TV
ఆటోవాలా లవ్‌స్టోరీ
ఆటో నడిపే అబ్బాయి, ఇంజినీరింగ్ చదివే అమ్మాయి ప్రేమలో పడితే ఎలాంటి సంఘటనలు చోటుచేసుకుంటాయనే కథాంశంతో వస్తున్న చిత్రం ‘ ప్రేమ అంటే సులువు కాదురా..’ సంగీత దర్శకుడు కోటి తనయుడు రాజీవ్, సిమ్మిదాస్ జంటగా భవనాసి రాంప్రసాద్ నిర్మిస్తున్న ఈ చిత్రానికి చందా గోవింద్‌రెడ్డి దర్శకుడు. చిత్రీకరణ పూర్తి చేసుకుని విడుదలకు సిద్ధంగా ఉంది. దర్శకుడు మాట్లాడుతూ -‘‘ప్రేమలో పడటం సులువే కానీ నిలబెట్టుకోవడం కష్టం అనే పాయింట్‌తో ఈ చిత్రాన్ని రూపొందించాం.
కథకథనాలు, సంభాషణలు ఈ చిత్రానికి హైలైట్‌గా నిలుస్తాయి. ఏప్రిల్‌లో పాటలను, సినిమాను విడుదల చేస్తాం’’ అని తెలిపారు. ఈ చిత్రానికి కెమెరా: సురేశ్ రఘుట, సంగీతం: నందన్ రాజ్, సహ నిర్మాతలు: యన్. శ్రీరాములు-కె.సుధాకర్ రెడ్డి.
