TV
ఆ ఇద్దరితో సినిమా కన్నా పెళ్లే సుఖం!
సల్మాన్ ఖాన్, షారుక్ ఖాన్, ఆమిర్ ఖాన్‌లు ముగ్గురూ కలిసి ఓ సినిమాలో నటిస్తే? కచ్చితంగా ఆ చిత్రం కనువిందుగా ఉండటంతో పాటు కనక వర్షం కురిపించడం ఖాయం. అందుకే, ఈ ముగ్గురు ఖాన్‌లూ ఒకే సినిమాలో నటిస్తే చూడాలని ఉందని హిందీ చిత్రసీమవారూ, ప్రేక్షకులూ కోరుకుంటున్నారు.
కానీ, ఈ ఖాన్స్ కలిసి నటించే అవకాశం మాత్రం కనిపించడం లేదు. ఎందుకంటే.. ఓ అవార్డు వేడుకలో పాల్గొన్న సల్మాన్‌ఖాన్ మాట్లాడుతూ, ‘‘ఆ ఇద్దరితో కలసి సినిమా చేయడం కన్నా నేను పెళ్లి చేసుకోవడం సుఖం’’ అని పేర్కొన్నారు. మరి.. మిగతా ఇద్దరి ఖాన్‌ల అభిప్రాయం ఏంటో?
