్‌నెట్‌లో వార్తలు వైరల్‌ కావడంతో కుటుంబ సభ్యులు అవి కేవలం వదంతులేనని తోసిపుచ్చారు. తాజాగా తనకు స్టమక్‌ క్యాన్సర్‌ సోకిందనే వార్తలు కేవలం వదంతులేనని స్వయంగా షాహిద్‌ కపూర్‌ మంగళవారం ట్వీట్‌ చేశారు. వదంతులను నమ్మవద్దని తాను పూర్తి ఆరోగ్యంగా ఉన్నానని అభిమానులకు భరోసా ఇచ్చారు. అంతకుముందు షాహిద్‌ కుటుంబ సభ్యులు కూడా ఇవి కేవలం పుకార్లేనని కొట్టిపారేశారు. అసలు వారిష్టం వచ్చిన రీతిలో కొందరు ఎందుకిలా రాస్తారు..? ఏ ఆధారంగా ఇలా రాశారు..ఇలాంటి వదంతులు వ్యాపింపచేయడం ఆమోదయోగ్యం కాదని వారు పేర్కొన్నారు. ఇక వృత్తిపరంగా శ్రద్ధాకపూర్‌తో కలిసి బట్టి గుల్‌ మీటర్‌ చాలులో నటించిన షాహిద్‌ ప్రస్తుతం అర్జున్‌రెడ్డి రీమేక్‌ కబీర్‌ సింగ్‌లో టైటిల్‌ రోల్‌ పోషిస్తున్నారు. ఈ మూవీ సెట్‌లో ఫోటోలను అభిమానులతో పంచుకుంటూ షాహిద్‌ హల్‌చల్‌ చేస్తున్నారు. వచ్చే ఏడాది జూన్‌ 21న కబీర్‌ సింగ్‌ థియేటర్లలో సందడి చేయనుంది.

విజయ్‌ దేవరకొం‍డ హీరోగా సందీప్‌ రెడ్డి వంగా దర్శకత్వంలో తెరకెక్కిన సెన్సేషనల్‌ హిట్ సినిమా అర్జున్‌ రెడ్డి. ఈ సినిమాను బాలీవుడ్‌లో షాహిద్‌ కపూర్ హీరోగా రీమేక్‌ చేస్తున్న సంగతి తెలిసిందే. సందీప్‌ దర్శకత్వంలోనే తెరకెక్కుతున్న ఈసినిమాకు కబీర్‌ సింగ్‌ అనే టైటిల్‌ను ఫిక్స్‌ చేశారు. ఇప్పటికే సినిమాలో షాహిద్‌ కపూర్‌కు సంబంధించిన రఫ్‌ లుక్‌ స్టిల్స్‌ సోషల్ మీడియాలో హల్‌ చల్‌ చేస్తున్నాయి. షాహిద్‌ గుబురు గడ్డంతో ఉన్న స్టిల్స్‌కు ఫ్యాన్స్‌ ఫిదా అయిపోతున్నారు. తాజాగా మరో లుక్‌కు సంబంధించిన స్టిల్స్‌ ఇప్పుడు వైరల్‌గా మారాయి. సినిమాలో కాలేజ్‌కు సంబంధించిన సీన్స్‌లో షాహిద్‌ క్లీన్‌ షేవ్‌తో కనిపించాడు. ప్రస్తుతం ఆ సన్నివేశాల చిత్రీకరణ జరుగుతోంది. క్లీన్‌ షేవ్‌తో ఇంటెన్స్‌గా కనిపిస్తున్న షాహిద్‌ లుక్‌కు సూపర్బ్ రెస్పాన్స్ వస్తోంది.  టీ సిరీస్‌, సినీ 1 స్టూడియోస్‌ సంయుక్తంగా నిర్మిస్తున్న ఈ సినిమాలో భరత్‌ అనే నేను ఫేం కియారా అద్వానీ హీరోయిన్‌గా నటిస్తున్నారు. అన్ని కార్యక్రమాలు పూర్తి చేసి సినిమాను 2019 జూన్‌ 21న రిలీజ్ చేసేందుకు ప్లాన్‌ చేస్తున్నారు. విక్రమ్‌ తనయుడు ధృవ్‌ హీరోగా బాల దర్శకత్వంలో అర్జున్‌ రెడ్డి తమిళ రీమేక్‌ వర్మ షూటింగ్ కూడా చివరి దశకు చేరుకుంది.

స్టార్‌ కిడ్స్‌ అంటే అభిమానుల్లోనే కాదు ఇటు సాధారణ ప్రేక్షకులకూ ఆసక్తే. అందుకే స్టార్‌ కిడ్స్‌ కెమెరా ముందుకు వచ్చిన ప్రతీసారి ఆసక్తి కనబరుస్తారు. కొత్తగా పుట్టిన వారు ఎలా ఉన్నారు? అని తెలుసుకోవాలనుకోవడంలో ప్రత్యేక శ్రద్ధ చూపిస్తుంటారు. తాజాగా బాలీవుడ్‌ నటుడు షాహిద్‌ కపూర్‌ రెండోసారి తండ్రి అయిన సంగతి తెలిసిందే. ఇప్పుడు ఆ బాబు ఫొటోను అభిమానులతో పంచుకున్నారు షాహిద్‌ కపూర్‌ భార్య మీరా కపూర్‌. ‘హలో వరల్డ్‌’ అంటూ ఈ ఫొటోను పంచుకున్నారు. ఈ బాబుకు జైన్‌ కపూర్‌ అని నామకరణం చేశారు. ఆల్రెడీ ఈ జంటకు మిషా అనే పాప ఉన్న సంగతి తెలిసిందే.

