TV
జక్కన్న ఏనుగెక్కాడు....
షూటింగ్ జరుపుకుంటున్న సమయంలోనే టాక్ ఆఫ్ టాలీవుడ్గా నిలుస్తున్న చారిత్రాత్మిక చిత్రం బాహుబలి. తెలుగు చిత్ర పరిశ్రమలో ఎంతో ప్రతిష్టాత్మకంగా తెరకెక్కుతోంది. ఈ సినిమాకు సంబంధించిన ఒకో విషయాన్ని ఒక్కో విధంగా వినూత్నంగా దర్శకుడు రాజమౌళి ప్రచారం చేస్తున్నారు. ఈ చిత్రంలో నటిస్తున్న తారల పుట్టిన రోజన ఫస్ట్‌లుక్‌ విడుదల చేసి సినిమా మీద ప్రేక్షకుల్లో ఇప్పటికే హైప్‌ క్రియేట్‌ చేసాడు. తాజాగా ఏనుగును మచ్చిక చేసుకోవడం ఎలా అంటూ యూ ట్యూబ్‌లో ఓ వీడియో పెట్టి మరో పబ్లిసిటీ స్టంట్‌కు రాజమౌళి తెర తీసాడు.
బాక్సాఫీస్ని ఎలా బుజ్జగించి, దానిపైకి ఎక్కి స్వారీ చేయాలో రాజమౌళికి తెలిసినట్లుగా తెలుగులో ఏ ఇతర దర్శకుడికి తెలియదంటే అతిశయోక్తి కాదేమో. దాన్ని గుర్తు చేయటానికో ఏమో కానీ రాజమౌళి షూటింగ్ నిమిత్తం వచ్చిన ఏనుగుని మచ్చిక చేసుకుని, దానిపైకి ఎక్కి స్వారీ చేశారు. ఇదంతా పూర్తి కావటానికి మొత్తం నాలుగు రోజులు పట్టింది. ఈ సందర్భంగా జక్కన్న ఓ వీడియోని రిలీజ్ చేసాడు.
ఇక దర్శకుడు .రాజమౌళికి ఓ అలవాటు కూడా ఉంది. హీరో చేత ఏం చేయించాలన్నా... ఆ పని ముందు తాను చేయడం. అప్పట్లో 'మగధీర' కోసం కత్తి యుద్ధం నేర్చుకొన్నారు. ఇప్పుడు 'బాహుబలి' కోసం ఏనుగెక్కారు. అయితే ఆ ఏనుగు జక్కన్నకు సులభంగా లొంగలేదు.
తొలిరోజు ఏనుగు చెవి భాగం నుంచి ఎక్కాలని చూసి విఫలమయ్యారు. రెండో రోజు బుజ్జగించారు. మూడోరోజు పళ్లు తినిపించి మచ్చిక చేసుకొన్నారు. నాలుగో రోజు.. ఏనుగు తొండం చాచి.. రాజమౌళికి సహకరించింది. అలా ఏనుగు ఎక్కడానికి నాలుగు రోజులు పట్టిందన్నమాట.
నిజానికి ఏనుగు ఎక్కడం ఓ టెక్నిక్‌. దానికి ముందస్తు తర్ఫీదూ తీసుకోవాల్సిందే. ఈ సన్నాహాలన్నీ ఓ చిన్న వీడియో తీసి 'ఏనుగుని మచ్చిక చేసుకోవడం ఎలా?' అంటూ రాజమౌళి యూ ట్యూబ్‌లో విడుదల చేశాడు. రాజమౌళి ఆ ఏనుగును ఎలా మచ్చిక చేసుకున్నాడో ఈ వీడియో చూస్తే మీకే తెలుస్తుంది. ఇంకెందుకు ఆలస్యం క్లిక్ చేయండి.....
