హీరోగా శ్రీనివాసరెడ్డి మేనల్లుడు

హీరోగా శ్రీనివాసరెడ్డి మేనల్లుడు

ప్రముఖ హాస్యనటుడు శ్రీనివాసరెడ్డి మేనల్లుడు సుజిత్ రెడ్డి హీరోగా నటిస్తున్న తొలి చిత్రం సోమవారం హైదరాబాద్‌లో ఆరంభమైంది. చంద్రశేఖర్ ఏలేటి దగ్గర దర్శకత్వ శాఖలో చేసిన చంద్రశేఖర్ కానూరిని దర్శకునిగా పరిచయం చేస్తూ క్రాంతి నిరంజన్‌రెడ్డి ఈ చిత్రాన్ని నిర్మిస్తున్నారు. ముహూర్తపు దృశ్యానికి ప్రముఖ రచయిత కోన వెంకట్ క్లాప్ ఇచ్చారు. అనంతరం నిర్మాత మాట్లాడుతూ -‘‘ఓ మంచి కథాంశంతో ఈ చిత్రం రూపొందిస్తున్నాం. శ్రీనివాసరెడ్డి ముఖ్య పాత్ర చేస్తున్నారు’’ అన్నారు. కల్కిమిత్ర కథానాయికగా నటిస్తున్న ఈ చిత్రానికి కెమెరా: సునీల్‌కుమార్, సంగీతం: మణికాంత్ ఖాద్రి, ఎగ్జిక్యూటివ్ నిర్మాత: రమేశ్ శర్మ.