వందలో ఒక్కరు!

ప్రియాంకా చోప్రా

సోషల్‌ మీడియాలో ఫుల్‌ యాక్టివ్‌గా ఉండే బాలీవుడ్‌ హీరోయిన్లలో ప్రియాంకా చోప్రా ఒకరు. ఫొటో షేరింగ్‌ యాప్‌ ఇన్‌స్టాగ్రామ్‌లో ఆమెకు దాదాపు 4 కోట్ల 30 లక్షల ఫాలోయర్స్‌ ఉన్నారు. ట్విటర్‌లో దాదాపు 2 కోట్ల 50 లక్షల ఫాలోయర్స్‌ ఉన్నారు. ఇప్పుడీ సంగతి ఎందుకంటే.. సెలబ్రీటీలు తమ ఇన్‌స్టాగ్రామ్‌ ఖాతాలో పోస్ట్‌ చేసిన వాటికి  ఎంత చార్జ్‌ చేస్తారనే అంశం ఆధారంగా యూఎస్‌కు చెందిన ఓ కంపెనీ విడుదల చేసిన ‘ఇన్‌స్టాగ్రామ్‌ రిచ్‌ లిస్ట్‌’లో ప్రియాంకా చోప్రా 19వ స్థానంలో నిలిచారు.

ఏదైనా ప్రొడక్ట్‌ను తన ఇన్‌స్టా ఖాతా ద్వారా ప్రమోట్‌ చేయడానికి ప్రియాంకా చోప్రా దాదాపు కోటీ 86 లక్షల 80 వేల రూపాయలు తీసుకుంటారట. ఆ కంపెనీ విడుదల చేసిన వందమంది జాబితాలో ఉన్న ప్రముఖుల్లో అమెరికన్‌ మోడల్‌  కైలీ జెన్నర్‌ తొలి స్థానంలో నిలిచారు. అలాగే ఈ జాబితాలో చోటు సంపాదించిన ఒకేఒక్క బాలీవుడ్‌ నటి కూడా ప్రియాంకే కావడం విశేషం. అలాగే ఇండియా తరఫున విరాట్‌ కోహ్లీ 23వ స్థానంలో నిలవడం విశేషం.