TV
'లింగా' చిత్రం రూ.200 కోట్లకు ఇన్సూరెన్స్!
చెన్నై: సూపర్ స్టార్ రజనీకాంత్, అనుష్క, సోనాక్షి సిన్హా నటించిన కెఎస్.రవికుమార్ దర్శకత్వంలో రూపొందిన 'లింగా' చిత్రాన్ని నిర్మాత 200 కోట్ల రూపాయలకు ఇన్సూరెన్స్ చేయించారు. ఇంత పెద్ద మొత్తంలో ఇన్సూరెన్స్ చేయించిన తొలి దక్షిణాది చిత్రం ఇదే.
రజనీకాంత్ పుట్టిన రోజు ఈ నెల 12న ఈ సినిమా విడుదలకానుంది. తమిళంతోపాటు తెలుగులో కూడా రిలీజ్ కానుంది. సెన్సార్ బోర్డ్ 'యు' సర్టిఫికేట్ ఇచ్చిన ఈ చిత్రం ప్రపంచవ్యాప్తంగా దాదాపు 2,300 థియేటర్లలో విడుదల కానుంది. రాక్ లైన్ వెంకటేష్ నిర్మించిన ఈ చిత్రంలో రజినీకాంత్ ద్విపాత్రాభినయం చేశారు. ఎఆర్ రెహమాన్ మ్యూజిక్ అందించారు.
**
