హాలిడే జాలిడే

భార్యాపిల్లలు నమ్రత, గౌతమ్, సితారలతో మహేశ్‌బాబు

తీరిక లేకుండా పని చేయడం. తీరికగా ఫ్యామిలీతో వెకేషన్‌ ఎంజాయ్‌ చేయడం మహేశ్‌బాబు స్టైల్‌. తాజాగా ‘మహర్షి’ సినిమాతో పెద్ద సక్సెస్‌ అందుకున్నారాయన. సినిమా ప్రమోషన్స్‌లో కూడా చాలా చురుకుగా పాల్గొన్నారు. ఇప్పుడు వర్క్‌ నుంచి లాంగ్‌ బ్రేక్‌ తీసుకొని హాలిడేకు వెళ్లారని తెలిసింది. ఈ హాలిడేలో పోర్చుగల్, ఇంగ్లాండ్‌ దేశాలు చుట్టి వస్తారట. ముందు పోర్చుగల్‌లో హాలిడే ఎంజాయ్‌ చేసి ఆ తర్వాత ఇంగ్లాండ్‌ పర్యటిస్తారట. జూన్‌ 15 మళ్లీ ఇండియా తిరిగి రానున్నారని తెలిసింది. వచ్చే నెల మొదట్లో ఇంగ్లాండ్‌లో ప్రపంచకప్‌ స్టార్ట్‌ కానుంది. అక్కడ ఇండియా మ్యాచ్‌లను మహేశ్‌ చీర్‌ చేస్తారేమో చూడాలి. తిరిగి రాగానే అనిల్‌ రావిపూడి దర్శకత్వంలో తెరకెక్కబోయే సినిమా షూటింగ్‌లో జాయిన్‌ అవుతారు మహేశ్‌.