ముంబై : టాలీవుడ్‌ సెన్సేషన్‌ అర్జున్‌ రెడ్డి హిందీ రిమేక్‌లో నటిస్తున్న బాలీవుడ్‌ హీరో షాహిద్‌ కపూర్‌ను ఆ పాత్ర ఆవహించినట్టుంది. చిత్ర షూటింగ్‌లో హీరోయిన్‌కు లిప్‌లాక్స్‌ ఇచ్చి అలవాటైన ఈ హిందీ అర్జున్‌ రెడ్డి ఇంట్లోను తన భార్యకు లిప్‌లాక్స్‌ ఇస్తున్నాడు. ఈ ఫొటోలను అతని సతీమణి మీరా కపూర్‌ ‘ప్రేమ ఒక్కటే.. హ్యాపీ దీపావళి’ అనే క్యాప్షన్‌తో సోషల్‌ మీడియాలో పోస్ట్‌ చేయడంతో ఈ విషయం తెలిసింది. ఇక ఈ లిప్‌లాక్‌ ఫొటోలపై నెటిజన్లు భిన్నాభిప్రాయాలు వ్యక్తం చేస్తున్నారు. కొందరు ఈ జంటను సమర్ధిస్తుంటే మరికొందరు మండిపడుతున్నారు.  ‘ఇది దీపావళి.. హనీమూన్‌ కాదు’ అని ఒకరంటే.. ‘ఇది థర్డ్‌ క్లాస్‌ దీపావళి.. మీ చర్యతో సిగ్గుపడుతున్నా’ అని మరొకరు ఘాటుగా కామెంట్ చేస్తున్నారు. దేశ సంప్రదాయాన్ని గంగలో కలుపుతున్నారని, దీపావళికి, వాలెంటైన్స్‌డేకు వ్యత్యాసం లేకుండా పోయిందని ఇంకొకరు ఆగ్రహం వ్యక్తం చేస్తున్నారు.  దీంతో ప్రస్తుతం ఈ ఫొటో నెట్టింట్లో హల్‌చల్‌ చేస్తోంది. ఇక ఈ లిప్‌లాక్‌కు 4లక్షలకు పైగా లైక్స్‌రాగా.. వేల కాంప్లిమెంట్స్‌ వచ్చాయి.  View this post on Instagram Only love 💕Happy Diwali! A post shared by Mira Rajput Kapoor (@mira.kapoor) on Nov 7, 2018 at 7:03am PST

‘అర్జున్‌ రెడ్డి’ ఎంతటి ప్రభంజనం సృష్టించిందో తెలిసిందే. ప్రస్తుతం ఈ సినిమా బాలీవుడ్‌లో రీమేక్‌ అవుతోంది. షాహిద్‌ కపూర్, కియారా అద్వానీ జంటగా తెలుగు వెర్షన్‌ని డైరెక్ట్‌ చేసిన సందీప్‌ రెడ్డి వంగా ఈ రీమేక్‌కు దర్శకత్వం వహిస్తున్నారు. ఈ సినిమాకు ‘కబీర్‌ సింగ్‌’ అనే టైటిల్‌ ఫిక్స్‌ చేశారు. బిగించి ఉన్న పిడికిలిని లవ్‌ సింబల్‌గా చేసి ఉన్న గుర్తుతో ఉన్న టైటిల్‌ పోస్టర్‌ను రిలీజ్‌ చేశారు. వచ్చే ఏడాది జూన్‌ 21న విడుదల కానున్న ఈ చిత్రం రెగ్యులర్‌ షూటింగ్‌ ప్రస్తుతం ముంబైలో జరుగుతోంది. ‘‘అర్జున్‌రెడ్డి’ ని ప్రేమించారు, అభినందించారు. ఇప్పుడు ‘కబీర్‌ సింగ్‌’ వంతు వచ్చింది. వేచి చూడండి’’ అని షాహిద్‌ కపూర్‌ పేర్కొన్నారు.

‘ప్రేమికుడు’ చిత్రంలోని ‘ఊర్వశి ఊర్వశి టేక్‌ ఇట్‌ ఈజీ ఊర్వశి’ పాట ఎంత పాపులరో తెలిసిందే. ప్రభుదేవా, నగ్మా జంటగా శంకర్‌ దర్శకత్వంలో 1994లో వచ్చిన ఈ  చిత్రంలోని ఆ పాట కుర్రకారును ఓ ఊపు ఊపేసింది. ఆ పాటలో ప్రభుదేవా వేసిన నృత్యాలను అంత సులభంగా మరచిపోలేరు ప్రేక్షకులు. ఎంతో క్రేజ్‌ ఉన్న ఈ పాటను తాజాగా హిందీలో షాహిద్‌ కపూర్, కియారా అద్వానీలపై రీమిక్స్‌ చేశారు. డైరెక్టర్‌ గిఫ్టీ ఈ పాటకు దర్శకత్వం వహించగా, నిర్మాత భూషణ్‌ కుమార్‌ నిర్మించారు. ప్రముఖ గాయకుడు యోయో హనీ సింగ్‌ ఈ పాటను కంపోజ్‌ చేసి, పాడటం విశేషం. అయితే పాటలోని లిరిక్స్‌ని మార్చి కేవలం ‘ఊర్వశి ఊర్వశి టేక్‌ ఇట్‌ ఈజీ ఊర్వశి’ని మాత్రమే తీసుకున్నారు. నైట్‌ క్లబ్‌లో చిత్రీకరించిన ఈ పాటలో షాహిద్‌ కపూర్‌ తన నృత్యాలతో ఆకట్టుకున్నారు. ‘భరత్‌ అనే నేను’ చిత్రంతో తెలుగు ప్రేక్షకులను అలరించిన బాలీవుడ్‌ బ్యూటీ కియారా అద్వానీ ఈ పాటలో మరింత అందంగా కనిపించారు. ప్రస్తుతం షాహిద్, కియారా తెలుగులో ఘన విజయం సాధించిన ‘అర్జున్‌రెడ్డి’ సినిమా హిందీ రీమేక్‌లో నటిస్తోన్న సంగతి తెలిసిందే. ఈ పాటను ఆ సినిమా కోసం రీమిక్స్‌ చేయలేదట. ఓ ప్రైవేట్‌ ఆల్బమ్‌ కోసమట.

ప్రభుదేవా హీరోగా శంకర్‌ దర్శకత్వంలో తెరకెక్కిన సూపర్ హిట్ సినిమా ప్రేమికుడు. ఈ సినిమాలో సూపర్‌ హిట్ అయిన ఊర్వశి ఊర్వశి టేక్‌ ఇట్‌ ఈజీ ఊర్వశి పాటకు ఇన్నేళ్ల తరువాత ఓ రిమిక్స్‌ వర్సణ్ వచ్చింది. అయితే రిమిక్స్‌ సినిమా కోసం చేసింది కాదు ఓ వీడియో ఆల్బమ్‌కోసం ఆ పాటను రిమిక్స్‌ చేశారు. పాటలోని ఊర్వశి ఊర్వశి టేక్‌ ఇట్‌ ఈజీ ఊర్వశి మెయిన్‌ లైన్స్‌ మాత్రమే తీసుకొని మిగతా అంతా కొత్త లిరిక్స్‌ తో ఈ పాటను రూపొదించారు. సెన్సేషనల్ బాలీవుడ్ సింగర్‌ యో యో హనీ సింగ్ స్వయంగా ఈ పాటను కంపోజ్‌ చేసి ఆలపించారు. ఈ ఆల్బమ్‌లో అర్జున్‌ రెడ్డి హిందీ రీమేక్‌లో జంటగా నటిస్తున్న షాహిద్ కపూర్‌, కియారా అద్వానీలు జంటగా కనిపించారు.

