వరుణ్ తేజ నూతన చిత్రం ప్రారంభం

వరుణ్ తేజ నూతన చిత్రం ప్రారంభం

హైదరాబాద్ : మెగా ఫ్యామిలీ నుంచి మరో వారసుడు తెరమీదకు వస్తున్నాడు. చిరంజీవి సోదరుడు నాగేంద్రబాబు తనయుడు వరుణ్‌తేజ నూతన చిత్ర ప్రారంభోత్సవం గురువారం జరిగింది. రామనాయుడు స్టూడియోస్లో జరిగిన ఈ కార్యక్రమంలో మెగా ఫ్యామిలీ మొత్తం పాల్గొంది. చిరంజీవి క్లాప్ కొట్టి షూటింగ్ను లాంఛనంగా ప్రారంభించారు. అలాగే చిత్ర పరిశ్రమకు చెందిన అతిరథులు ప్రారంభోత్సవ వేడుకలో పాల్గొన్నారు.

శ్రీకాంత్‌ అడ్డాల డైరెక్షన్‌లో రూపొందుతున్న ఈ సినిమాకు 'గొల్లభామ, ఆరడుగుల బుల్లెట్' అనే టైటిల్స్ పరిశీలనలో ఉన్నట్లు సమాచారం. ఒక మిడిల్‌ టౌన్‌లో జరిగే లవ్‌స్టోరీగా ఈ చిత్రం తెరకెక్కుతోంది. సీతమ్మవాకిట్లో సిరిమల్లెచెట్టు వంటి భారీ హిట్‌ సినిమాను అందించిన శ్రీకాంత్‌ అడ్డాల వరుణ్‌తేజను పరిచయం  చేసే కార్యక్రమాన్ని భుజానికెత్తుకున్నాడు. వరుణ్ తేజ సరసన పూజా హెగ్డే హీరోయిన్ గా నటిస్తోంది. మిక్కి జే మేయర్ సంగీతం సమకూర్చుతున్నాడు.