పవన్ నిర్మాత.. చరణ్ హీరో..!

పవన్ నిర్మాత.. చరణ్ హీరో..!

మెగా అభిమానులందరూ పండగ చేసుకునే వార్త ఇది. అసలిలాంటి వార్తను వాళ్లు ఊహించరు కూడా. ఆదివారం అలా ఎవరూ ఊహించని ట్విస్ట్‌నే ఇచ్చారు పవన్ కల్యాణ్. రామ్‌చరణ్ హీరోగా ఓ చిత్రం నిర్మించనున్నారు పవన్. ఈ విషయాన్ని పవన్ కల్యాణ్ క్రియేటివ్ వర్క్స్ సంస్థ ఆదివారం ఓ ప్రకటన ద్వారా తెలియజేసింది. ఈ ప్రకటన తెలుసుకున్న మెగా అభిమానులు ‘కాంబినేషన్ కేక’ అనుకోకుండా ఉండలేరు. ఇదిలా ఉంటే... యవ హీరోలతోనూ, కొత్త దర్శకులతోనూ పవన్ కల్యాణ్ సినిమాలు నిర్మించాలనుకుంటున్నారని ఆ ప్రకటనలో పేర్కొన్నారు. హైదరాబాదీ, డెక్కనీ వంటి లోకల్ చిత్రాలను కూడా నిర్మించాలనే ఆలోచన ఉందని కూడా ఆ ప్రకటనలో తెలియజేశారు.