బాలీవుడ్‌లో ఇప్పుడందరూ కథానాయిక కియారా అద్వానీని ప్రీతీ.. ప్రీతీ అని పిలుస్తున్నారు. ఎందుకంటే ఆమె నెక్ట్స్‌ సినిమాలో ప్రీతి అనే క్యారెక్టర్‌ చేయబోతున్నారు. తెలుగులో సూపర్‌హిట్‌ సాధంచిన ‘అర్జున్‌రెడ్డి’ సినిమా హిందీలో రీమేక్‌ అవ్వనున్న సంగతి తెలిసిందే. తెలుగు వెర్షన్‌ను డైరెక్ట్‌ చేసిన సందీప్‌రెడ్డి వంగానే హిందీ రీమేక్‌ను కూడా తెరకెక్కించనున్నారు. తెలుగులో హీరో విజయ్‌ దేవరకొండ చేసిన పాత్రను హిందీలో షాహిద్‌ కపూర్‌ చేయనున్నారు. అలాగే హీరోయిన్‌ షాలిని పాండే రోల్‌ (ప్రీతి)ను ఫైనల్‌గా కియారా అద్వానీ దక్కించుకున్నారు. ఈ విషయాన్ని అధికారికంగా ప్రకటించింది టీమ్‌. ‘‘హిందీ ‘అర్జున్‌రెడ్డి’కి హీరోయిన్‌ దొరికింది. కియారా అద్వానీ అలియాస్‌ ప్రీతికి స్వాగతం’’ అని షాహిద్‌ కపూర్‌ పేర్కొన్నారు. ‘‘వన్నాఫ్‌ మై ఫెవరెట్‌ ఫిల్మ్స్‌లో ‘అర్జున్‌రెడ్డి’ కచ్చితంగా ఉంటుంది. ఇప్పుడీ సినిమాను హిందీలో రీక్రియేట్‌ చేయబోతున్నందుకు హ్యాపీగా ఉంది. అమేజింగ్‌ టీమ్‌ కుదిరింది. ఈ సినిమాలోని హీరోయిన్‌ క్యారెక్టర్‌లో డిఫరెంట్‌ షేడ్స్‌ ఉన్నాయి. చాలా ఎగై్జటింగ్‌గా ఉంది’’ అన్నారు కియారా. ఈ చిత్రం షూటింగ్‌ వచ్చే నెల ప్రారంభం అవుతుందని బాలీవుడ్‌ టాక్‌. 

టాలీవుడ్‌లో ‘అర్జున్‌ రెడ్డి’ సృష్టించిన సంచలనం అంతా ఇంతాకాదు. ఈ సినిమాలో తన నటనతో విజయ్‌ దేవరకొండ ఓవర్‌నైట్‌ స్టార్‌ అయ్యాడు. ఇక ఇంతటి సెన్సేషన్‌ క్రియేట్‌ చేసిన అర్జున్‌ రెడ్డిని పలుభాషల్లో రీమేక్‌ చేస్తోన్న సంగతి తెలిసిందే. ఇప్పటికే తమిళ్‌లో ‘వర్మ’ పేరుతో తెరకెక్కిస్తోండగా.. బాలీవుడ్‌లో షూటింగ్‌కు రెడీ అవుతోంది.  సందీప్‌ వంగా డైరెక్షన్‌లో తెరకెక్కుతున్న ఈ మూవీలో షాహిద్‌ కపూర్‌ నటించగా, హీరోయిన్‌గా కియారా అద్వాణీ నటించబోతున్నట్లు సమాచారం. భరత్‌ అనే నేను సినిమాతో తెలుగులో పరిచయమైన ఈ భామ ప్రస్తుతం రామ్‌చరణ్‌-బోయపాటి కాంబినేషన్‌లో రాబోతోన్న సినిమాలో నటిస్తోన్న విషయం తెలిసిందే. కియారా అద్వాణీ రీసెంట్‌గా వచ్చిన ‘లస్ట్‌ స్టోరిస్‌’ వెబ్‌ సిరీస్‌లో నటించి వివాదాస్పదమైన విషయం తెలిసిందే. 

‘‘మా అబ్బాయి జైన్‌ కపూర్‌కి బహుమతులు వద్దు. మీ ప్రేమ, ఆశీర్వాదాలు ఉంటే చాలు’’ అంటున్నారు మీరా రాజ్‌పుత్‌. బాలీవుడ్‌ స్టార్‌ షాహిద్‌ కపూర్‌ శ్రీమతినే ఈ మీరా రాజ్‌పుత్‌. ఇంతకీ విషయం ఏంటంటే.. ఇటీవల మీరా ఓ బాబుకి జన్మనిచ్చిన సంగతి తెలిసిందే. ఈ బుడతడికి జైన్‌కపూర్‌కు అని పేరు పెట్టారు. ఈ బుజ్జిగాడికి షాహిద్‌ ఫ్యాన్స్‌ బోలెడు బహుమతులను పంపించారు. ఈ విషయంపై మీరా స్పందించారు. ‘‘ఎంతో అభిమానంతో జైన్‌ కపూర్‌కు బహుమతులు పంపిస్తున్న ఫ్యాన్స్‌కు ధన్యవాదాలు. కానీ మీ గిఫ్ట్‌లను నిజంగా అవసరం ఉన్న చిన్నారులకు, వారి కుటుంబాలకు అందించండి. అప్పుడు ఇంకా ఎక్కువమంది ఆనందపడతారు’’ అన్నారామె. ఈ దంపతులకు ఇదివరకే మిషా అనే కుమార్తె ఉన్న విషయం తెలిసిందే. ఇక సినిమాల దగ్గరకు వస్తే... తెలుగు హిట్‌ ‘అర్జున్‌రెడ్డి’ హిందీ రీమేక్‌లో షాహిద్‌ కపూర్‌ నటించనున్నారు. త్వరలో షూటింగ్‌ స్టార్ట్‌ కానుంది.

