Shahid Kapoor And Kriti Sanon: ఇంపాజిబుల్‌ లవ్‌స్టోరీ

షాహిద్‌కపూర్, కృతీసనన్‌ జంటగా హిందీలో ఓ రొమాంటిక్‌ ఫిల్మ్‌ రూపొందుతోంది. ఈ చిత్రానికి అమిత్‌ జోషి, ఆరాధన షా కలిసి దర్శకత్వం వహిస్తున్నారు. జియో స్టూడియోస్, దినేష్‌ విజన్, జ్యోతిదేశ్‌ పాండే, లక్ష్మణ్‌ ఉటేకర్‌ నిర్మిస్తున్న ఈ సినిమా షూటింగ్‌ ప్రస్తుతం ముంబైలో జరుగుతోందని బాలీవుడ్‌ సమాచారం.

కాగా ఈ సినిమాను తొలుత అక్టోబరులో విడుదల చేయాలనుకున్నారు. కానీ తాజాగా ఈ సినిమాను డిసెంబరు 7న రిలీజ్‌ చేస్తున్నట్లు చిత్రయూనిట్‌ సోమవారం ప్రకటించింది. ఈ సినిమా టైటిల్‌ ఇంకా ఖరారు కాలేదు కానీ, ‘యాన్‌ ఇంపాజిబుల్‌ లవ్‌స్టోరీ’ అనేది ట్యాగ్‌లైన్‌.