TV
'సోనమ్ కపూర్ బికినీ' తప్ప.. ఏం పట్టవా?
ముంబై: బాలీవుడ్ హీరో అనిల్ కపూర్ ముద్దుల తనయ, అందాల హీరోయిన్ సోనమ్ కపూర్ రెండేళ్ల క్రితం బికినీ సన్నివేశాల్లో నటించేదిలేదంటూ తెగేసి చెప్పింది. అంతేగాక అందుకు తన శరీరం వొప్పదంటూ సెలవిచ్చింది. అయితే ఈ అమ్మడు రూట్ మార్చి గ్లామర్ బాట ఎంచుకుంది. తాజా చిత్రం 'బేవకూఫియాన్'లో 28 ఏళ్ల సోనమ్ బికినీతో అందాలను ఆరబోసింది. ఈ స్టిల్స్ అభిమానుల్ని తెగ ఆకర్షిస్తున్నాయి. ఇంకేముంది కుర్రకారు దృష్టంతా సోనమ్ బికినీపైనే. ప్రస్తుతం బాలీవుడ్లో ఇదో హాట్ టాపిక్గా మారింది. తండ్రి అనిల్ కూడా సోనమ్ను సమర్థించారు. ఏమైతేనేం 'బేవకూఫియాన్' సినిమాకు ఫ్రీగా ప్రచారం తెచ్చిపెట్టింది. ఇందుకు ఆ సినిమా డైరెక్టర్ నుపుర్ అస్థానా సంతోషించాల్సిపోయి నిరాశ వ్యక్తం చేస్తున్నారు.
బాలీవుడ్ జనాలు సోనమ్ బికినీ గురించి మాట్లాడుకుంటారా? అంటూ నుపుర్ అసహనం వ్యక్తం చేశారు. ప్రోమోలో ఇతర ఆసక్తికర విషయాలూ ఉన్నాయని, వాటి గురించి పట్టించుకోరేం అంటూ నిష్టూరమాడారు. అయితే ఈ సినిమా చూస్తే అభిమానులు అర్థం చేసుకుంటారని ఆశిస్తున్నారు. అన్నట్టు ఈ చిత్రంలో సోనమ్ లిప్ లాక్ సీన్లలో రక్తికట్టించిందని గుసగుసలాడుకుంటున్నారు. అయితే కావాలని ఈ సన్నివేశాలను పెట్టలేదని నుపుర్ ముక్తాయించారు. సబ్జెక్ట్ డిమాండ్ చేస్తే.. అంటూ తరచూ వినే మాటే కదా! ఏమైతేనేం సోనమ్ బికినీ సీన్ హాట్ టాపిక్గా మారింది. ఏమాత్రం వసూళ్లు రాబడుతుందో చూడాలి.
