TV
రష్మికా మండన్నా, మహేశ్‌బాబు
కామెడీ టైమింగ్‌లో మహేశ్‌బాబు టాలెంట్‌ ఏంటో ‘దూకుడు’ సినిమాలో ఫుల్‌గా చూశాం. స్క్రిప్ట్‌ను బట్టి ఇదే జోరును ఆ తర్వాత కొనసాగిస్తున్నారు మహేశ్‌. ఇక ‘ఎఫ్‌ 2’ సినిమాతో ప్రేక్షకులకు బాగా కితకితలు పెట్టారు అనిల్‌ రావిపూడి. ఇప్పుడు వీరిద్దరి కాంబినేషన్‌లో ఓ సినిమా పట్టాలెక్కడానికి రంగం సిద్ధమవుతుందనే సంగతి తెలిసిందే. స్క్రిప్ట్‌లో ఫన్‌కి చాలా స్కోప్‌ ఉందట.
ప్రస్తుతం మహేశ్‌బాబు ‘మహర్షి’ సినిమా షూట్‌తో బిజీగా ఉన్నారు. మే 9న విడుదల కానున్న ఈ సినిమా ఒక కొలిక్కి రాగానే అనిల్‌ రావిపూడితో కలిసి సెట్స్‌కు వెళ్తారు మహేశ్‌బాబు. ఈ సినిమాలో కథానాయిక పాత్ర కోసం సాయిపల్లవి, కత్రినా కైఫ్, రష్మికా మండన్నా పేర్లు వినిపిస్తున్నాయి. అయితే ఈ ముగ్గురిలో రష్మికా మండన్నా రేస్‌లో ముందు వరుసలో ఉన్నారని తెలిసింది. రష్మికానే ఆల్మోస్ట్‌ ఒకే అయ్యారట.
Comments
Please login to add a commentAdd a comment