బాలీవుడ్‌ అర్జున్‌ రెడ్డి తన ప్రయాణాన్ని స్టార్ట్‌ చేయడానికి డేట్‌ రెడీ చేసుకున్నారు. ఒక్కసారి స్టార్ట్‌ అయితే ఇక నో బ్రేక్స్‌ అంటున్నారు. గతేడాది తెలుగులో సూపర్‌ హిట్‌ అయిన ‘అర్జున్‌ రెడ్డి’ బాలీవుడ్‌లో రీమేక్‌ అవుతోంది. షాహిద్‌ కపూర్‌ టైటిల్‌ రోల్‌ చేయనున్న సంగతి తెలిసిందే. తెలుగు వెర్షన్‌ని డైరెక్ట్‌ చేసిన సందీప్‌ రెడ్డి వంగానే ఈ రీమేక్‌ను డైరెక్ట్‌ చేయనున్నారు. పలుమార్లు డిలే అవుతూ వచ్చిన ఈ సినిమా రెగ్యులర్‌ షూటింగ్‌ ఈ నెల 19న స్టార్ట్‌ కానుంది. ఈ క్యారెక్టర్‌ కోసం మరింత గడ్డం పెంచడానికి టైమ్‌ తీసుకున్నారు షాహిద్‌ కపూర్‌. తొలుత ఈ సినిమాలో తారా సుతారియాని హీరోయిన్‌గా అనుకున్నారు కానీ కుదరకపోవడంతో ఈ ప్రాజెక్ట్‌ నుంచి ఆమె తప్పుకున్నారు.

టాలీవుడ్ సెన్సేషన్‌ హిట్ అర్జున్‌ రెడ్డి కోలీవుడ్, బాలీవుడ్‌లలో రీమేక్‌ అవుతున్న సంగతి తెలిసిందే. హిందీ రీమేక్‌కు ఒరిజినల్‌కు దర్శకత్వం వహించిన సందీప్‌ రెడ్డి వంగా దర్శకత్వం వహిస్తున్నాడు. ఈ సినిమాలో బాలీవుడ్ యువ కథానాయకుడు షాహిద్ కపూర్ హీరోగా నటిస్తుండగా తారా సుతారియా హీరోయిన్ గా నటించేందుకు ఓకె చెప్పారు. త్వరలో షూటింగ్ ప్రారంభం కానున్న ఈ సినిమాకు హీరోయిన్‌ తారా షాక్‌ ఇచ్చారు. ప్రస్తుతం ఈ భామ టైగర్‌ ష్రాఫ్ సరసన స్టూడెంట్ ఆఫ్ ది ఇయర్ 2 లో నటిస్తున్నారు. ఈ సినిమా షూటింగ్‌ అనుకున్న సమయానికి పూర్తి కాకపోవటంతో అర్జున్‌ రెడ్డి రీమేక్‌కు డేట్స్‌ అడ్జస్ట్ చేయలేక తప్పుకున్నారట. అయితే మరో కారణం కూడా ఉందన్న టాక్‌ వినిపిస్తోంది. కెరీర్‌ స్టార్టింగ్‌లోనే బోల్డ్ క్యారెక్టర్ చేయటం కరెక్ట్ కాదేమో అన్న ఆలోచనతోనే ఈ ప్రాజెక్ట్‌ నుంచి తారా తప్పుకున్నట్టుగా ప్రచారం జరుగుతోంది. విజయ్‌ దేవరకొండ, షాలిని పాండే హీరో హీరోయిన్లుగా తెరకెక్కిన అర్జున్‌ రెడ్డి భారీ వివాదాల మధ్య ప్రేక్షకుల ముందుకు వచ్చిన సంచలన విజయం సాధించింది. ఈ సినిమాతో కోలీవుడ్ స్టార్ హీరో విక్రమ్‌ కుమారుడు ధృవ్‌ హీరోగా కోలీవుడ్‌కు పరిచయం అవుతున్నాడు. వర్మ పేరుతో తెరకెక్కుతున్న తమిళ వర్షన్‌కు బాల దర్శకత్వం వహిస్తున్నారు.

బాలీవుడ్‌లో బెస్ట్‌ జోడి షాహిద్‌ కపూర్‌, మీరా రాజ్‌పుత్‌లు. వీరి ఇంట ఇప్పుడు ఆనందాలు వెల్లివిరుస్తున్నాయి. మీరా నిన్న సాయంత్రం పండంటి మగబిడ్డకు జన్మనిచ్చింది. తమ చిన్ని రాకుమారుడు పేరును షాషిద్‌ కపూర్‌, అందరూ ఊహించినట్టుగానే నేడు ట్విటర్‌ అకౌంట్‌ ద్వారా వెల్లడించాడు. తమ రాకుమారుడు పేరు ‘జైన్‌ కపూర్‌’ గా పేర్కొన్నాడు. ‘జైన్‌ కపూర్‌ ఇక్కడ. మేము పూర్తి అనుభూతి చెందుతున్నాం. అందరి అభినందనలకు, ఆశీర్వాదాలకు ధన్యవాదాలు. మేము చాలా ఎంజాయ్‌ చేస్తున్నాం. లవ్‌ టూ ఆల్‌’ అని ట్వీట్‌ చేశారు. అంతేకాక, షాహిద్‌ కపూర్‌ తన భార్య కోసం ప్రత్యేకంగా ఓ క్యూట్‌ బర్త్‌డే కేక్‌ను కూడా డిజైన్‌ చేయించారు. డఫోడిల్‌క్రియేషన్స్‌ ఈ కేక్‌ను డిజైన్‌ చేశారు. దానిపై హ్యాపీ బర్త్‌డే మదర్‌ హెన్‌ అని రాయించాడు షాహిద్‌.  తన చిన్ని రాకుమారుడి పేరును రివీల్‌ చేస్తూ షాహిద్‌ కపూర్‌ చేసిన ట్వీట్‌కు అభినందనలు వెల్లువెత్తుతున్నాయి. ‘జైన్‌ కపూర్‌ కూడా తన పేరు లాగా చాలా అందంగా ఉంటాడు. బేబి బాయ్‌ను చూడటానికి మేమందరం ఎంతో ఆతృతగా వేచిచూస్తున్నాం’ అని డాక్టర్‌ ఇందిరా ట్వీట్‌ చేశారు. ‘జైన్‌ చూడటానికి మేమందరం వేచిచేయలేకపోతున్నాం. మా ప్రేమను, అభినందనలను పంపుతున్నాం’టాటాస్కై కూడా ట్వీట్‌ చేసింది. ఆల్రెడీ షాహిద్, మీరా దంపతులకు మిషా అనే కుమార్తె ఉన్న సంగతి తెలిసిందే. ఇప్పుడు బాబు పుట్టడంతో, వారి ఫ్యామిలీ పూర్తైనట్టు కుటుంబ సభ్యులు ఆనందం వ్యక్తం చేస్తున్నారు.  Zain Kapoor is here and we feel complete. Thank you for all the wishes and blessings. We are overjoyed and so grateful. Love to all. ❤️🙏 — Shahid Kapoor (@shahidkapoor) September 7, 2018

