భారతీయ భాషల్లోనూ ‘జుమాంజి’

వీడియో గేమ్‌ ఆడటం వ్యసనంగా మారిన నలుగురు  కుర్రాళ్ల కథతో తెరకెక్కిన హాలీవుడ్‌ ఫాంటసీ మూవీ జుమాంజి. వీడియో గేమ్‌ లో ఉన్న పాత్రల్లాగే తాము మారిపోయే గేమ్‌లో ఉన్న పరిస్థితుల్లోకి వెళ్లిపోవటమనే ఆసక్తికరమైన కాన్సెప్ట్‌ తో తెరకెక్కిన ఈ సినిమా డిసెంబర్‌ 29న ప్రపంచ వ్యాప్తంగా రిలీజ్‌ అవుతోంది. జుమాంజి : వెల్‌కమ్‌ టుది జంగిల్‌ పరుతో తెరకెక్కుతున్న ఈ సినిమా 1995లో రిలీజ్‌ అయిన జుమాజి సినిమాకు సీక్వల్‌ గా రూపొందుతోంది. హాలీవుడ్‌ యాక్షన్‌ స్టార్‌ డ్వేన్‌ జాన్సన్‌ కీలక పాత్రలో నటిస్తున్నఈ సినిమా ఇంగ్లీష్‌తో పాటు తెలుగు, తమిళ, హిందీ భాషల్లోనూ రిలీజ్‌ కానుంది. ఇటీవల రిలీజ్‌ అయిన ఈ సినిమా కొత్త పోస్టర్‌కు మంచి రెస్పాన్స్‌ రావటంతో సినిమా మీద కూడా భారీ అంచనాలు ఏర్పాడ్డాయి.