తండ్రి పాత్రలో నటించడానికి రెడీ: కరణ్‌

సాక్షి, ముంబై: బాలీవుడ్‌లో దర్శకనిర్మాత కరణ్‌ జోహర్ ఎన్నో విజయవంతమైన చిత్రాలను అందించిన విషయం తెలిసిందే. ప్రస్తుతం దేశ వ్యాప్తంగా అమలవుతున్న లాక్‌డౌన్‌‌ కారణంగా సినీ ప్రముఖులు ఇంటికే పరిమితమయ్యారు. తాజాగా కరణ్ జోహర్‌‌ ఓ ఫొటోను తన ఇన్‌స్టాగ్రామ్‌లో పోస్ట్‌ చేశారు. ఇందులో కరణ్‌ కళ్లజోడు పెట్టుకొని తెల్లగా నెరసిపోయిన జుట్టుతో పౌట్‌ పోజు పెట్టి సెల్ఫీ దిగారు. ‘ప్రస్తుతం ఉన్న వైరస్‌ కంటే నా నటన చాలా భయంకరంగా ఉంటుందని తెలుసు. కానీ, రెండో అవకాశం కోసం చూడటం ఏమాత్రం హానికరం కాదు. అందుకే దర్శకనిర్మాతలకు ఒక ప్రకటన చేస్తున్నాను. ప్రేక్షకులను అలరించడానికి నేను తండ్రి పాత్రలు చేయడానికి సిద్ధంగా ఉన్నాను’ అని ఆయన కామెంట్‌ జత చేశారు. (రణ్‌బీర్‌.. కత్రినా ఎన్‌సైక్లోపిడియా)

View this post on Instagram

I know my acting stint was scarier than the current virus but there is no harm in hoping for a second chance! So to all enterprising casting directors ,to all risk taking filmmakers , to critics with a high threshold of pain and to easy to please audiences I have an announcement to make!!!! I AM AVAILABLE FOR FATHER ROLES! ( at 48 with a poor track record I promise i can’t afford to be choosy)

A post shared by Karan Johar (@karanjohar) on May 5, 2020 at 8:02am PDT

ప్రస్తుతం ఈ ఫొటో నెట్టింట్లో వైరల్‌ అవుతోంది. కరణ్‌ పోస్ట్‌ చేసిన ఫొటోపై సినీ ప్రముఖులు కామెంట్ల వర్షం కురిపిస్తున్నారు. ‘మీ మెయింటెనెన్స్ హీరోయిన్‌ కంటే ఎక్కువగా ఉంటుంది’ అని దర్శకనిర్మాత ఫరాఖాన్‌ సరదాగా కామెంట్‌ చేశారు. ‘చక్కటి పౌట్‌ పోజ్‌తో ఓ  ఫాదర్‌’ అంటూ  హీరోయన్‌ కృతి సనన్‌ కామెంట్‌ చేశారు. అదేవిధంగా మీ లుక్‌ బాగుందని నటి శిల్పాశెట్టి ట్వీట్‌ చేశారు. కరణ్‌ చివరగా ‘బాంబే వెల్వెట్’‌ చిత్రంలో కనిపించారు. అదేవిధంగా షారూఖ్‌ఖాన్‌ హీరోగా నటించిన ‘దిల్‌వాలే దుల్హానియా లే జయేంగే’  సినిమాలో కరణ్‌ నటించిన విషయం తెలిసిందే. (కరణ్‌ న్యూలుక్‌.. హీరో కామెంట్‌!)