బాలీవుడ్‌ ‘అర్జున్‌ రెడ్డి’ షాహీద్‌ కపూర్‌ ఇంట ఆనందాలు వెల్లివిరుస్తున్నాయి. ప్రస్తుతం షాహీద్‌ ఇంటికి అభిమానులు, స్నేహితులు నుంచి అభినందనలు వరుసకడుతున్నాయి. విషయం ఏంటో ఈ పాటికే మీకు అర్థమయ్యి ఉంటుంది.. అవును షాహీద్‌ కపూర్‌ మరోసారి తండ్రయ్యాడు. షాహీద్‌ కపూర్‌ - మీరా రాజ్‌పుత్‌ల ఇంటికి ఓ చిన్ని రాకుమారుడు వచ్చాడు. బుధవారం సాయంత్రం ముంబైలోని హిందుజా ఆస్పత్రిలో మీరా రాజ్‌పుత్‌ పండంటి మగబిడ్డకు జన్మనిచ్చారు. ఈ విషయాన్ని మీరా రాజ్‌పుత్‌ ప్రాణ స్నేహితురాలు ప్రగ్యా యాదవ్‌ తన ఇన్‌స్టాగ్రామ్‌ ద్వారా తెలియజేశారు. View this post on Instagram Biggest congratulations to all of you!!! ❤️ My darling Mira it’s been a beautiful journey and I’m so happy I got to share it with you, it’s been special! love love and more love 💖💕🌸 @mira.kapoor #itsaboy #bumpbuddies #love #kapoors A post shared by Pragya Kapoor (@pragyadav) on Sep 5, 2018 at 10:29am PDT ‘నా స్నేహితురాలు మీరా రాజ్‌పుత్‌కి కుమారుడు జన్మించాడు. తనకు నా శుభాకాంక్షలు.. ఈ సంతోషకరమైన విషయాన్ని మీ అందరితో పంచుకోవాలని అనుకున్నాను’ అంటూ ప్రగ్యా యాదవ్‌ తన ఇన్‌స్టాగ్రామ్‌లో పోస్ట్‌ చేశారు. ఇది తెలిసిన వెంటనే అలియా భట్‌ తన స్నేహితుడు, సహ నటుడు అయిన షాహీద్‌ కపూర్‌కి అభినందనలు తెలిపారు. అలియా ‘షాన్‌దార్‌’, ‘ఉడ్తా పంజాబ్‌’ వంటి చిత్రాల్లో షాహీద్‌ కపూర్‌ సరసన నటించిన సంగతి తెలిసిందే. నిన్న సాయంత్ర మీరా రాజ్‌పూత్‌ని హిందూజ ఆస్పత్రిలో చేర్పించారు. ఆ వెంటనే షాహీద్‌ కపూర్‌, మీరా రాజ్‌పుత్‌ల తల్లులు ఆస్పత్రి వద్దకు చేరుకున్నారు. ఆల్రెడీ షాహిద్, మీరా దంపతులకు మిషా అనే కుమార్తె ఉన్న సంగతి తెలిసిందే. ప్రస్తుతం షాహీర్‌ కపూర్‌ తెలుగు ‘అర్జున్‌ రెడ్డి’ హిందీ రీమేక్‌లో నటిస్తున్న సంగతి తెలిసిందే. ఈ చిత్రం వచ్చే ఏడాది జూన్‌ 21న విడుదల కానున్నట్లు సమాచారం.

బాలీవుడ్‌లో బయోపిక్స్‌ హవా కొనసాగుతోంది. ముఖ్యంగా స్పోర్ట్స్‌ బేస్డ్‌ బయోపిక్స్‌కు బాగా గిరాకీ ఉన్నట్లు కనిపిస్తోంది. ఆల్రెడీ రన్నర్‌ మిల్కాసింగ్, లేడీ బాక్సర్‌ మేరి కోమ్, క్రికెటర్‌ ధోనీ, రెజ్లర్‌ మహావీర్‌ సింగ్‌ ఫోగట్, హాకీ ప్లేయర్స్‌ సందీప్‌సింగ్, బల్బీర్‌సింగ్‌ బయోపిక్‌లు  వెండితెరపైకి వచ్చాయి. క్రికెటర్‌ కపిల్‌దేవ్, ఫుట్‌బాల్‌ కోచ్‌ సయ్యద్‌ అబ్దుల్‌ రహీమ్, బ్యాడ్మింట¯Œ ప్లేయర్‌ పుల్లెల గోపీచంద్, బ్యాడ్మింటన్‌ ప్లేయర్‌ సైనా నెహ్వాల్‌ బయోపిక్స్‌ రానున్నాయి. ఇప్పుడీ జాబితాలోకి మణిపూర్‌ బాక్సర్‌ డింగ్‌కో సింగ్‌ బయోపిక్‌ చేరనుంది.  రాజ కృష్ణమీనన్‌ దర్శకత్వం వహించనున్న ఈ చిత్రంలో షాహిద్‌ కపూర్‌ హీరోగా నటించనున్నారు. ‘‘1998 బ్యాంకాక్‌ ఆసియన్‌ గేమ్స్‌లో బాటమ్‌ వెయిట్‌ కేటగిరీలో డింగ్‌కో గోల్డ్‌ మెడల్‌ సాధించారు. పద్మశ్రీ అవార్డు కూడా సాధించారు. ఆ తర్వాత క్యాన్సర్‌ వ్యాధితో బాధపడ్డారు. ఇలా ఆయన జీవితంలో చాలా ఆసక్తికర విషయాలు ఉన్నాయి. ఇలాంటి వ్యక్తుల చరిత్ర అందరికీ తెలియాలి’’ అని చిత్రబృందం పేర్కొంది.

