ఎన్టీఆర్ సినిమాకు పవన్ క్లాప్

జై లవ కుశ సినిమాతో మరో భారీ విజయాన్ని నమోదు చేసిన యంగ్ టైగర్ ఎన్టీఆర్ తన కొత్త చిత్రాన్ని త్రివిక్రమ్ శ్రీనివాస్ దర్శకత్వంలో చేయనున్నాడు. ప్రస్తుతం పవన్ కళ్యాణ్ హీరోగా సినిమాను తెరకెక్కిస్తున్న త్రివిక్రమ్, ఆ సినిమా పూర్తయిన వెంటనే ఎన్టీఆర్ సినిమా పనులు ప్రారంభించనున్నాడు. అయితే ఈ లోగా ఎన్టీఆర్ త్రివిక్రమ్ ల కాంబినేషన్ లో తెరకెక్కబోయే సినిమాను లాంచనంగా ప్రారంభిస్తున్నారు చిత్రయూనిట్.

ఈ కార్యక్రమం సోమవారం జరగనుంది. అంతేకాదు ఎన్టీఆర్, త్రివిక్రమ్ శ్రీనివాస్ ల కాంబినేషన్ లో తెరకెక్కబోయే ఈ సినిమా ఓపెనింగ్ వేడుకకు పవర్ స్టార్ పవన్ కళ్యాణ్ ముఖ్య అతిథిగా హజరు అవుతున్నారు. హారికా అండ్ హాసిని క్రియేషన్స్ నిర్మించనున్న ఈ సినిమా రెగ్యులర్ షూటింగ్ 2018 జనవరి నుంచి ప్రారంభం కానుంది. ప్రస్తుతం నిర్మాణంలో ఉన్న పవన్ సినిమాకు అజ్ఞాతవాసి అనే టైటిల్ ను పరిశీలిస్తున్నట్టుగా వార్తలు వినిపిస్తున్నాయి.