బాహుబలి లాంటి భారీ చిత్రం తరువాత దర్శకధీరుడు రాజమౌళి తెరకెక్కిస్తున్న సినిమా ఆర్‌ఆర్‌ఆర్‌ (వర్కింగ్ టైటిల్‌). భారీ మల్టీస్టారర్‌గా తెరకెక్కుతున్న ఈ సినిమాలో రామ్‌చరణ్‌, ఎన్టీఆర్‌లు హీరోలుగా నటిస్తున్నారు. ఈ సినిమా పిరియాడిక్‌ బ్యాక్‌డ్రాప్‌లో తెరకెక్కనుందన్న టాక్‌ వినిపిస్తోంది. ప్రస్తుతం రెండో షెడ్యూల్‌ షూటింగ్ జరుపుకుంటున్న ఈసినిమాకు సంబంధించి మరో ఇంట్రస్టింగ్‌ న్యూస్‌ టాలీవుడ్ లో హల్‌చల్‌ చేస్తోంది.

ఈ సినిమాలో బాహుబలి స్టార్‌ ప్రభాస్ అతిథి పాత్రలో కనిపించనున్నాడట. రామ్‌చరణ్‌, ఎన్టీఆర్‌లతో పాటు ప్రభాస్‌ను కూడా ఒకే ఫ్రేమ్‌లోచూపించేందుకు రాజమౌళి ప్లాన్‌ చేస్తున్నట్టుగా ప్రచారం జరుగుతోంది. అయితే ఇప్పటికే  ఈ సినిమాకు సంబంధించి చాలా వార్తలు వినిపిస్తున్నా.. చిత్రయూనిట్ మాత్రం ఏ విషయాన్ని కన్ఫామ్‌ చేయాలేదు. మరి ప్రభాస్‌ అతిథి పాత్ర పై అయినా జక్కన టీం స్పందిస్తుందేమో చూడాలి.