బాలీవుడ్‌ హీరో షాహిద్‌ కపూర్‌ భార్య మీరా రాజ్‌పుత్‌కు సోషల్‌ మీడియాలో చేదు అనుభవం ఎదురైంది. ఓ ప్రముఖ సౌందర్య సాధనాల సంస్థ ప్రకటనలో నటించినందుకు ఆమెపై నెటిజన్లు ఆగ్రహం వ్యక్తం చేస్తున్నారు. అసలు విషయమేమిటంటే... త్వరలోనే రెండో బిడ్డకు జన్మనివ్వబోతున్న మీరా.. తాను తొలిసారిగా నటించిన ఓ టీవీ కమర్షియల్‌ యాడ్‌తో ప్రేక్షకుల ముందుకు వచ్చారు. ఇందుకు సంబంధించిన వీడియోను మంగళవారం తన ఇన్‌స్టాగ్రామ్‌లో పోస్ట్‌ చేశారు. ‘తల్లిగా మారినంత మాత్రాన.. మీకు మీరుగా ఉండే హక్కును కోల్పోయినట్టు కాదుగా.. ఇదిగో ఇదే నా రీబార్న్‌ స్టోరీ’  అంటూ యంటీ ఏజింగ్‌కు క్రీమ్‌కు సంబంధించిన తన వీడియోను పోస్ట్‌ చేశారు. మీరా వీడియోకు స్పందనగా.. ‘ 23 ఏళ్ల యువతి.. యాంటీ ఏజింగ్‌ క్రీమ్‌కు ప్రచారం చేయడమేంటి.. నాన్సెన్స్‌’  అంటూ ఓ నెటిజన్‌ కామెంట్‌ చేయగా... ‘నయవంచకురాలిగా ప్రవర్తిస్తున్నారు. చర్మ సౌందర్యం కోసం సహజ సిద్ధమైన ఉత్పత్తులే వాడతానంటూ ఇది వరకు ఎన్నో ఇంటర్వ్యూల్లో చెప్పారు. కానీ ఇప్పుడు మాట తప్పారు. ఇలాంటి ఉత్పత్తులకు ప్రచారం చేసి మిమ్మల్ని మీరు తగ్గించుకోకండి. అలాంటి పనులు మానుకోండి. మిమ్మల్ని చూసి సిగ్గు పడుతున్నానంటూ’ అంటూ మరొకరు ఫైర్‌ అయ్యారు. Being a mother doesn’t mean you stop being yourself right? I took the #Olay #SkinTransformation #28Daychallenge Here’s my #Reborn story.. what’s yours? @olayindia A post shared by Mira Rajput Kapoor (@mira.kapoor) on Aug 6, 2018 at 12:11pm PDT

గడ్డం ఫుల్‌గా పెరగనిదే సెట్స్‌లోకి రానని చెప్తున్నారట షాహిద్‌ కపూర్‌. ఎందుకంటే తెలుగు ‘అర్జున్‌ రెడ్డి’ హిందీ రీమేక్‌లో ఆయన హీరోగా నటించనున్నారు. తెలుగులో దర్శకత్వం వహించిన సందీప్‌ రెడ్డి వంగానే హిందీ కూడా చేయనున్నారు. ఈ సినిమా తొలి షెడ్యూల్‌ ఈపాటికే స్టార్ట్‌ కావాల్సింది. క్యారెక్టర్‌ దృష్ట్యా హీరో గడ్డం పెంచాల్సి ఉంది. కానీ షాహిద్‌కు గుబురు గడ్డం రావడానికి ఇంకా టైమ్‌ పడుతుందట. డూప్లికెట్‌ గడ్డంతో ప్రొసీడ్‌ అవుదామన్నా ఒరిజనలే ముద్దు అని ఫిక్సయ్యారట. అందుకే ఈ సినిమా షూటింగ్‌ అనుకున్న సమయానికన్నా కాస్త ఆలస్యంగా ఆరంభమవుతుంది. ఫైనల్లీ ఈ నెల 20న స్టార్ట్‌ చేయాలనుకుంటున్నారు. ఫస్ట్‌ షెడ్యూల్‌ను కంప్లీట్‌ చేసిన తర్వాత  షాహిద్‌ బ్రేక్‌ తీసుకుంటారట. ఆయన సతీమణి మీరా మరో బిడ్డకు జన్మనిచ్చేందుకు రెడీ అవుతుండటమే ఇందుకు కారణం. ఆల్రెడీ షాహిద్, మీరా దంపతులకు మిషా అనే కుమార్తె ఉన్న సంగతి తెలిసిందే. హిందీ ‘అర్జున్‌ రెడ్డి’ వచ్చే ఏడాది జూన్‌ 21న థియేటర్స్‌లోకి వస్తాడట.

అర్జున్‌ రెడ్డి సృష్టించిన ప్రభంజనం అంతా ఇంతా కాదు. అర్జున్‌ రెడ్డి పాత్రలో నటించిన విజయ్‌ దేవరకొండ ఓవర్‌ నైట్‌ స్టార్‌ అయ్యాడు. దర్శకుడిగా సందీప్‌ రెడ్డి వంగా మొదటి సినిమాతోనే తిరుగులేని విజయం సాధించాడు. ఈ సినిమాను రీమేక్‌ చేసేందుకు బాలీవుడ్‌, కోలీవుడ్‌లు ముందుకు వచ్చాయి.  కోలీవుడ్‌లో విక్రమ్‌ తనయుడు ధృవ్‌ను హీరోగా పరిచయం చేస్తూ..విలక్షణ దర్శకుడు బాలా తమిళ్‌లో అర్జున్‌ రెడ్డిని ‘వర్మ’ పేరుతో తెరకెక్కిస్తున్నారు. ఇక బాలీవుడ్‌లో ఈ సినిమాను షాహిద్‌ కపూర్‌ హీరోగా ‘అర్జున్‌ రెడ్డి’ టైటిల్‌తో.. సందీప్‌ రెడ్డి వంగా తెరకెక్కించనున్న విషయం తెలిసిందే. అయితే ఈ సినిమా రెగ్యులర్‌ షూటింగ్‌ ఆగస్ట్‌లో ప్రారంభం కానుందని, అంతే కాకుండా.. వచ్చే ఏడాది జూన్‌ 21న ఈ సినిమాను విడుదల చేయనున్నట్లు మేకర్స్‌ ప్రకటించారు.  #BreakingNews: #ArjunReddy to release on 21 June 2019... Stars Shahid Kapoor... Directed by Sandeep Vanga... Produced by Bhushan Kumar, Murad Khetani, Krishan Kumar and Ashwin Varde... Filming begins Aug 2018... Remake of Telugu hit #ArjunReddy. — taran adarsh (@taran_adarsh) 31 July 2018

