బ్యాడ్‌ లక్‌

నవాజుద్దిన్‌ సిద్ధిఖీ

‘పేట్టా’ సినిమాతో తమిళ పరిశ్రమకు పరిచయమయ్యారు బాలీవుడ్‌ నటుడు నవాజుద్దిన్‌ సిద్ధిఖీ. తన పాత్రకు మంచి అభినందనలు అందుకుంటున్నారాయన. తమిళ సూపర్‌ స్టార్‌ రజనీతో యాక్ట్‌ చేశారు. మరి కమల్‌తో ఎప్పుడు యాక్ట్‌ చేస్తారు అని ఇటీవల ఓ సందర్భంలో నవాజుద్దిన్‌ని అడగ్గా ఆసక్తికరమైన విషయం బయటపెట్టారు. ‘‘నేను ఆల్రెడీ కమల్‌ హాసన్‌తో నటించాను. ‘హే రామ్‌’ సినిమాలో నాకు ఆ అవకాశం దొరికింది. కానీ, నా బ్యాడ్‌ లక్‌ ఆ సీన్స్‌ ఎడిటింగ్‌లో కట్‌ అయిపోయాయి. ఆ తర్వాత ‘అభయ్‌’ సినిమాకి హిందీ డైలాగ్‌ కోచ్‌గా పని చేశాను కూడా’’ అని పేర్కొన్నారు నవాజుద్దిన్‌.