‘మనస్ఫూర్తిగా హత్తుకోవాలనిపించే, ప్రేమగా ముద్దాడాలనిపించే, ఆ ప్రేమ మరీ ఎక్కువైతే కాస్త గట్టిగానే ఓ కిక్‌ ఇవ్వాలనిపించే వ్యక్తిని కనుగొనండి. మీకెంతో ప్రియమైన ఆ వ్యక్తిని మీ జీవితం నుంచి ఎప్పటికీ వెళ్లనీయకండి’  అంటూ మీరా రాజ్‌పుత్‌ తన భర్త షాహిద్‌ కపూర్‌ను హత్తుకుని ఉన్న ఫొటోను ఇన్‌స్టాగ్రామ్‌లో షేర్‌ చేశారు. త్వరలోనే రెండో బిడ్డకి జన్మనివ్వబోతున్న మీరాకు షాహిద్‌ ఇటీవలే సీమంతం చేసి సర్‌ప్రైజ్‌ చేశాడు. ఈ వేడుకకు సంబంధించిన ఫొటోను షేర్‌ చేసిన మీరా.. భర్తపై తనకున్న ప్రేమను తెలియజేస్తూ చేసిన పోస్ట్‌ అభిమానులను ఫిదా చేస్తోంది. ‘సో స్వీట్‌... నాకు ఆనంద భాష్పాలు ఆగటం లేదు.. ఈ భూమి మీద ఉన్న అందమైన జంట మీరేనని చెప్పటానికి ఈ ఒక్క ఫొటో చాలు’  అంటూ అభిమానులు ఆనందం వ్యక్తం చేస్తున్నారు. బేబీ ప్రాడక్ట్‌ యాడ్‌లో.. 2016లో మిషాకు జన్మనిచ్చిన షాహిద్‌- మీరా దంపతులు త్వరలోనే మరో బేబీని తమ జీవితాల్లోకి ఆహ్వానించబోతున్న విషయం తెలిసిందే. ఈ క్రమంలోనే ఓ ప్రముఖ బేబీ ప్రాడక్ట్‌ కంపెనీ మీరాతో యాడ్‌ రూపొందించిందని వార్తలు వినిపిస్తున్నాయి. నటిగా ఏమాత్రం అనుభవం లేనప్పటికీ మీరా సింగిల్‌ టేక్‌లోనే షాట్‌ ఓకే చేశారని ఓ వెబ్‌సైట్‌ పేర్కొంది. త్వరలోనే ఆ యాడ్‌ ప్రేక్షకుల ముందుకు రానుందని తెలిపింది. ఇక షాహిద్‌ విషయానికొస్తే.. శ్రీ నారాయణ్‌ సింగ్‌ దర్శకత్వంలో తెరకెక్కుతోన్న ‘భట్టీ గుల్‌ మీటర్‌ చాలు’ , అర్జున్‌ రెడ్డి రీమేక్‌లో నటిస్తున్నారు. Find someone you can hug, kiss and kick. And then don’t ever let them go 💋 A post shared by Mira Rajput Kapoor (@mira.kapoor) on Jul 29, 2018 at 9:30pm PDT

సిల్వర్‌ స్క్రీన్‌ రాణి పద్మావతికి మైనపు విగ్రహ ప్రతిష్టకు ఏర్పాట్లు జరిగిన మూడు గంటల్లోపే మహారాజా  రతన్‌సింగ్‌కు కూడా ఆ గౌరవం దక్కింది. ‘పద్మావత్‌’ సినిమాలోని క్యారెక్టర్ల ప్రకారం రాణి పద్మావతి అంటే దీపికా పదుకోన్‌ అని, రతన్‌సింగ్‌ అంటే షాహిద్‌ కపూర్‌ అని ప్రత్యేకంగా చెప్పక్కర్లేదు. సోమవారం దీపికా పదుకోన్‌ కొలతలు తీసుకున్నారు మేడమ్‌ తుస్సాడ్స్‌ ప్రతినిధులు. అదే రోజు షాహిద్‌ కొలతలు కూడా తీసుకున్నారు. ఈ విషయాన్ని షాహిద్‌ సోషల్‌ మీడియా ద్వారా తెలియజేశారు. ‘కమింగ్‌ సూన్‌’ అనే క్యాప్షన్‌తో కొలతలు తీసుకుంటున్న ఓ ఫొటోను షేర్‌ చేశారు. అయితే షాహిద్‌ విగ్రహాన్ని ఢిల్లీ మ్యూజియ్‌లో ఏర్పాటు చేస్తారా? లేక లండన్‌లోనా? అన్న విషయంపై క్లారిటీ రావాల్సి ఉంది. దీపికా బొమ్మను వచ్చే ఏడాది మొదట్లో లండన్‌లో, ఆ తర్వాత ఢిల్లీలో ఏర్పాటు చేయనున్నారని బీ టౌన్‌ టాక్‌. ఇక సినిమాల విషయానికొస్తే... షాహిద్‌ కపూర్‌ హీరోగా శ్రీనారాయణ్‌సింగ్‌ దర్శకత్వంలో తెరకెక్కిన ‘బట్టీగుల్‌ మీటర్‌ చాలు’ చిత్రం సెప్టెంబర్‌ 21న రిలీజ్‌ కానుంది. ఇందులో శ్రద్ధా కపూర్, యామీ గౌతమ్‌ కథానాయికలు.   

ప్రస్తుతం బాలీవుడ్‌లో అత్యంత సంతోషంగా ఉన్న హీరో ఎవరనగానే టక్కున గుర్తుకు వచ్చే పేరు షాహిద్‌ కపూర్‌. అవును మరి.. మరికొన్ని రోజుల్లో షాహిద్‌ కపూర్‌ రెండో బిడ్డకు తండ్రి కాబోతున్నారు. అంతేనా ఈ హీరో నటించిన ‘పద్మావత్‌’ 300 కోట్ల రూపాయల బాక్సాఫీస్‌ క్లబ్‌లో చేరింది. ‘పద్మావత్‌’ సినిమా ఈ హీరో కెరీర్‌లోనే అతిపెద్ద హిట్ట్‌. ఇన్ని సంతోషాల నడుమ ఇప్పుడు మరో సంతోషం. అది ఏంటంటే త్వరలో ఈ హీరో ఓ ఇంటి వాడవుతున్నారు. అదేంటి షాహీద్‌ కపూర్‌కు ఎప్పుడో వివాహం అయ్యింది. ఓ బిడ్డకు తండ్రి, త్వరలోనే మరో బిడ్డకు కూడా తండ్రి కాబోతున్నారు. అలాంటిది ఇప్పుడు ఓ ఇంటి వాడు అవ్వడం ఏంటి అనుకుంటున్నారా..? అంటే మరేం లేదు, ఓ కొత్త ఇల్లు కొంటున్నారని అర్ధం. ప్రస్తుతం షాహిద్‌ జుహు తారా రోడ్డులోని ‘ప్రణీత భవనం’లో ఉంటున్నారు. కానీ ఆ ప్రాంతంలో ఈ మధ్య వ్యభిచార కార్యకలాపాలు ఎక్కువైపోతున్నాయన్న కారణంతో వీరు ఇల్లు మారబోతున్నట్లు సమాచారం. ‘ఖిలాడి’ హీరో అక్షయ్‌ కుమార్, ఐశ్వర్య - అభిషేక్‌ బచ్చన్‌లు నివాసం ఉంటున్న అపార్ట్‌మెంట్‌లోనే ఇప్పుడు షాహిద్‌ కూడా ఓ డ్యూప్లెక్స్‌ ఫ్లాట్‌ను కొన్నారని సమాచారం. ముంబయిలోని వర్లీలో ఉన్న ఈ ఫ్లాట్‌‌ ఖరీదు రూ.55.60 కోట్లని బాలీవుడ్‌ వర్గాల అంచనా. రిజిస్ట్రేషన్‌ కోసం ఇప్పటికే షాహిద్‌ 2.19 కోట్ల రూపాయలు చెల్లించినట్లు తెలుస్తోంది. ప్రస్తుతం షాహిద్‌ కొన్న ఈ కొత్త ఫ్లాట్‌, అపార్ట్‌మెంట్‌లోని 42వ అంతస్తులో ఉన్నట్లు తెలిసింది. 8,625 చదరపు అడుగులు విస్తీర్ణంలో ఉన్న ఈ ఫ్లాట్‌లో ఒకేసారు ఆరు కార్లను పార్కింగ్ చేసుకునే సౌకర్యం కూడా ఉందని చెబుతున్నారు. ఈ ఫ్లాట్‌ను షాహిద్‌ పంకజ్‌ కపూర్‌, మీరా పేర్లతో రిజిస్టర్‌ చేయించారట. అయితే ఇదే అపార్ట్‌మెంట్‌లో అభిషేక్‌  - ఐశ్వర్య 2013లో, అక్షయ్‌ 2015లో ఫ్లాట్‌ కొన్నారు. ఇప్పుడు వీరి సరసన షాహీద్‌ కపూర్‌ కూడా చేరి ఇరుగుపొరుగు అయ్యారు. ఇప్పటికే కొత్త ఇంటికి సంబంధించిన ఫోటోలను షాహిద్‌ తన ఇన్‌స్టాగ్రామ్‌లో షేర్‌ చేశారు. ప్రస్తుతం షాహిద్‌ కపూర్‌ శ్రీ నారాయణ్‌ సింగ్‌ దర్శకత్వంలో రూపొందుతున్న సినిమా ‘బట్టీగుల్‌ మీటర్‌ చాలులో నటిస్తున్నారు. ఇందులో షాహిద్‌కు జోడిగా శ్రద్ధా కపూర్‌, యామీ గౌతమ్‌ నటించారు. ఈ సినిమా సెప్టెంబర్‌ 21న ప్రేక్షకుల ముందుకు రానున్నట్లు సమాచారం.

ఇటీవల బాలీవుడ్‌లో సినిమాల విడుదల తేదీలు తారుమారు అవుతున్నాయి. ఇప్పుడు ‘బట్టీ గుల్‌ మీటర్‌ చాలు’ మూవీ విడుదల తేదీ కూడా మారింది. ‘టాయ్‌లెట్‌: ఏక్‌ ప్రేమ్‌ కథ’ ఫేమ్‌ శ్రీ నారాయణ్‌ సింగ్‌ దర్శకత్వంలో రూపొందిన సినిమా ‘బట్టీగుల్‌ మీటర్‌ చాలు’. షాహిద్‌ కపూర్, శ్రద్ధా కపూర్, యామీ గౌతమ్‌ ముఖ్య తారలుగా నటించారు. తొలుత ఈ సినిమాను ఆగస్టు 31న రిలీజ్‌ చేయాలనుకున్నారు. కానీ ఆ తేదీని ఆల్రెడీ రాజ్‌కుమార్‌ రావ్, శ్రద్ధాకపూర్‌ నటించిన ‘స్త్రీ’ చిత్రబృందం బుక్‌ చేసుకుంది. వీటిలో ఏదో  ఒక సినిమా వాయిదా పడుతుందని బాలీవుడ్‌లో అనుకున్నారు. అనుకున్నట్లే...‘బట్టీగుల్‌ మీటర్‌ చాలు’ వాయిదా పడింది. ఈ సినిమా సెప్టెంబర్‌ 21న ప్రేక్షకుల ముందుకు రానున్నట్లు చిత్రబృందం లేటెస్ట్‌గా అనౌన్స్‌ చేసింది. దీంతో బాక్సాఫీస్‌ వద్ద శ్రద్ధా వర్సెస్‌ శ్రద్ధా తప్పినట్లే. అదేనండీ.. శ్రద్ధాకపూర్‌ కథానాయికగా నటించిన ‘స్త్రీ, బట్టీగుల్‌ మీటర్‌ చాలు’ సినిమాలు ఒకే రోజు విడుదల కావడం లేదని చెబుతున్నాం.